You Cannot Download this book untill you login but you can read it .

---

Login Register

aikinsa zuwa yanzu matan da sukazo daga different departments suka kawo masa kansu sunkai goma, tsaki yaja cike da jin haushi daga k'arshe tashi yayi yatattare komai yad'auki key d'insa yaficce, saida yafara zuwa masallaci yayi sallar azuhur sannan yawuce gida.


Lokacin da ya isa zarah tana zaune a parlournsu tana kallon wani indian series film, gabad'aya tamaida hankalinta a kallon dan tunda tayi wanka tayi sallah tazauna kallon hannunta apple ne take ci.

Sallamar da yarima yayine yasa tajuyo takallesa cike da mamakin ganin ya dawo ukku batayiba murmushi tasakar masa tare da cewa sannu da zuwa.

Yauwa kawai yace batare da ya bi ta kantaba yawuce yashige bedroom.

Mamakine ya ida kamata ganin yadda daga jiya zuwa yau duk ya canza mata, mik'ewa tayi dakyar tanufi bedroom d'in tana shiga lokacin yarima yana cire kayansa.

Takawa tayi ta isa inda yake, murmushi yarima yasakar mata yace ya dai?

Ajiyar zuciya zarah tasafke tace na d'auka laifi nayi maka.

Kallonta yarima yayi yace mekika gani?
Langwa6e kai zarah tayi tace toh ai naga duk ka canzamin.

Murmushi yayi tare da shafa fuskarta yace kar kidamu baby babu abinda kikayi min ai ke bakya laifi, yanzu dai bari inje inyi wanka kije kijirani kinji?

'Daga kai zarah tayi tare da sakar masa murmushi.

Yauwa baby, yarima yace sannan yawuce yashiga toilet.

Zarah zuwa tayi tafiddo masa kayan da zaisa sannan tazauna tana jiransa yafito.


Koda yafito ita tataimaka masa yashirya sannan suka fito, ita taje tad'ebo musu abinci takawo musu nan yarima yana ci yana lalla6ata itama tana ci,
Bayan sun gama zarah tagumi tazuba tana kallon yarima cike da son mijin nata.

Janye mata tagumin yayi yace kallon fa?

Duk'ar da kanta tayi cike da jin kunya.

janyota yayi jikinsa yakwantar da ita saman cinyarsa tare da zame mata kallabinta yana shafar gashin kanta.

'Dago kai tayi takallesa tana murmushi tace my heartbeat akodayaushe naganmu a tare wani irin farin ciki nakeji a raina, ina k'ara godema Allah da ya mallakamin kai a matsayin miji abun sona.

Murmushi yayi sannan yace zarah banta6a tunanin zan iya son wataba a yanzu dan ko kusa bansa ma raina yin soyayya ba ammah a lokaci guda kinchanza min ra'ayina sai gashi Allah ya dasamin sonki a raina, a yanzu na gama yadda da cewa kece macen da nafara so a rayuwata ina fata Allah yabarmu tare dan kincika macen kirki tabbas su ummi gata sukayi min da suka za6amin ke a matsayin mata.

Tashi zarah tayi zaune tafuskancesa tana murmushi tace nafi kowa farin ciki dan gani nake kamar nafi kowace mace sa'ar miji dan komai na mijina daban yake.

jan hancinta yayi yace kedai kin iya tsokana na lura da ke.

shagwa6e fuska tayi kamar zatayi kuka tace ni fa gaskiya nafad'a dan mijin nawa komai nasa maitsada ne sauk'inma da yanzu nad'an samu sauk'in miskilancinsa,,,tak'arashe maganar tare da kashe masa ido d'aya.

Matsota yayi a jikinsa tare da tura hannuwansa cikin rigarta yace zarah nagama amincewa da ke a rayuwata sannan kuma d'an zaman da mukayi da ke a yanzu nima ina mamakin yadda gabad'aya nafara canzawa, girgiza kai yayi sannan yace bansaniba ko dan na baro gidanmu, murmushi yayi wanda yafi kuka ciwo sannan yace nima kaina ina mamakin hakan.

Zarah fad'awa tayi jikinsa cike da tausayinsa da k'aunarsa tace my heartbeat kakwantar da hankalinka insha Allahu zaka koma cikin family d'inka dan nima ina buk'atar inganka cikinsu.


Yarima batare da ya bata amsaba yalalubo bakinta yakaimata zazzafan kiss sannan yakwantar da kansa saman cinyarta tare da maida idanunsa yalumshe.


Zarah ajiyar zuciya tasafke nan tacigaba da wasa da gashin kansa batare da ta k'ara maganaba dan hakan kawai da yarima yayi ya sa tagane bayason maganar.


______________

Yau ma kamar kullum sumayya da zinat manne suke da juna suna hirarsu dan a 'yan kwanakin da zinat tayi saida tasan yadda tayi tasa sumayya tafara cire yarima a ranta, suna cikin hirar zinat kallon sumayya tayi tace baby inaso kirakani kasuwa daga chan muje gidan wannan friend d'in tawa khausar saboda jibi nakeso inwuce yola.

Shuru sumayya tayi kamar ba zatayi maganaba sai kuma chan tace baby kina ganin za'a barni infita? Kinsan halin abbana ba zai aminceba.

Ta6e baki zinat tayi tace ni fa tsiyata da ke kin cika tsoro fitar da zamu d'anyi kawai mudawo, kuma ai ko a 6oyene sai kifita batare da ya saniba kifad'ama ummah kawai dan gaskiya dole muyi tafiyarnan a tare inkuma ba hakaba ban k'ara zuwa gidannan idan natafi.


Zaro ido sumayya tayi tace baby meyayi zafi haka, indai hakane toh na amince muje ammah gaskiya sai zuwa gobe saboda su abbah yanzu suna nan fada, zansan yadda zanyi inlalla6i ummah ta amince, ammah kikace zaki daina zuwa wajena ai bansan yadda zanyi da rayuwataba da mi zanji da mutuwar aurena ko da rabuwarki da ni?

Rungumota zinat tayi tace kiyi hak'uri baby kema kinsan bana iya rabuwa da ke,
Murmushin jin dad'i sumayya tayi tace nagode sosai baby Allah yabarmin ke.

Ameen babyna, cewar zinat.




Wanshe kare shiryawa sukayi cikin atamfarsu sukayi anko d'inkin riga da skirt kayan sun kamasu sosai, nan sukayi gwanin kyau, sumayya ce tafito tanufi part d'in mahaifiyarta

Zaune tasamu sultana sadiya tana waya dan haka tasamu gefenta tazauna tana jiranta.
Bayan ta gama wayar juyowa tayi takalli d'iyartata cike da so tace sumayya wannan gayu haka sai kuma ina?

Murmushi tayi sannan tace ummana dan Allah taimako guda nakeso kiyimin.

Zubamata ido sultana tayi tace ina jinki.
Gyara zamanta tayi tamarairaice tace ummah kinga zinat gobe takeson tawuce gida shine takeso dan Allah inrakata kasuwa tanaso tayo siyayya.

Ajiyar zuciya tasafke tace sumayya bank'i ta takiba saidai mahaifinki nake ji ma tsoro kinsan halinsa idan har nabari kika fita toh ba keba hatta ni kaina sai raina ya 6aci.

Rik'o hannunta sumayya tayi kamar zatayi kuka tace dan Allah ummah kibarni inje, wlh indai banjeba bazataji dad'iba Indai abbah ne bazan bari muhad'uba kuma yanzu ai sun fita da daddy.

Shuru tayi kamar menazari sannan tace toh shikenan kije ammah dan Allah kar kidad'e sannan kutafi da guards da kuyangi.

Cikin jin dad'i sumayya tarungume ummanta tace nagode sosai ummana insha Allahu bazan dad'eba.

Dariya sultana sadiya tayi tace nidai na fad'a miki.

Mik'ewa tayi itama tana dariya tace karkidamu ummah bazan dad'eba.


Koda tadawo room d'inta zaune tatarar da zinat tana jiranta, ganinta yasa tamik'e tana Murmushi tace baby da alama naga munyi nasara.

Itama Murmushin tayi tace sosai ma, d'auko key d'in motarta tayi tare da d'an k'aramin veil d'inta tace yanzu dai zo mutafi tun kan abbah yadawo.

Cikin sauri suka fito sumayya bata tafi da kowaba kamar yadda sultana sadiya taso,
Motarta suka shiga tayi mata key, dagudu tafita daga masarautar.


Kasuwa suka fara zuwa sukayi shopping sosai duk inda suka ratsa kallonsu ake, sun dad'e a kasuwan sannan bayan sun gama suka wuce gidan k'awar zinat.

Kasancewa khausar tasan da zuwansu sosai ta tarbesu nan suka baje sukaita hirarrakinsu, sumayya jin irin labaran da suke fitowa daga bakin khausar saida ta jinjina kai ganin da aurenta ammah har zina take, abinda ita batayiba kenan saidai shan minti.

Sun dad'e suna hirar nan tamatsa ma zinat tatashi sutafi ammah zinat tak'i, tana kallo yadda khausar take shige ma zinat nan haushi yakamata,
Zinat ita kanta saboda sumayya ne yasa bata biye ma khausar ba dan duk yadda take huld'a da mata toh batayi gaban sumayya dan ta tsani ganin 6acin ranta sannan bataso taga kowa ya ra6eta.

Ganin yadda sumayya tacika tayi fam yasa zinat tace tatashi sutafi, haka khausar tacikasu da sha tara na arzik'i ammah kwata-kwata bata birge sumayya ba dan Indai mace zata ra6i zinat toh tsanarta takeyi.


Koda suka kama hanya gabad'ayansu shuru sukayi, murmushi zinat tayi tare da kallonta tace baby ya dai naga duk kin canza lokaci guda.


uhm dole kiga na canza baby wlh waccan friend d'in taki inbatayi wasaba sai na nakasata dan naga take-takenta nema take tashige miki.

Zaro ido zinat tayi tace kai sumayya yanzu khausar d'in?

Ta6e baki tayi tace koma wacece, nasan kina harkokinki abayan idona wannan bazan damuba tunda ba gabana kikayiba.

ajiyar zuciya zinat tasafke tace sumayya kema kinsan yadda nake jinki a raina bana tunanin akwai wadda nakeso sama da ke.

Kedai ayi sha'ani kawai baby nidai nasan ba kowace jakka zan iya ba kainaba,

Dariya zinat tayi dan tasan kishintane sumayya takeyi.

Daidai lokacin sumayya tayi horn, ganin motarsa yasa masu gadi cikin sauri suka bud'e mata gate dan sunsan halin gimbiyartasu yanzu zatace anyi mata laifi komai girmansu bazai hana tawulak'antasuba.

Koda tayi parking d'in motar nan ma'aikata sukayita zuwa gaiahesu a wulak'ance suke amsawa sannan tasa aka shigar musu da kayansu ciki.

Koda tashiga a parlour tasamu ummah tana ta saffa da marwa hannunta rik'e da waya, ganinsu yasa tayi ajiyar zuciyata tace ku sai yanzu kukaga damar dawowa?

Kallon juna sukayi sukai Murmushi sannan sumayya tace ummah siyayyarce dayawa mukayi.

Uhm kudai kawai kuce kun biya yawonku, ni kun barni nan cikin tashin hankali yanzu inda ace abbanki ya tambayeni mezance masa? Yanzu kuduba kuga yanayin shigarku dukkanku veil k'arami kuka fita da shi, ke sumayya kinsan dai yanayin gidan nan ammah kike komai yadda ranki yakeso

Marairaicewa sumayya tayi tace kiyi hak'uri ummana insha Allahu bazan k'araba.

Toh shikenan kushiga ciki kuhuta bari insa akawo muku abinci.

Toh ummah,,sukace tare da mik'ewa suka shiga bedroom d'in sumayya.

Koda suka shiga zinat kallon sumayya tayi da take shirin cire kaya tace baby yakamata kihuce hakanan daga fushin kinga ni gobe zan bar garin.

Shareta sumayya tayi tad'aura towel tana shirin wucewa toilet nan zinat tasha gabanta tace yau kuma baza'ayi wankan da ni ba?

Cike da jin haushi sumayya tace kije wajen wad'anda sukafini sai kuyi.

Rik'o hannunta zinat tayi tace baby *KIYARDA DA NI* babu wadda tafiki a wajena kekanki shedace dan kinsan hakan.

Murmushi sumayya tayi tace toh shikenan baby yanzu kicire kayan muje muyi wanka.

Cikin jin dad'i zinat tace toh nan suka wuce suka shiga wanka.


Bayan sun fito zinat wucewa tayi tasama d'akin key tazare tanufo inda sumayya take tsaye ta tsareta da ido, murmushi tasakarmata tace baby gobe zamu rabu dan haka kizo kisallameni dan nasan kafin ink'ara zuwa garinnan sai ankwana biyu tunda ke bazuwa kikeyiba.

Murmushi sumayya tayi tace shine harda sa key?
Uhm ina tsoron abinda yafaru yak'ara faruwa dan gabad'aya yarima ya gama tsoratani.


Dariya sumayya tayi tace lokacin fa kinban dariya dan kinma fini rikicewa, gaskiya yarima ba bayaba.

itama dariyar tayi tace wlh yana min k'warjini saisa banaso inzo gidanki idan yana nan.

Ta6e baki sumayya tayi tace baby kidaina tunomin har kinja raina ya fara 6aci.

Janyota zinat tayi tace sorry baby muje infaranta miki ran naki.

Haka suka wuce saman bed suna dariya nan suka shiga faranta ma junansu rai.




Abban sumayya da sultan Ahmad da suke tsaye daga chan waje guda suna hira a gaban idanunsu su sumayya suka dawo.
Cike da jin takaici sultan Abbas yace ma d'an uwansa yaya kaduba kaga wai d'iyar cikinace take sanye da wad'anchan suturar har ma tafita batare da saninaba.

Shi kansa sultan ahmad baiji dad'in yanayin da yaga sumayya ba ammah dan yakwantar ma da d'an uwannasa hankali yace kayi hak'uri kasan fa sumayya yarinyace kuma ko ba ma hakaba yaran yanzu addu'a kawai yakamata mucigaba da yi musu Allah yatsare mana su, insha Allahu da ta samu miji aurar da ita zamuyi tunda shi wanchan shashashan ya yi ma kansa.

Murmushi kawai sultan abbas yayi ba dan ya amince da maganar d'an uwannasaba haka yadaure suka gama hira sannan sukayi sallama kowa yawuce turakarsa.


Sultana sadiya da take zaune a parlour ganin mijin nata tayi kamar anjefosa yanayinsa da tagani saida tagirgiza, cikin 6acin rai yace da izinin wa wacchan yarinyar tafita?

Gaban sultana sadiya saida yafad'i rasa abinda zatace masa tayi.

Tsawa yadaka mata yace ba tambayarki nakeba!!!
rikicewa tayi tace am daman.....katseta yayi yace wlh kikiyayeni inba hakaba zan sassa6a miki, ashe har kwashe-kwashe tayi min cikin gida batare da saninaba daga ganin wacchan yarinyar da suke tare babu alamun tarbiya a tare da ita dan haka bazan d'auki wannan dak'ik'ancinba.

Ahankali cikin rarrashi tace Allah yahuci zuciyanka dan Allah kayi hak'uri.
cikin 6acin rai yace yanzu ina sumayyar take?
Nuni tayi masa da room d'inta tace tana ciki.

Wucewa yayi yanufi part d'in sumayya tura k'ofar yayi ammah yajita a rufe gam da alama key akasanya mata, har zai yi knocking sai kuma yafasa dan haka yawuce yatafi part d'insa.


Sultana sadiya da take zaune taga wucewarsa ajiyar zuciya tasafke tace Allah ya taimakeni, suma k'ila sunganshi saisa suka rufe d'akin.

Tana cikin tunanin kawai sai ganinsa tayi ya fito rik'e da spire key a hannunsa,,,zaro ido tayi tace ranka yadad'e me zakayi haka?
Wata uwar harara da yawatsa mata yasa ba shiri taja da baya.





_Comment_
*nd*
_Share_





_Sis Nerja'art✍🏻_
[5/3, 9:53 PM] Sis Naj Atu: 👑👑👑

_*YARIMA SUHAIL*_

👑👑👑



_*Written By~Sis Nerja'art*_



_*DEDICATED TO MY DAUGHTER ZARAH*_


https://m.facebook.com/Intelligent-Writes-ASSO-294634797868361/

*INTELLIGENT WRITER'S ASSOCIATION ®*
*[onward together]*
*{ we give the readers of ours the best out of the bests,,our inks are melodious and dropping a kinda lights to readers }*
THE PEN OF LOVE 😘 HEART TORCHING ❤ TEARS OF SORROWS 😭 CURDLES 🙂 GIGGLES 😁 AND MARRIEGE THINK💑
*JUST GIVE US FOLLOW....*✔


_*Masoya nagode sosai da addu'o'inku agareni, gaskiya nayi farin ciki da irin kulawar da nasamu da kiran da kuka dinga yimin, ban ta6a tunanin ina da masoya irin hakaba saidai ince Allah yabar k'auna, sis nerja'art tana sonku over*_

❤❤❤


_~Masu tambayata yarima suhail daga farko ta pc, please kuyi hak'uri insha Allahu mun kusa gamawa za'a baku document idan muka gama~_


*PAGE* 6⃣4⃣


K'ok'arin bud'e d'akin yashiga yi, yana bud'ewa mutuwar tsaye yayi lokacin da ya hangosu tsakiyar gado lullu6e cikin blanket, gabansa ne yayi wani irin mummunan fad'uwa ganin abun yake kamar a mafarki murza idanunsa yayi yabud'e yagadai a zahirine nan yafara rafka salati.

Sumayya jin muryar abbanta yasa tadawo hayyacinta nan tarikice tafito daga cikin bargon, cikin sauri yajanye idanunsa daga kallonsu hawaye suna malala daga idanunsa.

Ganin abbanta yasa tasaki wata irin razanannar k'ara tare da rufe duka jikinta da bargon tana kuka cike da tashin hankali.

Zinat ma lek'o kanta tayi daga cikin bargon cike da tsoro da firgita.


Sultan abbas girgiza kansa yacigaba da yi cike da takaici yana salati muryarsa tana rawa yace sumayya kin cuceni kin zalunceni ni a matsayina na mahaifinki ba irin wannan tarbiyar nabakiba Allah yasani, wlh baki isa kisani jin kunya a gaban ubangijinaba.


Cikin sauri sultana sadiya tanufo d'akin dan ta d'auka dukansu yakeyi da tajiyo k'arar sumayya cewa take haba Alhaji dan Allah kayi ha....maganarce talak'afe a bakinta lokacin da ta hango su sumayya a wannan yanayin wata irin k'ara tasaki tare da zama dirshan a k'asa tana wani irin kuka, nuna sumayya tayi da yatsa tace sumayya abinda kikeyi kenan? abinda kika za6ar ma rayuwarki kenan? nashiga ukku ni sa'adiya mekikeso duniya tad'aukeni? K'ara sautin kukanta tayi tace wlh daman tunda naga wannan munafukar k'awartaki hankalina bai kwanta da itaba, kaicona ni sadiya wannan wace irin *K'ADDARA CE* tafad'amin.


Sumayya ko inba kukaba ba abinda take tsanar zinat ce da mummunar rayuwar da tayi takamata a karo nafarko da taji ta yi nadama akan abinda take aikatawa, girgiza kai tashiga yi tace wlh ba laifina bane kuyafe min abba, ummah kiyafemin wlh bazansakeba nadaina daga yau.

Kallon zinat tayi da take k'udundune tana zare ido gabad'aya jikinta rawa yake, cike da tsanarta sumayya tace Allah ya isa zinat kin 6ata min rayuwata wlh na tsaneki na tsaneki.


Sultana sadiya dak'yar tasamu tamik'e cikin kuka tanufi inda sumayya take tace wlh kasheki zanyi sumayya inhuta da wannan bak'in cikin naki.

Sultan Abbas ne yajanyota cikin d'aga murya tace ni kasakeni ina amfanin haihuwar d'iya irin sumayya? Kaduba kaga mugun abinda take aikatawa.


Sultan Abbas share hawayen fuskarsa yayi tare da kallon sumayya yace kinyi farin ciki kin saka iyayenki kuka kin kyauta ni bazan miki komai ba tunda ke babbace ba yarinyaba kinsan daidai ammah ni ban haifi d'iya irinkiba dan haka kije na sallama ma duniya ke, sannan dole memartaba yasan da maganar nan,,,,yana fad'in haka yaja sultana sadiya suka fita daga d'akin.


Sumayya cigaba tayi da kukan tana k'wala ma iyayenta kira ammah ahaka suka fita suka barta, juyowa tayi takalli zinat tace kin cuceni kin 6atamin rayuwa kin kashemin aure munafukar banza 'yar iska wlh dole yau asirinki yatonu dan ba nawa bane kawai yatonu.


Zinat cikin kuka tace sumayya dame kikeso inji da abinda yasameni ko da wulak'ancinki? Ni yanzu bari intashi intafi

'Daga hannu sumayya tayi tasharara mata mari tace babu gidan ubanda zakije dole ne kema kizauna duk abinda za'ayimin kema ayi miki.
Cikin kuka zinat tace wlh baki isaba wannan tsakaninkine da iyayenki ni babu ruwana.

'Daga hannu sumayya tayi tak'ara d'auketa da mari cike da jin haushi zinat tace kam ni kika mara? Nan tad'aga hannu itama tarama sai dambe yakaure a tsakaninsu dukan juna suka shigayi.
Daga k'arshe safkowa akayi daga saman gadon aka cigaba da dambe, duk suka fashe ma juna baki, sumayya samu tayi tayada zinat k'asa tabi tadanne tacigaba da bugunta ta ko'ina, kuka kawai zinat take tanaso takwaci kanta.
Sumayya cikin kuka take cewa wlh baki isaba dole kizauna munafuka, yadda asirina yatonu toh dole kema naki yatonu..tana fad'in haka tatadata taje tajanyo doguwar rigarta tasaka.


Sultan Abbas koda yafito zama yayi saman kujera tare da dafe kansa takaici da bak'in ciki duk sun cikasa, sultana sadiya na a gefensa k'asa zaune tana ta rusa kuka itama cike da takaici da bak'in ciki, gabad'aya akarasa me lallashin wani



Wayarsa ce datafara ruri yajanyo ganin mahaifinsane yasa yayi picking muryarsa tana rawa yai sallama.

Jin yanayin muryarsa saida hankalin memartaba yatashi yace abbas ya najika haka ko bakada lafiya ne?

Ahankali yace a'a ranka yadad'e,
memartaba cewa yayi toh kazo yanzu akwai sak'on da nakeso inbaka zaka kaima governor,
Shuru Sultan Abbas yayi dan baima san abinda memartaba yake cewaba.

Daga chan 6angaren memartaba cewa yayi abbas ko bakada lafiya ne?

Girgiza kai yashigayi kamar yana a gaban memartaba sannan yace ranka yadad'e kagafarceni bansan ya zanyi da rayuwataba wannan wace irin masiface.

memartaba kwata-kwata bai fahimci inda yadosaba yace wai abbas me yake faruwa? sai a lokacin yajiyo sautin kukan sultana sadiya,,,cike da tashin hankali memartaba yace meyake samunku haka? Mutuwa akayi ko me?

Cikin karyayyar zuciya yace ranka yadad'e ko d'aya, kataimaka kazo kaga halin da muke ciki da idanunka.

Toh yanzu dai gamunan zuwa kasaurareni.
Toh kawai yace sannan yakashe wayar.


Sumayya fitowa tayi daga d'akin tana sand'a wuri tasamu daga chan nesa da iyayenta tazauna k'asa cikin kuka tace dan Allah kuyafemin abbah wlh na tuba bazan k'araba.

Wata uwar harara sultan abbas yawurga mata.
Sultana sadiya ko rarrafawa tayi ta isa inda sumayya take tarufeta da duka tace kin cuceni sumayya ban ta6a sanin wannan rayuwar kike aikatawaba wlh sai na kasheki kowa yahuta.



memartaba saida yakira sultan ahmad yace suhad'u gidan abbas sannan yamik'e yakalli dada da tuni ta shirya hankalinta a tashe tana jiransa sutafi, yace muje.

Koda suka fito kusan a tare suka shiga gidan da su sultan ahmad da ummi, suna shiga parlourn ganin sultan abbas sukayi ya dafe kai inda sultana sadiya take dukan sumayya tana kuka.


Dada da ummine sukayi saurin isa wajen suka rik'e sultana sadiya.
Dada tace sadiya menene haka kikeyi sai kin kasheta?
Cikin kuka sultana sadiya tace ranki yadad'e kubarni inkasheta kowa yahuta wlh sumayya batayiba ina ma ace ba jininabace.

Sultana bilkisu ce tayi saurin toshe mata baki tace haba sadiya menene haka kike cewa? Yakamata kidawo hayyacinki.

Gyad'a kai sultana sadiya tayi tace kune zakuga kamar banda hankali ammah ni nasan abinda nake kubarni kawai.

Memartaba da gabad'aya an d'aure masa kai waje yasamu yazauna sannan yace kowa yasamu waje yazauna ayi magana Cikin kwanciyar hankali.

Gabad'ayansu k'asa suka zauna, memartaba da dada ne kawai saman kujera, sumayya ko tana daga chan nesa da su tana kuka.

Kallonsu Memartaba yayi d'aya bayan d'aya sannan yace kun d'aure mana kai dan gabad'ayanku kuka kukeyi ya kamata kufitar da mu bak'in duhunnan da kuka sakamu a ciki

Sultan abbas share hawayen fuskarsa yayi sannan yanuna sumayya yace ranka yadad'e kaduba kaga wai wannan d'iyar cikinace ammah kwata-kwata bata d'auko halinaba ina amfanin haihuwar d'iya irinta me bak'in hali.

Dada zuba masa ido tayi sannan tace kuyi mana bayani yadda zamu fahimceku mana.

Cike da takaici yashiga girgiza kai tare da runtse idanunsa sai chan yabud'e.

memartaba ne yace muna saurarenka.

Muryarsa tana rawa yace ranka yadad'e gatanan wai jininkace take neman mace 'yar uwarta.

Gabad'ayansu cikin rashin fahimta suke kallonsa

Sumayya da take raku6e gefe k'ara sautin kukanta tayi

Dada ce tace kayi mana bayani yadda zamu fahimta.

Nan yakwashe yadda yashiga yaganta da k'awarta yafad'a musu.

Gabad'aya labarin ya girgizasu nan aka fara salallami.

Dada batasan lokacin da tazamo k'asaba daga saman kujerar da take zaune, kallon sumayya tayi tace Allah wadai wlh bakiji dad'in rayuwarkiba ashe hakanan nake ganinki kamar mutuniyar kirki nan ko 'yar banzace,,,tak'arashe maganar tare da fashewa da kuka.

Memartaba idan ransa yayi dubu toh ya 6aci duk sanyin A-C d'in da take d'akin ammah zufa yake, yana kallon sumayya cike da mamaki, sannan yace sumayya abinda kika za6arma kanki kenan abinda ubangiji yaharamta, laifin da Allah ya kife mutunen annabi lud'u saboda shi, kina zuwa islamiyya kin karanta kuma kinsani saidai bakiyi amfani da saninkiba shin mancewa kikayi da fad'ar ubangiji da yace ya halitta mana mata dan musamu nutsuwa daga garesu, haka kuma yahalitta maza dan kuma mata kusamu nutsuwa daga garesu, shin hakan da kikeyi ke kina ganin shine daidai agareki? Rayuwar da ko dabbobi basu irinta, wlh baki gani dabba tana neman jinsinta, Ko kinsan makomarki idan kika koma ma mahaliccinci?


Girgiza kai sumayya tashiga yi cikin kuka har muryarta ta fara dishewa tace kuyafemin wlh na daina zinat itace ta6ata min rayuwa da ace ban amince ma zinat ba a matsayin k'awata da hakan bata kasance da ni ba.

Murmushi memartaba yayi wanda yafi kuka ciwo sannan yace tashi kizo min da k'awartaki

Mik'ewa tayi jiki ba k'wari tanufi bedroom d'inta, tana shiga tatarar da zinat ta had'a komai nata, cike da tsanarta sumayya tace munafuka alguguma babu inda zakije kizo memartaba yana nemanki.


Cike da tsoro zinat tadafe k'irji tace eyeh na'am.
Harara sumayya tawurga mata tace dallah kizo mutafi ko yanzu asa afiddoki.

Ai zinat cikin sauri tawuce tabi bayan sumayya, suna fitowa parlour nan ta ida tsurewa tsaye tayi tana binsu da kallo cike da tsorata.

Sultan ahmad ne yadaka mata tsawa yace bazaki zaunaba?
Cikin sauri tazube k'asa jikinta yana kakkarwa.

Memartaba kallonsu yayi d'aya bayan d'aya yajinjina kai yace toh wanene mijin wacece matar?

Kuka kawai suke aka rasa me amsawa a cikinsu.
Dada ce cikin 6acin rai tace dan ubanku ba tambayarku akeba ko sai ansa dogarawa sun tambayeku?

Sumayya rage sautin kukanta tayi cike da nadama tace wlh duk abinda na aikata zinat ce silah, ita ce silar mutuwar aurena, ita tahanani inyi ma mijina biyayya.

Gabad'ayansu salati suka saka, dada tace kar dai kice min yarima baida laifi acikin sakin da yayi miki.

'Daga kai tayi tace eh baida laifi wlh duk abinda nafad'a muku k'aryane, yarima yana k'ok'arin kyautatamin wannan ce take hure min kunne.


Gabad'ayansu saida maganar Sumayya tarikitasu sultana sadiya cikin kuka tace wlh sumayya banda abinda zance miki saidai ince kije da halinki duniya zata koya miki darasi.

Dada ko mik'ewa tayi tanufi wajen sumayya tahauta da duka tana fad'in sumayya kin cuceni kin rabani da jikana kin had'ani da shi kinsa nad'aura masa karan tsana, bazan barkiba dole kema yau kibar gidannan.

Sultana bilkisuce tazo tajanye sumayya da takasa tashi, cikin muryar kuka tace narok'eki dada kiyi hak'uri kibarta, dada girgiza kai tashiga yi tace ya akeso inyi ina zanga jikana?

Rik'o hannunta sultana bilkisu tayi taje tazaunar da ita tace kiyi hak'uri dada duk inda yarima yakasance yana cikin k'oshin lafiya.

Memartaba da yake binsu da kallo sai a lokacin yayi magana yace kaicona ina ma ace naba yaronnan dama yafad'i ta bakinsa, tabbas 6acin rai baiyiba kamar yadda zartas da hukunci cikin fushi baiyiba.

Sumayya kin zubarmin da k'ima da daraja a cikin masarautata kin rugazamin duk wani farin cikina na rayuwa, kin rabani da jikana da nafi so a rayuwata.

Sumayya tsagaitawa tayi daga kukan da take tace kuyafemin wlh *nayi nadama*

Jinjina kai Memartaba yayi yace sumayya kenan dole ku amsa hukuncin abinda kuka aikata kamar yadda nake zartas ma da sauran al'ummah dan haka zansa ayi muku bulala tamanin tamanin

Murmushi sumayya tayi tace indai har haka zaisa insamu sauk'in abinda na aikata toh na amince.

Sultan Ahmad ne yace ranka