You Cannot Download this book untill you login but you can read it .

---

Login Register

idan nace mishi kinyi aure kullum cikin min yake kice kawarki ta tsayar da hankalinta waje daya tayi Aure"

Ta saki dariya tana "aikuwa dai gori ya Kare an daura min aure"

"Nikam mai zan baki gudunmawa wanan kyalin ma da kike anya angon nan ba Sha zumar amarya ba"

"Toh da ke zai jira"

Na saki dariya tare da mik'ewa dak'yar sabida cikina ya tsufa na Shiga d'aki,dan magangunan da nake siye masu tsada da na jingine a gefe da na daina sha sabida ciki duk na zubasu a leda na bud'e show glass dina da na jera humra da turaren wuta masu balain tsada da aka hadomin daga Maiduguri na d'auko wajen kwalba biyar biyar duk nayi waje na kai mata na ma dai rasa toh mai zan bata.

Ta kuwa washe baki tana min godiya motsin da Nana tayi yasa na d'auketa.

Hira muka yi tayi bata bar gidan ba sai karfe biyar na rakata ta tafi zuciyata fal da farinciki kamar anyi min bushara da gidan Aljanna rabon da na tsinci kaina a cikin irin farin ciki haka har na manta dan tunda yayana ya Shiga tashin hankali nima bana Jin dadin rayuwar amma auren Luba kuwa ya faranta min.

A lokacin da Salis ya dawo ko zama ban bari yayi ba baki a washe nace "Luba kawata tayi Aure"

"Sai naga ya dan zaro ido yana "ya akayi kika san tayi aure"?

"Kai kaji ka da wata magana wlh gidanan tazo dazu nan kasan wlh har ta canza"

Na saki baki na hau bashi labari shi dai ya buga tagumi yana kallona bandai gane maanar kallon da yake min ba"

"Wai dan Allah Abban Ashraf mai yasa baka san kawata ne abin farinciki ya sameta na fada ma ka tsaya kallona"

"Hmm ai wanan kawar taki tsinaniya ce Allah yasa ba ta karfin tuwo ta samo mijin ba"

"Innalillahi haba Abban Ashraf mai yayi zafi haka zaka tsine mata idan bazaka ce Allah ya Sanya alheri ba aikuwa bai dace ka tsine mata ba"

"Hmmm Allah ya kyauta"

Yace tare da d'aukar Nana da ke kwance akan kujera ya hau min wani tambayar duk dan ya Kau da maganar luba.

A takaice sati uku a tsakani na haifi ummi wanan karon banyi wani taro ba amma duk hidimar da Salis ke yawan yimin yamin sosai dan arziki Kam Kara ninkuwa yake inda nafi yarda da sabida Salis nada kyauta da sadaka yasa yake ganin budi,dan ko iya dangina ma Allah kadai yasan hidimar da yake yi dasu ba karamin daga min daraja yayi a wajen dangina ba duk Inda naje sai an fada min abin alherin da yayi.

Luba kam tana Abuja a ta waya na sanar mata na haihu tace min bazata zo ba zata min aike.

Ta kuwa aiko min da kayan jarirai inda na yanke a raina.insha Allahu idan nayi arbain zanje Abuja gidanta tunda anan Salis ke yawan zuwa aiki sati biyu ko uku idan ya tashi tafiya sai na bishi.

Sai dai Koda nayi arbain din na tuntube shi da maganar ya had'e rai akan bazanje ba shi Yama rabani da ita tunda Allah yayi ba'a garin take Aure ba.

Nidai bansan mai yasa yake haka ba.

A haka rayuwa ta ringa tafar mana rungume da yarana da Nana da nake Jin kaunarta na daban a zuciyata lokaci lokaci nakan je bauchi dan na duba muhasim.

Abinda ya fara dan damuna bai wuce zaman da Salis baya yi sosai ba yanzu bashida lokacin kansa sosai kullum Yana tafe hanyar abuja idan yaje sai ya kusa sati biyu ko uku kafin ya dawo.

Ni Kuma a wanan lokacin bansan dalili ba sai naji Ina matukar bukatar shi a kusa dani,yawan tafiye tafiyen sai ya fara damuna, amma tunda nema ne ba yanda zanyi,idan yayi tafiya zai dawo haka zan ta Shirin tarbarsa Ina murna girki kuwa haka zanyi kala kala Ina dokin ganinsa ba iya ni kadai ba har da yarana.


Idan ya dawo kuwa a gajiye tikis sai an samu kwana biyu ma wani Abu ke shiga tsakaninmu dan bacci kawai yake shara idan ya dawo.

Ko ya dawon ma bazai wuce sati ba zai Kara komawa sai an samu sati biyu ko uku kafin ya dawo nidai hakuri kawai na koma yi.

Har maganar nayiwa luba ta ringa min dariya wai ko dai jarraba na karo ai ko shekara zaiyi bai dace na wani damu ba.


A haka dai rayuwa ta ringa tafiya na ringa kula da Nana da ummi da nake ma jinsu Kamar Yan biyu.

Wata rana Alhmis da yayi daidai da auren Luba ya shekara daya ta kirani akan ta haihu.

Na ringa murna Ina alwashin zanje mata tunda Yara suna hutu zan Kai su gidan Aunty mamy idan naje ma na samu lokaci da Salis dan har ga Allah sai naji Ina sha'awar zuwa Abujan dan ban tab'a zuwa ba zan so zuwa har ga Allah a ta waya na Kira Salis da naji muryarsa Kamar Mara lafiya cikin doki nace masa Luba ta haihu dan Allah ya min izini zanzo Abuja inyaso sai na sauka a gidansa bayan suna sai na dawo cikin Yar murya na nuna Masa inama kwadayin san naga ya garin Abujan yake.

Budar bakinsa sai yace min bazani ba shi nan da kwana biyu ma zai dawo na tanade shi ya katse wayar.

Na sake kiransa yak'i d'auka


Wlh har da kukana dan bansan mai yasa bayaso naje wajen Luba ba abinda ma ba gidan Luba zan sauka ba a wajensa zan sauka astagfurullah a ranar har auna masa zagi nayi a raina Koda Luba ta Kira cikin kuka na fada mata ya hanani zuwa ta saka dariya tana ai bazai so nazo ba Kar nayi mamaki akwai abinda yake b'oyemin wayasani ma ko akwai wacce yake da ita a abujan shiyasa ya hana ni zuwa

Wlh sai naji kirjina yamin nauyi kamar ta kwada min katon dutse a ka ban tab'a zargin mijina ba nasan Salis ko.ina ne zan. Iya Masa shaida.

Sai dai me sai naji maganganunta sunyi balain tasiri a raina dan tabbas da yana da gaskiya bazai tab'a hanani zuwa ba tunda a baya shine me cewa zai ringa tafiya dani idan Yara sunyi hutu.

A ranar Sam ban runtsa ba sai naji dama nasan wajen da yake da naje.

Kwana biyu na matsawa kaina da tunanin na Kuma yarda ya ajiye mace a gidan da yake tunda har ya hanani zuwa.

A irin haka muka yi waya da Luba nace dama nasan wajen da yake Abuja wlh da sai dai ya gani Ina Jin maganarta da kamshin gaskiya ta saki dariya tana baki dai yi niyya ba idan har kinaso ki kamashi ki taho zan bincika asibitin da yake aiki bazaa rasa sanin Inda yake zaune ba.

Ai sai naji ba mai kaunata kamar luba sai naji dama yamma batayi ba da na shirya a yau na tafi.

Sai na barwa washegari karfe takwas na dau hanyar Abuja dan ta turomin address din gidanta.

Akan tunda ranar suna akeyi bayan taron zamu nutsu mu nemo gidan Salis.

Tafiyar awa biyar dai sai gani a garin Abuja da na Kira Luba tace na samu taxi na bawa driver ta gaya masa unguwar da zai kawoni.

Ban Sha wahalar samun taxi ba na hadashi da Luba da nake ta Jin hayaniya a gidanta bansan dai yanda Suka yi ba yaja taxi din muka tafi nidai kalle kalle kawai nake sai na tsinci kaina cikin mugun faduwar gaba da bansan mai ya hadasa min shi ba sai na danganta hakan da satar fitar da nayi ne.

Tafiyar minti Ashirin muka iso wani hadadden gida bashida girma sosai amma ya had'u kafin na sauka na bawa taxi kudinsa na janyo karamin akwatina Ina karewa gidan kallo.

Sai na fara k'ok'arin zuge Jakata dan na Kira Luba dan na tabbatar da a gidan aka saukeni.

Muryar da naji yasani dago da kaina da sauri kirjina Kamar ya fado....




MG'S SKINCARE


Dame akafiki yar uwata?
Kyan fatar ko iya gyaran fatar?
Ina riba g macenda t Maida kanta sauran mata?
Shin haryenzu labarinmu kikeji ko kike bayarwa?
Hajiyata miye matsalar?
Fatar takice abun se lahaula?
Kingwada kingwada harkinsare?
Tsakanida Allah yaushe daren yayi balle wayewar garin?

Inbakida labarin MG'S wacce tasanki tasansu,
Gawurtaccen Kuma shahararren kamfanin gyaran fatane,duk lalacewar jiki,duk hautsinewar fata,duk yenda jikinki yazama abun kunya gareki, Ina tallata maki me gabadaya,

Muntarkato,munwarwaro,munqullo duk wani Abu daze maidaki wanke hannu kataba mun qara a cikin kayayyakinmu,muncire,muntsife,munfidda,mun tantance mun hadamaku wasu irin hadaddun lafiyayyun kaya masu masifar goge fata,wallahi duk fitinar fatarki inshallah,kinzo bustop,kisiya kiyikyanda ko mace,kan juyo ta waiwayo ta dubi halittar Allah,

Ga product din kamar hka,
Sabulu 4500

Mg's beauty kit
Karamin kit 12k
Body soap
Facial soap
Body cream
Face cream
Glow oil
Pink lip balm

Flawless skin beauty kit
Babban kit 20k
Body soap
Facial soap
Body cream
Face cream
Scrub
Glow oil
Pink lip balm

Note kowanne d kalanshi nd yanayin packaging dinma aren't the same,

Tsakanida Allah kigafa
Duk wannan garabasar Kuma kinazaune hba taso a dama dake a harkar yar uwata,

Ayi hakuri da sauyin farashi komi yatashine muma b hka mukasoba
Chat:08062991549,07046881166,07067210195,
Call,+2348064532391*NI DA KISHIYOYINA*

*NA SADNAF*

*E.W.F*


*PAID BOOK*



*Page 7*


Salis ne rungume da farin showel da wasu maza biyu suna "Allah dai ya raya mana Bintu"


Sai a lokacin ya gani nidai lissafi ya kunce min dan bansani ba ko gidansa luba ta saka aka kawoni ba gidanta ba jikina rawa kawai yake dan Luba bata kyauta min ba.

Shi kuwa sallati ya saki da k'arfi Yana "Aishaaaa"

Sai naga yaja da baya a tsorace hannunsa dai rungume da farin showel

Nidai a tsayen da nake wlh banda rawa ba abinda jikina yake Kuma na kasa tunani ko na hasaso mai ke faruwa kamar dai an dasani haka na tsaya ban motsa ba.

Ganin ya koma ciki da balain gudu yasa mamaki kasheni mai ke faruwa ne?

Sai na tsinci kaina da sallati Ina tunanin dai gidansa luba tasa aka kawoni Kuma da kamshin gaskiya kenan Yana tare da wata sai kirjina ya buga da na tuna maganar maza biyun da na gansu dashi suna Allah ya raya musu Bintu"

Ai bansan lokacin da nima na fada cikin gidan aguje ba kirjina na balain faduwa ba dai dagaske Salis yana tare da wata macen ba.

Koda na Shiga gidan canopy naga guda biyu an saka a tsakar gidan Mata da maza a azazaune a fararen kujera da alama dai taro ake.

Sai dube dube nake banga Salis ba.

Sai na doshi cikin gidan a daidai lokacin da wata naga tana k'ok'arin fitowa nayi saurin tareta murya na rawa nace "Baiwar Allah dan Allah waye mai gidanan nazo ne bansani ba ko b'atan hanya nayi"

"Gidan Dr Salis ne ai yau ake sunan Yar sa ko sunan Kika zo ai ki Shiga suna ciki shi da matarsa"

Sai naji numfashina Yana k'ok'arin d'aukewa maganganunta na maimaituwa a kunne na nidai nasan Dr Salis ake ce mishi idan ba ciwon kunne nake ba kamar cemin tayi yau ake suna matarsa ta haihu ?dama Yana da wata matar ne bayan ni? jikina rawar da yake yasa na kasa motsawa sai sallati nake wlh k'ok'awa ma nake da numfashina.

Nafi karfin minti biyar a haka bansan ma Ashe wayata bata hannuna ba Ashe luba da gaske take akwai abinda Salis yake b'oye min shi yasa yak'i barina nazo innalillahi wa Inna ilaihi rajiun.

A hankali na taka dan matatakalar na shiga ciki dan madaidaicin Palo ne sai tsirarun mutane da suke cin abinci idona ya sauka akan kanin luba Nura dake ta loma abinci muryar yayar luba ya doki dodon kunnena "Aa Aisha sai yanzu kika iso"?

Ban iya magana ba sai ido da na zuba mata dan a yanzu Kuma kwakwalwata ta tsayar da aiki inaso nagane wani abu kannen Luba a gidan Dr Salis mai hakan ke nufi mai take nufi da sai a yanzu nazo"

Kallon da nake mata batare da ko kiftawa ba yasa ta ajiye plate din hannunta.

Ta nufo wajena tana "Aisha lafiya kuwa"?

A daidai lokacin da naji muryar Luba kirjina yayi wani irin bugawa na waiga da sauri.

Masifa kawai take tana "Idan bata sani ba yanzu yaushe kake so tasani, salon ka Fadi ka mutu aki yarda cewar na haihu da Kai na gaji da kumbiya kumbiya gwara kawai ta sani a wuce wajen"

Sanye take da shadda ruwan toka ya sha aiki har kasa Ina da irin shaddar har kalar dinkin bambancin nawa yafi nata turuwa ta sha kunshi kina ganinta Kinga mai jego had'a idon da muka yi da ita bai sa ta tsayar da maganar da take ba har sai da ta idda ta Kuma had'e rai tana "Aisha kin karaso"?


Ban bata amsa ba na cigaba da kallonta inaso kwakwalwata ta bani hadin kai na gane mai Luba takeyi a gidan Salisu mijina ita da Yan uwanta.

"Luba lafiya kuwa ya naga Aisha a hargitse haka Ina salisun yake"?

Cewar yayarta ita kuwa tace mata "Yana d'aki yanzu zamu shiga ciki ai"

Aisha kizo mu Shiga daga ciki

Ta juya tare da komawa d'akin da ta fito.

Sai na tsinci kaina da bin bayanta zuwa lokacin nan wlh numfashi jansa nake da k'arfi kaina ma juyamin yake sai inaso nayi tunanin Wai Luba ce matar salis sai na janye tunanin Ina hararo fuskar wata a matsayin matar da Salis ya aura a boye kila matarsa kawar Luba ce shiyasa na gansu a gidan.

Ina tura k'ofar naga salis ya kifa kansa a jikin gado ga jaririya a shimfide a Kan gado Luba Kuma tana jingine da wadrobe din d'akin.

"Salisu"

Na kirashi Kamar an fusgo maganar daga bakina a yanzu tunanina ya bani abinda ke faruwa luba kawata aminiya ta itace Salis ya Aura

"Innalillahi wa Inna ilaihi rajiun innalillahi wa Inna ilaihi rajiun Aisha kiyi hakuri kiyi hakuri innalillahi wa Inna ilaihi rajiun Aisha bazan iya dago da kaina na kalleki ba wlh ba a san raina haka ta kasance ba Allah ya hukunta sai na auri Luba tunda ga rabon ya mace a tsakaninmu wlh ba cin amanarki nayi ba innalillahi wa Inna ilaihi rajiun"

"Mtssss Wai kai mai hakane ya kake Abu kamar mace auren da muka yi haramune mtsss wlh karka sake cewa baa san ranka ka aureni ba da san ranka sarai ma dan da baka sona bazaka kwanta dani har na haihu ba,da baka sona bazaka kawoni Abuja wajen da kake aiki sabida ma Kar na nisance ka"

Ta juyo ta kalleni tana "Kawata Salisu shekara daya kenan da aka daura mana aure dashi bisa yarjajeniyar bazaki tab'a sanin ya aureni ba wai nan gaba zai fada miki ya zabi ya ajiyeni anan sabida wai karki tab'a sanin munyi Aure ya Kuma zabi aurena ne sabida kawancenmu ya Kara k'arfi domin kina kaunata Ina kaunarki cigabanki cigabana ne Yana da kyau Kuma kaso wa dan uwanka abinda kaso wa kanka nasan islamiyya daya muka yi kinsan haka dan na auri Salis ba haramun bane ba Kuma haka zai saka Wai kawancen mu ya ragu ba a ganina hakan zai saka mu hade kanmu dake muci arziki tare ba wani abu bane ba auren Salis da nayi bai zai rage ki da komai ba tunda bai rage kaunarki ba wani abu bai ragu a jikinsa ba,ni a ganina boye mikin da yake shine munafirci amma ni ko lokacin da muka tsayar da magana wlh naso na fada miki ya hanani ko ranar da nazo dinan Kika ringa cewa kamar amarya nake ba karya kikayi ba kwana uku da daura mana auren ko zuwan da nayi wlh nayi niyyar fada miki sai Kuma na fasa dan ya rokeni sosai akan bayaso kisani,ni sai nake ganin da ya gaya miki sanin da na miki wlh bazaki hana ba dan naga kina balain san nayi Aure duk Yan gidanmu sun d'auka da yardarki akayi auren shiyasa kikaji Aunty Walee na tambayata lafiya kuwa kinsan baa nan take aure ba.

Nidai abu daya danasani boye miki da yayi bai kyauta ba abin na ta damuna taya zaace a boye miki kinsan bana boye miki komai shiyasa na yanke fada Miki wlh sabida halin rayuwa baa san gawan fari ba yazo ya Fadi ya mutu ke bakisan da auren ba Yan uwansa basu sani ba azo rabon gado ace baa san zance ba wlh shiyasa na fada miki dafatan hakan bazai saka wai mu yanke kawancen mu ba kawai mu rungume mijinmu mu faranta masa"

"Luba baki kyauta min ba baki min adalci ba Luba da ace nasan abinda zakimin kenan wlh da bansoma yarda da aurenki ba yanzu da wane ido kikeso na kalli Aisha wane bayani zan mata ta gane Aisha fa kawarki ce karki manta"

"Ikon Allah wai haramune auren nawa ka isa ka aureni ne idan ni din ba matarka bace wlh bana Jin dadin abinan da kake yi kamar kana tsoron Aisha magana ce fa ta fatar baki kayi abu kamar namiji Mana idan bamuyi aure ba Ina zaka Kai rabon dake tsakanin mu zata hana abinda Allah ya hallata ne kaga mallam nidai ka zaunar da ita ka kara.mata bayani kai ya Kamata kayi mata magana ka barni da mata magana Haramun muka aikata kake ta sallati naga dai sai da ka bada sadaki aka daura mana aure kamin lefe ka aureni da daraja to na me a yanzu zaka ringa kame kame agabanta mtssss nidai na baku waje kuyi magana bari na sa a kawo mata abinci.

Ta nufo wajen k'ofa ta karkata ta wuce dan a bakin k'ofar na daskare a tsaye kallon Salis kawai nake Yana ganin ta fita yayi sauri ya juya bayansa duk da duk abinan bai dago mun hada Ido ba sai sallati da yake Yana Aisha kiyi hakuri dan Allah nasan ban kyauta ba dan Allah kiyi hakuri"

Zuciyata wani irin kunna take na kasa gasgata wai Salis da ya balain tsanar Luba shine yau a matsayin mijinta wai har ya mata ciki ta haihu ashe duk tsawon lokacin nan ninkeni baibai suka yi soyayya sukeyi a gaban idona yake nuna Mata kiyayya kawata aminiyata da ba abinda bata sani akaina ba itace Salis ya Aura a matsayin kishiyata,ashe dadewar da Salis yake yi a Abuja sabida auren Luba da yayine yana nan da kawata Yana Shan soyayya sai ya mata sati biyu uku ya dawo wajena na tafi kunshi nayi ado nayita girke girke Ina murnar tarbar mijina Ina tunanin yanda nake dokin kasancewa dashi haka yake dokin kasancewa dani sabida an dade baa hadu ba,idan ya iso kuwa jikina yayi ta rawa kawo wanan d'auko wancan ni ga mijina ya dawo sai dare yayi yace min a gajiye yake likis cikin tausayi zan raba dare Ina masa tausa dan nasan duk sabida nida yarana yake Neman kudi ashe baccin gajiya da kawata ta tara masa yake, sabida kaunarta da yake ya kai ta abuja sabida ma Kar tayi nisa dashi.

Na d'auke kallona daga kan shi na maida Kan jaririya Wai Salisu ne yayi wa Luba kawata ciki,na runtse idona hawaye na gudu a fuskata kirjina kuwa kamar ya fado Ina Jin numfashi na min wahalar shak'a,na runtse idona dana tuna lodin magungunan da na bata da Sunan ta jiyar da mijinta dadi har tana cemin a waya mijinta ya isheta da jarraba sabida kyan maganin ko aiki yaje sai ya dawo yayi, Ashe Salisu ne ya isheta da jarraba Ashe Salisu take bani labarin yanda yake santa kamar ya hadiyeta har Ina Jin na raina san da nawa mijin yake min.

A daidai lokacin da Luba ta dawo d'akin da farantin abinci ta ajiye a gabana tana "baki gaji da tsayuwa bane ki zauna mana nan ma fa gidanki ne kin kwaso gajiya kici abinci sai ki watsa ruwa kizo kiga diyar taki.

Sai Kuma ta sunkuya ta d'auki abincin da bansan wane kala bane dan wlh a yanzu tsananin mamakin Luba Kuma nake tana ta abu Kamar irin ba komai dinan ta nufo gabana dashi tana "kawata wai me haka dan Allah"

Har lokacin hawaye kawai ke zubomin kalmar kawata da tace yasa na Kara Jin kirjina yayi nauyi kawata Luba dai itace yanzu matar salis har suka haihu tare magangaunta suka Kara dawo min "wlh karka sake cewa baa san ranka ka aureni ba da san ranka sarai ma,dan da baka sona da bazaka kwanta dani har na haihu ba sai na runtse idona tare da cije lebbena da baka sona bazaka kawoni Abuja wajen da kake aiki sabida Kar na nisance ka ba"

Sai naji hannunta saman hannuna "zoki ci abinci nidai matan abokanan Salis suna ta jirana Kinga ba dadi na barsu su kadai"

Sai na fusge hannuna daga nata hawaye sai gudu yake a fuskata na ma rasa Mai zance mata na bud'e bakina da kyar Ina "Luba mai na miki dana cancanci irin wanan cin amanar daga wajenki Luba duk mazan duniyar nan ki rasa Wanda zaki aura sai Salis mijina Luba"? Idan shi baiji kunya ba bai san ana barin halak dan kunya ba ke Sai ki biyeshi ki aureshi kina matsayin kawata aminiyata Luba ki auri mijina shekara guda batare da nasani ba"?

Duk maganar da nake hawaye kawai nake muryata na rawa

Sai ta turo dankwalinta gaban goshinta tana "Tambaya daya zan miki ki bani amsa, Haramun ne dan kawa ta auri mijin kawarta?idan har Kika kawo min Inda aka haramta auren mijin kawa ni Kuma na Miki alkawari Zan saka ya sakeni Aisha dama haka kike ke yanzu wani abune dan mijinki ya aureni"?

Bansan ya akayi ba na ciri hannu na d'auketa da mugun mari kafin ta dawo daidai na kara d'auketa da wani marin kafin na sauke hannuna naji tayi sama dani ta makani da kasa a daidai lokacin da naji duhu na neman rufemin ido numfashina na k'ok'arin d'aukewa naji sallatin Salis sama sama ban Kara sanin Inda kaina yake ba.

Sai bud'e ido nayi na gani a gadon asibiti da Karin ruwa a hannuna sai da na dau tsawon mintuna kafin na tuna abinda ya faru na maida idona na rufe Ina Jin bugun kirjina da kuguna dake min ciwo inaga bugani da kasa da Luba tayi ya haddasa min ciwon.

"Sannu Aisha kin farka"?
Naji muryar Salis a kaina banasan ganinsa haka yasa ban bud'e idona ba"

Ina jinsa ya zauna a gefen gadon murya na rawa ya hau magana "dan Allah dan Annabi kiyi hakuri Aisha wlh nasan ban kyauta ba amma wlh tallahi bana kaunar Luba kaddara ce tasa mu kayi aure wlh baa san raina ba kwanciyar da take magana wlh magani ta saka min a lemo wlh wlh bana kaunarta kinsan bazan tab'a cin amanarki ba,wlh tunda na aureki ban tab'a kallon wata mace naji Ina santa ba bayan ke wlh matsayinki daban yake a zuciyata ki yarda dani matata kar ki bari shaidan ya rabamu wlh burin Luba taga mun rabu dan Allah kiyi hakuri na yarda ki min kowane irin hukunci.

Wlh kamar feshin wuta haka nake Jin maganganunsa a kunnena daga lokacin da na saka kafa a d'akin na hangosa a d'akin na tabbatar da zargina naji sansa na ficewa daga zuciyata tsananin tsanarsa na mamaye min zuciya babban burina yanzu nagani a gidan yayana dan wlh na gama auren Salisu.

Ban tabbatar da muryata zata fita ya jini ba nace "Allah ya isa tsakanina da Kai Salisu wlh har duniya ta nade bazan yafe maka ba duk matan duniya ka rasa wacce zaka Aura sai Luba da kasan kawata ce Aminiyata ySalisu ka aureta ka b'oye min har tsawon shekara guda ka daukota ka kawota Abuja baka Santa kayi mata ciki ta haihu kayi taro tare da gayyatar abokanan aikinka da matansu,ashe Sabida ita ne baka zuwa wajena sai ka shafe sati biyu ko uku baka zo ba,na maka maganarta ka zageta Salisu kawata fa wanan wane irin cin Amana ne Wlh bazan yafe ma ba"

Na fashe da wani irin kuka zuciyata na min k'unna

Hakuri ya cigaba da bani ko muryarsa banaso naji na saki ihu akan ya fita banaso na gansa.

Ina jinsa ya tashi.

Rashin kwarin jiki yasa ban fusge ruwan daga hannuna ba dan burina yanzu naga na bar garin.

A takaice washegari wani likita yazo dubani Ina kallon Salis a rabe a jikin kofa.

Tun jiya wlh hawaye bai tsaya min ba idan na tuna irin cin amanar da Salis da luba suka min.

Koda likita ya gama dube dubensa naga ya cire min robar ruwan da Ina tunanin na Sha ya kai biyar mik'ewa nayi zaune cikin muryata da bata fita sosai nace "Likita ka sallameni tafiya zanyi"

"Hajiya ai