You Cannot Download this book untill you login but you can read it .

---

Login Register

su Tunga a ƙofar goje,bansan lokacin dasuka tafiba har bacci ya ɗaukeni. Ko a nan suka kwana ma oho.
Yanzu dayake ni kaɗai ce a ƙofar innan kaman kullum bayan nayi sallahr asuba komawa bacci nayi,bani na tashi ba saida safiya tayi.
Kuɗin koko nah na miƙa ta katanga maƙwantanmu yaranta suka miƙomin,bayan na shanye na haɗa kayan wanke wanke nayi. Yau dawuri nagama ba kaman koda yaushe ba,mai yafaru gaji basa 'bata kwanuka da yawa ba yau?.
Bayan nagama vanyi shara ba,saboda gidan bayyi dattiba shima kaman koyaushe,sai a sannan na tuna ashe ƴaƴan ta basu kwana jiya gidan ba,suna can gidan kakaninsu.
Har na zauna goje ya faɗomin a rai,koya fita ko yana nan oho.
Tashi nayi a hankali na nufi Ƙofar tasa,zuciyata ta kasu kashi biyu,ɗaya nacewa kar naje,yayinda ɗaya kuma take cewa na kawar da tsoro na naje na duba.
Shurun danaji ne yasaka na kula babu mutum a ƙofar ya kulle ma da makulli. Saidai kaman yanda Tunga yafaɗa kam anyi taro,dan wajen kaca kaca yake kaman kasuwa.
Kalle kalle na fara a ƙofar,banma san haka take ba sai yanzu,ba laifi tanada ɗan girma..
Banɗakin na tura shi a buɗe yake,saida na razana dan yadda yahaɗa uban datti na ganyen bishiyar dayake zubowa a maƙwantai.ga kuma kaya daya jibga a cikin banɗakin na wanki.
Komawa ɗakin inna nayi na ɗauko tsintsiyah,na yanke hukuncin share wajen,koma mai zayyimin saidai yayi,wahala bata kisa indai ba kashenin kuma zayyi ba.
Tsakar ƙofar na fara tattarewa dattin na share,kana na koma kan banɗakin. Kayan daya tara himmm a na ɗebe,har ƙwari sunyi gida a ƙasansu saboda daɗewa da sukayi a wajen.
Banyan shima na gama shareshi kayan na ɗebo na fito dasu zuwa ƙofar inna.
Dama inada sauran sabulun da inna tabarmin dashi na wanke kayan tass,nasha wahala kam kafin su fitah,saboda dauɗar da sukayi ba kaɗan bace.
Bayan nagama shanya su nan da nan suka bushe,da sauri kuwa na ɗebe su na naɗe. A bakin ƙofar ɗakinsa na ajiyesu na dawo da sauri saboda kar yazo ya taradda ni a wajen.
Daga ƙofar tasa bayan na fito wajen gaji na shiga na ɗora mata girkin rana,dan indai tace zata bani abinci kaman na jiya bazai isheni ba.
Kaman kurame tsakanina da itah haka muka gama girkin,ta zubamin nawa na ɗauka na dawo.
Bayan naci nayi wanka na nai bacci,gidan shuru babu wanda zanyi magana dashi,nayi kewar inna sosai.
Da daddare har na rufe ƙofah naji ana bubbugawa,ban buɗeba sai nace wanene?.
Shuru naji babu amsa,har gaba ya buga,can kuma sai naji kamar muryar Atika tana nishi.
Buɗe ƙofar nayi na sameta a tsugunne a bakin ƙofar tana riƙeda ciki,sai fidda wani numfashi take na wahala.
"Atika lafiya mai yafaru naganki a nan da darennan?"
"Ni in zaki matsamin na shige ki matsamin,wayyo cikina sai tsage wayyo na shiga uku,Sageer ya cuceni yagama dani"
Matsawa gefen nayi kaman hoto na bata waje ta wuce,duk yadda akayi akwai wata a ƙasa,kuma da alama batason gaji ta sani.
Bayan na bita zuwa ɗakin gani nayi ta ciro tsumma a ƙasanta ta ajiye,duk ya baci da jini,jikinta sai rawa yake amma dan dauriyar zuciya haka ta gyara jikinta a daren,zanin inna ta ɗauka da ta saka kafin ta dawo ɗakin.
Nidai har sannan ina zaune kaina yayi murfi da wannan lamari,yau mai nake gani haka a kan idona ni Sumaimah.
Gadon da nake kwana lokacin da inna tana nan ta nufah zata kwanta,bayan ta ciro wani magani a jakarta tasha. Kasa jurewa nayi hakan yasa nayi magana,ko bazata kulani ba saina tambaya..
"Atika menene haka yake faruwa,kaddai......"
"Ehh shine,abinda kike tunani ba shiɗinne dai wato ciki. Ciki na zubar saboda banaso gaji tasani shiyasa ka na shigo nan,ko zaki faɗamata kai?"
Maganar tata ta dakeni sosai,wai anya kuwa tasan girman laifin data aikata kuwa,har take da bakin wannnan ƙwarin gwiwar?. Nida bani na aikata ba har yanzu jikina rawa yakeyi,wai wannan wane irin zamani ne Allah ya kawo mu ne haka,ace irin wannan babban laifi yazama ruwan dare kowa yi yake?
Cikin sassanyar murya ta jan hankali na fara yi mata magana.
"Atika kinsan irin tarin girman laifin da kika aikata kuwa,kinsan shin wane muni ne dashi dakuma matsayinsa a musulunci harda mahaliccinki. Sannan kinsan irin wuƙar da kika ɗauka kike da'bawa kanki saboda wannan halayyar. Inda kinsan me waɗannan abubuwan suke nufi da bazaki aikata abinda kike ba,koda kuwa anyi yunƙurin tursasaki ne,amma kuma wai da saninki kike aikatawa,kisa fah kikayi atika naran da bai yiwa Allah komai ba. Abinda Allah maɗaukakin sarki yace.
”daka ɗauki ran bawansa wanda ya kasance bai aikata komai ba ko mumini,gwanda ka yaye sama da ƙasa idan har zaka iyah”
"Amma ke kin aikata hakan hankalinki kwance kinzo nan wai kin 'boyewa gaji kada ta ganki saboda kina tsoronta ita ta haifeki,shikuma wanda ya halicceki a gabansa kikayi komai batareda kina tsoron yana ganinki ba. Kuma a hakan ace za'a ga daidai a rayuwa?"
Tunda nafara maganar shuru kakeji bata ce komai ba,sai can naji alamar sheshshekar kukanta.. Shin magana ta ce tasakata kuka ko kuma ciwo takeji oho.
"Hmmm Sumaimah kenan,a zatonki ni banajin zafin rayuwar dana tsinci kaina naganni a ciki.Ni bazanyi aure ba,banga wata fa'ida da yinsa ba,indai aure irinna iyayenmu ne gwanda banyi ba. Mace na buƙatar namiji da kuma kayan more rayuwa,wannan yake kaini wajen maza"
"To idan kuwa hakane yake kaiki wajensu akwai fa'idar yin aure kenan,tunda abinda kika lissafo suma suna cikin aure,sannan batun bazakiyi aure ba saboda kinga rayuwar iyayenki hakan ba hujja bace dazata baki lasisin yin zina da kuma kashe rai Atika"
Zuwa yanzu raina ya baci da furucinnata,wannan wane irin son raine mu mutane muke da shine.
"Kinga Sumaimah dan na barki kinyi wannan maganganun kuma kinga sunyi tasiri akaina bashine zai baki damar faɗamin maganganu ba,rayuwa tawa ce,nikeda ikon yin abinda naga dama da itah. Banga abinda zaisa nabar ciki a jikina kam na haifeshi na shege,saidai in narasa yanda zanyi,ai hausawa suna cewa da kunyar duniya gwanda ta lahira"
"Allah koh,zamuga in muka je ko hausawan zasu ƙwaceki ai,Allah ya shiryeki dami gabaki ɗaya"
Ina gama faɗin hakan na haura gado na kwanta,ita sani ai duniya ce ta ishi kowa riga da zani harda na yafawa ma.
Da asuba tayi ni kaɗai na tashi nayi sallahta,atika nasan ko wannan abun bai faru bama ba sallahr asuba zata tashi ba,inaga kuma ta samu dalili.
Bayan nayi sallahr ban komaba saina cigaba da karatu,ina jinta tana tsuka na dameta,bance mata komai ba ban kuma daina ba har na gama.
Na gama rufe ƙur'anin kenan naji muryar goje a bakin ƙofa,wani daram naji wanda duk sanda nayi arba dashi sai hakan ta faru,ko yaushe zan saba da wannan mutumin oho.
Da sauri na jawo ƙafata na fito wajen,muna haɗa ido dashi na sunkuyar da kaina.
"Keee wacce irin mai kan tumakai ce ke? Tun shigowarki gidannan nace ba ruwanki da shirgina amma bakiji ba koh,wato kilaroro zakiyimin irinna ku na mata,an zugaki kidunga shiga harkata koh?,meyasa kika tabamin kayana dasuke banɗaki,nasan ba inna bace tun da bata nan"
"Kayi haƙuri tunda bakaso hakan bazai sake faruwa ba,naga wajen yayi dattine kayan ma kuma sun daɗe a wajen,shiyasa na gyara saboda na samu ladan yiwa miji aiki"
"Hehehe miji? Tanan kika bullo,saboda kinga gidanmu ɗaya shine har nake magana kina mayar min koh. To tunda miji zaki yiwa aiki kizo sashena na baki aikin miji ki dungayi,ba aikin miji kikeso ba,zaki samu ai akwaishi da yawa"
Yana gama faɗin hakan ya shige ƙofar tasa yana tafiyar isa,jikinnan a murɗe kana ganin hakan ta jikin ɗamammiyar rigarsa.
Nashiga uku ni Sumaimah mai yake nufi da zai bani aikin miji,ni mai yasama na shiga shirginsa ne bayan ya hanani,yanzu gashi na jawowa kaina,ko mai zai faru oho?.
Haka ina ji ina gani na kawar da waɗannan zullumin na nufi sashennasa kaman yadda yace.
Wannan shigar har nafijin tsoro akan shigar danayi jiyah,ga sanyin safiya sai karkarwa nake.
A zaune yake akan wani tsohon bokiti na ƙarfe a tsakiyar filin wajen,duk sanyinnan da ake daga shi sai singlet da three quater na wando.
Wayyo nikam ko maza haka banason ganinsu a irin wannan shigar ballantana wannan mai suffar dodannin..
Jan ƙafafuna nayi har gabansa na tsugunna,gudun kada na tsaya ma na gamu da wani laifin akan wanda nayi.
Ƙaremin kallo yake kaman mage tasaka bera a gaba,saida yayi ya isheshi dan kansa kafin yayi wata ƴar dariya.
"Tunda kin zabi shiga rayuwata,duk da cewar na gargaɗeki to ba komai zan barki ki shiga,da farko dama ina neman sabon yaron dazai dunga kula da saniyar can,tunda gaki tazo gidan sauƙi,zaki dunga ɗebo ruwa a rijiyar ƙofar gida kina min wanki da kuma bawa saniyah kina cikamin zan dunga bar miki makullin ɗakina ki dunga gyarawa,komai yazamo yanda nake sonsa,idan har naga kuskure guda ɗaya daga cikinsu toh ki saurari hukuncinki a matsayinki na wacce takasa cika ayyukan miji"
Yanda kake faɗan mijin kasan abin wasa ma ya maida kalmar,wai harda saniyah zan kulada itah,babu wanda ya fi batamin rai ma kaman ɗiban ruwan,saboda kawai ya tozarta ni bazai iya bawa yara su ɗebo ba saini? Menene laifina dan nayi masa wanki nayi masa shara,ni wanne irin mutum ne haka Allah ya hadani dashine kam.
Allah ka dubeni ka fitar dani daga cikin wannan ƙaulin.



Littafi na ɗaya ne dana biyu kaman yanda na sabayi,na ɗaya bati siddan,na biyu kuma Naira 300 ne dan haka zaka iya biya tun yanzu kafin a shiga kashi na biyu.

3131951977
Auwal Sadiya
First bank

Ko katin mtn ta nan
09035784150

VTU ta nan
2347068390570

Shaida kuma ta nan
09035784150

Ƴan niger ku tuntubi wanann number.
+227 97 21 16 15
----------------------------------------------------

Sadi-sakhan ceh
09035784150
Share please



*SANADIN CACA*


Mallakar SADI-SAKHNA


PROFICIENT WRITER ASSOCIATION



*USERNAMES*
FACEBOOK PAGE:Sadisakhna
WATTPAD:@SAKHNA03
AREWABOOKS:@sadeesakhna
PHONE NO:09035784150
________________________________
*Book 1*
Chp[14]




Har na gama aikina na yau ko yaushe a gidan da safe,Ƙwalƙwalwata ta gagara barin Tunanomin abinda gojen yacemin,tabbas kam yanzu na yarda ba daidai yake da sauran mutane ba,wai a hakan ma yanda nake tunanin zayyi min bai yimin ba.
Na ƙara tabbatarwa bazan taba samun matsugunni a wajensa ba ballantana nayi wani tasiri a cikinta,amma kuma ta wani wajen a zuciyata yana cemin wataƙila tunda har ya yarda na taba kayansa zan iya samun nasara koda watarana ne. Duk da cewar ayyukan daya bani mutum ko ƴar sa ne bazai saka ba ballantana kuma matarsa,koda yake mai yasa hakan zai dameni,nasan dama bazan samu wannan matsayin ba,ga kuma.....
Firgit nayi na dawo daga duniyar tunanin jin an wullomin abu a jikina,ɗaga ido nayi caraf sai a cikin na goje,wanda yake min kallo mai haɗe da harara.
Saurin sauƙe idona nayi,ananne naga ashe makulli ya wullomin,na dakinsa ne kenan,na faɗa a raina.
"Kije kewayen can saniya ta tana ciki,daga yau kulada ita yana hannunki,akwai abincin ta a gefen wajen,sannan ki cikamin randa ta kullum da ruwa,ki gyaramin ɗaki waɗancan yaran sun wargaza shi,amma ki tabbatar komai yana muhallinsa,naga kin iya wanki akwai kayana suma ki wanke su"
"Toh shikenan"
Har yakama hanyar fita waje sai kuma ya dawo,.
"Ko ɗayane ya kuskure vakiyi ba.......saikinyi ɗiban ruwa sau ashirin kina yiwa gidannan ban ruwa,idan kuma ya wuce ɗaya baki cikaba sai na rufeki a ɗaki da su durwa,basai na faɗamiki abinda zasuyi ba kinsan menene"
Yana cikin maganar ne ƴaƴan gaji suka shigo gidan da gudu sun dawo cin ɗumame daga makaranta,gudu suke basu kulada wanda yake gabansu ba,aikuwa suka bangajeshi zasu wuce basuma kulaba.
Har sun kusa isa ƙofarsu ya daka musu tsawa.
"Kaiiii.....dukku ku dawo nan ku zube"
Wata karkarwa suke amma ba bakin magana,su haɗune,ƴar babbar itace mai bin atika,sai kuma ƙannenta biyu maza ɗaya mace,ƙaninta ne gaji take goyo ta yayeshi.
"Dan Allah yayah goje kayi......"
Kallon da yayi matane tayi shuru bata ƙarisa ba.
"Jeki ƙofata ki ɗaukomin bokitin danake zama,dama tunda kuka dawo babu wanda na saita a cikinku koh,ita kanta uwartaku dama na kula ta mantani har maganata take ina jiyota daga ɗakina. Ku fara tsallen ƙwado kuna zagaya gidannan,kuga ƴan iska koh.

Samun waje yayi ya zauna yana kallonsu suna kewaya gidan,banda ihu babu abinda suke,abinka da yara har tausayinsu ya kamani.
Bakiti na ɗauka bayan gama yimasa sharar ɗakin da kuma tsakar wajen,kayan da za'a wanke na zakuɗo a ɗakinnasa masu ɗan banzan datti,duk sun rine ga hamami kaman zan yi amai..
Ta gabansa na wuce na nufi hnayar waje ɗebo ruwan,haka kawai sainaji gidan yamin duhu rana ɗaya,ashe gaji nafila ce akansa. Tunda nazo gidan yaune ya taba kaiwa har zuwa yanzu yana gidan..
Dana kawo bakin ƙofar gidan tsayawa nayi ina kallon wajen,nasan mutane zasuyi ta kallona suna maganganu akai,shiko kunya bayaji ace matarsa zata ɗebo ruwa,ko yara mata basa ɗiban ruwa balle matan aure,hmmm nice ma nake mutunta auren,shi mutumma baya mutuntawa ballantana wani aure a wajensa.
Tafiya nake kaina a ƙasa na nufi wajen ɗiban ruwan,Allah ya taimakeni ma babu nisa daga gidan..
Ban taba tunanin fitata tafarko a gidan ɗiban ruwa zanje ba.
Sau uku nayi randar tasa ta cika,saniyar dayake faɗa itama na kai mata ɗaya,saina sake ɗebo wasu guda biyu na wankin kayansa,nima saina haɗa da nawa ma na wanke..
Duk ɗiban ruwan danake ta gabansa nake wucewa,har sannan izaya yake yiwa yaran gaji bai gama ba,tabb lallai gaji tana tsoron goje,duk abinda yake shiru taƙi yin magana,yanda take da ƴaƴan nan kaman rayuwarta amma tayi shuru?
"Kutashi ku tafi,gobema ku sake tafiyah ta rashin ladabi,kuje ƙofar ku ku ƙiramin atika yanzunnan"
Yana cewa ya sallamesu da gudu suka shige ƙofar tasu suna kuka.
Can kaman bayan mintuna Kursiyyah ƴar babbar tafito daga ƙofar tana matsar hawaye.
"Yayah goje wai inji gaji batanan bata kwana a gida ba"
Dariyar gefen baki yayi yana jijjiga kai.
Ɗaga murya yayi yanda gajin zatajishi.
"Ke gaji,wato ni zakiyiwa iya shege koh,makaho kika mayarni komai,yarinyar ba ita nagani cikin dare tashigo gidaba?. Kinsan Allah kafin na ƙirga Uku kota fito kokuma nazo da kaina na ɗauketa,abin kuma bazayyi muku kyau ba"
Ƙirgen zai fara,ganin abin zai baci nida kwainane cikin rawar murya nace.
"Uhmm....bata ƙofar inna gaji"
Wani kallo da yatsomin da ɗazu nasamu ya manta da shafina.
"Tana ina toh,ohh daga zuwanki gidan kema har an fara munafurci dake ko?"
"Ahah ahah wlh ba haka bane,kawai ina kwance ne da daddare tace na buɗe mata shine......"
Bai bari na ƙarisa wanke kaina ba ya buɗe muryarsa yana ƙiran atika.
"Ke Atika wlh in baki fito daga ɗakinnan ba idan nazo saina yayyaga ki"
Yana gama magana kiriff saiga Atika a waje tana rarraba ido,duk da tana ƙoƙarin boyewa amma kana ganin rawar da jikinta yake kasan tsoron karonnata dashi take.
Da hannunsa ya nuna mata gabansa taje ta tsugunna.
Sunkuyar dakai tayi takasa haɗa ido dashi.
"Uban me kukaje yi keda Sageer A asibiti jiyah?. Wato ciki kukayi tare saboda ku ga tantirai shine kuka zubar koh,kowa a wajen sai faɗa yake cewar ke ƴar gidanmuce,saboda ki jawo min raini a gari koh. Ku a hakan har shegune gu da zaku iya kashe rai,ko ni bana ɗaukan rai sai mutum yamin laifi,shi cikin da kika yi fadamin wane laifi yayi."
"Wayyo dan Allah yayah goje kayi....."
"Shuru kada ki kuskura ki faramin wannan Kalmar da banaso ɗin. Kinsan mandotary ne sai kin Kwashi naki kason,shima abokin shan shagalinnaki yana can wajen yarana suna morewa,ke kuma anan zan miki naki a gida.
Ke wakike kujera koh a sunan na yaran manzo(kursiyyah)je ki ɗaukomin wani cable na birkin keke yanan a maƙale a gefen ɗakina"
Jijjiga kai Atika tayi tana kuka jin abinda za'a ɗauko,da alama dama kaman tasan karo. Ni da bani za'a duka bama nima karkarwar nake,wankin nake da sauri ina gurzarsa kar a haɗa dani.
Wacce aka aika ɗin ta tafi saigata da dawo kuwa,miƙa masa tayi yana karba tabar wajen,ƙofarsu ta shiga,da alama taje faɗawa uwarta abinda yake faruwa ne.
Mummurɗa shi yayi yai masa tuka,iya ƙarfinsa ya zage ya tsula mata a cinyah,wani ihu ta kurma wanda nasan ana jiyota a maƙwantansu,innalillahi yanda nake zatonsa ashe ya fi haka.
Tsula mata yake tana burburwa saida yayi mata Goma kafin ya dakata,nishi take tana maida ajiyar zuciya kafin ta tashi ta zauna,tana kaiwa hannun ta bangarori da dama na jikinta,inda duk zafin dukan yake ratsata.
"Kinsan dukan danayi miki na menene koh?"
"Jijjiga kai tayi alamar ba ta saniba"
Ohh baki ma san mai kikayimin ba,zaton ki dan kin sheqe ayar kine kaɗai zan bata lokaci na wajen yimiki haka,kinada wannan darajar,ai ba sheqe ayah ba in kinaso kije kasata ma bai dameni ba,amma gonata da kika shiga shiyasa nake miki hukunci saboda karki sake shiga.
Meyasa kukaje asibiti kukace cikina ne a jikinki,wani na turoku bana son a sani kar asirina ya tonu. Koba haka kukace ba keda bunsurunnaki?"
"Eh.....eh haka muka ce"
"Meyasa to kuka ambaci sunana a sharholiyarku,wato saboda kun rainani koh,kin taba ganin nayi irin wannan ƙarƙantaccen aikin?"
"Ahah baka taba,sunƙi zubar mana da cikinne wai sai mun kawo shaidu,shine mukace naka ne,kace kuma idan kazo abin bazayyi kyau ba. Wlh ba hakan muke nufi ba,kawaidai mun faɗa ne dan suyi mana aikin"
Wata dariyah yasake yi ta gefen baki,kana ya sosa ƙeyarsa da kan cable ɗin..
"Lallai yarinyar nan kin dakeni da mamakinki,yanzu da badan yarona yazo ya faɗamin ba saboda ya jiku,saidai ayi ta faɗan na miki ciki a cikin gari,a zubarmin da mutunci. Ni bansani ba ashe so kike na miki ciki,toh shikenan bazan miki ba ni nafi ƙarfin haka,amma in hakan kikeso zan saka a sake yimiki wani,idan kikaje zubarwa kice goje ne yasaka ayimin,shine kuma,ya turo yace ya zubarmin....barinaje na dawo na kaiki cikin maza biyar su yayyagaki,wannan da kikayi ba iskanci bane ai"
Oh dama wannan laifin tayimasa shiyasa yake jibgarta,nifah nayi zaton ma bayaso ta dunga iskanci ne,tabbb lallai Atika ma tanada kasada sosai.
Wani ihu tafara tana haɗa hannaye,roqonsa take bilhaqqqi,amma saima ya rufe ido.
"Dan Allah dan ya rasulullahi Yaya goje kayi haƙuri,wlh bazan ƙaraba na tuba,gaji kizo kI ceceni wayyo gaji."
Tunda ake ƙwallon ball da ƴaƴan nata bata yi ko tari ba sai yanzu ta fito,haba a matsayinta na uwa kuma tana jin kukansu dole abin yayi mata zafi.
Da goje suka haɗa ido lokacin data fito ɗin,kana ganin fuskarta kasan in ranta dubu ne to duk ya baci.
"Amma dai goje tunda ka daketa tabaka haƙuri ai shikenan zance ya wuce ko"
"A tunanin ki? Har yanzu banji muryar kaina tace na barta haka ba,kee tashi kije ranar can ki zauna"
Filin tsakar gidan ya nuna mata wanda yayi zafi zau da rana,ki saka gwiwoyinki a wajen ki tsaya haka,karki tashi har sai nazo na ce hakan. Ban gama dake ba tukunna,zanje ba sallami wancan abokin aikinnaki ne"
Har zai fita ya kalli gaji ya kalleni,wani dumm naji mai kuma nayi yanzu.
"Ban yarda ta tashi ba kokuma abata ƙwayar abinci ko ruwa,idan kika bata...naji labari saina sakaki a ɗaki da karnuka sun yayyagaki. Ke kuma idan ta bata abinci kokuma ta tashi a wajen baki faɗamin ba,nasamu labarin ke zan yiwa abinda na faɗa zanyi mata"
Ya ƙarisa maganar yana tabbatar min,ɗaga kai na fara ba tsayawa har ya fita ban dainaba.
Shanyar kayan dana wanke nake,sai ji nayi gaji takama kafaɗata ta jefar dani ƙasa,tohh ni kuma mai nayi,wato yakama dukan ƴaƴan ta tashaqa bari ta huce akaina ni marar galihu.
Kallonta nake da mamakin mai kuma nayi ni,ƙasar da take bakina nake sharewa,saboda yanda na kifu a bakin.
"Nikuma gaji mai nayi miki"
Yau ko inna ma bance ba,dan na kula matar batada darajar daza'a mutuntun tata,kuma ƴaƴan ta ma ai haka suke ƙiranta.
"Ohh baki ma san mai kikayimin ba koh? Nakula hadda wani sanja murya ma kike,dan kinga mijinki yayiwa ƴaƴana fata fata shine hakan yamiki daɗi koh?"
"Taya za'a duka wani mutum yaji daɗi,indai bashine marar imani ba,kuma dai naga kina gani wanda yayi dukan nima ba ƙyaleni yayi,bare kice nina zigashi"
"Zigo? Kima zigashin mana,kekam ai a tafin hannuna kike in shi ya gagareni,nasha neman maganin tanƙwasashi abu ya gagara,saboda asiri baya kamashi,amma kekam ina ba irin jikinsa ne dake ba koh. Wato saboda ke ga munafuka hadda faɗamasa atika a ɗakin mairo ta buya koh,ke a dole zakiyi gwaninta a wajen wadda bai ɗaukeki mutum bama ballantana kuma matarsa,saboda kallon kuɗin caca yake miki,ko saniyar daya ciyo a kalankuwa tafiki daraja a wajensa,ganinki kike mace amma keba mace bace,wacce namiji yakasa ɗaga ido yakalla za'a ƙira mace,kuma batun Atika yanzu zan dauketa a wajennan,inkin isa ki faɗa ki gani. Abinci kuma zanga wanda zai sake baki a gidannan,aiki kuma babu fashi saikinyishi"
Maganganu taci gaba da gasa min masu zafi,haushine ya turnuƙeni zuciyata tana zafi,ina na ɗebi iya inda zan iya ɗauka,dolene na fesar mata da sauran.
Kallonta nake tana ƙoƙarin isa inda atikan take.
"Hmmm wai gaji saboda kina matsayin matar ƙanin baban mijina,matsayin uwata aka baki ne,ke baki san in kinkai mutum bango ki dakata bane? Harda zaki ƙirani ba mace ba,shiyasa ai naga ƴarki da take kasa darajarta a waje kowa ya ɗauka kaman karya za'a ƙirata da mace koh,kokuma ke da bakisan soyayyar miji ba yanacan gidan karuwai a can yake wuni,ke bakida aiki sai dafawa ki ciyar masa da ƴaƴa za'a ƙiraki da macen. In kincika macen kema da ki hanashi zuwa wancan ƙazamin gidan mana.Ai gwanda ni ba mata yake biba ya ƙyaleni,ra'ayine bayayi,kekuwa fah yanason matan amma mai yasa ya tsallakeki.
Sannan dakike cewa wai inna isa na faɗamasa zatonki idan kin ɗauketa a wajen zanyi shuru ne? Wlh saina faɗa,haka kawai ki ceceta nayi shuru ya gano ya fatattakani bai dameki ba ko,nina aiketa yawon sharholiyar komai.
Abinci kuma kada ki bayar,nima kuwa bazan sake miki komai na gidannan ba,inkin ban abinci nayi miki,in baki bani ba nima bazanyi ba,inji ce ni saida mai nayi aiki"
Ina gama faɗin haka nakama hanyar ɗakina da sauri,saboda kada ta biyoni ta fatattaka ni kaman yanda ta naga tana huci,cike kuma da mamakin irin furucin dana yi.
Haba ai dole nayi,ko damo aka matsa ai dole yayi cizo,wanka zanyi na kwanta,nasan dole goje zai dawo basai dare ba,saboda ya ajiye atika a tsakar gidan. In yaso saina tambaye shi naje gidan su Shareefah,nasan zan samu abinda zanci a gidan.






Littafi na ɗaya ne dana biyu kaman yanda na sabayi,na ɗaya bati siddan,na biyu kuma Naira 300 ne dan haka zaka iya biya tun yanzu kafin a shiga kashi na biyu.

3131951977
Auwal Sadiya
First bank

Ko katin mtn ta nan
09035784150

VTU ta nan
2347068390570

Shaida kuma ta nan
09035784150

Ƴan niger ku tuntubi wanann number.
+227 97 21 16 15
----------------------------------------------------

Sadi-sakhan ceh
09035784150
Share please



*SANADIN CACA*


Mallakar SADI-SAKHNA


PROFICIENT WRITER ASSOCIATION



*USERNAMES*
FACEBOOK PAGE:Sadisakhna
WATTPAD:@SAKHNA03
AREWABOOKS:@sadeesakhna
PHONE NO:09035784150
________________________________
*Book 1*
Chp[15]


[Goje a mahangar gani]


Har na fita daga gidan rai na bai daina zafi,lallai wannan yarinyar wuyanta yayi kauri. Lokacin danaji maganar nan baƙaramin baci raina yayi ba,kaman ni....nine zatace nayi mata ciki,kai barima na koma nasake tattaka ta dan ubanta.
Juyawa nayi gidan,har nafara shiga na hango gaji ta jefar da Sumaimah a ƙasa,wato akan ta zata huce saboda na daki ƴar ta ko.
Maganganu gajin tafara faɗawa Sumaimah,wacce kana ganin fuskarta kasan abinda take faɗamata ba ƙaramin zafi suke mata ba. Kai mata mata.....shiyasa fah ni banason shirgi dasu,wato rashin shiga harkarta da banayi shima abin magana ne da har za'ayi mata gori dashi.
Niyyar ƙarisawa nayi,ganin gaji tana shirin ɗauke Atika daga inda nace ta tsugunna,dama nasan hakan zata faru,tsoratar da Sumaimah zatayi ta ɗauketa daga wajen,musamman data ganta wawiyah ce batada wayo.
Siririyar maganar ta naji,cikin sanyi take amayarwa gaji duk maganar data fesa mata,dama ta iyah magana haka,nida nayi zaton ma kurmiyace. Tun bata kai haka ba muna yawan cin karo da ita a hanya in zata makaranta,sai ta juyah da gudu kaman taga aljani,tun abin yana bani mamaki har na daina.
Amma yanzu ta dawomin da mamakina,ina ganinta wawiyah ashe tanada wayo,ehh tunda gaji tasaka wannan magana da alama takaita bango ne.
Fitowa nayi daga gidan na tafi inda su Tunga suke hukunta Sageer,har na isa wajen da tunanin faɗan matan a raina.
Lokacin dana isa wajen sun mammaujeshi sun ɗaure shi,a zaune suke suna taɗin siyasa,na wani chairman paty dayake so muyi masa aiki.
Ina isa wajen sukayi shuru tareda bani gaisuwa,amsawa nayi kana na samu waje na zauna.
"Ogah goje gashi nan mun ɗan tabashi kaman yanda ka nema. Iya shegen ma ya iya kawai,ashe ƙaramin ɗan iskane,daga dukan farko fah ya rojaye kaman wata ƙanƙara"
Ragarus ne yafaɗa yana cigaba da jujjuyah sandar hannunsa.
"Hmm ku sunceshi ku kaishi ƙofar gidansu,duk ya isheni bana ma son ganinsa,ku tabbatar kun bar masa jan gargaɗi a rubuce na saka hannuna"
Dama duk masu bin matannan suna lalatasu yanda kasan ƴan daudu haka suke,sai shegen surutun tsiya da ƙarya,matan ma sun fisu ƙwari. Ko mai ma matan suke gani a jikinsu oho.
Jawabin da chairman party yafaɗa suka maiyarmin,akan yanaso muyi masa aiki,saidai suyi masa badai ni ba,dan inada wani aiki da zamu fita da ƙungiyar DC,Jiyah suka turomin takardar inda zan samesu da daddare,za'a tattauna yanda plan ɗin zai tafi,nasan bazai wuce sati ɗaya ba samu fita aikin.Bazan faɗawa sauran abinda yake faruwa,iyah Tunga ne kawai yasan zancen. Yau ma nake shirin naɗashi shugaba mai riƙon ƙwaryah kafin