You Cannot Download this book untill you login but you can read it .

---

Login Register

a jikinsu,idonsa a rufe yake yana kallon saman kogon,inda bashi yayi kwatance ba zan iya cewa bashine bane,don babu wannan gashin fuskar dana sanshi dashi,sannan yayi fari ya rame kaman bashi ba..
Numfashi yake fitarwa hankali ma wahala. Ban lokacin dana isa wajensa ba da sauri,bayan na ajiye kwandon danazo dashi..
Tsugunnawa nayi a gabansa ina ƙare masa Kallo,fuskata ɗauke da damuwa ƙarara,na tunanin shin wanne irin mummunan abune yasameshi haka,sannan kuma yaushe?
Buɗe shanyayyun idanuwansa yayi ya ɗora akaina masu kama dana majinyaci.
Nima kallonnasa nake da nawa idanuwan wanda suka cika da ƙwallah,fatar bakina nakeson na buɗe nayi masa tambaya,amma sai rawa suke sun kasa bani haɗin kai.
Hannunsa ya ɗakko zai kawo wajen fuskata,amma abinka da dama tsoronsa nake,saina ɗan ja da baya.
Murmushi yayi tareda rufe ido a hankali yakuma buɗewa,dimple ne ya lotsa a gefen kumatunsa,dama yanada wannan abin a fuskarsa,amma ba wanda yasani saboda gashin fuskarsa,yanzu daya aske sainaga kaman wani mutum daban aka ajiyemin. Ashe farace fuskartasa kamar jikinsa,saidai bakinsa yayi duhu bakaman sauran fatar jikinsa ba,saboda shaye shayen dayake.
"Duk da ina cikin wannan halin amma tsorona kikeji,shin mai zan iya yimiki a yanayin danake uhm?"
Tari ya fara yana runtse ido,ban san lokacin dana tallafo kansa zuwa jikina,dama gani Allah yayini banson naga mutum a halin jinya. Bare irin wannan,tsayawa yayi da tarin tareda saqala hannayensa ya riƙo kunkumina gam,wanda nasan ciwon dayake jine yasakashi yin hakan,a nanne nima na kulada bandejin dayake cikinsa wanda yayi jajur dashi da jini.
"Sannu sannu,wayyo please ka tsaya barinaje na ƙira mai chemist ɗinnan,wataƙila zasu iya taimakawa"
Ƙoƙarin zare jikina nayi domin na tafi,amma sai naji yasake ƙanƙameni sosai.. Magana yafara cikin gajiyayyar murya.
"Ahahh kada ki ƙiramin kowa,banason kowa yasan halinda nake ciki....kin kawomin abinda na buƙata?"
"Ehh dukka na taho dasu"
"Uhm barina dashi ki gyaramin wajen,jikina ba ƙarfi bazan iya dakai na ba"
"Niiii ban ban....iya ba bazan iya gyara wannan ciwon ba"
"Uhmm zaki iyah mana ko baki iya ba zannunamiki yanda zakiyi,ba wani abune mai wuya ba,taya zaki ƙira kanki matar goje idan kina tsoro uhmm?"
Nidai kurmiya na koma da zancennasa. Saboda kallonsa nake kaman bashi ba.
Tallafah masa nayi ya jingina da jikin dutsen,jikinsa har rawa yakeyi saboda zafin ciwo.
A hakan kuma yasaka hannu ya sunce ɗaurin ciwon,wanda matar data kawoshi wajen tayi masa.
Lokacin da yagama suncewar saida na rufe idona saboda yanda wajen yayi jawur kaman ɗanyen nama.
"Ohh bazaki iya gani ba,taya kuma zaki iya wankemin idan kika kasa gani?"
"Ya akayi ka samu wannan ciwon haka,a wajen satar ne koh"
Nafaɗa cikeda jin haushin yana satar,koda yake yaudarar kaina nake,zaman danayi dashine a wannan watannin nafara manta waye shi.
"Uhm a wajenne wani soja ya soka min wuƙa,ina faɗuwa dana bude ido nasamu kaina a wajennan tareda abinda muka je sata ɗin. Sannan ba sata ce wacce kika sani ba,abune na sirri da mutanena ma basu sani ba,shiyasa nace miki kada ki faɗawa kowa ina wajennan ,saidai in yayi yawane ki faɗawa Tunga kinji"
Ɗaga kaina nayi tareda fitowa masa da abubuwan dayace na kawoɗin,naga yanda yake maganar na fahimci lamarin mai tsaurine.
Kaman yanda yafaɗa shine yake nunamin yanda zanyi har muka gama rufe ciwonnasa,gumi kuwa ya haɗashi shirkif saboda wahala.
"Gashi sai wahala kakeji,da baka jeba da haka bata faruba"
"Uhm to hakane,amma ni nasamu da sauƙima,tunda abokan aikina kusan duk sun mutu,wanda sukeda rai ma suna hannun ƴan sanda. Wannan akwatin in zaki tafi gida ki tafi dashi ki boyemin,zan kaiwa ƙungiya idan na warke"
"Kace tacemaka yanada muhimmanci,amma meyasa zaka kaiwa barayi,bayan kasan hakan yanada hatsari,dan Allah karka sake komawa wajensu,duk da cewar kaima........uhm ....amma dai kafisu kasaka hakan a ransu"
"Me kikeson fada kika fasa,nima bana kirki bane koh?"
"Ahah nidai bance ba amma dan Allah karka koma,inna bataso"
Hannunsa yasaka na dama ya ballamin akan goshina,nima sai a sannan nakulada yanda na zage inata surutu.."
"Ya karatunki,daga gani dawowarki kenan bakici abinci ba..ɗebomin naji ko zan iya ci"
Ɗan murmushi nayi ina shafa goshinnawa,kafin na ɗebo abincin. Miƙamasa plate ɗin nayi amma naga ya kafeni da ido yaƙi ƙarba..
Har na fara tunanin ko bayason jallof ɗin taliyar,saikuma naga ya buɗemin baki,wato so yake na ciyar dashi kenan.
Ɗiba nayi a cokalin cikeda kunya nakai bakinsa,ba kunya kuwa shi ya karba yafara ci. Shuru wajen yayi sai numfashinmu kawai,baici da yawa ba ya min alamar ya ƙoshi.
"Naƙoshi bani ruwa,sannan ki cinye sauran,dan naga yunwa kikeji"
Ikon Allah tun ɗazu yake cewa yunwa nakeji,yaushe yafara kulada ni haka?.
Maganin dana taho dasu na miƙa masa ya balla,kafin na bashi ruwa ya kora dasu.
Bayan mun gama cin abincin alwala nayi na sallahr la'asar nazo na shimfiɗa ɗankwalina,yana kallona harna idar da sallahr,Addu'o'i nayi kafin na juyo na kalleshi..
"Amma tsawon wannne lokaci kayi a kwance"
Ɗaga min kafaɗa yayi tareda cewa.
"Bansani ba,kawai dai abinda nasani shine ranar 23 ga watana march ne aka sokeni da wuƙa"
Zaro ido nayi tareda rarrafowa kusada shi,kenan satinsa guda a sume?
"Sati guda kenan kayi a kwance,dan yau talatinne ga wata"
"Uhm zai iya yiyuwa,kuma da alama wadda takawoni nan wajen har asibiti suka kawoni"
Yafaɗa yana nunamin hannunsa,inda aka saka masa canular,kaman ma yau aka cireta a jikinsa,kuma wajen akwai takun sawun takalmin mace,harda robobin lemo da ledar cakes.
"Amma wacece haka in tana cikin tawagarku meyasa ta ajiye maka akwatinnan,inaga bataso ka kaiwa kungiyar nan taku"
Dan haka kawai naji banaso ya koma wajensu.
"Hhhhh da alama bakyaso na koma aikina,amma ke ruwanki ne,dan kinga bana iya komai shiyasa har umarni kike bani ko"
"Ahah ba haka bane kayi haƙuri"
Koƙarin tashi nake shirinyi daga wajen,sai kuma naga ya kamo hannuna gam ya riƙe,idonsa ya rufe yana jijjiga kan cikin sauri.
"Ciwon kaina wayyo kaina yana shirin tsagewa ahhhh,bansha wiwi ba,kibani wiwi ɗina......."
Tambayata yake,amma da alama kuma badani yakeba,sambatune kawai na ciwo.
Hannayena na saka a gefe da gefen kannasa na riƙe,Addu'o'i nafara karantowa na neman sauƙi,hannunsa yasaka yana ƙoƙarin ture hannuna,tareda ƙara sautin ƙarar dayakeyi. Yayinda nikuma na riƙe gamm na dawo yi ma a fili,kasancewar jikinsa babu alamar ƙarfi yasa ya kasa ture hannunnawa.
Can bayan kaman wasu mintuna naga yatsaya da jijjiga kan,ina dubawa naga yafara bacci daga zaunen,gyara shimfiɗin danaga anyi masa da kayansa nayi,tareda kwantar dashi a wajen.
Tashi nayi na tsaya ina kallonsa,daga yanda yake maganar kaman daman ya san da ciwon kan kuma ya daɗe yanayi.
Dannima na sha ganinsa a ɗakinsa ya riƙe kai,kenan shiyasa yake shaye shayen. Har yanzu na gagara fahimtar sa,kowacce rana sainaga wani abu sabo dan gane dashi.
Kayan abincin na ɗauka domin komawa gida,zanje na dawo kada inna inna taka bananan.
Karare na gona na ɗakko nayi ta jerawa saida na rufe wajen tass kafin na tafi.
Ina shiga gidan muka haɗa ido da inna,tun kafin nayi magana ta jefomin tambaya..
"Kekuma daga ina haka kikadawo,ɗazu naji motsinki ina tashikuma na bakyanan"
To anan gizo yake saƙar ,shin mai zan faɗawa inna,gashi yace kada na kuskura tasani.Wata dabara ce ta faɗomin.
"Umm uhm inna dama wata ƴar ajinmu ce a islamiyya batada lafiyah,kuma ba ƴar garinnan bace zuwa sukayi,shine to na kai mata abinci.....sannan inaso na zauna mata kafin ta warke,tunda bakowa wajenta"
"To ikon Allah,dama rashinnaka a garinnan ba daɗi,kin kyauta sosai saki faɗawa shi mijinnaki a waya"
"Ehh na tura masa message yace ba matsala,yace yana gaisheki ma wajen aikinnasu ne ba a kiran waya ne"
"To shikenan ba matsala ina amsawa,zan shiga anguwa anyi matar ɗan marka ta haihu"
"To saikin dawo inna a gaisheta"
Daga nan tabar zancen,dan dama ita macece da bata matsamaka sai tasan mai kake,musamman idan tasan abu kake boye mata.
Kuɗin na ɗauka a cikin wanda Tunga ya kawomana. Kasuwa na tafi na siyo hanta da kuma alayyahu,dama duk wani abunda nake buƙata.
Farfesunta nayi masa da ɗan romo na juye a kula,saikuma shayi dana haɗa na zuba a flask.
Wanka nayi lokacin rana ta kusa faɗuwa.
Pillow na ɗauka da sallaya sai butah,a cikin jakar da aka kawomana kayannan na saka su,saikuma kwandon kayan abincin.
Lokacin dana ɗauki hanyar wajen ba sawun mutane sosai,Allah ya taimakeni dana ɗebi ƴan kallo an ganni da kaya nayi bayan gari.
Yanda na rufe wajen haka naje na sameshi,saida na ture kararen kafin na shiga.
A kwance yake yanda na tafi na barshi yanata bacci,da alama maganin dayasha akwai mai saka bacci a ciki.
Ban tsasheshi ba,dana ajiye kayan hannuna wajen na fara gyarawa. Na ɗebe dattin da wanda suka kawoshi wajen suka zubar,da kuma audugar da sukayi ta goge ciwon dasu,harda wanda muka cire muma ɗazu.
Shimfiɗa sallayar nayi gefe,kasancewar wajen rairayine,awakin mutanene masu kwana a jeji suke shiga wajen da daddare,kokuma almajirai idan suka iyo itace su tsaya su huta.





Littafi na ɗaya ne dana biyu kaman yanda na sabayi,na ɗaya bati siddan,na biyu kuma Naira 300 ne dan haka zaka iya biya tun yanzu kafin a shiga kashi na biyu.

3131951977
Auwal Sadiya
First bank

Ko katin mtn ta nan
09035784150

VTU ta nan
2347068390570

Shaida kuma ta nan
09035784150

Ƴan niger ku tuntubi wanann number.
+227 97 21 16 15
----------------------------------------------------

Sadi-sakhan ceh
09035784150
Share please




*SANADIN CACA*


Mallakar SADI-SAKHNA


PROFICIENT WRITER ASSOCIATION



*USERNAMES*
FACEBOOK PAGE:Sadisakhna
WATTPAD:@SAKHNA03
AREWABOOKS:@sadeesakhna
PHONE NO:09035784150
________________________________
*Book 1*
Chp[27]



Basan ya tashi ba saida naji maganarsa tukunna.
"Yaushe kika dawo?"
Cikin magagin bacci yake maganar.
"Uhm ban daɗe ba sosai,sannu ya jikinnaka"
"Da sauƙi kawai zance,miƙomin ruwa nasha,bakina bushewa yakeyi akai akai"
Ruwan na ɗauko na bashi,lokaci guda ya zuqe guda biyu,Wannan wanne irin shan ruwane haka,na faɗa a raina.
"Ga abinci yakamata kaci"
"Mts banajin yunwa, bar abinci nan,ki ƙiramin Tunga kice ya kawomin ajiyata danayi a jeji"
"Ba abinci bane haka,nayine saboda ina tunanin ko jikinka yana buƙata,sannan a halinda kake ciki bai kamata ka zauna da yunwa ba"
Ganin bai sake cemin komai bane yasa na jawo kular dana zo da itan,farfesun hantar na tura masa gabansa,na manta banzo da plate ba..
Matsawa kusada shi nayi ina bashi a baki,daga yanda yake karba ma tabbatar yanayimasa daɗi sosai,dan saida ya kusa cinyeshi tass.
Kofi na ɗakko bayan yagama na zuba masa shayi shima mai zafi.
"Yaushe kika waɗannan abubuwan haka?"
"Lokacin dana koma gidane,saidai kayi haƙuri na fita zuwa kasuwa da kaina,dama inason na faɗamaka saikuma na manta."
"Uhm bakomai nagode da kulawarki,bani maganin can nasake sha naga har dare yafara"
Bayan na miƙomasa yasha ruwa na zuba a buta nima nayi alwala nai sallahr magriba,kaman ɗazu yana kallona har na gama.
Sake zuba wani ruwan nayi nazo inda yake,kallon tambaya yakemin ganin na miƙamasa hannu yabani nasa hannun.
"Kawo hannunka alwala zanyi maka,yakamata ka rama sallolin da ake binka,tunda ka ɗan samu sauƙi"
"Taya kike tunanin zan iya sallah a haka?"
"Indai kana cikin hankalinka to zaka iya yin sallah,domin a kowanne yanayi mutum yake ba'a ɗauke masa sallah,saidai idan baya cikin hankalinsa. Ance idan bazaka iya a tsaye ba ka jingina,in shima bazayyi ba ka zauna,in ya gagara ka kwanta ka kalli gabas,in shima bazayyiyu ba toh zaka iya yi a duk yanda ka tsinci kanka.
To haka ma wajen yin alwala,in jikinka bazai ɗauki ruwa ba saikayi taimama da ƙasa,idan itama bazaka iya da ita ba to saika shafi jikin gini mai tsarki kayi dashi.
Toh a wannan bayanin kaga kai zaka iya yin alwala kuma kayi sallah a zaune"
Bayan gama bayanin bai ce komai ba,amma ya miƙomin hannayensa na fara yimasa alwalar. Cikin nutsuwa nake yimasa alwalar har na gama tsaff.
Rigar dana zo da itah na taimaka masa yasaka,yanda bazata shafi ciwon ba,kafin na juyashi ya kalli gabass,magriba yafarayi wacce ake binsa kafin ya fara da rama sallahr asuba tun sanda aka jimasa ciwo.
Daki daki yake bin sallahr ina zaune ina kallonsa,daga baya daya gaji sai na koma ta baynasa ina tallafamasa. Muna daɗe a haka har akayi sallahr isha ya tsaya da ramakon yayi,ganin yana haki yagaji yasa ya tsaya dayi sai ya huta tukunna.
A bayansa nake ya jingina dani,saiji nayi ya kwanto akan cinyata,kallon fuskata yakeyi,yayinda nima na sunkuya ina kallonnasa,mun daɗe a haka idonmu a sarƙafe dana juna,saida naji hannunsa akan fuskata kafin na dawo zahiri..
Magana yafara a cikin wata murya da banyi tunanin yanada itaba.
"A ɗan zamana dake kin taka wata rawa a rayuwata,ko yaushe cikin juyewa kike da narasa taya zan misaltashi. A lokacin danake son naga kin sake dani saiki ɗankware jikinki,lokacin danazo yimiki barazana kuma saiki dake,idan nayi laushi kuma sai zama jaruma,a yau kaɗai kinyimin abinda ban taba tunani ba,kin zamemin hannun a sanda na rasa nawa,kin zamemin ƙafa da tawa taƙi aiki,kin zauna dani a wannan dokar dajin da babu kowa a ciki saini kaɗai.
Tun farkon da mahaifinki yabani ke a matsayin fansar kuɗina naga rashin dacewarsa nayin hakan,shiyasa na nesanta kaina dake,a tunanina hakan zaisa kiyi rayuwarki yanda kikeso,naƙi shiga rayuwarki saboda nasan nida ke bamu dace ba ko kaɗan,amma sai naga duk wannan koƙarin danake yatafi a banza,ke koyaushe so kike ki cusa rayuwarki cikin tawa.
Wannan ƙasa da kan da kike idan kina gabana,da kuma neman izinina a duk wani lamari na rayuwarki shine yayi babban tasiri wajen karya zuciyata,har tasaka na ajiye komai na ɗauki nauyinki batareda nasani ba. Saboda tunda nake babu wanda yazo da kansa yanemi izinina akan abu,saidai na bashi dakaina in kika ɗauke Tunga.
Sannan tun kina zuwa inda nake ina jin kin takuramin,har yazamo idan banganki ba sai zuciyata tayi ta kewarki. Sumaimah bansan mai kikayimin a rayuwata ba amma dai shigarki kinyi nasarar share wani a fili a ciki kin mamayeshi yazamo naki. Ciwon kan dana tashi a rayuwata bansan lokacin dana faraba,bai taba dainawa ba indai ba shaye shaye nayi ba sai yau,kuma dama yakan tashi ne idan na bijirewa umarnin da zuciyata tabani,saikashi yau kin karanta min wani abu naji ya tafi batareda nasha komai ba"
Tunda yafara magana ban ɗauke idona ba daga kan fuskarsa,shin anya kuwa gojen danasanine yake waɗannan kalaman,meyasa yau ɗaya naga wata nutsuwa a tattare dashi,babu wannan zazzare idon da kuma cije cijen baki..wannan gashin daya maidashi dodo duk babu shi. Kar a ji haushina idan nace yayimin kyau fiyeda mutane dayawa a garinnamu.
Hannuna nasaka akan nasa wanda yake kan fuskata,tareda sakin wani murmushi da bansan ma'anarsa..
"Duk abinda kake faɗan nayi aikata a rayuwarka banice nabaka wannan matsayinba,Allah ne dakansa yabaka a matsayinka na mijina,ni kawai umarnin da aka bani na nayi maka biyayya,kada nayi wani abun batareda saninka ko kuma yardarka ba,sannan na kyautata maka na kasance sassanyar inuwar dazaka zo ka hutas da gajiyarka,na kasance tamkar dare wajen rufe sirrinka,sannan na kulada kai da dukiyarka harma da dani kaina idan baka nan.....domin aljannata tana ƙarƙashin ƙafarka,sai nayi hakanne Allah zai bani izinin shiga"
A yanda nake kallon idanuwansa lokacin danake faɗomasa wadannan Kalaman,naga Abubuwa da dama wanda wasu bazan ce mesuke nufi ba. Kawai naga yashiga mamakin,shin dama ashe yanada irin wannan matsayin a rayuwar wani,kaman nasan mai yakeson faɗa na cigaba da bayanina.
"Tabbas hakane kanada wannan matsayin a rayuwata tsawon lokacinnan,koda wasu zasu gujeka suyi nesa dakai. Ni kaiɗin jigona ne,kuma mahaɗin rayuwata,wanda rayuwata ta riga ta ɗinke da taka tun lokacin da ɗauramin igiyoyin aurenka a kaina,shiyasa duk abinda zakayi wanda bai dace ba zaifi yimana ciwo nida inna sa'banin sauran mutane"
Hawayen daya zubo acikin idona ne ya sauƙa akan kumatunsa,sai sannan ya ƙifta ido,da ya tsaya tamkar wanda ya daskare a cikin ƙanƙara.
"Shin dama har haka na shiga rayuwarki,nayi tunanin dan an ɗaura aure ban kulaki ba bakomai,to idan harda waɗannan haƙƙunan da suke kanki wanda dole saikinyimin kenan nashiga rayuwarki dayawa,na rabaki da rayuwar da kike hankalinki kwance idan babu ni a ciki..kinmin abubuwa da dama,dan haka banaso ki cigaba da zama kina amsa sunan matar mutum kamanni,musamman daya kasance kinada ilimi mai yawa da kuma sanin yakamata,zalunci ne na ajiyeki a cikin rayuwata...zan sake..........".
Kiff bansan lokacin dana rufe masa baki ba ina jijjiga kai.
"Karka fara faɗin wannan kalmar,dan Allah karka furtata a gareni,da lokacin daka aka kawoni gidanka ne ka faɗaminsu zanyi farinciki da jinsu,amma a yanzu dana fahimce ka bana fatan jin wannan kalmar daga gareka,karka faɗesu ka fiddani a cikin rayuwarka"
"To amma meyasa naga......"
"Saboda na hango wata rawa danake son takawa a rayuwar taka,hmmm bazaka sani bane amma kanada wani hali da mata zasu zaga mazaje dayawa basu samu mai irinsa ba,duk da sunaso su samu ɗin. Kai tamkar zinarene a cikin duhun dare,rana bata haskashi na ballantana a gane wanne irin haske yake ɗauke dashi.....koda babu hasken rana ka bani dama nazamo fitilar dazata haska shi,ta yanda kaikanka zaka hango irin hasken da kake ɗauke dashi......dan Allah ka yarda dani,sannan ka bani damar ragamar kulada rayuwarka,kar nesanta ni daga gareka,ta hakanne zamu gano inda matsalar take kuma mu gyara.....ni har cikin zuciyata na amince dakai a matsayin mijina,kuma bana fatan naga ranar da zanyi nadama da ƙiranka da wannan sunan"
Magana nake kawai ina kwararowa abinda yake cikin zuciyata,duk da yanda muryata ke rawa saboda yanda maganganun suka tabani.
"Tunda nake ban taba yin alaƙa da wata mace ba bayan inna sai ke,a da hakan haushi yake bani,amma d kaɗan kaɗan nakejin wani abu na mannani da rayuwarki. Yanzu ma dakikaji na faɗa bawai son raina bane,saidan zanyi hakanne saboda ke,amma tunda kinji kingani ra'ayinkine zaki zauna tareda ni. Nikuma namiki alƙawarin bazan taba guje miki ba,kuma zan kyautata miki na faranta miki daidai yanda zan iya,sannan kaman yanda kika buƙata nabaki jan ragamar dukkan lamurana"
"Naji daɗin maganar ka kuma nagode,nima kuma nayi maka alƙawarin Inshaallah bazakayi danasanin yarda dani ba"
Shuru ne ya ratsa tsakaninmu,saikuma naga ya jare hannunsa daga fuskata yana riƙe kai. A yanda na kula kaman irin abinda yayi jiyane,hakanne yasa na ɗauke hannunsa na mayeshi da nawa.
Addu'o'in danayi jiya na neman sauƙi nafara karanta masa,wanda yawanci sunayen Allah ne da yayi umarnin a ƙirashi dasu,sai fatiha da kuma su QUL guda uku.
Maimaita masa nashigaba dayi bayan naji yayi shuru ma,a haka har nima bansan lokacin da baccin ya ɗaukeni ba anan zaune.

___***___


"Me kikace abbanku ya dawo?"
Hajiya Maryam tafaɗa cikeda damuwa tana kallon fatee.
"Ehh mommy yanzunnan ya shigo gidan,naga ya nufi sashensa bai shigo cikin gidaba"
Tana cikin bayanin hajiya maryam tanufi sashennasa tana tafiyar karairaya kaman wata ƙaramar yarinya.
Ƙwanƙwasawa tayi,jin shuru ba'a amsaba yasa tasaka kai cikin ɗakin.
A tsaye yake a gaban window yana kallon lambun dayake bayan ɗakinnasa,kana ganinsa kasan faɗawa yayi cikin zurfin tunani.
"Me yasamu wannan babban jarumin naganshi a haka,kaddai kacemin har yanzu baku samu inda barayin sukeba,kuma sun gudu da akwatin baku kamasu ba?"
Tafada kaman mai jin tausayinsa,amma kanaki kasan ta biyu take zancen.
Zan ajiyar zuciya A.M Aliyu yayi tareda cewa.
"Maryam,waishin yaushe zaki girma ki daina wannan abunne kam iyeee,ƴaƴan ki ma bazasuyi abinda kikeyi ba,yanda kikeyi haka kikeso ƴaƴan ki suje gidan mijinsu suyi ne? Ace tsawon sati guda ba nan ina office,duk akan wani abu daya shigemin duhu,amma daga dawowata babu magana mai daɗi sai ta izgili? Shiyasa fah banshiga gida ba bare ki ganni,amma saida kika biyoni kina murnar na faɗi koh ?"
"Uhm dagajin yanda kake magana baku kamasu ba da alama,kenan wannan akwatin dayake ɗauke da bayanai masu hatsari yana hannun 'baya gari"
Juyowa yayi yana kallon hajiyah maryam,wacce take tsaye ta dan goce irin tsayuwar celebrity ɗinnan.
"Shin wai tukunnama taya kikasan cewar kundin a akwati yake,a tunani na dai bamuyi wannan zancen dake ba,kuma ko a kafar yaɗa labarai ba'a faɗa ba,taya kika sani?"
Tsareta yayi da ido tareda yimata kallon tuhuma,wanda hakan yasaka jujjuya ido tareda cewa.
"Ehh dama zaka fara yanzu,dan kasamu ma na kula dakai nazo ina tambayarka shine zaka faramin wannan kallon rashin yardar,tun batan Ahmad kakemin irin wannan kallon na rashin fahimta"
"Ohh dama 'bata yayi ba mutuwa yayi ba?"
Gum tayi da idonta tareda nemo abinda zatace.
"Mutuwa nakeso nace,kaima ai kasan mutuwar yayi tunda har gawarsa an kawo maka. Nida wannan abinda kakemin na ƙin raba sirrinka dani kokuma kana tuhumata ka daureni mana kawai ka huta iyee. Kaje cibiyar bincike kace zaka ɗaure matarka dayafiye maka"
Masifah ta cigaba dayi,ta inda take shiga ba tanan take fita,saida tayi mai isarta ta fice daga ɗakin tareda buga ƙofar.
Runtse ido AM Aliyu yayi tareda ɗora hannunsa a kansa.
Yana jin takun tafiyarta har tayi nisa.
Shin me yayi mata kuma wai itace dayin fushi,shine ya kamata ya ɗau mataki amma duk sanda yayi yunƙurin yin hakan sai yaji ya kasa.
Gabaɗaya gidan mutane uku ne za'a ce daidai,daga Mammah,saleem sai Noor,su kaɗaine zaka gansu da sanyin hali. Amma Sameer kam da fatee kana gani kasan ita suka iyo. Shikuwa Ahmad lokacin dayake nan gwanda kowama dashi,domin ko sashensa a can gefe yake,bayason ana yimasa katsalandan,saidai kaima bazai maka ba.
Sannan yanada basira da sanin mai yake,komai shine yake zuwa a fari kafin sauran ,hakanne yasa kullum hankalin hajiyah maryam yana kansa,in za'ayi masa abu ma ita ke shiga da fita ta hana,shikansa yasan da hakan. Shiyasa ko sashenta baya taba zuwa sai yakama dole.
Kaman yadda AM Aliyu bai yarda da ita ba hakama Gen Ahmad,don daff da mutuwarsa ya buɗe wani file akan ta,tunda ta tafi kuma babu wanda yasake bi ta kan zancen har yau.
Tsohuwar lauyace mai zaman kanta,duk da yanzu bata aiki,amma kuma tasan takan binciken abinda take son sani sannan kuma da yanda zata gujewa mai son bincikarta. Tana da son mulki da son ganin ana mata hidima,don ko shi kansa AM Aliyu dayake shugaban sojoji bai kaita juya sojojin ba,kuma tanada mutanenta a cikinsu,wanda ko mai tace karsu faɗa babu wanda ya isa ya sakasu magana harda shi kansa uban gayyar.
Wannan abubuwan su suka sa kowa hatta ƴaƴan ta suke shakkarta inta juyo ta kansu inka cire Ahmad shikaɗai ne baya tsoronta,kuma shine ciwon idon dayake hanata bacci lokacin dayake raye,yanzu kuwa da baya nan baccinta take sha harda minshari.




Littafi na ɗaya ne dana biyu kaman yanda na sabayi,na ɗaya bati siddan,na biyu kuma Naira 300 ne dan haka zaka iya biya tun yanzu kafin a shiga kashi na biyu.

3131951977
Auwal Sadiya
First bank

Ko katin mtn ta nan
09035784150

VTU ta nan
2347068390570

Shaida kuma ta nan
09035784150

Ƴan niger ku tuntubi wanann number.
+227 97 21 16 15
----------------------------------------------------

Sadi-sakhan ceh
09035784150
Share please




*SANADIN CACA*


Mallakar SADI-SAKHNA


PROFICIENT WRITER ASSOCIATION



*USERNAMES*
FACEBOOK PAGE:Sadisakhna
WATTPAD:@SAKHNA03
AREWABOOKS:@sadeesakhna
PHONE NO:09035784150
________________________________
*Book 1*
Chp[28]



[Sumaimah a mahangar gani]


Yau kimanin sati guda kenan da zaman goje a bayan garin,kwana uku nayi ina jinyarsa sosai,dakuma kwana dashi. Dagan nanne ya hanani zama sosai,sai Tunga ne yake kwana dashi.
A iya satin kawai har yasamu sauƙi yana tashi dakans,kasancewar dama jikine yasan wahala.
Yau banje wajensa ba,gyaran ƙofar tasa nakeyi,dan jiya da naje yake cemin yau zai dawo gida.
Inna batasan yana garin ba,ita a zatonta daga can wajen aikin zai dawo,dama kuma bayason tasan halinda yake ciki.
Kayan ɗakin na fitar dukka wannan tarkacen,iyah katifarsa na bari sai sallaya da kuma akwatin kayansa,sauran shirgin da baza'ayi amfani dasu ba zubarsu nayi,wasu kuma nakaisu ɗakin gefen inna..
Wani kuwa nashashi tun safe nake har rana tayi,dana gama na ɗora girki. Yau ba makarantar safe weekend ne sai islamiyya kaɗai,itakuma banje ba.
Saida na gama abincin rana nayi wanka nayi sallah kafinnasamu na zauna,inna sai sannu take jeramin.
Kursiyyah ce ta shigo ƙofar tamu hannunta ɗauke da ɗa kwano,wanda nasan awara ce.
Bayanta ajiye kwanon abincinsu wanda muke zuba musu ta ɗauka,dan dama sun saba yanzu ko magana basayi ɗauka kawai suke....shuru kowa yana ƙofarsa ta ciki na ciki.
Sai bayan la'asar na ɗauko qur'ani kenan zanyi tilawa naji muryar Tunga shida goje,har yanzu duk sanda naji motsinsa ko kuma muryarsa sai gaba yaɗan buga ɗinnan,wanda bansan menene dalilin ba. Tun da rana nake jiran dawowar tasa,har na haƙura tukunna suka shigo.
Ban tashi daga inda nake ba inaji har suka shigo cikin ɗakin innan.
Akan kujerar da take ɗakin ya zauna,yasaka kayansa wanda yatafi dasu baƙaƙe.
Gaisawa suke da inna amma kana ganin kasan yasha wahala a tafiyar da suka iyo ɗin,yana daurewa ne kada ya nuna rauninsa.
Shi Tunga tun a tsakar gida ya koma,wanda nasan goje yace masa ya tafin.
Ido muka haɗa dashi ya kashemin ido guda ɗaya ,ɗauke idona nayi tareda ajiye qur'anin nafita daga ɗakin.
Kofarsa na nufah nasake gyara komai,ruwa na kai a jug mai sanyi wanda shine dama bankai ba kada yayi ɗumi.
Hucin numfashinsa nafara ji a bayana,dan dama najiyo takun sawunsa.
A gadon bayana ya kwantar da kansa tareda saƙalo hannayensa ta cikina,tsayawa nayi daga tashi tsayen ina sauraran numfashinsa wanda yake fitar dashi kaman mutum yayi gudu.
"Kinsan nagaji meyasa kika taho kika barni a ɗakin inna,daƙyar fah na iso wajennan"
"Hhhhh sannu toh,a mashin kukazo ne daga can?"
"Uhmm a gashi duk gonakin mutanene a hanyar,sai jijjiga ni Tunga yake tayi a hanya,wajen ciwo yakemin kaman yanzu nayi raunin"
Jin abinda yafaɗa yasa nafara ƙoƙarin cire hannunsa daga kunkumina,amma kuma sai ya sake riƙeni kaman zai maidani ciki.
"Kace wajen yana ciwo,yakamata a duba kar ko ya buɗe,sannan ka haɗa gumi yakamata kayi wanka kaci abinci,saika sake shan maganin"
Cikin nuna damuwa nake maganar,ai yayi ƙoƙari ma da nice da wannan ciwo bazan iya tashi ba.
Tashi yayi daga bayannawa ya dawo kan katifa ya zauna,ɗakin yake ƙarewa kallo baki buɗe.
"Wow dama ɗakinnan