You Cannot Download this book untill you login but you can read it .

---

Login Register

sati daya sannan ya soma shirin komawa nigeria, gabadaya zee taji babu dadi, "yanxu sai yaushe zaka dawo" yace "im not sure amma nan kusa in shaa Allah, zanje gurin Abbah jabir na mishi maganar mu"
Ta sunkui da kai cike da kunya, haka tanaji tana gani ya tafi,

Ashe dagaske ne da hausawa sukace shi SO tsuntsu ne, bata taba tunanin zuciyarta zata iya samun gurbin wani mahaluki ba bayan faruq amma da haquri da lokaci gashi komai ya wuce gabadaya sai taji zuciyarta ta sassauto akan tsanan faruq bawai kuma soyayya ba amma kuma ta rage jin haushinshi,

A bangaren mint kuwa ta lura mijin nata gabadaya ya sauya mata dakyar magana ke hadasu idan ma yana garin fa kenan dan taga ya tsiri tafiyu iri iri baya ma cika zama a gidan, ta kudurce a ranta koda zainab ta dawo to bazata dawo mata gida ba, ya nemi wata cook din amma ba zee ba,

Assiddique ya sanar da yallabai maganar zainab, yallabai ya zuba mishi ido
"Ita yarinyar ina ce a karkashinka take aiki, kuma ita kakeso ka aura" yace eh yallabai
"To ya maganar genotype kuma" yace munyi yallabai babu wani matsala AA ce
Hakan yayi wa yallabai dadi yace "Amma ka gyara tsakaninku da minnatullahi kafin ka kawo wata sannan ka zauna ka tsara ayyukanka kafin ka auro er mutane ka kasa kulawa da ita"
Ya gyada kai cike da ladabi to yallabai

Gaskiyar yallabai ne shi ba mutun ne da zai iya rike mata biyu ba a halin da yake ciki dan haka dole ne a samu mafita kar ya tauye wa wata hakkinta,

Yallabai da kanshi yaje ya samu Abbah jabir suka tattauna magana, a take aka tsaida biki bayan ta kammala wannan shekarar kafin ta juya se a daura sannan ta cigaba, wannan abu yayiwa Abbah jabir dadi sosai, yallabai ya nemi Abbah jabir yayi shiru gameda maganar tukunna har sai Assiddique ya shawo kan matarshi da kanshi...

Yusuf ya samu minnatu tana aikin nata na kullun a gaban system din da har ta soma kashe mata idanu yanxu in zatayi aiki sai da glasses
Ya zauna, ta dan kalleshi ta watsar ta dauka bukatarshi ta kawoshi ammma sai taji yace "minnatu magana zamuyi, in Allah ya yarda nan da watanni biyar za'a daura min aure"
Idanuwa ta zaro waje sakamakon yadda maganar ta daketa, "Aure, Aure, Aure fa kace yusuf"
Yayi blinking idanunshi "Hakane"
"Kai dama wai har ka isa ka kara aure? Har akwae macen da ta isa nai kishi da ita, tukunna ma wacce karyar ce take bimin miji" yayi shiru bai amsata ba sai ma maida hankali dayayi ga TV
Amma dai kai kasan wlh nafi karfin wukaqanci, kuma kasan dai babu macen data isa ta shigo min gidana

Kawai sai tayi daki fuuu tana kuka, nan da nan ta kira Anty siyama a waya ta sanar mata tana rantse rantse be isa wlh yayi aure ba,

tafiya zanyi na bar mishi gidan Anty, kokarin kwantar mata da hankali take amma ina ita kawai gani take yaci mata mutunci ne
Dakyar Anty ta shawo kanta ta fasa tafiya

Sai ta dauka tsokanarta yakeyi ganin ya cigaba da Al'amuranshi dan haka taje ta sameshi
"Na yarda kayi aure amma kan sharuda guda biyu"
💍 *AL_HUBB* 💍

The love 💘

By Aysha b. Naseer
Episode 45: forgive n forget

Batareda ya kalleta ba yace "fadi sharudanki"
Tace "sharadi na farko bazaka kawo amaryar ka wannan gidan ba, saidai ka nema mata wani gidan dan bazeyu ta zauna min a gida ba" ya jinjina kai yana jin karfin hali irin na mint yace "na biyun kuma fa"
Tayi rolling idanunta sannan tace "ka nemi wata cook din ka sallami zainab bana so ta dawo bakin aikinta" ya gyada kai yana tabe baki
Shikkenan naji, amma ki sani na yarda da sharudanki ne badan ina tsoronki ba bakuma wai dan sai na yarda ne auren ze yu ba, a'a saboda masalaha tsakani na dake ne da kuma kyautatawa ta zaman tare wacce na lura ke sam baki san da ita ba, kuma inaso ki zauna ki gyara halayyarki indai ba so kike amarya ta kwace miki ni ba dan saura kiris ma
Maganar zainab dama can banine na kawota gidan ba, kece kika nemi tazo saboda bazaki iya da hidimar mini girki ba, gida kuma naji bazan hada ku ba

Mint ta jima tana juya maganganunshi musamman inda yace "ki zauna ki gyara halayyarki" hakan yasa ta soma zargin ko tana da wata mummunar halayya ne, kuma me kyautatawa take nupi a zamantakewa irin ta aure

Zainab t kammala shekararta ta farko ta dawo gidan Anty dan dama jira kawae take ta dawo a hau mata gyara, itace sha wancan sha wannan duka dai,
Rannan zainab tana daki tana bacci ta jiwo hayaniya cikin babban falourn Anty hawwern ta tashi ta dubi kanta a madubi, tasa hannu ta shafi skin dinta ita kanta burgeta skin din keyi, tayi kyau ta murje sosai, yau saura sati biyu cif a daura aurensu fa.... Anty ce ta turo kofar dakin ta shigo tace "saka hijab ki fito ku gaisa" zainab tace Anty su waye tace "amaryar Abban nihal da qaninta" ta fita tana murmushi zainab ta dan tabe baki ko mene abin murna dan amaryar mijinka t ziyarce ka, ta saka hijab ta fita falourn,

A hankali take takawa tana kara gasgata abinda idanunta ke fada mata "su kuma me sukeyi a nan, mene hadinsu da amaryar uncle muzakkir"
Anty tace karaso zainab, zainab ta karasa tana mai dubansu duka
Ta dan danne mamakinta
Ta gaida su ciki ciki, ita kadai ce ta amsa amma shi bai amsa ba idanunshi na kallon kasa ne kawae

Anty hawwer tace " Zainab ita ce Amaryar Abban nihal"
"Ya safiyyan?" Zee ta tambaya a mamakance tanaji kamar kar ta yarda a ina Abban nihal ze san su faruq,,, sunzo ne domin suyi magana da ke zainab,
Zee a ranta take ayyana "wato Anty tasan ya safiyya Mijinta ya aura shine bata samarmin ba"

Anty hawwer ta tashi ta basu guri ya rage sai su uku cikin falourn
Ya safiyya ta matso kusa da zainab ta kamo hannayenta
"Zainab nasan ko wace faruq yayiwa abinda yayi miki bazaki yafeshi ba ni banga laipinki ba
Bawai kuma ina nema mishi afuwa bane dan shidin dan uwa nane ba" rabuwarki da faruq yayi ne domin kwanciyar hankalinki zainab, nan Anty ta sanar da zee reason din faruq duka"

Zainab taji jikinta yayi sanyi "bata taba tsammanin faruq na sonta har haka ba dama mutun yana nashi ne Allah ma na tashi"
Ta dubi faruq din wanda a yanxu ko ishasshiyar lafiya ma bata isheshi ba balle abin kula da iyali
"Nayi tunanin bazan iya yafe maka ba a baya amma yau na yafe maka faruq kuma gaskiyanka a lokacin da ka fadamin dalilanka da bazan yarda ba saboda im blindly inlove, im desperate to become ur wife ban ganin laipinka ko kadan, bazan gane meke jira ba a time din bakuma zan karbi uzurinka ba, madalla da wannan soyayya taka a gareni faruq, haqiqa yanxu kam nagode maka kuma a tsakani na dakai babu komai sai mutunci da zumunci"

Sai a lokacin yayi smiling yace "nagode zainab Allah ya sanya Alkhairi a aurenki" tace Amin kaima kuma haka

Haka nan zuciyar zee tai mata wasai, wannan shi ne beauty of forgive and forget, if you keep holding grudges it will keep affecting you, zai shafi lafiyar mutun, kullun tunanin mutun zai tsaya ne kan ya zan raam abinda wane yayi min, gabadaya zaka manta goals dinka na rayuwa kayi focusing kan mutun daya jal wansa haka zeyi tasiri wajen rashin cigaban rayuwar mutun ne, dan Allah mu zamo masu yafiya ko muma ubangiji ya ji 'kan mu

Zainab ta sanar da Anty duk yadda sukai dasu faruq, Anty taji dadi sosai, dan zataso er uwarta ta shiga gidan aurenta babu wani digon tsana a ranta, yadda zata bada zallar soyayya wa mijinta
Anty tace
"Lokacin da Abban nihal yace zeyi aure nayi kokarin sanin wace ya sanar dani wata tsohuwar budurwarshi ce daya taba haduwa da ita a europe sanda yake zuwa gurin barrister dake karatu a can, tun kafin muyi aure ya sanar dani magaanr ta kuma ni shaida ce yana kaunarta kawai dai dadynta yaqi yarda shima hajiyarshi taqi amincewa a lokacin har ta nema mishi aurena
A sanadin gorin da Abbanta yayi mishi na cewar baida ilimi ya sakashi komawa makaranta bayan munyi aure nima ya sakani nayi masters, mafarin zuwanmu karatu saudiyya, gashi yanxu yakai matakin PHD har yana sake wasu research din"

A hankali zainab ta dinga relating labarin da faruq ya taba bata na Ya safiyya da saurayinta a europe da labarin Anty hawwer, sai taji ta gane komai, ikon Allah kenan gashi a karshe dayake ya safiyya matar uncle muzakkir ce bayan tsayin shekaru sun sake haduwa kuma ya aureta din
Allahu Akbar ta furta tana ganin iko irin na ubangijinmu maiyi yadda yaso, shikuwa dady yanxu ya saduda a yadda Anty hawwer ta bata labarinshi ya halisa kuma ana kwance ana jinya rae a hannun Allah, an ma kasa gane mene ke damunta

Zainab tace da Assiddique bata buqatar wani event amma Anty ta shirya musu kamu iya mata zallah, yace "to shikkenan"
Tayi mamaki dayayi saurin yarda ma, ranar kamu kuwa ana mata makeup an kusa kammalawa Anty tazo ta sameta tace "kuyi sauri zainab ango yana waje yana jiranki zaki karbamin sako"
Aka kammala ta lullube fuskarta da gyalen rigar me kamar net, complete white tayi sai touch na sky blue, ta fita ta sameshi cikin mota yace ta shigo
Ta shiga motar ranta bayaso dan bataso ta dade gurinshi, da tarin mamaki taga yaja mota sun soma tafiya,
Ta zare ido "banfa dakko clutch ba ina zaka kaini" yace kiyi shiru kawai mu tafi cikin salama
Ta dan harareshi
Sai gasu gurin katon gurin event, basu dade da zuwa ba su Anty ma suka karaso tazo ta kawo mata clutch
Nan fa guri ya dauka ai amarya da Ango sunzo
suka shiga ciki kawayenta da abokanshi na take musu baya, sai taga sam wannan ba kamu bane tamakar wata mashahuriyar dinner ce, duk taku daya da zatai camera man yana fitar da hoto fitacce,

Mint bata san me akeyi ba, tana can gidan yayanta dake Abuja itama tana sake gyara, dan kin zama tai a gidan tun saura sati biyu da bikin, a cewarta gara taj cikin en uwa zatafi jin dadi,
Anty siyama tana daga cikin taron, dan ita kadai ce tace zataje cikin matan Abbah jabir sauran duka cewa sukai ai abin na en mata ne, tun saura wata 1 bikin ta gane Mijin kanwarta zee yake nema kuma zai aura, amma gudun husuma yasa tai shiru koma mene sune suka kai zee gidan yanxu basuda bakin yin complain, tana tausayawa mint dan idan ta gane abinda ake ciki kowa bazeji dadi ba

Duka yaran Abbah jabir daidaiku ne basu halarta ba, bama kamar su zakiyya da ake ta rawar kai dan ji take tama fi zainab jin dadin wannan auren

Mint na zaune matar yayan nata ta kkwalla mata kira babu kakkautawa,
Jin kiran dai yaqi karewa yasa ta nupi dakin da take, ta wulla mata wayar hannunta "dama wannan ce matar mijin naki, ni kamar na ta6a ganinta ma a gidan siyama"
Mint ta dauki wayar tana son ganin amaryar mijin ta "
Ta rike wayar baki bude domin ba wata high makeup ne a fuskar zainab din ba,
Dariya tayi amma mai tafe da hawaye, "Anty zainab ce fa"
Sai ta saki wayar ta dora hannu aka
Wallahi Anty sai na musu rashin hankali, dama amanata suke ci ban sani ba"
Sai dure duren ashariya ya biyo baya

not edited
💍 *AL_HUBB* 💍

The love 💘

By Aysha b. Naseer
Episode 46: knotted

Matar yayan nata ta kada kai kana tace "to ke yanxu dan Allah mene haka, ji abubuwan da kike fada" mint ta dubeta idanunta sun fara cikowa da kwalla tace "Amma Anty idan banda namiji ma, mene ya rasa tattare dani, kalleni fa, babu abinda bani dashi"
Ta tabe baki tace zauna mint kiji
Kamar bazata zauna din ba amma ta zauna ranta na mata k'una
"Naga alama duk cikin yayyanki babu wacce zata fadamiki gaskiya mararanta shiyasa ni zan fadamiki minnatu, na lura sam bakisan me ake nupi da zamantakewa irin ta aure ba, abinda kikeso kuma kikaga yayi miki shi kike aikatawa wanda hakan kuma ba daidai bane, akwai sadaukarwa akwai haquri akwae hidimtawa juna akwae juriya dukka a zamantakewa irin wannan,
Ko ita siyama da kikaga tana zaune gidan mijinta lafiya dole tana haquri ne saidai in bazata fada miki ba, inaso ki sauke wannan girman kan da kika dorawa kanki domin baze amfaneki da komai ba, shifa aure bauta ne ta ubangiji ki tsaya ki kyautatawa mijinki tayu ki samu rabauta duk wadannan kyale kyalen da kike dauka shi ne aure sam basu da wani muhimmanci,
Minnatu ki sani shi fa zaman tare dole saida kyautatawa kuma ita zuciya an gina ta abisa son wanda yake kyautata mata, indai dagaske kina son mijinki kamar yadda kike ikirari to sai kin mishi biyayya, shi namiji shi ne shugaba, kuma wallahi badan mijinki me haquri ne bama baxe taba jurar wannan cin kashin da kike mishi ba, da tuntuni yayi waje dake
Abinda nakeso dake shi ne ki yarda kina da laipi, domin idan kika yarda kika amshi laipinki shi ne zaki samu ki gyara alaqarku keda mijinki
Itafa gaskiya a bayyane take ke da kanki kin san abinda kikeyi ba daidai ba, idan mijinki na kyautata miki kinsani idan ma kece kika tura shi bango ya dena kyautata miki kinsani, idan mijinki na ganin kimarki wallahi kinfi kowa sani, balle ma kuma Assiddique
Ke da ace wani ne keda wannan dukiyar kuma kike mishi abinda kike ma yusuf ke kinsan wulaqancin da zaki fuskanta ba kadan ba ne dan ba er kankanuwar wahala zakisha hannunshi ba
Shawarata anan ki kwantar da hankalinki, karki sake ki tadawa mijinki hankali domin indai kikai asararshi ko kika bari ya subuce miki a tunaninki na zaki sami wani to wallahi kece zaki kwana a ciki ke mutunce kuma mai cikakkiyar hankali ki tsaya ki gyara halayyarki dan ke kanki kinsan zama dake abu ne mai wahala,
Dan Allah ki saka kanki a mazaunin Assiddique idan shi ne yake miki abinda kike mishi ya zakiji? Zaki iya jurewa"

Mint tayi shiru tana sauraren maganganun Anty hakika ita gaskiya dama daci gareta, taji dacin maganganun Anty amma can kasan zuciyarta tana ji kamar gaskiya ne, idan da ita ke da matsayin yusuf a kasar nan, da bazata ma soma auren yarinya a nigeria ba, gani zatai duk ta girmi tunaninsu, da ita keda matsayin yusuf kuma matarshi ta mishi abinda ni nayi mishi bazan zauna da ita na sscond guda ba....

Anty ta katse mata tunaninta da fadin to shiyasa a alaqa irin wannan uzuri yake da dadi, yanxu naki turn dinne ki saka wa Assiddique da haqurin da yayi na zama dake kowa idan yayi aure kwanciyar hankali yake nema, amma du kinbi kin tada naki hankalin da nashi kin hana muku zaman lafiya, kije gurin malaman islamiya su kara sanar dake zamantakewa dan ni ba malama bace kuma ki nemi yafiya gurinshi dan kin dauki hakkinshi..

A bangaren Amare kuwa ana can ana shagali, ba kananun kudi aka liqawa zee din ba, bama kamar angon nata daya bude bakin aljihunshi yayita watsa mata nera da doollar saida t rike hannunshi a kunyace tana blushing shima ya dan murmusa sannan yace "ur wish my command my queen"
Hotunan bikin nan sunbi social media sosai, zakiyya ji take ina ruwa ta zuba a kasa tasha, yau zainab dinta ta auri mijin minnatu

An daura auren daya samu halartar dumbin jama'a manyan mutane na kasar sannan aka soma shirin kai amarya dakinta, zainab na daki itada su zakiyya Anty ta kira wayarta tace "ta fito" ta saka gyale a kai ta fita, tana sanye da atampa Ash and white, da farin gyalenta, ta sami Anty itada Abokiyar zamanta ya safiyya suna hira abinsu kai kace ba kishiyoyi bane abin sha'awa
Gefe ta ga faruq zaune kan kujerar dayake ba anan ake daura aure ba yasa babu jama'a gidan sosae ba kamar gidan Abbah jabir ba

Ta gaidasu suka amsa, Ya safiyya tace "zainab ina tayaki murna Allah ya sanya Albarka a aurenku" sai tayi murmushi ta daga kai ta kalli faruq yace "na tayaki murna qanwata"
Fuskarta da dumbin farinciki tace "Nagode yayana"
Daga haka ya tashi ya basu guri dama yazo yi mata Allah sanya Alkhairi ne, su Anty suka saka ta a gaba da nasihu kala kala gameda zamantakewa, daga karshe akayi shirin daukan Amarya

Komai ya tapi lafiya aka kai amarya gidan yallabai gurin kowacce matarshi, sannan aka kaita gidan mint, tana waiting falour a zaune tasha ado itama aka ajiye amarya a gabanta aka gama nasihu suka tashi batace dasu ko uffan ba
Zainab ta danyi mamakin mint, sai taji dadi da batai tashin hankali ba kamar yadda tayi tsammani,

A gidan yallabai zainab da wadanda suka kawo amarya suka kwana, da shirin kashegari amarya zata wuce gidanta dake UK, su Anty duk sun niyyaci zuwa ganin gidan Amarya amma fafur Abbah jabir ya hana yace babu wanda zaibi amarya,
Hakan nan suka haqura suka koma gida a kashegarin,
Zainab na zaune a dakin da aka saukesu, ta dubi kanta a mudubi sai sheki take exactly yadda Amarya ya kamata ta kasance, sai taji tayi kewar yusuf, tun ranar dinner dinnan rabonda ta ganshi dukka sun shiga busy ko waya basu samu sunyi ba, ta rike wayarta tana jujjuyawa kamar ta kirashi amma sai t kasa,
Kwankwasa kofar dakin akayi, ta bada izinin shigowa,
Daya daga cikin hadiman gidan yallaban ta shigo ta ajiye mata Accessories din tace "hajiya tace "ki shirya Anjima Angonki zaizo" tana kaiwa nan ta fita,
Zee ta matsa kusa da kayan tana kallansu, ta jinjina kai lallai wannan kaya kowa ya gansu yaga zallar dukiya,
Ta shiga tai wanka ta fito ta shirya cikin less din da aka kawo mata, ta daura dankwali fuskarta fayau babu makeup ta dora gyalen dake ta walwali a kanta, ta jawo wayarta taga lokaci karfe hudu harda mintuna, ko ba'a sanar mata ba tasan lolacin sallah yayi ta tashi ta gabatar da la'asar dinta
Daidai ta idar wasu en mata suka shigo dakin, daya tace "ki fito wai ana jiranki", ta zura kafafunta cikin rufaffen golden shoe dinta sannan suka fita

Sai da suka wuce falour wannan bangaren aka kaita har falourn yallabai, a can taji presence dinshi dukda fuskarta a rufe take amma tasan yana cikin falourn,
En matan da suka mata rakiya suka zaunar da ita sannan suka koma,
Yallabai yayi musu tashi nasihar sannan yace zasu iya tafiya, zainab taji an kama kafadunta tasan ba maigidan nata bane amma batasan waye ba, har mota ta shigar da ita sannan tace "Amarya a dawo lafiya, daga jin muryar tasan ta mint ce

da sukaje filin jirgi taji motarsu ta tsaya a ranta tanata tunanin ina mijin nata ne wai, meya hanashi shigowar motar datake, bude kofar motar akayizee taji an yaye gyalen fuskarta, ta fara tozali da takalman kafarshi, ta daga ido ta kalleshi, looking exactly like Ango,
"To ai mun baro gidan yallabai kya iya bude fuskarki, tayi smiling, ya hada hannayensu ya fito da ita, sai lokacin zainab ta lura da tulin securities din da zasui masu rakiya tace "na dauka mu biyu zamu tafi" ya girgiza kai
"Yallabai baze taba yarda ba"
Sun sauka lafiya cikin birnin na london a ranar dukkansu baccin gajiya sukasha babu ma kamarshi daya tara uwar gajiya
💍 *AL_HUBB* 💍

The love 💘

By Aysha b. Naseer
Episode 47: His bride


Kashegarin ranar da magarib ya shigo gidan da leda a hannunshi, zee tana can falournta tana kallo abinta, sai taji kamar motsinshi ta ruga daki d sauri ta nemi hijabi ta saka ta koma bakin windown cikin dakin tana kallan wasu flowers a bolcony
Har cikin dakin ya shigo yana fidda kamshi, yasha ado bata juya ta kalleshi ba

Ya ajiye ledar hannunshi da cewa Amarya ga kazarki, tai shiru tana rarraba idanu, ya bude ledar kamshi ya shiga lungu da sako, ya taka ya karasa har inda take tsaye ya zagaye kugunta da hannayenshi, ta dan matse jikinta ya saka kanshi a kafadarta

Tun zee bata saki jiki ba ya saka saida ta saki jiki bayan sun kammala cin kazar yace "ki dan cire hijab din mana kisha iska, ta girgiza kai ai babu zafi, yayi murmushi
Nidai Ayshab na koma daga falour na jawowa amarya da Ango daki dan naga Assiddique niyyar kashe boss yake lol

Satin Assiddique daya gurin zainab ya koma Nigeria cikin sati dayan nan kuwa soyayya babu kalar wacce basu kashe ba, sanda zai tafi ma sai zainab taji gabadaya bataso, har da yi mishi kuka amma haka ya lallaba ta da cewar ta bashi 1 week zai karasa wasu abubuwan a Nigeria sannan ya dawo

Mint taji dadin dawowarshi, shima kuma yayi mamaki sauyi daga gurinta, ta chanja kamar ba ita ba, bakaken kalamai, ji da kai, rashin kulawa, duk ta rage su sosai, hakan yasa Assiddique yabonta, a lokacin ta nemi yafiyarshi kan abubuwan da tayi ta mishi, ya kuma ce ya haqura har ranshi

Zainab tana nunawa masu aikinta abubuwan da suka kamata taji wayarta na ringing ta dauka tana jin dadin ganin sunan Anty hawwer, sunyi er hira sannan tace mata "naga abin Alkhairin da mijinki yayi wlh na matuqar ji dadi Allah ya saka mishi da gidan Aljanna"
Zainab ta shiga nazari mene yayi din haka tace "Anty me kenan" zee tace duk yadda abin Alkhairin sa yayi ya bi social media ke baki sani ba
Tace "a'a Anty" Antyn tace "to ki duba news nasan zaki gani"
Ta shiga kafar news dake cikin wayarta, tana ta dubawa aikuwa saiga sunanshi
"Shahararren d'an kasuwar nan wanda ya kasance d'an gaban goshin yallabai wato yusuf Abubakar Assiddique yayi abin da ya bawa kowa mamaki"
Ta shiga cikin full labarin ta soma karantawa, har ta fahimci abinda angon nata yayi,

Har cikin kokon ranta taji dadin abinda mijin nata yayi, "zuciyarshi wankakkiya ce he's pure" ta tabbatar wa da kanta tana mai murmushi
Ashe abinda zaiyi kenan dayace na bashi sati daya, ta sauke numfashi cike da jin dadi, ta kudurce bazatai mishi maganar ba sai ya dawo

Ranar da zai dawo kuwa shiri ta maida hankli tanayi sosae, ta gama tsara duka abinda zatai mishi hatta da kayan da zata saka wajen tarbarshi sai da ta fidda su ta ajiye, cikin gidanta kuwa kamshin turaren wuta yake na musamman da Anty hawwer ta saka akayi mata hadinsu, su kajiji, damsu, sandal da sauransu, dayake kullun saita kona ta turara jikinta sai gidan ya kama sosai hakama jikinta
Ta maida hanakli ta shiga kitchen, karfe 2 ta soma girke girken itada wata baturiyar yarinya dake dan taimaka mata batai wasu abincika masu yawa ba dan haka da wuri ta kammala

Karfe 4 da mintina ta fada wanka dan sai 5 jirginsu zai sauka, ta fito taci ado bamai yawa ba looking as natural as always, tana jera abincikan a dining dinshi taji an murda kofar falourn, ta dubi wajen kofar tana jiran ganin mai shigowa dan kuwa tasan da dan sauran lokaci kafin karasowarshi,
"Yana so yayi suprising dinki" taji zuciyarta na rada mata, ta saki baki tana kallonshi ya tako yana mata murmushi,
Har ya karaso gurinta tana kallonshi, ya dan ja hancinta yace "bazaki amsa sallamar tawa bama" ta sunkuyar dakai "sannu da hanya"
Ta karbi briefcase din hannunshi, ta ajiye,
Tace "abinci ko wanka" yace zabamin tace muje na wanke ka to, yayi brief smile yace kafin nan muje kiga
Ya zagaya bayanta ya saka hannayenshi ya rufe mata ido yace muje
Tana murmushi ta dinga tafiya batareda tasan ina suke tafiya ba,
Sanda suka tsaya ta tabbatar harabar gidan ce saboda iskar dake kadata ya dauke hannunshi daga idanun nata hakan ya bata damar bude idanunta yayinda rantsattsiyar motar ta bayyana a gabanta ta karasa gurin motar sannan ta juyo tana kallonshi yana tsaye,
"Sabuwar amarya mukayi?" ya girgiza kai, kikayi dai matata, ta zare idoo
"Ni kuma" tasa dan