You Cannot Download this book untill you login but you can read it .

---

Login Register

jiki na haye gado da kayan jikina ko mayafi ban cire ba naja bargo na gudundune har Kai na saboda tsoro na fashe da kuka yanzu shikenan ya tabbata an min aure kuma da wannan mugun sannan gida d'aya zamu zauna, shikenan na shiga uku na sai yanda rayuwa tayi dani.

Tun ina kuka ina sake-sake har baccin wahala ya d'auke ni ba tare da na sani ba dama ga gajiyar biki ga rashin bacci su suka had'e min waje guda sai ajiyan zuciya nake a cikin baccin alamun na ci kuka na koshi.

Zafar kuwa tunda taro ya tashi duk hankalin sa yana kai na burin shi d'aya ne shine mu keben ce ya ci mutunci na sai zuba sauri yake mu shiga mota wani abokin shi da yazo bikin tun daga turkey ya tsaida shi yana mishi jawabin gobe jirgin karfe shida zasu bi su koma so ba lalle ne su had'u ba dan sun san a wannan lokaci yana can rungume da amarya ana shan soyayya, nan suka shiga yi mishi tsiya irin ta abokanen ango ya biye su ba dan yana so ba sai dan kawai kada su zargi wani abu yasa ya d'an b'ata lokaci har muka wuce bai sani ba.

Ya sha takaici kaman ba gobe da ya neme ni ya rasa, a bakin sauran mutane da basu gama wucewa yaji cewa mun wuce da 'yan uwana, minti biyu bai kara ba yace shima ya kamata ya tafi yayiwa wayan da zasu bi flight d'in safe Allah ya kiyaye hanya ya juya ko kula masu tsokanan shi wai zai gudu gida wajan amaryan shi,ko waiwayowa bai yi ba balle ya tanka shi dai burin shi ya same ni a wannan gida da babu kowa ya rama abinda nayi mishi.

Da kyar ya yarda Sadiq da wani abokin su mai suna Shu'aib suka mishi rakiya, a cikin motan ma bai tsira ba Shu'aib sai takalan sa yake Sadeeq na musu dariya.

A suya spot dake baga road Sadeeq ya tsaya ya saya musu manyan kaji 2 da drinks suka kama hanya, shi dai Zafar sai tab'e baki yake yana mamakin Sadeeq daya dage har da sayan kajin Amarci ko uban wa yace mishi wani abu zai shiga tsakin mu oho.

A bakin gate ya sauka yace musu ya gode ba sai sun bishi ciki ba

"Dama ni na san ksud'in banza ake mana gashi dai idon mu ya gane mana" cewar Sadeeq kenan yana bud'e murya dan Zafar da ya kusa shiga ciki yaji hannun sa d'auke da ledodin da sukayi shopping d'in.

Mai gadi na zaune har ya fara gyanyadi yaji tura karamin kofa na jikin gate d'in, cikin sauri ya mike yana yi mishi barka da zuwa.

Tsayawa yayi suka gaisa cikin mutunci sannan ya wuce ciki shi kuma ya kulle gate d'in tare da shigewa makwancin sa, murya can ciki yayi sallama ya shigo parlour ba shiri ya lumshe ido yana shakan daddadan kamshin turaren wuta da Aunty ta saka kamin ta tafi, ya kai good 5 seconds yana shakan kamshin sannan ya bud'e ido yana bin ko ina da kallo yanda aka jera komai cikin tsari gwanin burgewa.

Tab'e baki yayi ya kama tafiya ciki yana da shi Abba ya bawa kud'in nan yaki ya bada order furnitures masu tsadan nan dan da farko shi aka ce ya zab'a min da gangan ya zab'i wasu bakake wai tunda painting gidan masu haske ne wayan nan sune zasu haska.

Abba bai kara kula shi ba ya zab'o wayan nan da aka jera a parlorn, Kai tsaye inda ya san nan ne b'angare na ya nufa ya bud'e kofa kamshi days tarar a nan yafi na farkon, madaidaicin parlour nawa yabi da ido yanda komai aka shirya shi cikin kwarewa da wayewa babu tarkace dayawa amma komai ka gani a ciki classic nd expensive ne.

Sosai parlour ya tafi da imanin shi yana tunanin yaushe Abba ya sayo wayan nan dan shi dai a gaban shi akayi ordern komai, toh meye ma damuwar shi da zai damu kqn shi sai ya san ta ina suka zo kayan.

Cikin sauri ya karasa kofar bedroom da nake ciki ya murd'a handle d'in yaji ta a garkame gam kara murd'awa yayi yana jijjiga kofar wai ko zan zo in bud'e ni kuwa Ina can ina ta sharar bacci na ban san ma yana yi ba.

Tsaki yayi tayi yana cizon yatsa da takaicin kulle kofa da nayi,nan da nan wani tunani ya fad'o mishi ai ba za'a rasa spare keys na ko wani kofa ba, cikin sauri ya juya da nufin zuwa d'akin shi ya duba har yayi steps 2 zuwa 3 ya tsaya cak sakamakon wani abu daya fad'o mishi a rai.

Kar dai ace na rufe d'aki nane saboda ina tunain zai shigo min as ango??

Hmmm inko haka ne ba zai bud'e ba balle in saka ran cewa wani abu ya kawo shi, God forbid ba zai tab'a abinda wannan kucakar zata raina shi ba, dangwaran da ledan hannun shi yayi a bakin kofan ya juya ya nufi nashi d'akin .

Tun a parlour shi ya fara kunce necktie dake wuyan shi da maballan suit din shi a haka ya karasa cikin bedroom ya gama cire kayan ya shiga bathroom, wanka yayi da expensive liquid soaps da kamshin su ya cika gidan gaba d'aya bai dad'e ba ya fito sama-sama ya shafa d'an 🧴 a jikin shi ya saka white pyjamas d'in shi masu taushin gaske ya bi lafiyar gado.

Tsaki yaja shi kad'ai yana kara Jan bargo ya lullub'e jikin shi da kyau yana mai jin haushin kan shi na kawo irin wannan tunanin a ran shi,wai da auren gaske yayi da yana can tare da amaryan shi " Allah ya sauwake 'yar Mallam ce fa Kuma ka aure ta ne dan gujewa Abba ko ba haka ba?" Ya tambayi kan shi yana lumshe ido saboda ya fara jin bacci " Anya zan iya bari tayi min wata 2 a gida? she have to leave within a month kamin nan na samu d love of my life".

Tun yana suratai wa kan shi har bacci mai dad'i yayi awon gaba dashi.

Hankali kwance na sha bacci na ban tashi ba har sai da naji ana kiraye-kirayen sallah duk da naji na kwanta shiru ina jiran inji Inna ta leko ta tashe ni amma shiru, ganin kila zamu makara yasa na tashi a raina ina mamakin lafiya kuwa yau Inna bata tashi ba.

Da Addu'an tashi daga bacci na tashi zaune ina murza ido, a firgice na mike tsaye ganin Ashe ba a d'aki na da na sani na kwana ba domin Ina kallon komai tar dan ban kashe wutan d'akin ba na kwanta haka saboda tsoro.

A hankali na fara bin d'akin da akace nawa ne da kallo tare da mamakin irin dukiyar da aka narkar a ciki, ba komai ya saka ni mamaki ba sai dan jiya naji suna ambatar cewa Inna ce tayi min kayan d'aki.

Kara kallon wannan Royal set maroon da sirkin baki nayi sai sheki suke kaman an shafa musu mai ko kuma ince kaman da glass akayi su yanda suke walwali da d'aukan ido, ko turaren wuta,humra,kulacham da sauran su da aka jera min a cikin tangamemen show glass abin kallo ne dan kwalaben kad'ai sunyi jarin wani.

Jiki a mace naja kafafu na cikin bathroom nan d'in ma tsayawa nayi ina kare mishi kallo yanda komai na ciki fari ne kal kuma duk na zamani da kyar na gane wasu abubuwan na had'a ruwan zafi nayi wanka dan jiya tsoro ya hana ni yi, alwala ta na d'auro bayan na gama wankan na fito.

Aunty Fatima duk ta nuna min yanda suka ajiye min kaya na duk da ba'a kawo min lefen ba na gidan mu ne da Inna tayi min, wata atamfa doguwar riga na saka wanda ya sha dinki mai kyau kuma cif na cika shi, abin sallah na shimfid'a na saka hijabi na kabbara sallah.

Ban tashi a kan abin sallah ba sai kusan 6:40 domin sai da nayi azkar na safe na d'an yi karatun Qur'an sannan na mike na cire hijab na ninke su da sallaya na ajiye gefe, shafa shaffafen tommy na da yake kaman babu hanji nayi jin yana kukan yunwa dan ni kaina na manta yaushe rabo na da abinci, da fa auren gaske nayi ko kuma da Yaya na na aura I know he will pampered me yana rarrashi yana bani a baki ba zai tab'a bari in kwanta da yunwa ba, but dubi wannan mugun ko irin Kazan amarci da naji ana bada labari bai kawo ba.

A take Kuma wani sashin zuciya ta ya kwab'e ni da cewa ta ina zan sammaci wani kazan amarci daga gare shi bayan ya jadda min dalilin aure na da yayi kuma baya gajiya da nanata min ba so na yake ba.

"Hmmm" kawai nace a raina tare da niyyan neman abinda zan ci, kaman mai tsoron kada wani abu ya kamata na bud'e kofa na leka naga wata fitinanniyar parlour na da ya kusan saka numfashi na barin jikina.

"Masha Allah " nake ta maimaitawa da jinjinawa Inna, yanda parlour nan ya tsaru koma wanene kai dole ne ya burge ka ba'a cika mashi tarkace dayawa ba but yanda aka jera komai a position din shi sai ya fito da kyan parlorn cushions labulaye duk kalan su daya wato peach nd milk color ne sai tangamemen plasma da sauran abubuwan kallo suma wajan su d'aya, abinda da yafi birge ni wasu manyan flower vase da aka ajiye a kowani angle shima ya bada ma'ana.

Tafiya na farayi zuciya ta na dukan 3-3 dan ina tsoron had'uwa da wannan dodon, ina bud'e kofa wani parlour na kara gani har yafi nawa komai I mean girma da dukiya da aka zuba a ciki baya lissafuwa shi kuma nan komai na cikin sa brown nd white ne.

Nan ma da naga kallon ba zai fishe ni ba na fara duba kofofi da na gani a cikin parlour dan neman kitchen na san anyi min gara ba na wasa ba so ko indomie ne in samu in dafa in sakawa cikin nan nawa da nake ji sai kara ya mutsewa yake.

Babu tunanin komai kai tsaye na nufi wata kofa da hankali na ya kwanta dashi na bud'e, wani sanyi da wannan sassayan kamshin sa suka min maraba da sauri na waro ido ganin inda na kawo kaina, a can tsakiyan tanfatsetsen gadon shi na hango shi kwance yana baccin sa cikin kwanciyar hankali dan bai san ma na shigo ba a hankali na mayar da kofan na rufe kaman yanda na samu na juya cikin sauri na koma inda na fito domin har naji na daina jin yunwan.

In ba dan Allah ya taimake ni yana bacci ba wani bayani zanyi mishi na kare kaina, da shikenan sai yace biyo shi nayi.

Ido na rufe sai sauri nake buri na in shige d'aki na naji nayi tuntube da abu a gefen kofata, tsayawa nayi Ina kallo tambarin jikin ledan ba sai an fad'a min ba na gane kajin amarcin ya kawo min amma banida darajan da za'a miko min hannu da hannu shine ya dangwarar min ita anan?

A zuciye nayi ciki tare da banko kofa Ina huci ni kad'ai lalle ya cika d'an rainin hankali, nima ban d'auka kaman yanda ya ajiye abin shi haka zai dawo ya d'auka sai dai yunwar ta kashe ni.

Na kusan minti 30 zaune sai tsaki nake ta jerawa saboda takaicin da ciki na ke bani na kasa hakurin yunwan ni kuwa nace sai dai in mutu ban cin kazar da aka dangwar min.

Jiki na rawa ya fara na kai last stage da ba zan iya jurewa ba kuma,tashi na kara yi ina tafiya da kyar tare da addu'an Allah yasa bai fito ya d'auke ba dan na lura in na zauna yunwar ta kashe ni ba matsalar shi bace Inna ta akayiwa asara.

Ina bud'ewa kuwa naga tana nan ajiye kaman yanda na barta, wawurar ta nayi na koma ciki da sauri bayan na maida kofa na rufe, ban iya karasawa cikin bedroom din ba a nan parlorn na zauna jiki na rawa na dauki goran yogurt na kafa kai ban sauke ba sai da na shanye tas sannan na ajiye roban Ina ajiyan zuciya.

Kullin kajin na warware shima na fara ci hannu baka hannu kwarya, ban sarara ba sai da naji nayi kat sannan na ture su gefe na jingina da jikin kujera sai sakin ajiyan zuciya nake amma kuma can kasan zuciya ta kuma haushin kaina nake ji da na kasa hakuri na ci wannan kayan shikenan ya samu hanyan cewa ni kwad'ayayyiya ce na san kad'an daga cikin halin sa kenan.

Tashi nayi na tattara su na kai su cikin frdge da na gani cikin parlour na saka duk wai dan Kar ya shigo ya gani na ci, hmmm in banda abu na a Ina ma zai ganni ai duk hanyan da zan kaucewa had'uwa ta da shi zanyi har lokaci da ya d'iba yayi ya sallame ni in kama gaba na.

Da wannan kwarin guiwan na shiga bathroom na wanko hannyaye na yafa veil karami a kaina na fito parlour na zauna akan sofa tare da cigaba da nazarin rayuwata tun daga kuruciya zuwa yau.

Tun yanzu na kogu lokacin da ya d'iba yayi ya sallame ni makaranta zan shiga abuna inyi karatu mai zurfi in cika buri na, na zamewa Inna farinciki kuma abin alfahari.

Ban san lokaci ya tafi sosai ba nayi zurfi cikin tunani naji muryan mace na sallama.

Firgigit na dawo hayyaci na tare da tashi zaune na amsa sallaman tare da aro 'yar fara'a na yafawa fuska ta Ina kallon kyakkyawan yarinya da ba zata wuce age mate na ba hannun ta rike da wani hadadden basket mai dan girma da warmers masu kyau a ciki, nuni nayi mata da wajan zama nace ta zauna.

Ba musu ta zauna ta fara gaishe ni jin abun nayi bambara kwai wai ni za'a gaisar, amsawa nayi Ina tambayan ta mutanen gida tace min suna lafiya.

Miko min basket din hannun ta tayi tare da cewa " suna na Yasmin ni cousin sister ce ga Ya Zafar, mama na da Abban shi 'yan d'aki d'aya ne yanzu ma ita tace in kawo muku wannan breakfast din sannan akwai sakon da tace a bashi".

D'an murmushi nayi nace " Allah sarki yayi kyau".

D'aukan basket nayi na kai kan dinning table na jajjera warmers din na dawo na zauna kusa da ita da ko motsawa bata yi ba a inda na bar ta ba, I'm feeling nervous dan ban san wani irin hira zamuyi ba.

"Pls kiyi mishi magana zan tafi dan ance kada in dad'e" naji muryan ta ya katse ni.

"Toh" kawai na iya ce mata na mike Ina d'aga kafa da kyar zuciya ta kuwa kaman ya fasa kirjina ya fito, me zan ce mishi tayaya ma zan iya shiga d'akin wannan masifaffen?.

Na fi minti biyar tsaye a bakin kofan amma na rasa tayaya zanyi sallama ko kwankwasawa ba mamaki ma in ya ganni kofan d'akin shi yayi min wata fassarar, ganin babu sarki sai Allah yasa na daure na kwankwasa kofan amma a hankali kaman mai tsoron kada a jita.

Nayi knocking kusan sau 3 amma banji alamun motsin mutum ba, hakan yasa na bud'e a hankali na leka naga babu kowa sai sanyin ac daya had'u da kamshin sa ya bada wani yanayi mai ni'imar gaske, lumshe ido na nayi Ina kara bud'e kofofin hanci na Ina shakan kamshin naji bud'e kofa wanda ya haddasa min bud'e ido ba shiri.

Shine ya fito daga bathoom d'in shi daure da towel alamun daga wanka yake ya rike waya da hannu daya d'ayan kuma rike da karamin towel yana goge kirjin shi da ya wadatu da yalwataccen gashi mai taushi da d'aukan ido.

Zafar da sai yanzu ya lura da mutum a d'akin shi ya bini da kallon mamaki yana watsa min harara , ganin nayi nisa hankali na baya tare da shi ,tsawa ya daka min yana tambaya ta uban me na shigo yi a d'akin shi? .

A zabure na d'auke ido na akan shi tare da sauke kaina kasa ina mai jin haushin Kai na, how comes har nayi haka na tambayi kaina, shikenan ya gama raina ni na gama zubar da aji na a gaban shi dama ba wani girma na yake gani ba.

Ban iya yi mishi magana ba Kuma na kasa juyawa in koma inda na fito, kaman daga sama naji hannun shi mai d'an danshi ruwa akan hannu na, cikin kid'ima na d'aga kai na ina kallon shi da idanuwa na da suka fiffito kaman zasu fad'o kasa.

Murmushin gefen baki ya min yana kashe min ido daya yace " irin wannan kallon haka 'yar Mallam kaman zaki cinye ni , wato kin ga well builded body ko baki san cewa kwalele kike kallo ba"

"But let me help you ki d'an rage zafi na San abinda ya shigo dake kenan" yana gama fad'an haka naji ya d'aura hannu na kan lallausan gashin kirjin shi yana bina da naughty look harda karkata kai gefe d'aya.

Yanda kika san an d'aura min hannu kan wayan wuta tsirara haka naji wani irin shocking tun daga tsakiyar kai na zuwa tafin kafa ta, ba shiri na janye hannu na da karfin gaske jiki na rawa na fice a d'akin da gudu Ina jin dariyan mugunta da yake min.
[6/16, 9:18 PM] Golden Pen Writers Associ: 🦚🌹🦚🌹🦚🌹🦚🌹
🦚🌹🦚🌹🦚🌹
🦚🌹🦚🌹
🦚🌹
🦚
*BA SONTA NAkE BA*
🦚
🦚🌹
🦚🌹🦚🌹
🦚🌹🦚🌹🦚🌹
🦚🌹🦚🌹🦚🌹🦚🌹

_A story about love and sacrifice._

_Written by_ *UMMEE YUSUF*
_(Maman Yusuf)_

_*From The Fantastic Writer of*_

```FARHAT```
```KAMACE```
```UKUBAR KISHIYATA```
```UMMU~SALMA```
```UWANI```

*_And now_*

*_BA SONTA NAKE BA_*

✍ *✍ G̾O̾L̾D̾E̾N̾ P̾E̾N̾ W̾R̾I̾T̾E̾R̾S̾ A̾S̾S̾O̾C̾I̾A̾T̾I̾O̾N̾* ✍✍

https://www.facebook.com/Golden-Pen-Writers-Association-102095951667849/

*w̶̶є αr̶̶є вєαr̶̶єr̶̶'s̶̶ σf̶̶ s̶̶σ g̶̶σl̶̶d̶̶єn̶̶ p̶̶єn̶̶*
*w̶̶є w̶̶r̶̶ít̶̶є αs̶̶s̶̶íd̶̶íσu̶̶s̶̶l̶̶ч p̶̶єr̶̶c̶̶єív̶̶є n̶̶σ p̶̶αín̶̶,*
*s̶̶σ m̶̶αg̶̶íc̶̶αl̶̶ σu̶̶r̶̶ c̶̶r̶̶єαt̶̶ív̶̶є g̶̶σl̶̶d̶̶єn̶̶ p̶̶єn̶̶* ✍ *,вєh̶̶σl̶̶d̶̶ σu̶̶r̶̶ w̶̶σr̶̶d̶̶s̶̶.α p̶̶r̶̶σd̶̶u̶̶c̶̶t̶̶ σf̶̶ σu̶̶r̶̶ p̶̶єn̶*̶ *,s̶̶αv̶̶σu̶̶r̶̶ σu̶̶r̶̶ w̶̶σr̶̶d̶̶s̶̶, f̶̶σr̶̶ ít̶̶ w̶̶íl̶̶l̶̶* *c̶̶αu̶̶s̶̶є чσu̶̶ n̶̶σ p̶̶αín̶̶.*

*Yadda Annabi, Tsira Da Amincin Allah Su Tabbata A gareshi, Yake Kirga Tasbihinsa.*

Daga Abdullahi bn Amr, Allah ya yarda da shi, yace; Na ga Annabi tsira da amincin Allah su tabbata a gare shi, yana kirga tasbihi da (yatsun) hannun damansa.

*INA MASOYAN LITATTAFAN ƘUNGIYAR GOLDEN PEN?*

*NESA TA ZO KUSA, TUNANIN RASHIN SAMUN NEXT PAGE YA ƘARE!.*

Kasance mutum na farko da zai fara karanta sabbin littattafan marubutan mu, a duk lokacin da muka yi typing. Kina/Kana iya samu, ta wannan damar ce kawai idan ka bi wannan links tare danna *LIKE* a shafin mu na Facebook zaka/zaki iya samun cigaba ko kuma ki samu duk littafin da kike buƙata namu daga farko.

Sai kun zo, kar ku manta a koda yaushe comments da sharhin ku yana ƙara mana ƙarfin gwiwa a wajen rubutu mai yawa.

*Bismillahir Rahmanir Raheem*

*32&33*

Zama nayi a inda na tashi ina daidaita natsuwata tare da kakolo murmushi dole na yabawa fuskata amma kuma sai na gaza furta mata komai,toh mema zance mata dan haka shiru nayi na cigaba da wasa 'yan yatsun hannuna.

" Yana zuwa ne?naji muryar ta ya katse mana zaman kurame da muke duk da ita naga alamun irin mai surutu ce sai dai rashin samun fuskata yasa tayi shiru itama".

"Eh......yana....yana shiryawa ne?na amsa mata a rarrabe.

Shi kuma ina barin d'akin shi sai da yaci dariya ya more sannan ya juya ya cigaba da shirin shi yana aiyana yanda zaiyi magani na inji tsoron shi sosai dan jiya a wajan dinner nan yaga rashin tsoro a idona.

Munfi minti 20 a zaune da yasmeen shiru sai dai itace mai kokarin kawo hira wanda ni amsa ta baya wuce ehh ko a'a.

Cikin wata maroon danyan shadda ya fito hatta da hular kan shi maroon ce kayan san matukar fito da shi ya haska farar fatan sa yana gyara agogo hannun sa ya fito bai ko kalli inda muke ba yayi hanyan fita koda yake na lura bai san muna parlour ba, yasmeen ce tayi saurin dakatar da shi ta hanyan gaishe shi.

Fara'a kwance saman fuskan shi ya dawo baya tare da amsawa a yana tambayan ta ya Baawa take?.

"Tana lafiya ita ta aiko ni in kawo muku breakfast kuma tace in fad'a maka tana son ganin ka a gidan mu yau d'in nan kuma da wuri".

"Allah sarki Ba'awa muna godiya baby ki tayani godiya mana" yace yana min wani kallo da yasa naji zuciya ta harba da karfin gaske cikin in ina na amsa da "ai tun dazu nayi sai dai in kara".

"Toh ni zan tafi sai ka shigo,amaryan yayan mu na tafi sai na juyo" tace tana mikewa da fuskar ta cike da fara'a ,mik'ewa nima nayi Ina amsa mata na biyo su da niyyan d'an taka mata nace " toh sai na ganta ta gaida mutanen gida,muna cikin magana da ita naji kaman daga sama anyi kissing d'in goshina,ba shiri na tsaya cak na kasa d'aga kafa balle inci faba da tafiyan saboda wani irin kasala daya sauko min lokaci d'aya na juya ina kallon shi cikin tsananin mamaki.

"Babyna sai na dawo ki kulan mun da kan ki kinji?"yana magana ne yana satan kallon yasmeen ta gefen ido yaga ta d'auke kai tana murmushi kasa-kasa,shima murmushin yayi, yayi gaba abin shi ko ba komai ya cire mata tantama daya gani d'azu shimfid'e a fuskar ta ko dan yanayin da da taga yazo fita bai nema ni bane oho.

Har suka fita ina nan tsaye kaman an dasa ni,da kyar na koma kan kujera na zauna ina kara mamakin halaiyan wannan mutumin mai halin hawainiya yana iya canzawa a duk lokacin da yayi niyya.

Misalin eleven kawaye na da sauran 'yan uwa suka fara zuwa nan da nan gidan ya cika da hayaniya 'yan mata baka jin na wani,nima ganin su yasa na wassake tare da rage damuwa mukayi ta hiran mu.

A can gidan mu kuwa da gaske Gwaggo Aisha ta kwana a asibiti amma da sauki ta tashi sai dai jin labarin irin gidan da aka kai ni da kuma labarin lefe na da Hajara ta kai mata ya kara birkita yanayin ta mata da suka zo da washe gari saboda yini yawancin sunje duba jikin nata dan babu wanda yasan takamaiman dalilin ciwon nata.

A gidan mu aka kawo mana abincin rana da akayi na yini kuma aka kai gidan su Zafar kaman yanda al'adar Maiduguri yake,daga baya kuma su aunties na da sauran jama'a sukayi ta zuwa ganin gida suna saka albarka,sai yamma likis suka fara watsewa.

Bayan magariba gidan yayi tsit duk sun watse sai na jiki da suka tsaya dan kimtsa gidan, bayan sun gama da gidan nima shirya ni sukayi cikin wani haddaden less pink mai adon stones sannan suma sukayi haraman tafiya,sabon babu kuka na bud'e inayi musu magiya ko mutum d'aya ne ya tsaya tare da ni mu kwana.

Dabara suka min suka tafi suka bar ni kaman wata mayya,tsoro duk ya cika ni na rasa me yake min dad'i komawa d'aki nayi na murza key kaman jiya nayi kwanciya ta nayi shiru ina jin matsaneciyar kewar Inna ta ji nake kaman na kai shekara ban saka ta a idona ba,wani b'angare na zuciya ta yana raya min in tashi in gudu in bar gidan in koma gidan mu.

Wasi- wasin da yayin yawa yasa na d'auko wayata da su Maryam suka zo min da shi na fara kallon pics da videos na biki da suka turo min, ai