You Cannot Download this book untill you login but you can read it .

---

Login Register

tayi cikin ranta tana adduar ALLAH yasa nene dai ta yadda tayi zamanta anan dan itama tana bala'in kaunar dija da tausayawa mata


kallon dija ummin tayi tace "daughter duba kiga ni abincin ya isa ko in kara miki"?


kallon abincin dija tayi tace "ummi yayi min yawa ma arage " A'a dija kidinga cin abinci kinji ai bawani yawa ne da ita ba hudu ce kawai fa daure ki cinyeta
ga tae nan kihada in zaki sha kinji dijana"


"To ummi " dijan tafada tana kokarin jawu flas din shayin


Siyama ce ta fito daga dakinsu Na'ima jikinta sanye da wata doguwar riga cotton kanta da hula


Ta karaso itama cikin iyayi da kissa ta durkusa gwiwa biyu tana gaida abbah


cikin sakin fuska abba ya amsa kamar yadda yake wa yaran sa


kallon ummi tayi wacce take faman hadawa nene kayan kari tace " ummi an tashi lafiya"?

"lafiya lau siyama kintshi Na'ima bata tashi ba kenan"?

"eh ummi kin santa da bacci na tashe wai na kyaleta "

"to ai shikkenan sai kizo ki karya kira bu da ita duk sanda ta tashi ta karya babu wanda zai tsaya jiranta " ummin tafada tana barin gun hannuta dauke. da kayan karin Nene


Ita ma siyama falon ta karasa tace " bara nazo na kwashi gaisuwa a gun uwar gida sarautar mata"








Dariya nene tayi tana kallon siyaman tace " da dai ya fi miki domin shima uban gayyar sai da yazo ya kwashi gaisuwa sannan ya fita"



Murmushi siyama tayi tace " ai girmanki ne uwar gidan ya ALI
ina fatan kin tashi lafiya"?


"lafiya lau na kwana" Nene ta fada tana kokarin sakkowa daga kujerar da take kai


Ummi kam barin gun tayi bayan ta kammala hadawa nene abincin



"Sakko kita yani ci mana zaifi lada" nene tafada tana kallon siyama


"A'a nene kici kawai zan tashi in da fa indomee bazan iya cin wai na da safe nan ba" siyama tafada tana dan ya tsine fuska



"haka dai ga abincin kirki kin barshi zaki tafi dafa wata indomee sabida kwadayi d son jiki "


dariya siyama tayi tace "nene ba kisan dadi ba wallahi,
amma kamar naji kince ya ALI ya fita ko"?


"kwarai kuwa ya fita mana tun safe"


Shiru siyama tayi ta so ta ganshi dan kwana tayi tana mafarkinshi wai gashi an daura musu aure suna rayuwa a guri guda itakam tana mutukar kaunar ALI shiyasa duk irin cin mutumci da yake mata bata gani an ce so hana gani hana ganin laifi



dija ce ta taso daga in da take bayan ta gama karyawa inda nene take ta je ta zauna ta na dan ya mutsa fuska


kallon ta nene tayi cikin kulawa " tace ke kuma meye" ?


shiru dijan tayi bata ce komai ba sai da nene ta kuma maimaitawa sannan tace " nifa babu komai "


"to meye zaki zo kina batawa wa mutane rai iyi"


"Nifa nene munyi magana da abbah zan zauna anan gidan zai sakani a makarantar su fa'iza dan haka in zaki tafi sai dai kitafi ke kadai " tafada tana tutturo bakinta


kallonta nene take cike da mamaki tace "au tanan kika bullo kuma"


"To baki isaba tare zamu tafi acan ba kya zuwa makarantar da xaki ce abarki anan ehe"?


"Nifa nene nafi son irin tasu fa'iza kinga anayin karatu gashi ta "yan gayu ce "


harararta nene tayi tace " sai kiyi kuma tafiya dake babu fashi to kaji""


ta fada tana cigaba da cin abincinta


wani irin ihu dija ta zunduma tana turje turje
cikin kuka tace " ni kam bazan koma ba nace miki ki barni anan dan ALLAH ke kiyi tafiyarki"



a guje Na'ima ta fitu taga dakinsu tana faman rarraba idanunta domin ihun da dija ta zunduma shi ya tashta ta ga bacci


Shikam abba tuni ya bar gurin tun lokacin da yaji dija tana ga yawa nene ta barta a anan dan haka yana daga sama ya jiyo ihun dija daman yasan haka zata faru


murmushi yayi kawai yana kokarin shiga wanka domin dai shima so yake ya fita offece maganganusu da dija su suka makarar dashi dan haka a gurguje yake shiryawa





Ummi ce ta kara so gurin da suke tana kallon dijan wacce ke ta birgima a kasa tana faman gursheken kuka cikin rarrashi taje ta daga dijan ta rungumeta a jikinta tana kallon nene tace "don ALLAH nene kiyi hakuri kibar ta anan mana tunda ta nuna tana son karatun da da take gudun makaranta fa ai yanzun sai mu godewa ALLAH tunda da kanta take son tayi karatun"


hararar ummi nene take tace "au! daure mata gindi zakiyi kema wai waya gaya muku a can bata zuwa makaranta ehe?
ajin ta hudu fa pramary sai dai kuce ba kullum take zuwa ba amma tana karatu acan daza ku bi ku dame ni da maganar karatu"


"hakane nene to amma yawan fashin da take yi bashi da wani amfani kUma bazata fuskaci komai ba a makarantar dole sai da kulawa sosai " ummun tafada tana sauke numfashi


kallonta nenen tayi tace " au! ni bana bata kulawa kenan"?

"A haba nene bahaka nake nufi ba ina nufin ko da an kai ta skull din dole za asamu mai mata lesson har gida dan kwakwalwarta ta ta da wa she wa shine nufi na "


shiru nene tayi bata ce komai ba illa cigaba da cin abincinta da tayi hankalinta kwance


N'aima kam harara dija take tace "ke wane irin shashanci ne wannan da zaki na faman kurma wa mutane uban ihu a gida sai kace wacce a ka kona da ruwa zafi wallahi sa'arki daya ya ALI bayanan da kinci kaniyarki yadda ya tsani kwarfniya da iface iface"


"umm! kema kya fada sis ni da ta kurma ihun ma wallahi da guduwa zanyi dan nayi bala in tsorata " siyaman tafada tana faman hararar dijan


dije dake rike a hannu ummi har yanzu wani kallo take kirmamawa Na'ima da ga ita har siyaman tace "to meye ruwan ku anyi ihun duk abinda mutum zaiyi yayi ai kin banza aikin wofi "

tofa baki yasan abinda zai fada amma bai san abinda za'a mayar masaba

zare ido siyama tayi tana kallon dija rike da habarta tana mamakin rashin kunyar yarinyar


ita kam Na'ima kan dijan tana nufa tana kokarin kai mata duka ummi tana kare ta tace "zan bata miki Na'ima ai da gaskiyarta meye ruwan ku da ita sabida tsabar zubar da girma"

"haka zakice ummi kina jifa zaginmu take waye sa anta a cikinmu ehe"?

"to ai ku kuka shiga sabgarta tunda tazo ai inaji bata tankawa kowa acikinku ba in banda Fa'iza da suke sabgarsu tare"


kwafa Na'ima tayi tace "wallahi sai na hada ki da ya ALI tunda baki da mutumci marakunyar yarinya kawai " tafada tana wuce wa daga gun

kunkunni dijan take to " ki ga yamasa mana kar yabarni da rai"

in banda ummi da take rike da dijan babu wanda yaji abinda tace su dai sunga bakinta yana motsi


murmushi ummu take acikin ranta itama tana mamakin tsaurin idon yarinyar to amma ai khadija sunanta duk inda me suna khadija take tana da tsaurin ido da tsiwa gashi bata barin ta kwana to ammafa suna da bala'in kirki kuma baza su shiga sabgarka ba mudun batasu kashiga ba kuyi hakuri masu suna khadija a gafarceni kadan daga irin halinku



nene kam duk wannan abin tana jinsu ko kala ba tace illa data gama cin abincinta ta gyara kwanokan ta matsar dasu gefe ta koma kan kujera ta cigaba da lazimin safen da take wanda yazamar mata jiki da jini sai tayi in batayiba ma bata jin dadi cikin ranta kuwa tace kukarata in dai dija ce gatanan ga ku ai tunda bata kyale ALI ba wazata kyale



siyama ko kallo take ta bin dijan dashi tana faman ya tsine fuska lokaci guda sai taji ta tsani yarinyar jiya dai data ganta sai taji tana sonta kasan cewar tana yanayin kama da habibinta ita tunda take babu wanda yataba zaginta baranta na ya mayar mata da magana irin haka


dija kam data fuskanci hararar da siyaman take mata itama sai ta fara ramawa tanayi tana murmurdae bakinta


sakinta ummin tayi ganin abbah yana sakkowa da sama hannushi rike karamar jakarshi sai wayoyinhshi da ke rike a daya hannun


kara so wayayi gurin yana kallon nene wacce ta hakince akan kujera fuskarta babu yabu babu fallasa

yace "nene ya zamu fita kallonsa nenen tayi tace "Allah ya bada sa'a amma kana jin irin diban albarkar da yarinyar nan take ko" ? tafada tana kallon inda dija take zaune tana faman zuzzobaro dan karamin bakinta wanda hakan har ya zamar mata jiki


kallon agogo abbah yayi sannan ya mai da kallonsa kan nene cikin kulawa yace " babu lokaci nene yanzu in na dawi sai muyi maganar kwata kwata ya nuna bai san abinda yake faruwaba

"to babu laifi ALLAH ya tsare ya bada abinda ake nema mai amfani " nenen tafada cike da kulawa


"ameen ameen" abban ya fada yayin da yake barin gurin


"Abbah ALLAH ya kiyaye hanya" dija ta fada tana kallonsa " ameen dijana"


siyama ma Adawo lafiya tayi mishi ya amsa cikin kulawa

ummi kam bayansa tabi hannuta rike da karamar jakarsa ta aiki


Cikin sauri haruna drevar abban ya tashi wanda dama yana zaman jiran fitowar abban yakaraso ya karbi jakar dake hannun ummin yana gaisheta amsawa ummi tayi tana barin gun bayan takara yiwa abbah Allah ya ki kiyaye

da sauri haruna ya karasa ya budewa abba motar shikam abba har ya bude ya shige yana kallon haruna yace "shiga mu tafi bude motar ma sai na tsaya ka bude min da rai na da lafiya ta haruna"


murmushi haruna yake yace "ALLAH yaja da rai ALHAJI ai mu kam babu abinda za muce da kai da iyalinka ka ci damu kayi mana aure mu da muke karkashin ka mu za mufadi alkairinka in da masu kudinmu zasu dinga koyi da irin halayenka da dayawa ba'ayi talauci ba"



*******

To captin ALIYU yau an shiga offece bakin aiki bakin fama ko wanne da offece dinshi don haka bayan sun gaisa da faruk din kowa ya shige nashi domin akwai tari aiki wanda zasuyi


bakinshi dauke da addu'a ya shiga offece din yana karewa masa kallo

masha ALLAH babu abinda babu aciki zama yayi kan kujera hade da cire glass din dayake idanshi


yana kallon katon teble din da yake gabansa wasu manyan yan takkadu ya gani da dauka yayi ya fara dubawa


wayar shi ya dauka yana ne man ogansu yana son yai yi mai karin bayani akan su


"hello " ALI yafada bayan yaji an dau wayar

daga daya ban garan akace "ALIYU ZAKIN FAMA " cikin barkwanci

murmushi ALI yayi yace" oga barka da asubah " "barka kadai ' ogan fada

"ina fatan ka na" offece ko "?

"eh oga ina son karin bayani ne a kan wannan ta kaddun da nagani yanzu"


"Ok rigima nan ce ta jahar taraba jalingo ta wannan ba fulatanin mutuminan wanda aka A ka kashewa iyalinsa yaje garinsu yace bazai yadda ba shine "yan uwansa suka zo suna ta barna in suka yi kisa sai ane mesu a rasa dan haka mun tura captin shamsu da sauran "yan uwansa akan hakan,
ina so kayi binkice sosai akan rigimar nasanka da kokari da kai fin tunani"


idanunshi kan wata takkada yana nazarinta yace "karkadamu oga insha ALLAH komai zai yi daidai"


"ok shima faruk din nasa a ajiye masa ya yi nazarin sosai domin tare nake son in tura ko garin"


"ok amma ina tunanin arna garin ne suka yiwa wannan ba fillace wannan aikin lokacin da ya futa kiwo oga ka san cewar yana da karfi arziki da iyali da shanu da ALLAH yai mai arzikinsu"


"kwarai kuwa ana tunani wannan abinda ALLAH yayi masa shine yasa sukayi masa wannan ta'annatin sabida shima yanke jiki yayi yafadi lokacin da yadawo daga kiwo yaga rariyar gidansa tana kwararar da jini domin yankan rago suka yiwa iyalinshi bai tsira da komai ba sai shannusa to shine "yan uwansa suke ta barna suma da sunyi kisa sai a nemesu a rasa
so muke ane mi sulhu dasu "


"kwarai kuwa hakan yakamata ayi " Alin yafada yana kara nazarin abin


"gobe in sha ALLAH zakubi su captin shamsu sabida haka ku kwana cikin shiri"

"ok oga ALLAH yakaimu "

"yawwa ka kara nazari sosai" ogan yafada yana kokarin kashe wayar


yana kashe wayar kiran faruk ya shigo yace

"Meka fuskanta da rigimar da ake a jahar taraba tsakanin arnan garin da ba fillacen mutuminan"?







"Eh ina nazarin al'amarin ne amma fa ina tunanin wa "yannan mutanan yaki da bindiga bazai musu ba tunda ba'a ganinsu sai bayan sunyi barna suke bacewa bat"! faruk din yafada


"kwarai kuwa dama sulhu za'a ne ma kawai dasu tunda tabo su akayi "
Ali ya fada sannan yace " gobe insha Allah zamubi bayan su shamsu yanzu muka ga ma waya da oga"


"Ok ALLAH ya kaimu " faruk din yafada

"ameen" Alin yace yana kokarin kashe wayar


To acan gida kam dija yini tayi tana faman nukkufurci da bace bacen rai taki kula kowa ciki kuwa har da mutuminta jameel


Haka yazo ya karaci neman maganarsa a gun nene tayi mai banza itakam nene zuwa tayi tayi kwanciyarta tace kyayi ki gama kafata kafarki yarinya


ko da fa iza ta dawo kin kula ta tayi sai da fa'izan taje ta tambayi nene me akayiwa dija ta ke faman cin kunu


Kallonta nene tayi tana mamakin wannan kauna da suke wa junansu gami da shakuwa ita bata taba ganin mutumin da dija ta zauna dashi na awa daya batare da sunyi fada ba sai fa'iza


"kyaleta fai'za wai abarta ta zauna anan abbanku yace zai sata a irin makarantar da kike zuwa shine nace ban amunceba shine take ta faman bace bacen rai"


bata fuska fa'iza tayi cikin yanayin shagawaba tace " to meyasa bazaki barta ba iyi nene?"
"Ai tana zuwa makarantar acan in nabarta anan wazai dinga debe min kewa"


kallonta Fa'iza tayi tace to " Nene ai naji abbah yana gayawa ya Ali ranar da yaje zai tawo da ku cewar in kika zo bazaki koma can ba sai dai kidinga zuwa ziyara
kuma ma ai dazu abban ne yace wa dija zai sata a skull dinmu kinga sai mu dinga tafiya tare "Fa'izan tafada cike d kuruciya da yarinta


wani kallo nene takewa Fa'izan tace " tashi kibani guri ai ban ga wanda zai hanani tafiya ba to kaji"!
"ai nasan tunda naga Ali yana wannan murmushi nasa nasan da abinda ya taka zai zo ya sameni ai"


Tashi Fa'iza tayi da ga gun tana cewa "dama kinyi zamanki anan to in kin kuma can din ma me zakiyi"


Carbin dayake hannunta ta ke kokarin caula mata tace "wuce kiban guri shakkiyar yarinya kema sun koya miki ko kina yawo sumumu dake to ubanki zan koma nayi acan din"




cikin sauri Fa'iza ta kauce da ga inda take tana dariya tace "Allah ya baki hakuri ni dai in kince dole sai kin tafi to kibar dija anan don Allah"


banza Nene tayi da ita ta cigaba da laziminta


to koda Fa'iza ta koma dakinsu Dija ta tarar a kwace yayin d Na'ima da siyama ko wacce take abinda ya dameta Na'ima dai waya ce a hannuta kunneta mane da eir pic Siyama kam loptop dinta take dubawa


kallon Dija tayi bata ce komai sannan ta mai da kallonta kan Na'ima tace " ya Na'ima kije ki rarrashi Nene don Allah tabar Dija anan tace wai bazata barta ba"


kallonta Na'imma tayi tana rage volom tace "me kikace ne?"

sai da Fa'iza ta kuma maimaitawa sannan Na'ima ta kalli inda Dija take kwance tace "au shine dalilin da dama take wa mutane ihu a gida tun dazu taki kula kowa sai faman bacin rai take"


"eh Ya Na'ima don Allah kije in kuma taki kigayawa ya Ali nasan zai iya hana ta tafiya da Dijan"


dariya Na'ima take tana kallon Dija n tace " to wai ita bata da baki ne ke kike aron bakin nata kici mata albasa in tana so kwai tabari ya Ali ya dawo sai taje da kanta ta roke shi nasan tunda nene ta kafe cewar .da ita zata tafi to kam ba makawa da itan zata tafi "tafada tana kara kallon Dijan ceke da tsokana



Dirowa Dija tayi daga gadon tayi tazo ta zauna gefen da Fa'iza take tana kallon Na'ima tace "dan Allah.ya Na'ima ki taimaka min nasan halin Nene in ta kafe akan magana ko Abbah ne yai mata magana da kyar ta yadda "


harararta Na'ima tayi tace "dazu wa ki ka gama zagi iyi"?


cikin dan zumbura baki As'usuel tace "nifa bada ke nake ba ya Na'ima"


kallonta Na'ima tayi tace " to dawa kike dan uwarki akwai sa'anki a cikinmu iyi"?


ba tarai Dija tayi don ta tsani a zageta dan dai kawai tana so taje ta hada Nene da ya Ali ne amma da sai ta ra ma ehe


sunkuyar da kai tayi bata ce komai ba sai da Na'ima ta kuma maimaitawa sannan ta dago kanta tana kallon inda siyama take zaune ta zuba mata ido domin tunda lokacin da taji tace bada Na'ima take ba ta bar abinda take tana kallonsu to dawa take yarinyar nan tana nufin da ita take kenan


kara kallonta Na'ima tayi tana kallon inda take kallo itama girgiza kai tayi tana mamakin yarinyar kwata kwata bata da munafurci wato tana nufin da siyaman take


Siyama kam ranta a bace ta juya tana cigaba da duba loptop dinta tana saqa irin matakin da zata dauka akan yarinyar


cikin harara Na'ima take kallon Dija tace "wai ke wace irin yarinya ce ne iyi"?


kin san matsayinta a gidannan kuwa to babu ruwana duk abinda ya biyo baya, ki ciga ba da zaginta da yimata rashin kunya wallahi babu ruwana in ya Ali ya ji domin matarshi ce kin san zaneki
zaiyi"





kara kallon Siyaman tayi tana dan harararta kasa kasa cikin ranta tace ya kasheni kar ya barni da rai na


A fili kam shiru tayi bata ce komai ba domin dai so take Na'ima taje takara lallashin Nene akan maganar dan haka shiyasa ta kyale ta itama


gyara kwanciyaNa'ima tayi tana kara kallon yaran sunyi mata tsoru- tsoru a gabanta wata dariya ce ta so ta kufce mata amma sai ta dake bata yiba tana mamakin kaunar da sukewa junansu sai taji sun bata tausayi don haka sai tace "ku tashi zanje in na tashi daga bacci kunxo kunyimin tsoru-tsuru agaba "



a tare suka tashi suka bar gurn cikin farin ciki suna cewa "mun gode ya Na'ima "


ita kam Na'ima kallon inda Siyama take zaune tayi tace "besty kiyi hakuri da abinda fa yarinyar nan tayi miki haka halinta yake wallahi muma bata kyale mu ya Ali kawai take dan jin tsoro da shakka shima dan yana cin ubanta ne"



murmushi Siyaman tayi cikin siyasa tace "haba Na'ima ai nima kanwata ce kuma akwai kuruciya a tare da ita shiyasa wataran in an ce tayi ma bazata yadda ba " tafada tana kallonNa'ima nan ko cikin ranta ita tasan irin matakin da zata dauka akan yarinyar don wata irin tsanar yarinyar take ji cikin ranta


dariya Na'ima take tace " yawwa matar ya Ali haka nake sonki da fahimta don haka daka ke babu wata cikin gidan ya Ali " wani murmushi Siyaman take domin tana jin dadin yadda Na'ima take kaunar al'amarinta da ya Ali shiyasa itama take sonta



ita kam Na'ima iyawa kawai tayi domin ta fuskaci Siyama saida siyasa shiyasa take mata ta "yan duniya itama domin a zauna lafiya amma tasan a zahirin gaskiya ya Ali bai son ta ita take haukanta


tashi tayi tace " bara naje gurin Nene
''

"Ok Siyaman tafada tana cigaba da abinda take



Samun Nene tayi a kwance a inda fa'iza ta tafi ta barta tana cigaba da jan carbinta



Zama tayi kusa da kafafun ta tana jan kafar A hankali ganin gyangyadi yana dan fuzgar Nene bude ido Nene tayi tana kallon Na'ima sannan ta tashi zaune tana gyara daurin dan kwalinta tace "ke kuma yaushe kika shigo "?


dariya Na'ima ta dan yi tace " yanzu nazo na tarar kina faman gyangyadi ke kam Nene bacci baya yimiki wahala wallahi " itama Nene da murmushi Akan fuskarta tace"Ai lafiya duk mutumin da kika ga yana yawan bacci to yana samun lafiya musamman kamar irin masu shekararun mu Anfi son su dinga samun i shashen bacci domin in ganta Lafiyar su , "kwarai kuwa Nene domin sukansu likitoci suna bada shawarar haka "Na'ima tafada tana kallon Nene


"yawwa Nene da Akwai maganar da zamuyi don Allah " Na'ima tafada tana kallon Nene A karo na biyu


itama Nene cikin kulawa tace "wace irin magana ce zamuyi "yar nan ki ke hadani da girman Allah "


dariya Na'ima tayi ganin yadda Nene ta hada hankalinta guri guda tana jiran taji zance


"dama kan maganar Dija ne don Allah Nene wai meyasa bakya son ki zauna damu ne ba fa kya zuwan mana da kinzo ma zaki ce zaki tafi don Allah ki zauna damu mu ma muna bukatarki anan"


kallon ta Nene take tace "wannan ce maganar dama ,? to in zauna inyi muku me na bar dakina nazo na tare anan can ma "yan uwa da Abokan Arziki suna bukatata" Nene tafada tana dada gyara zamanta hankalinta kwance


"mu munfisu bukatar ki wallahi muna so mudinga ganin ki kullum Nene" Na'ima tafada tana karyar da kai domin ta fuskanci in ba haka tayi ba Nene bayadda zatayi ba



"ke bazan zauna ba nace wai tashi kibani guri wato hada baki kukayi ke da "yar uwarki itama tazo tagama ke ma kinzo kina yi ko nace bazan zauna ba ehe!
shima Aliyu zai zo yasame ni domin ai bahaka mukayi dashi ba mutumin banza babu wanda zai sakani in zauna a wata uwa duniya "yan uwana suna can wani guri ni ina wani guri gashi suna bukata ta sosai sabida haka bari Abban naku ya dawo gobe zamu kama hanya mutafi na fasayin sati dayan dana ce zanyi to kaji"""""



kallon ta kawai Na'ima take tana kunshe dariya domin Nene sai wani masifa take batasan ko kasa da sama zata hadu babu wanda zai mai data sai dai in ta tafi ita kadai


"to tunda kin ce bazaki zauna ba kibar mana Dija anan don Allah" Na'ima tafada cikin rarrashin Nena


banza Nene tayi da ita tana cigaba da laziminta


ita ma Na'ima bata kuma cewa komai ba illah zubawa Nene ido da tayi


kusan minti goma babu wanda ya kuma cewa komai cikinsu ita Na'ima tana tunanin yadda zata bulluwa abin ne yayin da Nene take tunanin yadda zata iya zama ba tare da tana ganin "yan uwanta ba domin dai Nene maca ce mai zumunchi kusan kullum atafe take kai wa Jan kai was "yan uwa ziyara da Abin arzikinta shiyasa sukan su"yan uwanta suke ji da'ita domin tana tai maka musu ba kadan ba to a zahirin gaskiya tasan nan dinma suna da bukatarta to Amma gwara nan domin su Acikin dadi suke kuma basu ne mi komai sun rasa ba tasan Allah ne mai ciyarwa da shayarwa Amma mutanen da take taimakawa da abinci suna dayawa kama daga dafaffe zuwa danye.yanzu ya zasuji in sukaji zamanta ya dawo nan gabada daya


tashi Na'ima tayi tace "Allah ya huci zuciyar uwar dakina ni dai zan gayawa yaya Ali cewar kin ce bazaki koma ba kin fison nan yafi dadi dabida haka ke kar Asake a mai dake kano"


Na'ima tafada cike da tsokanar Nene itakam Nene bata ce komai ba har Na'ima ta karaci neman maganarta ta fice daga dakin


to har dare Dija taki kula Nene tasaki ranta tana walwala da kowa Amma taki zuwa inda Nene take


har Abba yadawo yagama sabgoginsa asama ya sauko cin Abinci Dija bata cewa Nene kala ba gashi An hadu a babban falon Anata hira cikin nishadi jameel sai tsokanar Nene yake yana dariya kowa sai dariya yake Amma banda Dija wacce ta kame Akan kujera tana faman zumzumbura bakinta


Nene kam itama ko kallonta batayi ba tace kyayi kyagama ni