You Cannot Download this book untill you login but you can read it .

---

Login Register

gulmata ku ka yi?" ta dakata da shan fruit salad d'in tana kallon shi alamar shi take jira ya bata amsa,
sai lokacin ya juyo da kanshi yana facing d'inta yace "gulma kuma,No kema kinsan baza muyi hakan ba" ya d'an dakata,sai kuma yaci gaba "Ya tambayi yaushe zan kai mashi ke ne" wani irin kallo tayi mashi tace "Ka kaini kuma,da can da nike zuwa lokacin baka k'asar kai ke kaini? Yar daria yayi yace "to ai yaga kin dade baki je bane shi kuma yana son ganin ki" d'an ta6e baki tayi tace "to tunda yana son ganina sai yazo ya ganni,haka itama waccan ta lagos d'in last week ta kira ni tana ce man wai don Allah inje ta na son ta ganni na...." Haisam ya katse ta "Aikine yayi masu yawa they're always busy" hajia tace "To ni ban aikin ne?" murmushi yayi yace "Kina yi amman ai ba kaman su ba,ke You are less busy kuma Aikin naki is voluntary ke kika sa kanki...."katse shi tayi da cewa "Ai dai duk aiki aiki ne" tayi maganar a harzuk'e daria yake yace"ni daman ai baki ji nace aikin ki ba aiki bane Celebrity" da d'an murmushi tace "Ni ce celebrityn? Yace " Yeah,anata son ganinki kina wulakanci" yayi maganar cikin wasa,dariya Hajiya tayi tace "Miye abun wulak'anci don nace duk mai son ganina yazo inda nike" dan ta6e baki yayi yace "I think suna son kije kid'an kwana biyu ne" tace "Ai ina zuwan ko,kawai ni haye-hayen jirgin ne ba so nike ba wllh" ta k'arasa maganar fuskarta dauke da damuwa,ta aje bowl din saman sofa table kusa da cup din kunun ayar da Haisam ya sha ya rage kad'an,Sannan ta maida Kallonta kan hoton Sojan mutumin nan ko kyaftawa ba tayi.

Ganin yadda ta k'ura ma hoton ido yasa Haisam d'an juyar da kanshi shima ya kalli hoton,girgiza kai ya d'an yi ya juyo da duban sa kan Hajiyar yace "Ba lalle silar ajalin ya zama d'aya ba Sweethrt" "I know" hajiya tace,ta kauda kanta gefe har lokacin da damuwa a fuskarta,
"In bakya son hawan jirgin ne ki fad'a ma Dad sai asamo k'wararran Driver da zai rink'a kai ki",
Uhmm tace batare da ta waigo ba,ya cigaba"Ita kuma lagos d'in in zakije sai ki rink'a hawa luxurious Bus...." da sauri ta juyo tace"Waye zaije lagos a Bus?" Yace "Ke mana tunda bakya son hawa jirgin ko" yayi maganar yana dariya,itama Hajia dariyar tayi tace "tabb inje lagos a mota,aikam in na isa saidai k'ilan a kwashe ni a Wheelbarrow" gaba d'aya suka sa dariya "Saboda me? ba bakya son hawa jirgin ba" tace "Eah amman hakan ba yana nufin zan daina hawa jirgin ba in koma hawa wata Bus can" gyad'a kai yayi ya maida duban shi kan TV,
"Yanzu yaushe zance mashi zaki je? ya tambaya ba tare da ya kalleta ba,da sauri tace "Ina wai? yace "ABJ" ajiyar zuciya tayi tace "zanje amman fa ba yanzu ba,dana samu isasshen lokaci Lagos zani don har ta turo man da kudin jirgi,duk da ma wannan kud'in sunfi karfin kudin zuwa lagos ta dai turo man ne kawai",
"Har nawa ta turo maki kud'in flight? Ya tambaya,tace "1 million" nodding kai yayi yace"kice bribe aka baki kawai,shiyasa zaki ce lagos zaki,to ki maida mata kud'inta ni zan baki 3m ki tafi Abujan..."da sauri hajiya tace "ban mayarwa,wato ka maida ni ma uwar son kud'i kenan" tayi maganar tana ta dariya,shima dariar yake yace "Aikam zanyi reporting d'inki ICPC,ince ga wata Mom din Senator kuma matar Former Minister of Defence ta kar6i cin hanci..." Hajia tace"Yi sauri kar k'uda ya riga ka"gaba daya suka kwashe da dariya.

Hajiya ta ci gaba da magana "ni ina zan iya da jarabar Momynku ta lagos,yanzu abun ince mata bazan samu zuwa wurinta ba,kuma taji na tafi Abuja kaji masifa" Haisam yace "Ai ke ta biyo" da d'an zare ido tace"Masifar?" yace"Eah mana" ta6e baki tayi "tunda fa ka raina ni ai komai kace man" murmushi yayi yaci gaba da kallon American film din da ake,
"Wai ni ya FANAN take kwana biyu bamuyi magana ba nasan dai hakanan bata k'in kirana sai dai ko yanayin karatun ne ya hana,ni kuma ban kira naji ya take ba" d'an lumshe idanu Haisam yayi kafin yace "baki damu da ita bane" hajia tace "Aikuwa ni na damu da ita tunda na damu da kai,tunda duk abu d'aya ne ko" murmushi kawai yayi batare da ya waiwayo ba,
"Ina son yarinyar saboda akwai hankali ga sauk'in kai sam bata d'auki duniya da zafi ba,ba kamar yar'uwarta ba" haisam yace"wa kenan? tace "FARHA mana,kai wannan yarinya sam halinta ba irin na yar'uwarta bane,ta cika girman kai,ta d'au kanta wata tsiya,ni ina ganin acan dangin Babanta Turawa tayo gadon halinta" dariya haisam yake yace"ko kuma danginku ko..."da sauri Hajia tace "Haram,wallahi mu bamu da wannan halin kaima sai dai in ka k'i gaskiya ko akaina ai kaga misali ba ruwana sauk'in kaine dani ba kuma yabon kai ba atoh,yarinyar nan fa ko kirana
bata iya yi ina matsayin
kakarta sai dai in muna waya da uwar in na tambayi yasu Farha,shine fa in tana kusa tace man gata hajiya,in kuma bata nan ne inta dawo sai ta kira ni tace Hajia ga Farha d'in ku gaisa",
Ajiyar zuciya Haisam yayi sai lokacin ya juyo yana kallon hajiyar,ta ci gaba "ko gidan fa naje yarinyar nan bata iya zama muyi fira,bare kuma tazo d'akina don ta gaida ni, ko da safe wani lokacin in mun hadu a dining don yin Breakfast sai ni ce zance Hajia farha antashi lafiya,sannan za kaga ta wani yamutsa baki tace "Good morning granny" hajia tayi maganar tana kwaikwayon yadda Farhan ke yi da baki,shi dai Haisam sai daria yake yace "Ni kuma kinga in muka had'u lafia muke gaisawa though dai bama wani magana ma sosae,tace "Yo kaida ita ai duk kanwar ja ce,kawai dai kai sai mutum ya zauna da kai zai fahimci saukin kanka amman kaima wani lokacin ai ba son magana kake ba,amman Farhaaa huu badai girman kai ba wllh" ta6e baki ya yi yaci gaba da kallon shi.

"Ai wallahi Allah ya yabawa aya zakinta,da bai sa Farha ce ke da kyau da sura irin ta Fanan ba,Wai! da bansan a ya zata rik'a duban mutane ba a hakan ma ya aka cika,ita kuwa Fanan dayake Allah yasan kyakkyawar zuciya ce da ita sai ya had'a mata harda kyaun sura" juyowa yayi yana duban hajia yace "Kina nufin Farha bata da kyau? da sauri tace "ina taga wani kyau da wani hancinta kamar ansammata,idanuwan ma ba wasu masu girma ba,sai uban kumatu,sak uwarta ta biyo hasken ne kawai na uban sai d'an gashin kuma" haisam yace"You see,if to say wani ya fad'a maki baki da kyau da kinji haushi,amman yanzu da bakin ki kin fad'a".
Hararar shi tayi "Ni d'in ce banda kyau?" yace "yeah,kince Farha bata da kyau...." da sauri ta katse shi "to ni uwarta ce,ko baka ji nace da mamarta take kama ba?
"To miye marabar ki da Mommyn Lagos d'in?" Jimm hajia tayi tana tunani,dariya Haisam yayi yace" I know you won't deny cewa kuna kama dama,don sak fuskan Mommyn Lagos taki ce,she's your duplicate" ya k'arasa maganar yana ta daria ganin yadda Hajiya ta kasa magana,can tace "naji to,amman duk da haka nafi ta kyau" tayi maganar tana daria itama,girgiza kai Haisam yayi "yanzu kina nufin kinfi Farha kyau kenan? tace "Eah hasken fata ne kawai tafi ni sai d'an gashi kuma" nodding kai yayi "Lalle,nan gaba ma har Fanan d'in cewa zaki kinfi ta kyau da alama..." da sauri Hajia tace "nan fa d'aya ai ko giyar wake nasha bana ce nafi Fanan kyau ba yarinyar da har uban nata tafi shi kyau,inaga itama acan cikin danginshi turawa ta samo kyaun nata,kaga kenan ita Farha ta d'aukko hali maras kyau,Fanan kuma sai ta d'aukko kyawun sura" gaba daya suka kwashe da dariya,cikin fahimta suke firar tasu da gani kasan akwai kauna mai tsanani a tsakaninsu.
Telephone ne ya fara ringing alamar ana kira,Haisam ya yunk'ura don ya d'auka hajia ta tsaida shi "Yi kwanciyarka bari na d'auka dama na gaji da zaman" ta nufi inda telephone d'in yake ta kara a kunne tace "Hello,Salamu Alaikum" daga d'ayan bangaren akace "W/salam Hajia you have visitors" tace"Okey,hold on" ta rik'e kan telephone din ta fara waige-waige alamar tana neman wani abu,haisam ya d'an kalleta"lafia? Ya tambaya,tace "Eah nayi bak'i ne ina son inga su waye,na rasa ina na aje ma wayan tawa" yace "I don't think tana parlon nan don tunda na shigo banga wayan ba" tace "Oh! namanta tana bedroom kuwa da zan kwanta na aje ta,bari Saude ta d'aukko ma....." Haisam ya katse ta "Let me change it to CCTV" ya k'arasa maganar yana k'okarin canza kallon da ya ke zuwa cctv,nan da nan sai ga vedios din 6angarorin gidan sun bayyana a kan TV d'in,kan vedion farko mai dauke da rubutun CAM01 daga k'asan rubutun ansa Gate ya shiga vedion wajen gate din gidan ya bayyana,wata mota ce a gaban gate d'in mutanen da suka zo kuma suna cikin motar hakan yasa hajia fad'in"to ni bamma gane su waye ba,sai mota kawai nike gani ko sai nasa glass...."Officer da yake jiran umarnin hajia jin abunda take fad'a ta cikin telephone d'in yasa shi lek'o da kanshi ta d'an karamin windon d'akin da suke zama irin na masu gadi wanda window d'in ta fito waje yayi ma wanda ke a mazaunin driver magana,mutumin ya leko da kanshi,hajiya ta k'ura ma mutumin ido tana k'okarin gano ko waye....can ta buga salati tace ma Officer dake jiran umarninta "Officer let them in" yace "Ok",
Kallon Haisam tayi tace "Kawunku ne fa" ba tare da ya kalleta ba yace"Wane Uncle? tace"kawun ku Mani,na daura" "Ok" yace ya fara k'okarin mik'ewa hajia tace "Ina zaka kuma? Yace "Zan baku space ne",
"to amman ai yakamata ka tsaya ku gaisa ko" komawa yai ya zauna ya ciro wayarshi daga cikin aljihun rigarsa yafara daddanawa.

Wasu Dattawa ne su ukku suka shigo na farkon daya fara shigowa yafi sauran jiki da tsawo,bak'i ne yana sanye da manyan kaya farar shadda had'i da babban riga da hula,sai na bayansa shima shadda ce jikinsa saidai ta d'an ji jiki kuma kalar babban rigar daban ta yan cikin ma daban,sai na ukkun wanda shi yadi ne jikinsa riga da wando da hula kuma duk bai kai girman sauran ba.
Hajiya na ganin mutumin na farko ya shigo ta mik'e fuskarta d'auke da fara'a da alama shine Kawu Manin,shima yana ganinta ya washe baki yana fadin"Hajjaju makkatun wa madinatun,Hajiyar Minister,Hajiyar Senator " cikin dariya Hajia tace "duk ni kadai" yace"Eh mana ai duk sunanki ne" ya karasa maganar yana k'okarin zama a kujerar dake kusa da ta ta,ta kalli wad'anda suka zo tare tace "Bismillah,ku zauna" suka amsa da "to" suka zauna,sannan suka fara gaidata cikin girmamawa,da fara'a ta amsa masu,ta maida duban ta kan Kawu Mani tana fad'in "kuyi hak'uri fa an barku waje kuna ta faman jira,su ba ruwansu ko da mutum yana zuwa indai ba akai akai ba sai suce sai sun tambayi izini zasu barshi ya shigo",
Da sauri Kawu Mani yace "Ah ba komai wllh,ai hakan is part of their work,ba kamar yanzu da ake fama da matsalar Insecurity hakan shine daidai,don shi mugu zai iya zuwa da kowacce suffa ya cutar da mutum" Sauran suka jinjina kai sukace "gaskiya ne" Kawu Mani yaci gaba "Allah dai ya k'ara tsaremu da tsarewarsa,don Al'amarin sai dai Addu'a kawai itace zatai mana magani" Gaba d'aya suka amsa da "Amin" harda Hajia,

Haisam ne ya d'ago da kansa ya kalli kawu Mani yace "ina yini Uncle" sannan ya juya ya gaida sauran cikin muryarsa mai cike da natsuwa,a tare harda kawun suka amsa mashi da "Lafiya lau",
"Haisam ne d'an gidan Hajiya" kawun ya tambaya da fara'a "Eah" haisam yace a tak'aice, kawu yaci gaba da magana "Masha Allah,Haisam ya karatun? Kafin ya bashi amsa Hajiya tace"Ai ya gama,yanzu haka yaci gaba da aiki a nan garin yana nan AIRPORT" da mamaki yace "Wai yanzu har ya gama karatun? Kinsan kafin ya tafi nazo nan muka had'u lokacin kike ceman zai tafi yin Master's Degree a U.S"
tace"Aikuwa dai gashi har angama" jinjina kai kawu yayi yace"Time really flies,Allah yasa mudace" hajia tace "Aikam lokaci fa na gudu,Amin ya Allah",sauran ma suka amsa da"Amin",
Kallon Haisam yayi yace "Haisam yanzu sai Aure ko,nasan yanzu ai ka kai 30yrs ko?"yayi maganar yana yar daria,d'an guntun murmushi haisam yayi kafin yace wani abu wayarsa ta fara ringing ya mik'e yace masu"Excuse me.." daga haka ya fice,
Hajiya dake ta fara'a tace "bai ida shekara talatin ba yanzu ya shiga 29yrs yanayin jikin ne sai ka ce yama wuce 30,dama kuma ga daga karfe yana yi,Auren kuma tukunna dai sai nan gaba in zai koma" Kawu yace "karatun zai k'ara komawa ne? tace"Eh zai koma U.S d'in amman ba karatu zashi yi ba duk dama yace zai kara karatun in ya koman,akwai wani babban Company ne daya danganci karatun da yayi na Computer Engineering suna k'era kwamfutoci da sauran abubuwan su na fasaha dai,shine suke son yin aiki dashi,duk da yanzu haka matsayin Agent d'insu yake anan k'asar,to kasan Uban nashi akwai kishin k'asa,da k'in yarda yayi,sai da Haisam d'in yayi mashi bayanin dalilin daya sa yake son yaje can yayi aiki dasu sannan fa ya aminci amman yace sai ya k'ara yima k'asar shi koda na shekara biyu ne,don gani yake suna iya rik'e shi...." a d'an harzuk'e Kawu Mani yace"Very thougthful of him,wallahi Senator yayi man daidai,don ma bansan dalilin daya sa Haisam d'in ke son zuwa ba,da nace dama gaba d'aya ya hana shi,haba! for how long zamuyi tayin shuka su suna girbe amfaninta,sam wallahi mutanen nan basu son cigaban mu,shiyasa da sunga mutumin mu mai hazak'a sai su bukaci yayi aiki dasu,su kuma mutanen mu sam basu kishin k'asar su,what they're after is the money,su dai kud'i kawai,basu tunanin suma su gina tasu k'asar,koda bazamu iya kamo su ba,mu ha6aka tamu kasar ta yadda zamu daina relying kansu,d'an abunda bai kai ya kawo ba ace sai anfita waje" ya d'an tsaya ya sauke numfashi,sannan ya juya kan mutanen da ya zo dasu ya ci gaba"Wallahi Alhaji Sa'idu karka so kaga yadda mutanen nan ke cin moriyar mutanenmu sai ma kaje asibitocin su zaka sha mamaki yawanci sai kaga manyan likitocin da suke masu aiki duk mutanenmu ne....." Hajiya ta katse shi da fad'in "tabbas,don akwai lokacin da muka kai marigayi Minister da yayi wani ciwo kasar Germany,wallahi likitan dake duba shi mutuminmu ne,kuma ma d'an nan Katsina don bayan mun dawo har zuwa yayi duba lafiyar tasa..."Kawu Mani yace "You see...shine maganan da nike,suna can wasu na amfanuwa dasu sun bar mu nan munata fama da rashin k'wararrun likitoci".
Ya juya kan hajia"Wallahi hajjaju mostly likitocinmu yanzu ain't qualified,yan kad'an ne suka san aikin su,wai sai kaje asibiti ko ka kai wani naka,abun haushi kana ma likita bayanin matsalarka sai kiga ya fiddo waya yana googling...wai sai ya tura ma google duk abunda aka bashi shi zai jibga maka kuji fa don Allah wanda ada sam ba haka likitocinmu suke ba k'wazo ne dasu" gaba d'aya suka jinjina kai cike da takaici,
Wanda kawu ya kira da Alhaji sa'idu ya fara magana "A haka kuma wasun nasu sai d'an karan wulakanci,haka zakai ta jin Labaru maras dad'i da suka faru a dalilin wulakanci da kuma sakacin da bai kamata ace ma'aikacin lafiya ne yayi hakan ba,wanda na tabbatar in a k'asar wajen suke yin aikin kwatankwacin hakan basu isa suyi ba,ba tare da an d'au kwakkwaran hukunci akai ba" gaba d'aya suka jinjina kai hadi da fad'in "Sosai kuwa",
Na karshen ne wanda bai kai su girman jiki ba,shima ya fara magana"Wato Alhaji Mani duk matsalolin nan sun fara ne tun daga tushen fara karatun,yadda yakamata ace ana koyawan ba haka ake koyawar ba ayanzu karatun duk ya ta6ar6are shiyasa masu halin sai su d'auke yaransu su tura su kasar waje karatu,su kuma da sun ga mutum nada basira sai su rik'e shi suna biyan shi kud'i masu yawa,wanda yasan baza'a iya biyansa kwatankwacin su ba a k'asar shi dama kuma ba itace a gaban shi ba,taci gaba ko karta ci gaba shi ba ruwanshi,su kuma maras halin da basu da wani zabi da ya wuce dole su tsaya nan suyi karatun a wahale gashi yawancin malaman sun maida karatun kasuwanci,da abunda d'alibi yakamata ya kashe kudi da wanda bai kamatan ba duka kashe kudin yake,gaba d'aya yanzu karatun d'an talaka ya zama wahala yan kadan ne ke iya jurewa su gama,shiyasa in suka fara aikin sai kaga kaman suna ramuwar gayya ne,ba malaman asibitin ba,ba malaman makarantar ba da dai sauransu,kowa bai tunanin duk abunda yayi ma wani zai iya juyewa kan nasa....,
"To Al'amarin kasar tamu dai sai Addu'a kawai amman muna bukatar mu canza halayenmu inba haka ba,haka zamuyi ta zama jiya iyau abubuwa duk suna ta ta6ar6arewa,kowa damuwarsa taya zai samu kudi ba ruwanshi da kasar ta gyaru ko akasin hakan kuma dai ko mun k'i ko mun so k'asarmu ce ba yadda zamu yi,in ta gyaru mu zamu ji dadi akasin hakan ma mune a ciki" lokaci guda su duka sukayi ajiyar zuciya,

Hajiya tace"Allah ya bamu ikon gyarawa gaba d'ayanmu harda shuwagabannin mu,yasa mana tausayin junanmu,Amin" suma suka amsa da "Amin", taci gaba da magana "Shi Haisam ma ba kudi ne zasu kaishi ba,sam ba sune damuwarsa ba wllh,dama yana da burin gina katafaren Company wanda ya danganci technology d'in anan k'asar,to shiyasa yake son yaje yayi aiki dasu don ya k'ara samun Experiences,don bama shine Company na farko da suka yi mashi tayin aiki ba,ko lokacin da yayi Degree d'insa na farko a can k'asar Singapore,akwai wani Company daga k'asar China da suka so yayi aiki dasu Uban nasa ya hana yace ya dawo nan gida yayi aiki,to lokacin ya fara a matsayin Engineer mai zaman kansa daga baya ya fara aiki ak'arkashin Ministry of Communication Technology,
Kawu Mani yace "haba ni daman nasan badai kud'i ne zasu sa Haisam din son yin aikin ba,ashema babban dalili ne,aikuwa gara yaje kinga sai ayi abunda ake cema ban gishiri inbaka manda" ya d'an dakata kafin yaci gaba"Ai sanata akwai kishin k'asa,wallahi nike gaya maki hajiya da Allah zaisa ya zama shugaban k'asa da munji dadi" dariya hajiyar tayi, ya juya wurinsu Alhaji Sa'idu yace "Allah daba k'aramin adalin shugaban k'asa za'ai ba mai kishin cigaban kasarsa,ga dai misali nan kan Iyalinshi" suka jinjina kai had'i da fadin "gaskiya ne" ita kam hajiya dariya kawai take tace "tau da kamar wuya dai ya fito takarar shugaban k'asa,don takarar Senator d'in ma da yaya ya fito sai da mutane suka taso shi gaba da kyar ya aminci,haka da tenure d'insu ta kare ma so yayi yaki ci gaba,a cewarshi yafi son ya cigaba da aikin shi da kuma kasuwancinsa".
Kawu yace "Ai shugaban k'asan ma sai a matsa masa ya fito in Allah yasa da rabo sai kiga ya zama,ni ba don komai bama wallahi sai don fatan samun sauk'in matsalolin nan da suka yima k'asarmu katutu..." ajiyar zuciya Hajia tayi tace "Allah dai ya za6a mana dukkan abunda yafi zama alkhairi" gaba d'aya suka amsa da "Amin ya Allah".
"Oh munata tattauna matsalolin da in shekara zamu yi ba lalle mu gama ba,an barku ko ruwa ba'a kawo maku ba" hajiya tace tana kallon su Alhaji Sa'idu da murmushi,suma murmushin suka yi,ta kalli Kawu mani tace "ga Abinci can saman table,dama bamu dad'e da saukkowa ba nida Haisam,don da ana gama sallan juma'a ku ka zo ma a tare zamu ci"
Kawu yace"Wallahi nan naso muyi sallar juma'an,to bamu gama abunda muka je yi ba da wuri,dole acan dai mukayi" hajiya tace"Wani wuri kuka je ne? Yace "Eh,Ministry of Agriculture muka je" tace "Allah sarki,ya noman ana tayi ko? Yace "Eh,Alhamdulillah muna ta k'okartawa"
"To Allah ya k'ara taimakawa,wasu yankunan ma naga noman ya gagaresu saboda matsalar rashin tsaron nan,gona ta ma da ke hannun baban tukur bara ai noman bai samu ba,Allah ya kawo masu d'auki da mu gaba daya" suka amsa da "Amin"
"Jama'a ku tashi kuci abinci don Allah" ta fad'a tana kallon su Alhaji sa'idu,Kawu Mani ne yace "ai inaga Hajiya kaman a sakko mana dashi nan zai fi" tace to,ta fara kiran Saude,daga cikin corridorn da bedrooms suke Saude ta fito tana yafa kallabinta,hajiya ta bata umarnin ta kawo masu Abinci cikin parlor,ta juya ta fara kawo masu,kafin ta gama jerawa Kawu Mani ya juya yana tambayar hajiya"hajjaju ya wajen mutanen Lagos,hajiya Maryam da k'waran mijinta kwana biyu bamu gaisa ba? Daria hajiya tayi tace "suna nan lafiya lau",a lokacin Saude ta gama serving abincin saman lallausan Carpet d'in parlon bayan ta gaishe su tace masu"Bismillah" suka amsa da "to" had'i da yi mata godia,ta juya ta koma ciki Hajiya ma tace masu zata d'an shiga ciki kafin su gama.

*💖A SANADIN MAKWABTAKA💖*

*Mallakin*
⬇️
*ZAINAB LALUH*🌹
*(Oummu imam)*

*Littafin A Sanadin Makwabtaka 300 ne,ga mai bukatar ci gaba da karanta shi bayan angama Free Pages sai ya tuntube ni ta wadannan numbers din 09016265659 ko 09013804524,pls just whatsapp banda phone call,Thanks🤝*


*Free page1️⃣6️⃣&1️⃣7️⃣*


Haisam na fitowa daga part d'in Hajiya ya nufi Part d'insa yana amsa wayan da aka kira shi,a daidai stairs din balcony ya gama wayan,tura kofa yayi ya shiga cikin parlon ya zauna kan kujera hadi da daukar Remote yayi powering tv On,ya d'an kishingida yaci gaba da kallon American film d'in da yake kallo a MBCMAX, bayan wani d'an lokaci ya dau wayarsa ya duba time,sake d'aukan remote yayi yai Offing tv sannan ya mik'e ya nufi bedroom.
Sanye cikin Sportswear ya fito,red t-shirt da wandonta black daga gefen hagu na rigan na dauke da tambarin ADIDAS wanda akayi da bakar sak'a haka wandon ma adai dai gefen da akayi rubutun rigan shima akayi da jar sak'a daga k'asa yad'an matse,ba k'aramin kyau yayi cikin shigan kayan ba,kuma da ganin laushin kayan tabbas zasu yi kudi,saida ya tsaya yasa takalma a corridor kafin ya iso cikin parlon ya dau wayansa ya fice zuwa masallaci wanda liman ke ta kwalla kiran sallah,
Tare da su Uncle Mani ya fito bayan angama sallan la'asar d'in ya nufi cikin parking space don fiddo da Bike d'insa bayan yayi ma T.k da ya fito daga masallaci bayan sun fito umarnin ya daukko masa jakarsa kaman jiya,

Uncle Mani ya nufi part d'in Hajia don yi mata sallama su kuma su Alhaji Sa'idu suka tsaya gefen motar da suka zo da ita suna jiran ya dawo gaba daya hankalinsu na kan Haisam daya fiddo bike d'in cikin harabar ya haye yana kokarin sa helmet,adai dai lokacin da t.k ya kusa k'arasowa da jakar,
Hajiya da Kawu Mani suka fito suka nufo parking space din,Kawu Mani dake ta kallon Haisam tunda suka fito ya fara magana"Yanzu Hajjaju shima Haisam na hawa irin mashin d'in nan? Hajia ta ta6e baki tace " Unn" adaidai lokacin da suka k'araso wurin su Alhaji Sa'idu ya kunna mashin d'in gaba daya suka toshe kunnuwansu da hannayensu da sauri,haisam ya d'an juyo ya d'aga ma Uncle Mani hannu alamar yana masa sallama bai jira ya maido masa ba yaja mashin din da gudu ya tunkari gate d'in da tuni an wangale masa shi.
Uncle Mani ya sauke ajiyar zuciya bayan Haisam ya fice yace"I don't know what's wrong