You Cannot Download this book untill you login but you can read it .

---

Login Register

dau Comb yana sharce kanshi wanda yake nad'e ko ba'a sharce ba bai yamutsewa,Drawer chest ya jawo ya fiddo da wani kwali mai kyau da k'yalli ya d'aura shi gaban mirrorn sannan ya bude,wasu irin agoguna ne masu kyaun gaske designers kala daban daban kowacce a dan gidanta ya fiddo mai fata kalan rigarsa ya daura sannan ya dauki wadda ya cire d'azun ya maida ta ciki ya mayar da kwalin hadi da rufe drawer.
A corridorn ya tsaya ya ciro takalma Slide Sandals bak'ake daga cikin Shoe rag kafin ya fito parlor a daidai nan kuma telephone din ya sake fara ringing,dan girgiza kai yayi yana murmushi bai kalli inda yake ba yasa hannu ya dauki wayarsa da ya aje dazun ya fice.
Ta Corridorn daya bi dazun ya fito cikin farfajiyar gidan mai girman gaske cikin natsuwa yake tafiya ya tunkari k'aton flat din dake a cikin farfajiyar wanda sak fentin shi kalar na gidan ne,Wani farin d'awisu ne ya fito daga bayan flat din ya bude jikin shi yana kuka gwanin burgewa,bansan lokacin da ni mai rubuto maku labarin na furta"lah kuga wani hadaddan dawisu,abun ka da ba'a saba gani ba,shi kau yalla6an ko kallon shi bai yi ba ya shige Entrance din,a wani dan corridor ya tsaya ya cire takalmansa da alama nan ake aje takalma kafin ashiga main Parlour din don akwai wasu takalman jere a gefe,shiga yayi cikin parlon wanda yake mai girman gaske fentinsa milk colour yana dauke da Royal Sofas masu kyau yadin su Maroon design din kwalliyarsu golden mai kyau ga Table dinsu aje a tsakiya daga can bayan kujerun kuwa dining area ce mai dauke da dinning table da kujerun shi irin design din kujerun parlorn, gaba kad'an da dining din kofa ce ke kallon su wadda corridor ne anan kuma kofofin bedrooms suke,Pop Casting din dake a bangaren da kayan kallo suke irin na d'akin mutumin da ya shigo ne sai dae hotunan dake wurin sunfi yawa har a sauran bangarorin bangon parlourn duk an kafe hotuna manya manya,hotunan wata dattijuwa sunfi yawa wasu tayi da family dinta wad'anda suke kyawawan gaske,wani kuma tayi da turawa akwai wanda tayi da Governor yana bata Award,da kuma wanda tayi da mutananmu na nan da alama a wurin aiki ne,akwae wanda take ita kadai ta nad'a lifaya fuskanta sanye da glasses tayi daria har hak'orin makkan ta ya bayyana daga kasa an rubuta sunanta,HAJIA HAUWA ADAMU ZAKEE,Akwae hotunan wani babban mutum wanda yayi suna gaisawa da shugaban k'asa,wani kuma tare da dattijuwar matar ya riketa fuskarsu d'auke da fara'a,akwae wanda kuma yake zaune a majalissar tarayya wato National Assembly k'asan hoton an rubuta sunan shi,SENATOR ALI ADAMU ZAKEE. Akwae flowers a Angles din parlorn da A.C manne a jikin bango,Labulayen cikin parlorn kuwa maroon ne da ratsin golden masu shegen kyau.

Zaune saman kujera 2 seater dattijuwar matar dake jikin hotunan parlon ce gafenta telephone ne ajiye hannunta rike da magazine yayin da idanunta ke cikin glasses da alama Medical glass ne,da ka kalleta zaka fahimci ta manyanta sosae sai dae yanayin hutu yasa ba lalle ka iya kiyasta ainihin shekarunta ba,tana da haske don ba baka bace,ba kaman kuma da jikin ke samun hutu sosai,
Tsaye mutumin yayi a bakin kofar shigowa ya dafa bango da hannunsa d'aya yana kallon matar da murmushi a fuskarsa.
Sarai taji shigowar shi amman ta share taki d'agowa ta kalle sa idanunta na kan jaridar hannunta.
Dan gyaran murya yayi,still tak'i dagowa ta kalle sa hakan yasa ya dan d'aga kafadarsa cikin ransa yace"Mun saba aii..." cikin parlon ya shiga ya tunkari inda take zaune yasa hannu ya dauke Telephone din dake gefenta ya maidashi adan sak'on da table dinshi yake, Zaunawa yayi gefenta ya d'an kwantar da kanshi a saman kafad'arta yace "Sweetheart fuskan shanun na miye ne? "What happen?" Ya kara tambaya,banza tayi dashi hakan yasa ya juya yana kallon fuskarta hannu yasa yana gyara mata bakin da ta turo alamun fushi,ya cigaba da magana,
"Haba Beb fushin na miye ne..? kin wani turo baki,baki gan yanda kika yi muni ba,Smile plss..." ya fad'a har lokacin hannun shi na a gemun ta yana dan jan shi.Hannu tasa ta buge hannun shi kafin tace"Wato don kaga na damu da kai shiyasa nazama abun wulakanta wa ko?
"Oh no Sweethrt ya zaki ce haka..,Am not hoping to see that day,dani zan wulakanta ki,ai ko wani nagan zai wulakanta man ke sai inda karfi na ya k'are" ya k'arasa maganar yana kara kwantar da kansa a kafad'an ta.
"To amman miya sa na kira ka kace man kana zuwa harda wani cewa right away,Amman shiru ka k'i zuwa tsawon lokaci,akarshe na sake kira kak'i yin picking" tayi maganar tana dan harararsa.
D'agowa yayi daga kan kafad'arta ya rik'e hannunta guda yace "Lokacin da kika kira I just came back and I was so tired shiyasa na bari in dan rage kayan jikina in watsa ruwa don insamu karfi" ya kai maganar da d'an murmushi, "To miyasa na sake kira baka dauka ba?" har lokacin
bata saki fuska ba,
"I was about to come here,lokacin da kiran ya shiga shiyasa naga no need in daukan"ya karasa maganar yana wani lumshe ido,

"Yanxu dama duk saboda wannan ne kike ta faman daure fuska,to Am sorr.....bai karasa ba ta katse shi da cewa "bashi kadai bane" "To,what else? Ya tambaya.
Gyara zama ta d'an yi shima ya gyara zama yana kallonta alamar ita yake jira tayi magana..."yanzu tsakani da Allah kana kyauta ma kanka,ace kullum sai nayi fama da kai kafin kazo kaci abinci,sam baka son cin Abinci..."katse ta yayi da cewa "Ni kuma,duk abincin da nike ci" Yana maganar da d'an murmushi a fuskarsa "karya kake baka wani cin abinci yadda ya kamata" ta fada tana harararsa,da mamaki yake kallonta with his eyes wide open yace "Yanzu ni da girmana kike cewa karya nike" d'an ta6e baki yayi yace "nidai nasan ina ci kawai dai rigimar kice,ko kuma so kike in rinka yin cin da ya fita Musulunci,Me I don't know" ya dan buga hannunsa guda kan kujera,
"baka wani ci,d'an wanda kake cin ma ai sai kaga dama,kullum ka dawo aiki sai ka shige part din ka kadau uban lokaci wai kana wanka sai kaga dama kazo ka tsakuri abinci ka kuma fucewa,wani lokacin ma I have to called u,just like now dai" Yar ajiyar zuciya yayi kafin yace "Nidai nasan ina cin Abinci da banci ai bama za'a ganni haka ba,ji fa uban naman dake hannu na" yayi maganar hadi da d'aga hannunsa sama yana daria,
ta6e baki tayi tace"Naman daga k'arfe ko,wllh kabi a hankali inba haka ba wataran k'arfen zai d'aga ka,ace mutum ya wuni yana zurga zurga baka nan baka can amman wai sai an matsa maka kaci abinci, da daddare ma ba wani na kirki kake ci ba da anyi magana kace wani Light food kake bukata".
"Fata kike man karfen ya daga ni kenan"ya tambaya,"Ni ba fata nike ba kadama Allah ya nuna man ranar kawai dai ina so ka rik'a cin abinci sosae don kana bukatar hakan,ka daina yaudarar kanka da wannan murd'ewar don bogi ce,kullum kana dawowa direct ka wuto nan ka cika cikinka sai kaje kayi ta bauta ma jiki uwa wata mace,ni wllh ma na dade banji ko ganin mace da take ma jiki wahala irin ka ba abun naka yayi yawa",
"Haka dai kika ce ni bana ganinsa a wahala duk abunda ya dace mutum yayi don tsaftar kansa nike nothing's too much" Yaci gaba,
"Toh why not a rik'a kaiman abincin can part dina kinga in nagama wahalar jikin kaman yadda kikace sai inci ko? "Kaji dad'in kin cin kenan,a gaban nawa ma ba ci kake sosae ba, balle ba idona".
Dariya yake sosae yace "sai kinsa man ido kenan,sai kace wani karamin yaro,You know what,in kingan nadawo na dade ban nemi abinci ba bana jin yunwa ne,kinsan bai yiwuwa in dauki wannan hours din wurin aiki ba tare da naci komai ba"
Yamutsa fuska tayi tace "Abinci! Kai dinne zaka ci abinci a waje,wanda ma aka yi cikin gidan sai kaga dama zaka ci balle wanda aka yi a waje,nasan dai kasha wannan bak'in lemun d'an gado sai ko snacks kilan,suma in kagadama kenan"jingina bayansa yayi da kujerar yace"Yanzu dai zaki sa akawo man abincin ko kuwa,don am running out of time fa,ya fada yana duba Wrist watch dinsa,yaci gaba"In kuma inyi tafiya ta to" yayi maganar da sigar tsokana, "Ka tafi mana,cikin wani ba naka ba".
"Uhm ai kam da baki bar ni nayi exercise dina ba yadda ya kamata kiran wayarki kadai ya isa ya hana ni yin komae" Yayi maganar yana yar daria."Allahu,yanzu ni har nazama abun tsokana ko,don kawai kaga na damu da kai,don nasan inka cutu tamkar ni na cutu ne shiyasa amman in sha Allahu na daina takura maka,continue doing as u like"ta karasa maganar tana kokarin tashi,da sauri ya jawota jikinshi sai faman daria yake yace "Just kidding u beb" ture sa ta fara yi tana ce mashi "Ni ka kyale ni abun da ke ranka game dani ne ka fada ai" Daria yake sosae don sun saba sai ta tak'alo magana karshe kuma tayi fushi kan abunda bai kai ya kawo ba,

Mutsu mutsu ta shiga yi tana son kwace kanta sai dai ya rike ta gam ba yadda za'ai ta iya kwacewa,a kusa da kunnanta ya kai bakinsa yace"Haba Hajiyan Senator nine fa na wajenki,your heartbeat"
"Naji sake ni to" yace"sai kince kin hakura my sweethrt, "na hakura amman zan dau mataki a kanka..." wane irin mataki kuma? Tace "to ka sake ni sai in fada ma" sakin ta yayi tace "Matakin share ka zan d'auka ba ruwana da kai duk abunda kaga ya dace da kai kayi tunda ni gani kake ina takura ma" ta karasa maganar tana turo baki.
"Oh ya Allah,ba kince kin hakura ba miye kuma na repeating same magana,ba kyau fa ruk'o kinsani,kuma ni na gaya maki wasa nike,ina jin dadin yadda kike so na kina nuna mun kauna nima kuma ina kaunarki and am telling u this deep from my hrt" Ya k'arasa yana nuna mata bangaren zuciyarsa,Murmushin jin dad'i tayi don ba karya yayi ba tana matuk'ar jin shi a ranta,
Shima wani hadaddan murmushi yake yace" That's my beb" da sauri tace "kaga ka daina ceman beb din nan tsofai tsofai dani kayi tace man wani beb kamar wata tsohuwar yar dunia ta k'arasa maganar tana ta daria,"No ba wani yar dunia,ni ke beb dina ce,pls kisa akawo man Abincin" "toh" tace ta fara kiran mai aikin ta,"Saude,saude...,"daga ciki Sauden ta fara amsawa ta fito parlorn ta kofar Kitchen dake a gefen dining area tana kokarin k'arasowa inda suke Hajiyan tace "Je ki kawo masa abinci,"toh sauden ta amsa ta kalli inda yake ya kwantar da kansa a jikin kujerar da suke zauna,tace "Ina wuni...." lpy" ya amsa ba tare da ya d'ago ba,

Yan mintuna ta d'auka ta dawo dauke da Tray saman shi wata irin Warmer ce mai kyau a gefen warmer din Bowl ne an d'aura Plates kalar bowl din, samansu kuma Cokulla ne da Serving spoon da gani na kulan ne duk anyi Wrapping dinsu,dining table din ta nufa...."Bring it here"ya dakatar da ita daga daurawa saman table din ta nufo inda suke saida ta fara daura tray din saman kujera one seater ta kinkimo sofa table din da kyar hajia na fadin"bi sannu dae kar ki bige kafa," To" tace lokacin ta karaso da table din gaban shi ta maido tray din saman shi ta fara Serving din shi,wata hadaddiyar fried rice ce tasha Vegetables don ba abunda babu na kayan hadinta sai kamshi ke tashi ta warware papern jikin serving spoon din ta fara zuba mashi,ta kusa zuba rabin plate din yace "Is okey.." wani kallo hajiya tayi mashi kana tace da Sauden k'ara masa,"To sauden tace, ta k'ara zuba one spoon tana kokarin karawa..."Ya isa! Yace da dan hanzari waigawa yayi ya kalli hajiar yace "In ta cika man karshe barinshi zanyi ne" ta6e baki hajia tayi tace "kai dai ka sani" d'an murmushi yayi ya juya ga abincin lokacin saude ta rufe warmer din ta bud'e bowl din wanda yake dauke da pepper chicken kamshin sa ba'a magana ta debo wata katuwar cinya ta daura masa a gefe tana kokarin kara masa ya dan d'aga mata hannu alamar ya isa,hajia dai na kallon shi ya d'ago suka had'a ido "Uhm" tace ta juya mashi k'eya,
d'ayan plate din da ta rufo wanda ta zuba mashi abinci ta rufe bowl din da shi ta warware cokullan wanda Spoon ne da Fork ta sa mashi cikin abincin,mik'ewa tayi tace "Wane lemu zan kawo" yad'an daga hannu yace"Just water"
Hajia tace" Ai mu bamu da lemun da ya saba sha" tayi maganar tana ta6e baki" Zan d'auka in zan fita" yace lokacin kuma ya fara cin abincin sa, "Coleslow din ya kare ne?" Hajia ta tambaya,Saude tace "A'a yanzu zan kawo masa da ruwan"
"Just bring the water" yace,hajia tace "kawo masa ruwan kawai,"Toh" Saude tace ta juya don daukko ruwan,Bottled water ne da Acrylic cup ta kawo masa d'ora su tayi gefen tray din ta d'ago,"Thanks" yace,da alama halinsa ne duk akai masa abu yace thanks,"A ci lpy" Saude tace ta juya ciki,
Cikin natsuwa yake cin abincin,hajia ce ta fara magana"Wai yanzu har ka fita d'aga karfen?
Yar daria yayi yace "Nifa ba daga karfe kawai nike ba duk wani abu na motsa jiki wanda naga ina ra'ayi ina yi,wani lokacin ma ball nike bugawa," "Ball? ai nayi zaton ka daina ta tuntuni" yace "Eh na daina football amman inayin Basket ko Volleyball Har Badminton ma in ina ra'ayi" ya karasa maganar lokacin ya kai abinci bakinsa,
Ajiyar zuciya tayi,tad'an tur6une fuska tace,
"To kad'an huta yau mana tunda yamma tayi sosae" ta fada tana kallonsa,sai da ya cinye abincin dake a bakinsa yace "So kike in kasa bacci yau,kinsan fa I'm addicted to it" shiru tadan yi kafin taci gaba,
"Turawan nan duk sun lalata ka,da duk baka wadannan abubuwan inaga kwallon kafa ce kawae ka ke yi itama kace wai ka bari" Murmushi yayi yace "Sun dai gyara ni,Exercise ai is very² important.....har lafia ma mutum yafi in yana yi,yanxu kinga zan iya d'aukanki a hannuwana bama goyo ba inta yawo dake ko'ina batare dana gaji ba,Wani irin kallo tayi masa tace "Tunda ga jaririya ba" yar dariya yayi taci gaba,
"To mi zai hana ka rika yi nan cikin gida tunda akwai wadataccan fili dama kuma naga ai akwae kayan motsa jikin a can G.R.A ko? Kaga kasamu lokacin kanka," yace" No!a Gymnasium yafi dadi cikin sauran players anan dawa zan rika yi,ko ke? dan ta6e baki tayi kafin taci gaba,
"Amman dai bada wancan gingimemen mashin din zaka fita ba ko? Ya fahimci bike dinsa take nufi,"Saboda me kika tambaya"yayi maganar yana dan yagar cinyar kazar da ya d'aukko da fork,tace "hakanan nidai bani son mashin din wllh,baida wani Amfani," dariya ya d'an yi yace "Da baida amfani ayi shi sweethrt...." "to ai nidae had'arin shi kawae na sani, Shifa ya kusa kashe dan gidan tsohon shugaban k'asa da kyar ya rayu,an ma ce sai da akasa masa k'arafa a cikin kai fa" Tana maganar fuskarta dauke da damuwa,
taci gaba "ga yaron nan dan gidan Honorable Dalhatu Mande wanda ya mutu can kwanaki shima fa bike dinne ya kadashi kwanya waje haka aka tattaro shi nasan duk da lokacin baka k'asar bazaka rasa jin labarin ba a social media ko? Gyara zama yayi ya aje sauran naman yace "Ai nama san shi munyi junior secondary tare duk da dai mu muna a gaban su,nasan lokacin da ya fad'i da bike din....." da sauri Hajia ta rik'e ha6a tana salati "Yanzu duk da haka shine ka zuba uban kudi naira na gugan naira,har naira million biyar ka jajibo mana masifa!" Shi dai kallon ta kawae yake "To gaskia ni bana son mashin din nan wllh don aduk lokacin da ka fita dashi hankali na mugun tashi yake har sai naga kadawo nike samun natsuwa to wllh asan yadda za'ai dashi gaskia,hakanan mutum ya zuba mak'udan kudi ya siyo ajalinshi ina dalili" ta k'arasa maganar tana watsa hannuwa.
"Yanzu ya kike son ayi dashi? da sauri tace"A sayar dashi kawae don bana ce aba wani ba tunda ba mashin din arziki bane inma kai baka da abunda zakai da kudin ni kaban ina da abunda zanyi dasu"
Ajiyar zuciya yayi kafin yace " ke mi zaki yi da kudi? da sauri tace"Yo in zuba a Organization din mu mana kudi na yawa ne a wannan wurin ai kullum buk'atar su ake ba kaman yanzu da mutane ke fama kaga kaima ka samu lada kuma an kawo karshen wancan dirkeken mashin din maras Amfani.

D'an ta6e baki yayi yace"In dai kina bukatar kudi ne ki gaya man na baki,Amman maganar saida bike din can bata taso ba,kinsani bana siyan abu in kuma saida,In har na mallaki abu to fa sai dai na bayar badai saidawa ba" ya karasa hadi da d'an girgiza kai,yaci gaba,
"kuma ma ni inason abuna that was why I bought it all the way from US" yayi maganar on serious note,Hajiya tace "Nima ba don had'arin shi ba bazance ka sayar ba,kawai dai ina gudun wani mummunan abu ya faru da kai ne ba fata nike ba" Maida jikinta tayi ta jingina da kujerar,fuskarta har lokacin da damuwa,
Tissue ya yago daga saman table din da telephone yake ya fara goge hannu,kallonshi hajiya tayi sai kuma takai dubanta cikin Plate din abincin da ya ci,ya cinye saidai yabar d'an saura kaman yadda dai yan gayu ke yi,naman dai ne yaci rabi yabar saura.
"Yanxu cinyar kazar ma bazaka iya cinyewa ba? "Na k'oshi ne" ya bata amsa "To da ka barta waye zai ci sauranka" "Ke mana" ya bata amsa a takaice.
ta6e baki tayi,tadan d'ago daga jikin kujerar "Ni kam bazan ci ba kai zaka ci......."bata samu damar karasa maganar ba saboda sauran naman daya dauka ya tura mata a baki ya rike kanta da hannu daya sai kace ya rike karamar yarinya,bugun hannunshi ta fara yi tana kiran"HAISAM! HAISAM!,mi kake yi hakane" baki cunkushe da nama take maganar,bai kyale taba har saida ya tura mata ita duka ya mik'e yana daria "Ba gashi ansamu wanda ya cinye saura na d'in ba" baki cunkushe da nama tana taunawa take harararsa,duk'awa yayi a gabanta ya kama dukkan hannuwanta sai kace wasu Saurayi da Budurwa,koda yake a hak'ikanin gaskia suma cikakkun masoyan juna ne suna kaunar junansu sosai,suna sa junansu yin abu,haka suna hana junansu,ya fara magana cikin nutsuwa"Nasan don kin damu da ni ne that was why kike zullumin kada bike nima ya kasheni..."dan murmushi yayi kafin yaci gaba "Itafa mutuwar nan d'aya ce sweethrt sabubbanta kuma da yawa,so don ina hawa bike ba yana nufin dole shine zai kashe ni ba ko ya lahanta ni kaman yadda yayi ma wasu,Kowa akwai silar Ajalinsa wasu ma hakanan suna a kwance ko a zaune suke mutuwa,kamar dai yadda kike zaune din nan sai kiga na hau bike din naje na dawo lapia ke kuma kin mutu a zaunen...." da sauri ta tsaya da taunar naman da take tana mashi wani kallo,Daria yake sosai ganin yadda ta yi, lokacin ya mike ya nufi dining area gaban Handbasin ya tara hannuwansa yana wankewa kafin ya bude k'atowar Deep Freezer din dake jikin bangon kitchen ya d'aukko Canned Coke ya rufe,"I know why u look all worried,saboda wancan tsohon ne" ya fad'a yana nuna k'aton hoton wani mutum da Coke din hannunsa dake a gidan saman da Plasma t.v take,sanye yake da kakin Sojoji babban mutum ne sosai kayan sun kar6i jikinsa yana da kyau ba laifi ga dogon hanci,kalar fatar shi kuwa za'a iya kiranshi da wankan tarwada wato shi ba bak'i ba,ba kuma fari ba,daga kasan hoton anyi rubutu kaman haka,GEN. ADAMU ZAKEE,daga k'asan rubutun kuma shekarun daya dauka a raye ne zuwa shekarar daya mutu,kallon hoton hajia take da wani irin yanayi kafin ta juyo da kallonta kan Haisam wanda yake kokarin fita,d'an murmushi tayi sam ba walwala a tare da ita tace,"Take good care of ur self for me,pls banda tuk'in gangancii".
"Don't worry beb zan dawo lapia,ba yanxu zan mutu ba...tare ma zamu mutun amman sai nayi aure,nayi ya'ya harda jikoki kaman ke,da nayi Achieving all my goals,then sai mu mutun" Ya karasa maganar yanata faman daria adaidai lokacin kuma ya kai bakin kofan fita...da dan d'aga murya hajiyan tace kace sai nazama leda kenan" Daria sukai su duka,a lokacin kuma ya fice,ita kuma hajia ta maida dubanta kan hoton sojan mutumin nan tana girgiza kai,
A yanayin Haisam bazaka ta6a tunanin za'ai wannan dogon hiran dashi ba don kallo daya zakai mashi ka yanke cewa irin miskilan mazan nan ne, masu ji da kai,kuma hakan ne don ba kowa yake sake mawa ba yayi fira haka,sai mutanen da ya shak'u dasu sosae suma d'in sai yana jin yin firan,Amman tsakaninsa da hajiyansa wannan ko yaushe yana da lokacinta kaman yadda itama hakan yake a wurinta.

*💖ASANADIN MAKWABTAKA💖*



*BY OUMMU IMAM📲*

*Free Page7️⃣*

Da d'an hanzari ya nufi Part dinsa bayan ya fito daga part din hajiar,hango T.k yayi cikin Parking spot yana ta faman goge motar daya dawo da ita,hakan yasa ya juya shima ya nufi Parking space din ya d'aga ma T.k hannu alamar yazo,da sauri T.k ya daura dan towel d'in saman motar ya nufo sa tun kafin ya k'araso wurin shi ya d'an daga murya yace "My bag" hadi da yi masa alama da hannunsa wato ya d'aukko masa jaka.
Juyawa T.k yayi da dan gudu gudu ya nufi part d'insa,shikuma ya shiga cikin Parking space din yana kokarin fiddo da Bike din,daidai lokacin da ya fito dashi cikin harabar T.k ya dawo d'auke da jakar,wata katuwar jakar goyo ce sandar racket ta leko ta cikin jakar ya rataya hannunta daya a bayansa,saukko da jakar yayi yana kok'arin mika masa ya tsaida shi,alama yayi masa da hannu ya bud'a jakar hakan yasa T.k ya aje jakar kasa sannan ya bud'e.
Umarni yayi mashi da ya fiddo masa takalman ciki,T.k yasa hannu ya fiddo da wasu kambos masu kyau ya mika masa kana ya zuge zip d'in jakar,
D'an jujjuya su yayi da alama basu yake son sawa ba,sai kuma ya juya hannunsa ya duba agogo,ganin lokaci yaja yasa ya duk'a don yasa takalman cire na kafarsa yayi sannan yasa kambas din,ya mike lokacin da ya gama daura igiyoyin takalmin ya haye saman Bike din ya zauna sosae,shi kam T.k sai faman kallon mashin d'in yake ko kyaftawa bai yi,
Hannu Haisam ya mik'a ya ciro helmet (hular kwano) daga saman kan bike din yana kokarin sawa a kansa,juyawa yayi ya kalli T.k wanda ke tsaye k'ikam da jaka a hannu ya k'ura masa idanu.
Yace"Yadae T.k,ko zaka d'ana ne? da sauri T.k yace "Ah yalla6ai wannan ai sai ku,yafi karfina" yayi maganar yana daria,d'an murmushi Haisam yayi yace"Saboda me yafi karfin ka baka iya mashin ba? Da sauri T.k yace "Na iya yalla6ai irin dai namu wanda aka saba hawa,banda wannan ni tsoronsa ma nike wllh ko goge sa nike sai inta ganin kaman zai fad'o ya danne ni, shiyasa duk in ina goge shi ban yarda na duk'a k'asa" ya karasa maganar yana ta faman daria,shima Haisam din