You Cannot Download this book untill you login but you can read it .

---

Login Register

dan ya samo yara su kai kayan nan gidan mai gari.

suna zaune har akayi sallar isha'i sannan baba ya shigo nan yake sanar musu cewa maigari yace su mamy sunce nan zasu sauka ita da matan su Habeeb dan haka a gyara musu guri.

Tunda Dije taji haka tasan shirin mamy ne tasan kuma tayi haka ne kawai dan cin zarafi,ba bata lokaci kuwa suka mike ita da Inna suka kara gyara dakinta na da,sun gama kenan sun dawo sun zauna sukaji sallamar su tare da Haruna dan gurin baba zakariyya da wasu yaran dauke da akwatunan su niki-niki,bayan sun gama shigo da kayan ne su mamy suka iso da su yusrah wadanda dukan su sai yatsina sukeyi dan dama zani ce ta tadda muje su da mamy sam ba sa son mutane indai ba nasu ba basa kuma son rayuwar kauye duk da yadda sukayi tsammanin kauyen ya kasance sunga sabanin hakan amma a cewar su kauye kauye ne.

Ganin kamar a gajiye suke yasa mamy shimfida musu tabarma babba nan suka zauna duk da garin da sanyi kasancewar lokacin sanyi ne,Dije ce ta fara yi musu magana kamar abin dole suka dinga amsa mata a daddakile Sam bata wani damu ba dan dama ta saba da hakan,ita kuwa Inna sam sai taji ba dadi ganin yadda sukayin hakan na nufin kenan 'yarta a haka take rayuwa?kai ba haka bane watakil gajiyar mota ce da wannan tunanin ta barwa ranta suka shiga gaisawa ba yabo ba fallasa,bayan an kawo musu abin tabawar da ak tana dar musu duk da ba wanda ya kula da farko amma ita yusrah abinka dame ciki,tana shakar kamshin dabgen dahuwar daddawar da naman kajin nan yasha tuni yawunta ya guda ,ta jawo kwano kuwa ta shiga dandanawa an taji zakwai,dan ji tayi kamar a duniya bata taba jin test irin wannan ba ai nan da nan ta shiga korawa cikinta jawabi,ganin yadda take cin ne yasa su mamy suma suka dan fara tabawa,sai gashi su mamy an manta a gaban surukai ne sun sheke abinda ke cikin kwanon yusrah kam harda sudi kamar taga makerin kwanon.

Ganin sanyi yafara yawa yasa Inna tace su shiga ciki,bayan sun shiga sunyi mamakin ganin yadda aka gyara dakin duk da gadon karfe ne amma da katifa sai wata katifar a qasa wadda aka sawa zanin gado nan mamy ta zauna su kuwa suka gefen gadon suka zauna.

Wanka Dije tayi tasa riga da wando na bacci tare da hijabi ta fito taga inna nata kokarin kankanta kaya tana kokarin shiga kicin,sannu da kokari innata ta karasa tare da karbar kwanukan ta shiga dasu kicin din ta fito ta tadda Innar tana nade tabarmar da suka tashi,shima karasawa tayi ta karbi nadin tabarmar ta nade kafin ta kaita daki ta fito inda Innar ta kalleta tace sannu Dije,ashe yanzu kinyi hankali da son aiki,ai na dauka zaman birni ya bata ki kema dan naji ance matan birni basa son aiki, dariya Dije tayi kafin tace,

kai! inna waya fada miki matan birni basa son aiki?

Au har sai an fadamin,mutanen da zaka gansu jiki lukwi-lukwi kamar bawon kwai,ai da kin gani kin san basa wani aikin wahala,yanzu ke baga shi nan ba wa zai ce asalinki nan ne,jibi yadda kika zama kamar ma ba 'yar kasar nan ba,gaba daya kin canza kamar wadda bata cin tuwo,duk da dama su mutanen birni sun maida cin tuwo kauyanci.

Kai! Inna ashe gaskiya ne maganar mutane,da suke cewa ke na gado a zance,gashi nan tun dazu kike ta zuba zance ba commer ba fullstop.

Na shiga uku! sunan su waye kuma hakan?

inna ta fada harda dan dafe kirji

Dariya Dije ta gumtse kafin tace, "au kina nufin yanzu baki san su ba Inna?"

Ta ina zan san su bayan daga jin sunan kin san sunan manyan arna ne.

Ke meya kaiki mu'amulla dasu?,wato duk jan kunnenki danayi bakiji ba ko Dije?

Hmmm! Inna kenan wallahi dan ma bakiga ita commer din ba har wata 'yar lankwasa ta yi.

Saboda tsabar kafurcin ko kuma saboda me?

Inna ta jefo tambayar a guje,wadda tasa dole Dije saida tayi dariyar da take boyewa.

Au dariya ma kikeyi kenan ko?,saboda duk kin koyi dabi'unsu,ba dan ma tun kina shan nono nake yawan maimaita miki kalmar shahada ba tare da karanta miki bisimillah, kulhuwallahu ,falaki da nasi,tare da duk wasu addu'oin tsari, kice da yanzu sun dulmiyar min dake,dan daga jin sunayensu musamman ma na dayar kin san sun koshi da ruwan kafurci,daga ji kin san gadonsa sukayi bawai haye bane.

Au dama ana taka hayen addini Inna?

ke da baki sani ba?

Ah ah ni ban taba sani ba kam.

To kamar yadda suke gudowa daga addininsu na kafurci su dawo namu na muslunci,haka suke fita daga nasu su koma wani dai na dangin arnar dan jahilci wai su sun tuba,to wallahi bari kiji in fada miki ki gaggauta rabuwadasu tun wuri,dan bazan yadda ayimun sakiyar daba ruwa ba,zan kuma cire kunya inyiwa karima magana dan suma da laifinsu da basa sa miki,ido har suka bari kike mu'amulla da dirka-dirkan arna.

ganin da Dije tayi Inna ta dage tanata fada iyakar iyawarta yasa ta yin gum da bakinta tace,

yakamata Inna a dora ruwan zafi dan nasan sai sunyi wanka kafin suyi bacci.

tana ci gaba da fadan ta mike ta hura wuta ta dora ruwan kafin ta dawo kan Dije taci gaba dayi mata fada akan su cammer da fullstop akan ta rabu dasu.

Tare da Innar suka shiga dakin,inda suka iske su zaune suna hira,amma jin shigowarsu yasa su yin shuri,mamy harda jan dan guntun tsaki wanda duka tsakanin Dije da Inna ba wanda baiji ba,amma sai suka share suka nemi guri suka zauna.

Sake gaishesu Inna tayi kafin tace,

Naji ance da ku duka zaku zo harda matan su mai sunan malam,amma naga daya ce tasami zuwa ciki ko dayar tayi nauyi ne?

cikin rashin fahimtar tambayar ta ta mamy ta ce, kamar ya kenan?

Naga ne harda kanwar ki ku ka zo wannan ta kwancen dan naga kun dan yi kama da ita, ta nuna sajida dake kwance saman gadon karfen.

Ita kanta mamy tasan duk wanda yaga Sajida yasan ba sa'ar auren Habeeb bace ,amma saita maze ta ce,ai wannan ita ce matar mai sunan malam din,wannan kuma matar Naseer ce duk ta nuna su.

Ikon Allah!!

cewar Innah

kice yaro ya raya sunnah yayi koyi da Annabin rahma,yafara da bazawara,to Allah ya sanya alkhairi ya bada zuriyya dayyiba.

Duk yadda Dije ta so hadiye dariyarta kasawa tayi haka ma yusrah,itako mamy kunya taji yayin da uwar gayyar ko ta cika fam,tama rasa kalar rashin mutuncin da zata yiwa tsohuwar nan.

Itako uwar gayyar inna bata ma san ana yiba,nan taci gaba da sheko addu'a har baba ya shigo ya sake gaishesu ya juya zuwa daki Inna ta tashi ta bishi.

Tana fita Sajida ta kalli Mamy tace,

ina son yin wanka amma naga gidan kamar ba toilet ya za'ayi kenan?,dan wallahi bazan iya kwana haka ba.

Injiwa yace miki ba toilet!,ai wai a haka akwai shi,ai mudai kaddara ta auremu da aka jawomu wannan kauyen ga shegen sanyi,gara ku ma mazajenku sunce ku kuka matsa sai sun taho daku,ni da nasan dawan garin tuntuni, ai ni aka matsawa sai na zo, ta karasa maganar tana kallon inda Dije ke zaune ta wurga mata harara.

Dije yi tayi kamar bata san tanayi ba saima ta mike d niyyar barin dakin taji mamy tace,

"sai ki hada mata ruwan wanka dan tayi ko"

bata tanka ba ta fice tadauki bokiti ta zuba ruwan zafi ta surka, har ta dauka kuma ta ajiye ta kara kandamo ruwan zafi ta kara tasa hannunta taji zafi rau,dariyar mugunta ta saki ta dauki ruwan faki bandaki ta dawo ta leka dakin tace takai mata.

Sai da ta gama yangarta kafin ta mike ta dauki duk abinda zata bukata ta fito Dije tayi mata jagora har bakin bandakin.

Cike da kyankani take kallon gurin inda ta leqa da sauri ta dawo harda toshe hanci,hakan ne ya kara kular da Dije dan tasan dai bandakinsu sumunte yake ,kuma wanke yake fess,dan inna akwai tsabta itaka dai ace baida rufi,ganin datayi ko kallonta Dije batayi ba yasa ta shiga,ta dan jima kafin ta cire kayanta tana ta neman gurin rataye wa ta rasa,dole ta dora saman katanga inda ta dawo ta tsaya tana tunanin yadda zata iya wanka a irin wannan wurin,dan tunda take a rayuwarta wannan shine karo na farko data taba zuwa kauye kuma ta taba shiga irin wannan bandakin.

Itako Dije dake tsaye sajida na aje kayanta ta zura hannu ta kwashe su dan dama tsayuwar datakeyi kenan,tasa kai ta nufi hanyar waje tana fadin zaki gane bakida wayo wato ni zaki rainawa muhallin iyaye ko,tana zuwa zaure ta watsa kayan saman wani buhu dake jingine a gurin itama bata san kona miye ba ta fice tayi gidan maigari tana fadin ni acan ma zan kwana.

******

Gajiya tayi da tsayuwa ga sanyi dake busata ga kyankyani datake ji tasa hannu danta fara wankan,da sauri ta dauke jinshi tayi da mugun zafi kuma dama ita duk sanyi bata fiya son ruwa mai zafi ba.

Mikewa tayi da niyyar dauko kayanta tasa ta fita ta sanar da wannan shwgiyar yarinyar ta kara mata ruwa amma kuma sai me?

wayam ta gani babu kaya babu alamar su.

*Hegiya dije a nzo gidan naku ma saikin nuna hali,to fa!!!*

*vote*
*comments*
*with*
*Alqalamin khady* ✍
[3/15, 11:23 PM] El~hajj: 🌀🌀🌀🌀🌀🌀

*TAME GARI*

NA
khadija usman

3⃣7⃣

*A koda yaushe bazan gaji da bawa masu bina pc akan in tura musu tame gari hakuri ba,wallahi banida time din wannan kuyi hakuri abin ne dayawa kunada yawa sosai kuma kowa da wanda yake so,ya kk so inyi ina iyakar kokarina wajen ganin na saurari kowa,amma duk da haka ban tsallake zagi da cin zarafi ba a gurin wasu,amma nagode sosai kuma ni yanzu ba abinda zai batamun rai insha Allah yadda nafara littafin nan tunda ni nayi niyya to saina karasa shi da yardar mai duka dan haka ina mugu mugun sonki all tame gari fans* 😘

__________________

Qara dubawa tayi sosai ko kayan sun zube kasa ne,amma taga wayam ga sanyi daya fara kodar ta yana shiga jikinta,to ya kenan? ko tantama batayi tasan kayan baya suka fada,to ya zatayi kenan,yankewa kanta tayi kawai tayi wankan inta gama ta leko intaga wannan me siffar aljanun tace ta miko mata kayan,in kuma bataga kowa ba tayi shahada ta dauko da kanta,da wannan tunanin ta qara sa hannu cikin ruwan dan ta fara wankan,yana nan dai da zafin sa ga sanyi da iska nata busowa abu ya hadar mata goma da ashirin.

Wani dutse data gani ajiye gefe ta dan raba ta zauna akai,tana jiran ruwan ya huce tayi wankan,ta jima a zaune jin sanyi na niyyar illata ta yasa ta matso da ruwan ta dinga diba kadan-kadan tana watsawa tana gantsarewa tare da rutse ido.

******

Tana fita direct gidan maigari tayi tana zuwa kuwa gida ya amsa kuwwar zuwanta inda aka shiga hirar yaushe gamo ,har maigari suka shigo shida su Habeeb suna biye dashi nan suka zauna aka dasa sabuwar hira.

Ganin dare nayi ne yasa maigari cewa Dije "ke tawajena!! anan zaki kwana ne?,dan naga dare yafara yi.

Ai kaima kasan dole in kwana a gidanka,shekara ta nawa marabin da in kwana, kaga kuwa dole in barje haushina.

Ja'ira baki abin magana,to su 'yan gidan naku ai cewa sukayi inda kike nan zasu zauna to kuma gashi kin gudo kin barsu ya kenan?

To ai nayau ne kawai yanzun ma inada dalilin kwanan anan, dan haka ka kwantar da hankalinka gobe tun da asuba zan koma.

Miye abin tashin hankalin acikin kwanan naki uwar magana!!!

cewar Baba Habiba matar maigari uwar gida,

to ai naga duk kamar bakwa farin ciki da kwanan da nace zanyi ne,duk da mun jima bamuga juna ba.

to ai kece Dije ba'a kewarki wlh duk inda kika zauna sai an so ki karawa motarki mai, saboda addabar mutune da kike yi da rashin jin ki,ai ni naga kokarin wannan yaron (Daddy)da sauran mutanen gidan da suka iya zama dake har tsawon wannan lokacin banji ance kin sabauta wani ba.

Inji wa ya fada miki bata sabauta wani ba ?

cewar Naseer dasai yanzu yayi magana,shi kuwa Habeeb nacan yanata dannar waya ,Sajida yake kira amma bata daga ba,jira yakeyi data daga ya tashi ya basu wuri danshi baya son yawan surutu.

Au ta gwada muku halin kenan ya cewar Baba.

kallon Dije Naseer yayi yaga yadda ta tsareshi da ido saiya tuno duk artabun da akayi da su abaya,ya so kora jawabi amma ya waske yace,

Ai Baba ba karamin dadin zama ke da khadija ba,yarinya ba ruwanta salaha da ita nutsatstsiya,ga hakuri da sanin ya kamata ga.......

ai tun a nan yakamata ka tsaya dan in jikina duk kunne ne ban yadda ba tunda naji ka ambaci kalmar hakuri nasan kadai fada ne kawai ammaina Dije take da hakuri,yarinyar da tun tana goye ko kallonta kayi indai bai gamsar da ita ba saita rama,bare kuma data fara tasawa,dan haka sai dai ka fadawa wasu halin Djje badai ni ba, dan duk wanda ya kwana da sanin haihuwar Dije a garin nan,to yasan da zamanta,dan in tana guri bata buya......

managed pls

*vote*
*comments*
*with*
*Alqalamin khady* ✍
[3/15, 11:24 PM] El~hajj: 🌀🌀🌀🌀🌀🌀

*TAME GARI*

NA
khadeeja usman

3⃣8⃣

___________________

Haka hirar tasu takasance,inda Naseer ya dage ya dinga yabon Dije na dole,dan gudun kar tarihi ya maimaita kansa.

Shiko Habeeb kiran dayake yiwa Sajida ne bata dauka yasa ransa baci, "ko ina tabar wayar oho" ganin dare nayi yasa ya mike yacewa Naseer,

"toh sarkin zance! inka gama ka iya tasowa mu tafi,dan ni nagaji da jin wannan hirar taku" ya karasa maganar yana kokarin fita daga dakin.

Oh ni 'yasu!! kai dai wannan hali naka baiyi ba wallahi,ace mutum kullum fuska tamke,ji dan uwanka ya tsaya anata hira dashi rai rai rai, amma kai sai wani ciccin magani kakeyi,ka manta lokacin da ka fada komar Dije kenan kazo kanata karkarwa harda su sume-sume,amma yanzu ka gyare ka karo wulakanci,to wallahi in bakayi wasa ba tarihi zai maimaita kanshi,ni dai ba ruwana,naso ma ace kataho da taka matar amma saboda tsabar rowar mu ganta sai shi Nasiru ne ya taho da tasa,kai ban san meya hanaka ka taho da takan ba ko muni ne yayi mata yawa da alama mun fita.

Jin batun da baba tayi ne yasa Dije tunawa da tabargazar da Inna tayi dazu,dan haka cikin boye dariyarta tace,

Ke baba!! har mata nawa kike so ya taho miki dasu,ko kin fara magagin tsufa ne,dan naga har gaisawa kunyi da ita fa sosai.

Wallahi karya kikemun! nadai gaisa da matar Naseeru,sai ita Karima,sai wannan sangamar kanwar tata,sai kuma ke,toh bayan ku indai ba karya ake son nayi ba,to ni banga kowa ba.

Dariya Dije tayi,kafin ta juya ta kalli fuskar Habeeb taga yadda yayi kicin kicin gashi bakin kofa,shi bai fita ba,shi bai dawo ba ya tsaya yana jin cin zarafin da Inna keyi wa matarsa,wadda ya zuwa yanzu abin yafara damunshi,dan kusan duk wanda yaga Sajida saiya nuna basu dace ba,duk da tana da daukar wanka amma shekarunta sun kasa boyuwa saboda girman jiki.

"Ai inna wannan da kika kira da sangama itace matar tashi"

Rike haba baba tayi! kafin tace," Ikon Allah!! ku fa mutanen birni baruwanku da girma ko tsufan mace,inba haka ba kai ina kai ina wannan matar kusan sa'ar mahaifiyarka,abinma ba dacewa wallahi,to amma ya za'ayi ance matar mutum kabarinsa Allah dai yabada zaman lafiya,Ameen.

Sakai yayi ya fice ransa a dan bace,inda Dije da Naseer suka kwashe da dariya wadda har saida ya juyo sautinta ransa ya kuma baci,fuuuuu ya fice yayi side din baba malam.

Naseer wani zaman ya kumayi aka sha hira dashi sosai,har saida baba ta bingire, nan shi da Dije suka dinga kaftawa kamar wasu abokan wasa ko wasu sa'anni,ganin da yayi Dije batada niyyar gajiya yasashi cemata zai je ya kwanta nan yayi mata sallama ya fice yana hamma.

*********

In ana sandarewa ya zuwa yanzu to fa ta sandare domin haduwa hakoranta sukeyi gaf gaf saboda wani mugun sanyin datake ji,dan haka ta lallaba ta karaso kofar bayin ta zuro kai dan jin inba kowa ta zagaya ta kwashi kayanta tasa,ganin ba kowa yasata saurin fitowa tana gab da gama fitowar taji motsi ana rufe gida,da mugun sauri ta koma ciki inda garin shigewa harda goge hannu tayi,tana dan lekowa taga baba ne ya dawo ya shige daki,ta goge 'yar kwallar wahalar data farayi da dana sanin zuwa kauye ta kara zuro kafa da niyyar fitowa taga inna ta fito rike da buta,nan ma ta koma da sauri,jin kamar motsi a bayin yasa Inna tasan da mutum a ciki dan haka ta koma ciki.

Ganin abin bana wasa ba yasa ta fashewa da kuka dan ita a rayuwarta bata san wahala ba sam,ganin kukan bazai fissheta ba yasa ta mike a guje ta fito ta zaga cikin sauri ta shiga neman kayan amma bata gansu ba.

wayyo ni Sajida ta fada fili tare da sakin marayan kuka,to ko dai Aljanu ne suma a wannan gidan yasa suka kwashe mata kaya,tunawa da tayi da cakwakiyar su da Dije a Abuja yasa ta tabbatarwa da kanta ba ko tantama su ne suka kwashe mata kayanta,jin sanyin naci gaba da suburbudar ta yasa taja kafa ta koma bayin dan ta yankewa kanta kawai ta kwana nan amma ko gobe wallahi gida tayi.

Tana shiga ta samu gefen dutsen nan tazauna ta tallafe haba ta fara marayan kuka.

Inna ce ta kara fitowa ta nufo bandakin tazo dab da shiga taji sasshekar kuka,ta tsaya jim!! taji daga bayan gidan kukan ke fita dan haka ta ce ,

Da mutum?

jin ana magana a waje yasa Sajida saurin cewa

Eh!!

lafiya kuma naji kina kuka 'yar nan?

Shuru tayi tana tunani ta fada ko tayi shuru,um kada inje in fada su bini suci ubana gara kawai in waske dan haka cikin shakewar murya tace ,

Dama mantawa nayi ban taho da kayan da zanyi amfani dasu ba in na gama wanka.

Shine kuma kike kuka?to bari a karbo miki,ai magana zakiyi ba ki tsaya kina kuka ba,haka Inna ta juya tana juya lamari irin na 'ya'yan birni,yanxu inba tabara da iskanci ba ya za'ayi gundumemiyar mace kamar wannan ta tsaya yin kuka kawai saboda kaya,bata da baki ne da bazata iya kwalawa mutane kira ba,kuma me meyi laifin na jikinta da ta shiga dasu ai da saita dauro ta fito inta shiga saita canza,amma dan sanabe wai sai an canza wasu.

Ta jima tana sallama amma shuru,sai dag can taji mamy ta amsa cikin muryar bacci.

ko da ta fada mata abinda sajida ke bukata,sai da tayi jim tare da yada magana kafin ta hau laluben inda zata ga kayan amma bata gani ba,dole tace yusra ta bada nata,sai da ta gama tata yatsinar kafin ta fiddo da towel da hijabi ta ajiye gefen gadon ta juya tayi kwanciyarta,nan Inna ta matso ta dauka ta fice ta kaiwa sajida

Da kyar ta dawo dakin dan yadda jikinta ke rawa,inda hankalin mamy yayi matukar tashi ganin yanayin datake ciki,dasauri ta kamata ta shiga tambayarta abinda ya sameta cikin kankanin lokaci haka,sam takasa magana illa rawar sanyin datakeyi wadda mamy cikin hanzari tajawo waya ta shiga kiran layin Habeeb,

wanda shi a dai dai wannan lokacin yana kwance rigingine yayi pillow da hannuwansa,yana tunanin maganar mutane akan matarshi,to miye aibun ta,meye dan ya auri age mate dinsa? kai mutane munafunci yay musu yawa wallahi inkayi wasa sai sun hanaka rawar gaban hantsi.

Yana jin kira na shigowa yasan itace ke kiransa dan taga missed calls dinsa,sai da kiran ya katse wani ya kara shigowa kafin ya mika hannu ya dauka amma saiya ga kiran mamy ne,dan haka da sauri yayi picking tare da sallama .

ko amsawa batayi ba ta fada mishi Sajida ba lafiya,

tambayarta yayi mike damunta tace mishi zazzabi ne me zafi yanzu yanzu ya kamata.

cewa yayi yana zuwa,dan haka ya mike ya fice ya shiga neman Haruna danya rakashi cikin gari yasamo mata magani.

Shi kanshi yayi mamakin ganin yanayin datake ciki,to kodai ciki gareta ya fada a zuciyarshi,daga wannan tunanin ya tsinci kanshi da tsantsar farin ciki wadda ya kasa boyewa har saida ya murmusa tare da shafo sumar kanshi,nan ya tasheta yasa tasha magani,bashi yabar gidan ba sai da yaga tasamu bacci,inda lura da yanayin sa yasa mamy ta fahimci ciwon dadi ne kenan dan haka ita ma ta kwantar da nata hankalin ta kwanta abinta duk suka fasa wankan.

**************

Washe gari ma da zazzabin ta tashi inda koda Dije tazo ta gaishesu duk kin amsawa sukayi, duk yana cikin plan din mamy wadda take ganin in suka nunawa dije haka a gaban iyayenta zasu fahimci komai su hanata komawa su yadda kwallon mangwaro su huta da kuda.

Itako Dije nunawa tayiabin bai dameta ba ta dinga dan waskewa,da dama ita ko basuyi haka ba batada niyyar komawa yanzu dan haka ta barsu subata harbin iska,

******

kwanansu biyu a garin mamy ta ballo da ruwa inda sunje gidan maigari gaba dayansu ta tasa daddy a gaba tace sai sun koma gida ita bazata iya ci gaba da zama a wanban kauyen nasu ba,babu abinda ya kara bawa daddy mamaki da haushi illa tattaro sajida da yusra da mamy tayi kuma babu kunya suka nuna masa suma. sun gajiba zasu iya zama a kauyen ba har kwanakin da sukayi niyya su cika ba.

sawa yayi aka kira masa su Habeeb inda a gabansu yace matan su maimaita abinda suka ce,ai kuwa ba kunya sajida ta zage ta dinga rattaba bayanin cin fuska harda cewa wai mayu sun kamata daga zuwa,ganin da Habeeb yayi ta zake dayawa tana ta cin mutuncin asalinshi yasa ya daka mata tsawa ransa matukar bace.

Daddy ne ya daga masa hannu alamun ya kyaleta,aikuwa taci gaba,har saida takai inda take son tsayawa kafin ta tsaya.

Tana idarwa mamy ta amshe nan itama tayi me isarta bawanda ya tamka,harta gaji tayi shuru.

Itako yusra ta kanta takeyi dan laulayin da takeyi shiyasa tayi shuru bata ce komai ba ta tsaya tan sauraren su itadai kawai ta masu ta ganta a gida.

murmushin takaici Daddy yayi kafin ya kalli mamy yace,

"yanzu Karima duk wannan cin mutuncin da kikeyi saboda kawai kinzo kauye ne?

ai bawai batun nazo kauye bane,ni fa a rayuwata natsani kauye kai ni bama kauye ba duk wani jinin talaka wallahi,saboda shi talaka kullum burinshi yaga mai kudi ya wulakanta saboda tsananin hassada da......

ya isa haka!! daddy ya dakatae da ita

Amma ai kin san ko ni wanene kika aureni kuma kin san asalin inda dangina suke ko?

Ai kai ka daina danganta kanka da wadan nan mutanen dan kai Allah yayi maka sutura,inba ma basu barka haka ba waye zai samu ya kubuta daga wannan masifar ta zaman kauye ta dawo kuma wai ko da sunan ziyara.

Hmmmm!!! hakane naji nakuma gode sosai,amma kisani wallahi ban yadda ki koma gidaba dukanku har sai kwanakin dana dibar mana ya cika.

Gangan ma kenan!! ai wallahi bazan kara yadda na kwana da 'ya'yan mutane ba su macemun anan in shiga uku,tafiya kam kamar da kasa,kai da aka binne cibiyarka anan ka zauna har kwanakin su cika saika dawo,Dan haka ku tashi mu tafi tun kafin rana tayi mana.

Mikewa sukayi duka suka nufi kofar fita Daddy baiko ce musu kala ba.

Har sun kai bakin kofa suka Tsinkayi muryar Habeeb ya kira sunan Sajida yace,

Indai nine mijinki ban yadda kibar garin nan batare da izinina ba kuma sai kwanakin da mukayi niyya sun cika.

shima Naseer haka ya fadawa yusrah.

To ni a matsayina na uwarku na basu izinin su wuce mu tafi in kuma ban isa ba sai inji labari,kafin fa juya ta kalli su sajida tace,

In kuma a cikinku akwai mai zama banyiwa kowa dole ba kuna iya zamanku.

Ai wallahi mamh in kin ganni a lahira kaini akayi cewar Sajida,dan ni da kara zuwa wannan kauyen har abada dan haka muje kawai mamy karsu karasa kasheni.

suna gab da fita daddy yace,kin kyauta Karima amma wannan lokackn zan nuna miki ko ni waye kuje Allah ya kiyaye hanya amma wallahi zan shayar dake mamakin da baki taba tsammani ba........

*vote*
*comments*
*with*
*Alkalamin khady*
[3/15, 11:26 PM] El~hajj: 🌀🌀🌀🌀🌀🌀

*AWESOME WRITER'S ASSO..*🇳
(palace of excitation n'd pleasant writer's)

*TAME GARI*

NA
khadeeja usman

3⃣9⃣

Zaune yake gaban baba maigari yana yi masa bayani,inda baba malam din ya tattara nutsuwarsa gaba daya ga zancen dan nasa,tare da tunani mai zurfi akan abinda yake shirin aikatawa,dan haka yayi shuru yana saurarensa har saida yakai