You Cannot Download this book untill you login but you can read it .

---

Login Register

gaban dije ni da kike ganina tun ina qaramata burina bai wuce inyi aure in haifi yara biyu ba kuma Allah ya cikamin bayan wannan yanzu banida wani kuma

ah ah kinada shi mana

wallahi banida shi

karima kina fa dashi

ranku ya dade dan daga jin muryar nan wlh kunfi dubu dan haka ku yadda banida shi

munce kinada shi kariiimaaaa dije ta fada cikin 'dan daga murya

ai mamy bata san lokacin data tuma a kasa ba tayi rufda ciki ta saki kuka wanda in bata manta ba ko kar tayi karya da saita ce marabinta da kuka tun na amarci 😂amma yau gata tsofai tsofai da ita an sata kuka wayyo ita karima

muryar dije taji tana fadin bama son musu a iya binciken da nayi mun gano kinada manyan buruka a rayuwarki ciki harda korar uwar dakinmu daga gidan nan

ni din banza ni na isa in raba hanta da jini ai khadija tafi kowa cancanta da zama a gidan nan ni duk duniya akwai yarinyar danake so irin ta

karya muka yi miki kenan?

wallahi ko uban ubana bai isa yace kuna qarya ba kuda a halittar ku sam baku san wani abu wai shi karya ba ta yaya zance kuna qarya ai ban isa ba takarasa maganar tana me jan majina da matso hawaye

to tunda kin san haka meyasa kike shiga shirgin daba naki ba mun so mu sauqaqa miki shiyasa muka sa ta koma gidan 'ya'yanki amma kika san yadda kikayi kika dawo da ita nan wannan ma bai isheko ba wato saida kk hana mai gidan biya mata bukatar data tambaya alhalin ke bayi mata zakiyi ba

wallahi yaseen kwarankwasa kinji na rantse ba laifina bane dawowar ta gidan nan wlh sharrin yarana ne dan dama shi habeeb tun yana shan nono na fuskanci baida son mutane shi kuwa naseer tsegumi to yawan tsegumin su yasa nace ta dawo gida kuma kinga abin Allah saiya hadasu da munafukan mata wlh ba yin kaina bane su suka dinga zuga mazan to dama abu ya tadda hali musamman naseer da yusra sarakan munafurci su suka qara iza wutar duk da nasan gaskiya nasan khadija batada fitina to sbd bana son sunanta ya baci shiyasa naje na taho da ita kuma batun Alhaji danace kada ya bata kudi wlh ni nayi niyyar yimata komai da take bukata dan yanzu haka ma can nayi inda zan gwangwajeta da kaya na alfarma inda nake son tafi amaryar ma haduwa da tsari dan kun san khadija ba baya ba wajen kyau sannan ga.......

ya isa haka amma kin makaro dan yanzu haka har su akuyatu wadanda muke cousins da su sun dauki wani abu a jakarki yanzu zasu tafi suyi sadaka da su domin almajiran mu sun cika kofar gidan nan

cikin mamy ne yabada kuuuu wata muguwar gudawa ta taso mata jin wai an kwashi kudi a jakarta za'a rabawa almajiran aljanu wayyo ta shiga uku bata ankare ba ko taji ta jika wandonta da dan karamin zawo

jin dan doyi da dije tayi yasata fadin warin me nakeji haka ta fada tana toshe hancinta

mamy data tabbatar bako tantama zawi tayi yasata fadin wlh inaga jaba ce ko beraye sukayi tusa a store duk da zuciyarta na rawa ta fadi hakan dan tasan sun gama sanin me tayi amma bari tayi karyar kare kai Allah yasa kada su gano

muryar dije ta tsinkaya tana fadin wato zawo kk yi kenan ba laifi ai abin yabada kala tusar bera data jaba ta hade da zawonki

to yanzu kinga ance akwai sauran almajirai kusan miliyan uku basu samu sadakar ba kuma sunce suna nan ba inda zasu suma sai an basu dan haka yanzu muna neman izininki ki bamu wannan da hannunki muje a basu a basu hakuri

mamy dake duke wani kuka ta fashe dashi dan a rayuwarta ita mace ce me son kudi ta yaya zata iya rabawa aljanu sama da miliyan uku kudi to ai ko bil'adama ne batada wannan zarafin bare jinnu har yanzu kanta duke yake ta kasa kallon dije dan wannan hakoran data gani tun farko sun razana ta

dan girman Allah kuyi hakuri wallahi banida wannan arzikin

to ba dama kince uwar dakinmu zaki je ki siyawa kaya ba to ki bayar dasu ayi sadakatu jariya

banda abinku bskwaso uwar dakin naku tafi ta kowa ne ?

mu kk tambaya?

ni na isa in tambayeku wlh subutad baki nayi

to munji mu dawo kan maganar mu kince ke kina son khadija to meyasa bakya son dangin.mijinki ?

waye yace bana sonsu mutanen kirki irin wannan ai ni nafi kowa sa'ar dangin miji ko ince 'yan uwa ma

kin fada ba dai dai ba cewar dije data gaji da tsayuwa ta zagaya ta zauna kan kujera

mamh datake jiyo.muryar dan nesa da ita yasa ta kara hautsinewa dan duk a tuninta wani salon ne

to kin san kina sonsu meyasa bakya zuwa inda suke kullum.kk kyamarsu sannan kina.....

wallahi a cikin satin nan nake shirin zuwa dan dama can ina tunanin farraku akayi mana tsakaninmu amma yanzu ya karye ga dukkan alamu

to munji amma bamu yarda ba

tana shirin sake magana sukaji ana kwankwasa kofa da sauri dije tace kinyi baki 'ya'yanki sunzo gaisheki mu zamu wuce mu barki da uwar dakinmu ama anjima zamu dawo

ta mike ta nufi kofa ta bude duk da zuciyarta na raya mata tayi sakin layi datace yaran mamy ne bayan batada tabbas

su din ne kuwa inda cikin sakin fuska ta basu guri suka wuce ta shiga gaishesu

mamy data mike tana ta kokarin kintsa fuska da son shiga daki don wanke jikinta taga shigowar su habeeb take ta kara yadda da lamarin

tana gab da shigewa dakin ta tsinkayi muryar habeeb yana fadin ah ah mamy lfy kuwa naganki haka?

hmmm kai dai bari kawai ta fada tana me kallon inda dije ke zaune wadda ta dago ta kalleta tace lah mamy meya sameki haka nima fa yanzu na lura ?

apolo nakeyi ta fada tana me tafiya da baya da baya dan karsuga shatin kashin dake jikinta

ikon Allah cewar naseer

*Alqalamin khady* ✍
[3/15, 11:19 PM] El~hajj: 🌀🌀🌀🌀🌀🌀

*TAME GARI*

NA
khadija usman

3⃣4⃣

*domin ku kawai masoya tame gari nayi kewarku kwana biyu wlh abin ne sai a hankali ina fatan zaku kara hakuri fiye da yadda nasanku,sannan masu bina pc suna tambayar buk din dan Allah kuyi haquri wlh banida time din tsayawa inta turashi abin ne dayawa kuma kullum abin daduwa hakeyi Alhmdllh ina sonku fiye da yadda kk son tame gari*

a polo mamy ?

tun yaushe?

kai ni bana son jarabar magana ku jirani ina zuwa ta fada tana me afkawa daki

tana shiga ta rufe kofar nan ta shiga tsinewa aljanun dije albarka tare da fargabar bata san ko nawa suka dauka a jakarta ba suka bawa musakan aljanu to inma ba son zuciya irin na jinni ba su da suna iya zuwa banki su dibi wanda ransu ke so amma wai su tsaya dibar nata dan su rabawa wasu dan salon mugunta da anyi magana yanzu haka suce basa cin haram ta jima tsaye tana tsinewa dijen tare da ninkin tsanar ta a zuciyarta ji tayi kamar an taba qofar ai a sukwane ta afka toilet tana shiga ta fada a fili Allah ya isa tsakanina daku wannan wace irin jaraba ce yanzu wato dama yarinyar nan iyayenta sun san tanada fasinjoji shiyasa suka kadota nan shi yasa ashe yaran nan suka dinga rokata in zo in dauketa ashe su kadai suka san azabatul ular da suka sha ni gashi an ganamin azabatunna'ura banji ba ban gani ba kawai dan na hana abata kudi to wlh da sake gurin malam zan tafi ya bani tsarin kar tasan kar inzo ingama da shegu zaki gane kurenki ne tanayi tana wanke kashin jikinta yanzu dubi kiga marabina da inyi kashi a wando tun na yaye amma yau kiri kiri an sani nayi Allah ya isa wlh da haka harta gama ta kimtsa jikinta cikin dan hade rai ta nufo falon dan tama fasa fitar kuma yanzu tunda aljanun sun sauka uwar yarinyar zataci inya so ko sun dawo tabasu hakuri duk da bata fatan su dawo din dan wannan hakoran data gani in batayi qarya ba zata iya cewa sunyi hauren giwa

*kai mamy a rage ta gobe* 🤣

karasowar ta falon yayi dai dai da shigewar dije dakin su inda su habeeb suka duka suka gaida mahaifiyar su cikin girmawa ta amsa tana me tambayarsu lafiyar matansu

duk suna lafiya suka amsa yayin data lura da yanayin naseer yana ta fara'a kamar mai tallan hokorin maka cikin kulawa tace naseer ya akayi naganka kamar cikin farin ciki

kara fadada fara'arsa yayi inda ya shiga sunkwiyar dakai sannan yafara magana am dama jiya ne yusra tayi zazzabi to shine nayi mata test sai naga tana da juna biyu wajen 3months

kai dan Allah dagaske kk wannan maganar

wlh kuwa mamy dagaske

kai Alhmdllh amma naji dadi wlh yanzu ya jikin nata?

ai tasamu sauki sai abinda ba'a rasa ba

to ka kula da ita sosai ko inxo in daukota ta dawo nan da zama kai gaskiya nayi farin ciki ni karima yau zan dauki jikana kun san ance abin cikim kwan yafi kwan dadi kai kuma fa bawani labari ne? ta tambayi habeeb wanda ada sam baya bukatar matarsa ta haihu yanzu amma yarasa dalili tunda naseer ya fada mishi matar shi nada shigar ciki shima yaji yana son hakan sai kuma yaga mamy ma ta nuna farin cikinta shima dan haka zai so yaga yadda zatayi idan yace sajida nada ciki

tunanin me kk yi ne ?

mamy ta katseshi

am ni dai mamy tukunna dai a tayamu da addu'a tunda kinga auren bawani dadewa yayi ba da har za'ace an damu

kaci gidanku auren naku ne be dade ba auren yanzu da wata tara cikin na goma an haihu amma ku gaku nan kuna neman tasamma shekara amma kacemun wai baku dade ba kai dai ka biyewa tsarinku na 'yan zamani dakai da wannan guzumar matar taka da kun hakura ma kun gwada yin daysn ka tabbatar ko tana haihuwar in kwayayen basu bi jinin al'ada ba dan wannan dadewar ba aure ai ba fa'ida bane yanzu dai kagani akan kannenka zasu samu qaruwa su barku abin haushi kunaji kuna gani sun zama su uku sun sami ribar aure ku kuwa kuna nan kuna kayan kashi kuna dada tsufa ba gara kuyi me dalili ba haka ta dinga zazzaga masifa har ta gaji tayi shuru inda daga karshe suka ce zasu tafi kiri kiri tace ya tsaya tayima yusrah wani abun ya tafi mata dashi tasan masu ciki da kwadayi haka suka zauna zaman jira habeeb kam ya cika iya cika ya kudurta a ransa insha Allah daga yau zai fara bita har sai sajida tasami ciki 😂

sun jima zaune kafin mamy ta fito dauke da basket da kuloli niki niki tace kuma batace abawa ci ki kasayar ba nan suka mata sallama suka tafi tana qara jaddadawa naseer ya kula da yusra

*******************

ba yadda mamy ta iya haka ta cire kudi ta sayawa dije duk abinda ta alqawarta wa su arwanatu bayan ta dawo ta kira dije ta bata dije na tafiya ta kife a gurin ta fashe da kuka tana ta tsinewa su akuyatu itako dije rai fesss hidamarta ta shiga yi inda mamy ta shirya ta tafi kauye da kyar tayi kwana daya ta dawo bakaramin mamaki sukayi ba da ganinta duk da ta dan taba halin amma ba kamar da ba

su dije biki yayi biki inda aka sha shagali anan wani abokin angon ya ga dije ya nuna yana sonta kasancewar bata taba soyayya ba bakuma ta da niyyar yi yssa ta bashi hakuri amma ya nace dole tabashi number ta wai su dinga gaisawa tsabar nacinsa yasa dije ta bashi number

bayan biki anyi an tashi lfy sai muce Allah yabada zaman lfy Ameen

*****

tun ranar daya zo mata da batun son su haihu tashiga tashin hankali matuka domin dama bafa wai ra'ayinta bane kin son haihuwar ba illah gwajin datayi kafin aure an tabbatar mata mshaifarta batada kwarin da zata dau ciki ta rasa yadda zatayi ta sanar da habeeb gashi tana mugun sonshi shiyasa tayi amfani da kissa ta nuna masa bata son su haihu da wuri su mori rayuwar su tayi hakan ne dan idan ya fara mata maganar haihuwa ta nuna masa shan maganin datakeyi yayi mata illa tasan zai tausaya mata tunda dashi akaji dadin to amma me ga wata sabuwa wai ya na son su haihu tayi karairaiyar tayi kissar tayi amfani da yaudararrun kalamai amma ina taga sam wannan.lokacin sunki aiki to ina mafita?

laila ita ta fado.mata a rai

da sauri ta dauki wayarta ta kirata saida ta kusa tsinkewa sannan ta dauka

bayan sun gaisa ta sanar da ita tanason ganinta

wa? ni? a gidanki?
bama nida hankali kenan kin manta artabun da akayi kenan

ke dayalla tabar gidan wannan an rufe shafinta kedai kizo kawai wlh ina son ganinki

um.um.fa ina tsoron 'yan walimar nan na gidanki ko suna nan har yanzu basu gama ba

ke ban son iskanci suna nan har yanzu muke zaune lfy kedai ki shigo dan Allah

to shikenan zan shigo anjima

ok.sai kinzo nan ta yanke wayar tare da qara fadawa duniyar tunani ko zata samu mafita

***

sai da ta gama jin bayaninta kafin ta dago ta kalleta

wlh sajida kina bani mamaki wani lokacin wai duk ina basirarki take tafiya ne?duk ina kissa da kisisinar dana sanki dasu nasan ke ba boka ba malam amma Allah yayi miki baiwar sanin hanyoyin sarrafa d'a namiji shin shi dan wannan matalar ne zata gagareki magance ta

hmmm laila kenan baxaki fahimta ba wannan karon habeeb bakiga yadda ya nunamin ba ina shawo kanshi akan.komai cikin sauki amma wannan karon abin yaki

to ai wannan.me sauki ne ki nuna masa kawai kin amince ku daina tsarin iyalin amma ai yasan Allah ke bayarwa kuma lokacin daya so inyaga baki samu ba sai ki nuna masa illar maganin ne yasa haka

ummmm hakane amma ko kin manta habeeb likita ne likitan ma na mata ina gudun kada yayi bincike ya gano karshe abin ya kwabe ..

to ke tsayawa zakiyi harya gani din ko kinaji kina gani zaki tsaya yayi miki gwajin ai family doctor dinku zaki tasamma ya baki bake result ki nuna masa inya so yayita baki magani kina banka

ina gudun ranar da zai san bana haihuwa yayimun kishiya wannan abar ita nake tsoro

ke dan Allah ma kibar wannan zancen ai kishiya keda ita sai a lahira kawai dai kibi shawarar dana baki inaga ita ce mafita

hakanr to Allah yasa mu dace

Ameen ta fada tana me qoqarin mikewa

bari nakawo miki ruwa mun tsaya zance ban.baki abinci ba

*****

yawan nacin sa da kiran dayake mata yasa ta fara saurar sa ishaq mutum.ne mai sauqin kai da kuma barkwanci wasa da dariya itako dije ga son zance da haka ya siyeta ta fara biye masa a waya suna shan hirar su kullum sai sun raba dare duk yadda ya so tabashi dama yazo gidan su ki tayi hakan yasa nan.ma kullum yake mata magiya amma sam taki yarda

itako mamy tarasa hanyar dazatabi dan ta kuntatawa dije tabar gidan ta tsani ganinta amma taga alamar yarinyar tazo kenan koda yadda Alhaji ke nunawa sai dai aure ai kuwa in kin san wata baki san wata ba ta fada a zuciyarta wani tunani tayi nan ta saki murmushi kafin tace a fili

ta yaro kyau take bata karko daga ke har fasinjojin naki nasan inda zan jefa ku sai abi wani sarkin kuma muma mu huta mun yadda kwallon mangwaro

*muje zuwa kudai reader's dramer yanzu aka fara fatana ku kara hakuri*

*Alqalamin khady* ✍
[3/15, 11:19 PM] El~hajj: 🌀🌀🌀🌀🌀🌀

TAME GARI

NA
khadija usman

3⃣5⃣

Alhamdulillah,naga sakon ku masoya tame gari,masu kirana ma duk ina godiya Allah ya kara kauna ya barmu tare Ameen

yau tun safe mamy tasa ake gyaran gidan, hakan ya tabbatarwa da dije daddy na nan shigowa gari kenan,dan haka itama ta shiga nata shirin,dan tana son sanar dashi batun zuwanta gida dan ya zuwa yanzu yakamata ace taje taga iyayenta dan tayi kewarsu.

Shigowar dare daddy yayi,dan haka basu samu damar haduwa da dije ba sai da safe wajen yin break fast,wanda yau mamy da kanta takira dijen sai wani nan-nan takeyi da dije da wata fara'a inda abin ya dinga bawa dijen mamaki,shi kuwa daddy dadi yadinga ji, ganin yadda mamy yanzu take nuna tsantsar kulawarta akan danginsa,sabanin da datake nuna tsanarsu k'arara da kyama,hakan gasa dayaga yadda take yiwa dije da kuma sanar dashi datayi wancan lokacin zataje kauye sai ya ji ya k'ara sonta,tare da k'ara bata wani matsayi a zuciyarsa.Cikin fara'a ya amsa gaisuwar da dije ke yi masa, haka ma mamy,yayin da dijen ta fara aikawa cikinta d'a'amin ba kama hannun yaro,dan dama dije fannin girki ba wasa.

ko da suka gama daddy ya koma falo shi da mamy suka zauna,itama dije na karewa ta taso ta iso falon ta zauna kasa daga gefen daddy ta shiga sanar dashi batun zuwanta kauye,cikin fara'a da jin dadin maganar tata yace

"kai beautifull daughter amma naji dad'i wlh" dan nima kin tunamin da zumunci ai tafiyar dani za'a yita,dan haka ki fara shiri zuwa next week saimu tafi gaba d'aya, zanyiwa yayyenki magana sai su shirya har matansu a tafi gaba d'aya.

cikin farin ciki dije ta amsa da to daddy nagode Allah ya kara girma.

Ameen daughter,sai a fara shirin zuwa ganin maigari ko?

mamy da tunda suka fara maganar taji yace dukansu zasu kauye taji ranta ya baci ta dago kaitare da fadin"haba Alhaji ! ya zaka ce a tafi gaba d'aya bayan na fada maka lalurar da yaran can ke fama da ita,kasan kuma bai kamata ace suyi doguwar tafiya ba yanzu.

Au hakane fa kema kin kawo uzuri,wannan ai bawata matsala bace, su mazan sai a tafi dasu, tunda dama su zuwan yake kamar wajibi a gurinsu dama dai dan matan nasu suje suga tushen mu ne.

To wai zuwan yazama dole ne ?naga ita khadija yazamarwa dole tunda ita ce tushenta can kowa nata nacan,banda ma dai son zuciya da kwadayi irin na mutanen kauye,ta yaya zan haifi 'ya kwaya daya tal a duniya sannan in bari tayi nesa dani,to amma mutanenmu musamman na kauye sun baci da shegen son abin duniya da mutumin kauye da noma da kiwo a ka sansu, amma yanzu sun sawa ransu wai suma sai sunyi boko,to bokon da suk........ya isheki karima!! cewar daddy cikin daga murya,wallahil azeem ki kiyayeni cin mutuncin naki ya isheni,da na dauka kin shiryu kin daina ashe tuban muzuru kikayi,ni banma yadda da zuwanki da kikayi garin ba kwanan baya ,nasan akwai abinda ya kaiki,ina so ki shiga hankalinkk ko da na barki a baya kina abinda kika ga dama to ba tsoronki nakeji ba,kyaleki nakeyi kawai dan a zauna lafiya,amma ke na lura kinki ki fahimci hakan to wallahi ki kiyayeni kinji na fada miki.Fada sosai daddy ya shiga yi inda yake shiga bata nan yake fita ba,da farko Dije taji haushin maganganun mamy amma daga baya dataji yadda daddy ya fara sababi saita dan ji sanyi.

Mamy kuwa lakwas tayi dan batayi tunanin daddy zaiyi mata magana haka ba,kallonta ta mayar ga Dije suna ko hada ido Dije ta zaro mata su tare da dan wurkila su,sai mamy taga kamar abubuwan ne,ji tayi gabanta ya fadi dan haka tayi saurin kawar da kanta tare da fadin nashiga uku a zuciyarta,tsam ta mike ta nufi part dinta,daddy ma kwafa yayi ya nufi part dinsa shima aka bar Dije na muzurai ganin haka yasa itama ta mike tayi nata gurin ranta fari kal sbd batun tafiyarta kauye.

*****************

Tun ranar data furta masa ta amince ta daina shan duk wasu kwayoyin haihuwa ya saki ranshi, inda ya dad'a dagewa tare da bata kulawa sosai ko yaushe yana manne da ita wai duk dan ta samu ciki,ita kuwa sai ta kara narke masa,soyayya sosai suke sha abinsu.

Sosai Naseer ke bawa yusra kulawa, dan har aiyukan gida shike tayata, tunda tun farko sun hada baki da sajida sunce basa son masu aiki.

****

Ko da daddy ya kirasu ya sanar dasu batun tafiya kauye duk ransu bai so ba,amma dole suka amsa masa,dukan su kamar abin hadin baki da suka fadawa matan cewa sukayi sai sun bisu,shi Habeeb bai wani damu ba da sajida tace zata bishi,amma shi Naseer lallaba yusra ya shiga yi inda fafur taki amincewa tace ita saita je tunda ba laulalayi takeyi ba dole tasa ya hakura aka shirya tafiyar da ita.

******

Gobe Alhamis ranar ta kama ranar tafiyarsu dan haka, daddy yace su shirya da wuri,ko da dare yayi dije kasa bacci tayi dan murna inda Ishaq ya kirata a waya,koda ta fada mishi batun tafiyar da zatayi gobe,sosai ya nuna mata rashin jin dadin sanar dashi da wuri da batayi ba inda ya dinga rokonta akan ta amince ya zo da safe suyi sallama amma taki amincewa dole ya hakura.

Washe gari da sassafe kuwa sai ga su Habeeb dukansu,ko da daddy ya gansu da matansu bai tambayi dalilin su na tafiya dasu ba.

Zuciyar mamy cunkushe take fa tsantsar bakin ciki daka kalleta zaka san tana cikin zunzurutun bacin rai dan ba yadda zatayi ne kawai ta hakura dan yanzu lamarin daddy yafi karfinta da alama sakin hannu ya kamata.

*(niko nace dama ana sakin hannu ne a bangaren asiri,haba mamy)*
😂😂😂😂😂😂

kowa ya shirya dan haka suka fito gaba daya dan shiga motoci.

Daddy ne ya kalli Habeeb yace,

amma dai kun san ba zaku debi motoci haka mu tafi dasu ba kamar zamu taron siyasa.Dan haka ku da matanku ku shiga mota daya muma saimu shiga daya.

to daddy suka amsa cike da ladabi.

yadda yace din hakan sukayi dan haka suka shiga suka saita hanya sai garin jigawa kauyen gawo.

*A sauka lfy*

*vote*
*comments*
*with*

*Alqalamin khady*
[3/15, 11:20 PM] El~hajj: 🌀🌀🌀🌀🌀🌀

TAME GARI

NA
khadija usman

3⃣6⃣

*Alhamdillah gaskiya ban san da bakin da zan godewa masoyana ba,hakika naga ainihin sahihiyar soyayya naga zallar so fiye da yadda dije ke son mazga ina alfahari daku da godiya gareku tare da addu'ar Allah yabar kauna ya kara zumunci ya sa zumuncin da soyayyar su dore har abada ameen*

sai kusan la'asar suka shigo garin,inda gida ya kacame da murnar zuwansu,mai gari kuwa abin ba'a magana,ba karamin farin ciki yayi ba na ganin daddy gaba daya da iyalansa,nan da nan aka shiga hidima dasu.

itako Dije ko da aka iso babu wanda ya lura da sulalewarta sai gida,sai da mai gari yace wai ina tawaje na ne?sannan suka lura da bata nan,dariya yayi dan ya tabbatar ta tafi gidane.

da gudunta ta shiga gidan tana kwalawa inna kira,wadda tun isowar su labari ya isko ta cewar gasu Dije nan aikuwa tsantsar farin cikinta ya kasa boyuwa dan tayi kewar 'yar ta sosai.

tana zuwa ta fada jikin Inna, inda ita kanta Innar ta debe kunya ta rungumeta,sosai Dije ke kukan farin cikin jin dumin mahaifiyar ta, suna tsaka da haka baba Inusa ya shigo dan ya samu labarin isowar su yanzu ma daga gidan mai gari yake yayi wa su daddy sannu da zuwa,ya nufo gida dan jin cewa diyarsa tana can domin shima yayi kewar ganin tilon 'yar sa,ba karamin farin cikin ganin Dije yayi ba domin gani yayi ta canza masa tayi masa girma a ido,tabbas ya yaba da kokarin yayan nasa wajen rikon diyar tasa.

Ko da Dije ta ganshi ba karamin jin dadin ganin mahaifin nata tayi ba da sauri ta taso ta isa gabanshi ta tsugunna ta shiga gaisheshi cikin girmamawa da fara'a,amsawa ya shiga yi tare da tambayarta bayan rabuwa.

Daga nan kuma suka shiga hirar bayan rabuwa,sosai suka shiga hira ta shiga taya Inna aiki dan baba yasa an yanka kaji da zabbi dan ayi farfesu a kuma soyawa baki,fura Dije ke damawa dataji nono sosai.

magariba aka kira,hakan yasa baba mikewa dan tafiya masallaci,yana fita itama Dije ta daura alwalar ta shiga daki ta bar Inna na karasa aikin,itama tana gamawa tayi alwalar ta shiga yin sallar.

*** ********** ***

Baba suke jira ya shigo