You Cannot Download this book untill you login but you can read it .

---

Login Register

ya karaso gunta sannan yasa hannu ya riko habarta yace " ba na hanaki min fitsara ba? Ko rannan baki daddara bane?"

 Tace "yanzun kuma me nai?"
 Yace " wlh kin canza gaba daya."

  Ta kwace fuskarta tace " ni ba wani canzawa danai."

  Hannunta ya kama ya jata zuwa dinning  ya nuna mata kujerar dake kallan tasa yace "zauna."
 
  Kallansa tai tace " inzauna inyi me? In ma abinci ne ni naci nawa."

  Dariya taga yayi yace "Ohh abinda kikeso kenan? So kike ince muci abinci tare?"
 Ta zaro ido cikin mamaki tace "yaushe nace haka ko kuwa haka ka fassara?"

  Ashraf ya zaunar da ita sannan ya koma ya zauna, kallanta yai yace " ki zauna ki jirani naci abinci."
 
 Tace "ni? Akan me?"
 Yace "haka kawai."

   Wata irin dariya tai tace " wannnan kuma banaji aiki nane." ta fada tana neman mikewa.
 Yace zauna.
 Kallansa tai fuska a hade, yace " ba dake nake ba?"
 Zama tai tare da juya kai gefe, yace " zubamin."
 Tace "me fa?"
 Da ido ya mata alama da abinci.
 Tace "yaya nikam menai ma ne yau?"
 Kuramata ido yai yace "bansan ni kaina me nakeyi ba sai dai kawai naga inasan inga kinmin abinda nace."

  Labanta tadan ciza sannan taja plate ta fara apkamai abinci sai data kusa cika plate din ya kalleta yace " Me kike hakan?"
 Gabansa ta tura mai sannan ta mike ta fara tafiya, mikewa yai da sauri ya fizgota, tare da sata a bango, ta kalleshi idanunta sun fara ja, yace "wai Nafisa meke damunki?"

  Ta kalleshi tace " na kasa fahimtar dalilin sani abubuwan nan sai dai yanzu na gane, u take me as a joke."

    Idanunta ya kalla zuciyarsa na raya masa wani abun, ya daure yace " joke? Taya zaki fassara shi a haka?"

  Hannunsa tadan ture batace komai ba ta juya zatai gaba, bai san sanda ya rungumeta ta baya ba, dif kamar an dauke wutar lantarki haka tai.

  Cikin wata irin murya wanda bata taba jinshi da ita ba taji yace " Ni kaina bansan me nakeyi ba."

   Shiru tai sai dai jikinta duk ya mutu, yacigaba " shiyasa nakesan ki cigaba da zama inda nake har sai na san me nakeyi tukunna."

   Shiru tamai hakan yasa ya juyo da ita yace "Uhmm?"
  Kallansa tai sannan tace " in zauna a kusa dakai kamar yaya?"
 Ya dan juya  kai yace "kamar yanda na kiraki yanzu."

  Hannunsa ta dan zare tace " after that?"
 Kallanta yai tace " eh after that, then what?"

  Ya shafa kansa yace " ban fara wannan tunanin ba."

  Murmushi tai sannan tace " I am sorry."
 Kallanta yai yace " for what?"
 Tace " bazan iya abin da kace ba, me yasa a koda yaushe zuciyarka ita kadai ce mai amfani agunka? Me yasa baka tunanin tawa?"

  Ya kalleta yace " Me kike nufi?"
 Kai ta girgiza sannan tace " Ka dinga ajiye matarka akusa dakai ba ni ba, nima daga yanzu zan fitar da wanda naga yana sona inyi aure."

  Tana kaiwa nan tai waje, kallo ya bita dashi sannan ya runtse ido ya bud'e tare da naushin iska yace " Ashraf meke damunka? Me yasa duk lokacin da ka shirya abu daidai pride dinka ke hanaka????

   Wata iska ya furzar ta takaici.....

  Nafi kam tana fita hawayen datake boyewa suka fara zubowa tafiya kawai takeyi sam bata kula da Asim ba wanda suke zaune suna hira.

Shikuma yana ganinta ya mike tare da shan gabanta yace "ke yar iska?"
Kallansa tai da jajjayen idanunta, yasa dariya yace "au har kwarton naki ya fara b'ata miki rai? Ki dawo guna ni zankula da ke sosai."

Hararsa taicikin takaici tace " ni nafi karfin karuwa kuma inma karuwancin ne mai zanyi dakai?

Tana kai nan tai gaba, Asim kam ya kai kolowa gun bacin rai, ya juyo da niyar zaginta yaga wayam, hucci yai yace "lalai za'a kai gawar 'ya garinsu...."

Nace hmmmm......



*#ASHRAFFEENAH TEAM*


*ZUCIYA*
_ĸowa da ιrιn тaѕa_

© *na Ayυѕнer Mυнd*
ayushermohd.blogspot.com


*HASKE WRITERS ASSOCIATION*💡

_Godiya gareku 'yan Nice Hausa Novel musamman hajiya admin Aisha Sabi'u Mohd....ILYSM😍_

{ *50*}




Nafi kam a falo ta zauna ta dafa kanta itakam Allah ya yaye mata wannan abun dan bata ganin akwai riba a cikin wannan san da takema Ashraf.

Kwanciya tai daga nan bacci yai gaba da ita akan kujerar.

Sai la'asar ta tashi tana shiga taga Little ma bacci take nan tai sallah sannan ta tasheta itama tai, kitchen ta nufa dan kara samun fasaha akan girki.

Sai 6 ta fito tana shiga bayan sunyi magrib aka aiko wai ana sallama da ita, mamaki ya kamata ta tsare Little da ido, Little tace " ba Alamin bane Allah dan shi baima san kin dawo ba."

Nafi tace "to waye??"
Little tai murmushi tace "ki shirya sai ki dubo mana."

Harararta Nafi tai tace "wani shiri kuma? Bansan waye ba kawai sai in hau kwalliya sai kace mai neman saurayi?"

Little ta sa dariya tace " to da mecece?ai duk budurwa nema take har sai ta samu tsayaye."

Nafi ta tabe baki ta zari mayafi tai gaba Little na tsokanarta.

Waje ta fita mota d'aya ce a gun hakan yasa ta tsaya daga dan nesa tana tunanin karasawa, fitowa yai tare da zama a saman motar yace "My Feena ko sai na zo da kaina?"

Jin muryar Nabil yasa tai murmushi sannan ta karasa, kallansa tai cikin zolaya tace " da alama rashina ya hanaka sukuni?"

Ya dafa kai yace "Feenah taba kiji inaji zazzabi ne ke neman kamani saboda missng dinki."

Tai dariya tace "Ya Nabil to ya? Nayi mamakin ganinka a daren nan."
Ya kalli agogo yace " ko isha'i batai ba shine dare?"
Tai dariya sannan tace "Ina Aminiya?"

"Tana gida nima wucewa nazo yi nace bari na tsaya mu gaisa."
Murmushi ta sakeyi tace "aikam na gode."

Ya kalli gidan yace "dama a gidan Marigayi Abbas kike?"
Kallan mamaki tamai tace "kasanshi ne?"

Dariya yai yace "ina fa mutumin daya rasu kafin muyi wayau."
Tace "then?"
Yace " A company dinsa dai Dad yai aiki."

Cikin mamaki tace haba?
Ya daga mata kai sannan yace "Amma tun bayan rasuwarsa shima ya ajiye aikin."

Nafi tace "me yasa?"
Iska ya dan tara a bakinsa sannan ya furzar yace "bansan dalili ba."

Kallo ta tsareshi dashi tace " Kace wallahi."
Yai murmushi yace " me nene matsayinki a gidan?"
Ta kalli gidan sannan tace "nima bansani ba ganinan ne dai kawai."

Dariya yasa yace "ban gane ba."
Tace Wallahi dagaske."

Kallan mamaki ya mata yace " kiyi a hankali to da irin wannan gidan manakisa da sharrinsu yawa gareshi, dan mutuwar Abbas din........"

Bakinsa ya guntse jin yana shirin yin baran barama, Nafi ta kalleshi fuska dauke da mamaki tace " Me? Akwai sa hannu ko me?"

Juyar dakai yai yace " Hmm yaushe zakizo gida?"
Tace "Ya Nabil?"

Kallan gate yai yace "ga wani can ya fito da mota."
Nafi ta kalli gun, motar Ashraf ce idanunta ta kaida kan Nabil tace " Ya Nabil dan Allah me ka sani??"

Kifta ido yai yace "bazai miki fada ba?"
Hade rai tai tace " akan me kenan?"

Zaiyi magana yaga an dallesu da fitilar mota wanda sai da Nafi ta juya, ta tabbata so yake yaga waye, shiyasa tana juyawa ta maida kanta gun Nabil.


Ashraf kam wanda suka fito shida Anisa.
Ya tsaida mota batare da ya kashe fitilar ba, Anisa ta kalleshi ya had'e rai tare da kafe Nafi da ido, mamaki ya kamata.

  Shikam Nabil kallan Nafi yai yace " Feenah da alama ke ake jira kar inja a miki fada bari na tafi."

   Da sauri tace a'a yaya taimakamin karka tafi please.
 Yace "Ba kya tsoro?"
 Kallansa tai fuska dauke da murmushi tace " mu shiga motarka mudanyi gaba please, sannan banaji zan barka ka tafi baka karasa fadar abinda zaka fada dazu ba."

  Kallan mamaki ya mata, ta shagwabe fuska tace "please "

  Sauka yai sannan ya zagaya ya bud'e mata mota ta shiga sannan shima ya shiga tare da tada mota.

  Anisa ta kalli Ashraf tace "wai me mukeyi anan ne?"

  Bai ma san tanayi ba dan wani irin abu ne ya tasomai yana ganin sun hau kan titi ai kuwa shima ya taho da gudu da mota ya sha gabansu saura kiris motoci biyun su bigi juna, Nafi kam da Anisa duk sun runtse ido kowa na tsoron abinda zai faru shikanshi Nabil ya tsorata, Ashraf a zuciye ya kashe mota sannan ya fito ko kofa bai rufe ba yazo Kofar da Nafi take ya bud'e da karfinsa.


   D'agowa tai cikin tsoro tana kallan idanunsa da suka kada sukai ja sai hucci kawai da yakeyi, hannu yasa ya fizgota da karfi, Anisa ganin haka yasa ta fito tare da shan gabansu tace "Ya Ashraf me kakeyi hakan? Ina zaka bayan kasan unguwa zamu?"

  Kallanta yai cikin idanunsa da sukai ja bai bata amsa ba kawai ya zagaya ta gefe ya sa Nafi a bayan motarsa ya shiga ba tare da ya kuma kallan Anisa ba yai reverse sannan ya ja motar a zuciye.

  Nabil kam wannan abu ya d'aure mai kai shima a hankali yaja tasa motar yai gaba yabar Anisa wacce ta tsaya kamar gunki.

  Ta dade agun kafin ta koma gida, gun Umma ta nufa tai sa'a Asim nanan nan ta zayyane musu abinda akai tare da fashewa da wani irin kuka.

  Umma ta mike tsaye tace " Asim dole ne musan abinyi dan nikam na gaji da wulakancin wannan dan marasa tarbiyar."

  Asim a zuciye yai waje ya nufi bangaren mahaifinsa......


  Shikam Ashraf gudu kawau yakeyi, Nafi kam tayi shiru a baya sai dai har yanzu tsoron abinda Ashraf yai takeyi, gashi sai gudu yakeyi ga dare.

  Addu'a kawai take a ranta, can karshen titin Naibawa ya tsaya, wajen fly over sannan yai parking ya fito tare da bud'e kofar Nafi.

 Ta kalleshi cikin tsoro.
"Fito!"
Abinda taji yace kenan, ta danne tsoro sannan tace "in fito inyi me??"

"What?" ya fada yana kara kallanta.

Ta murguda bakinta tace " Haka kawai ka jawoni ka kawoni nan sannan in fito inyi me?"

Kallan mamaki ya mata tai saurin kallan gefe, shiga yai kusa da ita tai saurin matsawa tare da harde hannayenta ta maida kallanta gefe.

"Waye waccan d'in?"
Tace wa kenan?
"tambaya ma kike? Wanda yake neman sa ki a mota ku tafi wani guri a daren nan."

Baki ta turo tace "Wani ne."

Yace "wani? Bakida hankaline bakisan mutum ba kike neman shga motarsa? In ya lalataki fa?"

Dariyar da ta nemi taho mata ta guntse tace " to meye a ciki? Tunda so na yake?"

Me? Bakida hankali ne?" ya fada a zuciye, ta kalleshi tace " ni so nake ma in aureshi dan na gaji da zama a inda na sona ake ba."

" who said that?" shikansa baisan sanda ya fadi hakan ba.

Kallan sa tai fuskarta da alamar tambaya, ya juya kai sannan yace " karki kuskura inkara ganinki da wani namijin balle har ki samu mai dariya ko shiga motarsa."

Tace" Akan me?"

Yace " Tambaya ma kike? So kike wani abu ya sameki ace nine?"

Haushi ya kamata ba haka taso ji ba, ta juya kanta tace " bazan iya rabuwa da shi ba."

Hannu yasa ya rike kafadarta da karfi tare da juyo da ita saitinsa, yace " ni kike fadawa haka?"

Baki ta turo batace komai ba, kallanta ya tsaya yi, batai auni ba taji bakinta cikin nasa, nan ta fara kokarin kwacewa sai dai ya riketa da kyau tun tana kokarin kwacewa har tai la'asar....Wani sakon ni suke ba juna wanda su kadai suka san ma'a narsa, sun dade sosai a haka sannan a hankali suka saki juna, idanuwansu dake lumshe suka bud'e a hankali.

Idanunta suka ciciko cikin sanyin murya tace " Yaya why are u doing this to me?"

Jawota yai jikinsa ya rungume ta yace " Nafeesa ni kaina bansan me nakeyi ba."

Tace " ba so na kake ba me yasa kakeyin hakan to?"
Ya kara kankameta yace " Na rasa me ke damuna, ni kaina abin na damuna."

Ta dago da jikinta tace " karka sake tabani har sai ka san abinda ke damunka."

Kallan mamaki ya mata yace " Ke halal dina ce bawai haram dina ba."

Wani murmushin takaici tai tace " Halal? Since when did i became your halal?"

Yace " What?"

Ta rufe ido sannan ta bud'e tace " Halal din da ba wanda ya sani? Halal din da ni kaina ban san halal bane? Halal din da kake tsoron kar mutane su sani? Halal din da kai kanka baka tabbatar dashi ba?"

Kallanta yai sai dai kalamanta sunsa jikinsa yai sanyi, ta sake murmushin takaici tace " ko ma meke damunka nidai karka kara tabani sai ka tabbatar dashi sannan sai na yarda da hakan."

Tana kai nan ta juya kanta tare da share kwallar da ta zubo mata.

Jiki a sanyaye ya bud'e motar yai waje ya koma mazauninsa ya zauna a hankali ya tashi motar sukai gaba.

Yana kallanta ta madubi jefi jefi tana share hawayenta, ya sani sarai shine silar kukan ta, me yasa yake zama dalilin hawayen ta? Why did he always cause her pain?"

Jiyai gaba daya jikinsa yai sanyi jiyake kamar ya jawota jikinsa ya lallasheta, bayaso ko kadan yaga tana kuka dan har zuciyarshi abin ke tabawa.......



*#ASHRAFEENAH TEAM*



*ZUCIYA*
_ĸowa da ιrιn тaѕa_

© *na Ayυѕнer Mυнd*
ayushermohd.blogspot.com


*HASKE WRITERS ASSOCIATION*💡

*51*


   Asim yana shiga bangaren Mahaifinsa yaga Mumy a zaune suna duba takardu, haushi da kishi ya kamashi ya karasa ciki a zuciye.
  Kawu ya kalleshi yace " Asim meye hakan zaka shigo ko sallama?"
 Asim ya harari inda Mumy take ya kalli mahaifinsa yace " in kuna tsoron Ashraf ni bana tsoronsa, sannan in ku bazaku iya komai ba akan halayensa ni zan gyara su."

  Kawu ya daka mai tsawa yace "Kai wani irin hauka kakeyi hakan? Zakazo ka dinga fadamin zancen banza ko ni din abokin ka ne?"

   Asim ya kafe Mumy da ido yace " gashi can dan da kuke ji dashi ya ajiye matarsa a titi ya zari karuwarsa sunyi gaba."

  Hankalin Mumy ne ya tashi ta kalleshi tace "Bangane karuwa ba?"

  Asim yai wata dariya yace " Au ke kika mahaifiyarsa bama kisa abinda d'anki yakeyi ba? Karuwarsa daya dauko daga wani kauyen nake nufi."

  Mikewa Mumy tai tace "Nafi?bangane abinda kake nu......"
 Bata karasa ba taji ana zage zage a waje, Asim ya juya yai waje, kawu yai wani murmushi ta gefe sannan ya mike yazo kusa da Mumy ya jawota jikinsa yace "Karki damu munfi kowa sannin Ashraf mun kuma san bazai aikata abinda suke fadaba, Anisa kawai suke tayawa kishi ba komai ba."

   Idanu Mumy ta runtse jin zage zagen da akeyi yayi yawa, nan suma suka fita, Umma ce taci damara ita da 'ya 'yanta maza, Anisa na tsaye sai matsar kwalla takeyi.

    Fada sosai ne ya kaure a waje banda zagi da cima Ashraf mutunci ba abinda sukeyi, mumy ganin bazata iya daure wa ba yasa tasa baki aikuwa kamar jira Umma take har cewa take zata daki Mumy kuma yau dole ne Ashraf ya saki 'yarta dan bazata yarda da cin mutuncinsa ba, sai dai zancen saki burga ce kawai takeyi dan tasan bazai yiwu ba.
 

   Little wacce hayaniya yasa ta fito tai tsiru tana jin su duk jikinta yai sanyi, bata taba ganin gidansu a haka ba.

   Suna tsakiyar zage zage sai ga motar Ashraf ta shigo gidan, nan fa kowa yabi motar da kallo dan ganin abinda sukaji, Ashraf kam tunda ya shigo yake mamakin taruwar ta menene, itakam Nafi kanta na kasa sam bata gansu ba, yana fitowa ya zaga inda Nafi take ya bud'e mata ta fito, kallan takaici tamai.

  Zata wuce taji kafarta ta hard'e ta kifo zata fad'i ta gaba, da sauri ya tareta, hannunsa yasa a kugunta d'aya kuma ya rike hannunta.

  Sallati suka saka, Umma ta shiga tafa hannu tana sallalami, Mumy ma idanu kawai ta rufe, kawu kuwa ko ajikinsa sai ma farinciki da yake.

  Nan Asim ya nufoshi a zuciye, Anisa kam zama tai a kasa ta kara sa wani sabon kukan.

  Itakam Nafi kallan Ashraf tai sannan a hankali ta zare jikinta ta kalleshi tace "Thanks."
  Bai amsa mata ba sai kallanta kawai da yakeyi, kai ta juyar gefe dan batasan kallan nan, Asim ta gani ya iso gun a zuciye ya dunkule hannu zai naushi Ashraf da sauri ta shiga gaban Ashraf ita naushin ya sameta, iya karfinsa ya sake wanda naushin sai daya sa tai baya.

  Ashraf ya razana da sauri ya tarota ya shiga kiranta, su Umma ne dukansu suka karaso gun suka cigaba da sallalami, Umma ta kallesu ya wani rungumota yana kiran sunanta.

 Tace "Lalai Ashraf bansan haka kake ba sai yau, to dama mahaifinka ya mutu kafin ka mallaki hankalin kanka, uwarka ta kasa hakura ta zauna tai tarbiyarka saboda bazata iya zama ba namiji ba ta auri kaninsa ta ma manta da danta, dama ina zakai hankali?"

  Ashraf ya d'ago ya kallesu dukansu, Mumy ya kalla wacce ke matsar kwalla a gefe, ransa ya kara b'aci ya kalli Nafi wacce bata farfado ba, sannan ya maida dubansa kan Umma yace " kun taremun jikin mota ina bukatar fita dan kaita Asibiti."

  Asim ya kara zuciya zai kara kai mai naushi wani kallo da Ashraf ya bugamai yasa ya tsaya, Ashraf ya nunashi da yatsa yace "Don't you dare think of something like this again, dan banaji zan yafema inka kuskura ka kara tunanin abu irin wannan, kasan ni kasan kuma abinda zan iya."

   Umma ta kutuntumo Ashar ta maka mai tacigaba " dan marasa tarbiya har mu zaka nunawa bariki? Daga kai har wannan tsinaniyar karuwar taka?jiki duk a kya mushe? Zaka wulakanta matarka ta suna akan wata can karuwa?"

   Ashraf ya kallesu, sannan yace " In kun gama zaku iya matsawa? inada gun zuwa na dauka na sanar daku."

  Kawu ya matso gunsa yace "Kai Ashraf bakada hankali ne? Akan me zaka dinga neman fita da yarinya bayan ka bar matarka ka dauketa kun tafi wani gun?"

  Ashraf ya kalleshi yace " Me kuke san ji daga gareni? Kafin ku tambayeni komai na dauka kowa a nan ya amince da abinda zuciyarsa ta fadamai?"

  Kawu ya hade rai yace " Ko ma menene dole ne gobe wannan yar kauyen mara asali ta koma kauyensu saboda yarinya guda d'aya bazai yiwu mu cigaba da samun sab'ani ba."

  Little ce ta mikamai ruwa a jarka data d'auko ya amsa sannan ya sa mata, numfashi taja sannan ta mike zaune, sai dai gefen fuskarta har ya tashi, Ashraf ya mike tsaye yace " who said that?"

  Kawu ransa ya b'aci yace "nine na fad'i haka kuma nine shugaba a gidan nan dolene ta koma kauyensu goben nan, bazan juri ganin tana neman lalata mana zumunci ba, yarinyar da ko asalinta bamu sani ba."

  Nafi kam yanzu ta fahimci da ita ake, jiki a sanyaye ta mike zata wuce, hannu Ashraf yasa ya riko nata hannun, cak ta tsaya sai gabanta kawai da yake fad'uwa, Ashraf ya kalli Kawu yace "Zumunci?wanne kenan? Banaji na sanshi, sannan maganar yarinya babu wanda ya isa ya sata ta tafi dan kuwa nine na kawota nine kuma nakeda hakkin sata ta tafi."

  Kallansa tai cikin takaici, tasani bazai iya cewa matarshi bace ita, yana gani yana kuma ji ana ce mata karuwa, hannunta ta fizge sannan ta kalli Kawu tace "Kawu kuyi hakuri zan tafi gobe in Allah ya kaimu."

  Tana fada ta juya, hannu yasa ya kara rikota nan ta shiga kokarin kwacewa, Mumy tace "Ashraf wai ke kakeyi hakan? Bazaka saketa ba?"

  Murmushi ya sakar musu yace " What should i do?"

  Kallansa sukai cikin alamar tambayar, yace " ya zanyi? Tunda Nafisa matata ce wacce na aura kafin Anisa, ya zanyi in ban rike hannun matata ba?"


    Gaba d'ayansu cak suka tsaya kamar abu mara motsi Nafi kam kallansa kawai take sai dai tsoro ya cika mata zuciya, a da tana so taji ya fada with full confidence akan ita matarsa ce to meyasa yanzu taji gaba d'aya ba haka ba?"

  Ashraf ya kalleta yai murmushi yace "muje ko?"
 Hannunta ya ja suka fara tafiya binsa kawai takeyi, sukam kowa ya kame ya kasa motsi, suna matsawa daga gunsu Nafi ta had'iyi wani abu tace "Yaya mai ka aikata?"

  Murmushi ya sakar mata yace "what? Are u scared?"

  Kallansa tai batace komai ba, har d'aki ya kaita yazaunar da ita tare da kallan inda aka nausheta yace "Me yasa kika taremin d'azu?"

  Kanta na kasa tace " nima ban sani ba."
 Yai murmushi yace " sanda naga kin taremin naushin da ya kamata ya sauka a jikina lokacin jinai komai ya daukemin a kuma wannan lokacin na gane meke damuna."

  Kallansa tai kallo mai alamar tambaya, kiss ya manna mata a kuncinta yace " Feena I think I Luv You."

    Kallansa tai gabanta ya tsananta fad'uwa baki ta shiga motsawa tana san tai magana ta kasa, Ashraf ya jawota jikinsa yana daga tsaye ita kuma tana zaune akan gado, yace " Be strong dan nasan akwai yaki babba a gabanmu, sai dai karki damu kowa zai gaji ya bari."

  Kai ta jinjina mai, yai murmushi sannan  ya saketa ya fita.

   Ko kallan inda suke baiyi ba yai b'angarensa.

  Anisa da gudu ta mike tai b'angaren Umma ta shige d'aki ta kulle, maganin Umma ta gani kawai ta debi guda 10, ta hau had'iya, kankace me jiri ya debeta ta fadi kasa ta suma, nan su Umma suka tadda ita a kwance, da gudu Asim ya d'auketa ya sata a mota sukai Asibiti.

 
  Nafi kam tana nan a zaune Little ta shigo da sauri bata mata magana ba kawai ta zari mayafi tai gaba, Nafi ta mike da sauri tace "Little ina zaki a daren nan?"

 Little bata tanka mata ba tai waje, jikin Nafi yai sanyi ta zauna a kasa ji take kamar tasa kuka, sallama taji ta mike ta leka, mai gadi ne ya miko mata leda yace " gashi inji yalabai."

 Yana bata ya juya ya tafi, bud'ewa tai taga magunguna, dana shafawa dana had'iya.

  Ta mike tai sallar isha'i sannan tasha, akan sallayar ta zauna kawai tana addu'oi Allah yasa komai yazo mata da sauki......

  Nima nace Amin.....


  Su Anisa kam dukansu har Mumy aka nufi asibiti, emergency akai da ita, likitoci suka dukufa akanta, sun dade kafin su gama aikinsu, suka kallesu suka ce " Kuna ina duk yawanku yarinya na neman kashe kanta?

   Umma ta harari Mumy tace "Likita masifa ce ta taso mana, bamu fargaba ta shiga d'aki."

  Yai dan hucci sannan yace "She is no longer in danger amma sai kun jira zuwa anjima kafin ta farfado."

  Yana kaiwa nan yai waje, Umma ta kalli Mumy tace " Lalai danki dan masifa ne, bala'i ne kuma annoba ne."

  Mumy cikin takaicin kalaman Umma tace " Malama kisan abinda zaki dinga gada nasan yayi laifi amma ko kadan bai cancanci kalamai irin wannan ba daga bakinki ba, dama kowa na gidan."




*#ASHRAFEENAH TEAM*
*1LOVE💞*


*ZUCIYA*
_ĸowa da ιrιn тaѕa_

© *na Ayυѕнer Mυнd*
ayushermohd.blogspot.com


*HASKE WRITERS ASSOCIATION*💡

*52*

_Ga masu min korafi akan yin da nake sau d'aya, kuyi hakuri inada uzuri ne, ni kaina inaso inga nayi dayawa dan in kamalla littafin, sai dai ina kara baku hakuri, dan Allah kuyi hakuri da page d'ayan da nakeyi, in har na samu dama nima zan yi sama da page d'aya......Nagode da kauna, Allah yasa ku fahimceni._


*ZUCIYA*
_ĸowa da ιrιn тaѕa_

© *na Ayυѕнer Mυнd*