You Cannot Download this book untill you login but you can read it .

---

Login Register

tana cikin farin amma da zuwarka kalla yadda ta ƙare fa. Yanzu ka Faɗamin meyasa zaka zaɓa wannan ranar. This is only our glamorous Day, not yours, Amma... duba ka gani, daga zuwanka duba baiwar Allah yadda ta ƙare a sume fa."


Maganar take cikin hargowa da tsananin ɓacin rai gaba ɗaya ta manta wanda yake tsaye a gabanta, ta manta Buddy ɗinsu ne mai ji dasu, ta rufe ido tana zazzaga mishi masifa, tana fitar da duka baƙin ciki da damuwar da suka daɗe suna caccakar zuciyarta.😰




Zubewa Maleek Yayi gwiwo winshi duka a ƙasa yana zubar hawaye.

Hawayen da bai zubar dasu ba ranar da yabar gidan, Hawayen da ya daɗe yana jiran fitowarsu sai yau suka ƙari so. Saboda tsananin kuka ya ma kasa magana.



Shikuwa Daddyn su wato Mister Mai Kyau, Ashe tuni ya daɗe da yin sumar tsaye ba'a sani ba tun lokacin da Maleek ya juyo, da kuma tun lokacin da Shalelen shi ta zube a ƙasa sumammiya alamar ciwonta ne yakeso ya taso.




Ganin za'ayi to ne to ne ne, a tsakiyar gida yasa Uncle Yusuf kallonsu gaba ɗaya yana faɗin

"Ku shiga daga ciki a ƙarishe maganar zai fi."

Yayi maganar yana kamo hannun Daddyn wanda ya zama kamar mutum-mutumi, sannan ya kalla Auntie Yusra yace da ita.

"Ku kamo Afeefah ku shigo da ita ciki,"


Kallon shi ya mayar kan Maleek da har yanzu yake a durƙushe, cikin sanyin murya Uncle Yusuf Yace

"Ka ɗauko kayanka ka shigo ciki." sannan ya yi gaba.😞



{*Tofah.! masu karatu, wai shin Menene ainihin abin da yake faruwa ne, a wannan labarin, gadai Maleek ya dawo gida, kuma ga Daddyn Ya zama kamar baya cikin hayyacin shi, gefe guda kuma ga Jarumar mu tana sume cikin wani hali, shin dama akwai wani ciwo ne da Afeefah take dashi ba'a sani ba🤔 koma dai menene yanzu zamuji asalin labari }... INSHA ALLAH 💘*}



*SARAUNIYAR KYAU*💓


_(The Glam Queen)_ 👑

```Takun Farko```

Story & Written By:

*_The Nainarh KD_*


____________________________________________👑

*THE ONGOING BOOK'S*


1. *SONKI NE ƘADDARA TA*

MALLAKAR
FATIMA ABDULLAHI
_Batool Kamba_





2. *ZAN JIRA KA*

MALLAKAR
A'ISHA ALƘALI
_Mrs Aysib_





___________________________________________👑






*TH£ B£GINNING OF THE STORY*
*MAFARIN LABARI*





*SOM£ Y£ARS £ARLI£R*




*AL_HAJI SAMEER LAMIƊO*



Page*47&48*

Shararren mai dukiya ne, wanda duniya ke ji dashi, a domin kuwa ba iyaka ƙasar Nigeria sunanshi ya tsaya ba, hatta da ƙasashen waje sunanshi ya zagaya, yana da tarin dukiya mai yawa, Wanda shi kanshi baisan adadi ba, ga companies kala kala gareshi, kaf faɗin Nigeria ba State ɗin da babu companynshi, sannan kuma shine mamallakin wannan shahararren Industry na sarrafa magani wato S.L__ Pharmaceutical Industry. Dake Babban birnin Nigeria Abuja.







__AL_HAJI SAMEER LAMIƊO.





Asalin shi cikakken ɗan garin Jigawa State ne, gaba da baya, sai dai mahaifiyar shi da ta kasance cikakkiyar ƴar Adamawa state ce.


Matan shi na Aure uku, matar shi ta farko ta kasance Hajiya Harirah wacca aka musu auren gida, Hajiya Harirah bata taɓa haihuwa ba tsawon zamanta da AL_HAJI SAMEER LAMIƊO.

Sai kuma matar shi ta biyu Dr_Raheemah wacca ta kasance Balarabiya ce ta ƙasar Sudan.
AL_HAJI SAMEER LAMIƊO, ya haɗu da matar shi ta biyu Dr_Raheemah ne, a wani taron manyan Likitocin duniya da ya hallarta a ƙasar Sudan Babban Birnin ƙasar wato KHARTOUM, a lokacin kallo ɗaya yayima Dr_Raheemah yaji ta kwanta mishi.
Aikuwa bayyi wata wata ba bayan kammala taro ya sameta da zance.
Tom da ya ke ita ma Dr_ Raheemah tun daga kallon farko taji ta kamu, sai ba'aja zancen da nisa ba, duk da dai da farko Ahalinta sunso su bada matsala kasancer AL_HAJI SAMEER LAMIƊO baƙar fata.

Amma daga baya komai ya wuce ansha biki.
Sai matar shi ta uku Hajiya Zuwairiya wacca ta kasance ƴar Mai Duguri Ita ma dai Babbar Likita ce.






_AL_HAJI SAMEER LAMIƊO

Yaran sa biyar da Dr_Raheemah, huɗu da Hajiya Zuwairiya Tara kenan.

Yunus shine Babba a kaf yaran gidan wanda ya kasance ɗa ne ga Dr_ Raheemah, sai kuma Zuwaira wacca ta kasance ɗiya ta biyu a gidan kuma ƴa ga Dr_ Raheemah.
Sai Yusuf ɗa na uku ga AL_HAJI SAMEER LAMIƊO, shi kuma ya kasance Hajiya Zuwairiya ce ta haife shi.



Sai Abubakar na huɗu shi kuma Dr_Raheemah ce ta haife shi, tsakanin shi da Yusuf sati ɗaya ne, domin kuwa a ranar sunan Yusuf Dr_ Raheemah ta haifa Abubakar.


Sannan sai Sameen na biyar wanda ya kasance ɗane ga Hajiya Zuwairiya.

Kana sai Sakeenah ɗiya ta shida ga AL_HAJI SAMEER LAMIƊO sannan kuma Dr_ Raheemah ita ce mahaifiya a gareta.

Sai Jawaheer ta bakwai da Jummai ta takwas waɗanda su kuma ƴaƴa ne ga Hajiya Zuwairiya, tsakanin Jawaheer da Jummai shekara ɗaya ne kacal, saiya kasance Jawaheer ce Babba sai Jummai mai bi ma ta.

Sai Auta sagir yanda ya kasance gaba ɗaya gidan shine ƙarami, domin kuwa tsakanin shi dasu Jummai shekaru biyu ne, Dr_Raheemah ita ce mahaifiya a gareshi.

Sai ya kasance Yunus, Zuwaira, Abubakar, Sakeenah, Sagir. Sune Yara ga Dr_ Raheemah.


Yayinda ya kasance. Yusuf, Saminu, Jawaheer, Jummai. Su kuma sune Yaran Hajiya Zuwairiya.



Yaran AL_HAJI SAMEER LAMIƊO
Sun kasance kyawawan gaske na bugawa a mujalla ne, domin kuwa kaf cikin su babu munana tabbas {kuma dai masu karatu, You can imagery mana Yadda jinin Larabawa Hausa Fulani Kanuri e.t.c. zai kasance 😁. }



Gaba ɗaya Yaran sun taso da kyawu na musamman daɗin daɗawa gasu da wani abu da ya yi ƙaranci a wannan zamanin wato haɗin kai.

Suna ƙaunar junan su sosai, domin kuwa idan kai baƙone kazo gidan, to bafa zaka gane ga ɗan wannan ɗakin ba, musamman ma da ya kasance Yusuf da Abubakar a gurin Hajiya Harirah suke zaune, sai ka rantse ita ta haifesu, domin kuwa abin da take musu ko iyayen su mata da suka haifesu ko su iyakar abin da zasu musu kenan.








Sai dai wani abu duk, kyawun Yaran AL_HAJI SAMEER LAMIƊO, ba fa komai bane idan aka haɗa da kyawun Abubakar.


Domin wani irin madaran kyau ne dashi na musamman wanda kafin a sama mutum mai irin kyawun shi a wannan lokaci sai an tona.


Sannan kaf yaran AL_HAJI SAMEER LAMIƊO, shine son kowa ƙin mara sa'a, domin kuwa kowa a gidan har dama kaf Ahali son shi suke kamar me, domin Allah ya mishi wannan Farin jinin Sanadin haka har suna aka saka mishi a family da abokan shi suna kiran shi da 'MAI KYAU' domin kuwa shi ɗin mai kyau ne.






Gaba ɗaya yaran gidan maza suna karatun degree ɗinsu ne a Birnin London, yayin da Yunus yake karantar Sociology ma'ana Ilimin hallayar zaman jama'a.



Abubakar da Yusuf kuma suke karantar £ntrepreneurship, ma'ana harkokin kasuwanci.


Sameen kuma yake karatun Likitanci ɓangaren Surgery.

Shi kuma Auta Sagir yana karantar Biology ma'ana Ilimin halitta.



Matan kuwa a ƙasa Nigeria sukayi karatun su a wancan lokacin, Yayin da Zuwaira da take Babba ta gaji mahaifiyar su Dr_ Raheemah, tana karatun Likitanci ita ma a Babban University dake Jigawa State na wancan lokacin.



Sai kuma Jawaheer ƴar qwalisa ita Fashion and Love affair's take karanta.
Sai Jummai da Sakeenah suna karatun Likitanci suma ɓangaren E.N.T.


A haka rayuwa ta ci gaba da lulawa, har bikin Yunus Babban Yaya da kuma matan gidan duka Zuwaira, Sakeenah, Jawaheer, Jummai ya taso.





_

Yayinda da Yunus zai aura Yaganah ɗiyaga ƙanwar Hajiya Zuwairiya auren soyayya, Zuwaira kuma zata aura wani ɗan unguwan su mai Suna Jamil wanda tsohuwar soyayya ce domin kuwa tun suna yara suke son juna, ita da shi Jamil ɗin ɗa ga Alhaji Jalaludeen Aboki ga AL_HAJI SAMEER LAMIƊO.



Sai Sakeenah wacca ita kuma wani ɗan Adamawa State zata aura ɗa ga Yayan Hajiya Harirah, Auren muna son junan mu.🥰



Sannan Jawaheer da Jummai suma duka anan Jigawa State mazajen da zasu Aura suke suma duka Auren so da ƙauna ne.


Haka akasha shagulgulan biki aka gama lafiya, daganan kuma aka kai amare ɗakunan mazajensu.


Shi kuma Yunus ya ɗauki amaryarsa Yaganah ya wuce da ita ƙasar France inda ya sama aiki a ofishin jakadancin Nigeria dake a ƙasar.




Haka Rayuwar ta ci gaba da tafiya, har Abubakar da Yusuf harda Sameen suka kammala karatun su, ya rage saura Sagir ya kammala.






Wata Ranar Saturday zaratan samarin Ƴaƴan AL_HAJI SAMEER LAMIƊO..! suka sauka a ƙasa Nigeria, anan international airport dake Jigawa State.


Basu faɗawa kowa a gida dawowarsu ba, sai dai kawai ganin su akayi gida, a lokacin AL_HAJI SAMEER LAMIƊO. An fara tara jikoki ta wajen su Zuwaira bayan haka ma tsufa ya fara zuwa ba laifi.



Haka akasha murnar dawowar su sosai, barin ma dai Hajiya Harirah kamar ta goya twin's ɗinta kamar yadda ake faɗa Abubakar da Yusuf dan murna kamar me.





___
Satin su Abubakar ɗaya da dawowa Nigeria zuwa lokacin Abubakar ya sama aiki a Abuja. Yayin da Sameen ya samu a Lagos.
Yusuf kuma a Mai Duguri ya zaɓa ɗaya daga cikin company na AL_HAJI SAMEER LAMIƊO.
Zai ci gaba da kula dashi acan Mai Dugurin wannan abu ba ƙaramin daɗi Yayiwa Hajiya Zuwairiya ba.


___

Wata Ranar Saturday gaba ɗayansu jama'ar gidan suna zazzaune a palon gidan, hadda su Zuwaira, Sakeenah, Jawaheer, Jummai da suka zo ganin gida da Yaran su.
Yunus ne kawai babu da ya ke yana zaune a France ne, da Iyalanshi.





Ana cikin fira sukaji Door Bell, Sakeenah ce ta miƙe, taje ta buɗe don ganin waye.




Galala ta tsaya tana kallon kyakyawan matashin saurayin dake tsaye gabanta. Yana sakar ma ta murmushi jikin shi sanye cikin t-shirt Red color and trouser jeans Ash color. Ya ɗaura rigar sanyi a saman t-shirt na jikin sa, ga sumar kanshi mai tarin yawa a waje baisa hula ba.



Da sauri yayi throw away da trolley ɗin dake hannun shi, bai tsaya komai ba ya rungumota yana faɗin, "Yayi kewar su baki ɗaya,"

Da sauri Sakeenah ta tureshi daga jikinta tana dariya ta ce "Haba Sagir kai baka girma ne wai, ai sai ka shigo daga ciki."

Tayi maganar tana ɗaukar trolley ɗinshi da ya jefar


Gaba ɗaya mutanen dake zazzaune a palon suka mimmiƙe tsaye, suna kallon Sagir cike da mamaki, shi kuwa ko'a jikin shi sai ma ƙarisawa da ya yi ya ɗauki jaririn Jawaheer yana mishi wasa.





Yusuf da mamaki ya ɗan sake shi, ya buɗe baki yace




"Kai kuma daga ina haka?."



Juyowa sagir ya yi yana kallon su gaba ɗaya, da sauri ya ƙarisa ya rungume AL_HAJI SAMEER yana faɗin


"Abbhee.! ka gani ko wato Ƴaƴan ka basa ƙaunar Autarta, duka suka gudo Nigeria suka barni.

Shine nima kawai na gudo nan, kaga sai na ƙarishe karatun anan, tunda na kusa kammalawa."


Yayi maganar hankali kwance yana zama a kujera.




Suma komawa sukayi suka zazzauna sai kuma aka shiga gaisawa, bayan komai ya lafa Zuwaira ta kalla Sagir tana cewa

"Uhum munaji sai kuma akai mene, kawai ka ɗauko ƙafa ka dawo gida, yanzu me kakeso ayi maka?."



Kai tsaye ya bata amsa da

"Aure.!"


Gaba ɗaya palon suka zubo mishi ido suna kallo, Dr_Raheemah ta kalleshi da kyau, tayi murmushi sai dai bata ce komai ba, dan ita macece mara san hayaniya sosai.




"Kaga naka, nace ungo naga kaji?."

Cewar Sameen yana jefa mishi daƙuwa. Su kuwa Abubakar da Yusuf mamakin ƙanin nasu ya hanasu magana.





Dariya Sagir ya yi yana ciro phone ɗinshi a trouser pocket, sai da ya ciro sannan ya lalubo wani picture na wata matashiyar budurwa.



Ɗaga wayar ya yi a tsakiyar palon yadda kowa da kowa zai gani, sannan Yace
"Ga ta sunanta Suwaiba Ƴar Kano ce, karatu ya kai ta London, shine muka haɗu acan muka fara soyayya fa, nikuma naji ina son Aure shine kawai na yanke shawarar na sameku na faɗa muku, a domin aje Kano a nemomin aurenta."

Yana maganar ne yana kuma musu zooming na picture ɗin ta yadda zasu gani yadda ya kamata.




Baki sake wannan karon gaba ɗaya suke kallon shi, sunma kasa magana dan mamaki.

Miƙewa Yusuf ya yi ya ƙarisa wurin da yake, ya kamo hannun shi ya nufa ƙofa dashi, bayyima kowa magana ba.
Da sauri Hajiya Harirah ta ce "Ina zaka kaishi ne?."




Juyowa Yusuf ya yi yana kallon duka Ƴan palon kana ya yi murmushi kai tsaye yace
"Naga alamar ya sami mental illness. wannan ne dalilin da yasa zan kaishi psychiatric hospital, kinsan akwai wani friend ɗina acan, sai ya taimaka ya duba mana lafiyar shi, idan akwai mai zuwa a cikin ku falil lahil hamdu sai yazo mu tafi, tun kafin abin nashi ya yi nisa fa."


Yayi maganar yana gimtse dariya.
Miƙewa Jawaheer tayi tana faɗin

"Allah sarki Autar mu. Ashe shiyasa naga yana abu kamar wanda baya a cikin hankalinsa. Ashe kuma imagine da nakeyi ne ya zama gaskiya, aikuwa muyi sauri Yah Yusuf dan kasan yamma ta fara, kar su tashi a hospital ɗin."🤣




Ita ma tayi maganar tana ɗaukar handbag ɗinta da jaririyarta a hannu. Kamar da gaske.






Ganin dai da gaske suke kallon mahaukaci suke mishi, yasa ba shiri ya qwace hannun shi daga cikinna Yusuf.
Ya ruga wajen AL_HAJI SAMEER ya zauna kusa dashi yana faɗin

"Allah Abbhee. waɗannan yaran naka ba sona sukeyu ba, kana dai gani wajen psychiatrist zasu kaini fa." Yayi maganar cike da shagwaɓa.




Su kuwa mutanen palo mai zasuyi idan ba dariya ba, aikuwa nan suka shigayi babu qaqqautawa Happy family 🤪.



Bayan sunyi shiru aka ci gaba da fira Abubakar ya kalla Sagir yace "Au yanzu haka zaka zauna ba za ka shiga ɓangarenka ka huta ba?."




Dariya Sagir ya yi sannan ya dawo ƙasa ya zauna, yana kallonsu gaba ɗaya kana yace


"Kun san wani abu kuwa?."



Duk a tunanin su wani abun kirki zai faɗa.
Saboda haka duk suka haɗa baki wajen cewa
"A'a sai ka faɗa."

Jummai ta gyara zama tana faɗin "A'a ƙaninmu sai ka faɗa, sannan zamu sa ni.'



Murmushi ya yi sannan yace "Da gaske nake fa, Allah Aure nakeso, wannan ne ma Babban dalilin da ya sa na dawo."


Sakeenah ta ce "Kai Sagir yanzu a gaban su Hajiya da Abbhee kake wannan maganar, bakajin kunya, daɗin daɗawa ga yaranka a wurin fa."😅

Tayi maganar tana mishi nuni da ƙananan yara dake palon, ƴan dugui dugui dasu, su na wasannin su.


Murmushi ya kumayi yace "Aha to ai wannan dalilin ne ma yasa nake maganar a gurin, saboda naga suna wurin, kawai dan bakuga Suwaiba ta ba ce, da sai kun fini ƙosawa na Aureta kafin wani yamin snatching ɗin ta."😎




Ko kunya babu yake maganar yana kuma nuna musu pictures kala kala na Suwaiba, zai kuma magana kenan.

Sameen ya ɗauki cushion na sofa ya jefa mishi yana faɗin

"Yi mana shiru ɗan nema baka da kunya ko kaɗan, gashi kaje London ka kuma koyowa salo salo."





Dariya kawai Sagir ya ke yi yana faɗin "Wallahi Yah Sameen kai ma kasan yadda London ɗin nan take, gaba ɗaya sun mayar da bawan Allah kamana kullum sai dai nayita ɗaukar azumi fa kuma....!"



"Au badai zakayi shirun ba ko, ka ci gaba ne ko?."

Cewar Sameen yana dariyar "Tu no wani drama da ya taɓa faruwa tsakanin Sagir da wata Baturiyar London 😍.



Sagir ya kalla duka mutanen palon yana faɗin

"Kunga ni ko tunda kukaga yana dariya shima Auren yakeso, saboda haka kawai a haɗamu dasu Yah Yusuf ayi lokaci guda."




Tashi Sameen ya yi daga zaunen da yake ya nufa Sagir zai kama ya naɗa.

Ai da sauri Sagir ya miƙe tsaye yana faɗin "Yah Sameen na fa taimaka maka ne, tunda naga kanajin kunyar faɗa fa."

Ya yi maganar yayin da suke zagaye palon shi da Sameen yana binshi zai kamo ya daka, shi kuma yaƙi bari hakan ta kasance, sai faman zagaye ƙaton palon suke cike da farin ciki kamar wasu ƙananan yara ko dama ba wasu shekaru na azo a gani bane a tsakanin su.





Saminu ganin Sagir wahalar dashi kawai yake ba tsayawa zayyi ba, yasa shi ya koma ya zauna yana faɗin

"Tunda haka ne sai na faɗa, kowa ya sa ni."

Sagir dake can gefa tsaye yana sauke haki yace

"Ka faɗamana so what.?"



Sameen yana dariyar mugunta Yace "Kai kyakyawar African Nigeria ka ce na faɗa komai ko?."


Jin abin da Sameen yake cewa ai Sagir bai san lokacin da ya yi wata super ba, sai gashi a gaban Saminu ya rufe mishi baki da duka hannayen shi, faɗi yake


"Haba my Yah Sameen ba kace ba zaka faɗawa kowa ba, indai ni ne na dena maganar Aure indai ba zakayi wannan maganar ba, to daga yauma zan dinga kiranka da YaYah Sameen shikenan, daga Yau haka zan dinga kiranka kaji ko my Yah Sameen?."



Gaba ɗaya Sagir Yana maganar ne a ruɗe tsoron shi Allah kar Sameen ya faɗawa su Abbhee dasu Yah Yusuf abin da ya taɓa faruwa a tsakanin shi da wata Baturiyar London.🤣




Murmushi kawai AL_HAJI SAMEER LAMIƊO. Yakeyi ganin yadda family ɗinshi suke cike da farin ciki, ga haɗin kai, wannan ya nuna mishi kenan ko da bayan ranshi Ahalinshi ba zasu tarwatse da rashin zumunci ba.


Kallon matan shi dake zagaye gefan shi ya yi yana kuma sakin murmushin nishaɗi can cikin zuciyar shi kuwa tasbihi yake yana kuma godiya ga Allah da ya azurtashi da wannan kyakyawan Ahali abin kwantance fa ɗin Birnin Jigawa State dama ƙasa Nigeria baki ɗaya hadda ƙasashen waje.😘

*SARAUNIYAR KYAU*💓


_(The Glam Queen)_ 👑

```Takun Farko```

Story & Written By:

*_The Nainarh KD_*


____________________________________________👑

*THE ONGOING BOOK'S*


1. *SONKI NE ƘADDARA TA*

MALLAKAR
FATIMA ABDULLAHI
_Batool Kamba_





2. *ZAN JIRA KA*

MALLAKAR
A'ISHA ALƘALI
_Mrs Aysib_





___________________________________________👑


Page*49&50*



Sameen dai ganin Sagir ba kyaleshi zayyi ba, yasa shi ɗa ga hannu alamar surrender.


Ganin haka yasa Sagir ya koma tsakiyar palon ya zauna yana faɗin

"Amma Yah Sameen nagode sosai dan kuwa idan ka faɗa bansan ina zankai kunya ba Allah kuwa "


Ya yi maganar yana dariya sosai, shima dai Sameen dariyar yakeyi.



"Wai wannan wata kalar magana ce, da ba'a so muji ne?."


Cewar Zuwaira cikin murmushi, "Kedai bari, wata ƙila ba gaskiya a lamarin tunda kikaga yaƙi bari a faɗamana muji."





Jummai ta amshe zancen ita ma fuskar ta washe da farin ciki.

Abubakar ne yace "Tunda dai ba'a so muji shikenan mun haƙura, idan tayi wari maji ai."



Haka suka ci gaba da fira cikin fahimtar juna da maɗaukakiyar ƙaunar junansu, can wajajen magarib mazajensu Jawaheer suka zo suka ɗaukesu suka koma gida bayan sun shiga ciki an gaggaisa.





_____👑





Rayuwa ta ci-gaba da tafiya tana lulawa da mutane cikin ƴan watanni da suka gabata, komai ya daidaita Abubakar ya koma Abuja da zama, domin kuwa a can yake kula da companies na AL_HAJI SAMEER LAMIƊO.


A yayin da shi kuma Yusuf ya wuce Borno State shima ya fara gudanar da.
S.L__ GROUP OF COMPANIES dake can BORNO STATE.


Shima Sameen ya yi nashi gurin Lagos yana gudanar da aikin na shi Likitanci a Babban Asibitin ƙasa dake Birnin Lagos.

Tuni aka saka ranar bikin Sagir da kyakyawar shi Suwaiba sakamakon yadda ya qwazzaba shi fa aure yake Buƙata, harda kwanciya rashin lafiya na ƙarya, duk dan saboda ah farko AL_HAJI SAMEER LAMIƊO Yaƙi Yarda, haka dole ba yarda aka saka ranar bikin nashi da Suwaiban shi, wacca ta kasance ɗiya ga Alhaji Saleh Sama'ila a Birnin Kano ta Dabo koda me kazo anfika Aha, wanda take cikin AREWA cin Nigeria yankin Africa.






Sameen shima da zankaɗeɗiyar shi Sadeeyah wacca ta kasance ƴar Gombe State ce ita, sai Yusuf da tashi gwanar Yusra ƴar asalin Kaduna State garin governor, mazauniyar Borno State.


Kaf cikin su Abubakar ne kawai bandashi a auren, shima dai lokacin da aka zaunar dashi ana tambayar shi ko yanada tashi gwanar, sai cewa ya yi bai isa Aure ba ai.🤣




A lokacin dariya AL_HAJI SAMEER da ƴan uwanshi maza biyu dake wurin sukayi, sannan Alhaji Yahya da yake Yaya a gurin AL_HAJI SAMEER LAMIƊO.


Yace "Abubakar kenan ai shi Aure da kake ganin shi lokaci ne dashi, idan lokacin ya yi kai da kanka zaka nememu, amma tunda yanzu kace baka isa auran ba, mu zamu baka lokaci nanda watanni biyar, ka ga lokacin ya yi daidai da Auren su Yusufa wata biyu da yi kenan, tunda wata uku aka saka, lokacinzamu sameka da magana idan lokacin ya yi kace mana baka samu ba. Ka yarda mu aura maka ko wacece?."






Murmushi Abubakar ya yi sannan cike da girmamawa Yace "Na amince Alhaji sannan ina godiya."


Murmushin manya kawai sukayi sannan aka ƙulla Deal.


Rayuwa ta ci-gaba tafiya yayin da kullum kwanan duniya lokaci yake kuma raguwa, wanda hakan ke ƙara ƙarfin imani ga masu shi.




A can ɓangaren kuma hakan ya yi daidai da saura sati biyu, bikin mutane uku daga Babban Ahali yara ga shahararren mutumin da duniya ke damawa dashi AL_HAJI SAMEER LAMIƊO Jigawa State.




Gaba ɗaya ɓangarori biyun shiri suke ba kama hannun yaro, ba ga dangin amare ba, haka zalika baga dangin angwaye ba, shirin shan shagalin biki ake sosai waɗannan suna nunawa waɗancan wane ku ta fannin mutunta juna da nuna abin Alkhairi ga juna.




Lokaci naja sosai har aka wayi gari a ranar wata laraba, an ɗaura Auren Sagir Samir Lamiɗo, da zankaɗeɗiyar amaryarsa Suwaiba Saleh Sama'ila a Birnin Kano ƙarfe sha ɗaya na safe, Auren da ya sama hallartar duban jama'a na fa ɗin Nigeria dama wajenta.



Sai kuma Sameen Samir Lamiɗo, shima da tashi gwanar a Babban masallacin jumma'a na Birnin Gombe State, misalin ƙarfe biyu da rabi na rana.



Sannan Yusuf Samir Lamiɗo, shima a Kaduna State ƙofar gidan mahaifin amaryar sa Yusra, Alhaji Nazir Sani Sidi, misalin ƙarfe huɗu da rabi na yamma aka ɗaura Auren.



Daganan kuma ƴan ɗaurin Aure da kuma matan da sukazo tare, aka wuce da amarya Yusra Jigawa State wurin dangin ango, kafin daga baya ita da angonta su wuce Borno State wurin da yake zaune.





Sun isa Jigawa State can cikin dare wajajen ƙarfe sha ɗaya, dan haka ba'a tsaya jiran komai ba, aka musu tarba na ban girma sannan aka saukesu a masauki ɓangarena musamman.



Washe gari da ta kama Alhamis sannan kuma ranar cikan biki, aka tashi da sabon shagali wanda aka nuna ainihin al'adar mutan garin, ansha shagulgulan biki sosai kuma jama'a da dangin amare sun ƙayatu matuƙa.
Sai da aka kwashe kwanaki uku ana shan shagulgulan biki sannan komai ya lafa.




Zuwa rana ta biyar da bikin, gaba ɗaya jama'a sun watse gida ya rage daga amare da angwayen su sai kuma surukai iyayen angwaye.



Zuwa dare bayan isha'i Alhaji Samir Lamiɗo, da matan shi Hajiya Harirah da Dr_Raheemah da kuma da Hajiya Zuwairiya.


Gaba ɗaya suna zazzaune a ƙaton palon gidan, wanda ya gaji haɗuwa yasha kayan more rayuwa kala kala abin ba'a magana sai wanda ya gani.


Sai ga Yusuf ya shigo amaryar shi na take mishi baya, fuskar ta lulluɓe da lufaya mai shigen kayan jikinta, wuri suka samu daga can gefe a ƙasa, suka zazzauna, sai ga Sameen shima da tashi amaryar sanye cikin shiga kala ɗaya suke, ita himar ne dogo har ƙasa a jikinta, wuri suma suka samu suka zazzauna Sameen kusa da Yusuf yayin da da amaryar shi ta zauna kusa da Yusra matar Yusuf suma suka gaggaisa dasu Hajiya Zuwairiya.



Can sai ga Auta Sagir da kyakyawar amaryar sa Suwaiba suma sun shigo bakinsu ɗauke da sallama cikin shiga iri ɗaya, suka shigo sai faman baza ƙamshi da gyalli irinna amare sabbin suke.🥰





Kusa da Alhaji Samir Lamiɗo Sagir ya ƙarisa ya zauna, ganin hakan yasa Suwaiba ita ma ta ƙarisa wajen su Sadeeyah ta zauna tana Suna sakarwa juna murmushin yaƙe na rashin sabo.




Buɗe taro akayi da addu'a sannan AL_HAJI SAMEER da matansa suka shiga jero nasihohi akan zaman Aure da ladan dake ciki, muddin za'a daure ayi haƙuri to akwai riba a gaba, domin shi Aure akwai farin ciki a ciki sannan kuma akwai akasin hakan, daga ƙarshe dai aka kuma rufe taro da addu'o'i sannan aka sallami kowa.











WASH£ GARI

Gaba ɗaya amare da angwaye duk suka watse yayin da Yusuf ya yi Borno State da matar shi.


Sameen kuma ya yi Lagos da