You Cannot Download this book untill you login but you can read it .

---

Login Register

tambayar tana mayar da abin maganar dake hannunta a sai tin fuskar na Juwairiya.



Miƙewa Juwairiya tayi ta zauna da kyau, sannan tayi gyaran murya kana ta fara magana kamar haka.



"Da farko dai,
Sunana Juwairiya Jabir Bici.
Mahaifina Alhaji Jabir cikakken ɗan garin Bici ne ta jahar Kano.
Mahaifiyata kuma Asalinta ƴar Nijar ce, a maraɗi, zaman aure ya kawota Najeriya kuma Kano, mu biyar ne a gurin iyayen mu yayyina uku duka maza, sai ƙanwata mace Auta kenan, sai kuma ni.
Tunda na taso a rayuwata burina ɗaya ☝, shine naga wata rana an wayi gari na zama SARAUNIYAR KYAU koda kuwa ta jaha ce.
Ko'a Makaranta ne aka tambaye ni abin da nakeso na zama a rayuwa sai nace burina ɗaya shine na zama SARAUNIYAR KYAU, haka ƴan class ɗin mu zasuyita min dariya, suna cewa tayaya zan zama SARAUNIYAR KYAU bayan kuma ni baƙace?.😭

A lokacin sai dai kawai nayi murmushi nace musu, ai abin ba haka yake ba, zama SARAUNIYAR KYAU, ba dole sai farar fata ba, baƙaƙen fata ma zasu iya zama."👍





Shiru tayi sannan tayi murmushi tana goge siraran hawayen da suka zubo ma ta, ta kalla Hameeda Sagir da tayi shiru tana kallonta, murmushi Juwairiya ta kuma yi sannan ta tambayeta da.



"Kinsan wani abu kuwa?."


Girgiza kai Hameeda tayi alamar a'a.
Juwairiya ta ci gaba da cewa "Akwai wani lokaci, wata rana da bazan taɓa mantawa da ita ba tsawon rayuwata, a lokacin na kammala Secondary School, ina shirin shiga University, a ranar da ta kasance Lahadi kamar yadda yake a al'adata ina zaune a palo ina abin da na saba, wato bincikar yadda ake gudanar da Gasar SARAUNIYAR KYAU. da kuma irin abuwawan da ya kamata wacca ta shiga Gasar tayi.
A Laptop nayi nisa sosai akan abin da nakeyi, najiyo muryar Yayana abin alfarina wanda kaf gidan mu shikaɗaine yake bin bayana akan ra'ayina na zama SARAUNIYAR KYAU.

Yana qwalamin kira tun daga waje, da sauri na miƙe tsaye na fita waje gurin shi, ina tambayar shi abin da yake faruwa, a lokacin cike da farin ciki Yayana yake faɗamin abin da na daɗe ina jiran ji a rayuwata.

Cewa an saka sunana acikin jerin ƴan matan da zasu shiga Gasar SARAUNIYAR KYAU matakin jaha na shekara.

A lokacin na shiga farin ciki da zaquwa kalar wanda ban taɓa shiga ba, tsayin rayuwata haka zan zauna na dinga qwada kaya kala kala ina neman kalar da zansaka ranar Gasar.


Haka rayuwa ta ci gaba da tafiya har akazo saura kwana ɗaya a gudanar da Gasar ranar ko bacci na kasa, saboda zaquwa a saman sallaya na sallah na kwana ina jira gari ya waye mutafi wajen Gasar.


Haka ma da gari ya waye ko abinci ban ci ba saboda ƙosawar da nayi.

A TUNANINA idan mutum yana da wani buri nashi, mutanen gidansu sune first waɗanda zasu fara qarfafa mishi gwiwa akan burin shi kafin mutanen waje.

Amma ni banyi wannan sa'ar ba, domin kuwa kaf gidan mu ba mai ƙarfafa min gwiwa akan burina, sai Yayana abin alfarina shikaɗaine yake son abin da nakeso.

Babban abin da ya sanyaya min jiki a karo na farko shine.
A Ranar da zamuje Gasar ko mutum ɗaya daga cikin ƴan gidan mu babu wanda yazo domin ganin yadda Gasar zai kasance, sai Yayana shikaɗai.

Haka mukaje wajen Gasar gaba ɗaya jikina a sanyaye, sai dai kuma wani Babban abin da ya ƙara kashemin jiki shine.

A lokacin da akayi Gasar nayi rashin Nasara, domin kuwa koda ta Uku kasa zuwa nayi.
Haka muka koma gida jiki ba qwari, amma ko mutum ɗaya a gidanmu an kasa samu wanda zayyimin koda tambayar yadda Gasar ta kasance.




Sai Yayana shikaɗai a kullum yake ƙara ƙarfafamin gwiwa akan nayi hakuri akwai shekara mai zuwa, karna damu kaina domin haka rayuwar take.

Rayuwa ta ci gaba da tafiya harna shiga University na fara karatu shekara ta zagayo.
Haka wannan shekarar ma Yayana yayi ƙoƙari ya samu aka saka sunana a cikin ƴan matan Gasar.

Haka cike da farin ciki yazo yake faɗamin, sai dai wannan karon na rage zaƙuwar, dan lokacin da ya faɗamin ma ban wani nuna farin ciki na sosai ba, kawai dai cewa nayi Allah ya kaimu lokacin.
Na cigaba da aikin da nakeyi, a lokacin sam Yayana baiji daɗin abin da nayi ba, amma bai ce dani komai ba.
Sai washe gari ya sameni yamin nasiha sosai akan yadda da ƙaddara.

A lokacin jikina yayi sanyi sosai kuma na ƙarajin ƙaunar Yayana sosai fiye da baya, sannan fiye da komai a Duniyata gaba ɗaya 💓


Haka rayuwata ta ci gaba da tafiya har akazo ranar Gasar a ranar nida Yayana mun fito harabar gidanmu zamu shiga mota mu tafi, saiga ƙanwata ta ƙariso gurin da gudunta, gaba ɗaya muka juyo muna kallon ta, Yaya ne ya tambaye ta abin da ya sakata gudu, sai cewa tayi tanaso ta rakamu gurin Gasar ne.🙂

Umma bataso Ummanmu ta sani saboda zata hanata🙃.
Duk da jikina yayi sanyi amma haka na daure nace ma ta ta shiga mota mu tafi, haka muka tafi da ita ba tareda Ummanmu ta sani ba, muka tafi wajen Gasar."








Shiru Juwairiya ta kuma yi tana kallon Hameeda Sagir, kamar yadda ita ma Hameedar ta zuba ma ta ido tana kallo cike da tausayi.

Sai da tayi mintuna biyar a haka sannan ta sauke ajiyar zuciya ta ci gaba cewa.

"Muka ƙarisa gurin Gasa an fara gudanar da Gasar nayi Round ɗina nima cike da gwarin gwiwa irin wanda bantaɓa samun kaina a ciki ba.

Ba komai ya ƙaramin gwarin gwiwa ba sai ganin yadda ƴan uwana har uku sun zo kallon Gasa na domin kuwa ɗayan Yayan nawa yazo shima.



Anyi Gasa an gama gaba ɗayanmu ƴan matan Gasa mu goma muna daga saman floor muna jira muji waɗanda suka ci Gasar, wato sama Nasarar zama winner's na shekara.


Haka munaji aka kiran wacca tazo ta ɗaya aka kira ta biyu, haka ma aka ta uku amma ba'a kirani ba.

A lokacin kasa jurewa nayi, domin ni macece ina da rauni sosai musamman ma akan abin da nakeso, kuma na sanya a gaba.
A lokacin zuciyata tamin nauyi na gaza jurewa.
Dalilin ne yasa na zube a gurin a sume, sai farkawa nayi na ganni a gadon Asibiti, That's All."


Ta ƙarishe maganar tana kuma goge hawayen fuskarta, Hameeda Sagir harta buɗe baki zatayi magana, Juwairiya ta rigata da kuma faɗar.

"Sai dai kuma yanzu komai yazo ƙarshe na haƙura da zama SARAUNIYAR KYAU, a baya idan mutane suna cewa bazan taɓacin Gasar SARAUNIYAR KYAU ba, saboda ni baƙace bana yadda amma yau na yadda ɗari bisa ɗari 100% baƙaƙen fata basa samun Nasara a Gasa sai dai fararen fata amma yanzu na fahimci komai."



Ta rufe da faɗar

"Inayiwa sauran ƴan matan da suka sama Nasarar lashe wannan Gasar na SARAUNIYAR KYAU matakin jaha fatan Nasara.

Sannan ina taya ira irena waɗanda suka faɗi a Gasar baƙin ciki da jaje."


Tana faɗin haka tayi shiru, gaba ɗaya ɗakin ya ɗauki shiru ana kallon kallo tsakanin juna.



Can ƴar jarida Hameeda Sagir ta katse shirun da ɗakin ya ɗauka da faɗin "Malama Juwairiya Jabir Bici nida sauran jama'ar dake kallo da sauraro muna tayaki jin babu daɗi, akan wannan al'amari kuma muna fata hakan ya zama mafi alkhairi a gareki dama sauran waɗanda suka sama failure a Gasar."


Tana gama faɗin haka ta juyo tana fuskan tar na'urar ɗaukar bidiyon, sannan ta ci gaba da cewa "Yanzu dai mutane gaba ɗaya munji dalilin da ya saka Malama Juwairiya ta faɗi a gurin Gasar daga bakinta, dama Hausawa sukace magana daga bakin mai ita tafi sugar."😋




Ta ci gaba da cewa "A halin yanzu muna jiran ƙarisowar Madam Miracle wato ɗaya daga cikin manyan alƙalan Gasar, domin muji ta bakinta akan wannan al'amari mun sama labarin yanzu yanzu tana akan hanyarta zata ƙarisowa wannan Asibiti domin duba jikin Malama Juwairiya Jabir Bici, sannan kuma ta amsa mana wasu ƴan tambayoyi."




Tana kai maganar suka turo ƙofar room ɗin suka shigo, securities ne mata guda biyu ɗirka ɗirka dasu, suka fara shigowa sai Madam Miracle sai kuma wasu matan biyu suna take ma ta baya.


Da sauri ɗan jaridar mai ɗaukar bidiyon ya mayar da na'urar akan Madam Miracle da ta zauna akan wata farar kujera kusada Juwairiya Jabir Bici tana ma ta ya jiki, cike da farin ciki Juwairiya take amsawa.



Sai da Madam Miracle ta kammala duba jikin Juwairiya Jabir Bici, sannan ta juyo da kallonta akan Hameeda Sagir ƴar jarida dake zaune a gefanta saman wata farar kujera hanunta riƙe da abin magana.




Murmushi Madam Miracle tayi sannan ta ce ma kyakyawar ƴar jaridar dake zaune a kujerar kusada ita.

"Go ahead."

Sai ta abin maganar ƴar jarida Hameeda Sagir tayi shima mai ɗaukar bidiyon ya sai ta nashi akansu, su duka ukun hadda Juwairiya Jabir Bici.


Gyaran murya ƴar jarida Hameeda Sagir tayi sannan ta kalla sai tin na'urar ɗaukar bidiyon ta ce 'Barkanku dai masu kallon mu da sauraron mu, kamar yadda kuke gani ga Madam Miracle ta ƙariso fa."


Dawo da kallonta tayi kan Madam sannan ta ce "Barka dai Madam Miracle fatan kin ƙariso lafiya.?"

Madam ta amsa da "Yauwa barkanki dai, lafiya ƙlau."

Ƴar jarida ta ci gaba da cewa "Masha Allah, shin Madam zamu iya sanin ainihin dalilin da yasa ba'a zaɓi Malama Juwairiya Jabir Bici ba a Gasar SARAUNIYAR KYAU matakin jaha?, ko kuwa dai kamar yadda ita Malama Juwairiya ɗin ta faɗane, cewa ba'a zaɓan baƙaƙen fata sai farare?."



Murmushi Madam Miracle tayi sannan ta gyara zaman Medical glass dake fuskar ta kana ta ce "naji duka tambayoyin ki Malama Hameeda Sagir amma mudai a tsarin Gasar SARAUNIYAR KYAU na ko wani mataki ba'abin hasken fata, domin kuwa ba'akan haka aka gina Gasar ba.
Sannan da kika tambaya akan Miss Juwairiya.
Yes baƙar fatace ita. Amma ba wannan dalilin ne ya hana a zaɓeta a Gasar ba ae.'

Cikin sauri Hameeda Sagir ta kuma tambaya, "Shin Madam zamu iya sanin dalilin da ya sa ba'a zaɓeta ba kuwa."

"Of course, zaku iya sani ae, babu damuwa "

Cewar Madam Miracle.

"Babban dalilan da suka saka ba'a zaɓa Miss Juwairiya ba, guda biyu ne zuwa uku, na farko shine batada idanu😳

Ma'ana dai idanunta sunyi ƙanana da yawa wanda hakan yasa ba'a zaɓeta ba.
Na biyu kuma shine tsayinta bai kai yadda akeso ba."


Da mamaki Hameeda Sagir take kallon Madam sannan ta ce Madam bamu fahimci abin da kike nufi ba?. Kenan dai har tsayi ana dubawa wajen Gasar. Ko ince ana buƙata ko?."

Murmushi Madam Miracle tayi kana ta bata amsa da "Sosai ma, ana duba tsayi. Misali ita Juwairiya Jabir Bici, it's her Height is _1.49m take, kinga kuwa babu yadda za'ayi tayi Nasara."

Hameeda Sagir ta ce "Okay, Madam ko zaki iya faɗamana yadda akeso tsayin ya kasance?."




Madam ta ce "anaso ya kasance kamar_1.55m zuwa sama da hakan."



Hameeda ta ce "Madam tambayoyi biyun ƙarshe please. Na farko shin zaki iya faɗamana dalilin da yasa kikazo duba lafiyar Juwairiya Jabir Bici?."

"Na biyu shin zaki iya faɗamana dalilin ki naba budurwar da ta lashe Gasar tazo ta ɗaya kyautar tsadadden Diamond Ring?. Domin mutane da yawa suna so susan dalilin ki nayin hakan."


Wannan karon dariya Madam Miracle tayi har farare jerrarun haƙoranta suka bayyana sannan ta bata amsa da "Duka waɗannan tambayoyin naki Miss Hameeda Sagir amsa ɗaya ne dasu, wannan amsar kuma ita ce saboda naji ina ra'ayin hakan ne, cause it's the personal secret thing."




Hameeda Sagir zata kuma magana, Madam Miracle ta miƙe tsaye tana faɗar



"It's okay, lokaci yaja zan tafi."


Miqewa ita ma ƴar jarida Hameeda Sagir tayi tana faɗin "Okay Madam Miracle sosai munji daɗin wannan taƙaitaccen firan da ya gudana tsakanin mu, muna fatan nan gaba zamu sake zama domin firar kalar wannan?."


Murmushi Madam Miracle tayi sannan ta ce "Babu damuwa, domin a koda yaushe ina mai maraba daku, na barki lafiya."


Juyowa ƴar jaridar Hameeda Sagir tayi tana fuskan tar na'urar ɗaukar bidiyon tana faɗin "Toh jama'a masu kallon mu, da sauraron mu, kamar yadda kuka gani mun tattauna da Madam Miracle kuma munji dalilin da yasa ba'a zaɓi Miss Juwairiya Jabir Bici ba a cikin Gasar SARAUNIYAR KYAU matakin jaha ba."





# MASU KARATU, IDAN BAKU MANTA BA, DUK WANNAN TATTAUNA WAR KALLON SHI SU JIDDARH SUKEYI A TV.




Kashe T.v ɗin Jiddarh tayi sannan ta kalla su Humaira tana faɗin "Abin akwai ban tausayi fa, ace mutum bai samu ya cika burin da ya sama rai ba, a gaskiya yarinyar ta bani tausayi ba kaɗan ba."

Ajiyar zuciya Humaira ta sauke tana mai faɗin "Ni ma dai hakan ne, amma ya zatayi wannan ita ce ƙaddarar ta gashi abin ya yayatu a social media ta ko'ina maganar ta akeyi fa."

Auntie ta ce "ai kunji irin matsalar yanzu tajama kanta da iyayenta tonon qwaqwaf kenan fa."

Ci gaba da tattaunawa akan lamarin sukayi gaba ɗaya jikin Jiddarh yayi laqwas duk tausayin budurwar yabi ya addabeta a zuciya.



Suna cikin haka sai ga Bilki ta shigo bugujin bugujin da ita ga yarinya a hannunta tana tsotsar madara a fida.

A tsakiyar palon ta zube sannan ta kalla Jiddarh tana faɗin "Sannu SARAUNIYAR KYAU ta jahar Kano, gaskiya ina tayaki murna sosai."

"Ke tayaya kika san ita tayi Nasara a Gasar bayan kuma bakije Gasar ba?."

Auntie ta tambaya tana kallonta, dariya Bilki tayi ta ce "Hajiya kenan Auntien mu kin manta ina da waya ne.?"

Humaira ta saka baki, "Malama Bilki mai raino, to ya ya yarinyar taki take,?"

Bilki tana washe baki ta ce "Ga yarinyar bata da rigima sam, inajin daɗin wannan yayen da nakeyi, ni dama mutane zasu gane su dinga kawomin raino ai dana zama Auntyn Yara."


Jiddarh ta ce "Aikuwa zaki dace da Autyn Yaran highly."

Bilki ta bata amsa da "Kedai bari ai abin ba'a iya cewa komai wallahi."

Jiddarh ta kuma cewa "To ya zakiji idan akazo tafiya da Khausar ranar da kika gama rainonta?."

Bilki ta ce a gaskiya abin babu daɗin faɗa ko'a baki, dan zanyi kewar ta sosai banama fatan ranar da zata zo karɓanta tazo, dan idan tazo sai nayi zazzaɓin yini ɗaya yasin."

Tayi maganar tana zuba uban tagumi.
Humaira ta ce "Ba kewar ta zakiyi ba kenan, tunda dai zazzaɓin yini ɗaya zakiyi kacal?."

Bilki ta amsa da "To ai na yini ɗayan yafi daɗin faɗane a baki fa, shiyasa nace hakan."

Dariya sukayi jin irin wautar Bilki fira suka ci gaba dayi sama sama Bilki tana basu dariya da shirmen ta.





*SARAUNIYAR KYAU* 💓

_(The Glam Queen)_ 👑

```Takun Farko```

Story & Written By:

*_The Nainarh KD_*

_In dedication to my dear Classmate Science G.S.S.S BELE ROAD._







*THE ONGOING BOOK'S*


1. *SONKI NE ƘADDARA TA*

MALLAKAR
FATIMA ABDULLAHI
_Batool Kamba_





2. *ZAN JIRA KA*

MALLAKAR
A'ISHA ALƘALI
_Mrs Aysib_








Page *43&44*



ABUJA_NIGERIA



M.M.K, FAMILY💓



Sun isa gida lafiya, cike da farin ciki dukaninsu suka fito daga cikin motocinsu sannan suka miƙa hanya, palo suka shiga bayan Momy Rafi'at ta danna lambobin sirri ta buɗe.
Gaba ɗaya saman kujeru matan suka zube cike da gajiya, dama shi M.M.K tuni yayi part ɗinshi.



Lailah ta nisa tare da faɗin "A gaskiya mun kwaso gajiya, ba kaɗan ba, domin kuwa jina nake kamar anyimin dukan tsiya fa."



Tayi maganar tana kwance igiyoyin takalmin ƙafarta da bata samu ta cire ba, saboda tsaban gajiyar da tayi.


Zaynerb ta ce "Kedai bari kawai, dan gajiya akwaita kam sosai, dan yanzu banajin zan iya zama, har saina ji ni ina take shower ko zanji daɗi."



Ɗagowa lailah tayi tana shirin yima Momynsu magana taga ta nufi staircase's ta fara takawa saboda sauri da bibiyu ma take taka staircase's ɗin.


Dukansu da kallo suka bita baki sake, amma basu kawo komai a ransu ba, dan kuwa sunfi tunanin gajiya ne, da kuma tunanin Asibiti wata ƙila za'a iya nemanta a ko wani lokaci yasa tayi hakan.
Sai dai banda Zaynerb wacca kanta kawai ta girgiza sannan ta shige Bedroom ɗinta tana saƙa abubuwa da yawa a zuciyarta.







Wani wawan bugu ta kaima ƙofar Bedroom gaba ɗaya tama manta a kulle ƙofar take, har sai da taga ƙofar taƙi buɗuwa, sannan ta zuge zip ɗin jakarta dake rataye a kafaɗarta ta ciro key's ta buɗe ƙofar ta shiga ciki a mugun fusace, zuciyarta har wani tafasa take saboda tsaban ɓaccin rai.







Tana shiga bata tsaya komai ba tayi jifa da jakar hannunta a saman gado mayafin kanta ma cireshi tayi shima tayi throwing ɗinshi saman mattress, gaba ɗaya perfumes da cosmetics ɗin dake saman mirror tayi watsi dasu har ƙasa, nan masu tarwatse suka farfawashe a ƙasa, hakan ma bai ma ta ba ɗaukar wani kwalbar turare tayi da ƙarfi ta jefa shi saman Dress Mirror, aikuwa nan take Dress Mirror ɗin ya tarwatse a gurin.




Huci kawai take fitarwa tana zagaye Bedroom ɗin, da sauri ta ƙarisa gurin da ta jefar da jakarta, buɗe jakar tayi sannan ta ciro wayarta, kai tsaye contacts ta shiga ta lalubo wata lamba wanda akayi saving da rubutun CHINESE, kira ta danna amma abu ɗaya wannan Baturiyar mai baƙin jini take faɗa shine, wayar da take kira a kashe take.




Bugun zuciyarta ne ya ƙaru fiye da kima, wai meke shirin faruwa ne?, kardai ace wannan matar yaudaranta tayi bata ma ta aikin da ta sakata ba, aikuwa bazai yiwu ba, ita bama uban kuɗaɗen da ta bawa matar takeji ba, a'a wahalar da ta sha kafin ta samu ta sama..."Kai bazai yiwu ba wallahi, No Way.! wallahi bazan yadda ba, ina! sai dai kuwa idan ba ni ce Rafi'atu Rafiq Rayyan ba.




Gaba ɗaya maganar takeyi idanunta a rufe kuma a fili take maganar cikin hargowa saboda mugun ɓacin ran da take ciki.

Wani irin jifa tayi da wayar hannunta a jikin bangon ɗakin sai ga wayar a ƙasa tayi tatsatatsa ta tarwatse a ƙasa, da gudu ta ƙarisa gurin wayar faɗin take "Ina bazai yiwu ba, bai kamata nayi haka ba, wannan wayar tana da matuƙar muhimmanci a gurina."







Gaba ɗaya saboda tsananin tashin halin da take ciki, saya tana abu kamar wacca bata cikin hayyacinta faɗi take "Please an waya ki kawo, karki yimin haka ina buƙatar amfani da ke, please please..."



Ganin dai wayar ba kawowa zatayi ba, yasa ta kuma jifa da ita, ba abin da takeyi a Bedroom ɗin sai faman kai kawo daga nan zuwa can.
Tsayawa tayi cak da kai kawon da takeyi, juyawa ƙofa baya tayi, sannan daga tsayen da take ta fara magana a fili cikin ɗan ɗa ga murya take faɗin "Wallahi bazai yiwu ba, ace yarinyar nan ta sama Nasara, to wai ina inane lokacin da hakan ta faru?..."

Ɗan shiru tayi kamar mai tunani, sai kuma can bayan wasu mintuna a fili ta kuma cewa "Na rantse da wanda raina yake hannunsa sai naga ƙarshen zuri'ar Hajarah mudin ina raye a duniya koda kuwa zanyi yawo tsirara ne, waɗannan mutanen guda uku bazan bari su sama sa'ida ba a rayuwa, indai ni ce Rafi'atu Rafiq Rayyan tabbas anwuce gurin."





"Da gaske kike zaki iya yawo tsirara akan cikan burinki, ko kuwa faɗa kawai kike na kuri.?"

Da mugun sauri ta juya tana kallon wacca tayi ma ta wannan tambayar.


"Ke kuma tun yaushe kike anan?."

Tayi ma ta tambayar tana zama saman Bed ta ci gaba da cewa "Menene ya kawoki nan.'

Qarisa shigowa Haleesat tayi ita ma ta zauna a saman bed ɗin tana fuskan tar ta sannan ta mayar da kallonta kan bedroom da yayi kaca kaca, tana ƙarara ko'ina kallo, har sai da ta gama nazartar Bedroom ɗin tsaf, sannan ta ce fa idanunta zuwa ga kallon Momy Rafi'at dake faman huci, da alamu har yanzu ɓacin ran da take ciki, bai gama sakinta ba.




"Na tambaye ki kinyi shiru, shin zaki iya yin yawo tsirara a domin cikar burin ki?, sannan naji kina faɗin mutane uku zaki ɗauka fansarki akansu, nidai nasan mutum biyu shin wanene ko kuma wacece ta ukun?."


Shiru Momyn ta ma ta kamar ba zatayi magana ba, sai kuma ta ce "Lokacin da zakisan ko wacece ta ukun bayyi ba, amma duk ranar da burina ya gama cika, tabbas zan faɗa miki ko wacece ta ukun, a ranar zakisha mamaki kalar wanda baki taɓa sha ba tsayin rayuwar ki Haleesat."

Tayi maganar tana sakin shu'umin murmushi kamar ba ita ce wacca ta haɗe rai ba, sannan kuma idanunta qur akan Haleesat kamar yadda ita ma Haleesat ɗin ta zuba ma ta nata kyawawan idanun tana kallo ba tare da ta ce da ita komai ba.


Ajiyar zuciya ta sauke har yanzu idanunta akan Momy Rafi'at suke, da kyar ta iya haɗiye yawun bakinta domin kuwa yanzu Momyn ta dena bata mamaki, sai dai tsoro, sannan ta ce "Shin Momy zan iya tambayar ki wani abu kuwa?."



Ɗan murmushi Momyn tayi sannan ta ce "Go ahead,"

Haleesat ta ce "Wai shin menene ainihin abin da yasa kika tsana maragayya Mamy Hajarah, bayan kuma ba abin da tayi miki, kuma naga ai ta mutu ko, amma baki rabu da yaranta biyu ba, da Allah ya azurtata dasu kafin rasuwarta, sannan kuma naga Daddyn har da kowa a cikin dangi harke kanki ba wanda ya taɓa faɗar hallayar ta mara kyau, kowa sai dai ya faɗi alkhairinta. Shin ko zaki iya faɗamin dalilin da yasa kika tsaneta haka?."




Haleesat ta ƙarishe jero ma ta jerin tambayoyin, tana kuma kallon Momy Rafi'at ɗin da kyau tana jira taji ta bakinta.


Ajiyar zuciya kawai Momyn take saukewa tana kuma ɗaure fuska, tuno abubuwan da suka faru fiye da shekaru Ashirin baya. Tunosu take kamar yanzu suka faru, tana tuna yadda Hajarah taci amanarta ta aure ma ta miji, yayinda take tuno hakan zuciyarta take ƙara ma ta zafi.




Sun ɗauki fiye da mintuna biyar a haka suna kallon kallo.


Kafin can Haleesat ta katse shirun da faɗin ''Ina jinki fa Momy, ko dama ba wani abu da tayi miki, kawai kinaso ki ɗauki fansa ne, ba tare da ta yi miki wani Babban laifi ba?."


Da sauri Momy Rafi'at ta katseta da faɗin "Dakata Haleesat badai kinaso na faɗamiki abin da Hajarah tayimin ba, to yanzu zakiji komai, zakiji kalar cin amanar da tayimin. Sannan sai ki tantance wacece mai gaskiya tsakanin ni da kuma ita."



Gyara zamanta Momyn tayi sannan ta fara magana haka.

"Hajarah tayi min abin da ban taɓa tunani ba a rayuwa.
A shekarun baya fiyeda shekaru Ashirin da huɗu baya.
Wata rana ni da Mahaifin ku, mun dawo daga unguwa, muna cikin motar shi, a lokacin ban haifeki ba, daga Nainarh sai Nailah sai Babban Yayan ku Maleek na haifa.
A lokacin muna tafiya cikin mota mun biyo ta yankin daji daji can gefen titi muka hango kamar mutum a kwance cikin jini. Ni ce na fara hangowa da nayiwa Daddyn ku magana akan ya tsaya domin a taimakawa matar domin na lura macece.
Da farko yaƙi yadda ya tsaya har sai da nayita roƙon shi sannan ya tsaya muka fito a tare muka bar yaran a mota..."


Katse Momyn Haleesat tayi da faɗin "Ki gajerta labarin kawai ki faɗamin abin da ya faru gaba, domin jiranmu ake a Downstairs."

Kallon Haleesat Momy tayi da kyau tana faɗin "Kin canza sosai, ba yadda na sanki ba ko dai..."



Share maganar tayi, ta ci gaba da cewa "A wannan lokacin ba kowa bace matar da muka taimakawa fa ce 'Hajarah' daga baya kuma tazo taci amanata 'TA AUREN MIJI' uban ƴaƴana, sannan abin ƙaunata akaf faɗin duniya, kuma abin alfarina, wanda ban haɗa son da nake mishi da kowa ba, hatta iyayena, Hajarah ta aura miji na ta janyeshi daga gareni, ya zama baya jin maganar kowa sai nata sai abin da ta faɗa shi ake bi a gidannan, bata tsaya anan ba ta ƙara da janye yarana daga gareni sai na dawo dani da babu duk ɗaya, a gidannan, fadar kowa hadda mai gidan ya koma a tafun hannun Hajarah..."


Qara katseta Haleesat tayi da cewa "Momy kinata maganar taci amanarki ta aure miki miji, amma ni banga wani cin amana ba, dama can Allah ya nufa zata zama matar Daddyn mu ne fa, That's All."





Haleesat tayi maganar tana miƙewa tsaye, don bata da lokacin ɓatawa wajen sauraren wannan maganar na mahaifiyar tasu. kallon Momyn tayi sannan ta ce "Momy ki