You Cannot Download this book untill you login but you can read it .

---

Login Register

shi ko sau ɗaya bai je ba,sai dai ita idan har ta matsu tazo da kanta.


***

"Wallahi mama tunda Basma ta yi tafiya na kasa gane kai na baki ɗaya,hankalina duk yana kanta Mama na rasa wani irin so na kewa Basma a tarihin rayuwata babu yarinyar da ta taɓa shiga zuciyata irinta".


"Aliyu kenan ni dai duk wannan tatsuniyar na gaji da jinta idan har kana son yarinya to kaje gidansu kawai ayi komai a gama,don daman a addinance ma idan kaga yarinya kana so to babu abinda yafi sai kaje gidansu ayi maganar aure a wuce wajen,ba azauna kullum ana soyayya ba,iyayen yarinya su gaji har su ba ta wani".

da sauri Aliyu ya ƙwalalo manyan ƙyawawan idanuwansa ya ce"caɓɓi jan ai wallahi mama idan har aka aurawa Basma wani to fa ki siyo likafa ni ji ajje don tabbas margayawa zanyi".

dafe ƙirji mama ta yi ta ce"to Allah ma ya kiyaye Aliyu kai kaɗai fa na ke dashi a duniyar nan?idan har ka mutu ni yaya zanyi da rayuwata,ni dai ina maka fatan akhairi akan Basma don insha Allah ina ji ajikina matarka ce insha Allah."

Ɗan murmushi yayi sannan ya sumbaci goshin mahaifiyar ta sa ya fita,yana mata bye bye,Ɗan murmushi ta yi tana kallon Ɗan nata sannan ta tashi ta saka myafinta,don taga idan har ta biyewa Ɗan nata to fa zaiyiwa kansa biyu babu ne gwara taje gidansu yarinyar da kanta ayi komai a wuce wajen.


Tana fitowa direbanta yaja ta sai gidansu Basma,da sallamarta ta shiga har cikin gidan,hjy saratu tana daga cikin Ɗaki ta ce"Kai wannan wani irin sallama ce tun daga ƙofar gida kamar masu neman gafara".tana faɗar hakan ta fito waje ta saman bene tana hango wata hamshaƙiyar mata tun daga kan suturarta har kan kayan jikinta babu na banza.

Da sauri hajiya saratu ta sakko tana ce wa"lale marhabun hajiya".tana washe baki kamar wacce aka yi wa albishir da shiga aljanna.

Kai tsaye ɗakinta ta kai ta nan da nan ta saka maryam ta kawo mata lemo da ruwa a fridge sannan ta zauna suka ƙara gaisawa,jikin hajiyar Aliyu dai har yanzu ba a sake ya ke ba ta ce"don Allah hajiya ke ce mahaifiyar Basma"?.

Wani irin mummunar faɗuwar gaba Hajiya saratu taji ta ce"eh.eh.amman ba ni ba ce".
ta faɗi hakan duk hankalinta ya tashi don arayuwarta ta tsani taga arziƙi yana ƙetaro Basma ba tare da ya ƙetaro ƴaƴanta na cikinta ba.

Hajiya ta gane wani abu a dangane da matar sai ta ce"oky to don Allah a haɗani da maman na ta".?

babu wanda ya yi magana acikinsu don faɗuwar gaba sai maryam ce ta yi ta maza ta ce"am Hajiya gaskiya ba nan gidan bane ki dai nemi gidansu".

mamaki sosai ne akan fuskar Hajiyar Aliyu ta kalli Hajiyar Aliyu duk taga yadda idanuwanta ya yi zuru zuru saboda tashin hankali bata ƙara ce wa komai ba ta tashi ta buɗe labulen ɗakin a hankali ta fita,tana mamakin waɗannsn mutanen.

Hango gilmawar mama ta yi ta shiga kitchen kuma sai taga kamarsu ɗaya da Basmar Aliyu don yasha nuna mata hotunan Basma awaya don bashi da aiki idan ba kallon hotunan Basma ba.

da ɗan sauri ta bi bayan mama kitchen ɗin,mama taji tsoro don jin mutum a bayanta,da sauri Hajiyar Aliyu ta ce"sannu baiwar Allah nasan baki sanni bako"?.

ɗaga kai mama ta yi sannan ta ce"eh amman lafiya kuwa baiwar Allah"?.ɗan murmushi Hajiyar Aliyu ta yi sannan ta ce"yauwa don Allah ke ce maman Basma"?.ta faɗi hakan tana kallon fuskar mama duk da ko da bata faɗa ba kammanin da sukayi zai tabbatar maka da ita ce mamanta.




*Miss green ce*
[08/08, 14:11] Miss Green🍀: *🍏BASMA🍏*

BOOK 2📃


BY
UMMU MAHER(MISS GREEN🍀)


Wattpad user name
Rabiatu333

Arewabooks
rabiattu0444



---------
SIRRINKI👂🏻
*addu'ar samun lfy ga ko wani irin ciwo*

an rawaito daga Aisha (R.A),tace manzon Allah(S.A.W)ya kasance idan mara lfy yazo wurinsa da kokena rashin lfy ya kan ɗauka hannunsa na tsakiya ya sanya a bakinsa sannan ya dangwali ƙasa sannan ya ɗaura a inda kewa mutumin ciwo,sai ya karanta wannan addu'ar kamar haka;

"bismillahir turbati ardina biriqati ba'dina yashfa Taqimuna bi'izni rabbina".
------------------------------------


27🟡28


. . .."eh ni ce mahaifiyarta amman lafiya kuwa"?.ɗan murmushi Hajiyar Aliyu ta yi sannan ta ce"masha Allah daman nazo wajenki ne,amman dana shigo wancen ɓangaren sai ta ce min wai ba nan gidan bane?".

ɗan murmushi maman ta yi sannan ta bawa Hajiyar Aliyu damar shigowa,bayan sun gaisa ne da fara'a hajiya ta ce"yauwa,Ƴar uwa nasan baki sanni ba sunana Hajiya Aisha mahaifiyar Aliyu mai son ƴarki Basma".
wani irin sanyi Mama taji tun daga ƙafafunta har zuciyarta,sannan ta ce"Allah sarki da ya ke yanzu sunyi tafiya ne,amman bata ko kafin su tafi bata sanarmin da zuwansa ba,amman a hakan ma ina godewa Allah kuma ina gode miki,da har kika iya tattaki ki ka zo gidannan,Allah yabar zumunci".

anan dai sukayi ta hirarsu gwanin sha'awa mama ta faɗawa hajiyar Aliyu idan har Basma ta dawo taji daga bakinta insha Allah komai zaizo da sauƙi sai ayi bincike aturo a wuce wajen.

Sosai Hajiya Aisha taji daɗi ta ce"to Hajiya na gode sosai Allah yabar zumunci kuma Allah ubangiji ya dawo mana dasu lafiya".sosai mama taji daɗin addu'ar ta ce"Amin Hajiya na na gode a kuma gaidamin da surukin na wa,sannan ya kamata yazo mugaisa ".

murmushi Hajiya ta ce"ai in dai Aliyu ne yau ma sai ki ganshi don ba kunya ce dashi ba,musamman ma akan Basma".dukkansu sukayi dariya mama ta rako Hajiya suna ta dariyarsu kamar daman sun san junansu.

Wani malolon baƙin ciki ne ya cika zuciyar Hajiya Sara ta ɓalla musu harara tare da ce wa"munafuka ita dai duk wanda yazo gidannan sai ta shige masa,Indai wannan kurmar ce insha Allah sai ta janyo muku zaman gidan yari ko kuma ta janyowa kanta zaman gidan kaso,tunda har hulƊa take da ƳaƳan manya."maryam da Salimat suna taya ta zagin Basma,Maryam ta ce"Hmm ni wallahi wannan matar dana gani duk ta tsolemin idanu so na ke kawau nasan me tazo yi gidannan?don wallahi wannan matar kana ganinta ba sai an gaya maka ba kasan irin mutanan nanne waɗanda suka gaji kuɗi gaba da baya,dama Allah zaisa inyi sa'a in auri ko da ɗanta ne wallahi dana kerewa sa'a."

ta faɗi hakan tana dariya,Salimat ta ce"to uwar ja wa kai jaraba idan kuma ƴar mafiya ce fa"?.banxa maryam ta yi mata ta shige ɗaki abinta don ba ta son ƙanwae tata ta ɓata mata wannan farin cikin da take ciki,don tasan tun kafin taga ɗan na ta tasan shima ƙyau zaiyi kamar uwarsa.
Muna ta shirin dawowa kano munyi tsaraba sosai Hafsat ta kalleni sannan ta ce"hmm wai yaya naga kina ta farin ciki ne Basma?kina murna zakiga Aliyu ko?".

rufe idanuwa na na yi wata kunya ta kamani da yake anty shamsiyya tana wajen ta ce"Hmm bari in tashi kuyi hirarku don ni dai adaina jin kunya ta,amman dai ku shirya Hamxa ya kaiku ku siyo sauran kayan kunji?" amsa mata Hafsat ta yi da "to".sannan muka fito don tafiya.


Pakistan ne ajikina na yafa mayafin pakistan ɗin,"Wow"naji Hamza ya ce sannan ya ce"kai gaskiya Basma kinyi ƙyau wallahi,amman dai in dai mukaje wajan nan ba zaki fito ba ko?"

Mamakin maganarsa mukaji dukkanmu Hafsat ta ce"eh da yake mijinta ne kai ko ubanta ai dole ka hana ta zuwa?".ƴar dariya kawai ya yi sannan ya buɗe mana murfin motar muka shiga.

Hafsat jibgo kaya ta dinga yi tana ajjewa ni kuwa abu biyu na ɗauka nawa na karan kaina sannan na ɗaukarwa mama wanu mayafi mai masifar kyau,ina cikin ajje kayan na hango wani agogo mai shegen ƙyau naje na tambayi kuɗinsa na siya sannan na fita ina jiran Hafsat,tana fitowa muka tafi.

Zuwansa kenan ya hango lokacin da suka shiga motar da sauri sauri ya hau motarsa ya bisu abaya,hankalinsa yana kan inda suke bi,sunzo shan ƙwana kenan wata mota babba ta shawo ƙwana,da sauri ya yi gefe har yana shirin faɗawa cikin rami,kansa ya ɗan bugu da sitiyarin motar,sosai yaji zafin buguwar amman baiji zafin hakan ba ya janyo motar a hankali amman sai ya tarar motar ta rufe wajen baki ɗaya.

Dukan sitiyarin motar ya yi da ƙarfi sannan ya ce"oo shet me yasa bana samunku dream girl,wallahi matuƙae ban ganki ba bazan iya barin garin Abuja ba".

yana faɗan hakan yaja motar ya bisu amman bai gansu ba,ko ƙasa ko sama babu su babu labarinsu,wasu hawaye masu zafi suka zubo masa ya saka hannunsa ya goge,yaji ƙarar wayarsa ya amsa kiran daga cen ɓangaren Sarauniya Jidda ta ce"lafiyarka kuwa Sadauki me yake damunka"?.

"babu komai aiki ne ya yi min yawa".babu yadda ta iya dole ta katse kiran tana mamakin abinda ke damun ɗan na ta.
Babu yadda Anty shamsiyya bata yi damu ba,akan mu hau jirgi ba amman tsorona ya hanamu hawa ai kuwa Hafsat sai mita take wai da tuni mun keta hazo amman na yi musu baƙin ciki,ko da muka hau motar ma faɗan ta take ta yi na mita,don daman nasan halin Hafsat aƙwai faɗan tsiya.

Tun tana mitar har ta yi baccinta,na shafi gefen fuskarta a zuciyata ina ce wa"Hafsat kenan sarkin faɗa Allah dai ya bawa Munir haƙuri don zaisha mita.


Ni ban iya baccin mota ba haka na kafe idanuwa na ina jan carbina har Allah ya kawomu sai wajen ƙarfe 7 na dare sannan mukazo.

Alokacin Hafsat tana bacci ai kuwa ina tashinta daga bacci na ce mata sai yanzu mukazo ai kuwa sai ta hau mita tana miƙa,tana ce wa"ai kinga Basma shegen tsoronki ni wallahi yana cutata gaskiya, yanzu ba ga shi ba kin jawo mana tun safe muna tafiya sai yanzu mukazo kano Allah ma dai da yasa bamu haɗu da ƴan kidnapping ba?".dafe kaina nayi don wallahi mitar Hafsa har ciwon kai take sakawa.

"To Allah dai ya tsaremu ko ƴan mata?".da sauri na juyo don ganin me yi mana wannan maganar
Sosai na yi mamakin ganin bawan Allahn tun da muka shiga motar ya kafa min idanu da kuma mun haɗa ido sai ya sunkuyar da kansa kamar mai jin kunyata.

Ban kulasa ba sai Hafsat ta ti karaf ta ce"Hmm bawan Allah jirgi fa akace zamu shiga amman wallahi wannan ƴar uwar ta wa taƙi yadda mu shiga saboda tsabar tsoronta wallahi".


ƴar dariya ya yi sannan ya ce"hmm ai dole taji tsoro babbar yayarmu".da sauri Hafsat ta juyo ta ce"haba mlm yanzu ni ce babbar yayar ni fa shekarata 18 amman kace min babbar yaya?ai ido ba mudu ba yasan kima ai kowa ya kalle ka yasan ka haifeni a haihuwar kaji".dariya abin ya basa ya kalli Basma wacce ta haɗe fuska tamau kamar zatayi kuka.

Ya yi murmushi ya taso har inda Basma take ya kalleta sosai sannan ya ce"wai wanan beauty ɗin ba ta maganane?".

banza na yi masa ki albarkacin kalli bai samu ba na janyo hannun Hafsat,don na gaji da surutun ta ciwon kai ya ke sakani.

Tsabar maita wannan bawan Allahn tsabar naci har gida sai da ya biyo mu,abin mamakin Aliyu na hango a ƙofar gidanmu ajikin motarsa ya kafamin idanuwa,amman ganin wannan bawan Allahn ya biyoni a baya kamar maye sai magana ya ke min.fuskar Aliyu na kalla ya haɗe girar sama da ta ƙasa,ko kafin in ƙarasa har ya shige cikin motarsa cikin fushi yabar wajen.






*Miss green ce*
[08/08, 14:12] Miss Green🍀: *🍏BASMA🍏*

BOOK 2📃


BY
UMMU MAHER(MISS GREEN🍀)


Wattpad user name
Rabiatu333

Arewabooks
rabiattu0444



---------
SIRRINKI👂🏻
1
*Yadda ake maganin ƙurajen fuska.*


Daga ummu maher


Asamu garin alim da ma'ul wardi cokali biyu a haɗa arinƙa gogawa a fuska abarshi ya kai minti 15.


2
ko kuma a samu zuma da lemon tsami a dinga shafawa idan mutum zan ƙwanta bacci idan ya tashi ya wanke.
-----------------------------------


*31🟢32*


Sosai abida tasha wahala a wajen gwarzon mijinta yarima Abeed,shima da kansa yaji jiki sosai don kullum shan magani ya ke amman kuma kullum abin ƙara gaba ya ke,ya sha zama a ɗaki shi kaɗai ya yi kuka sosai,don irin wannan matsalar ba kowacce macece take zama da miji a haka ba,sai wadda Allah yasa lalurarsu ɗaya.


Abida tasha wuya don haka ko iya motsi ba ta iyayi da ɗan yatsanta saboda tsabar wahalar da tasha,shi kuwa da wuri ya fice zuwa sashensa don baki ɗaya jikinsa mugun ciwo ya ke masa.



****

Ta gumi sosai na yi ina tunanin Aliyu yau ƙwananmu biyu kenan da dawowa amman sam ya ƙi zuwa inda na ke,na yi kuka sosai don na saba da Aliyu sosai har ba na jin zan iya rabuwa dashi.

Mama tana gama wayar da take ta kalleni sannan ta ce"jiya Alhaji sunyi magana da iyayen Aliyu gobe insha Allah za'a saka rana har da sadaki".mamaki sosai na yi na fito da idanuwa waje ina mamakin hali irin na Aliyu.


"wallahi Basma kinyi dacen mijin aure da kuma dacen uwar miji sai dai inyi miki fatan samun zaman lafiya agidanki,Allah ya tsare gabanki da bayanki".murmushin jin daɗin addu'ar Mama na yi cikin jin kunyarta na tashi da sauri na shige ɗakinmu,itama Hafsat tana waya da munir.


Ƙwanciya na yi na ɗaga idanuwa na sama ina tuna wai yau ni ce za'a kawo kuɗina harda na sadaki,rufe fuskata na yi ina dariya ni kaɗai,Hafsat ta kashe wayar sannan ta ce"ikon Allah Basma me kuma ya faru ki ke dariya ke kaɗai"?.biro na samu kusa dani na rubuta mata na miƙa mata.

"Wayyo Allah Basma gaskiya na ji daɗi wallahi Mama kuma bata faɗa min ba?na yi murna wallahi Allah dai ya kaɗe duk wata fitina da za ta ɓullo cikin wannan auren".Amin na ce a zuciyata sannan na tashi na shiga wanka don ina da waɗanda muke karatu tare dasu,karatun mu na kurmaye na ƙware sosai a fannin koyar da karatun ta yadda zasu fahimta sosai kamar masu ji.
Wannan baiwa ce da Allah ya kewa bayinsa,sai kaga makaho baya gani amman kuma ya iya rubutu da karatu,ya Allah ka sa mu cika da imani amin.


Washe gari da wuri iyayen Aliyu sukazo a babban farlon gidan Baba ya tarbesu,ko da Baba ya timtiɓi mama akan sanarwa da mahaifina ce wa ta yi a ƙelesa kawai da bai san da ƴar ba sai yanzu?ya manta da ƴarsa tilo a duniya ya biyewa sharrin ƴan bariki suna kaɗa masa ganga.


Baba bai ce komai ba ya wuce amman tabbas zai faɗa masa ko da bayan an kawo kuɗin sadakinne,an saka rana nan da wata 2 an kawo sadaki naira dubu ɗari biyu,suna tafiya Baba ya shigo kana ganin bakinsa kasan yana cikin farin ciki,kuɗin suna jikinsa ya wuce ɓangaren Mama.

Hajiya Sara tana kallonsa ta biyosa tana ce wa"Alhaji lafiya naga kana ta murmushi haka?kamar wanda aka yi wa albishir da gidan aljanna?".murmushin ya ƙarayi sannan ya ce"ai dole kiga ina murmushi Saratu kuɗin wannan yarinya Basma aka kawo harda sadakinsu tare kuma da tsayar da ranar aure.
Da sauri hajiya Sara ta da fe ƙirjinta tana zare idanuwa har ƙwallar azaba sai da ta fito mata ta ce"innalillahi wa inna ilaihi raji'un,yanzu Alhaji ina gidannan a rasa wanda zai faɗa min za a kawo kuɗin kurma sai da aka kawo sannan za'a faɗa min?wallahi an zalunceni ai nasan duk wannan munafukar matar ce za ta hanaka to wallahi na ga ta yadda za'ayi wannan auren matuƙar ina raye".

tana faɗar hakan ta taho kamar za ta tashi sama,sosai Alhaji Saminu ya yi mamakin hali irin na matarsa saratu tun tasowarta na ƙuruciyarta haka yasha fama da ita don macece mai nuna baƙin ciki da hassada akan komai musamman idan taga ya yiwa wani abu ba tare da ya nemi shawararta ba,sam Hajiya saratu ba zaɓinsa bace zaɓin iyayensa ne kuma tun kafin su mutu sun danƙa amanarsu a hannunsa don haka wannan ya ke tunowa ya ke ƙeleta a dukkan abinda za ta yi.

Girgiza kansa kawai ya yi ya wuce don idan da sabo ya saba da halin Hajiya Saratu na mugun hali,muna zaune a farlo kusa da mama tana bamu labari Baba ya shigo,ni da Hafsat muka gaishesa muna shirin ta shi ya ce"a'a ku yi zamanku maganar ai ta shafeku".dawowa mukayi muka zauna kanmu a ƙasa.

"Wannan sadakin Basma ne gashinan naira dubu ɗari biyu ne,kuma an saka ranar aurenta nan da wata biyu kamar yadda aka saka na Hafsat don haka waɗannan kuɗin ki ajjesu a nemi mahaifinta yasan duk halin da ake ciki".

"Alhaji ba wai na ƙi ta taka bane amman fa sam a yanzu bazan faɗa masa ba har sai biki ya taho don wallahi zai iya wargaza duk wani shirinmu don mu kullum so muke muga rayuwar Basma ta yi ƙyau ba kamar yadda ya lalata rayuwar ƴarsa da kansa ba".ta shi Baba ya yi ya ce"to ni dai yanzu bari in fita wajen aiki daman ina shirin fita sai kuma ga su".
Adawo lafiya mukayi masa sannan na shige ɗaki da sauri wai ni kunyar mama,Hafsat ta bini tana tsokana ta wai ke ki ka ce kina so da baki ce kina so ba da ba'a baki shi ba.



"Wallahi Maryam in dai har ina raye wallahi wannan yarinyar bata isa ta yi aure ba,sai na lalata abin ni Alhaji zai munafinta har a saka ranar aure ni ina gefe?wallahi ayau zanje wajen Hajiya Salamatu ayi duk wacce za'ayi don wallahi sai na saka an lalata wannan auren".

"hmm ni fa Hajiya kaina baki ɗaya kullewa ya yi saboda mu an mayar damu ba abakin komai ba shine har za'ayi bidiri a gidannan har haka mu ba tare da mun sani ba?to wallahi bazai taɓa yi yuwa ba.

Salimat ta ce"Hmm Hajiya ni jin zuciyata na ke kamar za ta buga saboda tsabar tashin hankali wallahi,Hajiya ko kin san Aliyu ɗinnan dana tayar da hankalina akansa saboda sonsa ashe shine ya ke son Basma?ɗazu na fita Aisha take faɗa min wai ta taɓa ganinsu suna zance hanyar makarantarmu."

"kan uban cen ai wallahi ba zai taɓa yiyuwa ba,dole ne ma asan duk yadda za'ayi amman aure sai an fasa sa sai dai dukkaninku ku rasa wallahi,kurmar me?kurmar banza da wofi duk ta saka ƴaƴana dani kaina acikin matsala,to wallahi ki zanyi yawo tsirara dole ne ma inyi mai yiyuwa a fasa auren nan".tana faɗar hakan ta figi mayafinta ta fita.


Aranar Aliyu yazo ansha sosai kamar babu gobe,na bashi haƙuri akan mutumin da ya ganmu rannan dashi,kallona ya yi sosai sannan ya ce"Basma a lokacin hankalina ya tashi sosai,ina sonki Basma bana son abinda zai rabani dake sai mutuwa,mutuwarma ina fatan ta ɗaukemu tare,ayanzu babu wani tunanin da zanyi tunda ko ayanzu na riga dana bada sadakin aurenmu,don haka abinda ya rage mana sai mu cigaba da addu'ah har Allah ya kaimu ranar aurenmu".

ya faɗi hakan yana kallon cikin idanuwa na,murmushi na yi ina kallonsa
ya yi min wani irin kallo mai tsayawa arai na tashi da sauri zan fita ya janyo bayan mayafina,sai ga Maryam ta zo wucewa ta saki ƙara.




*Miss green ce*
[08/08, 14:12] Miss Green🍀: *🍏BASMA🍏*

BOOK 2📃


BY
UMMU MAHER(MISS GREEN🍀)


Wattpad user name
Rabiatu333

Arewabooks
rabiattu0444



---------
SIRRINKI👂🏻

Mu yawaita yin addu'ar fita daga gida da kuma ta shigowa saboda samun kariyar Allah da kuma ta mala'ikunsa.
------------------------------


29🟡30


. . .wani matsanancin faɗuwar gaba naji yadda Aliyu ya tafi cikin ɓacin rai ina addu'ar Allah dai ya kaishi gida lafiya ba tare da wani abu ya sameshi ba don a yadda yaja motar komai zai iya faruwa dashi.

Hafsat ta kalleshi sannan ta ce"haba bawan Allah yanzu meye amfanin biyomu har gida don Allah?".ɗan murmushi ya yi sannan ya ce"so ne ya janyo komai ba don so ba da babu abinda zai saka in biyo ku".

ni kam tsabar haushin korar min masoyin da ya yi yasa na yi shigewa ta cikin gidan ina jan kayan na mu daƙer,Allah ya taimakeni har na shiga cikin gidan babu wanda na gani a tsakar gida na yi hamdala sannan na ƙarasa shiga cikin farlon mama,tana kitchen ɗinta na farlo ta hangoni da sauri ta fito tana mana sannu da zuwa.

Da sauri na tashi na rungume mama kamar na yi shekara ban ganta ba,harda guntun hawaye na mama ta ce"ina Hafsat ɗin kuma ta tsaya"?.ko kafin in bata amsa sai ga ta ta shigo tana mita.

Mama ta ce"ke kuma me ya faru ki ke mita haka"?.sai da ta ajje kayan hannunta sannan ta ce"wallahi mama wani mutunne me shegen na cin tsiya ya biyomu mama tun a mota har gida sai da ya biyomu,wai shi son Basma ya ke kuma tunda naga Basma ta zungura ƙeya ta tafi cikin fushi wallahi nasan ba ta sonsa."

sai ta kalli inda na ke taga tuni ma har ma na shigewa ta ɗaki,mama ta ce"to ni dai wuce kitchen ki ɗakko abincinku a kula da faranti har kunun aya ma na yi muku yana cikin fridge".da sauri hafsat ta shige ta ɗakko abincin ta ajje a farlo sannan ta ɗakko kunun ayar ya yi sanyi sosai ta ajje mana a ɗaki,tuni ma har na shige wanka Hafsat ta ce"uwar tsoro kawai ai kema gashi nan jikinki ya gaya miki daga saukarmu a mota har kin shige wanka".ta faɗi hakan tana dariya taji ƙarar wayarta ta ɗauka munir ne ta yi ƴar dariya sai da ta cire kayanta ta ɗaura zani sannan ta ɗauka tana shirin katsewa ta ce"hello".wata ƴar dariya munir ɗin ya yi sannan ya ce"amarya ba ta laifi yau shan ƙamshinne ya motsa kome? Ya hanya ina fatan kun sauka lafiya"?.

nan dai suka cigaba da hirarsu ta masoya,ina fitowa daga wanka na ta da sallar isha'i sannan na yi addu'o'in da na sabayi na shafa na buɗe jarkar kunun ayar na zuba a gora na fara sha sanyin har raina.

Ina cikin sha Hafsat ta gama wayar sannan muka fara cin abincin lokacin Baba ya dawo muka gaisa ya zauna a farlo yana tambayarmu yaya muka barosu da yaranta da maigidan harma da abokiyar zamanta.

Duk muka amsa masa da suna nan lafiya sannan muka ɗakko masa tsarabarsa ta jallabiyya har guda biyu masu ƙyau da kuma hula guda biyu suma masu ƙyau,dariya ya yi sannan ya ce"ikon Allah harda wannan wahala kuma bayan duk wata sai ta aikomin da kuɗi kamar wani albashi? ina godiya Allah ya yi muku albarka ku dukanku.muka amsa da "amin".

mama kenan duk ƴaƴanta ta koya musu tausayin mahaifinsu tun suna ƙanana,bata koya musu rashin tausayin mahaifinsu ba iyaye da dama sai dai idan ƴaƴansu sun yi musu alheri su ƙullesa a bakin zaninsu suƙi su nunawa iyayen yaran baki san kanki ki ke cuta ba,ko kuma kaji uwa na ce wa kada ƴaƴanta su taimakawa mahaifinsu don wani dalili na ta,to wallahi kiji tsoron Allah domin shima mahaifi yana da nashi haƙƙin akan ƴaƴansa musamman idan ya manyanta.
*****

Har ya bar Abuja bai sameta ba ya duba duk inda zai ganta amman shiru don haka dole ya koma gida ba don yaso ba,saboda Fulani ta matsa masa sosai akan ya dawo.

Ranar da ya dawo kamar ko da yaushe ya idan zai dawo gidan kamar ana buki yana ana shiga ana fice komai dare kuwa don babu wanda ya isa ya yi bacci agidan idan shalelenta bai dawo ba.

Matansa ma kowaccensu tasha ƙwalliyarta gwanin sha'awa kowacce ganin ta take babu ya ita a ƙyau da kuma sarauta,sai da ya fara zuwa wajen mahaifiyarsa sannan ya wuce wajen fulani kishiyar mahaifiyarsa ya gaisheta suna gaisawar ta ce"yarima ni kuwa yaya naga duk ka rame haka?ko wani abinne ya ke damunka bamu sani ba?".

ɗan murmushi ya yi na jin daɗin kulawar matar akansa don ko mahaifiyarsa bata tambayesa abinda ya ke damunsa ba,ita dai burinta kawai ya dawo gida.

"Wallahi ammi ƙwata ƙwata bana jin daɗin rayuwata a yanzu,saboda wata yarinya da ta shigo rayuwata a ƙwana biyu kawai ta hargitsamin komai na cikin rayuwata,kuma abin takaicin ban san a inda take ba".?

ya faɗi hakan kamar zaiyi kuka,sosai fulani ta yi mamakin Abeed tun yana ƙarami bai taɓa saka abu aransa irin wannan yarinyar ba,shi ba ma mutunne mai saka damuwa aransa ba.

"Ina son mace wacce bata damu da rayuwa ba,wacce bata damu da mai kuɗi ko akasin haka ba,mai hankali nutsuwa rashin magana da sauransu,amman duk wannan yarinyar ta haɗa waɗannan abubuwan a ɗan zamanda na yi da ita."

sosai Fulani ta ƙwantar masa