You Cannot Download this book untill you login but you can read it .

---

Login Register

fisge ledar ruwan tana wurgi da ita sannan ta fadi kasan carpet tana shure shure.



"Tace Al'ameen ka cuce ni nayi asarar haihuwa Sadiq bai taba sani nayi bakin ciki ba balle kuka haka kanwarka Afeeyah daka girmeta da shekaru sosai bata bani wahala ba.


"Amma ka sani kuka na zubar da hawaye saboda kai idan har kana so na yafe maka kaje ka samu daddyn ku kace ka fasa auren wannan banzar yarinyar".


Al'ameen dake mata kallon mamaki ganin yadda take kuka kamar yarinya ya mike tare da dago ta yace mami lafiya wani abu ne ya sake faruwa".


Fisgewa tai tana cewa ban sani ba wallahi Al'ameen nayi asarar haihuwa amma ba lallai kai dana bane ne tunda haihuwar asibiti nai kila an canza min kai dan da na haifa bazai rika wahalar dani haka ba ".


Zaiyi magana ta daga masa hannu babu abinda zakace min baka da wani abu da zaka fada min kaje ka karata" tana fadin haka ta fice a bedroom din.


Typing📲


💰'DAN MILLIONAIRE💰


YUSRAH MUSA ABUBAKAR


Page 07 to 08
Iya tsananin damuwa Al'ameen ya shiga domin bai taba tunanin kiyayyar mami zata sa tace kila anyi mata canjinsa a asibiti lallai dole ya samu daddy koda son Abni zai kashe shi ya hakura".


Fita yai daga part din nasa yana shiga bangaren daddy cikin sallama zaune ya same shi a palor yana duba takardu masu yawa zama yai a kasan carpet yana kallon daddy cikin dauriya dason ganin ya jure yace.


"Daddy na fasa auren Abni na hakura basai kunje ba Allah zai musanya min da mafi alkhairin ta dama ba komai mutum keso ya samu ba".


Batare da alhaji Mustapha ya dago daga kan aikin da yake ba yace " me kake cewa banji sosai ba hankali na ya kasu gida biyu".


Sauke numfashi Al'ameen yai yana cewa daddy na hakura da auren Abni na fasa".


Murmushi daddy yai yana dan kallonsa yace saboda Aisha ko "?.


Shiru yai domin gaskiya badan mami ba babu abinda zai hana shi auren zabin ransa".


Dawowa daga tunani yai jin daddyn na cewa" nace saboda mamin ku. Ka hakura ko"?'


"Eh daddy domin mahaifiya ta tafi min komai mahimmanci tace duk cikin yaran ta nine batai sa'ar haihuwa ba ina wahalar da ita ni kuma banason saba mata na fasa auren amma bazan auri kowacce yarinya ba".


"Ni kuma ban fasa ba Aminu ina nan akan bakana saina baka abinda kake so aure meye baya samarwa dan tana yar wata kasar saiya haramta ka aure ta ka kwantar da hankalinka idan yarinyar nan matar kace saika aure ta ba gida daya zaka zauna da mamin kaba balle kace kana can gurin ka daban".



"Daddy na sani cewa tai idan na aure ta bata yafe min ba".


"Zata yafe maka idan taga abinda auren ya kawo mata kaga bar bata wa kanka lokaci wajen tunani da damuwa ranar monday zamuje London babu fashi".


Sauke ajiyar zuciya Al'ameen yai cikin tunanin ya zai kare da mami baya son hayaniya ko kadan.


Washe gari suna zaune a palor mami ta fito daga part dinta tana waya ganin su a zaune yasa bayan ta gama tace.


"Al'ameen kadau mota yanzu kaje airport ka taho da Zainab munyi waya da hajiya Binta tace min driven ta ba lafiya".



Tun kafin Al'ameen yai magana Sadiq yace amma mami ga direbobi da yawa anan mezai hana daya yaje ya dauko ta yarme iyayi ta fito ta tari motar haya man a kaita gida".


Cikin harararsa mami tace to uban yan shishshigi banyi dakai ba kaiba asibiti zakaje ba meye ya biyo dakai tanan gidan".


"Mami nida gidan mahaifina kice meya kawo ni dan kawai aure yasa nabar gidan".


Bata bashi amsa ba ta kalli Al'ameen tana cewa kaji dai na fada maka ko tana can tana jiranka"?.


"Jiwai tana jiran ka kamar wani driven ta wato wannan yar iskar yarinyar hajiya Bintan ce ta dawo".


Cikin yanayin tambaya Al'ameen yace wace ne yarinyar wai yar gidan umma kanwar mami dai ina take da yar dahar take fita waje".


Daidai sun mike Sadiq yace kai amma Zainab wata yarinya me shegen tsiwa kodan ba a hannun hajiya Bintan ta girma ba tana dangin babanta amma kai da yar uwar ka".


Shiru Al'ameen yai suna tafiya yana tunani amma gaskiya ya manta yarinyar saidai yanzu idan ya ganta.


Tana tsaye tadau wankan riga da wando wanda sunyi bala'in matseta gashi tasa wani dan mayafi wanda dashi gara babu tana sanye da glass .


Sadiq da yake shike driving yace kalli to gata can wani irin kallo Al'ameen ya bita dashi ganin shigar datai arniya sak ba wanda zaiyi tunanin yar musulmai ce.


Tsaki yaja yana fita a motar daidai ta karaso ta zare glass din idonta tana kallon su sai kuma tadan murmusa cikin yanga tace Sadeeq ashe zan iya gane ka tsawon lokaci bamu hadu ba".


"Eh shigo muje" abinda yace kenan domin shima shigar datai ta bashi haushi".


Juyawa tai saitin da Al'ameen yake tsaye tace driver samin kaya a bayan mota kayi sauri nan, da minti biyar na ganni a gida".


Zaro ido Sadiq yai ke driver fa kika ce ya miki kama da driver"?.


Yatsina fuska Zainab tai mezai hana direbobin aiba kamace dasu ba".

Kai Sadiq ya jinjina bai sake magana yace Al'ameen shigo mu wuce".


Katseshi Zainab tai wai dan Allah Sadiq nice zansa kayan cikin mota shi meye amfanin sa".


Banza Sadiq ya mata jin motar ta tashi tsoron karsu tafi su barta yasa dole tasa kayan da kanta sannan ta shiga motar".


Sun danyi tafiya kadan tace gaskiya ne haka nake son driver babu sanya amma Sadiq ina wannan 'kanin naka mejin kannan naji umma na tace yanzu ya zama soja ko"?.


Lallai yarinyar nan ba karamar yar iska bace Sadiq ya. Fada a ransa yana kallonta tta mudubin mota yace.


"Ga miciji ai ba a neman ja ki tambaye shi da kanki".


"Oh shine wannan sorry nace maka driver ya kake".


Babu wanda ya kula ta zuwa wani lokaci tace yauwa na tuna shakka babu sunan ka Aminu na manda'ko😂.


"Dariya ce ta kama sadiq lalli Zainab taci kai amma bari ya kyale ta Al'ameen na daidai da ita".


Cigaba tai ko shekarun baya na tuna ya tsani zuwa kauyen mahaifin ku wata rana zakuje ya fadi a kasa yana burgima shi bazai jeba daddyn ku ya ciro bulala a garden ya zane sh...........'


Wani irin taka burki Al'ameen yai wanda saida ta gwaru da kujera a fusace yace "fita a motar nan".


Zaro ido tai baka karaso ba ga gidan can dan kawai na fadi gaskiiya na tuna maka da baya"?.


Cikin tsawa yace "get lost".

Kallon Sadiq tai ko zai magana taga yayi banza ya dauke kansa daga saitin su dole ta fita daga cikin motar tana daukar kayan ta"".


Wata irinn 'kura ya buleta da ita yaba bawa motar key tari ta kamayi sosai har saida idonta yai ja".

Dakyar ta samu ta daaina barin kayan tai a gurin da sauri ta shiga gidan su tana zuwa ganin ummanta a palor yasa ta fada kanta tana kuka".


Cikin tashin hankali hajiya Binta tace lafiya dota daga dawowa ina murnar ganin ki sai naga kina kuka meya faru ina su Al'ameen din kosun tafi".


Cikin shagwaba tace ba shinee ya ajiye ni a wajen gidan alhaji Faruq ba kuma ya tule ni da ''kura a gaban mutane dan kawai nace masa ya karaso dani gida kayan nawa ma suna can".


Cikin bacin rai hajiya Binta tace kan uba amma wallahi yaron nan baida mutunnci wato ya tule miin ke da 'kura bari zan kira auty Aishan na fada mata".


Kayan hajiya. Binta tasa ma'aikatan gidan suka dauko mata sai bala'i take. Ita kadai.


💃 🎶 By mrs Al'ameen Ahmad ce.


Page 09 to 10
Kamar yadda alhaji Mustapha ya fada haka ce ta faru ranar Monday sukai shiri suka wuce london Afeeya kuma tace gidan Sadiq zata zauna gurin matarshi kafin su dawo sai kuma ta fasa ta tafi gidan kanwar mami hajiya Binta idanuwan mami a kumbure sakamakon kwanan datai tana kuka kamar ranta zai fita.


Da yake Al'ameen yasan gidan kuma saboda kada a samu matsala yasa bai sanar dasu ba Saira kanwar Abni na zaune a tafkeken palon su sai ganin mutane tai cikin mamaki ta mike tana cewa bros kaine sannu da zuwa".


Dan murmushi Al'ameen yai tuna rayuwar da sukai lokacin yana nan cikin yan mintuna tasa aka hada musu kayayyakin ci dana sha na alfarma".


Fafur mami taki shan koda ruwa ne zama ma dan ba yadda zatai ne amma yadda take jin tsanar mutanen nan da wuta zata kone gidan sai tafi kowa farin ciki".


Tambayar Saira yai ina mom domin yasan Abni da daddyn suna gurin aiki.


Sauyawa fuskar Saira tai daga yar walwalar da take zuwa damuwa tace" mom na asibiti bata zama a gida".


Waye baida lafiya "? Ya tambaye ta cikin faduwar gaba.


Kuka ne ya kwace mata tana girgiza kai tace" Abni ce ".


Wata ba'kar hajijiya ce yaji ta kwashe shi lokaci guda idonsa ya rufe luuuu ya tafi zai fadi da sauri Saira zata tare shi mami ta ture ta tana cewa.


"Karki taba shi arniyar banz......


"AISHA" daddy ya fada da karfi cikin fushi yace wato kinzo gidan su ma saikin nuna rashin arziki ko kinga ki kiyaye ni ".


Jijjiga mami keyi tana huci yayin da Saira taja baya daga gareta Sosai cikin jin tsoro".


Da murya a nutse daddy yace" kinga Saira karki damu muje ki kaimu asibitin".


Kai ta jinjina tana shiga ta shiryo tare da dauko key din motarta ta fito suka wuce".


Dukda su mom suna cikin damuwar rashin lafiyar Abni din hakan bai hana su nuna matukar farin cikin su da ganin familyn Al'ameen din ba kuma sun karbe su hannu biyu".


Tambayar inda take Al'ameen yai cikin damuwa mom tace " son Abni tana ICU".


"Mom muje na ganta".


Kai mom ta girgiza babu dama muma basa bari mu shiga balle mu ganta saidai ta na'ura".


Tabe baki mami tai tana dauke kai daga kallon su domin ko ganin su bata son yi".


Haka suka zauna har dare a asibtin ganin lokaci zai kure yasa mom tace Saira kuje gida ki basu masauki gobe sa dawo".


"Ok mom" Saira tace sannan ta dauko su a mota suka dawo gida a ranar Al'ameen bai runtsa ba ko kadan kwana yai akan Sallaya har asuba yana rokon Allah".


Kwanansu uku da zuwa iya gajiya da bacin rai mami tayi bata da buri kamar taga ta dawo gida gashi basa zance tahowa".


Samun alhaji Mustapha tai ranta a hade tace waini sai yaushe zamu koma gida ne kawai munzo garin mutane mun zauna".


Ko karasa kallonta alhaji Mustapha baiyi ba yace sai ranar data warke idan bazaki iya jira ba ga hanya nan".


"Gaskiya bazan jira saita warke ba kamar wasu dangina tafiya zanyi saikun taho".


"Ki gaida gida Allah ya kiyaye amma ki sani bada kudina zaki koma ba ki biya da naki".


Zaro ido mami tai dan akwaita dason kudi kamar me tace" haba alhaji da kudi na kuma dama nice na kawo kaina".


"Oh da wa ya kawo ki gurin nemawa d'anki aure kika zo".


"Nidai wallahi ba ason raina nazo ba gaskiya ka biya min kudin jirgi na tafi gida".


"Aisha idann kinga na biya miki kudin jurgi munyi abinda ya kawo mu muddin baza ki jira muba saidai ki biya kudin jirgi da kanki".



Bakin ciki ne sosai ya mamaye mami ga koshi ga kwanan yunwa dole ta hakura dan bazata zare wadannan mmakudan kudin ta bbiya jirgi ba".


Satin su guda babu wani labari don haka mom da daddyn Abni suka roki alfarma a bari su shiga su ganta ko minti biyu ne".



Tare da Al'ameen suka shiga Abni na kwance akan gado ganin Al'ameen yasa tadan juyo saitin sa muryar ta can kasa tace" Al'ameen kaga halin dana tsinci kaina a ciki saboda rashin ka ko na sani ba tashi zanyi ba inai maka fatan alkairi ka kasance cikin farin ciki Allah ya baka madadi na".


Kai Al'ameen ya girgiza" a'a ki daina cewa haka kece nake so Abni zaki warke muyi rayuwa tare bana fatan na raasa ki tare da mahaifa na nazo domin su karba min auren ki please Abni ki tashi muyi rayuwa me kyau".


Dan lumshe ido tai tare da budewa tana kallonshi ta riko hannunshi muryarta kamar bata me jinya ba tace.



"kada ka damu zaka kasance cikin farin ciki koda babu ni bazan taba rabuwa dakai ba muna tare bazan taba barin ka ba".


Tari ne ya kama ta harda jini ke fita a bakin ta da sauri su mom suka yo kanta kallon su tai bata ce komai ba".


Al'ameen wanda tashin hankali da rashin nutsuwa sun mamaye shi ya sake rike hannunta wani zobe ne a yatsan ta tacire shi tana baiwa Al'ameen .


Ganin tai shiru yasa da karfi Al'ameen ya kira sunan ta bude ido tai tana murmushi a hankali ta furta" I LOVE YOU AL'AMEEN".


Daga haka bata sake cewa komai ba sai kallon da yaga ta koma yi masa wanda bai gamsu dashi ba jin ta sake hannunsa yasa yace Abni Abni Abniiiiiiii da mugun karfi yaja sunan.


Ji yai daga bayansa mom ta fashe da kuka domin shakka babu Abni ta rasu".


Ganin dayai daddyn ta ya matso ya lullube ta yasa hannu zai bude rike masa hannu daddyn yai yana girgiza kai".


Wanda hakan ya tabbatar masa da mutuwa tai a take ya fadi a gurin ya suma😢😭 .


[23/09/05 12:44pm] Typing📲


ANNURI W ASSOCIATION
Home of hospitality and harmony


YUSRAHMS CE😜😍.

Page 11 to 12
Fitowar Afeeya kenan zata tafi makaranta Zainab tasha gabanta tana cewa ke dan rainin hankali wato ke isashshiya ko maza ki koma saikin gyara bedroom din idan ba haka ba ki hakura da zuwa makarantar".



Wani kallo Afeeyah ta mata. cikin rainin hankali tace Allah ko mami da gaske kike"? To bazan gyara ba makaranta zanje ba irin kice me zaman kashe wando a gida ba zan fita idan kin isa ki dakatar dani ko kidau mataki".


Da kallo Zainab ta bita lallai yarinyar nan zaki ci ubanki bin bayan ta tai da sauri daidai Afeeyah ta tashi mota tasha gaban motar.


Afeeyah bata fasa ba tayo kanta zata bigeta da gudu Zainab tai tsalle tana fadawa cikin fulawoyi😂🌻🌷🍁 ".


Dariya Afeeyah tai tana lekowa ta glass din motar tace au dama zaki gudu dakin tsaya saina maida ke gurguwa nakasashshiya nasa ki zama mabaraciya a cikin gari amma a juri zuwa rafi mu zuba nida ke dan halas ka fasa".


Tana gama fadin haka tai kofar gate tsaki Zainab tai tana mikewa ganin yadda ta taba farar rigarta domin ba a dade da yiwa flowers din bayi ba".


Tana komawa ciki hajiya binta na fitowa ganin kayanta a bace yasa tace daga ina meye ya bata miki riga"?.


Cikin takaici Zainab tace waye zaimin haka idan ba wannan shegiyar yarinyar Afeeyah ba".

Toke meye damuwar ki da ita kuna yan uwa amma jinin ku bai hadu ba".


"Yo umma dan ubanta waye jakin ta da zata kwanta da safe bazata gyara gado ba".


"Ok akan haka ne amma dai aiba wani ne ya hana kiba kece kikai ra'ayi" .


"Allah ni umma bana son yar aiki tana shiga daki na tana kallon asiri na".


"Yayi masu asiri karki sake cewa ta gyara miki gado bansan shashanci".


Cikin jin haushi Zainab ta mike tana 'ku'kuni tabar palon hajiya Binta data bita da kallo tace humm Zainab kenan indai Afeeyah ce tana daidai dake".


Kwana Al'ameen yai a sume baisan inda kansa yake ba sosai daddy ya shiga damuwa mami kam suman Al'ameen bai d'ara taba saima wani irin farin cikin data tsinci kanta aciki na muutuwar Abni din ji take kamar ta taka rawa🙊🙄.



Wanda dole sai a asibitin suka baro shi domin bai dawo hayyacin saba Abni kuwa tun jiyan akai mata sutura😢.


Abuh da 'kawayen ta suna zaune a dandali suna musu akan samarin 'kauyen suka hango Fatima tsaye a 'karkashin wata bishiya tana dariya".


Rabi tace lah Abu ga hegiyar gidan ku can tana dariya ita kadai kamar me aljannu".


Abu data kalli gurin tace barni da yar iska tunda bata da samari dan ta fini kyau a banza".


"Ahayye ji tsinannun munafikai wato kun zauna kuna gulmar 'kawata ko inji uban waye ya fada muku bata da saurayi ita data fi kowa sa'a ma tunda Sa'adu ne yake sonta dan gidan me gari".


Juyawa sukai inda ake maganar suka ga Asabe tsaye da itace a kanta alamar gida zataje daga gonar baban su take".


'Duuuu sukai kanta zasu rufe ta da duka ta sauke icen tana zaro guda daya tace naga hegiyar da zata taba ni saina fasa mata kai".


Duk tsayawa sukai cikin huci Abu tace idan kin isa ki aje itacen mana wallahi saina fasa miki baki".


Aje itacen Asabe tai tare da shakar wuyan Abu wacce batai zato ba tana cewa" na aje da kina nufin dan kina tare dasu yasira bazan iya dukan kiba zanji tsoronki".


Idon Abu sun fitfito sakamakon Asabe jibgegiya ce dakyar ta samu su Balki suka babbare hannun Asabe daga wuyanta".

Tari ta kama yi babu kakkautawa kamar zata shide Asabe data dau kayanta tace nan gaba ki sake kawo min raini saina kusa kahe ki shashasha".


Saida Asabe ta tafi sannan rahma ta samu bakin magana kiyi hakuri Abu bamusan zata shake kiba amma nan gaba zamu shigar miki😹😀".


Tsaki Abu taja ke dalla matsa gefe matsoraciyar banza duk yawan ku mutum daya ta gagare ku".


Ihu suka sa mata suna wakarsu ta dandali suka ce dama waye ya tsokane ta tsuntsun daya ja ruwa shi ruwa ke duka.


Mikewa Abu tai a fusace tana kallonsu tace kada hegiyar data sake kula ni a cikin ku tsinannu kawai".

Dariya suka kwashe da ita suna tafawa to sai me dan mu daina kula ki wata uwar kike bamu.


Daukar fantekar abincin ta Abu tai tana barin gurin dama a wuya take domin tayi kwashe ilya baizo ya sayi abincin ba".



Mrs Al'ameen Ahmad ce


Page 13 to 14.
Satin Al'ameen guda aka bashi sallama ya dawo gidan su Abni nan sabon ciwon sonta ya bude babi ganin da daddy yai ba warkewa Al'ameen zaiyi su dawo Nigeria ba yasa yace wa su mom kawai zasu koma gida".


Anan daddyn Abni yace mr Mustapha mezai hana ka amince a bashi 'kanwarta Saira".

Al'ameen dake gefe tun kafin daddy yai magana yace a'a daddy na hakura bazan yi aure ba a rayuwa ta".


"Me yasa my son? da Abni da Saira daya ne"?.


Kai Al'ameen ya girgiza yana cewa" daddy bazan iya auren Saira ba badan bana son hada jini daku ba dan Allah ka fahimce ni aure ya fita a raina".


"Shikenan son ba komai na fahimce ka" alhaji Mustapha ya kalla cikin fara'a yace babu komai ai muna tare mun zama dangin juna Allah ya tsare hanya yasa kuje gida lafiya".

.

Anan mami ta gane cewa da gaske Al'ameen yake ashe gidan su Abni musulmai ne amma itafa duk da haka gara da Abni din nan ta mutu hankalin ta ya kwanta yanzu d'anta zai dawo daidai.



Sosai alhaji Mustapha ya tausaya musu kuma ya sake yi musu ta'aziyyah da godiya akan abinda sukai musu "gaskiya kuna da karamci mun gode sosai Jonah mu zamu tafi".


Har airport sukai musu rakiya sannan suka sake yin ban kwana da juna. Wanda Al'ameen baisan lokacin daya rungume Jonah ba hawaye na zuba a idonsa".


Mami taji haushin rungumar dayai masa Allah-Allah take su tafi kamar tana kan 'kaya dakyar Al'ameen ya saki Jonah suka shiga jirgi domin dawowa Nigeria.



Mutuwar Abni hatta Sadiq da yazo gidan washe garin da suka dawo mutuwar ta taba shi wani irin mugun tausayin dan uwan nasa ne ya kama shi".


Yace" Al'ameen kayi hakuri dan Allah kada kasa damuwa aranka ka zama musulmi me daukar kaddara da cinye jarrabawarka Allah ya canza maka da mafi alkhairin Abni a rayuwar ka".


"Amin" kawai shine abinda Al'ameen yace dan bai cika magana sosai ba Afeeyah tayi kuka sosai domin ya taba bata wayarsa sunyi vidio call da Abni kuma sun saba da ita sosai".


Tana kwance akan kujera tai ruf da ciki idonta a rufe kamar me bacci saidai zurfi kawai tai cikin tunani mami dake tsaye a kanta tana kiran sunan ta .


Ganin bata amsa ba yasa afusace ta sakar mata duka wanda a razane ta tashi zaune tana sauke ajiyar zuciya me karfi tace " mami lafiya".


Tsaki mami tai tana cewa wato kema ashe sakarya ce ban sani ba ko dan ubanki wannan yarinyar dangin kice zaki dorawa kanki masifa kullum kina cikin tunani wanda kila koni na mutu bazaki damu haka ba".


Hade rai Afeeyah tai tana kau da kanta gefe cikin takaici tace mami ko makiyin kane ya mutu jikinka yana sanyi balle Abni me ta tare miki wanda tabar duniyar baki daina ambaton taba".


"Kwarai Afeeyah zage ni zamani ne yaya su zagi iyayen su kwalliyace duniya tazo karshe dan jakin ubanki har tambaya ta kike me tai min ta kusa kashe min yaro ta mutu ma ban huta ba kema da baki je ba gashi nan ta hada da kurwarsa da taki ta tafi dasu lahira meye na bata lokacin ki wajen tunanin ta kome zakuyi ba dawo wa zatai ba".


Kai Afeeyah ta girgiza batare data sake magana ba Zainab ce tai sallama da dumemen akwatin ta bayan ta driven gidan sune daya kawo ta dauke da wani akwatin.


Cikin mamaki Afeeyah ke kallonta yayin da mami ta washe baki cikin murna tace tun shekaran jiya da Binta ta kira ni tace zaki zo kimin kwana biyu nake zuba ido saiyau sannu da zuwa".


"Yauwa mami ina kwana Zainab tace tana zama kujeran dake facing din Afeeyah a fakaice ta nuna Afeeyah da yatsa tana maganar kurame".


Tsaki Afeeyah taja cikin tsanarta ta mike zata bar gurin mami tace ke Afeeyah ja akwatunan nan ki kai mata su part din ki acan zata zauna cikin daya daga bedroom din part din".


Matukar takaici ne ya kama afeeyah har bata san sanda hawaye ya zubo afuskarta ba amma ta goge tana rike hannun akwatin ta wuce kamar yadda mami ta umarce ta".


Zaunar da Zainab mami tai tana cewa kinsan me yasa nace ki dawo gidan nan da zama "?.


Kai Zainab ta girgiza mami taci gaba babu komai zan fada miki ba yanzu ba wani aiki zaki min".


Daidai Afeeyah ta dawo tadau dayan akwatin Zainab tace hay madam kidan hada min ruwan wanka no hot no cool".


Cikin bacin rai Afeeyah ta juyo muryarta da fushi tace ko kinfi uwarki kokari baza ki samu abinda kike so ba ni ba sa'arki bace nafi karfin yi dake jaka kawai".


Zanci uban ki fa Afeeyah jimin shashashar yarinya".


Mami ta fada tare da kallon Zainab tace rabu da ita dama fushi take bari zansa a hada miki yanzu".


Afeeyah na shiga bedroom dinta ta fada kan gado tana fashewa da kuka tace" ya Allah kaine ka fimu son Abni ka karbi kayar ka kayi mana canji da mafi alkhairin ta ka tausayawa dan uwana ka bashi mace ta gari me share hawayen mijinta".


Hayaniya ce sosai ke tashi da shewar mata a gidan su Abu domin anzo nemawa ilya aurenta.


Lami makwafciyar su dake duba kayan da komai kala bibiyu ne ta rafka gud'a kamar zata cire hancinta tace.


"Kai masha Allahu Allah yasa Jamila ta tayi 'kashin arziki kamar Abun ki Saude ni ina Salamatu ne".


Saude dake rausaya kai irin uwar 'yar nan tace wai ta tafi gidan su tun safe munafika".


Aliya ta amshe da cewa ba wani bakin ciki take saboda 'yarta zatai kwantai tunda dame Abun ta fita yan watanni ne".


Gadoji tace humm aiko bakin ciki zai kashe ta don tunda nake ban taba ji ance ga wani yana san fatin taba inaga bakin jinin daga sune".


Mukam biki zamusha mu gwangwaje matsalle me kalangu zamu gayyato yazo ya buga mana gangar cahiya😂🙉.


Laraba tace ni kuma hankalina be kwanta da fitar Salamatun nan kar muje munna nan mun bude baki da hanci tana can tana gunbudowa Abuwa asiri".


Zaro ido Saude tai tana dafe kirji tace Allah ko 'kawata har kinsa naji nima nawa hankalin ya tashi".

Tsomo baki tabawa tai to meye muma sai mu tashi tsaye ko taki ko taso aure sai Abu nada 'ya'ya Fatima bata samu mashinshini ba ehe🙄.


"Kunga mubar wannan maganar bari na duba mana jalaf din shinkafar kota nuna muci" cewar Saude tana mikewa.


Lami na ganin Saude ta wuce kitchen ta rike baki cikin munafirci tace" jama'a yau nake ganin wani ikon Allah mutuwar zuciya ta 'kare a dangin su ilyasu kalli wai komai biyu".


Tabawa na kallon kofar kitchen tace hum