You Cannot Download this book untill you login but you can read it .

---

Login Register

tacigaba da tafiya, harsu Hajjo sunje hajji sundawo, sosai tayima Zarah da Baba mairo tsaraba, bayan kwana biyu suka shirya zuwa Abuja ita da Alh, domin kaima matar farouk abokin Alh, tsara barsu, dan bayan bikinsu akayima Faruok transfer yakoma can. Kwanansu 2 acan, bakaramin bacin rai Zarah tashiga ba, anyi tafiya banda ita.

Bayan dawowarsu, Mairo tashiga part din Hajjo, tana zuwa ta isketa abandakin falo tana ta amai, temaka mata tayi, bayan tagama suka dawo falo, mairo tace sannu Hajiya, amma inaganin kamar ciki ne dake ko? Hajjo tace nima haka nake tunani, dan tunkafin muje hajji nadena ganin al,ada ta, sede yaune nafara amai. Mairo tace aikinsan yanzu ba cikin farko bane, kila ma yayi wata 2 shiyasa baki fara laulayi dawuri ba.

Amma zankawo maki wani magani, inde kinsha zaki dena amai kuma zakiji kwarin jikinki. Hajjo tace aiko nagode Baba mairo, wlh bansan da abunda zan saka maki ba, Allah yasani nayi rashin uwa, amma gashi yanzu Allah yabani ke, inajinki tamkar uwata, babu abinda zan iya boye maki. Kwallan da mairo take boyewa suka zubo mata, Hajjo tace Baba mairo meyafaru kuma? Mairo tace bakomai, kawai naji dadin kalamanki yata, tunda nake bantaba haihuwa ba, banida me kirana mana, segashi yau kinbani babban matsayi wanda bakowa ne yake amsa shiba. Hakika yau ina cikin farin ciki wanda. Nadade banji ba. Allah yayi maki albarka keda diyarki Falak.

Sede inaso infada maki wata magana, ada ina shakkun infada maki, sbd bansan yazaki daukeni ba, kila bazaki yarda da maganata ba. Amma ayanzu dakika bani matsayin uwa agareki, nasan zaki yarda da abunda zan fada maki, dan kinsan uwa bazata fadama yarta karya ba.

Inaso kiboye cikin dake jikinki har lokacin da zaki haifeshi, ko Alh, banaso kifada mashi kina da ciki harse yayi girma, nasan shi baza,a iya boyemashi ba. Hajjo tace meyasa kikace haka Baba mairo, nasan dole akwai dalilin dayasa kikace haka, dan Allah kifadamun koma menene, nayi maki alkawarin bazan bafadama kowa ba.

Anan mairo tafadama Hajjo duk abunda taji Zarah tana fadama Asabe awaya. Hajjo tagoge kwallan idonta, tace wlh jikina yabani Zarah ba sona take ba, kawaide tana yimun fuska 2, lokacin da aka kwantar dani asibiti take cemun wai inzo tarakani asakamun robar hana daukar ciki.

Anan jikina yabani wani mugun nufi take nufi dani, kawai sena fada mata likita yace kozan haihu senan da shekaru, wlh Baba mairo ina gama fada mata bakiga wani murmushi datayi ba. Tun daga nan nagane abinda take nufi dani.

Kuma insha Allah Zarah bazatasan ina da ciki ba sede taji haihuwa ta. Shima Alh, bazan fada mashi ba harse yayi kwari, shima sena rokeshi kada yabari kowa yaji, Mairo tace bara inje inkawo maki maganin.

Haka Hajjo tacigaba da renon cikinta babu wanda yasani daga mairo se Falak, su Jidda anyi graduation duk da bawani kokari tayi ajarabawarsu ba, su Falak kuma sunshiga ss3 karatu sukeyi sosai dan sunaso sucigaba da karatunsu idan sungama.

Jidda yanzu duk inda Al,amin zeje tare suke zuwa, ko da kwana nawa zeyi tunda Alh, baya zama gida yanzu sosai, Zarah kuwa tunda Jidda tana wadata ta da kudi babu abinda yadameta, abinda Jidda tagane ma Zariya tamaida gurin zuwanta, tunda taga Asabe bata kwaba mata duk inda taje kotayi dare bata cemata komai, kuma Baba bashida katabus agidan, hakan yasata yanzu tafi zama Zariya akan gidansu, koda Alh, yaji tana zuwa Zariya dadi yaji saboda yaga umminsu ita bata zuwa.

Lokacin da cikin Hajjo yacika wata 7 aranar Alh, yagane tana da ciki, yace lallai ma Hajjo yanzu nikike boyema abun farin ciki? Dariya tayi tace wlh banso kagane ba, naso kawai kazo kaga jariri ko jaririya, shiyasa ko zanje awo nake cemaka zanje wankin kai. Amma kayafemun da karyar danayi maka. Jawota yayi yace bakomai, aikinsan dama ni ina baku damar fita duk lokacin da kukeso koda bana nan.

Amma gaskiya naji dadi sosai, Allah yasa rayayyene, tace ameen. Amma dan Allah banaso kafadama Kowa har ummin Jalila, nafiso inbata mamaki tunda kai kaganoni.
Yace shikenan angama daukarta yayi suka nufi daki.

Su Falak suna third term a ss3 Hajjo ta haifi yaronta me kyan gaske, babu wanda yasan tahaihu, dan cikin dare nafara nakuda kuma taci sa,a Alh, agurinta yake, haka suka hada kaya suka nufi asibiti, Falak kawai tasan suntafi, gurin karfe 8 suka dawo, bayan ya kaita part dinta yawuce part din Zarah, yanashiga yahadu da Mairo, yace tabar abinda takeyi taje Hajjo ta haihu, sosai mairo taji dadi, tace me aka haifa, yace namiji, barka tayi mashi sannan tawuce part dinsu.

Farin ciki kawai Alh, yakeyi, dakin su. Jalila yaje yace tafito tacigaba da aikin da mairo takeyi, dan taje gurin Hajjo ta temaka mata ta haihu. Jalila cike da murna tace Dady meta haifa? Yace kunsamu kani Jalila bakaramin dadi taji ba, fita tayi tawuce kitchen. Dakin Zarah yashiga, ganin yana cikin farin ciki ga bakinshi yaki rufuwa, tace Alh, yaude lafiya kake kamr wanda aka yima bushara da gidan, aljanna? Yace aidole kiganni haka, Hajjo ta haihu kuma tasami namiji me bala,in kama dani. Dariya Zarah tayi tace amafarkin yau ne kaga haka? Yace wlh da gaske nakeyi, tun dare muna asibiti. Zarah tace karbo yaron kukayi kome, nide nasan Hajjo bata da ciki. Ganin zata bata mashi lokaci yajata zuwa part din Hajjo.

Mutuwar tsaye Zarah tayi ganin Alh, yamiko mata yaro me bala,in kama dashi, kamar an tsaga kara, wata irin zufa ce tarika keto mata ta ko ina, tama rasa mezatayi, takasa karbar yaron, hawayene suka taho mata tayi saurin juyawa takoma. Falo, mamaki ne yakama Alh, ganin abinda Zarah tayi, amma su Hajjo sun harbo jirginta.

Urs,
NABILA RABI,U ZANGO
( Nabeelert Lady)
08028525263
[7/13, 09:40] Nabilat Author: 🙆🏻😭😭🙆🏻 AGOLAH!!! Nah
Marubuciyar Zamani
NABILA RABI,U ZANGO
(Nabeelert Lady)

@( H,O,N,A)

Part 40.....45

Afalo yasamu Zarah tana goge kwallan idonta, Zarah meyafaru haka? Fitowa Hajjo da Mairo sukayi suna kallonta domin jin abinda zata ce. Haba Alh, ai wlh bekamata ma indauki yaron nan ba, me kuka daukeni acikin gidan nan, ni na dauki Hajjo kamar kanwa agurina amma ashe ita ba haka bane,

Kaima kabiye mata kun maidani agefe guda, wai yanzu ace har Hajjo tayi renon ciki agidan nan amma bansani ba, wlh da ace yaron nan baya kama da kai bazan taba yarda Hajjo ta haifeshi ba. Kuma har ace ina gidan nan nakuda takama Hajjo ai komin rashin matsayina amatsayina na ,ya mace za,a iya kirana inrakaku asibiti amma kai me mata zaka dauketa kutafi ku biyu.

Gaskiya baku kyauta mun ba, kuma yau nagane matsayina agurinku, kuyawa tayi tafashe da kuka zata tafi, jikin Alh, yayi sanyi sosai, seyanzu yake ganin rashin wayon dayayi daya biyema Hajjo akan kada afada ma Zarah tana da ciki, gaskiya shima beji dadi ba.

Aje yaron yayi yafita yabi bayanta, Hajjo tayi murmushi tace Xarah kenan, tabbas dan kyautawa bamu kyauta ba, amma Allah yaga nufinmu, dan haka ko kinyi fushima nide tunda nakare lfyr yarona ai shikenan. Mairo tace kukan munafunci ne takeyi, tasan idan bahaka tayi ba, Alh, ze iya gano bata farin ciki da wannan yaron, ki kyaleta tunda ba akan gaskiya take fushin ba, zata sauko, kema kije kiyi mata ta ,yan duniya.

Adaki yasameta tana ta kuka, wanda azahirin gaskiya kukan bakin cikin haihuwar yaron da akayi ne, na 2 kuma rashin sanin Hajjo tana da ciki, da taje an zubar dashi.

Jawota yayi yarungumeta yafara aikin lallashi, shima kamar zeyi kukan, dan har ga Allah beji dadin abinda akayi mata ba, shi sam beyi tunanin zataji haushi ba. Sallamar dasukaji abakin kofa ne yasashi tashi yaduba ko waye, tare da Hajjo suka shigo, zama tayi abisa gefen gadon,

Ahankali tace. Ummin Jalila dan Allah kiyi hakuri, nasan ban kyauta maki ba, amma atunanina keda Alh,naso inbaku mamaki, naso ace kuduka Jariri kawai kuka gani, sede shi yafara ganewa, shiyasa narokeshi akan kada yafada maki, nafiso inbaki mamaki kawai kiga yaro,

Nasan zakifi kowa murnar hakan, saboda irin damuwar danaga kinshiga danayi bari, amma kiyi hakuri, ga yaron nan, nabaki dama kiyi mashi huduba da duk sunan dakika ga yayi maki, domin danki ne.

Murmushin dayafi kuka ciwo tayi ta tashi zaune, tace shikenan Hajjo na hakura, amma kada kisake, kuma nahakura ne, saboda wannan damar da,aka bani. Alh, ka amince inyi mashi huduba?

Dariya yayi yana mejin dadin irin hadin kan da matanshi sukeyi, yace ni na isa inshiga tsakanin yaya da kanwarta, gashi kiyi mashi huduba muji abinda kika sa mashi

Karbarshi tayi acikin kunnenshi tarika dura mashi zaki tana fadin nice ajalinka, magana takeyi tana murmushi, kamar gaske. Dagowa tayi tacenayi masa huduba da sunan marigayi Bashir, ( mijin Hajjo baban Falak). Za,a rika kiranshi da Amir, inafatan Alh, ban bata maka raiba, kada kace nasaka sunan abokin tarayyar ka? Matsowa yayi ya rungumeta yace gaskiya Zarah kina da tunani me kyau, wlh naji dadi sosai, kuma nagode daya kasance kece kikayi wannan hudubar, dan dani nayita da sunan mahaifina zansa, amma hakan da kikayi, naji dadi sosai, domin anyima Falak da Hajjo kara, idan Allah yasa takara haihuwa zasa sunan Babana.

Wani shu,umin murmushi Zarah tayi aranta tace nima naji dadi da aka bani damar zaben suna nasan dama sunan Babanka zaka sa, wlh, bazaka taba saka sunan Babanka akan ya,yanta ba.

Matsowa Hajjo tayi, ta rungume Zarah tana yimata godiya. Duk da aranta takasa yarda da wannan abun da Zarah tayi, kuma murmushin dataga tayi yakara tabbatar mata da akwai wani abu azuciyarta. Amma koma menene Allah yamaida maki nufin ki.

Tashi sukayi suka fita, bayan taje tafada ma, Mairo abinda yafaru. Mairo tace dole sekin dage da addu,a domin Allah ne kadai yasan irin mugun nufinta akanki, Allah yamana tsari da sharrinta. Ameen.

Haka akayita hidimar zuwa barka, yan unguwa, kudi sosai Alh, yakashe a haihuwar yaron, Zarah hakuri kawai takeyi, dan tace bazataje Zariya ba, sebayan suna, damma dadin datakeji Alh, yabata kudi masu shegen yawa, Yara ma duk yabasu, kasancewar Jidda bata nan, sede yabama Zarah nata.

Su Falak sunata hidima, ranar suna yaro yaci sunanda Zarah tasa mashi.

Fadi irin kudin da aka kashe bata lokacine. Harsu Asabe da Dije seda suka zo suna, wani filin Alh, daya zagaye yayima Ameer kyauta, sede be bari Zarah taji ba, saboda yasan halin mata.

Zaune suke adakin Zarah suna magana. Zarah tace wlh sena sa boka ya korar mun wannan matar, ita da yayan ta acikin gidan nan. Dije tace ai kinyi mata me sauki, baki tunanin idan kika koreta wata rana asiri yakare yasake maido ta? Ai kawai idan zakasha giya kasha ta dubu.

Ina baki shawara ki kasheta kawai, Zarah tace ni nafijin zafin yaron wlh. Asabe tace lallai bakida wayo, idan kika kashe maciji mabi sare kan ba ai kinyi aikin banza.

Kawai kifara kashe Hajjo daga baya seki kashe yaron, idan kinsamu nutsuwa kizo muje gurin boka.
Haka suka ci gaba da tattaunawa,

Urs,
NABILA RABI,U ZANGO
(Nabeelert Lady)
08028525263
[7/13, 09:40] Nabilat Author: 🙆🏻😭😭🙆🏻 AGOLAH!!! Nah
Marubuciyar Zamani
NABILA RABI,U ZANGO
(Nabeelert Lady)

@ ( H,O,N,A)

Part 45.....50

Bayan suna da sati daya, Zarah tashirya tanufi zariya, tana zuwa suka tafi gurin boka, bayan tagama yimashi bayani akan tanaso akashe mata Hajjo da yaronta, hada ido Dije tayi da boka ta kyafta mashi ido.
Dariya yayi yace Hajiya ni banayin aiki 2 alokaci guda, musamman idan yakasance na kisa ne, sede zanyi maki wani temako daya, nafarko dole kizabi wanda za,akashe acikinsu,

Zarah tace akashe yaron, Asabe tace lallai bakida wayau, idan aka kashe yaron ai zata iya kara haifar wani. Zarah tace hakane afara kashe Hajjon, dariya boka yayi yace bazamu kasheta lokaci guda ba, dole zamu samata ciwo nawani lokaci gudun kar azargi wani abu.
Shikuma yaron zanmaidashi dolo, kafin shima yabi uwarshi.

Amma wannan aikin naki zeci kudi, tace kamar nawa za,a bada? Naira dubu dari 200 zaki bada, anan take tadauko ta ajesu a inda tasaba ajewa,

Wani allon karfe yadauko yayi wani rubutu akai, sannan ya hura wuta yadora allon asaman wutar, yace yanda allon nan zeyi zafi haka jikinta zerika zafi, ko wane irin magani aka bata bazata taba jinsaukin zafin jikinta ba.

Dasannu zata mutu, garin magani yabata yace ta murzashi ahannunta alokacin data dauki yaron seta shafa hannunta akan yaron, shima idan uwar tamutu ki aiko su Dije suzo sukar ba maki maganin da akashe shi dashi. Godiya sukayi mashi suka tashi suka fita. Dije kuma ta tsaya karbar masu kason su, dubo 60 yabasu, tayi godiya tace naji dadi dabaka bata maganin duka ba, nafiso karika raba aikin yanda za,afi samun kudi. Dariya yayi yace Dije naga alama kinfini son kudi.

Kwance Hajjo take tana bama Ameer nono, kamar daga sama taji antsikareta, tashi tayi, se kuma taji jikinta wani irin sanyi yana shigarta, tashi tayi tajawo bargo, duk da lokacin zafine, amma haka takejin wani irin sanyi, shiga tayi cikin bargon, kafin minti 20 kuma gabadaya jikinta da bargon sunyi wani irin zafi.

Cire bargon tayi tarasa inda zata sa kanta, rigar jikinta tacire shima de basauki, tashi tayi da kyar tanufi bandaki, wanka tayi, sede data zuba ruwa ajikinta kamar ruwan zafi tazuba, haka tafito tasamu riga marar hannu tasaka.

Falo ta fito ta kunna A,C ta kwanta, duk da haka zafi takeji ajikinta, wasu irin hawaye ne sukarika zubo mata saboda ciwon kan datakeyi, ga Falak tana makaranta sunfara waec bata dawowa da wuri.

Kamar daga sama taji sallamar Mairo, kasa amsawa tayi, dasauri mairo tashigo jin Ameer na kuka amma bata daukeshi ba.
Daukarshi tayi tana fadin Hajiya lfy, kasa magana tayi sede kwalla, kusa da ita tamatsa,ta dora hannunta ajikin Hajjo, saurin cirewa tayi jin wani irin zafi kamar ze kona mata hannu, tace Hajiya ai zazzabi kikeyi, bara inkira driver yazo yakaimu asibiti tunda Hajiya bata nan,

Suna zuwa asibiti aka karbesu domin anriga da ansan Alh, wayar Hajjo mairo tadauka takira Alh, anan take fada mashi suna asibiti, yace gashi nan zuwa, goye take da Ameer yana ta kuka tana jijjigashi, da kyar yayi bacci.

Alh, ne zaune a office din Dr, yace mashi zazzabi ne kawai me zafi takeyi amma anyi mata allura kuma ansa mata karin ruwa insha Allahu zata samu sauki. Godiya yayi mashi ya amshi takardar maganin daze siyo yafita.

Zaune suke duka gidan har Zarah domin ta dawo, Jidda ce kawai bata nan, dan suna Abuja ita da Al,amin. Zarah tace oh, sannu Hajjo, wannan irin zazzabi haka, ace tundazu yaki yasauka, sema kara hawa yakeyi.

Alhaji yace gaskiya nima nafara tsorata da wannan zazzabin, Allah de yabaki lfiya, Hajjo. Zarah tace Mairo kawo Ameer kije gida keda su Falak da Jalila kushiryo abinci ko, naga dare haryafara yi, Falak da tun dazu take kuka tace. Ummi da kinje kin huta yanzu kika dawo daga unguwa fa, ni zan zauna agurinta.

Zarah tace a,a kuje kuda kuka dawo daga jarabawa, ai yakamata kuje kuyi wanka kuci abinci, bakomai nizan zauna, idan kundawo anjima senaje ni. Alh, yace kuje kawai idan kundawo taje.

Suna fita Alh, yace bara yaje yadawo, Ameer na hannuna Zarah, ita kuma Hajjo tana bacci, Saurin fiddo magani tayi ajakarta tashafa a hannunta takama Ameer tashafa mashi akai, wata irin kara yayi wadda har Zarah seda ta tsorata tayi saurin mikewa, Hajjo datake bacci seda tafarka.

Turo kofar dakin akayi, wasu nurse ne 2 suka shigo, ganin Ameer yana wani irin abu farin miyau yanata fito mashi, yasa sukayi saurin karbarshi suka fita, Hajjo tace mekika yimashi Zarah?

Akideme tace wa ni? Nima bansan abinda yafaruba, kina bacci inason inshiga bandaki sena ajeshi kusa dake,nashiga bangama abinda nakeba naji kararshi, ina fitowa naganshi akasa kwance. Wasu hawayene suka fitoma Hajjo, ido kawai ta rufe tanajin wani irin zafi ajikinta.

Bin bayansu Zarah tayi, tana sauke ajiyar zuciya, karo taci da Alh, yana kokarin shiga dakin, yace lafiya de? Anan tafada mashi abinda yafaru, shima binta yayi, koda sukaje Ameer haryayi bacci, nurse tace wai meyafaru dashine? Zarah tafada masu abinda tace ma Hajjo, suka ce Allah yakara sauki, sunyi mashi allura zejisauki, dauko shi tayi suka fita.

Bayan su Mairo da Falak sundawo, Jalila kawai suka bari agida, da kyar suka samu Hajjo taci abinci, se alokacin Ameer yatashi, tunda yatashi yake zubar da miyau abakinshi, ga kanshi yawani langabe,

Karbarshi mairo tayi tana kare mashi kallo, Zarah tace tunda kunzo nizan wuce, dare yayi, Allah yakara sauki.
Alh, yace nima anjima zantaho, tace to. Hajjo tace anya yaron nan faduwar dayayi beji ciwo ba kuwa, kalli yanda yakeyi Alh, karbarshi yayi yace bara inkaim likita shi yaduba shi.

Bayan Dr, yagama dubashi yace aini Alh, banga wata alama data nuna mani faduwa yayi ba, kuma naduba jikinshi lafiy lau babu wani abunda ke damunshi, da faduwa yayi dayatashi da kuka, kasan dama ba,a raba jarirai da miyau abaki, kanshi kuma dayake langabewa dama kasan ai jikinshi beda kwari, tunda ko sati 2 beyiba. Kada kudamu bawata matsala bace, godiya yayi mashi yafita.

Bayanin abinda likita yace yayi masu, itade Hajjo jikinta yakasa yarda da abunda akace, dan kawai tana kunyar Alh, yasa tayi shiru dan ita macece me kauda kai akan abu, yadade har gurin karfe 11 sannan yayi masu sallama yatafi.

Mairo tace Hajiya wai meyafaru har Hajiya tace Ameer faduwa yayi? Anan tafada mata duk abinda yafaru. Mairo tace wlh hajiya batada gaskiya, nikam yanzu tsoronta nakeji, amma bakomai Allah yafita, ni tunda tace zataje Zariya jikina yake bani wani mugun abun zekaita.

Mucigaba da addu,a insha Allahu bazatayi nasara akanki ba, Falak tagoge kwallan dake idonta tace Umma gobe idan naje islamiyya zan tambayi malam wace irin addu,a zanrika tofa maki, dan wannan zazzabin yayi yawa. Mairo tace gaskiya kam nima naga alamar dole semun hada da addu,a.

Washe gari ciwon Hajjo kamar karashi akeyi, sukansu likitocin sunyi mamakin irin zafin zazzabinta, duk wani test anyi mata amma babu koda maleria ce ajikinta, duk wani temako sunyi mata amma zafin jikin yaki sauki, haka suka cigaba dayi mata allurai da magunguna.

Bayan Falak tadawo daga islamiyya tadauko ruwa akofi tayi addu,oin da malaminsu malam Sameer yabata, tayi, tabama Mairo kama Hajjo tayi tace tayi bismilla tasha, tana gama sha tarika atishawa , karbar rowar ruwan tayi ta wanke mata fuska zuwa wuyanta, sannan ta kwanta.

Cikin mintuna kadan zafin jikinta yakoma sanyi, jitayi kamar ancire mata kaya ajiki, Hamdala sukayi, Mairo tace aini nasani wannan ciwon naki akwai aikin asiri aciki, Alh, yazo mukoma gida kawai acigaba dayi maki addu,a. Falak tace shima Malam Sameer haka yace idan har tasha kuma zazzabin yasauka to tabbas akwai sihiri ajikinta. Mairo tace ke duniya, anya mutane suna tsoron Allah kuwa?

Bayan Alh, da Zarah sunzo suka sami Hajjo azaune tana bama Ameer nono, Alh, cike da jindadi yashigo yazauna kusa da Hajjo yana fadin jiki yayi sauki kenan, tace gaskiya Kam jikinta yataba, yaji sanyi yace Alhamdulillah bara inje Dr, yabamu sallama, Mairo tace nimade haka nace, dan suma sunkasa saukar da zafin zazzabin amma Falak tana amso addu,a agurin malaminsu aka bata tasha ko minti 10 ba,ayiba yasauka.
Kwarewa Zarah tayi, nan take zufa tafara fito mata, tagefen ido suke kallonta, da kyar ta dede ta kanta tace Alh, gara de abarta takara samun sauki, yace A,a suma kansu sunkasa yimata magani tunda addu,a tanayi mata, fita yayi Zarah tabishi dakallo.

Hajjo tace Ummin Jalila yagajiyar jiya? Murmushi tayi tace haba ai gajiya tabi lafiya, yajikinki? Tace dasauki.
Tare sukazo da Dr, yakara duba jikinta, shima yayi mamakin saukar da zazzabin yayi lokaci guda, shima shawara yabasu akan sucigaba dayimata addu,a. Sallama yabasu suka nufi gida,

Hankalin Zarah bakaramin tashi yayi ba ganin Hajjo tawarke, sede Ameer da haryanzu yana zubar da miyau, kuma kanshi baya tsayawa, shima addu,a sukeyi mashi. Waya Zarah tayima Asabe tace taje gurin boka tafada mashi abinda yafaru, idan zata turama Jidda kudi a account tunda kince jiya tadawo ko,

Falak ce tare da Jalila suntaso daga islamiyya, sallama sukaji abayansu, juyawa Falak tayi, murmushi tasaki sannan ta amsa sallamar, jalila tace lah Malam Sameer ashe kaine? Yace wlh, kuwa inata sauri naga harkun taho, dama tambayarku zanyi yamejiki, Falak dasauki Malam dan tunda nayi mata wannan addu,ar shikenan bata kara zazzabi ba. Yace Alhamdulillahi kicigaba dayi mata addu,ar dakinga tafara irin zazzabin, tace to malam mungode, tare suka tafi harseda yakaisu kofar gida Jalila tayi mashi sallama tashige, Falak tace nagode sosai malam, bansan da mezan gode maka ba, Murmushi yayi yace dan wannan ai bawani abu bane, Allah yakara bata lafiya. Ya Exam dinku? Tace dasauki ai mungama Waec ma ranar monday zamufara Neco, yace to Allah yatemaka adage ayi karatu, nima dama hutu nasamu kuma yakusa karewa zankoma last semister dina.
Falak tace lah Malam ashe baka gama karatu ba, yace emana, tace wace makaranta kake to, yace a A,B,U Zariya nake, Falak tace amma baka dade dafara zuwa makarantar nan bako? Yace na dade mana, amma aikinsan makarantar 2 ce akwai ta yara data manya, toni da nafison koyama yara, shiyasa nake acan, to shugaban makarantar ne yace indawo nan, amma nibanaso,

Tace meyasa malam? Yace kinsan halin yanmatan yanzu basuda kunya shiyasa nafison yara, kuma gashi makarantar ba,a dukan manya kinga dole su raina malamai ko, Falak tace to aide ajinmu basa raina ka, ko? Murmushi yayi yace mace daya ce tagama rai nani , zaro ido tayi tace wacece? Yace Falak ce, da gudu yashige gida tana dariya. Shima dariyar yakeyi, shide harga Allah yanason Falak, sede yana tsoron yafada mata abinda ke ranshi taki amincewa.

Wanene SAMEER?

Sameer dan asalin garin kaduna ne, suna zaune a tundun wada, shi kadai Allah yabama iyayenshi, tunda yagama secondary school mahaifinshi yarasu, daga shi se ummanshi Halima suke zaune agidan, yan uwan babanshi bawani karfi garesu ba, hakan yasa suka kasa daukar nauyin karatunshi tunda result dinshi yafito, duk da mahaifinshi bawani kudi gareshi ba, amma yanada rufin asiri, tunda yanada gidan kanshi, dan karami, aciki suke zaune da Ummanshi, tanayin kosan saidawa da kuma markade, dahaka ta tara kudi tabiyama Sameer kudin makarantar dayasamu A Zariya, cikin ikon Allah yafara karatu cikin sa,a hankalinshi kwance, yake karatunshi, domin Sameer beda hayaniya,mutum ne me natsuwa, ga kokari.

Idan anyi hutu yana koyawa a islamiyya kuma yana zuwa shagon wani abokin babanshi yana aiki, da haka yake tara kudin komawa, Ummanshi tahada mashi da nata.

Dahaka haryakusa gama karatunshi, yanzu haryana shekarar karshe a jami,a wannan karin ne daya dawo bangaren yanmata da koyawa aka bashi ajinsu Falak, tunda yadora idonshi akanta yaji yana sonta sosai, sede ganin daga gidan fatake fitowa yasan tafi karfinshi, amma duk da haka yakasa cire sonta aranshi, Sameer kyakkyawane nakarshe yanmatan makarantar dayawa suna nuna suna sonshi, sede yaki basu fuska, baya magana da kowa, dalilin fara maganarsu da falak akan ciwon Ummanta ne, tundaga nan yasamu damar yimata magana.

Wannan kenan.

Bayan sati biyu da samun saukin Hajjo takara tashi da wani zazzabin, haka kullum Falak take yimata addu,a data sha ciwon yake sauki, bayan kwana 2 kuma yadawo, Ameer kullum ciwonshi kara fitiwa fili yake yanzu kowa yagane Abnormal ne, Hajjo duk tarame tayi baki, Falak ma tarame saboda abu 2 yahade mata, ga ciwon Ummanta ga Exam, damma sunkusa gamawa,

Alh, yarasa yanda zeyi gaba daya beda nutsuwa, sbd ciwon Hajjo, Zarah ma afuska kullum cikin damuwa take, hakan yasa tace ma Mairo takoma gurin Hajjo harseta warke, koda yaushe cikin turama Asabe kudi take domin akaima boka.

Ameer ma yarame saboda baya shan nono sosai, hakan yasa Alh, yace adena bashi nonon sbd zafin zazzabin datakeyi, madara yasiyo mashi Mairo tana bashi, abin yayima Fakak yawa ga malam Sameer takoma makaranta, ko no wayanshu batada.
Ahaka ciwo yayita cin Hajjo addu,a kam tana shanta, Aranar da su Falak zasu zana jarabawar karshe, dasafe tafito cikinshirinta, tashiga dakin Hajjo, kwance taganta, sede ayau setaga tayi haske, sosai.

Zama tayi akusa da ita tace Umma zantafi, kuma yau zamu gama makaranta, kinga se indawo inrika kula dake sosai, kinga Baba mairo aiki yayi mata yawa. Murmushi Hajjo tayi, kamo hannun Falak tayi ahankali tace, Falak bazan dena fada maki akowane hali kika tsinci kanki kiyi hakuri da irin rayuwar da tasameki, kuma inaso duk rintsi kada kijuyama Alh, baya, kome zeyi maki kidaukeshi tamkar mahaifinki, kamar yanda ba,a iya canza uba, haka nakeso kirike Alh, ko bana gidan nan banbaki ikon kibar gudan nan ba, sede aure ko mutuwa, ki kula da kaninki, banaso koda wasa rashin kunya tashiga tsakaninki da Zarah, ko Jidda,