You Cannot Download this book untill you login but you can read it .

---

Login Register

da ita Asabe tazauna Dije dazauna kusa da Asabe, suna jiran mutum 1, Asabe baki yakasa rufuwa sun sami duniya. Dije tace gsky Kawata nayi farin cikin haduwarmu gashi ta sanadiyarki zanzama babbar hajiya. Asabe tace kede bari wlh idan muka isa Lagos dole muyi kara,in yanmatancin mu baruwana da harka da tsofaffi, yara zansamu masu jini ajiki tunda inada kudi inkashe masu surika biyamun bukatata. Dije tayi dariya tace ashede kema kina irin tunani na. Kinsan hanyar Lagos batada kyau shiyasa nace asaka mana kudinmu abayan mota nace masu kaya ne, sbd kada wani yasan akwai kudi masu yawa acikin jakar, kinga baruwanmu da tunanin yan fashi. Asabe tace gsky kina da dabara. Dahaka mota tacika suka daga zuwa Lagos.

Sameer ne da Saleem da Falak, amota suna hanyar zuwa asibiti dan Falak tayi waya da Jalila take fada mata suna asibiti Jidda ba lfy shine suka wuce dubata dan tadafa mata Dady yana asibiti shima.

Waya takira Jalila tafito tayi masu jagora, Saleem se kallonta yakeyi yana murmushi, Sameer yace kun tsaya sewani sunne sunne kukeyi sekace bakin fulani, mude bamuson kilibibi. Saleem yace ina ruwanka sa ido, kasan kowa datashi kalar soyayyar. Falak tace Allah baka hkr kada kacinyemun miji, dariya suka saka baki daya.

Da sallama suka shiga dakin, Alh, yana zaune abisa kujera ya amsa sallamarsu, har kasa suka duka suka gaishe shi, ya amsa da fara,a suka tambayi jikin Jidda yace dasauki. Falak tace Dady ina kwana, mikewa yayi yana kallonta cike da mamaki, dede lokacin Zarah tashigo da sallama, cak ta tsaya ganin abinda yake faruwa, kowa hankalinshi yana kansu, babu wanda ma yasan da shigowarta. Ganin babu wanda yakula da ita yasa tayi saurin juyawa tafita, mota tanufa tayi gida dasauri hankalinta tashe.

Alh, yace Falak, tace na,am Dady, komawa yayi yazauna yadafe kanshi dan jiyayi yana juya mashi, Sameer ya matso kusa dashi yana fadin Alh, lfy de? Yace kiramun Dr, dasauri. Fita yayi shida Jalila suka kirawo Dr, yana zuwa Alh, yace bayajin dadi kanshi yana juya mashi, nan Dr, yace ya kwanta bisa dayan kadon yafita yakawo mashi magani yabashi yasha sannan ya aunashi, yace Alh, babu abinda yake damunka kila de rashin bacci ne yasama ciwon kai, amma ka kwanta kadan huta zaka samu sauki, godiya yayi mashi sannan yafita.

Ruwa Sameer yadauka yayi mashi adduo,i sbd dama kawunshi yafada mashi akwai asiri ajikin Alh, hakan yasa ya tofa mashi addu,a dan yasan ganin Falak ne yasa mashi ciwon kan. Cikin ikon Allah yana shan addu,ar yasamu sauki.

Zarah tana zuwa gida tashiga daki kamar zatayi ihu sbd tashin hankali, durowarta tabude tafara binciken sauran maganin mallakar da boka yabata tasama Alh, a abinci dayake tarage kadan. Ajiyar zuciya tayi dataganshi.

Kitchen tanufa domin doramashi abinci farinciki duk ya rufeta tana fadin wlh karyarki tasha karya kitonamun asiri, kai kuma Alh, zanga bakin dazaka samu damar yimani maganar Falak, dakaci abincin nan zaka dawo hannu, Dadi nama dayane, tana gidan mijinta bazasu samu damar zama su dade tare ba, kafin sukara sabawa nasan Dije ta isa gurin boka daga ranar kungama yawo. Kwance maganin tayi tajuyeshi acikin plate tayarda ledar ta ajeshi tadauko tukunya takunna famfo zata daurayeta. Maganin tazuba acikin tukunyar tazuba ruwa, tana fadin gara kutafasa tare nasan zefi jikuwa kuma zefi aiki, dauko tukunyar tayi zata dora bisa gas, juyawar dazatayi silbi yajata tafadi tukunyar tafadi ruwan yazube.

Wani irin ihu tasaka tana fadin nashiga ukku, shikenan tawa tasameni, tashi tayi takashe gas din tafita tana kuka, daki takoma tazauna tabuga tagumi tarasa meke mata dadi, wayarta ta dauko takira Asabe, amma akashe, wurgi tayi da wayar tasa kuka. Ganin kuka baze mata ba, yasa ta tashi tashiga wanka tana fadin ai nasan yarinyar tanada Imani bazata iya fadama Alh, abinda namata ba, kawai zan gwada mashi komai lafiya kafin wani lokaci aikin boka yafara, da wannan tunanin tasamu kwarin guiwa tashiga wanka.

Alh, yakalli Falak abin mamaki yaga hada ciki ajikinta, wasu hawaye yaji suna zubomashi yagoge yace Falak se kuma yayi shiru, tashi yayi yace haryanzu Zarah bata dawoba, kila bacci yadauketa, nara inje office inbada sako, daga can zanwuce gida banajin dadin jikina, tunda ruwan yakusa karewa zancema Dr, kutaho gida idan yakare kusameni agida.


Zaune suke afalo Alh, yace ma Jalila kirawo Umminku najita shiru, Cike da karfin guiwa Zarah tashigo tace a,a Alh, harkun dawo kunganni shiru wlh, kaina naji yana ciwo ina gama wanka nasha magani nakwanta kawai ina farkawa naga lokaci yatafi, sannunku.

A,a yau kuma amare ne agidan namu, ai dama nasan da kunji Jidda ba lfy zaku taho, hala Jalila ce tafada maku, zama tayi kusa da Alh, wanda yaketa kallonta cike da mamaki, danshi yaji ana fadin Falak amarya, kuma gata da ciki towai yaushe ma tayi aure? To tama gama karatunta? Shi yadade beji ankira sunanta agidan ba, bare kuma yasata a ido. Zarah takatse mashi tunaninshi tace Alh, munkusa samun jika agidan nan fa. Sameer, Saleem, Falak, Jalila harma da Jidda kallon mamaki sukema Zarah.

Alh, yace dan Allah kufitar dani duhu, naji kuna wasu maganganu wanda bansan dasuba. Zarah tayi murmushi tace Alh, kana nufin baka gane Falak ba? Yace a,a ammade nasan Ameer yarasu, Falak da Jalila sungama makaranta, nayi masu alkawarin wucewa wata, kuma gashi Jalila ce kadai tayi karatu ya akayi Falak batayi ba, hartayi aure nibansaniba? Zarah tace lallai Alh, da badan nasanka ba da se ince kasamu tabin hankali, kabada auren Falak da hannunka, kuma kazama waliyinta kabani kudi nayi mata siyayya sannan kace kamanta, haba Alh, kode ciwon mantuwa yafara samunka? Falak fa da bakinta tazo tace tasamu mijin aure bazatayi karatu ba, har na hana kace bakomai tunda mijinta yanada hankali setayi agidanshi.

Dafe kai Alh yayi sbd rudun daya shiga, ganin Zarah tana iya sakama shi ciwon kai yasa Sameer yamatso kusa dashi yace Alh, kada kasama kanka dogon tunani ba,a son irin wannan yana iya yawo maka matsala, addu,a yakama kayi hakane Ummi batayi karya ba, nine mijin Falak kuma kaine kabani ita kazama waliyinta idan katambayi mutanen unguwar nan zasu fada maka anyi haka. Alh, yagoge kwallan idonshi yace shikenan nagode Sameer, tabbas nasan akwai abinda yasameni, sede bansan komenene ba, amma naji dadi sosai tunda Falak tasamu miji nagari, Allah yabaku zaman lfy.

Falak inaso kiyafemun kada ace nakasa rike amanar da Hajjo da barmun, idan har akwai wani abu dana yimaki kiyafemun bansan awane yanayi nake ciki ba, sede zanyi yanda kace bazan tsananta bincike ba, sema ingodema Allah daya yayemun abinda nakeji. Nagode. Sosai. Gashi ankusa bikin Jalila kema Jidda naso ace kinsamu miji dase ayi tare, amma bakomai Allah yakawo maki mafi alkahiri.

Zarah tayi murmushi tace ameen, Alhn yace wai ina Baba mairo ne, haryanzu bata dawo bane? Zarah tace e kasan ai tadade bataje gidaba, dama tace zata kwana 2. Anan suka cigaba da fira sosai Falak taji dadi yau tana fira da Dadynsu wanda rabonta da haka tadade, tashi su Sameer sukayi suka masu sallama yace zedawo anjima yadauketa. Jalila tace tashi muje daki, Alh, yace a,a kuzauna anan munyi fira kinga anjima zata tafi. Zarah ta maka mata harara, tace Jidda tashi muje kiyi wanka kici abinci ki kwanta nasan kingaji. Haka suka zauna suna tafira cike da jindadi.

Tafiya sukeyi duk sungaji sunyi bacci harsuntashi, gashi magriba hartayi basu isa ba, Asabe tace kai, gsky Lagos akwai nisa, aini tunda nake bantaba tafiya menisa haka ba. Dije tace kede bari, sede dana tuna rayuwar jindadin dazamuyi idan muka isa se inji banajin gajiya. Asabe tace.........Innalillahi wa inna ilaihir raji,un shine abinda sukaji driver yana fadi, hakan yasa Asabe tahadiye maganarta suka maida hankalinsu ga driver. Meyafaru mukaji ana salati? Driver yace to jama,a Allah yahadamu da yan fashi kowa yafara addu,a. Tunkafin yagama maganarshi yataka burki ganin ansetasu da bindiga, parking yayi gefen hanya. Dije tace ma Asabe anshi wannan dubu 15 ne idan akace mubada kudi kibasu nima. Zan basu na hannuna, kada kifada masu akwai kudi ajaka, nasan dasun duba zasuga kaya tunda sauri sukeyi dare beyiba bazasu tsaya dubawa ba.

Kowa yafito, sukaji ana fadi, haka kowa yafito suka fara karbar kudi suna binciken motar, inyamura ana bude jakarta aka samu dubu 50, suka anshe nan tasaka kuka tana fadin nabani kuyi hakuri Oo, yarona beda lafiya zankai masi kudin magani, daya daga cikinsu yace kimana shiru ko in fasa kanki, aka zo kan Asabe ana buda jakarta aka samu 15k, suka dauke, ana zuwa kan Dije aka samu 20k itama suka kwashe, ganin sunsamu kudi agurin kowa yasa wani yace ya isa haka kuzo muware kunsan oga yana jiranmu gashi dare biyi sosai ba, kutashi ku bace mana anan, suka fara shiga mota, Inyamura ce tafara shiga se kuka,takeyi, sannan Asabe tashiga

Asabe ta kalleta ganin yadda take kuka yabata dariya tace inbanda abunki darashin dabara inrin taku yaushe zakitaho Lagos da kudi ajaka har dubu 50. Kinga sunyi maki hankali gobema seki kara tafi baki boye kudiba. Muyanzu wazece muna da miliyoyi acikin boot? Kuma gashi an anshi kadan zamu wuce abunmu. Driver yace wai mekuke jira ke ki matsa masu su shiga muwuce mana. Dije tace ai bansan wane irin surutu Asabe takeyima wannan matarba duk kintare hanyar.

Dasauri Inyamura ta ture Dije tayi waje tana fadi wallasi akwai kudi a boot. Cak kowa yatsaya yana kallonta. Dan fashi ya ce wane boot, tace amota. Dariya yayi yace kowa yafito, nan take jikin Asabe da Dije yafara rawa, Asabe tace nashiga 3 bakina yajamana. Anan aka fiddo kaya, aka ciro jakarsu, yace suwaye keda wannan jakar, su Dije suka ce mune, yace tokuzo nan, kai driver daga ina kuke, yace Kaduna, to kusauran kowa yashiga mota, suna bude jakar suka cire kayan sama anan suka ga makudan kudi, nan take suka maida ma kowa kudin shi suka ce sutafi subar su Dije anan,

Haka suka tafi suka barsu suna ta kuka, haka suka tasa keyarsu suka nufi gurin Ogansu, suna zuwa suka zazzage duka kudin, Ogan yace shegu, ina kuka samo wadan nan kudin haka? Wlh Oga wata inyamura ta temakemu muka samesu agurin wadannan, Yace sake dubamun jakar hannunsu, ana duba jakar Dije, aka ciro hotuna, yace Oga babu komai se hoto, yace mugani. Cike da mamaki yamike tsaye yana kara murza idonshi yace Hajjo, dama kina Raye??????

Urs,
NABILA RABI,U ZANGO
(Nabeelert Lady)
08028525263
[7/16, 12:28] Nabilat Author: 🙆🏻😭😭🙆🏻 AGOLAH!!! Nah
Marubuciyar Zamani
NABILA RABI,U ZANGO
(Nabeelert Lady)

@( H,O,N,A)

Part 120.....125

Wani irin murmushi Ogansu yayi, yace nadade ina tunanin wata rana zamu hadu, segashi cikin sauki nasameki ahannu. Kai, ya daka masu tsawa, a ina kukasan wannan matar tajikin hoton nan, mesuna Hajjo? Cike da fargaba Asabe tace wlh ba ita bace amma de itama mamarta sunanta Hajjo, kuma tarasu da dadewa, wannan sunanta Falak.

Murmushi yayi yace tabbas yarinya kingirma, harkin kai minzalin aure, kinzo adede dama ina bukatar abokiyar hutawa. A wane gari suke? E to dama de AGOLAH ce agidan diyar mijina, kuma bayan mamanta tarasu itama tayi aure. Mene? Aure? Wlh dasake, kinsan koni wanene agurinta? Kai Asabe tashiga girgizawa tana hawaye.

Kawun Babanta ne ni, kinga ko inada hakki akanta, to wai ku inama zakuje da makudan kudi haka, kuma mezakuyi da wadan nan hotunan, kode wannan shine mijin nata? Dan Allah yallabai kayi hkr, wlh muma bamu akayi mukaisu gurin boka shine mukuma mukace bazamuje ba, shine mukayi kokarin guduwa da kudin.

To waya aikeku? Diyar mijina ce, itace kishiyar Maman Falak, wannan kuma mijinta ne, shine takeso amallake, ita kuma Falak akasheta. Hahhhhh, kawai kicemun kuma maciya amana ne. Lallai tunda hadaku za,a hada baki akashemun jinina, lallai kuma zaku amshi rabonku, danni bana yafema wanda yashiga gonata.

Dije tace kawa Allah kayi hkr, mude kudauki koda rabin kudin ne, kubamu sauran mutafi, wlh dama can bamuyi niyar zuwa gurin wani boka ba, muma muna tausayinsu ai..... Saukar marin datajine yasata yin shiru, ke harkin isa kizo gabana kina fadin indauki rabin kudi inbaki sauran. To bara kiji, ko wadanda suka kawo kudin basuda hurumin karbar rabin kudin bare kuda muka kama, wanda lokaci kadan yarage maku aduniyar gaba daya.

Wayyo Allah nashiga 3,ni Asabe, ina zamana Dije kinja mani, gashi nan nibanyi kudiba, zan rasa raina abanza, nide Allah ya isa tsakanina dake, duk kece kika sakani cikin wannan bala,i. A,a kada kidoramun laifi, dama can da bakin halinki kikazo garinmu, keda kika kashe mazajenki har 2, kuma kike fadin nina koya maki bakin hali.

Ya isa,,,,,,,., Ashe de kuma kananan yan ta,adda ne. Lallai kunyi kokari. Duk ku saurara, banida lokacin batawa, ke a ina zan iya samun Falak? Wlh nima bansan gidansu ba, amma de nasan gidan diyar mijina. Ok, fadamun dan sauri nakeyi.

Idan kaje Unguwar sarki kaduna duk wanda ka tambaya Alhaji Abba Bala, yasan gidan. Da kyau, kai mugu gama masu aiki kasan ni bana barin baya da kuurah. Tasssss kakejin karar bindiga andauke Asabe da Dije. ( se ince karshen Asabe da Dije kenan, dama duk wanda ya gina ramin mugunta, wata rana shine ze fada. Allah yatsaremu, sunyi 2 babu).

Mazaje, kowa yafara shiri, gobe da asuba zamu dauki hanyar kaduna, bansan ranar dawowarmu ba, harsena cika burina na tahowa da Falak, tunda munsamu isassun kudi bamu da damuwa, kudauki jakar kudin muware, lallai yau munyi babbar sa,a. Daukarmun hoton fuskarsu awayata, hakan zemun amfani idan naje gidan, diyar mijinta.

Sedare Sameer yazo yadauki Falak suka wuce gida, Zarah ko sallama bata bari sunyi ba, har mota Jalila da Alh, suka rakosu, Alh, wani irin farin ciki yakeji. Sameer yace Alh, gobe zanzo indaukeka a office kawuna yana son ganinka, yace lallai muje tare akwai wani temako dazeyi maka. To to babu komai, Allah yakaimu, bara insamaka no ta idan kazo seka kirani, yauwa gata, zantura maka da address din office din. Sallama sukayi masu, Falak kamar kada ta tafi takeji.

Kwance Jidda take abisa gado tana tunanin halin datake ciki, gashi cike take da bukatar namiji idan takira Viju akashe, tarasa yanda zatayi, murmushi tayi, tace wlh bazan tausaya ma duk wanda yanemeni da bukataba, yanda aka likamun cuta kowama yasamu badamuwata bace, Allah yakaimu inkara samun sauki, dole insamo me biyamun bukatata, meza,a fasa, tunda harnazo gargara, ai gara kawai incigaba da shakatawa ta. (Lallai kinyi kuskure Jidda, Allah yashirya). Tashi tayi tabude jakarta tadauko maganinta tasha sannan ta kwanta.

Zarah kuwa aranar kasa zuwa dakin Alh, tayi adakinta tayi kwanciyarta sbd batason yawan tambayar da Alh, yake mata, ga abin duniya yafara isarta, takira no wayar Asabe yafi akirga, amma bata shiga, gaba daya ta gama shiga tashin hankali, addu,a kawai take Allah yasa lfy. Amma ta kudira aranta dole gobe taje Zariya. Da wannan tunanin tasamu bacci yadauketa.

Kuyi hkr da wannan.
Urs,
NABILA RABI,U ZANGO
(Nabeelert Lady)
08028525263
[7/16, 12:31] Nabilat Author: 🙆🏻😭😭🙆🏻 AGOLAH!!!Nah
Marubuciyar Zamani
NABILA RABI,U ZANGO
(Nabeelert Lady)

@(H,O,N,A)

Part 125.....130

Karfe 9 na safe Zarah tagama shiryawa tasami Alh, afalo yagama cin abinci yana shirin fita. Bayan sun gaisa, tace Alh, dama zuwa nayi infada maka inaso inje gidan, dan jiya mafarki Baba nayi wai beda lafiya, shine nace gara inje indubashi na dade banje ba. Mamakin kalamanta yayi, dan a iya saninshi Zarah bata taba cewa zataje taduba Babanta ba, sede idan wani uzurinta ya tashi, yace tofa, ai mafarki ba gaskiya bane Zarah, insha Allahu zaki sameshi lfy. Shikenan sekin dawo, amma dan Allah kada kiyi dare kinsan banason tukin dare. Kudi yabata yace tayi mashi siyayya, yakaramata wasu yace idan taje tabashi kuma tace yana gaisheshi. Godiya tayi mashi yatafi itama tayi masu Jalila sallama ta tafi.

Alh, yana zuwa office bayan yagama abinda yakeyi, yaji kiran Sameer, nan yahada kayanshi yafita yasameshi awaje, bayan sun gaisa, Sameer yace ina ganin ka aje motarka semu tafi atawa, haka akayi suka nufi gidan Kawu.

Bayan sungaisa, Kawu yafara magana, agaskiya Alh, ka tsallake rijiya da baya, tun ranar da mukaje neman auran Falak na ganka, nasan akwai abinda yake damunka, gaskiya Alh, kana sakaci da addu,a kasan ita makamin mumunice, duk wanda yariketa, to koda wani abu zesameshi yakan zomashi da sauki. Hakan yasa asirin da akayi maka yayi tasiri akanka. Amma alhamdulillahi yanzu babu komai ajikinka, sede muce Allah yakara karewa, kuma kaima kadage da addu,a.

Alh, yanisa yace tabbas Malam nima naji alamun haka tunbayan da muka hadu da Falak a asibiti, kuma naji labarin da bansan ya akayi ba, adaren jiya sam banyi bacci ba, duk da nace bazan tsananta binciken halin dana shiga ba, amma ajiya nayi nazari sosai, kuma zuciyata tafara zargin wani abu, sede kasan ance zargi beda kyau koda yakasance gaskiya ne, hakan yasa nabar abun kuma nima nayi alkawarin dagewa da addu,a tabbas nasan nayi sakaci abaya, amma yanzu hakan yazamar mani darasi.

Kuma ina baran addu,a awajenka, Malam yace babu damuwa Alh, muna temakon wasu ma, bare kuma nagida, kuma nima shawarar dazan baka kamar yanda kace kana zargin wani abu, to kabarshi ahaka, kada kayawaita bincike, kasan kome mutum yakeyi Allah yana ara mashi rana ne, wata rana dole asirinshi ze tonu.

Abu nafarko dazaka farayi shine karika tashi cikin dare kana sallar dare, kasan Allah yace yana saukowa akowane karshen dare kuma yana amsar addu,ar duk wadanda suka rokeshi a wannan lokacin, ka yawaita karatun alkur,ani, da sadaka suma suna temakon mutum, yawan ambaton Allah safe da yamma, azkar dinka kullum dummin saurin da kakeyi kada kabari suna kubucemaka, koda kana tafiya amota ne, idan ka haddacesu to kasamu kafin ka isa inda zakaje kayisu. Allah shine mafi sani, wannan ruwan addu,a ne danayi maka tunjiya, kashanye yanzu, wannan kuma idan ka koma gida kazubashi aroba kawanke jikinka duka, insha Allah zakaci nasara akan duk wani menemanka da sharri.

Godiya sosai Alh, yayi mashi hada kukanshi, yakawo kudi yace gashi ayi sadaka, daga nan sukayi sallama Sameer yamaidashi office, yana zuwa ya dauki motarshi yanufi gida. Yana zuwa yashiga yayi wanka da ruwan maganin da aka bashi yadauro alwala yazauna yana karatun qur,ani.

Zarah kuwa tana zuwa gidansu taci karo da Babanta yana shirin kulle gida. Tsayawa yayi yana kallonta cike da mamaki, danshi har yamanta rabon daya ganta, tana fitowa daga mota tace Baba ina kwana, yace lfy lau Zarah ashe kina duniyar? Dukar da kanta tayi tana wasa da makullin motar tace wlh kuwa Baba kasan aiyuka ne sukamun yawa. Yace e gsky kam naga alama.
Yanaga kana shirin kulle gidan ina Innar take? To shigo daga ciki tukunna.

Bayan sunzauna, ya kalleta yace Asaben bata fada maki abinda yafaru ba? Saurin kallonshi tayi tace aini rabona da ita tun ranar litinin, kai ya jijjiga yace to ai tundaga ranar nima bankara ganinta ba, dan yanzu bama tare da ita, aranar lahadi tazo tace insaketa zata bar garin, nikuma na sawake mata tundaga nan bankara ganinta ba. Wata irin zufa ce tarika keto mata, tafara fifita tace nashiga 3 yanzu Baba bakasan inda ta tafi ba? Murmurshi yayi yace ai kunfi kusa ni ina zansan inda taje, dama ni asama naganta, bansan kaddarar data kaini aurenta ba, kuma gashi Allah yarabani da kaya, bana fatan musake haduwa da ita.

Shiru tayi tafiddo wayarta tana kara kiranta amma haryanzu shiru. Abinda bata saniba, tun atasha Asabe ta karya sim dinta tace setaje Lagos zata sayi wani. Baba kuma wayarta kullum akashe, dariya yayi yace toni Zarah yakikeso incemaki, kowa yasayi rariya ai yasan zatayi zuba, saboda haka kije gidan kawarta Dije kozata fada maki garinsu. Ai Baba Dije bata nan, kuma bansani ba kota dawo, gashima ni bansan gidanta ba. Kanshi yagirgiza yace waini Zarah me Asabe zatayi maki ne kike nemanta? Babu komai Baba, kawaide ina nemanta ne, kasan banida wata. Uwa data wucemun ita shiyasa hankalina yatashi danaji kace bata nan. Seda yaji kwalla tacika mashi ido jin kalaman Diyarshi, tabbas tausayinta yashigeshi, sede Asabe tayi mata mummunar huduba. Share kwllar datazubo mashi yayi, yace shikenan Zarah, amma de inaso kisani Asabe ba macen kirki bace, kada kicigaba da nemanta babu abinda zaki saku agurinta se halaka, kiyi hkr kamar yanda Allah yarabani da ita kema kidauka rabuwarku alkhairi ce.

Kallonshi tayi cike dajin haushi tace Baba nide kasa wani yarakani gidan Dije sauri nakeyi zankoma. Murmushi yayi yace Zarah kibi duniya ahankali wlh ina tausaya maki duk ranar da duniya zata juya maki baya. Tashi tayi tace nide zantafi, dubu 1 taciro tace ga wannan kayi cefane, yace A,a kirike kudinki zasuyi maki amfani ahanya niyanzu bana bukatar komai, Allah yayima Jalila albarka, tabbas yarinyar nan yar halak ce, tayi mani abinda wadda na haifa takasa.

Tashi muje innuna maki gidan, kudinta tamaida jaka tana gungunai tayi gaba, har kofar gidan Dije yarakata, ya hadu da wani abokinshi makwabcinta, shi yatambay ko tadawo. Yace ai malam Garba Dije da kawarta sunyi hijira bazasu dawo garin nan ba, dan harta saida gidanta da komai nata, nima kiya medakina take fadamun tashiga gida tasamesu suna ta shiri, suke fada mata sukam sunci gaba. Zarah jitayi kafafuwanta suna rawa, zufa kawai take fito mata, da kyar tace to Baba nizan koma, yace to yayi kyau, Allah ya kiyaye kigaishemun da Jikanyata Jalila, haka tanufi mota yana binta da kallon tausayi. Da kyar taja motar ta tafi, ikon Allah ne kawai ya kaita gida, tana zuwa tashige dakinta ta kulle tafara kuka.

Karfe 4 na yamma su Figo kawun Baban Falak suka shigo kaduna, cikin shiga ta mutunci, idan kagansu sekadauka irin manyan yan shiyasa ne, hotel suka nema suka kama daki 2 shi yadauki daya yabasu daya su 3.

Se karfe 6 suka fito shida babban yaronshi Jungle suka tari taxi suka fada mashi inda ze kaisu, suna zuwa unguwar suka sami wani suka tambayeshi gidan Alh, Abba Bala, nan take yanuna masu gidan, godiya sukayi mashi, Figo yaciro wayarshi yasa akunne kamar mekiran waya, can kuma yacire yace wayarshi akashe take kawai muje ma dawo gobe, banason shiga baya gida kasan matarshi bazata barni infito ba, zatace sena jirashi. Kallonshi Jungle yayi Figo yayi mashi signal da driver, murmushi yayi yadaga mashi hannu, suka koma hotel, bayan sun sallami driver Figo yace kasan bana aikina da ka, haka kawai muje guri da driver kuma mu tambayi gidan mutum ana nuna mana kawai mujuya ai kowaye ze iya zargin wani abu. Jungle yace gsky Oga aiki da kai akwai karuwa.

Zaune suke afalo Falak tayi matashi da kafar Sameer, shi kuma yana wasa da cikinta, yace dear idan kika haifa mun mace sunan Ummanki zansa, Idan kuma na kiji ne, sunan Babana zansa, shiru yaji tayi batace komai ba, dukowa yayi yana kallon fuskarta, gani yayi hankalinta baya gurin, girgizata yayi, tayi saurin kallonshi. Meye haka kikeyi Falak, bakisan yanzu bake daya bace, kike irin wannan tunanin, kuma ko ke dayace ma aikinsan banason dogon tunani ko. Murmushi tayi tace kayi hkr wlh ina tunanin Dady ne, ina tausayinshi, nasan Ummi bazata kyaleshi haka ba. Babu abinda zata iya kara yimashi, domin yanzu yafi karfinta, kawai mucigaba dayi mashi addu,a. Shikenan, Allah yakara tsaremu, yace yauwa kokefa, ameen, tashi muje kibani abinci dagata yayi suka nufi daki suna dariya.

Washe gari da misalin karfe 10 nasafe, Jungle da Figo suna daga gefe suka ga motar Alh, tafita. Figo yace yauwa, yatafi muje, suna zuwa suka kwankwasa kofar, megadi yabude, bayan sungaisa, Figo yace ni suna Lado, munzo gurin Alh, ne. Megadi sewashe baki yakeyi yaga manyan kutane, yace yanzu kuwa yatafi office, amma ku kirashi mana. Aa, barshi kawai idan hajiya tana ciki kafada mata zamu bata sako seta aje mashi, yace toshikenan kushigo ga banci nan kuzauna, dasauri yanufi cikin gidan, Karo sukaci da Jalila bayan sungaisa yace tayima Hajiya sallama wasu mutane suna son bata sako ta ajema Alh.

Adaki tasameta kwance tana tunani, tace Ummi wai kizo wasu kutane zasu baki sako ki ajema Dady, tace kash nifa banason yawan damuwa kije kawai subaki, tace a,a Ummi idan kuma sakon kudine fa, ai kinga keyakamata subama, saurin tashi tayi jin ance kudi, gyalenta ta dauka tafita.

Bayan sungaisa Figo ya matsa kusa da ita ahankali yace bagurin Alh, muka zoba gurinki mukazo kuma munzo da magana me mahimmanci amma idan kinasonji zamu iya matsayawa daga nan, harararshi tayi tace nikuma a ina nasanka, murmushi yayi yace amma idan baki sanni ba, kinsan Asabe da Dije ko?

Cike da fargaba tacee kushigo, murmushi yayi yace abokina muje ta matsa semunsha ko ruwane, megadi yace ai gaskiya ne, sekunfito. Bayan sunzauna afalon baki tace dan Allah ina kasan