You Cannot Download this book untill you login but you can read it .

---

Login Register

kawo kansa gidansa yana had'a hanya kamar Wanda yasha wani Abu.


Taji sanda aka bud'e k'ofa Amman bata san ko waye ba don ko d'aga idonta bata iyayi tsabar kukan da taji gashi ko tafiya ba zata iyayi ba saboda azaba.


Wani Abu suka busa mata kamar ranar da suka d'auko ta har suka kawota k'ofar gidansu bata San anzo ba.


Alokacin kusan k'arfe 8na dare ne,suka ajje ta a hankali a soron gidansu,suka taho a hankali cikin sand'a suka shiga mota,alokacin Malam ya dawo daga Sallah ya hango fitowarsu daga Gidan tun kafin ya iso wajen suka shiga motar suka jata da k'arfi suka fita daga layin baki d'aya.


Salati Malam ya saka bayan ya haska soron ya ce"Mumtaz ke ce me suka yi miki,Innalillahi Wa inna Ilaihi Raji'un."





Ummu Maher ce.
*AKAN AIKI NA*



_Ummu Maher (Miss green)_



48&49

Tsananin tashin hankali ranar Mlm ya yi shi,don ganin y'arsa tilo a k'asa kamar gawa baisan yanada wani k'arfi ba, sai yau don gaba ki d'aya ya d'auki Mumtaz ya yi cikin Gidan da ita yana kwallawa Umma kira,da gudu itama ta fito har tana tuntub'e jin ya ambaci sunan Y'arsu Mumtaz,Tayashi rik'e Mumtaz ta yi tana cike da tsoro don ganin y'ar tasu kamar gawa a d'akinta ta kwantar da ita tana faman yayyafa mata ruwa Mlm kuwa yarasa tudun dafawa ga y'arsu Amman tana cikin wani hali Wanda basai an gaya maka irin wahalar da tasha ba,ta rame ta k'anjame abun tausayi wata kwallah Malam ya share yana k'ara kallon fuskar Mumtaz wadda ta ke cikin wani hali na wahala.



Wata irin ajiyar zuciya Mumtaz ta saki a hankali jin hannun Ummanta ajikinta don koda bata bud'e idonta ba tasan waye don bazata tab'a manta sanyin jikin Mahaifiyar taba,da sauri ta rungume Umman tana k'ara sautin kukanta,Malam ma cike da tausayi ya ke kallonsu.


"Don Allah Umma kada kuga laifina Wallahi d'auke ni a kayi aka kaini wani gida aka yi ta azabtar dani AKAN AIKI NA,wallahi Umma kodon samun kwanciyar hankalinku daga yau nabar Aikin Jarida don samuwar kwanciyar hankulanku keda Mlm,sai ta k'ara rungume Umma d'in tana k'ara sakin wani irin marayan kuka na tausayin kanta dana iyayenta.


Likita Malam ya kirawo ya duba Mumtaz d'in tare da yi mata allurai nan da nan sai kuwa bacci ya d'auke ta awajen,Malam yasan Mumtaz zata iya tashi tana jin yunwa don haka ya siyo mata Shayi da baredi hakan kuwa a ka yi tana tashi daga bacci cikin dare Umma ta bata shayin da buredi ta cinye tas kamar mayunwaciya,Umma kuwa tana zaune tana kallon y'ar ta cike da tausayi,koda ta gama kwanciya ta k'ara ba ita ce ta tashi daga wannan baccin ba sai k'arfe 9na safe,tana tashi Umma ta gama dafa mata ruwan zafi,ai kuwa taji dad'in ruwan zafin don ta gasa jikinta don haryanzu tana jin azaba dauriya kawai ta ke yi.


Umman ta kula da haka shiyyasa ma kafin ta fito daga wankan har ta had'a mata abin karyawa tare da ajje mata magani har ma da kayan canzawa,Mumtaz kuwa ta ji dad'in ruwan zafin don ta gasa jikinta sosai kuma Alhmdh ta fara jin dad'in jikinta don har tafiyarta ta fara dawowa dai_dai abinci ta ci sosai nanmq kamar mayunwaciya Umma kuwa tana ta kallonta har dai ta kasa hak'uri tare da cewa"İn ce dai basa baku abinci Mumtaz don daga yadda ki ke cin abinci ya isa ka tabbatar ballanta na duk wanda yaga ramarki yasan dole kinsha wuya".


"Ruwan fiyowata ta k'urba mai d'an sanyi tana jin bugun zuciyarta na k'aruwa na tsoro tare kuma da tausayin iyayenta dama ita kanta," kinyi shiru Mumtaz don wallahi ni nasan wad'annan mutanen koma su waye to basu da imani,an mayar da talaka tamkar wani banza ayi ta cutarsa ana zaluntarsa don an san babu mao tsaya masa,to Ai akwai Allah shi zai shige mana gaba,kuma koda baki fad'a ba Mumtaz daga yau kin daina aikin nan tunda abin ya soma da haka,kai duniya da mutum ya ce zaiyi gaskiya shikkenan ya zama nama awajen mutane,Allah dai ya shige mana gaba."



Har Umma ta gama maganarta bance da ita k'ala ba don ni kad'ai nasan halinda zuciyata ta ke ciki,araina kuwa ina k'ara jaddada rashin tausayi irin na Muta'z baya tunanin shima zai haihu?koma dai ba haka ba ai yana da k'annai me ya ke tunanin zai faru idan hakan ta faru y'an uwansa tabbas tasan hakan sai ta faru ko ba yauba wanda ya yi da kyau ma ya ya k'arke ballan tana wanda bai yi da kyau.


Ni kuwa Ummu Maher na ce Allah ya shiryar samu cikin shiriya madai_ daiciya Amin.





*GERMANY*


Shiri ya ke sosai na komawa gida don ba k'aramar murna ya yi ba jin Hajiyarsa ba ta k'ara yi masa magana Akan Auren da ta ce za ta yi masa ba,gefe d'aya kuma na zuciyarsa yana k'ara jin dad'i don ayau zai had'u da sanyin idaniyarsa,duk da Rabonsa da ya yi waya Manager na wajensu Mumtaz har ya manta don Aiki daya sha masa kai.



Baba megadi yana lek'owa ya hango ubangidansa wato Mukhtar ya washe baki yana jin dad'in ganinsa,sannu da dawowa ya yi mai sannan suka gaisa cikin mutuntawa don yana matuk'ar ganib darajar Megadib don mutamin arzik'ine,haka shima Baba megadin yana matuk'ar ganin darajar Mukhtar don mutumin kirki ne tsabanin Hajiyarsa da igiyar kud'i ke janta don ko gaisuwarsa bata fiye amsawa ba.


Da murna ya shigo gidan nasu don rabonsa da ganin mahaifansa da k'annansa har ya manta,shiyyasa ya ke Allah² da ya gansu sannan ya tafi wajen sanyin idaniyarsa.


Yana shiga main farlon gidan nasu ma'ana babban farlonsu ya hango Hajiyarsa cikin kwalliyar wani tsadaddan leshi mai matuk'ar kyau da tsada sam bai kula da wanda ke wajanba ya taho da sauri yana mai jin matuk'ar jin kewar Hajiyarsa ta sa,Sakinat ce ta shi haushi da bak'in ciki da suka gama cika mata zuciya don ganin ko kallonta Mijin nata baiyi ba,duk da shi har yanzu bai san da cewa Anyi masa Aure ba,Tsananin zafin da Sakinat taji ne yasa ta buga uwar k'ara don taka ta d'in da Sir Mukhatar ya yi wanda shi ba da gayya yayi ba don bai ganta ba harga Allah.





*Ummu Maher ce✍🏻.............*
*AKAN AIKI NA*


_Ummu Maher(Miss green)_



50&51

Juyowa Mukhtar ya yi da sauri don jin ihu a bayansa,sai a sannan ya kula da Sakinat y'ar Gidan k'anin Babansa da ke Abuja.


"Sakinat yaushe ki kazo gari ?haushi da b'acin rai suka taru suka yi wa Sakinat yawa don haka sai ta yi shigewarta d'akin Hajiyar Mukhtar,Y'ar dariya Hajiya ta yi sannan tabi bayan Sakinat don tana son Sakinat Sosai don ita da uwar Sakina Aminai suke tun kafin su Auri y'an gida d'aya.




Sororo Mukhatar ya d'aga kafad'a alamar ko a jiki na ya yi sannan ya wuce dining ya fara bud'e kulolin abincin tuni ya zauna ya cika tumbinsa sannan ya shiga d'akin Hajiya,Sakinat tana zaune kusa da Hajiy a ta cika fam kamar zata yi kuka.



Nuna masa waje Hajiya ta yi Sannan ta ce ina son ka nitsu kaji abinda zan gaya maka,Tun yanzu zan fad'a maka duk d'an da baya farantawa iyayensa sunansa matacce don yana Raye ne Amman kuma matacce ne.



Yanzu zamuje sama Alhaji yana nan daman don yana wani aiki ne daka dawo ban CE ka shiga ba Amman yanzu zamuje,haka Mukhtar ya din ga bin Mahaifiyarsa har zuwa sashen Babansa.




Gaishesa Mukhtar ya fara yi sannan ya tambayesa ya aikinsa ya ce komai Alhmdh,Nan dai Abba ya fara nasiha da jawabi sannan ya wuce kai tsaye ya gaya masa Auren da sukayi masa ba tare da ya Sani ba,tunda Abban ya fara magana kansa A k'asa yana jin kansa kamar zai tsage,koda Abban ya ga haka sai ya cewa Hajiya su tafi,bayan sun tafi ne Abban ya cigaba da yi masa nasiha tare da yi masa albishir d'in duk Wanda ya keso ya kawo masa ita shi kuma in dai mutuniyar kirki ce zai Aura masa,Amman sai ya kula da hakkin k'anwarsa kuma matarsa,Sannan Abba ya ce mai zai fara zama Anan Gidan kafin suga yadda zaman zai kasance,Don gidansu yana cen komai an zuva da kuma masu kula da Gidan kafin a tare.


Koda Sir Mukhtar ya fuskanci Abbansa a zuciyarsa ya CE indai zaka yadda da zab'ina Mumtaz to nima zanso Sakinat kuma zan sota tare da yi mata adalci.



Hajiya kuwa shirya y'arta ta yi sosai,suna yi Sakinat tana mita Hajiya ta mik'o mata wani turare wai ta fesa,ta amsa tana k'un k'uni Hajiya ta ce.


"Yanzu Sakinat a haka zaki mallaki mijin kina sakarci?" To bari kiji matuk'ar kinason Mukhtar ya soki to sai kin koyi abubuwa da dama don janyo hankalinsa ya soki.


Haka Hajiya ta ringa yiwa Sakinat nasiha har ta d'auka tana yiwa Hajiyar godiya,don Sakinat yarinyace shekararta19 don haka Hajiya ta bada k'aimi wajen saito ta kan Hanya,don Hajiya akwai ilimin zama da miji,kissa kisisina da dai sauransu.







*MUTA'Z*

Yana zaune idonshi Alumshe kamar yana bacci Amman ba bacci ya ke yi ba,yana tunanin yadda har ya iya rashin imani wajen ketawa yarinya haddin ta,Shin yanzu idan K'anwata a kayi wa haka yaya zanji?wani Abu ne ya tokare masa k'irjinsa tsantsar tausayin yarinyar ya ke ji Sosai,a haka har Mimee ta sameshi tana kallon yadda ya zurfafa a tunani,ko kusa Mimee irin matan Nanne da idan miji yana wani hali ta kansu kawai suke ko ya mutu ko yayi rai,Apple d'inta ta d'auka tana ci tana lumshe ido don yanzu ta zama Miss Apple.






*MUMTAZ*

Ta warware sosai ta yi Y'ar k'iba don yanzu Baba yana sana'ah Babansu Amal ya turo mai kud'i masu kauri ya tada shagonsa damk'am da kaya yana sa'ah,kuma su Amal d'in ma sun kusa dawowa.




Tunda abinnan ya faru tsakanin Muta'z da Mumtaz shikkenan ta fara zazzab'in dare ta rasa na menene ga wani uban kwad'ayi.






*MISS GREEN CE........*✍🏼
*AKAN AIKINA*

_*Ummu Maher*_
(Miss green🌱)

52&53
......Umma ta ce"yanzu Mumtaz haka zaki yi ta zama kina kwad'ayi ba zakici abinci ba sai kwad'ayi?"Umma wallahi kwad'ayi kawai na keji ki barni in samu inci faten nan don Allah,taliyarce mutum gajiya ya ke yi da ita.

"To gashi je ki siyo kifi ki saka ciki nasan zaifi dad'i,da fara'ata na amsa ina godiya ina cewa Umma ta zama Hajjaju,dariya ta yi sannan ta ce" Allah yasa Y'ar nan don maka akwai dad'i,ina dariya na saka hijab d'ina sabo Wanda Mlm ya siyomin sabo ne ruwan kalar kwanduwar kwai,kasamcewa ta ma d'an hasken fata sai nayi kyau sosai,gashi Hijab d'in irin mai facemask ne,sai yayi min kyau kamar nayi roling da man wando irin bujennan sai nayi kamar matashiyar Ba indiya.



Wani irin fad'uwa gaba na ya yi ganin Sir Mukhtar a k'ofar gidanmu yana jikin window d'in motarsa yana face d'in k'ofar gidanmu cikin wata tsadaddiyar motarsa jip mai kyau kalar bak'a.


Fara'ata na rage sannan na wuce shi sai dai harga Allah nima banji dad'in wuceshi d'in da na yi ba,don ko babu komai Sir Mukhtar bai cancanci haka agareni ba bisa yadda ya yi namijin k'ok'ari wajen kula dani da iyaye na.


Da k'er ya fara magana har muryarsa tana sark'ewa kamar wani mai jin tsorona.



"Mu.."
"Mu.."
"Mumtaz"

Juyowa na yi ya yinda na hard'e hannayena saman k'irjina sannan Na ce.

"Na'am"

Cikin siririyar voice d'ina mai matuk'ar da d'i,kallonsa kawai na ke yi yadda ya canza ya zama fari ga k'ibar da ya k'ara,da ka ganshi kasan kud'i sun zauna ajikinsa.



"Don Allah don Annabi Mumtaz ki yi hak'uri ki ya feni nasan na yi matuk'ar yi miki laifi,da abinda na aikata miki Amman wallahi hakan ba zai k'ara faruwa ba wancen ma tsautsayi ne please".

Ya had'a hannayensa kamar zaiyi kuka,ni kuwa na waskata bakina gefe tare da fari da idanu kuma har yanzu hannayena suna k'irjina.


To sak'anin Masoya babu mai shiga don matuk'ar ka shiga ma Kaine zaka ji Kunya.

To hakan CE kuwa ta faru tsakanin Mukhtar da Mumtaz biyo bayan hak'uri da Sir d'inta ya dinga bata sai ga Mumtaz har tana wangale baki,hakan kuwa ba k'ara min sanyaya zuciyar Mukhtar yayi ba duk burinsa bai wuce yaga Mumtaz da iyayenta suna cikin farin ciki ba.


Da sauri Mumtaz ta shiga gida don gayawa mata Sir Mukhtar ya dawo yana waje,yanzu zai shigo su gaisa,Umman ma ta yi farinciki sai dai har yanzu bata daina d'ar_d'ar da al'amarin Mukhtar d'in ba.


Kud'i ya ajjewa Umma sannan yayi mata albishir da zai turo magabatansa a satinnan,Umma ta yi farinciki sosai tare da sanyawa Mukhtar d'in albarka.






......Hajiyar Mukhtar taja dogon numfashi Sannan ta kalli Maman Sakina ta ce"kinga abinda nake gaya miki ko?yarinyar da ita da Matsiyatan Iyayenta sun gama da Mukhtar.


Hajiyan Sakina ta ce"kinga tunda har ya dad'e bai fito daga cikin gidanba me zai hana mutafi koma me zamu yanke idan munje Gidan ma yanke.






_*Ummu Maher ce👌🏻*_
*_Ummu Maher_*

*AKAN AIKI NA*


54&55
.........Wani wawan Mari Hajiyar Mukhtar ta wanka wa d'an nata sannan ta nuna shi da manuniyarta ta ce.

"Sha_sha"

Mara sanin darajar iyayenka wato Mukhtar har yanzu daman baka daina kula wannan matsiyaciyar yarinyar ba,y'ar matsiyata jikan matsiyata,har yaushe ne aka d'aura maka Aure da zaka dinga bibiyar wannan munafukar yarinyar,shiyyasa Dana ga ka fita na bika don ni yanzu har tsoro kake bani.


"To wallahi kaji narantse ka sake ka k'ara komawa wajen wannan tsinanniyar yarinyar saina Tsine maka!Saina tsine maka!!


Wani jiri Mukhtar ya fara ji da k'er ya kai kansa d'akinsa yana kuka wiwi kamar yaro.




Mumtaz kuwa washegari tana ta zuba idanu koda zata ga Sir Mukhtar shiru haka kawai gabanta ya dinga fad'uwa,dauriya kawai ta ke yi Amman gaba ki d'aya bata jin dad'in jikinta.


Da daddaren ta daure ta tafi Asibiti,sai dai tayi matuk'ar Dana sanin zuwanta asibiti domin kuwa an shaida Mata tana d'auke da ciki har na wata biyu.



Ihu Mumtaz ta saka a asibitin da k'er wata nurse mai suna NAWWARA ta cikin Doctor nawwara na Ummu Maher, hak'uri ta dinga bata sannan Mumtaz ta bata lbrn abinda ya faru da ita bayan wata 2da suka wuce na saceta din da akayi,sai dai bata fad'a mata kowa Nene ba.



Bayan ta dawo daga asibiti ta shige d'akinta tana tunanin rayuwarta, Umma CE ta shigo mata da indomie.



" Maza ta shi Kici abinci shiyyasa ma na dafa miki ita nasan zaki ji dad'inta.


Tausayin iyayenta ne ya kama ta kamar ta yi musu kuka.




Ciwo fa ya sako Mumtaz a gaba yau ciwo gobe lfy, Umma kuwa ta ringa zabga mata magungunan musamman na shawara don ta ce Shawara ce da ita.


Har darbejiya da lemon tsami ake mutsika mata ta sha Abu dai sai gaba ya ke yi,gashi Babu Mukhtar babu dalilinsa,abun duniya yayi wa Mumtaz yawa,a kullum kwanan duniya sai ta tsinewa Muta'z a bisa cutar rayuwarta da yayi don yana matsayin d'an mekud'i.



Sand'a_sand'a Mumtaz ke yi har ta fito waje alokacin Mlm bai dawoba,cen ta fita wani chemist da ke bayan unguwarsu.



Sallama ta yiwa likitan sannan ta amsa ta shigo ciki,Maganin ciwon ciki ta CE ta bata,ta d'auko mata sannan ta bata kud'in ta fito.


Tana shigowa Gidan Umma na fito wa daga d'akinta.



"Mumtaz!ina kika ne na lek'o ban ganki ba?"


"Eh wallahi"


Na je na siyo paracetamol na lek'o kin fara bacci shiyyasa,ta fad'i hakan tana bud'e randa don shan maganin.




D'aki ta koma ta fara bacci,Mlm yana shigowa ya rufe musu gida,sannan yayi musu albishir su Amal,zasu dawo gobe murna sosai sukayi suna addu'ar Allah ya kawo su lfy.




*Washegari*

Mumtaz ta fito daga wanka kenan taji an rufe mata idanu,koda ba,ah gaya mata ba tasan k'awarta ce Amal,juyowa tayi suka rungume junansu har kuka sai da sukayi.



Umma ta fito ta shimfid'awa Amal ta barma ana ta hirar yaushe gamo,Mumtaz tana ta kallonsu cikin so da k'auna.



Ranar dai ansha hira Mumtaz tana tunanin gayawa Amal halinda take ciki har dare yayi kowa ya kwanta.




Da daddare Mumtaz ta sake komawa chemist aka had'o mata gabje gabje waidon duk ta samu sauk'i.



Tun cikin dare mararta ke mata ciwo Amman ta kasa ta yarda kowa agidan gudun kada ta katse musu baccinsu.



Da k'er baccin wahala ya kwasheta sai k'arfe 8na safe na tashi,da k'er na d'auki buta zan shiga ban d'aki,ban lura da randar dake kusa dani ba kawai na fad'a kan randar,Salati na ke jiyowa a samana ga wani Abu yana bina a k'afafuna kamar jini.







Wannan shine Labarin Mumtaz da Tun farkon littafin muka fara da labarinta.






*Miss green CE✍🏻*
💞💞💞💞💞💞💞
*AKAN AIKI NA*
(Book 4)

WRITING BY.

UMMU MAHER.
(MISS GREEN💚🌱)


WATTPAD NAME
RABIATU222.

*DEDICATED TO AKAN AIKI NA FANS &UMMU MAHER PALACE.*



No.56to60


......Sai da na yi kwana biyar a asibiti sannan na warware har yanzu bana iya had'a idanu da su Mlm saboda har yanzu ina matuk'ar jin kunyarsu akan abin da na janyo musu Wanda nima k'addara ta ce hakan.
Amal ma tazo ita da Mamansu Amal har kuka ta yi da jin abinda ya faru munyi kuka nida ita kamar babu gobe a haka har muka bawa zuviyoyinmu hak'uri,Allah ma daya taimakeni cikin ya fita da yaya zanyi da d'an shege,wannan abin shine ya ke sakawa in k'ara godewa ubangiji tare da tsinewa Muta'z kullum.



Abinda Mumtaz bata Sani ba bayan tafiyarsu asibiti yazo Muta'z yazo gidansu yafi sau babu adadi abin ba k'ara min tada hankalin Muta'z ya yi ba,kada dai ace yarinyar nan sun tashi ta yaya za'ayi ya nemi yafiyarta son yasan ba k'aramin aik aika ya yi mata ba,kuma yasan idan har bai nemi yafiyarta ba Allah bazai tab'a yafe masa ba kuma shima wataran sai anyiwa y'ay'ansa haka.


Amal ta dawo daga asibiti don d'aukarwa Mumtaz kaya tana cikin bud'e Gidan taji muryar namiji a bayanta,saurin juyowa ta yi sai taga mutum kamar balarabe a gabanta shagala ta fara yi da kallonsa,har sai da ya fuskanci hakan sannan ya yi gyaran murya yana ce wa.


"Am Nanne gidansu Mumtaz,y'ar jarida?."


"Eh nan ne lfy Mlm?"


"Daman yau kwanana biyar ina zuwa Gidan a kulle Allah dai yasa lfy?"


"Wallahi bata da lfy ne tana hospital Amman da sauk'i".


Gabansa ne ya yi wani mummunan tashi cikin in ina ya CE.


" Me.Me me."
"Me ya sameta?"



D'an Jim Amal ta yi sannan ta ce.


"Zazzab'ine".

Oky Allah ya sauwak'e muje in dubata motar Muta'z suka shiga sannan suka tafi asibitin,suna zuwa Gaban Muta'z ya ringa fad'uwa don harga Allah tsoron had'uwarsa da Mumtaz ya ke yi,kallon sunan asibitin ya yi sannan ya yi murmushi suka shiga.


Cak Muta'z ya tsaya sannan ya ce wa Amal idan ta je ta kirawo mai Baban Muta'z, hakan kuwa a ka yi tana shiga ta fad'awa Mlm ya fito gaisawa suka fara yi sannan Muta'z ya fara yi wa Mlm bayani ce wa shine Yarima mai jiran gado,ba k'aramar murna Mlm ya yi ba wai yau shine Agaban Yarima.


" Baba da man nazo ne Neman wata alfarma daman naga y'arku Mumtaz tun bayan wata 1 da ya wuce kuma naji ta kwantamin to shine na keso Ku bani Auren ta!.



Das gaban Mlm ya yanke ya fad'i,Gaskiya ne da aka CE Mahak'urci mawadaci wai yau Yarima ne ya ke son y'ar sa Mumtaz tabbas yana jin lbrnsa mutumin kirki ne sosai,kuma ya ji lbrn wannan asibitin ma nq shine n karan kanshi.


Amman sai dai kash!Mumtaz An lalata mata rayuwarta ta yadda ba za'ah iya b'oye abinda ya faru da ita ba.







*MISS GREEN CE✍🏻...💔for life*
*✨ _AKAN AIKI NA_ ✨*

By
Ummu Maher (Miss green)

_🙏🏻never put the key to your happiness in some e'lse pocket😭_


No.54&55

.......__D'akin Mlm ya yiwa Muta'z jagora suka shiga,Mumtaz tana zaune tana shan shayin da Amal ta had'a mata kawai sai taga Muta'z yana bayan Mlm ya yi kyau cikin farin yadi k'al kamar audiga,sajensa sai walk'iya ya ke kamar hasken Zerhra sai dai ya rame sosai kana ganin sa zakaga hakan,gaban Mumtaz ne yayi mugun fad'uwa ta zabura zata tashi tana nuna sa da manuniyarta sai dai kome ta tuno kuma ta koma ta zauna tana rik'e da kanta daya kusa rabewa gida biyu.

Mlm ya fuskanci akwai wani Abu don haka ya ce"Mumtaz wannan sunansa Muta'z yazo ya duba kine!"Muta'z kuwa bakinsa na rawa ya CE"sannu Mumtaz, Allah ya sauwak'e ya baki lfy ".Amin Amal ta amsa mishi yana fad'in hakan yayi sauri ya fita yana kukan zuci yana tausayin abinda ya aikatawa Mumtaz baiwar Allah.lallai babu Wanda ya cancanci ya Auri Mumtaz saishi domin kuwa ko babu komai shine ya lalata mata martabarta na y'a mace Wanda ko wacce mace indai budurwa CE ta ke lallab'ashi tare da alkintasa ko don tsira da mutuncinta.


Yana fita ya kirawo wani yaronsa mai suna Musa ya yi mai bayanin komai nidai Ummu Maher bansan komenene ba Amman naji ana zancen gini,A sati 1,da Mumtaz ta yi a asibiti har Muta'z ya sa anfara ginin Gidan su Mumtaz gadan_gadan abunka da kud'i sai gashi gini har an kusa gamawa duk da ba iya Gidan su bane,har wani kango na kusa da Gidan su Mumtaz d'in ya had'a ya siya sai gashi gida ya fito d'od'ar yayi kuma girma.


Duk abinda ke faru wa Mlm ya Sani Umma CE kawai bata Sani ba hatta Amal ta Sani,Muta'z ya nemi alfarmar a k'ara wa su Mumtaz sati d'aya akan Wanda ta yi sannan ya ware kud'i masu yawa don akaita d'akin Hutu,koda Umma ta samu Mlm da maganar jikin Muta'z yayi sauk'i kuma gashi har yanzu babu zancen Sallama,sai Mlm ya ce mata eh ai sun fad'a masa sai ta k'ara sati d'aya,daga haka Umma bata kara magana ba ta cigaba da kula da y'arta Mumtaz, don halin da ta ke ciki tana buk'atar kulawa sosai.


Har yanzu tsoron Muta'z Allah dai yasa Mumtaz bata fad'awa iyayenta abinda ya faru tsakaninsa da ita ba,sai dai har yanzu mamaki ya ke yi da yaji babu Wanda yayi masa magana koda kuwa a fuskane don kullum sai sun had'u da Mlm kuma kullum Muta'z cikin yiwa Mumtaz hidima ya ke yi kamar Wanda baisan zafin kud'i ba.gefe d'aya kuma yana k'ara son Mumtaz da ta rufa masa asiri ba tare da ta tuna masa ba.






*MURAT*
Ayanzu fa Murat da Meema abin duniya ya ishesu gashi yanzu komai ya dagule musu don har yanzu basa shiri tun akan abinda ya faru,don shi Murat gani ya ke yi laifin Meema ne ita kuma Meema tana ganin laifin Murat,tofa wannan ne ya had'a musu wata gagarumar matsala don tsakanin Murat da Meema an samu matsala,don ayanzu Murat ya koma kula wata aminiyar Meema suna lalacewarsu,don Meema ta tab'a ganin su awani hotel inda hankalinta ya tashi sosai,har ta yiwa Murat barazanar nunawa duniya vedion sharrin da a kayiwa Muta'z, hankalin Murat ya tashi sosai ya dinga Neman su shirya da Meema ita kuma Meema ta CE Indai yana son su shirya sai dai ya Aure ta,domin kuwa ta gaji da yawon duniya babu shiri Murat ya amin cewa Meema Amman zuciyarsa bata so hakan ba don dai babu abinda zai iyayine,don baiso Auren irinsu Meema yafi son ya Auri Y'ar Gidan mutunci.







*MUTA'Z*


Alhmdulillah ayanzu an kammala ginin Gidan su Mumtaz komai na more rayuwa anzuba musu d'akin Mumtaz kuwa kamar d'akin matar gwamna saboda kyau gaban mirror kuwa kayan shafa ne kala_kala,ga kayan kwalliya turare da dai sauransu gida dai masha Allah.



Mota guda Muta'z ya bada da driver don tuk'a iyayen Mumtaz da ita kanta sarauniyar Mumtaz,wadda har yanzu bata San wainar da ake toyawa ba.koda aka d'akosu daga asibiti Mumtaz kallon motar kawai ta ke yi saboda kyau da tsarinta ga A/C mai dad'i aciki,koda ta shiga motar sai da taja dogon numfashi don motar k'arshe CE ta had'u sosai.da sosai.



Mamaki da rud'a nine suka ziyarci Mumtaz ganin Gidan su ya koma kamar a k'asar waje,Salati ta farayi a fili tana kallon Umma da Mlm tana cewa"Umma kalli gidamu?wani azzalumin ya karbe ya gine mana shi don rashin tausayi.





Notice!zaku ga na bar GRP kuyi hak'uri laifin ogane don baya so,Amman zan cigaba da tyiping insha Allah nagode!nagode!dafatan kun fahimce ni🙏🏻ina missing dinku mussaman Amira