You Cannot Download this book untill you login but you can read it .

---

Login Register

in ta samu sai muyi tare,baki ya saki tare da bin ta da ido,dariya ma ta bashi yana dariya yace kuruciya kenan,kowa da irin tasa,haushi ya kama ta,tace dariya kake min? Kuma nice kuruciya shekara ashirin shine kuruciya ko?Ta juya zata fita,ya riko ta haba mansura,me yasa kike irin wannan magana? Yaya ma zaki ce in auri Bily?Gaskiya bazai yiwu ba.Bily tafi karfina, bani da halin da kera gidan da zan sakata. Cike da mamaki ta kalle shi kana nufin sai me hali ne zai aure ta, ka kalli gidan su mana. yace ke baza ki gane bane,kuma nima ban san yanda zan miki bayanin yanda nake ganhnta bane,so mu bar maganar.tace to shikenan,Allah ya hada kowa da rabon shi,zata fita yace ban fa gane nufinki ba?Tace ai zabi na baka,kuma kace mu bar zancan cewa zaka aureta,wanda haka yana nufin ni da kai sai bankwana.Ta fice ta bar shi zaune.Mamakinta yake yi yasan takan komai in ta kafe sai dai ya hakura ko kuma ya hada tada Bily,don haka sai ya tashi motarshi sai gidan su Bily,dai dai wannan lokacin tana kwance cikin daki bisa gado jikinta rinkif da zazzabi.Asma'u auta taje ta siyo mata magani,mama tana kofar dakinta yayin da su ladiyo suke zaune a gindin murhu, suna cin tuwo hira suke yi kasa-kasa ba a jin me suke fadi sai dai ajiyo dariyarsu,yaro ya shigo yace wai an ce ana kiran Bilkisu,nan take suka katse dariyarsu,kuma suka shiga kallon-kallo, mama ma taji daban don ba a taba hakan ba,tace in ji wa?
Yar yace in ji wai farooq,mama tace kace tana zuwa,ta shiga daki tace ke maigado ki zo saurayin mansura yana kira, ta sauko tana tunanin anya lfy?Don ko yaushe yazo tare da mansu suke zuwa, sai ta shigo su fita tare tana fita ladiyo ta kwala ma yarta Basira kira,tace zo nan Basira,suka yi mata rada ta fita da gudu,jim kadan ta dawo da gudu tana tsugumawa a gabansu tace wani ne a mota na ganta,a gidan gaba ta zauna,karime tace kin ji ko?Gaskiya gobe zamu koma kusfan na kada mlm yayi mana haka?Salame tace na ma kasa mgana,saboda ko kwanan nan nawa muka bashi? Ladiyo tace niga bashi ma da ake bina ban biya ba,na kuma ciyo wani muka hada muka bashi haka nan suka ci gaba da tattaunawa tare da shirya yanda zasu yi.A cikin mota farooq ya rattafo ma Bilkisu yanda suka yi da mansura, amma sai yace mata shi ne nazo in ji naki ra'ayin. Ran Bilki ya baci tace muje gidan,a fusace ta shiga dakin mansura, bakin gado ta same ta ta zuba tagumi cike da takaici ta dube ta,nagode mansu tallat ma ki ke yi,.
ki sani koda Farooq ya amince ni ba zan yarda ba,kuma in har kina son mu shirya dake gara ma ki fito ku sasanta,in kuma kika ki ni dake zamu hakura da zumuncin haka nan,wanda muka yi baya Allah ya bamu lada,tafita da gudu mansu ta biyo tazo kiji Bily,daf da kofar fita ghdan ta rike ta wallahi Bily ba wai ina tallarki bane,ya matsa min da zancan zai turo ni kuma gaskiya bazan iya aure na barki ba,Bilkisu ta girgiza kai tare da rike hannun mansura,kada ki manta mansu kannaina da muke ciki daya sunyi aure,yanzun haka duk suna da tsohon ciki ne,ki sani aure yana gaba da komai a gurin mace, Allah bai ce wani ya jira wani ba,kin sani ko ni bana daga cikin matan da zasu yi aure a duniya?Ta numfasa muje gurin shi,da kyar suka shawo kanta ta yarda ya turo daran ranar,Bilkisu bata yi bacci ba yau ce rana ta farko da ta soma zubar da hawaye,saboda rashin masoyi,wani kunci ta samu kanta ciki. Gurin binciken wanene farooq su Abba suka gano ashe mahaifin shi abokin Abbane, zamanin suna secondary wannan yasa suka tsaida
[8:46AM, 12/28/2016] ‪+234 814 912 1821‬: 🏵MEKE FARUWA 16🏵

Tsaida bikin watan may,wata biyu kenan, shirin bikin suka kama saboda babu lokaci ishasshe,Mansu dai rigima suke tasha da farooq,duk da irin lallashin da yake mata. Ana sauran sati biyu bikin yace za'a kawo akwatuna,nan tasa mishi rigimar in dai bai yi ma Bilkisu komai da yayi mata na akwatin ba,wallahi ba zata taba saka kayan ba,kallonta ya tsaya yi yana tunanin kanta daya kuwa?Yace kin san nawa na kashe mansura?Tace ni ina ruwana ko gida bana saka kaya in har bata da irinshi in ma kasan baka da halin yi mata tun kan a kawo kaje ka raba mana wanda ba iri daya ba ne ka canzo ta fitittike taki sauraronshi kan dole yaje ya sayo zannuwan da ta kalman zuwa gyalulluka,kayan shafa da akwatuna ne bai sa yaba da 'yan kunne,yaje ya aje,randa aka kawo akwatuna suna makaranta amma sun san da zuwan 'yan kawo kayan,tunda yan gombe ne zasu amsa daganan sai suka hadu da danginAbba da na farooq su kawo zaria, kawayen,umma ne suka tari yan kawo kayan kaya ne na ban mamaki, da suka dawo daga mkrnta gidansu Bilkisu suka zame
Mamanmu tana basu labarin kaya,Bilki duk ta matsu suje su gani, masha Allah in ji bilkis time da ta gama duba kayan,umma farooq yayi kokari,mansu kam kosawa tayi yazo ran sati don ta ji ina na sahibarta? Ya kam iso da kayan cikin katuwar akwati guda daya ko rufuwa bata yi, amma sai mansu tace ita kam sai ya sayi set din akwatin,yace haba mansu wlh account dina yanzun ba ko naira,yakike son in yi? Tace to gaskiya zan je in ciro 2 ka hada mata da wannan ni sai na dauki biyu da ket,yana mamakin wane irin so ne wannan mansu take ma Bily?Suna cikin haka sai ga bilkisun, da fara'arta ta kwankwasa glass din motar a tare suka fito tace brother kasha kamshi fa,yace kanwata ya gari da shirye-shirye? Tace mungode Allah,ya naku? Bata jira amsar shi ba, ta dubi mansura dake cika tana batsewa,tace yaya ne mansu any problem?Mansura ta dan daga kafadunta alamar babu dan bata son tasan maganar. Farooq yace akwai ya koro mata komai, kasa magana bily tayi kallon mansu kurum take yi...
Kafin daga baya tace laifin kane farooq daka ki sanar dani harka biye mata kasiyo kayan yanzun kuma zaka juya da sune ka mai da bana so kuma na lura mansu bata son mu rabu lfyne, ni da ita,shawarar da zan baka kai namiji ne,kuma sai yanda tace zaka sha wahala don bata da hankali kasa ni kai ne mai bada umarni da hani suna gurinka,so be carefull,kaya kuma nagode bana so ko ka kara mata ko kuma ka maida ka amshi kudinka.ta juya ta koma gida tana mamakin son da mansura take mata, nan ta kara shiga damuwa dama tana tare da tunanin yanda zata kasance in mansu tayi aure tunda yanzun ma gidan take kwana,amma taji mamanmu tana cewa zata sa atoshe uwar dakinta abude ma Bilkisun kofa ita da Asma'u,mkrnt tare ko ina tare,Umma suka kaima kayan itama sai da tayima farooq fadan biyewa mansuran sannan tayi godiya ta kira mamanmu ta bata, mama ma kin karba tayi sai da Abba yasa baki yace kayan mansura na Bilkisu ne,haka nan kayan Bilkisu na mansura ne shi ko daya baiga laifin mansura don tace mijinta yayi ma Bilki kayaba Bilkisu taki ayi wasu bidi'o'i a bikin tace walima kurum zasu yi in da zasu gayyato mlmai dan su yi wa'azi haka ko akayi,dama daurin auren can gomben aka yi sun soma walimar bayan sallar la'asar,inda malama sa'adiya tayi wa'azi akan hakkin aure wato miji akan matarsa Bilkisu wace suke zaune kusa da juna ita da mansu tace kin dai ji ko?Mansu kam jikinta ne yayi sanyi,dayake gombe za akaita can ma akayi jeren in hutun shi ya kare sai ya samar mata gida nanzaria saboda karatu shi kuma zai na zuwa mata hutun karshen mako.washe gari suka dauki hanyar gombe kuka mansu keyi tun daga zariya har gombe haka nan bilkisu sai ma washe gari randa zasu dawo a wannan rana mansu da bily sun sha kuka,da kyar suka rabu har ma wasu sun taya su kukan, aure kenan, tun a mota bilkisu ta soma kewar mansu, dashi ke su mamanmu ne suka je jere gomben basu je kai amarya ba,mama ma a talauce dubu biyar taba umma da kyar ma ta amsa.
Bilkisu kam itama mamanmuce ta bata dubu bakwai tayi ma mansu yar sayayya ba dan sun ishe ta ba,sai don bata dashi amma tasha alwashin in ta gama karatu tana kama aiki zata kula da mansu fiye da kanta,ba don mansu bata da shi ba,sai donta kwanta,hakanan Bilkisu taci gaba da zuwa makaranta ita daya, amma kullum sai tasha kukan rashin mansu. Can ma gombe ango yakasa gano kan amaryarshi,duk da lallashi gami da ban bakin da yake mata,har dan hutun nashi na sati hudu ya kare,kafin nan yasamu dan madaidaicin gida,suka dawo sunyi murna da ganin juna ita da mansura suka ci gaba da zuwa mkarnta. Wannan satin ko nace Friday farooq yazo dawuri lokacin suna makaranta shi ne yaje yazo da su bayan ya kira mansura cikin new phone din ta nokia.cewa gashi nan zuwa nan take ta canza fuska har Bily ta gane, tace bakiso zuwanshi ba ne?Tace a'a nadai gaji ne.Bily taso su sauke ta gida amma sai farooq yace yana son magana da ita,agidansu ne yake cewa na sani be dace in miki zancan nan ba sbda ke ba matar aure bace kuma irin zancan nan..
[8:46AM, 12/28/2016] ‪+234 814 912 1821‬: 🏵MEKE FARUWA 17🏵

bai dace ya hada mu ba sai dai dole ne in mikishi dan nasan kece zaki iya min mganin abin da yardar Allah mansura dai tun da muka yi aure sam taki yarda dani yau sati biyar kenan sai kace wata yar karamar yariya.na mata wa'azin nayi fadan nagaji tana cutar dani,batun yayi ma Bily nauyi har ma ta kasa kallon farooq,amma duk da haka tace kayi hakuri ka yafe mata tayi kuskure bazata kara ba,taja hannun mansu cikin dakinta,suka zauna gefen gado ta dube ta cikin yanayin damuwa, kin san masifar dakike ciki kuwa?Kin san zunubin da kike diba? Koda yake nasan kin sani tunda tare muka yi karatu nace malami daya ya koyar damu,..nan dai Bily Tai tayi mata fada da nasiha..!Cikin hawaye take ma bilkisu wlh bily,tsoro nake ji,dariya ma ta ba bilkisu, jibe ki wai tsoro ta mike ina son gobe labari ya canza in ba haka ba wlh- wlh kinemi wata bilyn bani ba,ta fita mansu ta biyo ta tana kira,kin tsayawa tayi farooq ya biyota shine ya sauke ta gida lokacin Babansu yana nan zaune awaje tare da wasu yan uwansu,kallo yabita dashi.Baba tsalha wan shine yadube shi.
Yace toga shaida kana gani? Amma zan dauki mataki,gara dai cewar baba tsalha. washi gari tun misalin bakwai saura sai ga farooq yayi sallama da Bilkisu, suka gaisa yace ta taimaka suje gida ta lallasar mashi mansura tana can tana ta kuka ko kula shi taki tayi Bily tayi maza ta shirya ta bishi suna shiga gidan mansu tayi saurin fadawa jikin mansu ta kara fashewa da kuka tana Allah farooq baya sona baya tausayi na mansu tayi saurin rufe mata baki tana lallashin ta nan ta wuni tana kula da ita sai dare ta tafi.

Baba tsalha yakalli mamman sannan yace,ina jinka mamman, kace Inusa ya shirya aure?Mamman yace, haka nace.Baba tsalha yace,ban da kai mamman wanne mahaukacin uba ne zai ba Inusa auren 'yarsa? Yaron da bai san ciwon kansa ba,sai shaye-shaye da bin kwararo yana damke kajin mutane da agwaginsu ba sana'a. Malam mamman yace to nina bashi Bilkisu tunda ita shegen bakin jini yayi mata yawa,Baba tsalha yace to ni fa ba ruwana kuma bani da kudin masa aure, mamman yace dama ai sadaka zan bashi,kuma da zaka ce babu ruwanka ka sani ko sanadin auren ya shiryu?Baba tsalha yace shi kenan zan mishi bayani.Abin ban mamaki,Inusa ma da tsohonshi baba tsalha yakira shi yayi mishi zancan Bilkisu cewa yayi a'a tafi karfinsa.Babansu bilki tare da baba tsalhan ne suka tasa shi suna rokonshi ya yarda,yace zai dai yi tunani. Yayi sallama kofar mamanmu tana ninke kayanta yayin da Bilkisu ke cin tuwo,fuskarshi sam babu annuri gaban bilkisu ya fadi dama duk sanda ta ganshi sai gabanta yayi muguwar faduwa,balle yanzun da ya shigo afusace,ya dube ta ke Bilkisu daga yau naba inusa ke tunda abin naki ya zama iyashege,haba dole mana maza suyi ta gudunki,kowa yana tsoron ciwon kanjamau, ashe maza kike bi, su ladiyo sun sha gaya min amma na kasa yarda sai yanzun da na gane ma idona,dan tsabar iskanci kam har kofar gida ake zuwa daukarki to na kawo kasrhen abin inusa shi ne na bawa ke,ido ta zuba mishi cike da mamaki tana kallonshi, yanzu ne ta kara yarda mahaifinta baya kaunarta,domin duk uban da yake son yarshi bazai taba yarda ya kwatanta ta da auren yaro irin inusa ba yaron da babu arabi balle boko, sai shaye-shaye,kullum cikin datti tamkar mahaukaci,ga satar tsiya ba sana'a tana cikin tunani ya katse ta,kin tsare ni da ido ba neman shawara nake yiba,umarni na bada dama ai nine musulunci ya bawa damar in zaba miki miji,bata san sanda tace amma baba Inusa baya daya daga cikin mazajan da musulunci ya yarda a basu aure, saukar mari taji sannan yace sai ki gaya min Wanda musuluncin ya yarda a bashi ke da kike rainawa yanzun haka ya ki sai lallashin shi ake yi ya rufa miki asiri har kina da ta cewa? Ya dube mama wadda ta tsananin bakin ciki da mamaki ya hanata magana yace kece ke zugata na jima da sanin haka to ki sani kan wannan Auren kema naki Auren yana siradin karshe, in kin tafi gidanku kuma in daura Auren ya fice fuu...... Kuka mai karfi Bilkisu ta saki sannan ta juya tana kallon Mamanmu cikin kuka take fadin Allah Mamanmu wannan karon bazan yarda ba ni ba zan aure inusa ba, shi baba baya kaunata Sam ta matsa ta kama kafafun mamanmu tana cewa me yasa baya sona? Me na mishi? Ko dai ni din ba yarsa bace?

Kuka da mama ke makewa shi ne ya kwace cikin kuka take cewa nima wannan karan na gaji ai ba akan shi kike ba. Hakkinki da Allah ya dora mishi matsayinshi na uba bai kula dasu ba, sai yanzun ne zai ce hakkin shi ne ya zaba miki miji?

Zamu ji mugani, yan kwanakin nan rigingimu sun kankama cikin dan lokaci. Mutane kalilan ne suke cewa bai dace a aura ma inusa Bilkisu ba, tunda shi ba nutsattse ba ne, sauran kam sun ce an cuci Inusa, mahaifiyar Inusa ma tsalle ta daka tace sai da yar tayi kwantai sannan za a lika ma danta?

Har sassan su ta shigo cike da masifa ta samu mama tana wanka sai Bilkisu zaune ta tasa abinci ta kasa ci, saratu uwar Inusa ta dubi Bilkisu ta ce, ke ina uwarki gunta nazo, in kuma bata nan bari na baki sako ki gaya mata, ki ce nace hadin bai hadu ba kin gantsare kin rasa mai so za a maka wa dana? Har fa masallatai an kai cigiyar mai sonki an rasa, anyi yawo da hotunanki an gaji, ga bin maza ki je ki saka mishi ciwon zamani.

Mama ta aje bokitin wanka ta dubi saratu tace ke saro ki dube ni da kyau, in kina zaton nima na amince a hada min 'ya Da mahaukaci ne ki ka zo nan ki yi rashin mutunci to ki sake sabon tunani Inusa mutun ne? ina tambayarki? Don kunga ina muku shiru ba yana nufin tsoro bane kuma ba kasawa bane, duka nawa megadon take shekara 20 da yan watanni ne kuke mata wannan surutun, Ku shiga cikin unguwar nan Ku duba in babu wadanda suka girmeta . don haka daina daga jijiyar wuyanki nima ba zan yarda a dauki zukekiyar yarinya kamar maigado a ba Inusan da ko gabas bai sani ba bare yanda ake sallah,. Saratu cikin sanyin jiki tace oho dai na dai gaya miki kar a makalawa yarona, kila da ciwo ehe, mama tace ba gara kowane ciwo ba da ciwon dake jikinshi na jahilci, baki in yasan abin da zai fada bai San Wanda za a maida mishi ba, haka ce ta samu saratu ta tafi cike da kunya yayin da su Ladiyo dake gefe suna kallon suka ji haushin saratu yanda ta tsaya matar nan tayi mata ta tas.

Bilkisu ta ji dadin yanda mama ta gaggaya wa saratu magana, domin sun raina musu hankali a gidan rigima ta kasa karewa babansu Bilkisu da baba tsalha sun matsa ma Inusa randa ya amsa musu da dare cewa ya yarda washe gari da asubahi ya tattara yanashi- yanashi ya gudu don ba zai iya Auren Bilkisu ba, kuma shi kanshi ya rasa dalilin gudun Inusa yasa rigima ta tsananta uwarshi tace ba zata yarda ba kila asiri ne mama suka ma danta ya bar gari, su Ladiyo ma haka suka ce ma maigidan kuma ya hau kai ya zuna ya samu Mamanmu yana ta masifa fadi yake gara ma taje ta karya asirin tun kafin abu yayi nisa banza tai musu suka yi ta surutun su suka gaji suka yi shiru dama ance watan kwaram daya ne da ya wuce shi kenan. Sai dai ita kuma bilkisu tana mamakin akan kinta ne Inusa ya bar gari?In ko haka ne,da mamaki meke faruwa kenan?Lallai bakin jininta ya bunkasa, cikin dan tsakanin sakina ta haihu 'yarta mace, anyi suna da sati uku maryam ma ta haihu danta faisal yayin da yar sakina taci sunnan maman Abdul,Amina. suna kiranta da mimi, mansu ma anyi ciki shagwaba ta karu ga laulayi dole Bilkisu ta koma gidan saboda farooq kaduna yake in yazo Friday sai ta dawo gida.Haka rayuwar ta ci gaba da juyawa,Bilkisu tana zuwa makaranta har mansu ta haihu, dan yaronta mai kyau yaci sunnan baban farooq, suna kiran shi dady. Bilkisu tayi juyi yau shekara duka nawa ta sani ba wai tayi girman da za'a ce gashi gashi ba ne amma surutun mutane ya isheta,ita kanta tana so tayi aure yanzun.. Sai kuma gobe.

Yarima kwance kan wata kujera jikinshi sanye cikin gajeran fari tas din wando da yan singilet din ta, gefenshi Vicky ce sanye da da brezzier da pant wasannin su na yau da kullum suke tana da kusan rabi na abin da yake so a gurin mace, sun yi nisa cikin shagala Sam bai ji sallamar ba bare ya amsa,sai da mai sallamar ya shigo kai tsaye kuma ya rufe kofar da karfi da sauri ya zare bakin shi daga na Vicky wace ta soma fita daga hayyacinta, magajin Malam ne ya ce maza ka tashi tare da mai martaba....... Sallamar mai martaba ce ta katse magajin Malam daga maganar da yake, tsoro da faragaba tare da kunya ne suka rufe Yarima, Vicky kuwa tsawa magajin Malam ya mata, ta mike ta fita, Yarima yana zaune akan kafet ya dukar da Kan shi bai ji dadin wannan ziyara ta ba zata da da mahaifinshi ya kawo mishi ba, wannan shi ne karo na biyu da ya kamasa da mace wancan zuwan ya samu ya kare kanshi da cewa abokiyar karatunshi ce, duk da mai Martaban ya gansu ne suna kissing din juna, kuma bai ce ma Yariman kala ba shi ne dai yake ta borin kunyan shi to yau fa?

Da me zai kare kanshi? Dubi kayan jikinshi dubi nata, gara ma wancan karon duk da kaya a jinkinsu.

Magajin Malam ne ya soma magana afuwa Yarima yake nema Allah ya taya maka a yafe mishi. Mai martaba ya daga ma magajin Malam hannu alamar yayi shiru, sannan cikin magana irin ta manya yace, Modibbo dama saudiya zan shige na ratso domin in ganka, kuma na same ka lafiya duk muna waya kullum, yaya karatun naka? Cikin in-ina yace Alhamdulillah ranka ya dade, yaya su Umma? Ummar ka lafiya shin ko kana da matsalar kudi? Ya dan shafa kai I to ba dai sosai ba, mai martaba yace in da matsala ka fada, yace eh akwai bayan wannan fa? ya ce babu ranka shi dade, ita kenan, ya mike ya nufi kitchen yazo da ruwa da lemunkan sha, ya dire ma magajin Malam don yasan mai martaba ba zai sha ba, ya shiga daki ya saka kaya har lokacin jikinshi a sanyaye yake , yasan halin mahaifinshi sarai shirun da ya mishi ba yana nufin ya bar shi bane ya sani zai hukunta shi ta in da baya zato, don shi baya fada bare zagi, yanzun shi dai zai saurari hukuncin daza a yi masa Allah yasa kada ya maida shi gida nigeria da karatun shi dan ba ya son karatu can kuma matan can basa burge shi duk kyan ya mace .
[8:46AM, 12/28/2016] ‪+234 814 912 1821‬: 🏵MEKE FARUWA 18🏵

kwanan mai martaba biyu a malaysia kafin ya wuce Saudi yayi kwanakin ne a wani shahararren masaukin baki dake cikin birnin na malaysia. Yarima sam bai yi mamakin shirun da mahaifin nashi yayi mishi ba. Domin yasan zai yi maganin abin, wani Abu da yaba magajin Malam mamaki, gidan Yarima yake kwana kuma ganin da mai martaba ya mishi bai sa Yarima ya daina kwana da mata guda biyu a shimfidarshi ba, don haka magajin Malam yake kwanciya a falo ko dayan dakin Yarima, magajin malam dai shine babban abokin Yarima kuma shi da ne ga waziri, mai martaba yana son shi tamkar Yarima. Shi yana karatun injiniya, yayin da Yarima ke karatun likita mai martaba yazo da shi don yaga abokinshi ya juya gida shi kuma ya wuce Saudi, bayan sun ga tashin mai martaba suka dawo gida, kai tsaye fridge magajin Malam ya nufa a kitchen ya dauko robar ruwa, kusa da Yarima ya zauna da yake kokarin kiran Ummarshi,

Layin ya ki shiga, ya dubi Yarima yana son yin magana amma yasan halin yan kayan shi, don haka sai yayi nufin share zancan amma kasancewar Yarima mai matukar saurin fahimta sai yace um'hum ina jin ka, magajin Malam yace ban yi magana ba.

Yarima ya dube shi cike da kasaita irin ta yayan sarakuna, sannan yace kana so yin maganar ne ai, magajin Malam yace nasan halinka ne zaka iya cewa yanzun ba time din amsa ba ne, Yarima yace tambaya zaka yi kenan?
Magajin Malam yace tun shekaran jiya nake son yin tambayar, Yarima yace bata dame ka ba ne da kayi ta koda ba zaka samu amsa ba.

Magajin Malam yace zan iya tambayar yanzun ko? Yarima ya tabe baki tare da fadin in kaso ba, magajin Malam ya gyara zama, dama ina son jin me yasa kaci ka son mata? Kuma me yasa ka canza daga silent din ka zuwa mara jin magana? Yarima ya ajiye wayar a gefenshi sannan ya ce na kasa samun Umma din ma ya kalli magajin Malam wacce zan amsa maka? Duka in har zan samu, ya ce to mata abin so ne don su ne nishadi na karshe, duk cikakken namiji mai lafiya yana son mata, sai dai kowa da nashi salon son, sannan ban canza ba har yau ina nan a silent dina, magajin Malam yace ka canza domin a da in har mai martaba ya hane ka da yin wani Abu ka bar shi har abada, amma yanzu ba ka damuwa da hakan. Yarima yace me ka gani? Ya ce in daina ban daina ba? watannin baya mun zonan dashi mun sameka da mace. Sai kuma gashi wannan zuwan ma gara wancan cikin sutura kuke wannan karon ba Ku da maraba da tsurara, sannan kuna cikin halin sumbatar Juna, kilama damun jima ba mu shigo ba mu same Ku cikin wani halin. Yarima ya zuba mishi ido babu wani hali da zaku same mu da ya wuce wannan domin ni kamar yanda ka sani komai da lokacin shi, wannan lokacin ne na wasanni kuma duk nacin mace ba zan wuce mata haka ba ka fahimta?

Sannan kai ma zan tambaye ka wancan zuwan da Ku ka yi ka ji