You Cannot Download this book untill you login but you can read it .

---

Login Register

Koda shi bai neme ka ba ,yanzu dai ka fara tuntubarshi da zance muji mai zaice ... ..

haka suka cigaba da tautaunawa da Kuma yadda za'a bullowa a'lamarin ,inda uncle umar yace "masa zai shigo kasar da zarar ya kammala da ayyukan gabansa , zai zo ayi komai akan idanunsa ....

Yau tsawon kwanaki uku kenan da faruwa al'amarin , gabad'aya ahlin gidan basu cikin kwanciyar hankali duk wanda ka d'aura idanunka akansa katuwar ramar zaka gani a bayyane ajikinsa , al'ameen kuwa ya Kira layin muwaddat har ya gaji wayar bata shiga ,ai kuwa hankalinsa yayi kololuwar tashi ,sai daya Kira ummi ne take ce masa wayar ce tasamu matsala amman tana gurin mai gyara, sannan ya d'an samu natsuwar zuciya, da hakan nan ya tsinci kansa da jin cewar akwai damuwa ga wani mummunar fad'uwar gaba da yake fama dashi ..

******
muwaddat durkushe agaban ummi , har lokacin ta kasa saida hawayenta, kamar ummi itama hawayen yaki tsayuwa a idanunta, muryarta cike da kuka tace "ummi ki taimakeni ki taimaki rayuwata ki zubar min da cikin nan wallahi bazan iya haihuwarsa ba ......

ummi ta numfasa tana sauke naunayen ajiyar zuciya tace "kinsa da haka kika biyewa kaninki kuka aikata abinda kuka aikata, "a shekaranjiya zuciyata cike take fal da son zubar da cikin jikinki amman ahalin yanzu ba zan iya ba.
" ban ta'ba cire ciki arayuwata ba a tun sanda na soma aiki ba kuma zan soma daga kanki ba ,haka zakiyi hakuri ki haife abinda ke cikinki , sakamakonki kenan da zaki girba akan biyewa son zuciyarki , ni yanzu yadda zan fuskanci d'anuwana da wanna batun ne yafi damuna ,ta k'arasa mgnr tana matso ruwan hawaye daga idanunta, nayi danasani nayi nadama mara iyaka arayuwata ,da wani ido zan dube d'anuwana na fad'a masa wannan abun kunyar .. ?
Cike da sanyi jiki muwaddat ta mike ta nufi d'akinta tana wani irin kuka mai ta'ba zuciya .

*******
Bunayya yayi k'ok'arin ya fahimtar da muwaddah wasu abubuwa a game da cikinsa dake jikinta dan baya bukatar rasa shi ,domin kuwa shine karfin gwiwarsa a halin yanzu,amman taki bashi wannan damar ,sai dai kallo d'aya zaka mata ka tabbatar da bata cikin natsuwa da walwala da kwanciyar hankali, duk ta fige acikin kwanaki had'u kacal saboda damuwar data d'aurawa kanta ..

cikin satin bunayya ya shirya ya tafi ilori, da al'ameen yasoma cin karo a compand ,ko kallon inda yake zaune bai yi ba, kai tsaye part din yaya akram ya nufa, yana zaune a d'akin, yaya akram na rigingi ne yana fidda numfashi sama sama tamkar mai cutar asma bunayya yayi shiru gabansa na fad'uwa, yaya akram ya d'an gyara zamansa Yana mai dafa kafad'arsa yaji wani zafi ya tsara shi ya d'ago habarsa ahankali ya dube cikin kwayar idanunsa "mai ke damunka auwal?
"ka daina yawon tunani irin haka bashi da amfani "kai din cikakken likita ne kafini sanin illar tunani ga rayuwar d'an adam, idan wani abu ke damunka is better ka fad'a min ko bazaka fad'awa kowa ba "
"ni da kai mune manya yanzu acikin family duk da na girmeka nesa ba kusa ba, amman haka nake jinka kmr sa'anin juna muke.

Bunayya ya numfasa haka nan yake jin zai iya fad'awa yaya akram damuwarsa, ahankali ya bud'e bakinsa yasoma zayyano masa duk abinda ke tsakaninsa da muwaddat tun daga farko har zuwa yanzu da cikin ya bayyana ajikinta...

"inna lillahi wa inna ilaihi rajiun yaya akram ya shiga furtawa yana sake maimaitawa sannan ya sauke ajiyar zuciya yana dubansa shikena irin abinda ya sameni ne ya sameka kaima "
"wannan wani irin maseefar ce haka
iyayenmu suka yi silar jefa rayuwarmu ciki?

A matukar tsorace bunayya yake duban yaya akram cike da matsanacin mamakin jin farucinsa " irin abinda ya sameni ne kaima ya sameka, bunayya ya maimaita yana sake duban Yaya akram a firgice .
Kai Yaya akram ya d'aga Masa al'amun haka ne, sannan yace "ka gan ni nan tun lokacin dana had'a degree dina na farko nake son nayi aure amman dady ya hana yace "lallai sai na had'a karatuna gabad'aya tukunna, haka na hakura ba dan raina yaso ba , Wanda azahirin gsky ban hakura da bukatata ba domin zuwana Spain muka kulla abota da wata abokiyar karatuna muka fara soyaya kamar wasa , halakarmu tayi karfi sosai har ta mallaka min kanta, ni ne d'a namjin dana soma kusantar polina, a yanxu haka in takaice maka yaranmu biyu daita mace da nmj, na barota da cikin na uku ..

shiyasa duk lokacin dana tafi banason dawowa kasar nan, gashi yanzu na kare karatu gabad'aya, babu wata damar da zan sake koma gareta ,kuma ni a halin yanzu bazan iya rayuwa da kowace irin macen ba sai ita ....
wannan ciwon da nake wallahi duk na rashin yarana ne da polina.. gashi ahalin yanzu aure dady yake son nayi a cewarsa yanzu ne daidai aurena ,ni kaina yanzu bansa yadda zanyi da rayuwata ba shiyasa yau ciwo gobe lafiya .

Bunayya ya runtse tsumammun idanunsa da suka canza kala tun soma maganar yaya akram yace "yanzu yaya akram haka zakabar yaranka a wata kasa Kai kana rayuwa anan ?
"gasky ka koma ka taho dasu har ita polina din, yadda zasu rungume tamu kaddara da muwaddat ,haka zasu amshi taka, ai duk sune silar faruwar komai..
"kayya auwal bana jin zan iya aikata hkn, yanzu ga taka matsalar ,idan a kawo tawa abubuwa zasuyiwa iyayenmu yawa gara dai asan yadda zamuyi da taka matsalar haka bunayya ya dawo Lagos jikinsa babu laka ..... ..

******
Bangaren ummi da bunayya har lokacin bata sauko daga dokin fushin datayi dashi ba ,sam taki saurararsa ,dan ko inda take bata kaunar yazo idan ma yayi mata magana bata amsa mishi ,sosai abi ke rarrashinta da k'ok'arin shawo kanta ta hanyar bata hakuri da nasiha da dad'dad'an kalamai masu sanyi da sanyaya zuciya ,abi da kanshi yace" bunayya yaje ya sake rokon umminsa yafiya bisa ga laifinsa,"Ina da tabbacin umminka zata yafe maka a halin yanzu ,duk dai kuskurenta ne , sai dai itama nasan wasu abubuwan tana yinsu ne bisa rashin sani ,wanda ni agurin duk wannan kaddarar da take kokawa akanta ni daidai ne .

" duk abinda zai faru gaba ni dai ka rike muwaddat amana sannan ka nemi yafiyar umminka domin ka gizgiza zuciyarta sosai "
"abi wasu daga cikin zantuttukanka suna d'aure min Kai ,ko ma nace bana fahimtarsu sosai "
"ba zaka fahimta ba bunayya sai nan gaba zaka fahimceni , Kuma nasan hakan zai maka dadi har ma yazamo silar farincikinka ,maza tashi kaje ga umminka ka bata hakuri cike da sanyi jiki ya nufi hanyar d'akinta.
a zaune a bakin gadonta ya isketa tayi tagumi , ya shigo ahankali yana dubanta cike da tausayawa ,ahankali ya cire hannunta da tayi
tagumin dashi ya zauna kusa da kafafunta tare da tankwashe kafafunsa idanunsa sunkuye a kasa muryarsa a raunane yasoma magana " ummina "kece kika yi silar zuwana duniya .....
Ummi kece mutun ta farko da nake kauna duk duniya ,ummi ban aikata wannan laifin bisa ganganci , ko dan 'bata miki rai ba , sai bisa kaddara ,ummi na sha fama da ciwo da rad'ad'i soyayyar muwaddat tun ban mallaki hankalin kaina ba , Ina jin idan na rasata arayuwata zaki iya rasani , rashinta a duniyata zai saka zuciyata tayi ciwo na har abada ,amnan duk da haka baki cancacin na cusguba miki irin haka ba,
Lokacin dana nuna Ina bukatar aure ummi a tunanina kece mutun ta farko da zaki bani goyon baya amatsayinki na uwa amman sai kikayi watse da maganata har ma kika ajiyeshi a matsayin shirme ..
A halin yanzu ni kaina nayi nadama ,ummi ki yafe min dan girman Allah ki daina fushi dani kiyi hakuri ki rungumeni kmr yadda kika rungumi muwaddat ,nima ki bani farinciki kamar yadda kike bata a yanzu ,dan Allah ummi ki yafe min ,nasan na shiga hakinki na cutar dake ta hanyar kusantar muwaddat dinki ,but ki yi hakuri ki yafe min ki yafe min... ....

Ummi tayi shiru tare da tsura masa idanunta tana dubansa , shi km tunda yashigo d'akinta har zuwa sanda yake zaune, ya kasa d'ago idanunsa akanta , kallonsa ummi ta cigaba dayi har lokacin cike da mamakinsa domin ko a mafarki bata zaci haka daga garesa ba "bata zaci zai iya kwanciya da mace a d'an shekarunsa ba har ma da dirka ciki ,sai gashi ya shata mamaki ..
Jin tayi shiru taki cewa komai yasa ya kamo hannuta cikin nasa "kiyi hakuri ummi kice min wani abu ko zuciyata zata samu natsuwa plz.. ,wallahi fushinki bak'aramin tashin hankali bane gareni ....

Idanunta cike da ruwan hawaye tace "bunayya me kake son nace ?
"Ai babu abinda zance sai dai nace na gode kwarai da gaske da abinda ka aikata mana,ni ahalin yanzu me kake tunanin zance maka ,ai babu abinda zance sai Allah yayi ma albarka dan bazan tsine maka ba ,ayanzu ma da ban ce jeka zaka gani ba, ga irin sakayyar da kamana....."
Ummi nima.... "dakata ban nemi jin komai daga gareka ba, kunya ce dai kasamu jinta a koina, ni babu abinda yafi min ciwo da damuna kamar abinda zan fad'awa mai neman aurenta...

Bunayya ya sauke naunauyen ajiyar zuciya tare da zance zuci yace "abinda zaki fad'a masa ya wuce kice "an fasa auren dashi tunda dai bazai yiwu ayi aure da cikin wani ba..

"yanzu dai na yanke shawarar zata cigaba da rainon ciki har sanda zata haife abinda ke cikinta ,sai mu Kai gidan marayu , batare da sanin kowa ba daga baya sai ayi zance aureta da al'ameen .....

Cikin wani irin buguwar zuciya da tashin hankali ya d'ago kansa, yana zaro idanu cikin matsanancin mamaki tare da matsowa daga zaunen da yake zuwa gefen gadon cike da bak'inciki da son gasgata abinda yaji ya fito daga cikin bakinta , duk a tunaninsa bai ta'ba tsamanin za'ayi masa irin haka ba ya d'auka cikin sauki zata amince a Karon kanta ..

"ka daina mamaki bunayya abinda na fad'a babu batun wasa ko mafarki ko k'arya acikinsa ,yin haka shine daidai agaremu ,kuma shine farin cikinmu, mu bar wannan sirri acikin zukatan mu sannan har abada babu kai babu muwadda matsawar kana son kwanciyar hankalina ko tsintsiyar hannunta ban lamunce ka sake ta'bawa ba. ....

Wani irin kallo Bunayya yayiwa Ummi wanda ni kaina nakasa tantance wani irin kallo yakewa Ummin nasa , kallon dai yafi kama da kinaneman yimin wasa da rayuwata .....

jikinsa da bakinsa rawa suke yana cigaba da duban ummi yana sauraronta kafin daga baya yasoma magana cikin zafin rai "ummi zaki sake tafka wani babban kuskure acikin rayuwarmu, muwaddah na sona fiyye da tunaniki duk wanda kuka aura mata tabbass gangar jikinta zai aura amman batu na gaskiya soyayyarta na gareni, nima kuma bangarena haka ne, zancen gaskiya Ummi idan har bani kuka aurawa Muwaddat ba to tabbas kisawa ranki miji biyu gareta domin bazan taba barinta ta zauna lafiya ba,
Ummi maganar gidan marayu dakike magana bamai yuwa bane saboda d'ana ba maraya bane gani nan ina raye duk wahala dana sha ba dare ba rana Allah ya albarkaceni da k'aru ace za'a min salalan tsiya akai gidan marayu impossible ummi don't. don't say that plz ummi .

muwadda tayi nisa acikin raina sonta baxai ta'ba barina ba, sai dai, idan bana numfashi "ya sauke ajiyar zuciya ya cigaba da magana..

"Atakaice dai ummi yanxu kin fi son al'ameen akaina ko...?
Ko me ya tuna sai ya shafa keyarsa tare da kaskantar da kanshi da muryarsa yace
"Shi...shikenan babu komai ni ..ni.zan barta ummi kamar yadda kika nema bazan sake sa'bawa umarninki ba, sai dai ummi bazan ta'ba yin aure arayuwata ba, saboda muwadda ta rigada ta tafi da duk wasu abubuwana masu mahimmanci arayuwa.

sai abu na gaba cikina ina son abuna koda duk duniya zasu tsine min, koda zan rasa komai da kowa ku bani abuna da zara ta haifa ,kar akai min d'a gidan marayu gsky ..

Ganin yadda ya nuna son cikinsa a sarari yasa ummi ta zarce da yi Masa nasiha dan ta tsorota matuka da yanayinsa ,wasu abubuwa yake tamkar wani hamshakin magidanci , duk abinda take fad'a sam baya jin abinda take cewa saboda ya tafi duniyar tunanin, tausayin kansa ne kawai ya dira masa da kuma son muwadda da yake azabtar dashi ...

Kansa na sunkunye a kasa haka zalika muryarsa na rawa yace" ummi ki ya fe min maganar da nayi Miki a yanzu , shine abinda nake son naji daga bakinki a halin yanzu ,da kyar ummi ta bud'e baki tace "bunayya na yafe maka tun a baya dana gane kuskurena sannan a yanzu ma na yafe maka ....
wani irin sanyi dadi ne ya ziyarci zuciya da ma gangar jikinsa, duk da yana cikin damuwa da tashin hankali amman hkn bai hanashi jin farinciki ba "na gode ummi na gode daman nasan umminah mai yafiya ce ,ya d'aura kansa bisa cinyoyinta, ahankali ta Kai hannunta saman kanshi "Allah yayi maka albarka , sai dai bani da kwarin gwiwar fuskantar d'anuwana ta rushe da kuka "karki damu ummi inshallahu zai fahimceki....
"Allah yasa nima ka yafe min ,nashiga hakinka nashiga rayuwarka domin nice silar komai daya faru , zance nafi son al'ameen da Kai wannan ba haka bane an ridaga an gama magana da iyayensa yanzu idan muka hanashi me kake tunanin mutanen kalgo zasu fad'a akanmu ?
"Ni dai ummi karki Kai min d'a gidan marayu ...."to yaya kake son nayi nifa banason kowa yasan da wanna batun ...


Bunayya bai samu sukuni ba tun daga ranar da abun ya faru ,sai da yayi kusan kwana goma bai nemi inda muwadda take ba, itama bata nemi shi ba ,daman kuma yasan ba neman nasa zatayi ba, ya damu sosai har sai daya kira yaya akram ya fad'a masa abinda ummi ta zarta ,yaya akram yace "abinda nake so da kai kasamu natsuwa ,sannan ka kwantar da hankalinka har zuwa sanda zata haihu din, ni kuma muddin ina raye zan tsaya maka har sai ka mallake muwadda amatsayin mata.. ..maganar yaya akram ta kwantar masa da hankali har yaji natsuwa kad'an a jikinsa..

*********
bangaren muwaddat kuwa babu laifi ta d'an saki ranta ta yarda ta amincewa kaddarar data fad'a mata, sai dai duk sanda ta tuna tana d'auke da ciki ,ranta idan yayi dubu sai ya 'baci, tana kitchen tana had'a xuma da madara wanda ya zame mata kaida idan bata sha ba babu zaman lafiya .
taji bakincikinta na karuwa a halin da take ciki ,babu abinda yake ta'ba zuciyarta da wuce buris din da bunayya yayi daita , haka tacigaba da aikin gabanta da kula da abubuwan da suke gabanta ,ahankali tasoma k'ok'arin fitowa daga cikin kitchen hannuta rike cup tana juya zuma da madarar data had'a ,gabad'aya hankalin na kan zumar har miyonta na tsinkewa .

sam bata ji tsayuwarsa abakin kofar kitchen din ba, tacigaba da takowa shi kuma yashiga binta da kallo yana kare mata kallo duk da bai ga fuskarta ba hakan bai hanashi ganin kyawun da ta k'ara ba, ta murje tayi fresh ta sake yin haske na ban mamaki,kirjinta yayi wani irin cikowa kmr ana hura su, take komai yasoma kwance masa ,daidai da rana daya tunda abun ya faru bai sake samun ishashen bacci a natse ba , alokacin kallo daya zaka mata kasan tana d'auke da juna biyu, dan kamar kar ayi maganar cikin ,cikin yasoma bayyana cikin wani irin shaukinta yacigaba da kallonta har taxo daf da zata fito taji nauyin mutun akanta tare da jin sanyayyen kamshin turarensa mai tsayawa arai, ta d'ago da sauri suka had'a ido dashi ,tsurawa juna ido sukayi suna kallon junansu batare da kowanensu yayi magana ba, "yaushe rabon da suga juna tun washegarin ranar da abun ya faru, ta d'auke kanta akansa ta bi gefensa zata wuce.

ya riko laulausar tafin hannuta "ina zaki wuce ki barni byn kinsa gurinki nazo naji lafiyar baby nah ,a fusace ta d'ago suka sake had'a ido dashi ya kashe mata idonsa d'aya yana sake tsareta da tsumammun idanunsa.
muryarta na craking tace"sakar min hannu and don't ever touch me again in......
"shiiiiiii ya d'aura hannunsa akan lip's dinta "meye abun tada jijiyar wuya muwadda ?
"wani dare ne jemage bai gani ba?
"karewar ta'ba miki hannu ince har cikina kike d'auke dashi ajikinki, jinina na rolling acikin jikinki ni dake mun rigada mun zama abu d'aya...zaki haifa min d'a ko 'ya su kirani da baba..

ta fixge hannunta cikin 'bacin rai tasoma tafiya cikin sauri kad'an ya rage bata tuntsira ba, ya biyota da sauri cikin d'aga murya "wallahi idan kikayi ganganci da wani abu yasamu cikina sai na d'aureki bayan na d'auki mummunar mataki a kanki......

*******
duk kun biya kun biyar ummi haka tasanyawa jikinta jarumata ita da abi har da muwaddah suka bi jirgi zuwa ilori, tunda ta isa gidan kowa yasan babu lafiya saboda yadda jikinta yake a matukar sanyaye kamar sauran lokuta ba hankalin momy da dady ya tashi kwarai saboda basu ta'ba ganinta haka ba, cike da tashin hankali suka shiga rigerigen tambayarta abinda ya faru sai ko ta fashen musu da kuka itama muwadda ta fashe da kuka, take mumy itama ta kama kuka "dan girman allah mukarama ki fad'a mana damuwarki "me ya faru waye ya rasu ko wani abu ne yasamu auwal ?
dan batasan bunayya yana gidan ba saboda tun da suka zo yana part din yaya akram.. parlour'n dady ya d'auki shiru ,yayinda da dady yayi shiru ya cigaba da kallon yar'uwarsa kamar yayi kuka, gabad'aya ta kasa fitowa tayi bayanin abinda ya kawosu,yadda tayi shiru haka shima abi yayi ya zubawa sarautar Allah ido , sai akram ne yayi karfin halin bayanawa su dady komai , kmr saukar aradu haka sukaji saukar maganar mumy da dady suka shiga kallon abi da ummi har ma da muwaddah, ummi tayi saurin sunkuyar da kanta kasa tana kuka dan tana jin kunyar had'a ido da dan'uwanta,muryarta a hankali ta fito tana rokonsa "kayi hakuri yaya ban rike amanar da'aka bani ,ka yafe min yaya dan girman allah karka juya min baya nasan nayi kuskure... ta karasa mgnr tana kuka.
bayan wasu mintuna dady ya numfasa sannan yasoma "magana cikin karfin zuciya "mukarama ki daina kuka, kukan ya isa hk kinsan idan akwai abinda na tsana a duniya bai wuce kukanki ba, mu biyu kad'ai iyayenmu suka haifa suka mutu suka bari, banida kmrki, hk kema baki da kamata "muwadda kuma yarki ce halak malak.......
abinda ya faru kuma ba zina yaran suka aikata ba ..... ...

Mmn sudais

MUWADDAT

page 41

...Dif numfashi da zuciyoyin rayuka had'u suka tsaya na wuncin gadi ,sakamakon jin saukar maganar dady da suka ji tamkar saukar aradu acikin kunnuwansu .

gabad'aya a firgice sannan a gigice suke bin junansu da kallo mai cike da tsantsar mamaki, kana suka sake maida idanunsu akan dady dake tsaye a gabansu fuskarshi babu yabo babu fallasa .

kallonsa suka cigaba da yi domin neman k'arin bayani yadda hakan ta kasance ,barin ummi wacce gabad'aya ilahirin jikinta ya d'auki rawa ....
Kusan ta fi kowa farinciki da murnar wannan a'lamarin .....

Sautin muryar dady ne ya sake karad'e parlour'n
" Tabbas gaskiya ne abinda kunnuwanku suka jiyo muku daga bakina ,a gidan nan Kuma acikin wannan parlour'n nawa na d'aura auren muwaddah da Muhammud auwal ,bisa yardata da yarda wakilin auwal wato umar kanin mahaifinsa da Kuma shi kansa mahaifin auwal din wanda ya kasance amini gareni .......

"a lokacin da aka d'aura auren abokina alhaji safyan na nan ,sai baba mai gadina gashi can da ransa bai mutu ba akirasa, sai umar da shi kansa alhji ishaq din, dan haka yara ba zina suka aikata ba sunan suka aikata ...

"Kamar umar yasan abinda zai faru gaba kenan , yazo min da zance ,alokacin naso naki amincewa bisa wani uziri nawa a she umar ya hango abinda mu muka kasa hangowa ......
"Dan haka sai mu
godewa Allah, da Allah yasa da au.......


"Babu wani aure anan dady....... yaya akram ya furta hakan kansa a sunkuye zuciyarsa na farfasa had'e da bugawa .....


"A zahirin gaskiya dady kuskure ne irin wannan auren , yanzu da ba dan ina nan ba, da an tafi akan kuskure wanda mafi yawa daga cikin mutane suke aikata shi da siga aure ,alhalin ya haramta ....

"yanzu misali wakilin auwal ne yazo tambayar auren muwaddah a gurin waliyin muwaddat, suka taru suka amince, har suka had'a aure hakan ya hallata , Tabbas wannan tabbataccen aure ne da muslinci ya yarda dashi ,amman irin aurensu auwal da muwaddat sam bai hallasta ba, kuskure ne mai girma a muslince , domin bazasu kusanci junansu ba har sai sun san cewar su din ma'aurata ne ,saboda an d'aura auren batare da sanin su ba ,saboda yakamata ne kafin su fara saduwa da junansu su kasance sun san cewar su din ma'aurata ne ,idan har basu San cewar su din ma'aurata bane niyyar su ,niyya zina ce babu aure.

Numfashi da ajiyar zuciya ya sauke alokaci d'aya ,kana ya cigaba da cewa "tabbas wannan zina suka aikata kuma laifin yana komawa ne kan waliyansu bisa kuskuren su na rashin sheida musu cewar su din ma'aurata ne .........


Tun da yaya akram ya soma zayyano magana daki daki babu wanda ya sake bud'e baki yace dashi "uffan "
gabad'aya parlour'n da mutanen dake zaune acikin parlour'n suka sake d'aukar shiru na wani lokaci ...

gabad'aya cikin ahlin babu wanda zuciyarsa bata buga ba tsabar tashin hankali da firgicin bayanin yaya akram, sannan sai alokacin hankalin dady abi har ma da sauran mutane dake parlour k'ara tashi dukkaninsu tsuma suke , tabbas abinda akram ya zayyene a halin yanzu tabbass haka yake a cikin addini , to yanzu me ye abun yi ?

"Meye mafuta acikin wanna lamarin ?
tambayar da dady ya soma aikawa 'kwal'kwaluwarsa kennan gumi na keto masa ...

Alokacin da umar yazo masa da zance har sanda suka yi komai suka gama atsakaninsu, bai yi tunanin kuskuren haka ba ,Kuma umar yaso kwarai a sanarmawa yaran shine mutun na farko daya yaki ba da goyon bayan aikata hakan, ya hana sheidawa yaran bisa wani tsautsauran ra'ayinsa, a tunaninsa ai baza su ta'ba kusantar junansu ba har sai lokacin da suka kammala karatunsu, sannan a sheida musu cewar su din ma'aurata ne " a she babban kuskure suka tafka arayuwarsu without knowing....
"Wannan shine ga koshi ga kwana yunwa "

"Tun da yaya akram ya dasa aya ya kasa d'ago kyawawan idanunsa dake cike da ruwan hawaye ,zuciyarsa ce ke wani irin beting da sauri sauri, ahankali ya Kai hannunsa daidai saitin zuciyarsa dake bugawa da karfin gaske ,yana janyo numfashi da kyar yana fitarwa domin dai yasan iyayensa sunyi kuskure arayuwarsu , kuskure kuma wanda har abada bazasu daina dasun sani ba ....

Ba za ma su san, sun tafka babban kuskure arayuwarsu ba ,sai lokacin da nashi sirrin ya fito fili ...

"Sai dai kafin zuwan lokacin zai so Allah ya d'auki rayuwarsar ya huta da ganin tashin hankali da zasu riski kansu ciki , don