You Cannot Download this book untill you login but you can read it .

---

Login Register

aurenta.




Ina mai Baku hakuri kuyi maneji da wanan gobe ina da abubuwan dazan yi bazan samu typing ba sai dai jibi idan Allah ya kaimu rai da lafiya
*Y🅰TSUN MU*🤚🏻🤚🏻🤚🏻🤚🏻 _ba d'aya bane_



*Written by*

💅💅 *SADNAF*💞



*PURE MOMENT OF LIFE WRITERS*

_We don't just entertain and educate we touch the heart of the readers_ *P.M.L*



*#WWW.PMLWRITERS@GMAIL.COM*
*#IG PML WRITERS*
*#https://www.facebook.com/PML_-Writers-FANS-459256761123035*
*#http://maryamsbello.blogspot.com*


*A short and interesting story*




Page 35-40



*WANAN SHAFIN NAKINE UMMU IRFAN ALLAH YA RAYYA MIN IRFAN SIRIKINA*








Aranar Baffa yasa aka kai akori kura dan a kwashe kayan fateema duk da kayan duk sun tsufa,su Aliyu dai sunga ana kwashe kaya basu San dalili ba,



Khadija da Alhaji Ahmed yayi mata fad'a akan ta shiga gidan tayiwa Fateema sallama tunda gobe zasu tafi Dan shi bayasan gaba nawa duniyar take,khadija Dan bata San ta bijirewa Alhaji Ahmed akan dole ta shirya ta shiga gidan,adai adai lokacin da ake kwashe kayan Fateema,mamaki ne ya rufeta har ta shiga gidan,Hameeda ta gani a tsakar gida,su Aliyu na palo,Hameeda murnar ganin Khadija ta shigo gidan ne yasa ta tafi da gudu ta rungumeta,Dan kiri kiri Fateema ta hana su shiga gidan,ta kuma rabasu da yaran gidan,Khadija janyeta tayi daga jikinta tana tambayarta ina Fateema,Hameeda ce mata tayi Abbanta yace tayi tafiya zata Dade bata dawo ba,khadija tana jin mai tace tagane abunda ya faru lura ma da tayi ana kwashe kayan Fateemar,tunani ta hau yi na duk yanda aka fateema wani rashin mutuncin ta kartawa Bashir ya saketa,Dan kadan da aikinta,palon ta shiga ta ga su Aliyu a zaune akasa suna kallo,lotsatsun kujeran duk an kwashe dai dai da labulen an cire plasma da dvd kawai aka bari,tausayinsu ne ya rufeta most especially Nura da shine k'arami a cikinsu Dan har yanzu yana bukatar kulawar uwa,amma kash basuyi dacen uwa ta gari ba,itama zama tayi a gefensu ta kalli Hameeda ta tambayeta ko sunci abinci, Hameeda gyad'a mata kai tayi tace sunci abinci,mik'ewa tayi tace musu tana zuwa.


Tana shiga gidan,palon Alhaji Ahmed ta nufa Dan yana nan bai fita ba sabida masu zuwa yi mishi sallama, wasu takardu taga yana cikewa ta zauna agefensa tana jiran ya gama cikewa,bai d'ago ba yace mata har sunyi sallama da Fateemar ajiyar zuciya ta sauke ta kwashe komai ta fad'a mishi,Alhaji Ahmed shima mamakin ne ya rufeshi yace amma ko mai Fateema tayi mishi bai kamata ya saketa ba ai Sai ya duba yaran dake tsakaninsu,Khadija cewa tayi Dan bai San halin fateema bane,Bashir ya Dade yana hak'uri da ita,duk yanda akayi abinda ta yi mishi ya girmama,Alhaji Ahmed cewa yayi anjima idan bashir d'in ya dawo zai nemeshi yaji mai ya had'asu yanzu tunda ba ko mai a gidan an kwashe,ta kira su Manniru suzo sufara kwashe kayan sitting room d'insu suka gidan Bashir,atakaice cikin awa biyu Gidan Bashir ya dawo Kamar sabo Dan kujeru masu kyaun gaske dake cikin sitting room d'in gidan Alhaji Ahmed aka kai palon Bashir da katifa labule,dai dai dasu d'akin Aliyu sai da aka samu su katifarsu waleed,duk kayan abincinsu suka kai gidan Bashir banda kayan sawansu Waleed himili da Khadija ta kinkima ta kai wasu Aliyu,ita ta tayasu gyara gidan, ta zubo musu girkin dare cikin kula tace suci su zubawa Abbansu,Su Aliyu banda kukan dadi babu abinda suke yi Dan basu tab'a tunanin ko a mafarki zasu mallaki irin wanan kayan gidan ba,Nura kuwa sai hawa kan kujerar yake yana saukowa,Khadija kuwa godewa Allah ta ringayi da niimarsa agaresu Dan tasan ba finsu Bashir sukayi ba,Allah ne ya azurtasu.





Bashir ana kiraye kirayen sallahr Magriba ya dawo cak ya tsaya a tsakar gidan dayaga lodin kayan abinci dake zube a kasa,su Hameeda ne suka ringa mishi sannu dazuwa Sumayya kuwa ta hau jan hanunsa akan yazo ya ga kujerar da umma waleed ta kawo musu,Nura kuwa yace yazo yaga kayan da aka kawo musu,bin bayansu yayi,suka nufi Palo zuciyarsa pal mamaki,cikin palon ya shige da sauri dayaga duma duman kujeru ga carpet da labule, da sauri ya juya yana tambayarsu Aliyu yanda akayi su Alhaji Ahmad suka kawo musu wanan kayan,Hameeda ce ta kwashe ko mai ta fad'a mishi akan anzo ana kwashe kayan Fateema ne Khadija tashigo ta tambayesu ina Ummansu shine da suka gaya mata tayi tafiya tasa aka kawo musu kayan,har katifar d'akinsu suka nunawa Bashir,Bashir lumshe idonsa yayi yana tunanin wato burin fateema arayuwa ta tozartashi yanzu badan Allah yadubeshi ya had'a shi da mak'otan arziki ba,da sai dai su koma suna kwanciyar kasa shi da y'ay'ansa dai dai da tukunya sai da suka d'auka bud'a baki Bashir yayi yace "ALHAMDULILLAHI LAZI BI NI'IMATIHI TATMUS SALIHAT"



Fitowa yayi daga d'akinsu Aliyu ya nufi tsakar gida Dan yayi alwala ya tafi massallaci,babu abinda yake yi a zuciyarsa sai hamdala,Dan yasan Allah ne ya amsa addu'ar da ya dade yana yi.



A massallaci suka had'u da Alhaji Ahmed bayan an idar da sallah, Bashir godiya yafara shirin yiwa Alhaji Ahmed ya dakatar dashi yana tambayarsa abinda ya had'ashi da Fateema,Bashir kuwa ganin yanda Alhaji Ahmed ya d'aukeshi yasa ya zayyana mai komai babu abinda ya b'oye mishi,Alhaji Ahmed ransa ba k'aramin b'aci yayi ba dayaji irin wulak'ancin da Fateema ta ringa yiwa Bashir sabida kawai bashida kud'i cewa Bashir yayi bai tab'a sanin za'asamu mace Mara zurfin tunanin irin Fateema ba yanzu kawai Dan bashida kud'i shine ta ringa wulak'anta shi haka,bata maidashi abakin komai ba,to ai shikenan da yana tunanin ya daidaitasu amma tunda abun nata hakane shikenan,zai nema masa mace ta gari ya aura,Bashir murmushi yayi ya k'ara yiwa Alhaji Ahmed godiya yace "Alhaji nagode sosai da alkhairan da ka min,kayi min abinda bazan tab'a mantawa dakai ba,har in koma ga mahallicina bazan fasa Maka addua ba,wani hanzari ba gudu ba wlh Alhaji tsoron matan yanzu nake yi,bana jin zan iya wani auren,idan aka cema Fateema zata min abinda ta ringa min kafin muyi aure wlh karyatawa zanyi,bantab'a sanin tana da kwad'ayin abun duniya ba,wlh sai da na aureta,zan iya rantse maka acikin shekara goma sha biyar da mukayi da aure,dak'yar nayi shekara d'aya ina jin dadin aure,sauran shekarun rashin mutunci kawai Fateema kemin,intana zagina tunani zakayi wlh da Aliyu take,ka duba fa kagani tun ada ma kenan,ballantana ayanzu da mata idonsu ya bud'e da San kud'i,yanzu kafin ka samu macen da zata soka tsakani da Allah za'a Dade,matan yanzu dole sai kaje musu da karya zasu saurareka,inkaje musu ayanda kake wlh bazasu tab'a sauraranka ba,kai ko kasamu wacce take sanka Dan Allah,sai ka samu iyayenta suna da kwad'ayin abun duniya,yanzu wacce yarinya ce,zata saurareni inaje nace mata sana'ar siyar da robobi nake wlh Alhaji dak'yar asamu wacce ,zata saurareni, wasu matan sun lalace da San abun duniya,wlh daidaiku ne na Allah shi yasa nake tsoron aure,ko da zanyi aure sai na gwad'a macen naga bata da San abun duniya zan aureta wlh,"


Girgiza kai Alhaji Ahmed yayi yace "Allah sarki hakane banga laifinka ba sam,ansha ka ka warke dole ka tsoraci mata,amma inaso kasan wani Abu wlh ana samun nagarin bari na maka misali da matata,wlh lokacin da na auri khadija banida ko kwandala,zan iya fad'a maka iyayena ne suka dau nauyin yimin aure,su suke ciyar damu, kai in takaita ma yanzu da samun aikina da yin kud'ina banfi shekara uku ba wlh Khadija bata tab'a canza min fuska ba,hasali ma ina shiga damuwa ita take kwantar min da hankali,shiyasa har jibi nabawa Khadija wani matsayi a zuciyata bata gujeni lokacin da bani dashi ba,dan haka nima na goyi bayanka ka nemi macen da zata soka dan Allah ba Dan dukiyarka ba"


Ahaka suka cigaba da tataunawa har aka kira sallar isha suka nufi massallaci bayan an idar da isha ma hira suka cigaba da yi,Inda akarshe Alhaji Ahmed ya tambayi Bashir wane irin business zai yi da kud'in daya bashi,Bashir cewa yayi shago yake so ya bud'e a kanti kwari ya zuba kayan mata irinsu atamfofi lacess da shadodi,Dan sunfi kawo kud'i,Alhaji Ahmed kwarin gwiwa ya bashi yace zai had'ashi da wani abokinsa dake saro musu kaya daga Cotonou Dan shima yana da shaguna akwari kuma ba laifi suna samun kud'i,godiya Bashir yayi mishi,Alhaji Ahmed ya kuma cewa yayi mantuwa,ya fad'awa headmaster makarantarsu Waleed su Aliyu zasu maye gurbinsu har zuwa lokacin da kud'insu zai kare Dan kud'in shekara uku ya biya,Bashir rasa dai bakin magana yayi Dan yanda yaga rayuwarsa ta canja cikin lokaci guda,lailai yanzu ya yarda da cewa dare d'aya Allah kan yi bature,Alhaji Ahmed gidansa ya shige da sauri dayaga Bashir na hawayen farinciki.





B'angaren Fateema kuwa da aka kwaso kayanta wata daliliya dake gefen gidansu ta bawa kayan, tace ta siyesu ko nawa ne Dan tana bukatar kud'i ahanunta ko dan ta ringa siyan abinda takeso tana ci,aikuwa a wulak'ance Dalilaya ta siyi kayan Dan ko dubu goma kayan basuyi ba,ahaka Fateema ta amshe kud'in,tasiyo tsire da yoghurt mai sanyi ta kulle a d'aki taci ta koshi tabi lafiyar tabarma.😂😂😂😂



Ranaku nata tafiya lokuta na shud'ewa wata uku kenan,da rabuwar Fateema da Bashir,Bashir yazama Dan k'aramin attajiri,Dan Allah ya sa mishi albarka a kud'in yana bud'e shagon Allah ya dafa mishi yake ciniki sosai Dan har sari ake zuwa yi agurinsa sakamakon kayansa bashida tsada, suna zumunci sosai da Alhaji Ahmed duk da sun koma Lagos babu ranar da zai wuce basu yi waya ba, Khadija kuwa har kiransa tayi musamman tace zata had'ashi da kanwarta Bashir ya bata hakuri yace zai yi aure ba yanzu ba sai an kwana biyu,nan kuwa azuciyarsa yana nan mak'ale da San Fateema aransa haka kawai yake jin bazai iya auran wata ha duk da abinda Fateemar tayi mishi,ko da zaiyi aure sai ya samu macen da ya yaba da hankalinta da bazata so shi Dan kud'insa ba,Su Aliyu kuwa rayuwar jin dadi suke yi sosai,Dan kana ganin fatarsu sai kasan suna jin dadi,ga turanci da larabci da suka iya sakamakon tsadaddiyar makarantar da suke yi,su kan tambayi Fateema agurin Bashir,yakan ce musu ta kusa dawowa.




B'angaren Fateema kuwa da kud'in hanunta ya kare ba k'aramin wahala ta sha ba Dan babu abincin da ake ci a gidansu daya wuce koko da dumame da safe,da rana kuwa suci taliya 'yar hausa daddare ma tuwon ne duk tabi tayi bak'i ta rame, Dan inka ganta yanzu bazaka gane ta,duk dare sai tayi mafarkinsu Aliyu tasha yunkurin taje gidan ta dubosu,inna wuro ce take hanata,ahaka ta gama idda awahalce,washegarin da ta gama idda ta daka tsalle ta dire tace wa Inna Wuro babu abinda zai hanata taje taga y'ay'anta watak'ila ma suna can yunwa ta kashe su,Inna Wuro hanunta ta ruko tace ta kwantar da hankalinta zata je taga y'ay'anta amma ta bari ta bata kud'i tayi musu siyayya,tasamu man shafawa mai kara haske ta shafa sabida tayi bak'i dayawa,intaje ahaka Bashir rainata zai yi ya d'auka wuya take sha ,Fateema da sauri ta yarda da shawarar da inna wuro ta bata aikuwa aranar inna wuro ta bata kud'i ta siyo man bleaching.😂😂





AL Quran banida Lafiya kusani a addua fadila y khan Allah sabida Ke da yan group d'inki nayi typing
*Y🅰TSUN MU*🤚🏻🤚🏻🤚🏻🤚🏻 _ba d'aya bane_



*Written by*

💅💅 *SADNAF*💞



*PURE MOMENT OF LIFE WRITERS*

_We don't just entertain and educate we touch the heart of the readers_ *P.M.L*



*#WWW.PMLWRITERS@GMAIL.COM*
*#IG PML WRITERS*
*#https://www.facebook.com/PML_-Writers-FANS-459256761123035*
*#http://maryamsbello.blogspot.com*


*A short and interesting story*



*ALHAMDULILLAHI ALHAMDULILLAH NAGODEWA ALLAH NAJI SAUKI SOSAI MASOYANA BANI DA BAKIN GODE MUKU DA WAYANDA SUKA KIRANI DA WAYANDA SUKA MIN TEXT,KAI MASOYANA GABAKI D'AYA DA SUKA MIN ADDUAR SAMUN SAUKI,ALLAH YA BIYA MUKU BUKATUNKU NA ALHERI NGD SOSAI,NAGA WANI SAKON GAISUWA NGD SOSAI AMMA BANGA SUNA BA*





*WANAN SHAFIN NAKI NE AUNTYNA*

( *AUNTY SIS💞 ALLAH YA SAUKEKI LAFIYA*




Page 40-45


Aikuwa a cikin kwana uku Fateema ta fara haskawa Dan zazzafan man bleaching ta samu da ake wa lak'abi da caro white,tasamu zafaffan tube hot gel tasa,Fateema murna ne yabi ya isheta data ga yanda man ya amsheta dan har tafi yanda take ada,kayan sawarta da Khadija tabar mata ta fito dasu daga akwatinta tafara gwada wanda zata sa Dan Zata raka inna wuro bikin wata 'yar kawarta,dan ina wuro tace tunda ta gama idda gwara ta ringa kwaliya tana zuwa biki da haka zata dace tasamu wani mai kud'in ta aura ,kayan yawa suka yi mata sabida ramar da tayi alhalin lokacin da take gidan Bashir har dameta suka yi,cire kayan tayi tacewa inna wuro bari ta kai kayan bakin titi arage mata Dan suyi mata yawa, Inna wuro ce mata tayi,tayi sauri ta dawo Dan su tafi da wuri,kayan tasa a Leda ta nufi bakin titi doguwar Riga ne ajikinta bak'i da k'aramin dank'walli,tun kafin ta isa bakin titi ta canja takunta tana tafiya ahankali kamar mai tausayin kasa,nan kuwa dan ta burge wani ne yace yana santa,ahaka ta k'arasa shagon dinkin tana yauki,ni rawa take ko girgiza take ni bansani ba, sirranta muryarta tayi tafara yiwa telan bayani tana wani fari da ido sai kace buduruwa,telan dariya ne yaso k'wace mishi daya ga yanda take magana kamar wacce aka shakewa makogaro,k'arbar kayan yayi yafara gyarawa ko d'aga kai bai yi ya kalleta ba,Dan ya tsani mace Mara kamun kai arayuwarsa,idan ma mace ,zai so mai zai yi da wanan da ta kwana biyu Dan yana ganinta yasan ba yarinya bace,mik'a mata kayan yayi bayan ya gama gyarawa ya fad'a mata kud'in da zata bayar,Fateema sai da ta gama iyayi tana wani juya kud'in hanunta kafin ta mik'a mishi tana wani rangaji,telan kasa jurewa yayi,yayi tsaki a fili yana "ban kud'ina Dan Allah ki k'ara gaba ina da abun yi"



Fateema harararsa tayi ta k'unduma masa Ashar,Dan Ashar abakinta kamar 'yar maguzawa,fitowa tayi daga shagon ta cigaba da zaginsa shima ya ringa ramawa yana akai kasuwa baya so,ahankali tafara tafiya da ta iso bakin titi,ta tsaya dan motocin su gama wucewa ta tsallaka,tunda ga nesa lado driver ya hangota mai gidansa ya aikeshi ya kaiwa mahaifiyarsa sako, dogon hancinta da haskenta ne ya tafi dashi,take dabarar da ya sabawa yiwa 'yan mata ta fad'o mishi,agabanta ya tsayar da motar ya sauke glass d'in yana mata sallama,Fateema kuwa ganin motar ya tsaya agabanta ya sa ta k'ara gyara tsayuwarta tana wani fari da ido,zuciyarta fal da farinciki data ga had'adiyar motar dake gabanta,amsa sallamar tayi ayangance tana wani matsawa daga gaban mota kamar tsallaka titin zata yi,Lado da sauri ya sauk'o daga motar yana "ranki yadade magana nake fa nace ina zaki na rage miki hanya"


Fateema sai da tayi wani farr da ido tana Abu kamar mai jin sanyi ta siranta muryarta tana "ina ruwanka da inda zani kawai daga ganina zaka hau wani cewa zaka ragemin hanya"

Lado rikicewa yayi da yaji muryarta yace "wlh tun daga nesa Dana hangoki nasan nasamu matar aure Dan Allah ki shigo na kaiki inda zakije banaso anriga wucewa ana kallonmu" babu kunya babu tsoron Allah Fateema ta nufi cikin motar tana yanga babu ko kamun kai

( wlh duk macen da tayi aure batayi hankali ba ta haihu batayi hankali ba banajin zata tab'a hankali says sadnaf)

Lado shima shigewa yayi cikin motar ya kalleta yace hanyar ina zasuyi,dogon layin dazai sadasu da gidansu ta nuna mishi tana "gidanmu fa ba nisa daga bakin titi,kaga gidanmu can mai k'ofar langa langa"




Lado murmushi yayi a zuciyarsa yace "Ashe itama 'yar mitsiyata ce komai zai zo min da sauki alama tana da San abun duniya"


Lado
A k'ofar gidansu Fateema yayi parking,ya kashe motar ya gyara zamansa yafara sharara karya "sunana Alhaji Lado,ni Dan siyasa ne,tunda naganki naji kin kwanta min arai kece irin matar Dana Dade inaso na aura,na tab'a aure matata ta rasu ne agarin haihuwa ta Haifa min 'yan biyu yanzu haka suna wajen mahaifiyata a saudia,nima ban fiye zama anan kasar ba nafi zama a saudia,jiya na shigo garin nan Dan na duba company na,"


Ai tunda ya fara magana jikin Fateema ya ringa rawa dataji dan siyasa ne,tsalle ya kamata tayi rawa ya kamata tayi bata sani ba,farinciki Gaza b'oyuwa yayi a fuskarta,ta daidaita nutsuwarta tafara maganan ayangance "ni sunana Fateema na tab'a aure nima mijina mutuwa yayi sakamakon cutar TLC( TALAUCI) da ta kama shi,"
Gwalo ido lado yayi yace "wane irin cuta ne TLC"? Murmurshi Fateema tayi Dan ita kadai tasan ma'anar TLC cewa tayi,"wani cuta ne da yake kama mutum idan sanyi yayi mishi yawa,dayake mijina Ac da fanka yake siyarwa,to sakamakon yawan muamalla dayake da abubuwan sanyi yasa cutar ta kamashi,"

Lado dayake jahili ne babu abinda yasani yarda yayi da maganarta nan kuwa karya ce ta had'u da karya,lado cewa yayi "Allah sarki Allah ya jikanshi yaranki nawa"?

" yarana biyu"
Lado murmushi yayi yace "kice munyi anko kinga idan na aureki sai ki had'a yaran namu waje d'aya kiringa kula dasu,Ehmm Fateema agurguje zan tafi kibani lambar wayarki na kiraki anjima sai mu k'ara magana Dan ni gaskiya ba wasa ne ya kawoni ba aurenki nakeso nayi"

Fateema kuwa ganin Dan siyasa ne yasa tace "wlh banida waya,shekaranjiya barayi suka shigo gidanmu suka mana sata,Lado juyawa yayi ya kalli gidan da barayi suka yi sata aransa yace " tab amma wanan ko 'yar iska idan barayi suka zo gidan nan mai zasu sata " a fili kuma yace "Allah sarki aikuwa zan siyo miki waya anjima idan na dawo" Fateema murmushi tayi tace "ai kuwa bama nan yanzu haka ma dinkina na k'arbo zamuje biki nida mahaifiyata kuma sai can dare zamu dawo"

Lado cewa yayi "eyya badan Ina da abubuwan yi ba ai da na tsaya kun shirya sai na kai Ku amma babu damuwa bari na Baku kud'in mota kuje bikin inyaso gobe sai na dawo"Lado yace yana janyo inda ya ajiye kud'in da mai gidansa ya bashi ya kaiwa Mahaifiyarsa Fateema washe baki tayi cikin tsananin farinciki kamar ta fusge kud'in daga hanunsa da taga yana k'irga kud'in,dubu goma ya k'irga ai kafin ya mik'a mata tayi sauri ta sa hannu ta amshe tana mishi godiya,mamaki ne ya rufeshi aransa yace "tabdijam na kwaso lashe money ai kuwa zaki ci ubanki wlh sai na fanshi kud'ina"

A fili kuwa ce mata yayi "ni bari na wuce sai nazo goben" Fateema wani irin murmushi ta sakar masa ta Kane ido d'aya tana sai yazo,sauka tayi daga motar tana d'aga mishi hannu har yabar layin nasu.


*LADO*

Lado driver wani mai kud'ine Alhaji zubairu,Alhaji zubairu irin mutanen nan ne da abunsa bai rufe mishi ido ba yana da hanun kyauta sosai,ya d'auki lado tamkar d'an uwansa baya d'aukarsa drivernshi,sabida kusan sa'anin juna ne su,Lado kuwa ganin Alhaji zubairu ya sakar mishi fuska bai mishi Hijabi da motocinsa ba yasa yayi amfani da wanan damar yake yiwa 'yan mata karya,Da motoci kala kala,yasha lalata 'yan mata asanadiyar kwad'ayinsu Dan zuwa yake ya samu Alhaji zubairu ya kwantar da murya ya mishi karyar wani a danginsa bashida lafiya suna bukatar kud'i Alhaji zubairu kuwa jiki na rawa zai d'auki kud'i ya bashi, ahaka ya yaudari 'yan mata masu aji da suke ji da Kansu ya auresu,Dan yana da hanyar da ake hayar akwatuna da kaya, duk wani Abu da za a bukata na aure yanada hanyar dazai yi hayansu ya kai gidansu yarinya a k'arshe inya aureki ya k'arbe kayan ya mayar,yanzu haka y'ay'ansa goma matansa uku wanan kenan





Fateema a guje ta shige gidansu tafara k'wallawa Inna wuro kira,inna wuro da bata Dade da fitowa daga wanka ba tana zaune akan tabarma tana shafa mai da sauri ta mik'e tana "ke lafiyarki kuwa mai yafaru kike min irin wanan kiran"


Fateema juyi ta ringa yi tana rawa sai da tayi mai isarta tukuna ta tsaya tana " Inna na samu mijin aure wlh na samu mijin aure daga fitata,mai kud'i na samo d'an siyasa Inna kinga kud'in da yabani"

Fateema tace tana mik'awa Inna wuro da jikinta ke rawa sakamakon tozali da tayi da kud'in hanun Fateema,k'irga kud'in tayi ta saki gud'a tana" barkanki Fateema barkanki ashe rabon arziki ne yasa kika baro gidan wanan mitsiyacin mijin naki,kai kai nayi murna kwarai kiga fa Fateema ahaka bakiyi wanka ba kika samo Dan siyasa ina ga kinyi wanka kinyi kwaliya ai nasan gwamna ne zai ce yana sanki,"

Fateema wani ihun murna tayi tace "wlh kuwa inna yanzu dai bani kud'in nan nayi sauri nayi wanka nazo nayi kwaliyya mu tafi nasan ba k'aramin samari zanyi ba yau"

Inna wuro dubu biyu ta cire daga kud'in ta mik'a mata sauran tana "ladan ganin ido"

Fateema watsar da kud'in tayi tana " wallahi ki bani kud'ina bazan k'arbi dubu takwas ba kinsan abubuwan danake so na siya kuwa"

Inna wuro kulle kud'in tayi azaninta tana "na d'auki kud'in man Dana baki kika siyo Dan dama rance na baki ba kyauta ba"

Fateema tsaki tayi ta kwashe kud'in tana "kinyi wa kanki wlh ina k'ara samun wani kud'in bazan nuna miki ba"

Atakaice ahaka Fateema ta shirya cikin damamiyar material d'in Riga da skirt ta bazo da gashinta kamar buduruwa ta yafa k'aramin mayafi suka nufi wajen bikin da Inna wuro, kasancewar kamu ne 'yan mata da iyaye sun cika gidan da ake biki,daidaikun mutane ne basu San Inna wuro ba agurin,hangota da suka yi da Fateema da ta dame kamar kayan jikinta ya yage ne yasa suka fara kus kus,'yan mata kuwa mamaki ne ya rufesu Dan babu sa'ar Fateema a gurin buduruwa,kuma gashi tayi shigar 'yan mata,wayanda kuma suka Santa da basu San aurenta ya mutu ba mamaki ne ya rufesu da suka ga irin shigar da tayi,acikin kawayen Inna wuro wata kasa hak'uri tayi ta tambayi Inna wuro ya Fateema tayi irin wanan shigar kamar buduruwa,Inna wuro ce mata tayi ai ita da buduruwar babu banbanci Dan yanzu bata da aure,wata dake gefen Inna wuron cewa tayi "yanzu fisabillahi Dan auren Fateema ya mutu shine tayi irin wanan shigar da ko wata budurwar ba zatayi ba,Fateema fa yanzu ba yarinya bace da yaranta da komai zata ringa abun yara"

Inna wuro dayake batasan gaskiya rufe idonta tayi tace bak'inciki suke yi mata Dan sunga Fateema tana da kyaun jiki ita da buduruwa babu banbanci su kuwa nasu yayan duk sun tsufa,rashin mutunci Inna wuro tayi musu San ranta ta rik'e hanun Fateema suka bar gidan,adduar shirya wasu suka ringa musu,wasu kuwa suka ringa zaginsu

Atakaice ahaka Lado ya fara zuwa zance wajen Fateema,ya samu rancen kud'i ya siya mata tsadaddiyar waya,indai zai zo sai ya taho mata da wani abu, Fateema tuni ta saki jikinta da lado,ta watsar da zancen zuwa duba su Aliyu Abu d'aya ne yake damunta,indai zasuyi zance da lado,sai ya kawo hannu ya tab'a jikinta ko ya shafa cinyarta ko ya kai hannu kirjinta ta kan doke hanunsa tace mishi mai haka ita bata so,yau ma suna cikin mota suna zancen Lado na mata karyar da ya saba na idan sunyi aure sai ya bud'e mata shago,murna ne yabi ya ishi Fateema ta gyara mayafin data yane kanta dashi take na shanunta suka bayyana,Lado ya lashe lebb'ensa ya kai hannu k'irjinta,Fateema mak'e hanunsa tayi da sauri ta d'aura fuska tana "wai kai mai hakane kai idan kazo idan baka tab'a jikina baka jin dadine? Nifa banasan irin wanan gaskiya ka daina tab'a ni yanda ka ga dama Dan kasan baka kawo sadaki gidanmu ba,ni kar ma ka k'ara tab'ani wlh inka k'ara tabani zan ma rashin mutunci banasan iskanci," Fateema tace tana gyara mayafin jikinta,murmushi lado yayi yace aransa "nasan maganinki ai" marairaice muryarsa yayi yace "Allah ya baki hak'uri ina ganki rasa nutsuwata nake yi,dama yanzu nake so muje wani super market na miki shopping amma tunda na b'ata miki rai Allah ya baki hak'uri ni zan tafi Allah ya huci zuciyarki" lado yace yana bud'e inda ake ajiyar kud'i a motar ya d'auki kudi yasa a aljihunsa,ai Fateema na tozali da kud'in tayi sauri ta kamo hanunsa tana " nifa baka b'ata min rai ba kawai bana San yanda kake tab'ani ne karka damu muje shopping d'in,Lado murmushi yayi ya rungumeta yana "Dan kawai na