You Cannot Download this book untill you login but you can read it .

---

Login Register

akan ana rabon kuɗi sai dai ƙurar motocin mu ta hango dan haka aka barta da cizon yatsa ta jikin madubi na hango ta na yi murmushi jin Uztaz ya matse min gefen ciki yasa na yi ƙara da sauri ya rufe min baki tare da ce wa"Idan kika kuskura kika karya min azumi Hajiya will make sure ta rama min."Sororo na tsaya kallon shi ganin yanda yake magana cike da shagwaɓa da sangarta tuni zuciyata ta ƙara dulmiya a cikin ƙaunar shi,

Sannan na yi mamakin yanda ya iya yin basajar dawowa mafaɗacin ƙarfi da yaji,ban gama mamakin wannan ba sai da naga motocin sun tsaya suna horn a wani makeken Estate wanda ya yi gari guda,buɗe mana get ɗin suka yi sannan suka cilla motocin saman kwaltar da ke shimfiɗe,a daidai wani tamfatsetsen gida wanda na yi ma laƙani da aljanar duniya Suka yi parking nan take suka fiffito suna jiran namu fitowar,Uztazuna kuwa sai kallona yake yi ganin yanda na sake baki da hanci ta cikin nikabin ina kallo,lakuce min hanci ya yi kafin ya ce"Mu je ko Qalbee and kar ki badani wajen kallon nan naki Please a cikin Family kin ji You Are my choice forever and ever."

Sunne kaina na yi alamun jin kunya sannan ya kama hannuna muka shige bayan ya dakatar da masu tsaron lafiyarsa,wani tamfatsetsen ƙofa muka dumfara bayan ya danna wasu lambobi gilashin ƙofar ya bude muka shige.

Tun daga bakin ƙofa yake ƙwala ma Ummiee ƙira bayan mun yi sallama,jin bata amsa ba yasa ya ajiyeni a falo ya shige in da nake da tabbacin uwarɗakanta ne,buɗe manyan idona na yi ina kallon Royal chairs ɗin dake cikin ƙasaitaccen wannan falon,na yi saurin kai dubana kan katifa-katifar da ƙafata ke nutse a ciki na ga ashe kafet ne,ƙare ma ko'ina kallo nake dan har ga Allah Ni tunda nake a duniyata ban taɓa ganin gida mai kyan nasu Uztazuna ba sai dai a irin fina-finan ƙetare,jin motsi daga gefena yasa na yi saurin daidaita nutsuwata sai dai jin Muryar wata hamshaƙiyar mace da ƙamshinta yasa na ji kawai na raina zamtowata sirika a wannan gida ya kamani.

Tuni na tsantsani kaina na takure waje ɗaya,yayinda take dumfaro Ni haka duk takun nata ke tafiya da bugun da zuciyata ke yi da sauri-sauri har ta iso gareni tana yi ma ni wani irin kallo.......

To fah Fans ana wata ga wata mu je zuwa,ya dai kamata a samu wata ƴar aljannar ta haɗa mana document na littafin nan dan sama min sauƙi na gode.




Ummu-jidda.
FIRST RAMADAN WITH  HABIBI.
  💔Heart touching story.💔


FARIDAT HUSAIN MSHELIA (UMMU-JIDDA).



*ZAFAFA WRITERS ASSOCIATION*



https://chat.whatsapp.com/H16N47YvbD60SKUCaNRF6Z


TSARABAN RAMADAN.
Ka zamo mai kyauta, Amma kar kyautar ta janyo maka riya.

LAMBA NA SHA TAKWAS.
Har ta iso gareni tana yi ma ni wani irin kallo mai cike da tsantsan soyayya da sauri ta ɗagoni tare da rungumeni a cikin jikinta,Muryar Uztaz na ji yana ce ma Ummiensa"Wayyo Ummiee kar ki karya min ita bata da ƙarfi."

Daƙuwa ta yi masa ya yi saurin ƙarasowa yana niyyar zuwa gurina na yi saurin hararar sa ƙasa-ƙasa ina yi masa gargaɗi da idona cikin sanyi Ummien ta fara yi min sannu da zuwa na yi saurin duƙawa na gaisheta cike da girmamawa,amsa min ta yi cikin sakin fuska da soyayya kafin ta umurci Uztazuna ya kaini sashenshi mu shirya muna da hadaɗaɗen buɗa baki wanda aka shirya na musamman domin taryata a cikin wannan zuriya mai albarka,

Kama hannuna yake shirin yi ta yi saurin bige hannunsa tare da kama hannuna muka yi cikin ɗakinta ya yi saurin mara mana baya,

"Ni dai naƙi wayon Ummiee ki bani matata kawai,ke fa kika ce in je mu shirya kuma kina shirin yi min ƙwalele."

"Anƙi ɗin je ka faɗa ma Abbanka in yaso ya zo ya ƙwatar maka matar mara kunyan yaro kawai,ƙiri-kiri ka maidani kakarka ta ƙarfi da yaji."

Ficewa ya yi fuuu ya barni da baki hangame cike da mamakin gidansu da tsarinsu mai cike da gamsarwa,ji na yi ina kewar nawa Mahaifiyar na ji hawaye ya taru a idona jin an dafani na yi fara ƙoƙarin maida shi,zaunar da ni Ummiee ta yi tana min hirar Social Uztaz, murmushi kawai nake zabgawa har ta kama hannuna zuwa banɗaki,sake hannuna ta yi  bayan ta nunnuna min yanda zan yi amfani da komai a taƙaice,saurin kai hannuna kan famfon na yi naga ya zubo ina cirewa na ga ya ɗauke a zuciyata na ce lallai duniya ta cigaba Allah ya azurta duk wani bawa da arzikin duniya dana lahira amma tabbas masu akwai suna walawa,gani dai a banɗaki amma kamar a wani ƙayataccen ɗaki nake,jin alamun motsi yasa na miƙa bayan na gama ƙare ma shahararren banɗakin kallo mai kama da wata daula,

Shafe kusan minti talatin na yi ina cuccuɗa jikina da  sabulai masu ƙamshin gaske kafin na ɗaura tawul a kirjina na zuro hijabina na fito zuwa ɗakin bakina ɗauke da sallama,ba kowa sai kayan da zan sa a kan gadon dan haka na cire hijabin na fara shafa mai wanda rabona da shafa mai ai tun kafin azumi amma tunda na shigo gidan nan sanyin Ac yasa na mance da ana zafi ma hadda zama ina ƙalailaye jikina,ina cikin shafa na ji an turo ƙofar an shigo dan haka na dirirece sai dai ganin Uztazuna ta jikin standing mirror yasa na turo baki,

Rungume hannun shi ya yi a kirji yana ƙare min kallo ta jikin madubi jin wani kasala na niyyar rufe shi ganin lafiyayyen fatata da rabin ƙirjina a waje yasa ya juya cikin muryan tsokana na ce"Ina zuwa rasa kunya."

"Azumina zaki karya min Allah matuƙar na tsaya ina kallon wannan lallausan fatar naki."ban ce mi shi komai ba har ya fice nima na cigaba da shirina na gama sa kaya kenan wata matsashiyar budurwa ta shigo ta gaisheni kafin ta sauke jakarta ta fara tsamtsara min light makeup wanda ya yi matuƙar dacewa da round face ɗina,

Warware ɗankwalin kaina ta yi ta min ɗaurin manyan mata kafin ta ciro wata alkyabba a kwali ta warwareta ta samun bayan ta umurce Ni da ,miƙewa,baƙace adon dake gabanta golden ne,dan haka sarƙar da ta sa min da ɗan kunne ya kasance golden
takalmi ma haka, turarurruka masu sanyin ƙamshi ta feffesa min tare da gyara min zamar hular alkyabbar a kaina.

Fatubarakkallahu ahsanu khalikin!Gaskiya matan Social Uztaz ke kyakykyawa kuma kin yi dace da samun miji nagari.

Murmushi na mata bayan na ɗago fuskata na kalli kaina a madubi,gani na yi kamar bani ba dan Ni kaina bansan haka nake da kyau ba sai yau,da man Ni fara ce dan haka adon baƙin kaya da brown na leshin ya fito da Ni.

Chanchaɗi!Muryar Uztazuna ya daki kunnena na yi saurin ɗagowa ina ƙare mi shi kallo dan shigar shi mai kama dana Yarima ya yi matuƙar tafiya da imanina,baƙin yadi ne kofta aka mi shi ado irin na sarakuna a ƙasan wandon da hannun sai gaban rigar sai farin gariyar da yasa wanda tasha aiki kamar daga Mali(Daga Zaria ne kun san nan ma muna da ƙwararrun masu aikin hannu da designers)Hular shi mu haɗu a banki ya kafa mai ruwan fari da baƙi sai ɗigon ruwan kunkumadi a jiki,sai half Cover daya sanya baƙi mai design ɗin aikin da ke jikin shi,nan take na ji haiba da kwarjinin shi ya cika ruhina dan haka na yi saurin yin ƙasa da idona ina gode ma Ubangijin sammai da ƙassai,

Ɗagoni ya yi yana shaƙar daddaɗan turarena duk da tun daga shigowar shi ƙamshim shi ya buwaye mu,hoto ya fara yi mana ganin yanda muka zamto zara a cikin taurarin da ke sama,

Ban san lokacin da mai min kwalliya ta zurare ba dan zuciyoyinmu ya yi nisa Ni da Uztazuna sai jin muryan Ummiee na yi na fara kiciniyar ya cikani yaƙi,

Murmushi Ummiee ta yi irin nasu na manya kafin ta ce"Sai hakuri ba ɗiyata dan wannan da kike gani ba kunya ce da shi ba sai du'a'i."

Zumburo baki ya yi zai yi magana ta yi saurin nuna mi shi agogon dake ɗaure a jikin hannun shi(Rollex)ganin lokaci ya tafi yasa ta yi gaba muka rufa mata baya.

Faffaɗan falo wanda zai iya cin mutum ɗari hadda ɗoriya muka shiga,nan muka tarad da mutane zaune akan daddumomi na alfarma suna jiran isowar mu,tada salla aka yi muka bi sahu dan lokacin shan ruwa ya gabato,ana idarwa Uztazuna ya ja hannuna zuwa gaban Alhaji Bisallah muka durƙushe muka yi gaisuwa, addo'o'i ya dinga sharara mana kafin aka fara shigowa da abin buɗa baki kamar mutum dubu ne zasu ci,ɗaukacin ilahirin Ahalin su ne a wannan Estate ɗin kuma alhamdulillah duk sun hallara an gabatar musu da Ni a matsayin matar Uztaz wasu sun karɓeni hannu bibbiyu wasu kuma ta ciki na ciki musamman kishiyoyin maman shi dake jin kamar su shaƙeni in mutu,an ci an sha kuma an mana nasiha mai gamsarwa nan take aka dinga bina da kyaututtuka na alfarma.

Ganin na gaji yasa Ummiee janyeni muka shige ciki kamar jira yake mu shiga ɗakinta ya biyo mu cike da gajiya ya ce"Ya kamata mu kwanta, Allah na gaji."ya furta hakan yana cire babban rigar dake jikin shi da hular yana mai kwanciya akan gadon Ummiee .

Oh ni ƴar nan me haka kuma goɗoɗo da kai a gadona dan Allah,na ga abinda ya isheni bai ishi Allah ba."

Dariya ya shiga yi ya ce"Nima yau anan zan kwana a gadon Ummieena."

"Saboda matarka ko?"ta tambaye shi ya fara sosa ƙeya yana dariya ƙasa-kasa sunne kai na yi ina jin tamkar ƙasa ta buɗe in shiga dan kunya dan sam Uztazuna bai da ta ido ina cikin tunanin hakan na ji Ummiee ta ce"Ƴar albárka tashi kije ku kwanta kin ji."

Ya daka tsalle ya miƙe tare da ɗaura min babban rigar shi a jikina ya riƙe ƙugu alamun in miƙe,bin shi da throw pillows Ummiee ta yi da sauri ya yi waje yana dariya,ganin naƙi motsawa yasa Ummiee ta ce"Tashi ki bi mijinki kinji ina jin motsin shi a falo."

Ni a nan zan kwana."

Kul ɗinki yanda mijinki ke son ki da mararinki sam kar kiyi wasa da damarki na riƙe shi gam-gam dan maza tsada suke a wannan lokacin ko so kike ya miki kishiya."

Na girgiza kai tare da rufe idona da tafukan hannuna guda biyu,nan take ta shiga yi min nasiha da yanda zan kula da mijina tare da faɗa min duk wani abinda ta san Uztazuna na so tun daga girman shi har yarintar shi,hannuna ta kama ta fitar dani daga shashinta tafiya mai tsawo muka yi har muka riski sashin shi wanda tun daga ƙofar shiga na ga alaman yafi na Ammi haɗuwa har cikin falon mai kama da aljannar duniya ta shigar dani jin alamun motsi daga cikin banɗakin falon yasa ta zarce da Ni uwarɗaka,anan na saki baki da hanci ina ƙarema gadon shi mai siffar mota kallo jin na lumtsuma akan katifar dake ɗaure akan yasa na jini a wata duniyar na daban nasiha sosai ta yi min kafin ta fice bakinta ɗauke da albarkar da take ta sanya min dan tun data ɗaura ido akaina ta ji na kwanta mata arai ta ji tana min kwatankwacin ƙaunar da take yi ma ƴaƴan cikinta,shiru na yi ina nazari can dai na ɗakko wayata na buɗe data dan ganin wainar da ƴan group ɗin First Ramadan with HABIBI ke toyawa.

Hirar su na dinga bi ɗaya bayan ɗaya har na ƙara so kan hirata da yanayin gidan hayar da nake ciki bayyanar social Uztaz a matsayin mijina ya yi matuƙar ɗaga musu hankali,dan basa sona sam tunda Ni talaka ce sai ga shi Allah ya azurtani da samun miji wanda ya wuce tunaninsu,ƙalilan ne daga cikin su suka tayani murna Farrah ita ce kan gaba kafin aka dawo tattaunawa dangane da tallafin marayu da Farrah ke son wakilta, ya samu karɓuwa ba laifi sai dai an samu masu kushe tsarin,

Tun ina zaune har na kai ga kwanciya dan saƙonnin sun yi yawa,duk wanda ya kamata in mi shi reply na mi shi sannan na fita a group ɗin,duba Farrah na yi naga bata online dan haka na ajiye mata saƙo zuciyata cike da tunanin meya hana Uztaz shigowa wajena,rage kayan jikina na yi na faɗa banɗaki na shirya a gaggauce kiciɓus muka yi da shi yana shirin shigowa gurina ya yi saurin cafkoni ya min ɗaukar jarirai bai direni a ko'ina ba sai a kan gadon shi nan muka fara mulmula ganin ina shirin faduwa yasa ya yi saurin kamoni ya rungume.
Godiya ga Allah ya fara yi min sannan ya bidi da in faɗa mi shi komai nake so ya min a wannan duniyar matuƙar bai fi ƙarfin shi ba zai min.

Shiru na yi ina nazari cikin sanyin murya na ce"Fashion House nake son ka buɗe min,a zuba min industrial machine tare da ɗaukan kwararrun teloli wanda sun iya ɗinkin amma ba su da halin buɗe shago,za mu dinga sayar da yadi,in ka saya mu ɗinka maka sannan zamu dinga saida ready made da kayan ɗinki."

An gama Hakimar Zuciyata Your wish Is my command Biliyan uku ya isa?"

Biliyan?ya ɗaga min kai ganin ina mamaki yasa ya ɓata fuska cikin sanyi na ce"Idan Allah ya sama wannan sana'ar albarka gidan marayu zan buɗe wanda da ribar da muke samu zamu dinga ɗaukar ɗawainiyarsu tare da inganta rayuwarsu.

Sakin baki ya yi yana kallona cikin murya mai sanyi ya ce"Fara mai farar Aniya,zuciyarki fari burinki aikata alhairi,kin goya ƙannenki yayinda kike hana idaniyarki bacci domin ganin rayuwarsu ta inganta yayinda mata ke burin mallakar gidaje da motoci na alfarma tare da suturu ke kuma burinki ki share hawayen marasa gata,tabbas rayuwarki abin koyi ce ga duk wanda ke da dama irin taki Allah ya albarkaci rayuwarki."

"Amin ya rabbi,mallakar abin duniya bashi ne abu mai muhimmanci ba saboda duk abinda ka tara anan duniyar zaka barta,babban guzuri a ranar lahira shine sadakatul jariya ."

DIYAN HABIBI.






Ummu-jidda


FIRST RAMADAN WITH  HABIBI.

  💔Heart touching story.💔


FARIDAT HUSAIN MSHELIA (UMMU-JIDDA).


*ZAFAFA WRITERS ASSOCIATION*


https://chat.whatsapp.com/H16N47YvbD60SKUCaNRF6Z





ƘARSHEN LAMBA.
DIYAN HABIBI.
Yanzu gabaki ɗaya haske ya baibaye rayuwata tunda na fara neman ilimin addinin musulunci hakan  yasa ko zama a  online ya daina damuna,yanzu haka ina zaune ne ina kallon wata tasha in da ake bayani akan wafatin Nana A'isha matar Manzon Allah wanda lamarin ya faru ne a cikin wannan wata da muke ciki na Ramadan wayata ta yi tsuwwa,ɗaukarta na yi sai dai ta katse dan haka nabi numban da kira amma bata shiga sai dai guntun saƙon da ya biyo baya daga Hakeema kamar haka"Na ajiye maki saƙo a Whatsapp and Habibinki zai baki wadataccen kuɗi da zaki iya wadata marayu dubu da kayan sallah sai dai ki sa lura gurin rabon kin san wasu da haɗama,yanzu haka muna Airport za mu Umura da Uztazuna ki yafe min in na taɓa miki laifi."Kabbara mai ƙarfi na yi tare da durƙushewa na yi  sujiudar godiya ga Allah mahalicci sannan na miƙe na zauna, farinciki biyu zuwa 3 ne ya zo min lokaci guda na farko samun ni'imar da Hakeema ƙawata ta yi duk da ba wani ɗasawa muke yi ba dan ta cika iyeyi komai ta ce Allah sai kace Allah nata ne ita kaɗai, lokacin haka nake cewa saboda rashin fahimtana da addini,na biyu shawarar Habibina Uztazu ya bi har ya kai wannan matakin na samun Hakeema a matsayin matar shi duk da Habibi bai taɓa faɗa min plan ɗin Uztaz ba sai da abu ya bayyana sannan yake sanar da ni,na uku cikar burina na zamtowa bango majinginar marasa gata,baya mai goya marayu ya tabbata dan haka tuni na buɗe data na hau domin duba sakon Hakima,godiya ce ga Allah tare da ƙarfa min gwiywa akan aikin Allah dana assasata, sai biyo yi min babban albishir da ta yi akan Uztazu ya naɗa Mijina matsayin Manaja na babban kamfanin su dake Jahar Kano ta dabo babban birni yaro koda mai ka zo an Fika sannan an ba shi kwangilar gina Fashion House da samar da duk abinda ake bukata tare da gina gidan marayu,Ni kuma ta naɗani matsayin mataimakiyarta wanda tun daga Rana Mai kamar ta yau in fara tattara marayun da na  tabbatar sun rasa iyayensu dan a shirye take ta tallafa musu da dukkanin wani ƙarfi wanda Allah ya bata, dan wata 3 kacal aka ba Habibi ya kammala gina wannan shararren Fashion House ɗin tare da gidan marayu,albishir ɗin salaryn mai tsoka ta yi  min nan take na ƙara jinjina lamarin Allah tabbas kowani mutum da baiwar da Allah ya mi shi ga shi dai Hakeema dana raina yau ita ce ta ɗaga likafata gaba tunda ta samar ma mijina babban aikin da zai riƙeni ya riƙe Ahalin shi gabaɗaya,ita da bata yi zurfin ilimi ba na boko ita ce mai ba mai degree aiki(Ni kenan.)Tabbas na jinjina lamarin Allah zuciyata ta ƙara sakankancewa da Allah buwayi ne gagara misali.
Koda Ammina ta ji madarar albishir ɗin dana yi mata take yanke ta fashe da kuka jin dare ɗaya Allah ya yi Bature ma'ana Habibi ya tashi daga talakan da take ƙi ya dawo babban mutum dan kwangilar da aka bashi kaɗai ya isa ya tabbatar da yanzu ya shiga cikin manyan mutane tunda ya zama na hannun daman Social Uztaz ɗan Alhaji Bisallah bata ƙara shiga cikin farin ciki ba sai da taji irin aikin alhairin dana assasa da karɓuwan da ya samu nan take ta ce"Ita ma zata bada Tata gudummawar ta hanyar duba lafiyar marayun kyauta sai dai a siyo magunguna ."tunda likita ce ita,nan fa wani daɗin ya ƙara rufeni na ƙira Hajiya Amina itama na sanar mata da Abbiynmu,nan take Hajiya Amina ta lissafo min matan da mazajensu suka mutu wanda ta sani aka bar mata da yara sun kusa ishirin jin ita ɗin mai jama'a ne yasa na ce dole mu haɗa hannu da ita da  yin wannan aiki na alhairi,koda Habibi ya shigo sosai muka taya juna murna,nan take muka zauna muka tsara jadawalin yanda abubuwan zasu kasance,harkar yadi abokin shi Sayyadi Ali ya ba wannan kwangilar sai nemo teloli masu amana wanda cikin sati guda kacal zasu ɗinka ma yaran kayansu takalma,hijabai, ɗan kunne duka ya sayo su dan haka washegari za mu shiga gari dan fara wannan aikin alhairin,ban yi ƙasa a gwiywa ba gurin sanar ma ƴan First Ramadan with HABIBI nan take wasu suka amsa kira dan haka washegari muka shiga cikin unguwan marasa ƙarfi muka fara zaƙulo marayun da ke a galabaice Ammie ta fara basu kulawa tare da kayan abinci masu gina jiki,

Ƙauyen dake arewa da garinmu muka shiga nan fa muka tarar dá babban tashin hankali wanda yawanci mutanen ƙauyen sun yi Ridda saboda Malamai basa bin ƙauyuka yin da'awa kiristoci kuwa suna kai musu tallafi na abinci da suturu kai har ma da kuɗi tare da tallata musu addininsu nan take suka koma faɗin"Yesu Almasihu."su fara bautar wanin Allah.

Dawowa gida muka yi jiki duk ya yi tsami koda na sanar ma HABIBI halin da ake ciki nan take ya fara buge-bugen waya,abinka da lamari na ƴaƴan canji tuni ya samu matasan yara malamai aka haɗa mu dasu washegari muka je muka musuluntar da  dayawa daga cikinsu,dake cikin ƴan group ɗin First Ramadan with HABIBI akwai matan manyan ƴan siyasa har alƙawarin samar musu da tituna da magudanan ruwa da tsaftataccen ruwan sha suka yi kuma cikin ikon Allah ya tabbatu dan da muka koma rabon kayan sallah ma marayu da gajiyayyu da mabuƙata tuni muka ga an fara aiki.

Komai muke yi muna da mai ɗaukar mu video coverage ganin zirga-zirgan ya mana yawa yasa Habibi ya bude mana temporary Office a shagon dake ƙofar gidana na karɓan record ɗin duk wani Maraya dake Unguwar mu da unguwar dake nesa da mu ma,al'umma sun tuttuɗo ciki kuwa hadda waɗanda ba marayun ba duk an taimaka daga ƙarshe har sai da muka fara neman taimako Uztaz na ji ya ƙara ƙaro mana wasu dalolin, Cikin ikon Allah haka muka gudanar da goman ƙarshe na wannan wata cike da ayyukan alhairi masu gamsarwa dan tabbas marayu sun dara kuma sun samu aikin yi ƙarƙashin wannan cibiya,masu dayes da kitso da ɗinki duka mun samu daga cikin marayun suna yi ma takwarorinsu ƴan yuyuyu kuma mun biyasu,Hajiya Hakeema da kullum nake tura mata Video ta Whatsapp tana ganin ayyukan alhairin da mijinta yake yi da sunanta kuka take fashewa da shi a mafiya yawan lokaci tare da gode ma Allah da gode min da wannan kyakykyawan tunanin da yazo min ita kuma ta ƙaddamar,Ni kuma Habibina nake rumgumewa kuma duk sujjadata da addu'o'ina rabi na nema mi shi yardan Allah ne shi da iyayena tare da addu'ar Allah ya sanya shi a aljanna da ya zama Silar shiryuwata,ta bangaren shi kuwa ittaƙafi ya shiga Ni da ganin shi sai ranar Sallah a ganina tunda Allah ya bamu duniya ai da ita zamu nemi lahirar dan haka sam ban so ya yi nisa da Ni ba,kalmar dai da ya faɗa min ita ce"Wata duniyar abin gudu ne Gara mu nemi lahirar dan ita ce abin nema tunda can ne gidanmu na asali,Dukiya da ƴaƴa duka musiba ce a garemu matuƙar zasu hanamu ambaton Allah."jin haka yasa na bi shi da fatan alhairi nima kuma na zage dantse ina ta addu'a gwargwadon wanda na iya sam bana bacci da dare dan in samu in riski wannan dare na lailatul kadri.

A SAUDIYYA.
Ni Hakeema Ni ce rumgume da kaba'a ina kuka tare da nema ma Mahaifiyata gafara,Abbana wanda tare da shi muka zo dan tunda labari ya riske shi akan basajar da Uztazuna ya yi ya nemi ya dawo masa da ni gida,sam bai Mu sa ba ya ɗauke ni ya kaini Sannan ya mi shi gamsasshen bayani dangane da lamarin da yasa ya yi haka, ya gamsu tare da bin mu da kyakykyawan addu'a tare da fatan alhairi,a ranar aka mana cuku-cukun samun passport tare da biza cikin kwana biyu muka ɗage bayan Uztazuna ya aura ma Abbana wata matan dake kula damu mijinta ya daɗe da rasuwa maƙwafciyarmu  ce kuma aminiyar mamanmu dan tunda Mamanmu ta rasu Abbana yaƙi aure shekara goma sha kenan, dan haka tare da ita aka bar ƙannena mu kuma muka shillo cikin wannan alƙarya ta ni'ima da rahama.

Sosai na zage ina addu'a ba dare ba rana dan haka wata irin nutsuwa ke shigata surfa-surfa ji nayi a jikina tabbas wannan dare ta kaddara alhairi da sharri na risketa saboda yanda na gudanar da ibadar cike da sakankancewa nan take ƴanuwana Teloli suka faɗo min a rai ganin Ni ce yau ke ɗawafi a gaban ka'aba bayan na saba duk goman ƙarshe ina nan kan keke Sallah ma ta farilla fizgar jiki nake in yi  shi da ƙyar saboda aikin da yake min yawa, sam bana raya wannan dare da wata ibada babban burina in kammala kayan mutane dana kakkarɓa da wannan kuɗin nake samun inyima marayun ƙannena ɗinki da sauran hidimomin dana wajabta ma kaina yi musu dan Mahaifinmu miskini ne duk da sam baida mutuwar zuciya amma samun shi ya yi ƙaranci Ni ce babban ƴar shi dake tallafa mi shi,

Hawaye na ji yana bin fuskata nan take na fara suburbuɗo ma Teloli addu'ar fita daga ƙangin talauci wanda duk shi ke sanya su ƙuƙewa su yi dan wannan lokacin shine lokacin samuwarsu,ta baya na ji an taɓani ina juyowa na ga Abbana ne zaune akan keken guragu Askarawa na tuƙa shi
,hawaye na ji ya zubo min saboda irin addo'in dana ji yana fita daga bakin shi mai albarka akaina da mijina,ganin hakan yasa Uztazuna ya taho gurina dan lokacin komawar mu gida ya yi dan haka muka tari taxi muka shige sai masauki tare da Ummiee da Abban Uztaz muka yi buɗa baki cikin farinciki da walwala.
Duk tarin gajiyar da muke ciki sai da Uztazuna ya ƙara tsumani da soyayyar shi mai tsayawa a rai dan ya ce"Babban burin shi mu samu ciki a garin Madina."aikuwa anan ɗin Allah ya azurtani da samun Madaniyya (Fatima)idan namiji ne kuma za mu ƙura shi da suna Shakur(Muhammad)kenan.

A haka har muka kammala ibadarmu cikin ɗimbin nasara muka dawo ƙasar mu ta gado bayan Sallah,na yi ƙiba na yi mul-mul dan sam cikin ba mai laulayi ba ne sai