You Cannot Download this book untill you login but you can read it .

---

Login Register

iyaye suna aurar da ƴaƴansu ne gab da Ramadan dan su samu ladan wannan wata amma sun mance da wata ibada wanda amaren da angwayen suka mai dashi abin da yafi komai marmari a tsakaninsu tabbas ana tafka kuskure Allah dai ya kula mana da imaninmu kawai,da wannan tunanin ya shiga banɗaki ya kwara ma kan shi ruwa nan da nan sanyin ruwan ya ratsa har ƙwaƙwalwar shi,ji ya yi jikin shi ya ƙara sanyi,

A daddafe ya yi wanka ya ɗauro alwalla kafin ya fito yasa jallabiyya ya tada kabbarar salla dan a yanayin da yake ciki sam ba zai iya fita ba,karatun Alkur'ani ya yi bayan idar da Sallan nan take nutsuwa ya mamaye ruhin shi,nan ya ji sanyi ya cika ƙirjin shi,a ɗikance ya fara yi ma ubangijin Annabi Muhammadu kirari da mafi daɗaɗan kalmomi har bacci ya yi awon gaba da shi mai cike da nutsuwa.
  DIYAN HABIBI kuwa Data ta buɗe ta haye online,da ƙawarta Hakeema suka gaisa sama-sama dan ta tsaneta saboda ta cika yi musu karan tsaye akan shirye-shiryen su da suke gabatarwa a First Ramadan with HABIBI group,a kan komai ita bagidajiya ce kuma ana fara hiran miji zata fara sako musu Allah da Annabi dan haka suka maida ta saniyar ware tunda sam bata biye ma shirmensu,ita ɗin sam bata waye ba balle ta kile,

Sai dai tana hawa Facebook ta ci karo da abin da ya kusa sata ciwon zuciya saboda ganin matsalarta da ta tura ma admin na SIRRIN YA MACE group ya zama topic of discussion a social media,har maza sanya shi suke yi ana tattauna irin shirmen da ta tafka a newsfeed, babban abin da ya karyar mata da zuciya shi ne,
Yanda ta bada labarin da ta bada sam bata sakaya ba in Habibinta ya gani tabbas zai gane labarin na su ne,nan da nan na ji hancin cikina ya murɗa dan haka na yi banɗaki a guje,

A wahale na fito dan duk abin da ke cikin cikinna sai da ya fita,jin numfashina na fita da ƙyar  tsabar tsoron da n ke ji hakan yasa na miƙe tare da ɗaukan wayana na koma Whatsapp in da na shiga group ɗinmu na amana,amma bisa mamakina sai na ga anan ɗin ma zancen da ake tattaunawa kenan dan haka na fice tare da shiga wani gurup,sai dai duk kanwar ja ce  duk in da na shiga labarina ake, masu screen shot sun yi sun turo ƴan copy and paste ma sun tura dan haka na fara zarya kamar zararra na rasa wani mataki yakamata in ɗauka.

Hakeema ce ta faɗo mata a rai dan haka na tura mata emoji mai alamun Sannu,baiwar Allah wacce ke zaune a kan dadduma tana karatun Alkur'ani a wayarta ta ji saƙo ya shigo mata ta yi saurin kashe datan sai dai ga mamakinta bayan ta kammala karatun ta tashi da niyyar yin aiki sai ta ga numban ƙawarta Farrah ya shigo cikin wayarta,

A gadarance ta ce"Ki hau Whatsapp ina son mu yi magana ƴar wulaƙanci kawai."



To fah kun ji isasshshiyar taku ko?




Ummu-jidda.

FIRST RAMADAN WITH HABIBI.
  💔Heart touching story.💔


https://chat.whatsapp.com/LM4sMyc4lT5Jgnv9lw1vOS


FARIDAT HUSAIN MSHELIA (UMMU-JIDDA).



TSARABAN RAMADAN.
*LADUBBAN HAWA KAFAR SADARWA A RAMADAN.*
*Mu zamto masu yin post na faɗakarwa musamman akan abin da ya shafi Ramadan, ya zamana abin da yake shigo da mu Facebook ko Whatsapp kenan, in ma muyi posting ko kuma mu karanta rubututtukan malaman mu domin samun ƙarfin guiwa akan Ibadun mu.*



LAMBA TA HUƊU.
A gadarance ta ce"Ki hau Whatsapp ina son mu yi magana ƴar wulaƙanci kawai."

"To fah! mai kuma na yi miki DIYAN HABIBI?"

"Kina ganin magana na a online kika ba banza ajiyata daga ƙarshe ma kika sauka tsabar banda muhimmanci."

"Bana Online Datar ce a kunne."ta furta hakan a taƙaice,

Kwafa ta yi kamar tana Kallonta ta ce"Ina cikin matsala ne gaggaruma Billah,and i am totally confused That is the reason da yasa na ke nemanki"

"Turƙashi!Mai kuma ya faru?"ta furta hakan a kiɗime.

"Zan faɗa miki dan ina neman mafita ne kawai kuma kar ki min dariya dan Allah."

Murmushi ne ya suɓuce mata jin abinda ta ce amma tuno da tana cikin matsala ya sa ta ce"kai tsaye ki faɗi matsalarki ba zan miki dariya ba matsalarki ai tawa ce."

"Promise."

"Yeah i mean it, straight forward Please zan fara aikin girki."

I Don't now from where to start na furta hakan cikin zuciyata amma sai na kwantar da kai na fara shiryi mata yanda lamarin ya faru tun daga farko har ƙarshen shi,

Shiru ta yi na wasu sakanni saboda yanda ta ji wani shock ya kamata har sai da DIYAN HABIBI ta ce"Kina tare da Ni?"

"Sosai ina jinki,kawai na yi suman zaune ne wallahi Farrah,Haba ina hankalinki da tunanin suka tafi da har zaki kwashe sirrin gidan aurenki ki kai shi Facebook ko da yake rayuwar da mata suka ɗauka kenan na yayata sirrinsu a social media abu ne dake ce min tuwo a ƙwarya,ba ga ƴanmata ba wanda su nake musu uzuri da ƙuruciya ce,sai dai matan aure nasu abin ya fi munana a ganina."

Hararar fuskar wayar tawa na yi na ce"Ji wani baƙin iyeyi a gurinki dan Allah, yanzu mene ne illa dan matan aure ta je group ɗin mata zalla ta kai damuwarta dan ta samu mafita?"

"Babban matsalar ita ce dubannin gardawan da ke buɗe akawut da sunan mace suna shiga suna leƙan mana sirrikanmu har ma su yi copy and paste su yaɗa ma duniya,shin wai mun rasa mafaɗa ne ko kuwa ba mu da iyaye,kanne,yayu,ƙawaye da za mu yi shawara da sune muke yaɗa ma duniya?"

"Ɓatan basira mana yanzu da ta kwaɓe min ba ga shi ke na nema ba."

"Allah ya mana magani to amma dai ya kamata mu yi ma kanmu faɗa wallahi dan wasu dayawa sun rasa mutuncinsu a idon mazajensu sanadin wannan shirmen."

"Ke ni fa ba dan kin hango matsalar ba wallahi Ni normal ce a gurina dan dai ke ɗin akwai zurfafa tunani ne Ƙawata."

"Dan dai ba ki san yanda wannan matsalar na rashin riƙe sirrikan gidajen mu na aure ya ke taka muhimmiyar rawa wajen janyo ma mata n matsala ba ne."

"Kan aje da nisa ma ai gani nan ma Hakeema,ruwa cikin cokali ya ishi mai hankali wanka sannan na tabbatar da in wani ya taka rawa aka masa liƙi to wani ɗan karan duka zai sa dan in HABIBI ya ga labarin da nasa ake yamaɗiɗi da shi wallahi na kaɗe,dan Allah ki bani mafita ba dan halina ba ƙawata."

Voice ta min na minti biyar nan take ta sauka ganin har ƙarfe huɗu ya yi ta san mijinta ya kusa shigowa kawo mata abin da za su sarrafa dan buɗa baki, addu'a ta shiga yi akan Allah ya sa ya samu abinda suka je nema dan ba su da ko ƙwallin shinkafa balle ƙwayar gero jiya haka ta yi buɗa baki da ruwa zalla shi kuwa Angonta na can yana bibiyar gidajen abokai kwaɗayi,ya gagara tsayuwa da ƙafarsa ya nemi sana'a domin dogaro da Kai,dan tunda garar bikinsu ya ƙare wanda rabi ya kwashe ya sayar suka yi cefane shikenan ta fara zama da yunwa har gara ma da take azumin ta san azumi take.

DIYAN HABIBI.
Bayan na gama sauraran voice ɗin Hakeema nan da nan na ji hankalina ya kwanta dan haka na fice zuwa kicin ɗina wanda himilin wanke-wanken jiya ke jirana kamar mai ƴaƴa goma,ji na yi sam ba zan iya tsayuwar ba tsabar yawansu dan haka na ɗau kujera ƴar tsugunno na fito da kayan harabar kicin na fara wankewa,na shafe awa ɗaya da rabi ina wanke-wanken ƙarshe dana ga yaƙi ƙarawa na ji kamar in rusa kuka(Shawara kyauta ga mata a cikin wannan aikin Ramadan ɗin,sam bai kamata kina aiki ko mai kika ɓata ki bar shi ba,kamata ya yi kina ƙoƙari kina wankewa hakan zai sa gobe ki tashi da wanke-wanken kaɗan.)

Ƙarin minti talatin na ƙara wanda ya zama awa biyu cut kenan sannan na kammala,na shige Falo na gyara,uwarɗakana sannan na shiga ɗakin HABIBI na tadda shi tsaye yana shirin fita,dakatawa na yi ganin ba alamun rahama har yanzu akan fuskar shi na ce"Mai zamu girka yau."

Zuro jikin shi ya yi ya idasa fitowa daga ɗakin kafin ya ce"White rice da Coslow tunda muna da source na naman ragon nan,sai kunun tsamiya da ƙosai."

Gwalalo ido na yi na ce"Duba agogo fa HABIBI."

"Shida ne dai-dai Farrah,dafa farar shinkafa da dama kunun ne abu mai wahala kome?"

"Na surfa wake da hannuna tun kafin Ramadan na sa shi a rana ya bushe na sheƙe tare da ɗura shi a bokiti jiƙawan ne ki markaɗa ki soya min ne zai gagareki ko me?"

Shiru na yi ina zare ido danni har ga Allah na gaji haba FIRST RAMADAN WITH HABIBI ko first Ramadan with cin uban aiki da wahala,

Jiki a sanyaye haka na juya na nufi madafar har na kusa isa  cikin ɗaga murya na ji yace" Kuma ki haɗa min juice na ƴaƴan itatuwa kar ki kuskura ki sa min kayan zaƙi a ciki."

"Ka kasheni kawai ka huta HABIBI."na furta hakan ina shigewa cikin madafar a guje,

Tausayinta ya ji ya kama shi amma sai ya danne tare da biyota madafar cikin son tura mata haushi ya ce"Bar ganin yau ban niƙo miki garin dawa dana masara ba tare da daddawa da kuka da kuɓewa ki min iskanci,wallahi in aka samu akasi akan aikin dana baki zan tsaurara matakai wannan ma ba haƙura na yi ba."Ficewa ya yi yana cewa"Jiya da kika so yin haukarki ai bakiji zan kashe ki ba sai yau dana baki umurni.

Uffan ban ce mishi ba dan matuƙar na buɗe baki ba alhairi ne zai fito daga bakina ba dan haka na sa ruwan shinkafa akan electric tare da kunna gas tare da jiƙa waken,

Tamkar ƙiftawar gira da bismillah na dafa shinkafar ,na ɗumama source ɗin haɗe da haɗa Coslow,na jere su akan dinning tare da kunun tsamiyan da cups,ina suyan ƙosan gefe guda ina haɗa mi shi fruit salad, kammala aikina ya yi daidai da kiran sallan magrib nan take na faɗa ɗaki na sillo wanka na shirya cikin doguwar Armenian gown, feshe jikina na yi da turare kafin na zura Hijab na kabbara sallah,

Lokacin na ji shigowar HABIBI tare da abokan shi ƴan amana su biyu,mijin Hakeema Lukman da Sayyid Ali nan take na ji farinciki ya mamaye ruhina dan haka na ƙara so cike da ƙarfin gwiywa muka gaisa kafin na zuzzuba musu abinci da abin sha,

Lumshe ido HABIBI ya yi cikin jindaɗi ya bini da wani sansanyar murmushi mai nuna alamun albarka yake sa min a cikin zuciyar shi,

Sosai suka duƙufa suna cin abincinsu a nutse sai ƙarar cokula da filet tare da cups kake ji sai da suka ci suka yi nak sannan aka fara yi min santi"To ko ke fa Amarsu,ai abincin gargajiya dabanne a gurin mu."

"Musamman ma mu ƴan gargajiya mun fi son namu,mu ba irin su Kwamared ba ne turawan Ingila"Cewar Sayyid Ali suka fashe da dariya dukkanin su.

"Ni kaina bar ni a mutunta turanci amma nafi girmama cimar mu fiye da tasu gaskiya haba mai ake da abincin da ba kayan ƙamshi sai kala Kore shar."

Miƙewa na yi na fara tattare wajen sai dai tun kafin in kai ficewa falon na tsinkayo muryan Lukman mijin Hakeema yana ce wa"A min take away na shinkafa da source da Coslow ɗin  nan dan gaskiya raina ya biya."

Murmushi na yi kawai tare da shigewa ina ƙunƙuni a zuciyata haka na haɗo mi shi su a cikin wani madaidaicin basket albarkacin ƙawata Hakeema ya ci Allah,sai dai me ina shiga cikin Falon na tsinkayo muryan Sayyid Ali yana ce wa"Kalli wani shirme dake yawo a Facebook yau."

Dararam! haka na ji zuciyata ya buga.......


To fa ko ya zata ƙarke a tsakanin HABIBI da DIYANSA?

*Bakwa comments Readers kar in maida littafina na kuɗi ku ga rashin kirkina,Fatan kun sha ruwa lafiya, Allah ya karɓi ibadumu ya yafe mana zunabanmu yasa muna daga cikin ƴantattun bayi."




Ummu-jidda.

FIRST RAMADAN WITH HABIBI.
  💔Heart touching story.💔


https://chat.whatsapp.com/LM4sMyc4lT5Jgnv9lw1vOS


FARIDAT HUSAIN MSHELIA (UMMU-JIDDA).



TSARABAN RAMADAN.
*Nana Aisha (R.A) tana cewa*
كان اجود الناس وكان اجود ما يكون في رمضان فلرسول الله صلى الله عليه وسلم اجود باالخير من الريح المرسلة
Manzon Allah (SAW) yafi kowa karamci, kuma yafi karamci a cikin Watan Ramadan, kuma lallai Manzon Allah (SAW) yafi karamci da Alkhairi sama da iska mai ratsa jiki.
*[Bukhari da Musulim].*

LAMBA NA BIYAR.
Dararam! haka na ji zuciyata ya buga ganin ya juyo da hankalinshi kacokan a kan allon wayar yasa na ƙara sauri burina dai in cimmasa sai dai ina aikin gaba ya gaba ko kafin in iso har ya karanta,

Fizge wayar da ke hannun shi na yi ina hakin uban saurin dana sha na ce"Bani in gani"

Yanayina kaɗai ya kalla ya tabbatar mi shi da zargin shi dan haka ya kauda kai daga gareni Ni kuma na miƙa ma Lukman mijin Hakeema basket na abincin na juya,

Wayar Aliyu ne fa Farrah"muryan HABIBI ta tsayar da ni juyawar da na yi ina tafiya zan tafi ɗaki da wayar,

A kiɗime na dawo cikin son basarwa hannuna na rawa na miƙa ma HABIBI wayar amsa ya yi yana bina da wani mugun kallo ganin ya karɓa yasa na juya da sauri na shige ɗaki jikina sai rawa yake yi,key na sa ma ɗakin na sulale a wajen hawaye na kwarara a idona,

Ina jin HABIBI ya dawo daga rakiyar abokan shi na ji cikina ya murɗa dan na san tunda muka yi aure ya hanani shiga TIKTOK da FACEBOOK Whatsapp ɗin ma daya yarda dan yaga sabon layi ne,

Banɗaki na faɗa na je na zazzage cikina da ya ruɗe sai dai ina fitowa na fara jin ƙara tsakanin kicin da Falo,nan na ji tsoro ya kamani dan ji nayi ana jan abu kamar a buhu haka dan haka a hanzarce na buɗe ƙofar sai dai bisa ga mamaki HABIBI na hango yana jan buhun shinkafa ɗayar hannun shi riƙe dana Semonvita ya nufi hanyar ɗakin shi,hangangan haka na yi da baki a buɗe na rasa mai ma zance mi shi tsabar mamaki,

Ko kallon gefen da nake bai yi ba ya shige da su ya ƙara fitowa da Taliya,macaroni da jarkan mai ya kai ɗaki ya dawo ya ƙara komawa cikin ɗakin,

Kaf kayan cikin freezern mu dake kicin ya kwashe tare da gurguro da freezern ya nufi hanyar ɗakin shi da shi,dan da man cikin ɗakin na shi apartment ne guda har store akwai a ciki da kicin,

Mutuwar tsaye na yi ina kallon ikon Allah haka ya shigar da shi ciki ya dawo ya fara kinkimar su robobi da tukwane yana shiga da su kai a sannan ne naji zuciya ta kawo min wuya na ji wani ƙululu ya tattaru min a wuya dan haka na ce"Kwamared Mashkur wannan tattara kayan na meye wai."

Shiru ya min yana niyyar shan gabana na yi saurin yin birki a gaban shi na ce"Kaf kayan da ka ke yunƙurin shiga da su apartment ɗinka garata ne wanda Ubana ya min na ga ba kai ka siya ba amma sai kwasarsu kake kana shigar da su cikin ɗaki sai ka ce wani ɗan ƙauy............"

Ai bai bari na kai ƙarshe ba ya falla min mari dama da hauni,nan take na ga wasu taurari masu hasken gaske sun haske min idona tare da tafiya da jina da ganina lokaci guda,

Dafe kuncina na yi ina ƙoƙarin buɗe idona na ji ya ce"Ni za ki kunyata a gaban abokai in kyaleki tare da yi miki uziri akan yarinta ke damunki sannan ki kwashi sirrina ki kai kafar sada zumunta na Facebook?"

Giyar wake kika sha ko ta burkutu da za ki maida rayuwar mu topic of discussion na wannan week ɗin?

Nayin Mashkur(yau ba HABIBI ba Kwamared)ka kasheni.

Saukar belt na fara ji a jikina amma saboda kafiya da naci irin nawa ko gezau ban yi ba sai faɗi yake yana maimaitawa"Ko ban kasheki ba tabbas zan koya miki darasin da duk wacce ta ji labari makamancin naki ba zata yi yunƙurin maimaitawa ba,dan in ma bata fara biye ma Ramadan time-table na social media kar ta soma tunanin farawa."

Duka yake shauɗo min a haukace Ni kuma ina danno mi shi ashar ganin yana shirin sauya min kamani ya sa na riƙe belt ɗin tare da rantawa ana kare,ban dire ko'ina ba sai ɗakina na danna key,

Biyoni ya yi a fusace ya ce"ashe ke a marasa kunyar ƙarama ce ai da kin barni ki ga in ban kashekin ba doluwa kawai wacce bata iya riƙe sirrin gidanta ba,zan ga kuma wanda ya isa ya sa ni in canza ƙudirina na tuwon dawa da koriyar miya a social media tunda ke har kin rasa mafaɗi."

Eh na rasan kuma ka rabu da Ni tare da dawo min da kayan garata azzalumi macuci kawai,ashe da man haka ka ke bansani ba"na furta hakan duk da raɗaɗin da jikina yake min na dukan da na sha,

Ba zan rabu da ke ba har abada,Gara kuma tawa ce dan lefen da na yi muku na al'ada shiyasa aka biyoki da kayan waɗannan ƙananan kuɗin dan haka na ci halas,ki kuma kai ƙarata duk in da kike tunanin zaki kai ko da kuwa Kotun jemage ne"yana gama faɗin haka ya shige ɗakin shi yana haki tsabar ɓacin rai ya barni da dudduba jikina ganin yanda duk ya yi ruɗu-rudu wayata na janyo tare da danna ma Ammina ƙira,bugu ɗaya ta ɗauka bakinta ɗauke da sallama sai dai jin na fashe mata da kuka yasa ta ce"My Farrah what is wrong with You."

"Mashkur Ammi zai kasheni ya.............."ai bata bari na ƙarashe zancen ba ta katse kiran nan take ta fara ƙwalama ƴar aikinta kira domin ta ɗakko mata mayafi,

Gudu-gudu sauri-sauri haka take tafiya har ta baro cikin layinmu ta shigo layin su HABIBI in da nan ta yi kiciɓis da Abbiy ya dawo daga masallaci,

"Lafiya Ammin Farrah?."ya tambayeta a kiɗime dan har ga Allah ya tsorata da ganin yanayinta,

Ina fa lafiya Mashkur na can yana shirin kashe min........."

Katseta ya yi bar barta ta ƙarasa ba ya ce"Kuma shine za ki je ku daku da sirikin naki?"ta mi shi shiru ganin yanda take cika take tumbatsa ya ce"To shige muje gida in har na isa dake."

Mugun kallo ta jefe shi da shi ta ce"Gaskiya Alhaji sai dai ka yi hakuri ba zan iya ƙyale ɗiyata a cikin irin halin dana jita ba"dan haka ta wuce shi fuuuu jikinta har wani mazari yake yi,

Sumar tsaye ya yi yana mamakin iyayen yanzu da suka maida bayyana soyayyar ƴaƴa a wannan zamani tare da yanda wasu matan suka raina mazajensu musamman idan sun ga mazajen ba su kai su ƙarfi ba dan Mahaifiyata babban likita ce dan haka ita ke jan ragamar duk wata ɗawainiya ta mu data raina wanda mahaifinmu ke ba mu duk da mutum ne mai zuciya malamin jami'a ne kuma yana iya ƙoƙarin shi wajen ganin ya hidimta mana amma bata gani.

Shiru ya yi na wasu ƴan mintoci kafin ya tsaida shawarar abinda ya ke ganin ya kamata ya yi dan haka ya zaro waya daga cikin aljihun shi.

HAKEEMA.
Hakeema wacce tun bayan gama chat ɗin su da Farrah take tsimayen ganin mijinta ya dawo shiru har aka soma ƙiraye-ƙirayen Sallan magrib,Iya wacce ke daf da ɗakinta ne ta leƙo ta ce"Ke kowa yau lafiya baki fito ba yarinya?"

"Kaina ke ciwo."ta furta hakan a taƙaice dan tun zuwanta gidan ta karanci halin duka halayyar matan gidan na son tsegumi da shiga abinda ba ruwansu,ga kuma kwaɗayin tsiya su dai burinsu ta girka ta basu kamar wasu mayunwata,

Kasancewar tunda gas ɗin ta ya ƙare Lukman bai siyo mata wani ba yasa take aiki a ƙofar ɗakinta a gawayi sai dai in akwai wuta ta yi a electric cooker,kuma matuƙar ta girka a waje to zata zuba ma kowa zuwa anjima kaɗan kuwa in sha Allahu duk wanda ya girka zai sa mata idan taƙi karɓa Lukman ya yita faɗa wai hana alhairi ne dan dole take amsa yana lashewa,

ganin ta yi zurfi cikin tunani ya sa iyan ta ce"ku ci me kenan to?"

Zai shigo da shi"ta bata amsa ranta a ɓace ganin hakan yasa ta juya cikin sigar munafukan asali ta ce"Oho ki ce yau amarcin ne ya tashi,kaji da burodi da ƙwai zai siyo muku a sokaway(Take-away)."

Shiru ta yi mata tare da raɓawa gefenta ta isa gaban fanfo ta fara alwalla tana yi zuciyarta na mata suya tare da nadamar auren Uztaz Lukman da tayi tun ba'aje ko'ina ba.

To fah Fans ga fa uwar DIYAN HABIBI ta je tare ma ƴarta faɗa ko ya zata ƙarke ku biyoni a sannu.

Share
Like
Comments
Fisabilillahi.


Ummu-jidda.

FIRST RAMADAN WITH HABIBI.
  💔Heart touching story.💔


https://chat.whatsapp.com/LM4sMyc4lT5Jgnv9lw1vOS

FARIDAT HUSAIN MSHELIA (UMMU-JIDDA).

TSARABAN RAMADAN.
*Daga cikin Sunnonin da aka shar’anta ga Azumi.*
*Shine cin abincin Sahur da kuma jinkirta shi saboda taimakawa mai Azumi don kar ya sha wuya.*

LAMBA NA SHIDA.
Zuciyarta na mata suya tare da nadamar auren Uztaz Lukman da tayi tun ba'aje ko'ina ba.

Tabbas duk wanda ya ƙi jin bari ba zai ƙi gani ba da ace ta yi amfani da nasihar da Mahaifinta ke mata na zaɓen miji na gari bata biye ma banbancin ra'ayi da aƙida ba da bata dawo tana danasani ba dan ya sha faɗa ce War"Ɗiyata Hakeema na tabbatar da ke mai ilimi ce da riƙo da addini nasani amma yanda ki ke fifita aƙida fiye da komai abin yana bani tsoro."

Murmushi na ke yi mai sanyi sannan in kalli fuskar kyakykyawan farin dattijo(Mahaifina)in ce"Abba kenan,babban burina a duniya shi ne auren miji mai tarin ilimi,mai ruƙo da sunnar ma'aiki sam bana son ɗan bidi'a a zuciyata wallahi dalilin hakan ya sa ka ga sam bana kula kowa sai uztazan da muke haɗuwa da su a islamiyya ko wajen tarukanmu na addini,shigarsu,ɗabi'unsu kaɗai na ke buƙata domin raya sunnar ma'aiki."

Murmushi irin ta su ta manya yake min sannan ya ce"Allah ta'ala ya baki nagari,Ni dai abinda nake son nutsar da ke shi ne duk wanda ya furta kalmar shahada musulmi ne a gurin Allah kuma Annabi ya faɗa mana musulmi ɗan'uwan musulmi ne dan haka nake son duk wanda kika ga ya karkace ki bi shi da addu'ar shiriya,ba wayonki ko dabarar ki ba ce ta sanya ki ka zama kamila mace mai ruƙo da addini, sannan a zaɓen mijin aure Annabi ya umurce mu da yi muku zaɓi amma saboda hani da ya yi da auren dole ya sa muka damƙa muku ragamar zaɓar mijin aure,idan kin zaɓo mai addini da tarin ilimi ki duba halayya dan da halin shi zaku zauna kin ji ɗiyar albarka."

"In sha Allah Abba."

"Allah ya muku albarka."

Sai in amsa da "Amin." sai dai a inda ya min wannan nasihar a gurin nake bari Ni dai babban burina in auri Uztaz mai gemo,ya goyo Ni a bayan mashin ɗinsa tsuntsun soyayya mu je islamiyya da taron addini aikuwa na samu Uztaz lukman in da Allah ya haɗa ni da shi a wata musabaƙa da muka yi na zama ta ɗaya a jaharmu,nan muka fara shimfiɗa nagartacciyar soyayya ya shigo gida na gabatar da shi ma Abbana,ko da aka yi bincike ba'a same shi da wani mugun hali ba kuma babban Malami ne a wata makarantar islamiyya dan haka yana karɓar salaryn dubu ishirin,zaunar da Ni Mahaifina ya yi ya gwada min muhimmancin sana'a a rayuwar aure ko da na sami Uztaz lukman da zancen sai ya ce min ai yana tsare wani shagon litattafai a kasuwa a na bashi albashi ashe duk  kanzon kurege Ni dan Daga yin auranmu na tabbatar da dubu ishirin din albashinsa kaɗai ya dogara kuma ko kafin watan ya ƙare mashin ɗin mu(tsuntsun soyayya)ya cinye rabin kuɗin,

Haka aka ɗaura aurenmu zuciyar mahaifina sam bai natsu da shi ba amma ganin na kafe ina ganin Lukman shi ne zai bani farinci tare da shimfiɗa nagartacciyar zuriya a ban ƙasa yasa ya haƙura ashe ba anan gizo ke saƙar ba zan fuskanci rayuwar yunwa tun auren bai yi nisa ba,

Da wannan tunanin na miƙe na gabatar da Sallah a daddafe saboda jirin da nake gani na kwanta samɓal a wajen ina ambaton Allah.
Sai bayan ishsha Uztaz Lukman ya shigo gidan da basket a hannunsa,sai dai yana hango yanda na zama ya fara muzurai dan shi har ga Allah ya ɗauka matan gidan da muke haya sun sammana abincin da suka sa a  bani idan na basu bai san duniya na tafiya akan karin