You Cannot Download this book untill you login but you can read it .

---

Login Register

da suka taba haduwa daidai kusan gidan su. Tana tunanin akwai wani da ya sani nan unguwar su.

“A'a kar ka damu sir. Zaka iya tafiya ni ba yanzu zan je gida ba.”

“Umarni ne Zahara. Kashe wannan computer ki same ni a mota ina jiran ki. Na baki minti goma.” Yace mata kafin ya tafi.

A ranta tace me yasa yake son dole sai ya kaita gida. Tafi gane ma ta shiga dan sahu yayi ta gararanba da ita akan ta shiga motarshi ta takure kanta. Ba dan taso ba ta mike ta tattare kayan tabi bayan shi. Ta tabbata yana son yi mata maganar Sarat ne da aikin da take sa ta. Maganar zuci ta fara kafin ta karasa bakin motar “Wayyo Allah, kuma wacce matsalar na sake jawa kaina? Nasan cewa zai yi ba son aikin kamfanin nake ba... Daga karshe ma ya kore ni. Toh kuma idan kora ta zai yi ai ba zai ce min naje da files din gida na karasa aikin.”

Ba zata so ace ta rasa wannan aikin ba, domin a halin yanzu shi kadai take iya yi. Idan har ya kore ta ba zata iya jurewa ba, domin aikin ya fara sawa ta fara yarda da kanta. Ba wai aikin da take mafarkin samu bane, amma tasan idan har tana yinshi zata fara sakewa har nan gaba taje ta nemi wasu kamfanonin na jarida.

Suna zuwa wajen parking, yace ta jira ya fiddo motar. Hakan kuwa tayi, ta labe bakin wata bishiya dan kar wani ya ganta. Domin yanzu mutum ake kiwo ba dabba ba. Sai dai cikin rashin sa'a, lokacin da baka son haduwa da kowa, lokacin ne zaka ga kowa a waje. Sarat dan sahu ko bus ta saba shiga idan zata je gida, amma yau sai gata tare da Hajiya Hasana sun nufo wajen parking. Da ganin su Zahara tayi kokarin guduwa amma aka yi daidai da Mr. Amar ya fito da motar shi kuma ya faka daidai gaban Zahara. Tuni cikin Zahara ya duri ruwa, tsoro da kunya duk sun dabaibaye ta. Ba tare da ta kalli su Sarat ba tayi saurin shigewa mota.

Kin tayar da motar Amar yayi sai da ya gaisa da Hajiya Hasana da kuma Sarat.

“Zahara sannu.” Cewar Sarat tana wani yamutsa fuska.

“Yauwa.” Abinda Zahara ta iya ce mata kenan.

Bayan Mr. Amar yayi musu sai gobe ya tayar da motar.

A saman hanya ba wanda yace kala cikin su. Daman haka Zahara take so, dan bata ma san me zata ce ba. Shi kuwa ta kasa gane dalilin da yasa yayi shuru, domin bata taba ganin sa haka ba.

“Ya jikin naki?” Ya tambaye ta.

A ranta tace ashe nayi azarbabin ganin rashin maganar sa. Ya tambaye ta ya jikin ta ita da ba rashin lafiya tayi ba.

Cigaba yayi dacewa
“Daman kin saba suma ne irin haka? Ko kina fama da wata rashin lafiya ne?”

“Eeh a'a..”

“A'a me?”

“Lafiya ta kalau kuma babu wata rashin lafiya da nake.”

“Oh, tambayoyin nawa ne kika hade kika bani amsa da a'a? I see. Ke ba mai yawan surutu bace. A office naga kullum kamar a takure kike, amma nan kina iya sakin jikin ki. Mu biyu ne kawai anan.”

Abinda bai sani ba, a office din tafi sakewa akan cikin motar shi, domin a cen ba'a cika magana a kanta ba, amma anan ya zamar mata dole tayi magana kuma idan zata yi sai ya kalle ta.

“Kayi hakuri.” Ta fada.

Ji tayi alamun yana kallon ta.

“To shi hakurin na meye Zahara? Kina bani hakuri ne saboda baki da surutu ko kuwa? Wannan ai ba laifi bane. Daga yanzu bana son na kara jin kin bayar da hakuri ba da dalili ba. Da wannan halin naki, sauran ma'aikata sai su raina ki.”

“Kayi hakuri.” Ta sake fada kafin ta tuna abinda baya son ji ne.

Ya jima yana kallon ta kafin ya girgiza kai.

“Ba da gangan nayi ba..”

“Kin san wani abu, ni ban ganin aibun abinda kike yi, amma wasu suna ganin kamar sakarcin ki yayi yawa. Sorry da kalamin.”

“Na sani..”

“A'a baki san irin girman wautar da kike yi ba. A tunanin ki tauye kanki wuri daya, ba zai sa ki samu matsala da mutane ba, amma bari na fada miki mutane sun fi samun dama ga irin ku wajen cimma wata manufa tasu. Ki duba kamar Sarat, na lura kullum cikin saka ki aiki take yi. Kuma ita ba girme miki tayi ba. Na lura da komai amma nayi tunanin wata rana zaki yi wani abun amma naga baki da alama, in banda ni yau da na mata magana da ba zaki taba yi mata ba... Ni ban ce abinda kike yi yana da aibu ba. Ke ma'aikaciya ta ce, kuma hakki na ne na taimaka miki akan abinda ya shafi zamantakewa da mutane. Amma kafin nan kema sai kin yi yaki da tunanin ki. Shi yasa na nemi da na kawo ki gida, dan mu tattauna akan hakan. Dan haka idan kina bukatar wani abun kar kiyi sanya wajen fada min.”

“Nagode sir.”

“Bari yimin godiya. Ina yin hakan ne domin cigaban kamfani. Yayana Kamal zai dawo domin binciken ma'aikata kuma idan har bai tarar da aiki mai kyau ba zai yi sanya ba wajen kora. Duk da ina kokarin na hana shi yin hakan, amma mu biyu muke da hakki akan kamfanin kuma yafi ni kwarewa akan aikin.”

Shuru kowannen su yayi, sai da suka shigo unguwar su Zahara, Amar yace
“Toh ina tunanin idan kika bi nan zaki isa gida da wuri. Ni zan je ganin matar da zan aura ne a cen kwanar take. Nasan ma ba zaki rasa sanin ta ba.”

Zahara bata cika fita ba, dan haka ba lallai bane ta santa.

“Meye sunan ta?” Tayi karfin halin tambayar sa.

“Salmah Idris sunan ta.”

Kamar yanda tayi zato, bata taba jin sunan nan ba a cikin unguwar su. Kowa na burge Zahara amma banda masoya. Bata taba soyayya ba, kum bata tunanin zata yita nan gaba. A nata yin soyayya ba sauki gare shi ba. Bata san ta yaya mutane zasu sota idan bata ao kanta ba. Idan ace tana soyayya, zata dinga tunanin bata dace da mutumin da take soyayya dashi ba. Zata iya tunanin wannan mutumin yafi ta komai ... Kuma ba karamin tabin kwalwa zata samu ba idan yau ya guje ta.

Godiya ta yiwa ogan nata bayan ya aje ta. Yace tayi tunani akan abinda ya fada mata kafin ya tayar da motar. Yan mintuna kadan sai gata a kofar gidan su. Sai da tayi ta konkwasawa kafin wani Cousin din ta Abdul ya bude. Shekarun sa sha takwas kuma yana zuwa gidan au akai-akai.

Gaisawa suka yi, ta tambaye shi ya mutanen gida. Inda Mama take ta tambaye shi, yace mata tana dakin Abba.

Sama ta nufa zuwa dakin Abba. Tana zuwa bakin kofa ta jiwo su suna magana. Juyawa tayi da niyyar zuwa ta watsa ruwa, amma ta tsaya jin sunan ta cikin hirar tasu. Kunnenta ta kara jikin kofar dan jin me suke cewa da kyau.

“Ni ban ce mahaukaciya ce ba, na dai ce tana yin wasu abubuwa masu rikitarwa. Ya kamata muyi wani abu Abban Zahara, ko shawo kanta ne muyi dan taga likitan kwalwa.”

“Wata kila aikin office ne ya takurata kwana biyu, kinsan yanda take. Ba wanda take gayawa matsalar ta, ko kawaye bata da. Dole ki dinga ganin wasu abubuwan ba daidai ba gare ta. Ki bata lokaci nasan komai zai wuce.” Cewar Abba.

“A'a Abban Zahara, kayi tunani idan abun nan ya girmama. Me mutane zasu ce? Abinda ya faru tsakanin ta da Mami ma har yanzu zancen ake.”

“Toh yanzu me kike so ayi?”

“Zaka iya kiran abokin nan naka likitan kwalwa domin yazo ya duba ta. Kuma zamu iya kaita Damagaram wajen Malam Mani mai rukiya. Ni ban ma san ta ina zamu fara ba.”

Jin abinda suke tattaunawa yasa Zahara jin ba dadi. Ashe iyayen ta kallon mahaukaciya suke mata. Amma ya ta iya, tunda bata da hujjar da zata kare kanta. Bayan abinda ya faru tsakanin ta da Mami wa zai rantse yace tana da hankali? Ina ma zata iya bayyana masu abinda ke faruwa da ita. Idan mahaifiyar ta wacce ta haifa ta bata yarda da ita ba, waye zai yarda da ita? Allah yasa bata baiwa Mama labarin komai ba. Da shakkun da take da game da tabin kwalwarta ya tabbata. Kuma Allah kadai yasan irin wahalar da Mama zata sha ganin ta samu lafiya.

Yanzu Zahara ta kara tabbatar da kadaicin ta. Dole ta fara nemawa kanta magani da Al-kur'ani mai girma. Yanzu ta tabbatar akwai abinda ke bibiyar ta. Bata san me yake so ba, amma zata kare kanta da kur'ani. Sports Hall ta nufa, dakin motsa jiki da ta share ta mayar nata. Katifa ce cikin sa, sai wasu daga cikin kayan sawarta. Dawowar ta nan yana daga cikin abinda ya kara daga hankalin Mama. Ita kuwa tayi hakan ne domin gujewa dakin ta. Bacci mai kyau take samu tunda ta dawo nan. Duk da tsoron nata bai ragu ba, amma ta daina ganin wasu abubuwan na tsoro.

Kwantawa tayi kan katifar ta, ta shiga tunanin yanda zata bullowa sabuwar matsalar ta, wato Mama. Idan ba haka ba kuwa zata kare a gidan mahaukata, ko kuma a hannun wani dan tsubbun da zai yi tunanin warkar masu da ita.

Zahara tana cikin wannan tunanin nata, taji kamar alamun bacci ga kuma wata uwar gajiya da tazo mata. A hankali idanun ta na rufewa tana bude su. Tana cikin wannan yanayin taji an kira sunan ta.

“Zahara....!”

Da sauri ta bude idanu, sai dai ganinta ba a cikin dakin motsa jiki da ya dawo dakin ta ba tayi, wani daki ne da bata taba gani ba. Dubawa tayi gefen ta, nan ma taga ba a bisa katifar ta ba take kwance, bisa wani tamfatsetsen gado ne take. Ba tare da ta iya motsawa ba, ta shiga kalle-kalle da idanun ta...hadadden dressing table, katon madubi... littafai da hotunan shahararrun mawaka da yan film ne a cikin dakin. Kokarin tashi take amma kafafun ta kamar babu su jikin ta, kai kawai take iya motsawa.

“Dan Allah akwai mutum anan?” Ta fada muryar ta na rawa.

Tsoro take ji iya tsoro. Bata san a inda take ba. Runtse idanu tayi tana hawaye da tunanin ko zata bude ta ganta cikin dakin ta. Sai dai babu alamun mafarki ne take.

Kuka ta shiga rerewa mai ban tausayi. Domin shi kadai ne take tunanin yi a halin yanzu.

“Me yasa kike kuka ne Zahara?” Ta sake jiwo muryar dazu da ta kira sunan ta.

Zahara waigowa tayi, sai dai wacce ta gani yasa ta kara razana. Amriya ce dan nesa da ita, har yanzu da kyanta da yanzu Zahara take gani yafi komai muni. Kallon ta Zahara ke yi ba ko kyaftawa, ita ma haka Amriya ta tsura mata idanu na wani dan lokaci kafin kamar da kyaftawar ido ta iso gaban ta.

Duk da tsoron da Zahara take ji, tana son yiwa Amriya magana, ta tambaye ta duk wannan abun, ko mai sabon hauka ne ke yin shi. Sai dai tuni Amriya ta riga ta yin magana cikin kakkausar murya tace

“Toh kawata ya kike?”

Zahara shakku take na yiwa Amriya magana. Ita da take son haduwa da abinda ke bibiyar ta, yanzu gata gaban ta, bata san ta ina zata fara ba.

“Kin san dai ba cizo nake ba ko?” Cewar Amriya.

“Wacece ke?” Zahara ta samu karfin halin fada.

“Ni nice, ke kuma kece Zahara.”

“Ba sunan ki ba Aisha?” Cewar Zahara.

Kallon ta Amriya tayi da murmushin ta da bai barin fuskantar ta.

“Ni ba Aisha bace, sunana Amriya.”

“Toh me yasa kike kama da Aisha?”

“Tambaya mai kyau.” Amriya ta fada da dan daga murya, tana mai hawowa kan gadon da rarrafe.

Fuskarta ta kara wani annuri kamar dama tambayar da take son Zahara tayi mata tun da dadewa kenan. Zahara tsoro ne ya kara kamata ta sake kokarin tashi amma har yanzu kafafuwanta a sandare suke...

“Aisha ta mutu kawata.. har yanzu ke baki gane ba?”

“Toh me yasa kike bibiyata? Ni meye laifi na a ciki?”

“Kin fara zama mai surutu Zahara.. Ina son haka!!” Cewar Amriya cike da murna, tana mai kara kusanto Zahara. “Ina son sabuwar kawa ne, saboda Aishata ta mutu. Hakan kuma baya min dadi, kuma naga ke kina da qualities da nake so a gun kawa.”

Kuka Zahara ta sake fashewa dashi tace
“Dan Allah ki fada min wacece ke?”

“Azarbabin me kike yi? Ku dama bil'adama kun cika rashin hakuri. Ada Aisha ma kamar ke take, amma zama dani ya koya mata dangana.”

“Dan Allah ina rokonki ki rabu da ni. Kar ki cutar dani.”

“Zahara har kin manta ke kika amince da kawancen mu? Ba fa dole nayi miki ba. Kamar yanda na fada miki naga wasu abubuwa da dama da ke burgeni a tattare dake.”

Zahara idan da tsoro yana Kashewa da tuni ya kashe ta.

“Ita ma Aisha da farko tsorona take ji amma daga karshe ta yarda da kawancen mu. Sai dai da mahaifin ta ya gano ni, ya nemi ya rabani da ita, ita kuwa Aisha ta yarda da ayi mata magani. Kin ji cin amana ko? Taci amana ta ni kuma na tsani a dauke ni doluwa. Ni kuwa ganin haka, nasa mota ta bi ta kan kawata Aisha. Kina ganin ban kyauta ba?”

Da jin wannan kasan da barazana a maganar ta.

Cigaba tayi da cewa
“Kin sani ni ba muguwa bace. Mahaifin ta mashayi ne, tun tana yarinya yake mata fyade. Kawai ni nazo ne domin na taimaka mata, amma daga karshe ta yarda da zancen mahaifin ta dake son korata daga jikin ta kawai dan ina hana shi yi mata fyade. Aisha butulu ce, shi yasa ta cancanci mutuwa. Shin ni muguwa ce ko kuwa?”

Har yanzu Zahara rusar kuka take, tana kokarin karanto wasu ayoyi da ta sani cikin kur'ani. Sai dai cikin yan dakikun da basu wuce biyu ba, sai ga Amriya dab da fuskar ta yanda har hancin su na gugar juna.

“Shin ni muguwa ce ko kuwa Zahara?” Cewar Amriya, wannan karon cikin bacin rai, dan har kamannin ta sun fara sauyawa.

Domin ta kare kanta, Zahara tasan a wannan lokacin Amriya ba zata so jin abinda ya sabawa ra'ayin ta ba.

“A'a.. tayi kuskure.” Zahara ta fada cikin kuka.

Dariya Amriya ta kyalkyace da ita, alamar amsar Zahara tayi mata dadi.

“Kin gani kin fara ganewa. Da alamu tamu zata zo daya. A tare zamu wataya a duniya ko?”

Zahara bata da wani zabi da ya wuce ta gyada kai, sai dai bata kawo ko kadan a kanta abinda zai faru gaba ba....

AMRIYA
(Hatsabibiyar Aljana)

Love 💞 and Horror ☠️ story 📖

By Malik al-Ashtar 🖋

On wattpad : https://www.wattpad.com/story/270492485

CHAPTER 3

⚖
*HOME OF QUALITIE'S WRITER'S ASSO📚*
_(The Home Of Qualitative Writers That Are Educate Humanities)._
https://www.facebook.com/100495222137315/posts/100496042137233/?substory_index=1&sfnsn=mo

*[📝I.W.A📝]*


AMRIYA HATSABIBIYAR ALJANA
Complete Hausa Novel
A WANI KAUYE MAI SUNA NA'IYA

Duka mutanen kauyen sun taru a bakin wata babbar bishiyar kuka. Yara da manya kowanne ya halarta kamar yanda aka bukata. Da ka kalli fuskokin su zaka san a tsorace suke, hatta da yara ma da ba fahimtar meke faruwa ba sosai suke. Addu'a mutanen kauyen suke ta yi ganin wannan tashin hankalin yazo karshe.

Wani tsoho da suke kira da MALAM SHEHU ne ya mike yana kokarin maido hankalin mutanen kauyen kansa.

“Ku saurare ni da kyau,bayan watanni da na kwashe ina bincike, daga karshe na gano inda Amriya take.” Cewar Malam Shehu cikin daga murya yanda kowa zai jishi.

Wannan maganar kuwa da yayi, ta kara ninka tsoron da mutanen kauyen ke ji. Tsoro hade da yar nutsuwa ce ta ziyarci kowannen su. Ko ba komai yanzu suna da sa ran za'a kama Amriya kuma wadanda suka bata ta sanadiyyar ta su dawo.

Wata sanda da shi kadai yake iya daukan ta tsabar nauyi, Malam Shehu ya buga a kasa. Daga sandar nan da yake iya yi, yana da nasaba da karfin tsafin dake gare shi. Karar wannan sanda yasa kowa na kauyen ya nutsu baka jin ko motsin kuda. Malam Shehu ya cigaba da cewa :

“Wannan hatsabibiyar aljanar ta zalunci kowanne daga cikin ku. Kowa a kauyen nan babba da yaro yasan irin abinda ta aikata. Ni, Malam Shehu nayi alkawarin ba zan barta ta sha ba cikin sauki.”

Nan fa wani surutun ya sake barkewa a wajen, wasu na murnar abinda Malam Shehu zai yiwa Amriya, wasu kuwa na ganin ba karamar kasada ta rasa rayuwa bace ja da wannan aljanar. Domin da yawa daga cikin su sun san wacece Amriya da abinda take iya yi. Ta wargaza rayuwar da yawa daga cikin yan kauyen nan na Na'iya : Kashe-kashe, sace masu dukiyoyi da albarkatun gona, da fitowa mutane dan ta haukata su ga duk wanda tsautsayi ya kaishi ya fito karfe taran dare.

“Kun tabbata zaku iya wannan sadaukarwar saboda wannan kauyen? Amriya batada digon tausayi ko kadan. Ba zata yi sanya ba wajen kashe mu baki daya. Kun fi kowa sanin wacece ita.” Cewar wani tsoho daga cikin mutanen kauyen. Sai da Malam Shehu yaja dogon gemun sa kafin yace :

“Wata kila Amriya tana da karfi sosai, amma ku sani ba ni kadai bane a wannan yakin. Zan je birni kuma zan dawo da ita nan. Ku yarda dani.”

Malam Shehu baya jin tsoron Amriya, domin yasan yanada aljanu wanda zasu taya shi yakar ta. Sa'ar dake gare shi ita ce, Amriya ba wai mutane kadai ta zalunta ba. Tana da makiya da dama anan, haka ma a duniyar su. Da yawan aljanu burin su ganin mutuwarta. Malam Shehu shine wanda suke tunnin zai kawo karshen wannan hatsabibiyar anan duniya.

“Ka nemota Malam, tunda ta tafi 'yata ta haukace baki daya. Kowa a kauyen nan tsoron 'yata yake yanzu, alhali a da tafi kowacce yarinya kyau da farin jini a kauyen nan. Naje wajen duk malammai da bokayen makotan kauyen mu amma abu daya suke fada min, Amriya ce kawai zata iya warkar da ita. Dan Allah Malam Shehu ka taimaka mini.”

Cewar Wata mata da kowa a kauyen yasanta saboda haukan 'yarta. Durkushe take gaban Malam Shehu tana rokon shi da iya karfinta da ya taimake ta. Kowa a wajen yaji tausayin ta.

“Ni, 'yata ta 6ace kimanin watanni uku. Hauka ta fara kafin daga baya ta gudu cikin daji. Tun daga wannan ranar babu wanda ya kara jin labarin ta, kuma mutane suke tsoron zuwa wannan dajin.”

Wata matar ce tazo bayan ta farkon, tana bada labarin kowa sai girgiza kai yake dan tausayawa. Kowa yasan yanda 'yarta da ta bace take da nutsuwa ga hankali. Kyakyawa ce sosai yarinyar ga kuma manema aure da dama. Har ma ana shirye-shiryen auren ta. Sai dai aka wayi gari aka ganta ta canza, tana biyar maza, daga baya kuma ta koma tana kwana ita kadai waje, alhali lokacin kowa na cikin gida gudun haduwa da Amriya. Daga nan yarinyar ta fara hauka, tana duka da jifan duk wanda yabi ta inda take, har wata rana aka wayi gari ta shiga daji. Bata kara dawowa ba.

“Dan Allah Malam ka taimaka min.” Matar ta fada kafin ta koma wajenta. Wata matar ce ta sake zuwa, da ganin ta kowa a wajen jikin shi yayi sanyi. Domin ba zasu manta da 'yarta ba da kuma abinda ya same ta. Ba wanda cikin su ya iya manta kukan da matar tayi a daren da ta rasa yarta.

Kamar sauran yan matan na baya, ita ma wannan yarinya ce kyakyawa ga nutsuwa, da ilimin addini. Duka danginta suna alfahari da ita domin ta hardace kur'ani baki daya. Kullum a cikin dogon hijab take, kuma bata fita daga gida idan ba da dalili ba. Bata wuce shekaru ashirin, har karatun yamma take koyawa yara a masallacin kauyen. Sai dai wata rana da yamma, ta dawo daga masallaci zuwa karfe bakwai bayan sallar Maghreb, ta fadi daidai kofar gidan mai gari. Wasu matasa ne sun dawo daga kamun kifi suka tarar da ita sumamma. Lokacin da ta dawo hayyacin ta, bata gani ta makance. Labari dandanan ya watsu kamar wutar jeji a kauyen, sai dai mutane da jin hakan suka san aikin Amriya ne. Mahaifiyarta tayi kuka har ta godewa Allah, amma kuma tayi farin ciki da kasancewar yarta kusa da ita. Yarinyar nan bata yi kasa a gwiwa ba, ta cigaba da zuwa tana koyar da alkur'ani. Ta kan ce wata kila ba zata sake gani ba da idanunta, amma tana gani da zuciyarta kuma iliminta a cikin kwalwarta yake. Dan haka ba zata daina koyar da karatun alkur'ani ba, har karshen rayuwar ta. Haka kuwa aka yi, wata ranar juma'a da dare bayan sallar isha, tafiyarta take a nutse. Ta hardace hanyar zuwanta gida a zuciya. Kowa na ta sauri yaje gida gudun aljana Amriya, amma ita bata da wannan tsoron domin Allah yana tare da ita kamar yanda take cewa. Tana cikin tafiya ta kawo wata mararrabar hanya, nan taji wani yaro na ta rusa kuka.

Matsawa tayi kusa da yaron, tare da durkusawa dan yi masa magana. Ba zata iya barin shi shi kadai ba anan.

“Yaro, me yasa kake kuka? Ina maman ka? Ya kamata kaje gida kaji.” Ta fada tana shafa fuskar yaron domin lallashin sa.

“Tsoro nake ji ba zan iya zuwa gida ba ni kadai.” Cewar yaron yana mai rage sautin kukan sa.

“Ba damuwa bari nayi maka rakiya, ai kasan gidan naku ko?” Ta tambaye shi.

“Eh na sani amma ina jin tsoro...”

“Ka daina jin tsoro, Allah yana tare da mu. Ka iya karanta ayatul kursiyyu?” Cewar matashiyar budurwar tana mai mikawa yaron hannunta domin yi mata jagora zuwa gidan su.

“A'a menene haka nan?”

“Ita kariya ce. Idan kana karanta ta, ba zaka kara jin tsoro ba, domin Allah zai kare ka. Bari na koya maka. Ka maimaita duk abinda na fada...”

A haka suka cigaba da tafiya.

Cikin rashin sa'a, wannan ranar, yarinyar nan bata dawo gida ba. Mahaifiyarta tayi jiran ta tsawon daren nan babu labarin ta. Washe gari zuwa karfe ukun dare, wani ya konkwasawa mahaifiyar yarinyar dake tsaka da yin Sallah kofa. Katse sallar tayi da saurin ta taje ta bude da tunanin ko 'yarta ce. 'Yar tata ce, amma a kwance a kasa, anyi mata yankan rago. Babu hijab a jikin ta, fuskar ta tasha kwalliya alhali ita bata taba yin kwalliya ba, da wata karamar riga a jikin ta da duk ta bayyana surar jikin ta. Da ganin wannan mahaifiyar tata ta fasa kara tare da somewa. Wajen yiwa yarinyar wanka kuwa, mata yan binciken kwakwaf sun tabbatar da ba budurwa ba ce, alhali cikin kauyen babu wacce keda kyakyawar sheda mai guarantee kamar ta.

Matar yana kuka take bawa Malam Shehu labarin ta. Kusan rabin mutanen dake wajen sai da suka zubar da hawaye da jin labarin. Mutane da dama sun so zuwa su fadawa Malam Shehu labarin abinda Amriya tayi musu amma ya dakatar dasu.

“Zan je birni gobe, na kamota domin ta girbi duk wani ta'addanci da tayi.”

“Kaje Malam kuma ka ceci rayuwar wadanda take kokarin cutarwa nan gaba!” Cewar wani tsoho a cikin taron.

Godiya Malam Shehu yayi musu duka, kafin ya tafi gida yana zumudin ganin ya fara yaki da hatsabibiyar Aljana Amriya....

Ku latsa shudin rubutun dake nan kasa don cigaba da karanta littafin ta hanyar downloading nashi akan wayoyinku
👇👇👇👇👇👇😭
https://t.co/MvIrCc0zi6
https://t.co/MvIrCc0zi6

A WANI BANGARE CIKIN BIRNI KUWA

Wannan rana, Zahara ta tashi da jin wani irin sauyi a jikin ta. Ba wai sauyi na jiki ba wanda ake gani, a'a cen cikin ranta tana jin akwai abinda ya sauya. Tana jin yarda da kanta, jin kanta kyakyawa sosai, jin ta a matsayin cikakkiyar mace. Kallon ko'ina na cikin dakin da take kwance ta shiga yi, wato dakin motsa jiki da ta baro nata ta dawo cikin sa, anan take ta rena dakin, ta gani ashe cikin kazanta ma take. alkawari tayi ba zata sake sako kafa cikin sa ba. Tambayar kanta ma take ta yanda aka yi ta iya kwanciya a dakin.

Bata yi wata-wata ba, ta fito daga dakin zuwa dakinta na asali. Ban daki ta shiga tayi ta wanka kamar zata kwaye fatar jikin ta. Bayan ta fito, ta shiga bincike kayan wardrobe dinta, tana mamakin wai ita ke saka wannan kayan. Alkwari tayi idan taje ta amshi salary din ta, zata siyo wasu kayan masu class. Da kyar ta samu wata riga cikin kayan, karama sosai, da ta saka