You Cannot Download this book untill you login but you can read it .

---

Login Register

ta ga yanda Kamal yake washe baki, sai ta ji tana nadamar yarda da shi da tayi. Bata ganin fuskar Khadija amma Zahara ta tabbatar tana cikin farin ciki. Khadija ta jima tana nuna mata Kamal nata ne kuma su biyu ko ba daɗe zasu ƙare a tare. A baya ta ɗauka kawai farfaganda ne na ƙawa mai kishi amma daga ƙarshe ta gane gaskiya. Kamal dama cen yana son bestie ɗinsa, amma sai da ya fara soyayya da Zahara kafin ya fahimci hakan.

Zahara bata daina yiwa ƙanta tambayoyi ba kuma daga ƙarshe ta fahimci kasantuwar masoyan a wurin ba ƙaramin cutar da ita yake ba. Dan haka ta ji babu abinda take so da wuce zuwa gida, bata ɓata lokaci ba wajen fahimtar da ƙawarta. Sake turo mata text Maryam tayi :

« Na rantse miki Zahara, idan kika bar restaurant ɗin nan, ba ni ba ke. Haka zaki dinga guduwa duk lokacin da kika haɗu da shi wani wuri? Ina kika kai ajinki da mutuncinki? Ina son ki share su kiyi kamar baki taɓa sanin su ba. Su gasu cen suna nishaɗinsu ke kuma kin zo kin wani takure kanki. Kiyi haƙuri ki danne ki cigaba da biyewa shirmen Habib domin yafi wannan sakaren Kamal ɗin. »

Zahara da sai ta dara idan da babu damuwa a tattare da ita. Maryam na da baiwar dawo da ita cikin haske. Tana jin zafi amma bata yi wani abun cutarwa ba da zai sa ta gudu kamar ɓarauniya.

“So Zahara, me kike yi a halin yanzu?” Habib ya tambayi Zahara.

“Ina aiki a publishing company.” Ta bashi amsa.

“Eh amma aikin jarida ta so karanta. Idan ban manta ba kanwarka ma karatun aikin jarida take yi."

“Eh wannan shekarar ta huɗu ce take yi. Ke kuwa me ya hana ki cika wannan mafarki naki?” Cewar Habib.

Zahara tana tunanin ba zata iya amsa wannan tambayar ba domin amsar ta kai da kai ce. Murmushi kawai ta iya yi.

“Anyway, idan da gaske kina son yin karatun zaki iya nema na, ni zan haɗa ki da Mrs. Amadi na tabbatar zata yi murna da taimaka miki.”

Godiya tayi masa na ƙoƙarin da ya nuna domin cikar burinta.



(...)

Ɓangare ɗaya cikin restaurant ɗin kuwa, masoya biyu ne ke cin abinci cikin nishaɗi. Kamal yaji daɗi sosai da suka yi wannan fitar shi da masoyiyarsa. Da duk ayyukan da suka takure shi, bai samu lokacin hutu ba..

Ya kasa daina santin soyayyar Khadija. Yana jin kamar yana faɗawa soyayyarta ne a duk lokacin da ya kalle ta... Wannan abu ne da ya kasa fahimtar shi. Yana cikin farin ciki sosai da yasa bai lura da damuwar da Khadija take ciki ba.

“Yanzu.. da muka ci abinci.. Ina son yin wata magana da kai.” Khadija ta fara magana bayan ta tattara kuzarinta da hannu biyu.

Ajiye kofin ruwan da ke hannunsa Kamal yayi tare da tattare duk hankalinsa zuwa gare ta.

“Wacce magana ce?" Ya tambaye ta.

“Kamal ina da juna biyu." Ta sako masa maganar kamar saukar aradu.

Kamal a take bai fahimci abinda budurwar tashi tace ba, sai da ya ɗauki daƙiƙu masu yawa kafin maganar ta ratsa ko'ina na ƙwaƙwalwarsa. Sosai ya girgiza da jin wannan zancen.

“Ta yaya kika san da hakan?" Ya tambaye ta.

“Nayi pregnant test kuma nayi na jini da ya tabbatar min ina ɗauke da ciki.”

Kamal bai san takamaimai abinda zai ji ba game da wannan labari. Bai taɓa tunanin aikin dare ɗaya zai sa shigar ciki ko kuma in ce baya tsammanin hakan.

“Ka ce wani abu please..” Khadija ta roƙe shi cike da tsoron kar saurayin nata ya ɗauka da zafi.

“Sorry for my reaction.. abun ne yazo min bazata..ban..ban ma san abinda zan ce ba."

“I see.” Ta faɗa a kausashe.

Jiran komai take daga gare shi amma banda wannan reaction ɗin.

“Kar ki ɗauka da zafi Khadija, ba zan taɓa gudunki ba.. kawai na girgiza ne da jin wannan labarin... Ba zaki hukunta ni ba akan hakan. Sanar da ni fa kika yi zan zama uba. Kema nasan zaki girgiza, ya kamata ki fahimce ni.”

“Na fahimce ka Kamal, kawai ina tsoron abinda zai biyo baya ne. Na kasa daina tunanin gobe.”

“Ko me zai faru Khadija, zan kasance kullum domin ki. Wannan cikin da yake jikinki nima nawa ne kuma zan yi iya ƙoƙarina ganin na baku kulawa.”

Kamal da gaske wannan ne a zuciyarsa. Tabbas bai taɓa kawo hakan ba amma yana da tunanin kulawa da su domin yanzu sun zama familynsa.

Hannunsa ya sa cikin na Khadija domin nuna mata yana tare da ita.

“Kar ki ji tsoron komai, ina nan kuma zan cigaba da kasancewa a kusa da ke."

Khadija daɗi sosai ta ji na bayyana mishi cikin da tayi kuma ta ji batada wata sauran damuwa tinda Kamal yana tare da ita. Saidai matsalar ita ce...

Ko Amriya zata bar mata yaron idan ta ga yanda Kamal ke sonshi?

“Me yasa har yanzu baki saki fuskarki ba? Ki daina damun kanki Khadija, ina tare da ke kin ji ko?"

Gyaɗa masa kai kawai Khadija tayi a matsayin amsa. Ba zai yiwu ta yi masa zancen Amriya ba. Ba lallai ya fahimta ba, wa ma zai fahimta. Ba wanda zai fahimci cewa sai da ta nemi taimakon aljana domin shawo kan Kamal..babu. Bare ma Kamal ɗin. Tana tunanin yaƙar wannan hatsabibiyar ne ita kaɗai domin ƙwato ƴancinta da kuma ceto ɗanta.

“Mahaifiyarki ta sani? Nasan zata tsane ni, na controling kaina da ban yi ba.”

“Ni ban damu ba, rayuwata ce. Kuma bana nadamar baka kaina. Mun nunawa junanmu so a wannan daren kuma wannan ce tabbacin soyayya da na samu tinda nazo duniya.”

Na ƙanƙanin lokaci Khadija taji kamar ba ita ke magana ba. Saidai da sauri ta kori wannan tunanin tare da ɗora laifin akan damuwar da take ciki.
Hausa amriya
“Duk da haka, bai dace na taɓa ki ba alhali ba muyi aure ba. Mun aikata zunubi kuma ina son mu nemi gafarar ubangiji.”

“Nadama kake yi kenan?" Khadija ta tambaye shi.

“Ina nadama akan zunubin da muka aikata ba samuwar juna biyun ba. Dan haka ina son da kin haihu, muyi aure."

Khadija ji tayi kamar ta daka tsallen murna. Ta ji da kyau, Kamal yace zai aure ta bayan ta haihu.

“Nasan ba lokaci bane mai kyau yanzu na yin maganar aure..ko kuma yanzun ne ya kamata. Dan haka bani son ƙara jira. Zaki zama uwar ɗana, so ina son ki zama matar da zan rayu da ita."

“Oh my..God. baka san irin farin cikin da nake ji ba. Yau ranar farin ciki ce fiye da kowacce rana a rayuwata." Cewar Khadija.

Farin ciki take ciki sosai ta yanda ta ƙasa riƙe kanta sai da ta rungume Kamal. Kunya ce ta kama Kamal ganin mutanen da ke cikin restaurant ɗin na kallonsu, ya cewa Khadija ta nutsu.

“Yau farin ciki kawai nake ciki my love, babu abinda yake iya sauya hakan a yau."

Da faɗar haka Khadija taji wani yanayi a take a jikinta. Ta jita wani iri kafin ta dawo da sauri hayyacinta. Tana samun wannan yanayin ne kawai idan Amriya na ga wuri.

“Domin murnar hakan, ina son mu je gidanka. Ina buƙatarka.. Ina dab da roƙonka ka ɗauke ni tun nan gaban kowa, idan bamu tashi muka tafi ba yanzu."

Dariya ta so kwacewa Kamal yana tunanin me yake damun Khadija. Saidai abinda bai sani ba Khadija ta daina controlling duk wani abu da take cewa.

“Yanzu fa na gama faɗa miki ba zan ƙara taɓaki ba, sai bayan mun yi aure.”

“Na sani zamu yi aure amma yanzu a buƙace nake, ina buƙatar ka. My love.. ina ruwanmu da addini. Mun riga mun aikata wannan zunubin.”

“Ba dan mun aikata zunubi ba zai sa mu sake maimaitawa. Na faɗa miki gaskiyar abinda ke raina."

“Eh ni kuma ban damu da abinda yake ranka ba, ina son ka..”

Kafin ta ƙarasa kalaminta, ya rufe mata bakinta da hannunsa. Ya rasa me zai yi, ya kasa fahimtar abinda ke faruwa na sauyawar Khadija lokaci ɗaya."

Ita kuwa fuskarsa ta shiga shafawa.

“You are so beautiful, ina son na shiga jikinka. Ina son na mallake ka gaba ɗaya, ka zama nawa ni kaɗai."

Kamal wannan karon cikin fushi, ya damƙo hannunta da har ta kaishi ga cikinsa.

“Meye haka Khadija, ko ki daina abinda kike yi ko na maida ke gida.”

“Oops.. na ɓata maka rai? Shikenan zan dawo lokacin da kake jin wasar." Ta faɗa.

Nan sai ga Khadija ta dawo hayyacinta. Bata iya tuna komai na abinda ya faru ba, amma tasan akwai sa hannun Amriya lokacin da ta ga irin kallon da Kamal yake mata.

“Me ya faru?" Ta tambaye shi.

“Amma wasa kike ko? Har kin iya tambaya ta me ya faru bayan scene ɗin da kika yi yanzu?"

« A kan me kake magana? » Tambayar da Khadija take son yi masa, amma ta san idan tayi zai fahimci akwai abinda ke faruwa. Dan haka ta yanke bashi hakuri kawai.

“Please kayi haƙuri, na sha wasu magunguna ne da zan zo. Ina tunanin su ke sa ina yin wani abun.”

“Me yasa kika sha magungunan?” Ya tambaye ta.

“Ciwon kai ne ya ɗan dame ni."

“Idan waddanan magungunan suna sanya ki irin wannan abun, ki daina shan su mana."

“Kar ka damu baby, i'm so sorry."

“Ba komai, ya wuce."

“Thank you my love."

“Na gaji ni, tashi mu je gida." Ya faɗa tare da cewa a kawo masa bill.

Khadija na son tsayawa amma babu yanda ta iya.

Bayan ya biya bill ɗin sun fito daga restaurant zuwa wajen parking. Tafiya suke shuru babu wanda yace ƙala. Saidai sun kusan ƙarasa wajen parking ɗin yaji wata murya da ya sani.

“Ni dai Maryam ba haka muka yi da ke ba!!"

“Cewa Mansoor zai kai ki gida lami lafiya ko kuwa Habib da zai yi hakan yanzu, ni ban ga wani abu ba a ciki Zahara !”

Zahara ce ! Kamal ya faɗa yana neman inda muryar ke fitowa. Hango su yayi ɗan nesa da su kaɗan.

“Tsoro na kike ji Zahara?" Cewar Habib.

“A'a kawai ita tayi min alƙawarin zata mayar da ni gida!"

“Toh mu daga nan hotel zamu wuce, idan kuwa riƙon kwalba zaki yi mana sai ki zo muje !”

Harara Zahara ta kwaɗawa Maryam.

“Mu je Habib kafin dare ya yi.” Zahara ta cewa Habib da tun ɗazu yake dariyar dramarsu.

“Idan baki son zuwa gida yanzu, zaki iya zuwa wani wajen ke da Habib. Yasan lungu da saƙo na garin nan."

“Ya isa haka Maryam, ku dai ku je abinku." Cewar Habib.

“Ku daina takurawa matata. Tana da gaskiya, idan baku son zuwa gida yanzu. Kuna iya zuwa wani gurin." Cewar Mansoor.

“Kin ga mu je Zahara, rabu da su."

A ɓangaren Kamal, ya kasa ɗauke idanunsa daga kan Zahara. Yanzu da yake kusa da ita, sai yaji kamar duk wata soyayya tata da yake ji ta dawo lokaci guda. Ya ji kamar abinda yake ji game da Zahara an dakatar da shi ne. Yanzu.. kuma yana jin kamar ya ruga wajenta, ya rungume ta sosai a jikinsa. Ya kasa fahimtar meke faruwa.

Tambayar kansa yake ko wanene wannan mutumin da yake tare da Zahara, me yasa suke da kusanci haka? Me yasa Zahara zata yi masa haka? Me yasa take yiwa wannan mutumin murmushi? Me yasa? Me yasa? Me yasa?

Ita kuwa Zahara yayin da take ƙoƙarin shiga mota tayi ido biyu da Kamal yana kallonta. Kallon juna suka shiga yi na wasu ƴan daƙiƙu kafin ta share shi, ta yi shigewarta cikin mota.

Kamal matsawa yayi da niyyar zuwa ya fiddo Zahara daga cikin motar mutumin nan domin ya yi mata magana amma Khadija ta riƙe hannunsa har motar su Zahara ta tafi.

“Kamal ina kake ƙoƙarin zuwa?" Khadija ta tambaye shi.

Juyowa yayi ya kalle ta a hankali kamar a mafarkin ido biyu.. Ya fara fahimtar abinda ke faruwa da shi tsawon duk wannan lokacin.

---------------------------------------------------------------------------------------------
To be continued...

AMRIYA ☠️
(Hatsabibiyar Aljana)

Love 💞 and Horror ☠️ story📖

By Malik al-Ashtar 🖋


CHAPTER 29
I just published Amriyar Hatsabibiyar Aljana Chapter 29 of my story “AMRIYA Hatsabibiyar Aljana”

http://www.ashblogg.com.ng/2022/03/amriya-hatsabibiyar-aljana-chapter-29.html


Karo na farko bayan lokaci mai tsawo, yau taji tana son tafiya makaranta. Kwanakin nan da tayi cikin gida yasa tayi tunani sosai akan halin da take ciki, kuma hakan ya bata damar kula da kanta da kuma na ƙwaƙwalwarta amma rufe kai kullum a gida ya fara isar ta.

Kwance take bisa gado, tana tuna lokutan baya masu daɗi tare da ƙawayenta. Tun bayan abinda ya faru, tayi nesa da kusan duka mutanen da ta sani. A lokacin tana jinta cikin ƙazanta da ba zata bari ta shiga mutane ba. Kwanan nan kuwa da ta gane bai dace ta tsani kanta ba, son komawa school yazo mata...

Tana tsaka da tuna rayuwarta ta baya lokacin da bata da wata damuwa.. sautin tafiyar ɗan uwanta Ammar ya dawo da ita duniyar zahiri. Knocking ƙofar yayi tazo ta buɗe masa, bayan ya shigo ɗakin sun gaisa ya samu guri ya zauna. Sosai ɗan uwan nata ke kula da ita. Bata da fargabar komai idan yana kusa da ita. Bayan sun taɓa hira, Afnan ke faɗa masa tana son komawa school.

“Kina son komawa school?" Ammar ya tambaye ta yana fiddo ido tsabar mamaki.

Afnan ganin yanayin ɗan uwan nata yasa ta ƙyalƙyace da dariya sannan tace
“Akwai ka da abun dariya, fita fa kawai nace zan yi, amma duk ka tashi hankalinka haka."

“Dole in tashi hankalina, ai wannan labari ne mai daɗi ! Ina nufin.. idan kin ce kina son zuwa school, saboda kin samu lafiya kuma kin shirya ! Ko ba haka bane?"

Gyaɗa masa kai Afnan tayi.

“Naji daɗi sosai da sosai." Cewar Ammar. “Zan iya samar miki malami nan gida idan kika ji ba zaki iya ba."

“A'a ! Ina son jarabawa, zan sanar da kai, idan na ga ba zan iya ba. Nayi alƙawari !”

“Kin tabbatar?" Ya tambaye ta.

“Eh, na tabbatar."

“Cool, toh yaushe zaki fara zuwa?"

“Daga gobe." Ta bashi amsa. “Friends ɗina zasu yi min bayanin abinda nayi missing. Na tabbatar ba zan sha wahala ba."

Washe gari Afnan, tayi sammakon tashi, domin shirin zuwa school. Farin ciki da fargaba take ji lokaci guda. Ta kasa daina yiwa kanta tambayar ta yaya zata yi idan taje gaban ajinsu. Ƙoƙarin ƙin yin tunanin tayi a halin yanzu.

Wannan karon cikakkiyar shigar hausawa tayi akan da da take cin gayunta. Tayi tunanin yin wannan shigar ba zai janyo hankalin mutane ba kanta, saidai koda Ammar ya sauke ta bakin ƙofar school ɗinsu, idanu suka yo kanta.

« Me yasa tayi irin wannan shigar? »
« Me yasa ta ɓace aka daina ganinta? »
« Ya naga tayi rama? »
« Wata ƙila ciki tayi »
« Wata ƙila wani makusancinta ta rasa. »

Wannan kallon ƙurallar da ake yi mata ya biyo da irin waɗannan tambayoyin. Afnan ta ji ta a takure, ƙafafuwanta suka fara rawa. Cikin ikon Allah, wata ƙawar Afnan mai suna Azima da take zuwa kullum a makare sai gata ta ɓullo. Afnan ma tayi tunanin zuwa da wuri zai sa abinda yake faruwa yanzu kar ya faru.

“ƘAWATAAAAAA." Azima ta ƙwalla ƙara tare da rungume Afnan da ta kusan kada ta.

“Mahaukaciya, me yasa kika ɓace tsawon wannan lokacin ba labari? Hankalina ya tashi sosai wlh. Har nace sai na hukunta ki idan kin dawo, amma yanzu murna ba zata barni ba.”

“Ai kin bari nayi magana ko.” Afnan ta faɗa tana ƙoƙarin ƙwace kanta daga jikin ƙawarta.

“Toh ina sauraron ki. Bani labari." Cewar Azima.

“Yanzu muje wani guri inda babu hayaniya, na gaji da idanun mutanen nan."

“Shikenan muje."

“Kowa tambayar inda kike ake, har Anwar ma." Cewar Azima.

“Har shi?" Afnan ta tambaye ta da mamaki.

“Eh har shi.” Azima ta bata amsa. “Kowa a makarantar nan yayi missing ɗinki."

Har da haka Afnan mamaki take Anwar ya tambayi ina take. Haɗuwarsu ta ƙarshe basu kwashe da daɗi ba. Har yau tana tuna cacar bakinta da shi. Ita da Anwar ba soyayya suke ba, a gaskiya tsakanin su biyun ba wanda zai iya ba alaƙar dake tsakanin su suna koda duka makarantar ana kallonsu a matsayin masoya. A koda yaushe suna tare cikin makaranta, idan abu na daɗi ya samu ɗaya daga cikinsu su taru suyi murna haka ma na baƙin ciki. Alaƙarsu tafi ta abokai, haka kuma bata kai ga soyayya ba.

Saidai, abinda ya faru da Afnan yasa ta fara nesa da Anwar da sauran mutane. Jin haushin wannan sauyin na Afnan da kuma ƙin gaya masa abinda ke damunta Anwar ya ɗau da zafi da har hakan ya kai su ga faɗa sosai. Suka faɗawa junansu maganganu marasa daɗi da bai dace su faɗa ba....

“Hello, kina jina kuwa? Cewar Azima ganin hankalin ƙawar tata na wani waje.

“Eh, sorry na harba wata duniyar ne."

“Naga alama, amma ya kamata ki faɗa min abinda yasa kika ɓace. Please ina so in sani."

“Rashin lafiya nayi Azima."

“Rashin lafiya?” Azima ta tambaye ta da alamu maganar ƙawarta bata gamsar da ita ba.

Daidai tana ƙoƙarin balbale ƙawar tata da masifa, sauran ɗalibai suka fara cika ajin.

“Ba zan rabu da ke ba, sai kin bani labarin abinda ya faru."

Kaɗa kai Afnan tayi, ta cigaba da gaisawa da sauran abokananta. Bayan wasu mintuna da fara darasi, sai ga Anwar ya shigo aji.

Afnan ta ga Anwar bai sauya daga yanda yake ba. Yana nan siririnshi, kyakkyawa ga ɗaukar wanka. Koda ya shigo ya haɗa ido da Afnan, yayi sauri ya kauda kanshi tare da samun guri cen karshen aji ya zauna.

Anwar ya share ta. Hakan kuwa ba ƙaramin taɓa mata zuciya yayi ba. Tana tunanin ko har yanzu yana cikin fushin abinda ya faru ne tsakaninsu.

Azima da ke gefe tana kallonsu ta girgiza kai, ta sa ran ko zasu dawo kamar da domin tasan Anwar yayi kewar Afnan sosai. Kusan kullum sai ya tare ta ya tambaye ta ina Afnan. Jin kanshi yasa bai ɗauki waya ya kira Afnan ko ya tura mata text ba amma Azima tasan irin damuwar da ya shiga na rashin jin labarin Afnan.

Dan haka tayi alƙawarin daidaita tsakaninsu su koma kamar baya.



(.....)

A ɓangaren Ammar koda ya ajiye ƙanwarsa gidansa kuma ya tabbatar tana cikin tsaro, yayi saurin kaɗa motarsa zuwa gidan ɗan uwansa Kamal. Ya ƙagu ya sanar da ɗan uwansa labari mai daɗi game da Afnan. Yana jin kamar ya kai shekaru aru-aru rabon da ya yi magana da Kamal. Ba wani abu mamaki bane, domin wannan lokacin babu wanda yake da time ɗin wani. Dan haka wannan ranar ta zama kamar wata babbar rana da zasu samu su yi magana.

Ammar bayan ya sauko daga aiki a gajiye yake amma haka ya biya makarantar su Afnan ya ɗauko ta. Afnan tace masa kar ya ƙara wahalar da kansa, tafi son komai ta yi da kanta saidai Ammar ba zai iya hana kanshi hakan ba. Yana ma so ya ɗauki wani da zai dinga aikin kai ta da ɗauko ta, har ma kula da ita.

Ƙarfe takwas da arba'in da biyar na dare Ammar ya iso gidan Kamal. Knocking Ammar yayi na wasu ƴan daƙiƙu kafin Kamal yazo ya buɗe masa. Ammar koda ya ga ɗan uwan nasa ya fahimci ba lafiya ba, ya ji tsoron ko rashin lafiya ɗan uwan nasa yake yi ba tare da ya sani ba.

“Lafiya kuwa? Ya naga duk ka koɗe?” Ammar ke tambayar Kamal yana rufe ƙofa bayan ya shigo.

“Yauwa Ammar gara da kazo."

“Idan haka ne me yasa baka kira ni ba?" Ammar ya tambaye shi.

“A'a bana son takura ka ne. Kai ma kana da naka matsalolin a halin yanzu."

“Ai da ka kira ni." Cewar Ammar.

Falo suka shiga tare da zaunawa bisa kujera. Ammar bin ko'ina yayi da kallo ya ga yanda falon yayi. Littafai ne ko'ina. Bai san dalili ba.

“Duk me ya kawo wannan littafan nan, kuma me yasa naga duk littafai ne game da aljanu? Ban fahimta ba." Cewar Ammar bayan ya ga sunayen da ke jikin littafan.

“Akwai wani abu dake faruwa a rayuwata kuma na tabbatar Amriya tana da hannu a ciki."

“Wacece kuma Amriya? Ko zaka iya min bayani?" Ammar ya tambaye shi.

“Ya kamata in ga Zahara, ina son inyi magana da ita."

“Wace alaƙa Zahara take da da wannan? Abinda na lura da shi, ba kun rabu ba? Ai sai da na faɗa maka nace idan kasan ba aurenta zaka yi ba, kar ka fara soyayya da ita. Bayan ka gama wasa da hankalin baiwar Allah yarinyar nan, daga ƙarshe ka koma ga best friend ɗinka alhali sai da ka rantse min ba son Khadija kake ba." Ammar ya faɗa rai a ɗan ɓace.

Kamal ajiye littafin da ke hannunsa yayi a hankali sannan ya dubi ɗan uwansa.

“Ka saurari me zan faɗa maka, ina son Zahara, ba ƙaramin so ba. Ka yarda da ni har zuwa yau na kasa fahimtar me yasa naji ta fita a raina. Lokacin da na ganta ɗazun, kamar duk wata soyayyar da nake mata da ta goge, ta dawo. Na fahimci duk wannan yana daga cikin siddabarun Amriya. Ta shigo rayuwarmu, kuma a halin yanzu tana wasa da hankalina har ma da na Khadija. Bani da tabbaci amma ina tunanin tana nan kuma idan haka ne Zahara, Khadija, ni wata ƙila har da kai muna cikin haɗari."

“Bansan me ka sha ba amma ko ma meye yanada ƙarfi sosai da zai sa ka ƙirƙiro wannan labarin marar ma'ana. Ina tunanin ya kamata na kai ka asibiti domin ka fara cin kai Kamal." Ammar ya faɗa yana taɓa gishin ɗan uwansa da yayi zafi gau.

Ammar ƙarawa yayi da cewa
“Ka gani, zazzaɓi ma gare ka. Na fahimci dalilin da yasa kake faɗar duk wannan shirmen. Kwanta, bari na kira doctor..”

“Daina ɗauka ta mahaukaci, dagaske nake ! Wannan aljanar ta shiga jikin Zahara... Shi yasa ta dinga yin wasu abubuwa bizarre a baya. Ya kamata ka san hakan domin kai ma hakan ya shafe ka."

A hankali Ammar ya fara tuna wasu abubuwa bizarre da Zahara ta dinga yi a baya. Kuma bata daina sauyawa ba. Zaharar yau daban, ta gobe daban. Amma hakan ba shi ke nuna akwai shafar aljanu a ciki ba.

“Ka yi tunani, zaka ga abinda na faɗa yana da ma'ana. Ni shaida ne akan duk wannan, kuma yau ɗinnan naga irin sauyin ga Khadija. Ta canza lokaci guda ! Ya kamata mu kora ta daga nan kafin ta cutar da mu da kuma baby."

“Wane baby?" Ammar ya tambaye shi har yau kansa a ɗaure.

“Khadija tana ɗauke da cikina, bansan ta yaya ko tun yaushe Amriya take cikin jikinta ba amma ya kamata na tseratar da su."

Ammar iya ƙoƙarinsa yake ganin ya iya lodar duk zancen nan da ɗan uwansa ya yi masa amma sun yi girman da ƙaramar ƙwaƙwalwarsa ba zata ɗauka ba. Yana so ya gaskata Kamal amma ya kasa.

Ɗauko wayarsa yayi yana ƙoƙarin kiran Doctor a sace amma wani ya shiga dukan ƙofa da iya ƙarfinsa.

“Waye wannan ke dukan ƙofa haka? Ko akwai wani da kake jira ne?" Ammar ya tambayi Kamal.

Girgiza masa kai Kamal ya yi alamar a'a kafin Ammar ya je ya buɗe.

Kasa motsawa yayi tsabar mamakin ganin mai bubbugar ƙofar cikin wani irin yanayi.


To be continued...

Like, Comment and Share Please.

AMRIYA ☠️
(Hatsabibiyar Aljana)

Love 💞 and Horror ☠️ story📖

By Malik al-Ashtar 🖋


CHAPTER 30

I just published Amriyar Hatsabibiyar Aljana Chapter 30 of my story “AMRIYA Hatsabibiyar Aljana”

http://www.ashblogg.com.ng/2022/03/amriya-hatsabibiyar-aljana-chapter-30.html


Ammar kallon matashiyar matar yake, sosai take a galabaice. Duk da shi da ita basu shiri, yana son yi mata tambayoyi da dama. Bayan abinda ya faru da Afnan, saurin tsorata yake game da irin lamarin. Yasan yanda rayuwa take lalacewa bayan irin haka ta faru.

Kamal ya dawo dauke da ɗan akwatin agajinsa da kuma ƙanƙara mai sanyi ya ɗora bisa goshin Hafsat. Zabura Hafsat tayi kafin ta yarda ya ɗora mata.

“Me ya faru da ke Hafsat?” Kamal ya tambaye ta. Bayan ya ga kamar ta ɗan dawo hayyacinta.

“Bacci kawai nake son yi.. ko zan iya tsayawa nan har gobe?"

“Na fahimci cikin tashin hankali kike, amma ya kamata ki faɗa mana me ya faru da ke, Hankulanmu a tashe suke. Ina tunanin asibiti ya kamata mu kai ki."

Girgiza kai Hafsat tayi kuma ta ƙi ta faɗa musu abinda ya faru. Tasan idan ta faɗi wani abu, zasu ƙara farmakar ta ne. Kawai bacci take son yi yanzu, in yaso kafin gobe ta manta da komai.

Ammar da yayi shuru tun ɗazu, yace
“Abinda ya kamata ace kin yi yanzu shine ki faɗa mana abinda ya faru, ko ba komai kofar gidansa kika bubbuga."

“Ba yanzu ba Ammar." Cewar Kamal.

“Ni kawai cewa nayi muna da ƴancin sanin meke faruwa ! " Ammar ya faɗa.

“Ba ta hanyar nuna rashin tausayi, zai sa ta yi magana ba. Calm down ok?"


Hafsat kallon Ammar tayi kafin ta sadda kai ƙasa. Da a wani yanayin ne