You Cannot Download this book untill you login but you can read it .

---

Login Register

symptoms na mai ciki. Tana yawan jin kasala, ga yawan fitsari duk bayan mintuna goma alhali da tana iya riƙewa na yini guda bata yi fitsari ba. Da farko ta fara tunanin ita ce ke sa hakan a ranta, amma mamanta suka fara yi mata ciwo, da safe ƙwarnahi bai rabuwa da ita. Kuma wannan safiyar bayan ƙwarnahi sai ga yawan jiri. Ba coincidence bane idan hakan ya faru.

“Karɓi je kiyi gwajin." ƙawarta Sa'adiya tace mata.

Karɓa tayi ta sauka daga kan gadon ta nufi ban ɗaki.

Khadija karɓar test pregnant ɗin tayi. Murna ce da damuwa suka cakuɗe mata wuri ɗaya. Bata san takamaimai me take ji ba. Ta so irin wannan ya biyo bayan aurenta da masoyinta Kamal amma ƙaddara ta ɓullo mata ta wani wurin daban. Yanzu bata sani ba idan ya dace ta damu domin bata san ya Kamal zai ji ba. Tasan Kamal ba zai taɓa musa cewa ba nashi bane. Tambayar shine jin zai yi amanna da cikin kuma ya zamar masa uba?

Tambayoyi ne da dama cikin kanta.

Gwajin kuwa ya nuna bata yi kuskure ba tana dauke da cikin Kamal.

Fitowa tayi daga cikin ban ɗakin. Sa'adiya da ke faman jiranta ta warce test pregnant ɗin daga hannun Khadija. Lokacin da taga result din ta juya gun ƙawarta tareda rungumeta.

Khadija cikin kuka tace mata :
“Zan je na faɗawa Kamal, zan je wajenshi yanzu."

“Bansan me zan ce miki ba, amma ki kwantar da hankalinki nasan Kamal ba zai taɓa barinki ba. Amma ina baki shawara da ki bari har gobe sai ki je wajenshi kafin nan kin samu nutsuwa."

“Kinada gaskiya.” Khadija ta bata amsa tana goge hawaye. “Zan kwanta yanzu, domin ina buƙatar hutu."

“Me kike ji yanzu?” Sa'adiya ta tambaye ta tana mai taimaka mata dan ta zauna bisa gado.

“Ban sani ba, a halin yanzu komai confusion ne.”

“Yaro a kullum albarka ce daga gun ubangiji. Kuma kin jima kina son ɗa, duk da ba irin wannan hanyar ba amma abinda ya faru ya riga ya faru. Kuma abu na karshe da nake son faɗa miki ko ba komai yanzu ke da Kamal kun zama ɗaya har abada."

Khadija tayi nisa cikin tunani, ƙawarta tanada gaskiya wannan cikin zai ƙara haɗa soyayyarta ne da masoyinta.

“Ni ina ga cikin ba komai zai kawo miki ba face alkhairi nan gaba. Bayan kin haihu, wata ƙila Kamal ya aure ki. Kin ga kin samu abinda kike so da jimawa. Dan haka ki daina yiwa kanki wasu dubban tambayoyi.”

“Shikenan, may be kinada gaskiya. Bari na ɗan huta."

“Ok, nima bari naje na haɗa dinner. Kafin nan zaki iya yin baccinki.”

Sa'adiya ta bar ɗakin bayan ta taimakawa Khadija ta kwanta. Ta rufe mata rabin jikinta da bargo kafin ta kashe mata wutar ɗakin.

Duk da tayi alƙawarin ba zata yi ba, Khadija bata daina tunanin rayuwarta nan gaba da wannan cikin ba. Bayan ɓata awowi tana tunani daga ƙarshe bacci ya ɗauke ta.

Saidai bata sani ba, baccin nata shima ba wurin hutu bane.

Cikin bacci, Khadija ta tsinci kanta ƙofar gidan Amriya. Ta tuna haɗuwarsu ta farko a nan. Kallon baƙaƙen busassun fulawowin da suka kewaye gidan take. Wanda hakan koda yaushe ke sa mata tsoro. Wannan karon bata jira sai ta shiga ciki ba kafin ta ga Amriya. Jin alamunta tayi a bayanta. Ba zata taɓa sabawa da sauyawar temperature ɗin jikinta ba idan Amriya na ga wuri.

Shafa kafaɗarta Amriya tayi da ya sanya ta zabura amma tayi saurin daidaita nutsuwarta domin kar ta nunawa Amriya ta tsorata. Kallonta Khadija tayi wannan karon cikin ido. Amriya na da idanu mafi kyawo a duniya ko kuma ince Khadija bata taɓa ganin wani da kyawun idanu irin Amriya ba. A duk lokacin da ta haɗa ido da ita sai taji komai na jikinta ya daina motsi, ta kasa kallon wani wurin.

“Kar ki tsorata." Amriya ta raɗawa Khadija a kunne kafin ta kama hannunta.

Kamar da ƙyaftawar ido suka bayyana cikin wani ɗaki na jariri da wani ƙaton madubi gaban ɗan gado na jariri. Kyakkyawan ɗaki ne sosai kuma mai girma da yasa Khadija taji ta zama ƴar ƙarama a ciki.

Tuni ta sani kenan? Khadija ta raya a zuciyarta.

“Ba dai kina tunanin ki ɓoye min ba?” Amriya ta faɗa.

“A'a..nima..ban daɗe da sani ba. Bansan inada ciki..”

“Munada ciki dai zaki ce." Cewar Amriya. “Ni ce keda ciki...ba ke ba.”

“Kamar yaya?”

Khadija ta faɗa tareda juyowa ta kalli Amriya amma Amriya ta ɓace kuma ɗakin babyn da yake duka fari ya sauya launi zuwa ja.. jini ya bayyana ko'ina a jikin bango, a ƙasa, a jikin labulaye har ma bisa ɗan gadon jaririn. Khadija ji tayi ƙafafunta sun kasa ɗaukanta. Bata yi aune ba tayi wata muguwar faɗuwa ƙasa sai kuma ga Amriya ta bayyana cikin madubi.

“Kina tunanin idan bani nan, Kamal zai kwanta da ke? Duk wannan da kika ga ya faru saboda ina cikin jikinki ne. Ni yaji yana sha'awa, shi yasa har hakan ta faru. Duk wannan sha'awar da kika ga ya nuna a kanki a wannan daren, saboda ina wurin ne. Ni yake so ba wai ke ba."

“Ƙarya kike, maƙaryaciya ce ke!” Cewar Khadija.

Ɗakin ne ya fara wani girgiza, ƙwan fitilar dake ɗakin ya fashe kuma kujerar dake kallon ɗan gadon jariri ta juyo da ƙarfi tana fuskantar Khadija.

“Bana jin daɗi idan bil'adama na zagina. Amma ke ba zan yi miki komai ba domin kina ɗauke da ɗana. Zan cigaba da kulawa da ke har lokacin da zaki haife shi.

Khadija da ƙaraji tace
“ƊANA NE NI KAƊAI KINA JINA? KUMA BA ZAN TAƁA BARI KI ƘWACE MIN SHI BA.” Ta faɗa cikin ɓacin rai.

“Kina tunanin kinada zaɓi?” Amriya tace da ita kafin ta ɓace a jikin madubin.

Jariri ne ya bayyana gaban Khadija da ya kusa sa zuciyarta bugawa. Jaririn da fuskar Kamal amma baida wani abu na mutane, ko ƙafafunsa ba'a gani.

“Ranar da zaki haihu, lokacin da likitoci zasu ga jini a maimakon jariri, a ranar zaki gasgata da nawa ne."

Ƙwalla ƙara Khadija tayi ta yi. Jaririn ya ɓace sai ga Amriya ta bayyana wannan karon da ƙaton ciki a jikinta. Durkushewa Khadija tayi ƙasa wannan karon babu abinda ta iya cewa, so take kawai ta farka daga wannan mummunan mafarkin.

“Zan iya barinki a raye idan kina so. Amma idan kin amince zaki yi min wani abu.”

“Ɗana kawai nake so, dan Allah kar ki cutar da mu.” Khadija ta shiga roƙonta.

“Yaron nan dama nawa ne, kuma zai kasance a duniyata. Babu abinda zan iya yi. Na faɗa miki Kamal da ni ya kwanta a daren nan, ke kawai.. me ma zan ce..matsakaiciya yauwa kin ji sunanki.”

“Wannan yaron zai rayu cikin duniyata ko ma me zaki yi. Abinda kawai zan iya yi miki shine na barki a raye ki je ki cigaba da rayuwa da masoyinki wanda daman shine abinda kike so. Saidai zan yi hakan ne idan kinyi abinda nake so.”

Ba tareda ta jira jin abinda Khadija zata ce Amriya ta cigaba
“Ina son ki cire layar da ke hannun Zahara. Bansan yaushe ko ta yaya zaki yi hakan ba, amma idan har kika yi hakan ina mai tabbatar miki zan shafa miki lafiya kuma zan baki duk wata dukiya da kike so. Nayi miki wannan alƙawarin."

“Na ƙare haɗa dinner.”

Khadija ta farka tana ta haƙi da zufa. Muryar ƙawarta Sa'adiya ce ta cece ta daga Amriya. Amma tasan Amriya zata cigaba da dawo mata har sai ta amince tayi abinda take buƙata.


TO BE CONTINUED...
[04/03 à 10:09] ASHTAR: AMRIYA ☠️
(Hatsabibiyar Aljana)

Love 💞 and Horror ☠️ story📖

By Malik al-Ashtar 🖋


CHAPTER 27

I just published Amriyar Hatsabibiyar Aljana Chapter 27 of my story “AMRIYA Hatsabibiyar Aljana”

http://www.ashblogg.com.ng/2022/03/amriya-hatsabibiyar-aljana-chapter-27.html

Sarat ta yanke shawarar tunkarar Ammar. Sai da tayi kokowa akan hakan sau ba adadi kafin ta yanke wannan shawarar. Ta ɓata dare da rana tana tambayar kanta idan yiwa oganta maganar aure ba zai sa shi ya gudu ba domin duka su biyun basu san wanne suna zasu baiwa alaƙarsu ba.

Idan da ta ita ce, bata ƙi su cigaba da rayuwarsu a haka ba, ba tare da tayi masa zancen aure ba, amma yanzu da mahaifiyarta ta shigo zancen, wani labarin ne kuma daban. Kuma mahaifiyarta ta sanar da ita cewa tayi kuka da kanta idan wani abu marar kyau ya biyo baya. Tana son itama a kirata matar wani, amma tana tsoron yi masa maganar dan kar ya gujeta kuma ta rasa shi gaba ɗaya.

Jiya tayi magana sosai tsakanin ta da mahaifiyarta. Tana son jin takamaimai makomar alaƙar ƴarta. Ta tambayi Sarat idan eh ko a'a wannan saurayin yana sonta ne da aure, saidai ko ita ƴarta bata san amsar wannan tambayar ba. Sai lallaɓa mahaifiyarta tayi akan wannan satin zata ji daga Ammar.

Dan haka Sarat ta yanke shawarar yi masa magana yau. Sasai take cikin zullumi. Tana jin tun ranar da mahaifiyarta ta rutsa su a gidanta, Ammar yake wasan ɓuya da ita. Amma yau ta ɗauki ƙwarin gwiwarta hannu biyu ta tsara musu inda zasu haɗu.

Bayan ta sauka daga aiki, ta jira shi bakin motarsa kamar yanda suka tsara. Bayan wasu mintuna Ammar yazo. Suka shiga kallon juna na wasu daƙiƙu kafin ogan nata ya yanke shurun ta hanyar jin yanda take. A sanyaye Sarat ta amsa sannan ta shiga motar bayan ya buɗe. Cikin motar shuru kowanen su yayi, babu wanda ya iya cewa ƙala. Wannan yanayin sabo ne gare su kuma yanayi ne mai cike da takura. Sarat yi tayi kamar hankalinta na ga wayarta shi kuma Ammar ga tuƙinsa.

Bayan sun ƙaraso hotel, suka wuce sama. Sarat bata nadamar zaɓar wannan wurin domin tana ganin nan ne zasu samu damar yin magana a nutse.

“So, how are you?”

Muryar Ammar ta dawo da ita daga duniyar tunani. Taji daɗi da shine ya fara magana.

“Fine, kai fa?" Ta bashi amsa.

“Komai lafiya, sai wasu ƴan matsaloli na cen da in da ba za'a rasa ba amma kin san ni, a koda yaushe ina managing situation.” Cewar Ammar.

“Yayi kyau, na lura tsawon watanni kenan bamu yi magana ba." Cewar Sarat.

Kallonta Ammar yayi sannan yayi murmushi.
“Nima yanzu nake lura gaki gani.”

“Ni nafi tunanin kana guduna ne tun ranar da mahaifiyata tace kazo ka nemi aurena."

“Ba gudunki nake yi ba, akwai wasu matsaloli ne da nake son gyarawa kuma da gaggawa. Har barin zuwa aiki nayi akan hakan."

“Kenan baida alaƙa da maganar aure?”

Ammar bai bata amsa ba. Bai gudunta haka kuma baya son aurenta. Bai san ta yaya zai faɗa mata ba ba tare da ya cutar da ita ba.

“Kina ji, a halin yanzu akwai abubuwa da dama a gabana, aure shine na karshe a list ɗina. Amma nayi miki alƙawari zan yi tunani a kai kin ji ko? A halin yanzu zan ji da kaina ne da kuma familyna.”

“Kenan..baka ce a'a ba..? Da gaske zaka aure ni?"

Wannan karon ma Ammar bai amsa mata ba amma Sarat ko a jikinta. Taji abinda take son ji. Yace zai yi tunani, zai iya auren ta kenan. Sosai ta cika da murna ta yanda bata lura da shi yanayin da yake ciki ba. Shi kuwa yayi hakan ne domin ya ɗauke mata hankali na wani lokaci kafin ya samo hanyar da zai bi ya datse wannan alaƙar tasu ba tare da wata matsala ba. A halin yanzu kula da ƙanwarsa Afnan shine a gabansa.

A BANGAREN KHADIJA

Har yanzu bata dawo daidai ba tun bayan wannan mafarkin da tayi. Tun wannan daren, bata sake kwana ita kaɗai ba. Tana iya yi ne kawai idan Salmah na nan. Mafarkin yayi mugun tsorata da yasa har yanzu bata samu kuzarin faɗawa Kamal cikin da ke gare ta ba. Amma yanzu jin ta ɗan samu sauki ta shirya musu haɗuwa a wata babbar restaurant domin yi masa maganar. Bayan abinda ya faru, bata son sanar da shi kai tsaye a kowanne irin wuri, tana son sai ta ɗan saki jikinta kuma ta manta da abinda ya faru. A yanzu, Khadija ta yanke biyewa zuciyarta da kuma ƙin bai wa maganganun Amriya muhimmanci.

Ko hakan shine daidai? Itama bata sani ba! Ta sanar da Kamal su haɗu ƙarfe takwas na dare. Da wannan damar, ta yanke shawarar zuwa kasuwa tayi ƴar siyayya. Taje central siyo kaya, kusan awowi huɗu ta ɓata cikin shaguna. Bayan ta ƙare tana ƙoƙarin komawa gida taji tana son zuwa toilet yin fitsari. Gashi da nisa zuwa gida dan haka ba zata iya riƙewa ba.

Tana ƙoƙarin fitowa daga toilet ɗin cikin babbar central ɗin, taji wani ya bangaje ta. Da niki-nikin ledojin da ke hannunta, ta kasa riƙewa ta faɗi ƙasa. Ɗago kai Khadija tayi cike da jin haushi, da niyyar balbale wacce ta bugeta da masifa saidai shuru tayi lokacin da taga wata dattijuwa ce kuma makauniya.

Tashi Khadija tayi tareda tattare ledojinta.

“Ki bi a sannu ƴata."

Khadija tayi tunanin dattijuwar tace hakan ne saboda faɗuwar da tayi. Har tana ƙoƙarin tacewa dattijuwar ai ita ce ta bangaje ta, ita ce kenan ya dace ta bi a sannu. Saidai Khadija bata ce komai ba, sai ma tambayar dattijuwar da tayi inda zata je.

“Ki bi a sannu ƴata, ki kare kanki. Ki gudu tun akwai sauran lokaci.” Cewar dattijuwar kafin ta faɗo jikin Khadija, ita kuwa Khadija sakin ledojin hannunta tayi ta taro tsohuwar.

Khadija kasa fahimtar komai tayi. Wata taji na ta faman ɗaga murya
“Mamaaaaa..wai kina ina ne!?"

“Ita ce kike nema?" Khadija ta tambayi matashiyar matar. Ƙarasowa matar tayi da ɗan gudunta inda su Khadija suke.

“Allah na gode ma, ashe tana nan. Me ya faru da ita? Alhamdulillahi, na ɗauka ba zan sake ganinta ba, kawai ɗan juya nayi kafin na waiwayo ban ganta ba." Matashiyar matar ta faɗa da ƙwalla a idanunta.

Khadija taji daɗi da ita taga dattijuwar, duk da har yanzu ta kasa fahimtar abinda dattijuwar take nufi.

“Ruƙayya kece?” Dattijuwar ke tambaya bayan ta dawo bisa ƙafafuwanta.

“Eh Mama gani nan, me yasa kika tafi?"

“Ke kika ce nayi gaba." Dattijuwar ta bata amsa.

“A'a Mama, ni ban ce miki komai ba. Kawai ɗan juyawa nayi naga baki nan. Na sha faɗa miki ki daina motsawa idan har baki ji hannuna cikin naki ba."

“Yi haƙuri ƴata."

“Dan Allah ji mana." Khadija ta katse su.

“Na'am." Cewar matashiyar matar.

“Ko zan iya magana da ita?" Khadija ta tambaye ta.

Sai da matashiyar matar ta ɗan yi jim kafin tace Khadija zata iya magana da mahaifiyarta ba matsala, ko ba komai ai ita ta cece ta.

“Me yasa kika ce na gudu, kuma na bi a sannu.” Khadija ta tambayi dattijuwar.

“Wacece ke? Ni ban ce miki komai ba. Ban ma san meke faruwa ba. Ruƙayya muje gida dan Allah, na gaji."

“Yi haƙuri dan Allah, mu zamu tafi, mahaifiyata bata jin daɗi. Mun gode da taimakonki.”

Khadija tana kallon mutanen biyu suka yi tafiyarsu da tambayoyi birjik a zuciyarta. Tafiyarta ita ma tayi tare da mantawa da zancen.


BANGAREN ZAHARA


Zahara ce ta sauko daga wurin aiki. Hankalinta na wani gu, wannan karon ba tunanin Kamal ba take yi. Yau, makarantar aikin jaridar da take burin shiga ce ta ga ta fiddo da gasa kuma zata baiwa mutum talatin wanda suka yi nasarar cin gasar scholarship. Tayi murna sosai amma daga baya tace shigarta gasar baida amfani domin ba zata taɓa zama ɗaya daga cikin mutane talatin ɗin nan da zasu ci gasar ba. Kawai ɓata lokaci da ruwan biro ne zata yi.

Ta zo gida tare da alƙawarin ba zata yi kuka ba. Koda ta saka ƙafarta falo, Maryam tayi tsalle ta maƙale mata. Bata ma barta tasan meke faruwa ba, ta jata zuwa cikin ɗaki.

“Wai me ya same ki ne?” Zahara ta tambayi ƙawar tata.

“Kamar yaya me ya same ni? Ke me ya same ki nayi miki kira kusan million baki ɗaga ba?"

Zahara fiddo wayarta tayi ta duba ta ga missed calls ɗin ƙawar tata duka duka sau biyar ne ta kira ta, amma ita da yake uwar zari ce sai tace sau million.

“Toh me yasa kika kira ni sau million?" Zahara ta tambaye ta tana ajiye jakarta. Zaunawa tayi bisa gado tana sauraron ƙawarta.

“Mijina ne ya shirya business dinner. Shine yake son muje tare." Ta faɗa har da ɗan tsallen murnarta.

“Kamar yaya mu?"

“Mu ! Ni dake mana!"

“Kun kwance daga ke har mijin naki. Toh ni me zan je nayi cen?"

“Meye ba zaki je kiyi ba? Shi yace na gayyace ki dan haka nayi kuma ki kiyayi cewa mijina mahaukaci ko kuma na fasa miki baki."

“Ki cewa mijinki naso zuwa amma.."

“A'a zan faɗa mishi kin ce masa mahaukaci kuma kin ce ba zaki zo ba saboda kin tsane shi. Tun da ya dawo daga tafiya, baki zo kika ganshi ba."

“Wallahi bakida hankali ! Toh ki faɗa masa duk abinda kika ga dama, ba zan je dinner ɗin ba domin na gaji."

Tashi Zahara tayi ta fara tuɓe kayanta.

“Wai Zahara me yake damunki ne?" Maryam ta tambaye ta.

“Komai, kawai na gaji ne kuma bacci nake son yi."

“Eh amma wannan dinner tanada muhimmanci gare ni. Ina son yinta ne da mutanen da nake so, idan baki zo ba zan shiga damuwa sosai." Cewar Maryam. “Business dinner ce amma gaskiya zai je ne ya ga babban abokinsa da nima na sanshi da daɗewa. Kuma ba muga juna ba tun bayan bikina. Yana nan garin kuma zai yi wata haɗaka ce da mijina akan wani project. Dan Allah ki zo."

“Kenan, so kike...”

“A'a... ba abinda kike tunani bane. Ba muna son haɗaki da abokinsa bane amma idan kin ganshi kika ga yayi miki kuma shima kika mishi ni banga abun damuwa ba a ciki."

“Maryam...kin..kin fi kowa sanin ba zan sake kula wani namiji ba." Cewar Zahara.

“Wai wa yayi maganar zaki kula namiji. Kin ga je kiyi wanka mu wuce gidana dan mu shirya."

“Ban fa ce EH ba Maryam ! "

“Eh amma ai zaki ce ko? Oya je kiyi wanka, za'a yi a kare kuma mu maido ki gida lami lafiya."

“Shikenan... A ina za'a yi dinner ɗin?"

“A wani ƙayataccen restaurant babu nisa da nan. Wurin akwai kyau, amma sai kin hanzarta domin ƙarfe bakwai da rabi na yamman nan ne muka yi da su."

Komai ya tafi kamar yanda suka tsara, Zahara ta raka ƙawarta gidanta, a tare suka yin shirin zuwa dinner. Maryam da kanta ta yiwa Zahara kwalliya sannan ta ara mata wata kyakkyawar doguwar riga tata. Zahara tayi kyau sosai kuma ba'a iya gane ta a cikin rigar.

“Yayi kyau amma jina nake duk wani iri." Cewar Zahara.

“Kamar yaya?"

“Kamar damfara ce wannan, ba kyakkyawa bace ni !! "

“Yaushe zaki daina irin wannan Zahara? Kyakyawa ce ke, kawai kiyi amfani da wannan damar..."

Knocking ƙofa suka ji ana yi.

“Kuyi sauri ƴan mata, ina jiranku a mota."

“Ok my love, gamu nan zuwa..."

“Kin shirya?” Maryam ta tambayi Zahara.

Sai da ta ja dogon numfashi ta sauke sannan ta bata amsa.
“Eh, Muje."

Kan hanya, tafiya na yin kyau tsakanin mata da miji da ke ta zuba surutu da kuma Zahara da take a ɗan takure. Bayan wasu ƴan mintuna suka ƙaraso, nan Zahara ta fahimci lallai shigarta tayi daidai da zubin wurin. Baki sake take kallon wurin. Bata taɓa ganin wuri mai kyau ba irin wannan.

“Kin gani... na faɗa miki kyakkyawan guri ne." Maryam ta raɗa mata a kunne.

Gyaɗa kai Zahara tayi tare da yin murmushi a matsayin amsa. A tare suka shiga ciki, wani ma'aikaci ya tarbe su yana tambayarsu ko suna da reservation.

Mijin Maryam ne ya bada sunansa tare da faɗa masa suna da appointment ne ƙarfe bakwai da rabi. Bincikawa ma'aikacin yayi kafin yace su biyo shi.

Babban table ne ke jiransu a tsakiyar hall ɗin. Koda suka kusan ƙarasawa suka hangi wani matashin saurayi na jira. Zungurar Zahara Maryam tayi, Zahara ta ɗago domin ganin abinda ƙawarta ke son nuna mata.

“Sannu ku da zuwa.” Cewar saurayin.

“Habib, fatan baka jima kana jiranmu ba?” Mansoor mijin Maryam ya faɗa tare da rungumar abokinsa.

Bayan sun yi ƴan gaishe-gaishensu cikin nishaɗi da zolaya na yaushe gamo. Da yake Habib abokin Maryam ne na yarinta kuma ta girme shi da kusan shekaru biyu, tayi ta tsokanarsa tana tuna masa sunan banzan da ake masa da suna yara. Sai daga ƙarshe, Maryam ta gabatar da Zahara da Habib ga junansu.

“Habib, an jima rabon da mu ga juna." Cewar Mansoor yayin da ita kuma Maryam ke kallon Zahara da alamun tambayar ta ya taga Habib.

Zahara tayi kamar bata ga me Maryam take yi ba. Maryam na zaune ne suna fuskantar juna ita da Zahara yayin da shi kuma Habib ke fuskantar mijin Maryam. Hakan ke nuna Zahara na zaune kusa da Mansoor ita kuwa Maryam kusa da Habib.

“Haka ne amma kai ma kana yawan tafiye-tafiye bamu samun lokacin haɗuwa. Kuma idan ka dawo sai Madam tayi kidnapping ɗinta."

“Me kake son kace? Ni ma ai ina son ganin sa a kusa da ni.." Cewar Maryam.

“Eh amma ya kamata ki dinga barin lokaci su ma wasu su gan shi."

“Zaka gane idan kaima kayi auren." Cewar Mansoor.

“Wa ya sani ko har na samu.."

“Wai wa kai? Wacece zata soka? Wai Kanada ma budurwa?” Maryam ta tambaye shi.

“Yanda kika ce ! Wacece zata soni? Da wannan aikin da ya tauye ni yaushe na samu damar yin budurwar? Na bar miki wuka da nama ki samo min tsadaddiyar gwal."

“Tsadaddiyar gwal fa kace?" Maryam ta faɗa tana kallon Zahara.

Wata kunya ce ta kama Zahara taji kamar ta tashi ta ruga da gudu, murmushi tayi dan ta ɓoye yanayin da take ciki tana mai kallon decorations ɗin hall ɗin. Tana cikin yawo da idanunta, ta kai ga wani wuri da yasa taji kamar tayi layar zana ta ɓace daga wurin.


To be continued...

AMRIYA ☠️
(Hatsabibiyar Aljana)

Love 💞 and Horror ☠️ story📖

By Malik al-Ashtar 🖋


CHAPTER 28

I just published Amriyar Hatsabibiyar Aljana Chapter 28 of my story “AMRIYA Hatsabibiyar Aljana”

http://www.ashblogg.com.ng/2022/03/amriya-hatsabibiyar-aljana-chapter-28.html


Zuciyar Zahara bugawa take da sauri-sauri, cikin ƙanƙanin lokaci ta daina jin duk wani sauti da ke kewaye da ita. Idanunta sun ƙafe akan masoyan guda biyu.

Abinda yake yi kenan duk wannan lokacin? Ta tambayi kanta. Soyayya yake da best friend ɗinshi ni kuwa ya jefar da ni babu labarinsa. Hakan zai yi min kenan? Ya gama amfani da ni ya jefar. Duk wannan tunanin Zahara ce ke yin sa ne.

Maryam da mamakin ganin wani abu ya ɗauke hankalin ƙawarta, ta bi inda Zahara take kallo da kallo. Nan ita ma ta ga tashin hankalin da ya ɗauki hankalin ƙawarta. Ta ji tsoro na ɗan lokaci. Ita da ta kawo ta nan dan ta sauya mata tunani. Bata taɓa tunanin irin wannan coincidence ɗin zai faru ba. Gyara nustuwarta tayi sannan ta ɗan zunguri Zahara a ƙafa. Ɗan zabura Zahara tayi tare da dawowa daga duniyar tunani.

Maryam fiddo wayarta tayi ta yiwa Zahara text : Sakarai ne, please.. Ki daina kallon su. Kar ki zubar da ajinki, mun zo nan ne dan nishadi.

Karanta saƙon Zahara tayi ba tare da tace komai ba. Tasan ƙawarta tana da gaskiya amma ba zata iya controling damuwar da ta zo ta mamaye ta ba.

“Me kuke kitsawa ne ƴan mata? Na ga lokaci guda kun yi shuru.” Cewar Habib cikin sigar zolaya.

Maryam kallon ƙawarta tayi. Nan take ta fahimci abinda ƙawar tata take nufi. Gyaɗa kai tayi tare da cewa
“Muna tambayar abinda ya kamata ayi oda ne."

Murmushi Habib ya yiwa Zahara kuma maganarta ta bashi dariya. A ranshi yana tunanin sanyi sanyi gare ta ko kuma a takure take saboda yanzu ne suka huɗu.

“Toh me kuke so a kawo muku? Ni ina son cin abinci sosai domin kuwa yunwa nake ji. Tsawon kwanaki kenan ban samu cin abinci ba sosai sakamakon aiki."

Dariya Mansoor yayi tare da cewa
“Kai dai abokina faɗi gaskiya baka son su ce maka acici. Na fa sanka."

“Barshi ya yi magana dear. Ai Zahara kaɗai zai wayancewa a nan. Mu mun sanshi." Cewar Maryam.

“Kar ki saurare su Zahara. Daman sun shirya tarar min yau, amma nasan ba zaki yarda ba."

“Dole akwai dalili idan sun ce maka acici.” Zahara ta faɗa tare da yin murmushin dole da mazajen biyu kaɗai ne ba zasu gane ba.

“A'a Zahara ba zaki biye musu ba kema. Three against one, akwai zalunci a ciki!"

“Kana da gaskiya, dan haka na koma tsaginka. Nasan Maryam da Mansoor suna jin daɗin sako mutum gaba."

“Yauwa kinga zai zama mu biyu against the world, babu wanda zai iya tsaida mu."

Nishaɗi ne ya kewaye table ɗin saidai Zahara ba zata iya hana kanta tunanin Kamal ba. Tana iya ƙoƙarinta ganin ta hana kanta kallon inda suke amma akai-akai tana juyawa na wasu ƴan daƙiƙu dan ta ƙara tabbatarwa kanta da tsohon saurayinta ne. A duk lokacin da ta kalle su kuma