You Cannot Download this book untill you login but you can read it .

---

Login Register

domin baya son Zahara tayi wani tunani. Haka Zahara take, dandanan karamin abu ya juya mata tunani. Ya fada a ransa. Baya son tayi tunanin yana wasa da hankalin ta ne idan ba haka ba zai sha wuya kafin ya sake samun yardar ta. Sai da aka dauki lokaci sosai kafin ta fara sakewa da shi. Ba zai so ya rasa komai ba saboda yar karamar rashin fahimta.

“Toh ni zan tuka ka, please kar ka tafi a haka. Zan damu.”

“Da gaske kina son taimaka min?" Ya tambaye ta.

“Yes of course, ni fa na tambaye ka."

“Ki kula min gidan, ba zan jima ba zan dawo. Nayi miki alkawari.”

“Amma.."

“Please kar ki ce komai, ba jimawa ba zan yi.”

Ya fada kafin ya saka takalmin sa. Duk da abinda yace mata sai da ta taimaka masa ya shiga mota. Tayar da motar yayi da tabbacin Zahara gida ta wuce. Wajen karfe tara ne na dare, baya tunanin tana wajen aiki. Duk da haka yayi kokarin kiran ta a waya amma tana ta ringing ba'a daga ba. Kuma ya tabbatar da gangan taki daga kiran.

Yasan hakan zata faru. Ba zai ga laifin ta ba. Har yanzu akwai kuruciya a tattare da ita, idan tasa abu a kanta yana wahala a iya canza mata ra'ayi. Hakan yana dan bata masa rai amma yana iya kokarin sa ganin ya fahimce ta.

Yarinya ce kyakyawa da hankali amma tana da karancin yarda. Tana tsoron kar ace yana tare da ita ne kawai dan yayi wasa da hankalin ta domin tana ganin bata kai ajin da zai yi soyayya da ita ba kuma zai iya samun wata fiye da ita. Ba wai ita ce ta fada masa ba, shi da kan sa ne ya karance ta.

Yana kusan kaiwa gidan su, ya sake kiranta domin ta fito amma bata daga ba. Gashi kuma ba zai iya shiga gidan su ba a wannan lokacin, domin zai iya kara hassala ta. Daga karshe yanke shawarar yi mata text yayi.

“Slm Zahara, ina kofar gidan ku. Ina son ganin ki dan muyi magana. Bani da lafiya amma zan jira kofar gidan ku har lokacin da kika ji kina son fitowa ki ganni.”

Tura mata msg din yayi, bayan wasu yan mintuna aka nuna masa ta buda amma babu alamar fitowar ta. Ya fahimci lallai tayi fushi sosai, ya yanke shawarar sake tura mata wani text.

“Nasan abubuwa da dama na yi miki yawo a kai, ki zo ni zan miki bayanin komai. Bana son barin ki a duhu.”

“Idan baki zo ba, ni zan shigo cikin gidan naku."

Bayan kamar mintuna biyu sai gata ta maido masa.
“Gani nan zuwa."

Bai ji dadin barazanar shigowa gidan su da yayi mata ba amma ita ta ja, kuma hakan yayi aiki domin bayan wasu mintuna ta sake yi masa Text tana tambayar sa inda yake. Fada mata yayi wurin da yayi parking. Bayan wasu mintuna sai gata tazo.

Bude kofar motar tayi, bayan ta shigo ta maida murfin motar ta rufe da karfi. Bata taba yin irin haka ba.

“Ina wuni?” Tace masa.

“Me yasa kika tafi?" Ya tambaye ta kai tsaye.

“Babu wani dalilin zuwa na cen."

“Toh kenan kin je ne dan ki ga kofar gidan ki dawo?”

“Bakuwa na tarar gare ka, bana son takura maka ne.” Ta fada da kaushin muryar da ya fara tunanin anya kuwa Zahara ce


“Wa ya fada miki ina son bakuntar ta? Nafi son taki sau dubu."


“Amma ai kai ka kirata. Ina nan tsawon weeks babu labari kuma ace bakada lafiya amma shi ne ita ka kira.”

“Da farko, da farko dai ba ni na kira ta ba. Sannan abinda yasa kika ji ni shuru ayyuka ne suka min yawa, ta yanda baki tsammani. Sannan wata matsala da ta taso a family na ga kuma kaina kamar zaya fashe. Amma na rantse miki kullum cikin tunanin ki nake. Sannan kinsan adadin yanda kike da muhimmanci gare ni, har abada ba zaki taba takura min ba...Naso ace kin zo kin ganni na tabbatar hakan zai mini dadi.”

“Toh amma wannan matar tace min...”

Katse ta yayi.

“We don't care about what she said. Ki daina sauraron abinda mutane ke cewa Zahara, ba zai kawo miki komai ba na alkhairi. Wannan matar friend ce kawai, a koda yaushe tana nan domin ni amma babu komai bayan wannan.”

“Kalle ni nan Zahara." Yace da ita.

A hankali ta juyo ta kalle shi.

“Yaushe zaki fahimci adadin yanda nake jin ki a zuciya ta? Idan da wani ne ba zan zo nan ba, bani da lafiya sosai Zahara Kuma bana tunanin zan iya mayar da kaina gida yanzu.”

“Na cika son kaina da yawa. Mugun kishi ya rufe ni har yasa ban damu da halin da kake ciki ba. I'm really sorry, ban yi tunani bane.”

“That's my Zahara ! "
Murmushi tayi tare da sunkuyar da kai.

“Ya jikin naka? Me yake damun ka yanzu?”

“Ni ban ma sani ba. Ina da zazzabi kuma ga matsananciyar gajiya amma duk wannan bashi ne gabana ba, abinda nake so shine ki yarda da ni, ko me zai faru ina so ki kira ni ko ki zo ki ganni muyi magana domin ba yara bane mu.”

“Ina son nima ka dinga fada min matsalolin ka, ka dinga neman shawara ta. Yayin da kuma ba zan iya nemar maka mafita ba, zan kasance ko dan na saurare ka.” Ta fada mishi ba tareda ta sauke idanunta ba.

Murmushi Kamal yayi ganin sun daidaita wannan matsalar, kuma yana ganin takun farko ne na alakar su. Yana son yarda ta shiga tsakanin su mai karfi kafin ta amince ta aure shi. Daman ya riga da ya fada mata ranar da taji ta amince da shi, zai zo ya nemi auren ta.

“I'm really happy Zahara..idan da kin sani. Nayi tsoron ki nade kanki kuma ki daina yarda da ni.” Ya fada yana mai kara matsowa inda take.

“Nima nayi farin ciki da muka daidaita hakan, da ba zan iya bacci ba yau." Ta fada a takure ganin yanda yake kusa da ita sosai.

Da murmushi a fuskar sa, ya shiga matso da kanshi zuwa nata, hankalin sa na kan kyawawan lips din ta. Ya daina sauraron duk wata murya da ke gargadan sa da kar ya sumbace ta. Tuni yayi nisa, burin shi yaji yanayin da kiss din su zai bayar.

Kara matsawa yayi har ya kai ga hancin sa ya taba nata. Koda lips din sa suka taba nata, da sauri ta ja da jikin ta baya.

Shima firgigit yayi, yana mamakin abinda tayi da danasanin kasa rike kansa da yayi.

“I'm very sorry, ba da wani nufi nayi hakan ba. Na aikata ba tare da izinin ki ba. Kiyi hakuri da rashin da'ar da nayi miki.”

Zahara duk ta daburce ta kasa magana. Tana magana amma shi bai jin abinda take cewa.

“Sorry amma bana jin me kike cewa.”

“Ba rashin da'a bane, na tsora ta ne domin ban taba yin irin haka ba. I'm sorry."

Murmushi yayi mata.

“Ni zan baki hakuri, kuma Allah ma baya son hakan. Nayi murna ma da kika tsayar da ni. You are so special Zahara.”

Murmushi tayi cike da jin nauyin sa ta sunkuyar da kai kasa.

“Mu je na raka ki gida, dare yayi.” Ya fada yana fitowa daga cikin motar.

Yanayin da suka shiga gaba daya yasa ya manta da ba wani karfi gare shi ba. Faduwa yayi lokacin da ya fito daga cikin motar.

A tsorace Zahara ta yo kanshi, ta taimaka masa ya tashi.

“Zafi jikin ka.” Ta fada hankalin ta a tashe.

“Oh kar ki damu. Zan iya raka ki." Ya fada yana dafa ta.

“Ko fa tsayuwa baka iya yi, bari na kira taxi mu je asibiti."

“No, na fada miki ba komai. Kafin gobe na warware."

“A'a mu je na raka ka."

“Kusan karfe goma ne fa yanzu, me zaki cewa Mama?”

“Na kira ta na yi mata bayani daga baya, nasan zata fahimta.”

Daga karshe ya yarda. Domin da gaske karfin jikin sa kara ragewa yake yi sosai. Bai san me yasa ba.

(....)


A BANGAREN AFNAN

Yau psycologist ke zuwa, juya masa baya tayi domin nuna masa babu abinda zata fada masa. Tun tsawon makonni kenan take fada musu bata bukatar wani gwajin kwalwa amma Ammar yasa likitan ya dinga zuwa yana duba ta har sai ya tabbatar lafiyar ta kalau.

Tun ranar da aka kaita asibiti sakamakon yanke jijiyar hannun ta da tayi, duk hankalin familyn ya dawo kanta ba kamar Hajiya Karima. Da yanzu Afnan ke kiran ta da sunanta, tun ranar da tazo tayi mata barazana.

“Kin dauka saboda kin yi kokarin kashe kanki zai sa inji tausayin ki? Ki mutu yau ko gobe ni bai dame ni ba. Ko ba komai kin tabbatar min da gaske kike son bata sunan gida na. Idan kika kuskura kika fadawa Ammar ko Kamal ko kuma wani wannan shirmen da kika fada min, wallahi sai na lahira ya fiki jin dadi. Kin fi kowa sanin wacece ni da kuma abinda nake iya aikatawa."

Hajiya Karima ta fada mata Kafin tayi tafiyar ta, ta bar Afnan cikin tashin hankali. Abinda yasa tayi kokarin kashe kanta, saboda tasan babu wanda zai yarda da abinda zata fada. Ba zata so ayi ta zargin ta ba bayan abinda wannan mutumin ya aikata mata. Ba zata iya cigaba da rayuwa ba domin idan Hajiya Karima bata yarda da ita ba, bata ga waye zai yarda ba. Waye zai yarda da hakan? Mutum kamar Alhaji Yusuf da ake ganin mutunci da karamcin sa. Gashi kuma da kyawawar mata. Mutane zasu ce hauka take. It kuwa ba zata iya jure hakan ba.

Lokacin da Kamal da Ammar suka zo ganin ta, Hajiya Karima ce masu tayi. Ciki ne Afnan take da, shine tayi kokarin kashe kanta domin bata san waye yayi mata shi ba. Afnan bata yi gangancin musa mata ba, kuma yayyun nata basu ce komai ba. Amma taga a idanun Ammar yayi bakin cikin abinda ta aikata. Kuma ya kira psycologist ya duba ta domin gano ta ina ne ta samu matsalar son kashe kanta.

Saidai ita Afnan bata bukatar wani psycologist, tafi son a barta ita kadai. Abinda ya baiwa yayyun nata mamaki shine, zubewar cikin nata bai wani dame ta ba. Suna ganin ko har yanzu bata dawo daidai bane, amma ita tana ganin wannan shine kadai abu mai kyau da ya same ta kwanan nan.

Idan da likitan nan zai kyale ta na kamar sati guda. Toh zata tattara kayan ta ne ta bar garin. Ta yi nesa da Hajiya Karima, da wannan dan akuyan da ma kowa.

“Ya jikin naki?” Cewar Doctor Abdallah amma bata bashi amsa.

Tasha fada masa ba zata yi masa magana ba, amma ya nace yaki ya shafa mata lafiya.

“Idan baki yi magana ba, ba zan barki ki tafi ba kin sani ko? Yayanki yanada gaskiya, ki bada hadin kai domin shawo kan lamarin. Zaki samu riba biyu, bayan sallamarki ki koma gida da zan yi, za kuma ki samu sauki akan duk wata damuwa taki.”

“BABU WANI DA YAKE IYA TAIMAKA MIN.

Ta fada cikin tsawa da iya karfin ta. Abinda yayi ne ya kara bata mata rai. Bude littafin sa yayi, yayi wani rubutu a ciki.

“Mun samu reaction, yayi kyau mu cigaba."

“Kenan ba zaka shafa min lafiya ba?” Ta tambaye shi.

“Ba zan iya ba, ba dai a halin da kike ciki ba.”

“Ni lafiya ta kalau ! Ka rabu da ni shine zai sa in warware.”

“Kina tunanin lafiyar ki kalau amma kawai kwalwar ki ce ta hada miki katangar garkuwa tsakanin ki da trauma ko fiye da hakan wato hauka.”

“Ok, a dauka bani da lafiya. Idan na fada maka komai zaka rabu da ni?”

“Mu gwada.. mu ga abinda zai faru.”

“A'a.. kar kayi kokarin rikita min kwalwa. Ina son da na fada maka komai ka dena damuna.”

“Ok, za'a yi yanda kika bukata.”

“Shikenan ka dawo gobe zuwa karfe tara zan yi maka bayanin komai.”

“Ok, Allah ya kaimu.”


To be continued...
[03/03 à 05:18] ASHTAR: AMRIYA
(Hatsabibiyar Aljana)

Love 💞 and Horror ☠️ story 📖

By Malik al-Ashtar 🖋

For more novels https://bit.ly/3Egdy1m

On wattpad : https://www.wattpad.com/story/270492485

CHAPTER 22

⚖ HOME OF QUALITIE'S WRITERS ASSOCIATION 📚




Suna zuwa asibiti aka kwantar da shi. Sai da ta jira na wasu mintuna kafin aka ce ta shiga ta ganshi. Da ta shiga ta tarar wata nurse na saka masa ruwa. Nan take fada mata zai samu waware bayan anyi masa karin ruwan.

Zaunawa tayi kusa da shi.

“Ki je gida kafin dare ya kara yi sosai.” Ya fada da gajiyayiyar murya da alamun bacci.

“Tun dazu na kira Mama, tasan ina nan.”

“Ina son ki tsaya amma bana son ki tafi gida ke kadai bayan nayi bacci.”

“Ba zan tafi ba, kayi hutawar ka. Idan ka tashi zaka gan ni.”

“Kira Khadija ki ce mata taje gida. Duba cikin wayata zaki ga number ta.”

“Ok zan yi hakan daga baya. Ya jikin naka yanzu?” Ta tambaye shi.

“Abun mamaki na fara jin sauki. Ayyuka ne da dama nayi kwanan nan, kuma bana cin abinci sosai.”

“Iya wannan ne kawai?” Ta tambaye shi.

“Sai kuma wata matsala da ta taso gidan mu.”

“Ok zamu yi maganar daga baya, naga alamun bacci kake ji yanzu. Zan je na kira Khadijar ka.”

Dariya yayi sannan yace da ita.

“Wannan ba Zahara da na sani bace.”

Murmushi tayi itama sannan ta fita bayan ta dauki wayar shi. Kiran Khadija tayi. Ringing na farko ta dauka.

“Kana ina ne Kamal? Yanzu kusan awa daya da rabi kenan baka dawo ba.” Khadija ta fada rai a bace.

“Zahara ce.” Zahara ta bata amsa, haushi ne ya kara kama Khadija tace
“Me wayar Kamal take yi hannun ki?”

“Yana asibiti ne."

“What? Me ya same shi? Sai da na fada masa ba idea bace mai kyau zuwa wajen ki a yanayin da yake ciki. A wace asibiti kuke?”

“Yace zaki iya tafiya gida, zaki iya ajiye makullen karkashin carpet.”

“Tambayar ki nake a wace asibiti kuke? Bana jin zan iya tafiya gida alhali bestie na yana kwance asibiti.”

“Ok, muna Shareef Hospital ta babban titin...”

Bata ma karasa magana ba, Khadija ta katse kiran. Zahara a ranta tace Kamal da kwashe-kwashen abokai yake, da alamu ba zasu jitu ita da Khadija ba.

Komawa tayi cikin dakin da Kamal yake kwance, ta tarar da nurse tace mata bata dade da fita ba yayi bacci, dan haka ta dan kishingida kan doguwar kujera kafin ya tashi.

Zahara na tunanin ta dan jima tana bacci domin dariyar da su Kamal ce suke yi ta tashe ta. Firfigit tayi ta tashi, nan taga Khadija har ta iso shima Kamal ya tashi daga baccin. Khadija na zaune bisa gadon kusa da Kamal. Kishi ne ya turnuke Zahara ganin kusancin dake tsakanin su.

“Sorry mun tashe ki?” Cewar Kamal.

“Ba komai, ban yi tunanin baccin zai dauke ni haka da sauri ba.”

“Zaki iya tafiya idan kina so, ni zan tsaya nan.” Cewar Khadija.

“No, na fadawa mahaifiya ta zan zauna nan.”

“Eh, amma kuma kin gaji.” Cewar Khadija. “Kar ki damu ni zan zauna, ba wani abu zan yiwa Kamal din ba.”

“Khadija...” Cewar Kamal yana harar ta.

“Ok, wasa nake."

“Ku je gida ku duka, ba zasu barku ku kwana nan ba.”

“Amma..."

“Na fara samun sauki, leda daya ce ta rage min. Kuma zuwa gobe zasu sallame ni, dan haka kar ku damu. Yanzu Ammar zai zo.”

“Zaki iya kaita gida please, hankali na zai fi kwanciya idan kece kika mayar da ita gida.” Ya cewa Khadija.

Murmushi Khadija tayi masa.

“Shikenan, zan kaita gida. Zan dawo gobe zuwa karfe shidda na yamma.”

“Good, ko zaki bamu minti biyu zan yi magana da Zahara.”

Sai da ta kalle su kafin ta fita ba tare da ta rufo kofar ba.

“Na sani ba haka muka yi da ke ba amma ina son ki koma gida ki huta kema.”

“Bestie din nan taka ba sona take ba, ta yaya zan iya jure zama kusa da ita?"

“Kar ki damu zan yi mata magana, tana a dan takure ne domin ita kadai ce mace da nake tare da ita. Zan yi mata magana kar ki damu.”

“Shikenan."

“Toh ki saki fuskar mana. Da na samu sauki zan yi mata maganar ki.”

Gyada masa kai tayi a matsayin amsa.


“Zaki zo ne mu tafi ko kuwa?” Khadija ta fado dakin kamar daga sama da har ta dan tsorata Zahara.

Bye Zahara ta yiwa Kamal da hannu shi kuwa ya mayar mata da murmushi. A hankali ta rufo masa kofar sannan tabi bayan Khadija. Halin Khadija ya fara baiwa Zahara haushi, domin yanzu ta kara tabbatar da Khadija ba sonta take ba kuma bata da alamun shafa mata lafiya. Kallon ta, murmushin ta da duk wani motsi nata ba karamin tsorata Zahara suke ba.

Bude kofar motar Khadija tayi sannan tacewa Zahara ta shigo. A kan hanya babu wanda yacewa wani kala, amma Zahara lokaci- lokaci tana jin idanun Khadija a kanta ta yanda ta kagu ta sauka daga motar tareda alkawarin ba zata kara kadaicewa ba da Khadija ko na minti daya. Sosai take tsoron ta domin a yanda take ji kamar tayi ta kurma ihu amma kuskure ne ta nunawa Khadija tana tsoron ta. Akwai wani abu a Khadija da ke bata tsoro kuma ta kasa gane menene.

Ya kamata Kamal yayi saurin yi mata magana, domin ta shafa mata lafiya. A kira ta da kowanne suna amma ba zata iya ja da Khadija ba..

Nuna mata hanyar gidan su tayi. Koda suka kawo, Zahara da sauri ta fita daga motar. Koda ta shaki iskan unguwar su wata doguwar ajiyar zuciya ta sauke. Ganin ta zo gida lami lafiya.

Shigewarta gida tayi ba tareda ta juyo ta kalli Khadija ba, tana shiga taji Khadija ta tayar da motar tayi tafiyar ta.

A BANGAREN KHADIJA

Ajiye candles din tayi kamar yanda matar ta fada mata ta yi sannan ta zauna a tsakiya. Matar ta fada mata ta rufe idanu.. har lokacin da zata ji alamun zuwan ta. Babu alamun tsoro ga Khadija domin ta tabbatar matar ba zata cutar da ita ba. Kamar yanda tayi mata wannan alkawarin.

Tattare doguwar rigarta tayi, tayi zaman indiyawa idan zasu yi bauta sannan ta shiga jiran zuwan matar. Ita kadai, cikin duhu, tana jiran zuwan matar da kowa bace face aljana Amriya. Idanun ta a rufe ta nutsu sakamakon duhun dare da kuma shurun da ya mamaye ko ina. Bayan wasu awanni.. taji sautin tafiya na nufo inda take. Bugun zuciyar Khadija na tafiya daidai da sautin kafafun wacce take jira.

Boom...Boom...Boom

Bayan matar wato Amriya ta karaso inda Khadija take... A hankali ta shafa wuyan Khadija. Khadija taji dumin numfashin Amriya da lallausar fatar hannun ta. Babu alamar tsoro tattare da Khadija.

“Kin kawo abinda na tambaye ki?” Amriya ta rada mata a kunne.

Gyada mata kai Khadija tayi.

“Good, ajiye shi a gabanki.”

Khadija ta aiwatar kamar yanda Amriya tace, T-shirt din Kamal ta fiddo da ta dauko cen gidan sa.

“Har yanzu kina kan bakan ki ba zaki canza shawara ba?” Amriya ta tambayi Khadija.

“Eh, ayi duk abinda ya dace.”

“Kinsan abinda ya rage kiyi.” Amriya tace mata.

Bude idanu Khadija tayi, ta dauki yar wukar dake kusa da ita, a hankali tayi yar karamar yanka a tafin hannunta, ta tara jinin dake zuba a jikin rigar Kamal. Bayan tayi hakan, ta dauki almakashi ta yanki dan kyalle jikin rigar sannan ta kona shi a cikin daya daga cikin wutar candle kamar yanda Amriya ta nuna mata.

Dan taku Amriya tayi, ta dan yi nesa da Khadija, sannan ta juyo a nutse tana nufo inda Khadija take. Tafiya take tana magana cike da nutsuwa.

“Kin shirya?” Ta tambayi Khadija.

“Eh.. na shirya.” Cewar Khadija.

“Kin bani izini, na shiga jikin ki?”

“Eh.” Khadija ta bata amsa.

“Kinsan duk wani abu da zan yi saboda farin cikin ki ne ko?”

“Eh, na sani.” Khadija ta bata amsa.

“Kin shirya domin karbata cikin jikin ki?"

“Eh.." Sai da Khadija ta dan yi jim sannan ta bata amsa. Tana tambayar kanta idan wannan abun da zata aikata, babu wani mummunan sakamako da zai biyo baya. Saidai lokaci ya kure na yin wani shakku. Ta riga da taba Amriya amincewar ta, kuma Amriya a shirye take ta taimaka mata.

“Na shirya."

Khadija ta bata amsa cike da kwarin gwiwa wannan karon.

“Rayuwar ki zata canza daga yau, nayi miki alkawari.”


A BANGAREN AMMAR


Yau ya tashi cike da kudirin tunkarar Salmah suyi magana. Yana ganin jiran ya isa haka. Ya kamata ya yi mata magana, domin sanin inda soyayyar su ta kwana. Yana sonta da iya zuciyar sa amma baya tunanin kara wani jiran. Yana jin kamar yanzu ta daina sonshi. Dan haka yana so tayi masa bayanin gaskiyar abinda ke zuciyar ta.

“Hello? Lafiya kuwa?”

Ya mayar da hankalin sa ga Sarat da ta shigo da wasu documents a hannunta.

“Tunanin me kake?” Ta tambaye shi.

“Ba wani abu ba ne mai muhimmanci.” Ya bata amsa tare da yi mata murmushi domin tabbatar mata.

“Idan kana bukatar wani abu ina nan ok." Cewar Sarat.

“Insha Allahu, nagode Sarat."

“Good, ni zan koma na cigaba da aiki. Ka huta lafiya."

Gyada mata kai yayi, tayi murmushi tare da rufo masa kofar.

Bai san me yasa ya kasa dakatar da komai tsakanin sa da Sarat ba alhali har yanzu yana son Salmah. Kawai abinda ya sani kasancewar Sarat a kusa da shi yana debe masa kewa.
Yana yin tamkar Sarat bata wuce spare tayar mota a wurin sa ba, saidai tafi hakan. Tana sauraron sa a duk lokacin da yake da bukatar yin magana.. kuma tana gamsar da shi game da sabuwar rayuwar da ya daukarwa kansa.

Yana ganin tana jiran fiye da haka a wurin sa, saidai bai shiryawa wannan ba...

Da yamma ya shirya yaje kofar gidan su Khadija. Ya tabbatar Salmah har yanzu cen gidan take. Dan nesa da gidan ya faka motarshi yana tunanin abinda zai fada mata.

Yana cikin tunanin ya hango wata mota ta faka kofar gidan Khadija. Bayan wasu mintuna kuma yaga Salmah ta fito daga gidan taci kwalliya. Tana sanye da doguwar riga mai daukar hankali, da takalma masu tsini da kuma yar karamar jaka a hannunta. Tayi kyau sosai, saidai yanayin sa sauyawa yayi lokacin da yaga ta shiga motar.

Wani masifaffen kishi ne ya rufe shi. Tambayoyi da dama na ta yi masa yawo, saidai wacce tafi tsaya masa itace : Da gaske Salmah ta shirya manta shi?

Ba zai iya kyalesu su tafi ba, Salman shi ce. Batada 'yancin kasancewa da wasu mazan...a'a.

Ba tare da yin wani dogon tunani ko sanin abinda zai biyo baya ba, ya fara bin motar su a baya. Yana tafe yana addu'ar mayar da hankalin sa ga tuki kar ya yi accident.

Bai ma san me Salmah zata ji idan ta gane alakar shi da Sarat ba. Yanzu yake tambayar kansa idan dama ta taba sonshi. Ba zata iya rufe babinsa haka ta sauki ba. Ba mai yiyuwa bane wannan, Salmah da ya sani ba zata taba yin hakan ba. Tayi alkawarin gara ta mutu da ta koma rayuwar ta ta baya.

A ransa yace wata kila wanda take tare da shi aboki ne ko dan uwa kawai, bai dace ya dinga irin wannan tunanin a ransa ba.

Bayan wasu mintuna sai gasu gaban wata babbar 4 stars restaurant. Mutumin ne ya fito daga motar ya zagayo ya budewa Salmah kofa. Duk da dan nisa dake tsakanin su, Ammar ya iya hango yanda Salmah ke ta zuba murmushi. Hakan ya kara tuna masa adadin yanda yayi kewarta. Komai nata yayi kewar sa : Murmushin ta, dariyar ta, yanda take zuba masa masifa idan tana tunanin ita ke da gaskiya. Yayi missing dinta sosai.

Koda yaga saurayin nan ya zagaya hannun sa ya riko kugun Salmah ya tabbatar masa da ba aboki bane kuma ba dan uwa bane.

Wani irin bakin ciki Ammar yaji a zuciyar sa. Bai jira ko na second daya ba. Yayin da yake fitowa daga cikin motar shi, su kuwa su Salmah har sun shiga farfajiyar restaurant din.

Kulle motar sa yayi yabi bayan su zuwa ciki.

Da shigar sa ciki bai ko tsaya kula daya daga cikin ma'aikatan wurin dake tambayar sa ko yayi reservation ne, ya nufi inda masoyan ke kokarin zaunawa. Sosai yake cikin bacin rai ta yanda yake jin zai iya dukan ko waye.

“Me kika zo yi nan?”

Ya karaso inda suke. Koda Salmah ta hada ido dashi tayi mamakin ganin sa kuma ta tsorata.

Hannun ta Ammar ya kamo da karfi.

“Muje, babu abinda zaki yi a nan.”

“Waye kai da ka isa ka yiwa budurwata haka?” Cewar saurayin da ke tare da Salmah.

“Baby kin sanshi ne?” Saurayin ya tambayi Salmah.

A daidai lokacin kuwa Ammar na kokarin fitar da Salmah daga wurin ta karfi.

“Mahaukaci ne kai? Sake ni Ammar, ni ba yar tsanar ka bace. Ka sake ni ! ”

Yana kokarin karasa fita da ita wani security yazo ya raba su. Salmah ta boye bayan security din.

“Bansan wannan mutumin