You Cannot Download this book untill you login but you can read it .

---

Login Register

fada tana mai karbar murfin tukunyar daga hannun sa. Dan ja baya yayi kafin ya yarda ya bar mata.

Sai da ta jira man ya daina turiri sannan ta kalle shi, tana tunanin reaction din da yake jira kenan domin dan murmushi yayi mata. Ita kuwa tayi sauri ta mayar da hankalin ta kan suyar farfesun kafin ta sume dan kunya.

Nacewa yayi sai yayi miyar farfesun, ita kuwa ta cigaba da suyar. Suna cikin shirya dinner, suka ji ana knocking kofa. Annurin fuskar sa ne ya sauya zuwa wacce ke dan ba Zahara tsoro. Wanke hannu yayi sannan yaje ya bude kofar.

“Me kika zo yi nan?” Zahara taji ya fada amma bata jin me dayan ke cewa.

Ji tayi an rufe kofa, taji sautin tafiya na nufo inda take. Cokalin dake hannunta ta damke sosai, tana tunanin ko mahaifiyar su Kamal ce. Har ta fara tunanin kunyar da zata kwasa idan ta hada ido da mahaifiyar Kamal. Wani tunani zata yi a kanta? Ta ganta tsamo tsamo cikin gidan danta a daidai wannan lokacin, ba wata uwa da zata yarda da wannan. Duk da ba komai suke aikatawa ba, ba zata fahimci hakan ba ita. Wayyo Allah, yanzu ya zata yi? Da tun dazu tayi tafiyar ta amma ta biyewa son zuciyar ta na kara son kasancewa da Kamal.

Saidai tsoron Zahara ya ragu lokacin da taga wata matashiyar budurwa ce ta shigo kitchen din. Kusan farin ciki ne ya saukarwa Zahara ganin ba daya daga cikin yan gidan su Kamal bane. Amma sai ta fara tambayar kanta wannan kuma wacece kuma me take yi nan a wannan lokacin?

“Ooh kenan da wannan yarinyar ce kake cin amanata?”

Wani irin bugu zuciyar Zahara tayi, kafafuwanta suka yi sanyi, hannuwanta suka hau bari. A ranta tace kenan yana da budurwa.

“Hafsat stop.” Kamal ya fada yana shigowa cikin kitchen din shima. Zahara tayi zaton zai mata bayanin dalilin da yasa yake kulata alhali yana da budurwa, amma sai taga ya saki fuska ba tare da ya kula wacce ya kira da Hafsat ba.

Yanada kwarin gwiwa har haka? Dole ma tayi tafiyar ta gida ! A hankali ta ajiye cokalin hannunta saidai a daidai lokacin wacce ya kira da Hafsat ta tuntsure da dariya.

“Dubi yanda duk ta tsorata! Kwantar da hankalin ki yar uwa, wasa nake yi. Kamal, me yasa dan uwanka bai daukan kirana?”

Juyowa Kamal yayi gun Zahara yace
“Are you okay? In kama miki ne? Ko murfin tukunyar zan iya rike miki, tinda ni na kare miyar.”

Zahara har ta manta da wai ana numfashi. Me take iya yi bayan abinda ya faru yanzu? Hafsat tace mata wasa ce take mata amma ita ta kusan suma. Tana tunanin ita kadai ta damu da abun, domin a yanda ta lura da Kamal, ta saba da yi masa irin haka. Sai da ta dan yi jim tana tattaro nutsuwar ta sannan ta bashi amsa.

“No, kar ka damu. Nima na kusan gamawa.”

Tambayar da ke mata yawo cikin kai ita ce. Wacece Hafsat kuma meye tsakanin ta da Kamal?

“Kamal wai mafarki nake yi ne? Ai bansan kaima kana dukowa mace har haka ba.” Hafsat ta fada tana kallon Zahara kamar taga bakuwar halitta, ita kuwa Zahara tayi sauri ta kauda kanta.

“Hafsat you shut up, ko na kora ki waje.”

“Ba zan tafi ba, Ammar bai daukan kirana. I hate when he treats me irin haka, ina son yin magana da shi.”

“Toh ni meye nawa a ciki?” Ya tambaye ta. “Idan kinada matsala dashi, shi zaki gani ku warware matsalar ku. Me kike so ni nayi?”

“Ka ce masa ya dinga daukan call dina idan na kira shi. Idan kuwa ba haka ba..”

“Tsakanin ku ne, ni babu ruwana. Kina tunanin zan iya saka shi abinda bai niyyar yi ba? Ki je ki neme shi kuyi magana zai fi, batawa kanki lokaci kawai kike yi nan.”

“Daman nasan ba nan ya dace inzo ba mtsw..”

“Zaki iya tafiya please.. muna son karasa girkin nan.”

“Toh ba zaka gabatar da ni ba gareta?” Ta tambaye shi.

“Sunanta Hafsat Abubakar..” Katse shi Hafsat din tayi, sannan ta kama hannun Zahara suka gaisa tare da yi mata murmushi.

“Sunana Hafsat, kuma ni kawar shi ce tun muna yara.”

Tabe baki Kamal yayi, ita ma Zahara tayi mata murmushi tare da nuna mata jin dadin haduwar su ba tareda Hafsat ta sakar mata hannu ba.

“You are still very young compared to him. Soyayya kuke? Yaushe kuka hadu? Injin dai kinsan dan ta'adda ne shi, zai miki wankin kwalwa sannan... AHHHH SAKE NI!” Kamal ne yaja hannunta da karfi domin ya fiddata daga kitchen, yana fidda ta ya rufo kofar da key.

“I'm really sorry for that, bansan zata shigo haka ba.”

“Kar ka damu na fahimta.”

Hafsat bugun kofar kitchen din take ba kakkautawa. Amma jin Kamal yace idan bata daina ba zai fitar da ita daga gidan gaba daya sannan ta daina. Hakan har dariya ya baiwa Zahara.

Koda suka gama hada farfesun kazar, suka dawo falo. Kamal duk da dan haushin da Hafsat ta bashi sai da ya dauko mata ita ma plate. Lokacin da suka dawo falo, suka tarar da ita kwance bisa doguwar kujera, da yanayin damuwa a fuskarta. Daina kallonta Zahara tayi kafin ta lura da yanda ta kura mata idanu.

Ajiye komai suka yi bisa center table, Kamal ya koma ya dauko juice da ruwa.

Zaune Zahara tayi bisa daya daga cikin kujerun, shi kuwa duk da yalwataccen wurin dake akwai, kusa da Zahara ya zauna. Bai dade da zaunawa ba yaji ana knocking kofa. Tashi yayi yaje ya bude.

Zahara bata gama tunanin wannan karon waye yazo ba, taga Mr. Ammar ya shigo falon tareda hade gira yayinda ya ganta. Idan da kunya na kashewa da tuni Zahara ta dade cikin kasa. Kara tumbuke fuska yayi lokacin da yaga Hafsat kwance bisa kujera. Da sauri Hafsat ta tashi zaune. Zahara ta fahimci akwai wata kullalliya tsakanin su, a yanda taga suna harar juna.

“Me kike yi anan?” Mr. Ammar ya tambayi Hafsat.

“Kana raye ashe. Ni da nayi tunanin kana kin daukan kirana ne saboda aiki yayi maka yawa.”

“A'a.. ina jin dadin ganin kallon wayata yayin da naga sunanki ya bayyana. Ban ma san me yasa har yanzu nake da contact dinki ba.”

“IDIOT..” Hafsat ta fada cikin daga murya, tareda tsalle da niyyar kama shi da kokowa, shi kuwa ya kauce ta fadi kasa. Har tana kokarin jiwa kanta ciwo, amma bata kula hakan ba, ta mike ta sake nufar Mr. Ammar din.

Zahara kallon scene din take da mamakin ganin yanda matasan ke nuna zallar tsanar junan su. Bata yi gangancin cewa wani abu ba, sai ma tattara kayanta da ta shiga yi da niyyar barin gidan sai ga Kamal ya shigo falon.

“Please, idan kashe junanku kuke son yi ku koma kitchen. Yinin yau aiki muka yi kuma yunwa muke ji yanzu. Please respect us, ku samu wani wurin ba nan ba.” Kamal ya fada cikin sigar lallashi.

“Me take yi anan ne? Me yasa ka gayyato ta?”

“Nazo na fada masa ya ja maka kunne, ko ka manta I have your future in my hands. Ni ce wacce zaka aura.” Cewar Hafsat.

“Wacce zan aura fa kika ce? Ai nafi gwammace na mutu da na aure ki. Dan haka zo ki fice ki bar gidan nan.”

Da wannan umarnin da ya bata, ya kamata da niyyar fitar da ita amma ta subule tareda komawa kan kujera ta zauna.

Dogon numfashi Kamal yaja tareda daukan plate biyu yace Zahara tabi bayanshi. Tattare kayanta Zahara tayi ta sudada tabi bayan Kamal ba tare da ta kalli inda su Ammar suke ba. Key din mota Kamal ya bata riko, sannan yace ta biyo shi. Taimaka masa tayi wajen bude motar, sannan suka shiga ciki.

“Barinsu su kadai zaka yi a ciki?” Zahara ta tambaye shi.

“Su kashe kansu, muna zaunen mu sun zo sun takura mana. Nan gaba best restaurant na garin nan zamu je, inda babu irinsu a wurin.”

Yar dariya ta kwacewa Zahara, domin har nan suna jiyo su Ammar.

“Mu ci abun nan kafin yayi sanyi. Daga nan sai na kaiki gida kar dare ya kara yi.”

“Thanks for this kuma nagode da taimaka min da kayi. Da ba dan kai ba da yanzu ban karasa aikin nan ba.”

“Me yasa kike gode min? Believe me, I did it with pleasure. Dan haka ki daina gode min, kin ji ko?”


Murmushi tayi sannan ta bashi amsa
“Ok.”

“Yanzu ci abincin nan.."

Idan ta cigaba a wannan yanayin ba lallai ta iya barinshi ba. Domin wannan ne karon farko da ta dade tareda wani irin haka, duk wannan sabon abu ne gareta. Tana jin wasu abubuwa wanda bata taba jinsu ba a baya. Tana kara samun kusanci da shi, alhali bata taba tunanin samun irin wannan kusancin ba da wani. Idan tana ita kadai, tana kan yi nadamar duk wannan domin tana tsoron wata rana ya kare da bakin ciki. Amma idan tana tare da Kamal sai ta manta da komai.

Har ina hakan zai dore?



(...)


AMMAR DA HAFSAT


Ganin bata da niyyar tsagaita masifar tata dole shi yayi shuru.

“Yanzu me kike so ne Hafsat?”

Zaunawa tayi nesa da shi, tayi irin zaman kamar wacce take jiran kai farmaki.

“Ina son ka daina share ni da kake yi. Kawai ina son mu zauna mu tattauna mu nemi mafita kan matsalarmu.”

“Ni fa ba zan aure ki ba, kuma game da neman mafita na nema duk inda ya dace amma banga wata mafita ba.”

“Mahaifiyata taki daina damuna da wannan zancen, nima inada matsalolin da nake son warwarewa. Idan fa muka yi aure domin rufe bakunan su na dan wani lokaci?”

“Kiyi tunani, zamu yi aure ne domin farfado da kamfanin mahaifin ki da yake kokarin durkushewa. Idan muka rabu bayan wasu yan watanni, kara jagule matsalar ne zamu yi.”

Dafe kai Hafsat tayi tare da jan dogon numfashi.

“Idan da ta nice da tuni kamfanin ya dade da durkushewa, amma mahaifina na son kamfanin sosai.”

“Nasan abinda kike tunani, amma ba zan aure ki ba, koda da wasa ne."

Kallon shi tayi.
“Tsanar da kake min har takai haka?” Ta tambaye shi kamar zata yi kuka.

“Ba wani sabon abu bane, bari yi kamar yanzu ne kika sani.”

“Ok good.. na fahimta, ina ga ni zan tafi gida.”

Mikewa tayi ta nufi hanyar fita. Shima mikewa yayi ya dauki makullen motar shi saidai a daidai lokacin Hafsat ta juyo tace masa.

“Nima na fara jin tsanarka, kuma idan baka daina abinda kake ba, na rantse maka sai kayi nadama.”

A hankali ya tako inda take, ganin jikinta yayi sanyi. Ya hade bakunan su.

Mayar masa da martani itama tayi, tana kokarin zagayo da hannuwanta a wuyansa, ya dakatar da ita ta hanyar janye jikinsa.

“Yanzu na fahimci dalilin da yasa kike son aure na ko ta yaya. Wannan kiss din zai kwantar miki hankali, zaki iya tafiya.”

Marinshi tayi tareda kwada masa jakar hannunta.

“Banza kawai..” Ta fada tana kokarin boye hawayen da ke son zubo mata. Saidai tuni ya riga da ya gani.

Ficewa tayi da gudu tana kuka, shi kuwa ya kada kafada irin ko a jikin sa.
[03/03 à 05:18] ASHTAR: AMRIYA
(Hatsabibiyar Aljana)

Love 💞 and Horror ☠️ story 📖

By Malik al-Ashtar 🖋

For more novels https://bit.ly/3Egdy1m

On wattpad : https://www.wattpad.com/story/270492485

CHAPTER 19

⚖ HOME OF QUALITIE'S WRITERS ASSOCIATION 📚




HAFSAT


Wajen karfe bakwai lokacin da ta fara jin gajiya a jikinta. Daren jiya yana daya daga cikin darare mafi bakin ciki a gare ta. Tamkar kwalwarta ta shirya da gangan ta dinga nuna mata cin mutunci da ta gani jiya. A ranta tace ita ta jawa kanta, bata san dalilin da yasa take manta waye Ammar ba, wanda tun suna yara ya tsane ta, toh me zai sa wani abu ya canza yanzu?

Tana jin kunya idan ta raya a zuciyarta taji dadin wannan kiss din da yayi mata. A jiya tasha kuka cikin dan sahun da ya kawota gida. Ba wai tana kukan damuwa bane kawai, har da kukan haushi da takaici. Ba shi kadai take jin haushin sa ba, har da kanta. Wannan yanayin da take ciki ya sake tabbatar mata da irin galabar da Ammar yayi a kanta. Babu wani namiji da ya isa ya sata a wannan halin bayan shi. Ta kasa gane abinda take ji game da shi, idan ma sonshi take, shi ba sonta yake ba. Kuma dab take da yin hauka koda sunyi auren, koda kuwa auren wasa ne.

Tana tunanin lokaci yayi da iyayen su zasu fahimci ba mai yiyuwa bace tsakaninta da Ammar.

Da wannan tunanin tayi bacci jiya. Yanzu da ta tashi, taga baccin da tayi bai wuce na awa biyu ba. Ba wai dan ya isheta ba, ta tashi ta shiga wanka. Bayan ta fito, ta shirya tayi sallah sannan ta sauko kasa wajen mahaifiyarta dake karyawa.

Koda ta sauko, Mahaifiyar tata ta shiga yi mata fada.

“Saida fa na fada miki kece zaki yi girki yau. Tun karfe bakwai ya dace ki tashi dan ki fiddo nama. Kin fi kowa sanin lokacin da yake dauka kafin ya daskare sannan a soya.”

“Please Mama, kaina ne ke yimin ciwo. Ban yi bacci ba jiya.”

Tashi Mami tayi ta karaso inda Hafsat take tareda kallon idanun Hafsat da suka yi ja.

“Meke faruwa? Me ya hana ki yin bacci?”

Bata sani ba ko ya dace ta fadawa mahaifiyarta amma sanin halin da ake ciki shi yafi. Bayani tayi mata kan wulakancin da Ammar yayi mata da kuma korar karen da yayi mata daga gidan dan uwanshi. Wajen kiss ne kawai ta cire bata fadawa Mama ba.

Akasin abinda tayi tunani, cikin sanyin murya Mama tace

“Me kike son ayi yanzu kenan? Kinsan wannan auren yanada muhimmanci a family nan. Alakar ki da shi na sani da wahala, amma kema baki ganin ya kamata ki dinga jurewa? Kiyi kokarin fahimtar shi da kuma rarrashin sa? Maza kamar yara suke, saida rarrashi. Tattalin su kawai ake, yanzu zaki ga ya sauke duk wani aji nashi, yana miki biyayya yanda kike so.”

“Ina ga baki fahimta ba Mama. Mutumin nan ba sona ne baya yi ba, ya tsane ni ne. Ki yarda da ni abinda yayi min jiya, kalilan ne akan wanda ya shirya min idan na aure shi. Ina son taimakon baba da kamfani, haka ina son lafiyar kwalwarta kuma na cancanci namiji mai sona ba wanda yake kamanta ni da karya ba.”

“Kenan kina nufin ba zaki aure shi ba?” Mama ta tambaye ta da mamaki.

“Shi da kanshi ne ma ba zai amince da auren ba.”

“Mahaifiyarshi zata ji da wannan, ke dai ki fada min idan kina son auren.”

“Koda Mahaifiyar shi tayi abinda zai amince, nice zan wahala..”

“Kiyi tunani da kyau, kar ki watsawa mahaifinki kasa a ido. Kinsan iya adadin yanda ya kwallafawa abun nan rai.”

“Mama kinsan ina sonku, kuma bani da kamar ku a duniyar nan. Zan iya yin komai a kanku amma wannan gobena ce, kuma kin fi kowa sanin haka. Idan har na aure shi, zan kasance daga ni sai shi a cikin gidan, babu wani da zai kawo min dauki.”

“Hafsat me kike son na cewa mahaifinki? Yanzu ki barni inyi magana da mahaifiyar Ammar, zamu nemi mafita tare.”

“Mafita kawai ita ce a bar zancen auren nan, domin farin cikina ne a hatsari.”

“Kar kiyi gaggawar yanke hukunci, na tabbatar zamu nemi mafita bari yanzu zan kira Hajiya Karima.”

“Shikenan bari na fiddo naman.”

Bayan Hafsat ta bar wurin, Mahaifiyarta ta dauki waya dan ta kira kawarta Hajiya Karima. Ba'a dau lokaci ba Hajiya Karima ta daga. Bayan sun gaisa mahaifiyar Hafsat tace
“Na kira ki ne, ina son muyi wata magana.”

“Ina jinki.”

“Hafsat ce tace min jiya Ammar yaci mutuncinta tare da korarta daga gidan Kamal. Abun ya taba ta, tace min tana jin tsoron abinda zai biyo baya idan suka yi aure. Har so take a fasa auren a cewarta Ammar ba zai yarda ba. Kuma koda ya yarda a kanta zai huce.”

Bayan mahaifiyar Hafsat ta gama kora mata bayani, sai da Hajiya Karima ta dau lokaci kafin tayi magana.

“Yaron nan ya fara kaini bango. Abinda yaga dama shi yake yi, amma kawata kar ki damu kanki. Ki cewa yarki kar ta damu. Ina nan, nima mahaifiyarta ce kuma zan gyara komai da yardar Allah. So yake ya ja da ni saboda na hana shi auren karuwa amma zai san ban sha wahalar banza ba wajen haifo shi duniya. ”

“Hajiya Karima, ban fada miki hakan ba dan kiyi masa wani abun ba. Ki tambaye shi kawai idan yana son auren 'yata.”

“Zai ma aureta, ni na fada miki. Zai auri Hafsat kuma zai mayar da ita tamkar sarauniya idan ba haka ba, ba sunana ba Karima.”

Hajiya Karima ta kara da cewa
“Zan zo gidan naku cikin weekend din nan. Zaki ga yanda komai zai canza daga yau.”

“Ok, shikenan. Na yarda da ke kawata. Ina fatan komai yazo mana da sauki.”


(....)


HAJIYA KARIMA

“Da wa kike waya?” Cewar mijinta.

“Danka ne yake kokarin ya haukata ni, za'a yita ta kare yanzu yanzu nan. Ciwa Hafsat mutunci yayi gaban Kamal, gashi yanzu tace tsoron auren sa take.”

“Me zaki yi yanzu?” Ya tambaye ta.

“Rashin ladabi ne abinda yayi, family meeting nake son muyi yanzu. Saka kaya, ka same ni a falo.”

Bata jiran jin amsar shi ba, ta bar dakin. Zuwa tayi dakin Afnan ta tarar da ita har yanzu bacci take.

“Afnan, Afnan.."

“Hummmm.”

“Tashi, ki wanke fuska ki same ni a falo.”

Murza idanu Afnan tayi, ta tashi a hankali sannan ta kalli Hajiya Karima.

“Meke faruwa ne?” Ta tambaye ta hankalinta a dan tashe.

“Yi sauri kar ki bata min lokacin.”

Fitowa Hajiya Karima tayi daga dakin Afnan tare da rufo kofar, sannan ta nufi dakin Ammar. Kamar yanda tayi tunani baya nan. Ta tabbatar yana wurin aiki. Ta yanke kiran shi bayan ta kira Kamal.

Falo ta dawo inda ta tarar da mai aikin su Rakiya har ta gyara shi. Yanzu tana cikin goge corridor.

“Rakiya, hada min tea marar suga dan Allah."

Daidai lokacin, Afnan ta sauko sanye da abaya da gyale.

“Meke faruwa Mommy? Lafiya?"
Afnan ta fada fuskarta da yanayin firgici da ita kanta Mommy ta lura.

“Kar ki damu, ya shafi dan uwanki ne Ammar. Kira shi kice ya dawo gida da gaggawa ina neman shi.”

“Ina tunanin yana wajen aiki.” Cewar Afnan.

“Eh, ki kira shi kice masa yazo da hanzari ina jiran shi. Bari ni in kira Kamal."

“Ok, bari naje na dauko wayata daki, sai in kira shi.”

Koda Afnan ta tafi, Mommy ta dauki waya ta kira Kamal. Bugu na biyu ya dauka. Bayan yayi sallama ta amsa.

“Wa alaika salam, Kamal kazo gida yanzu yanzu ina son ganinka.”

“Lafiya meke faruwa?”

“Kowa lafiya, ni ke son ganinka kuma yanzu nake son kazo.”

“Ok gani nan.”

Yana katse kiran, sai ga Afnan ta dawo.

“Mom, Na kira shi amma yace min meeting gare shi mai muhimmanci, ba zai iya zuwa ba.”

“Ok, bani wayar je ki karbo min tea din da nace Rakiya ta hado min."

Debe password din tayi, sannan ta mika mata wayar. Sake kiran Ammar Mommy tayi. A ringing na biyu ya dauka.

“Afnan, wai ba nace miki meeting gare ni...” Bai karasa fada ba Mommy ta katse shi.

“Nice ba Afnan ba, Ammar idan baka zo ba nan da minti goma, na rantse maka sai kayi nadama."

“Amma Mom..” Katse kiran Mommy tayi tareda ajiye wayar kan center table.

Ammar da saurin shi ya shigo gidan, yana tunanin wani babban abu ne ke faruwa duk da jin muryar Mommy kamar ranta a bace yake. Koda ya faka mota, yaga ta dan uwanshi a bayanshi. Fitowa yayi tare da kulle motar.

“Kasan meke faruwa ne?” Ya tambayi Kamal da alamun shima cikin rudu yake kamar shi.

“A'a.. Mom ce tace nazo da gaggawa..” Kamal ya bashi amsa.

“Fatan dai Allah yasa lafiya, domin ni inada meeting mai muhimmanci."

Knocking kofa suka yi, Rakiya tazo ta bude musu. Gaishe ta suka yi ta amsa kamar kullum da murmushi.

Kai tsaye falo suka nufa, inda suka tarar kowa na gidan ya halarta, har da Daddy ma yana nan. Koda Ammar ya hada idanu da Mommy, ta galla masa harara da yasa shi shan jinin jikin sa. Tambayar Afnan yayi da kallo, amma ita ma da alama bata san meke faruwa ba. Sai ma gyangyadi da take yi, amma da Mommy tayi magana da babbar murya tayi firgigit ta tashi.

“Tunda dukan mu mun hadu, zan je kai tsaye akan abinda ya tara mu. Ammar ina son ka min bayanin abinda ya hadaka da Hafsat jiya.

Ammar a ranshi yace «ba dai ta kira ni bane dan ta yimin zancen yarinyar nan.»

“Kin kira ni daga office ne dan ki min zancen yarinyar cen? Kuma fa na fada miki inada meeting mai muhimmanci.”

“Ammar tambaya ta karshe zan maka, me ka yiwa Hafsat?”

A ranshi yace «Me kuma wannan sakaryar tazo ta fada?»

“Fada kawai nasan nasan munyi..."

“Ammar me yasa kake so ala dole sai ka cutar da ni? Ni kake cutarwa idan kana cutar da ita. Kuma kana ja min abun kunya gaban dangin aminiyata. Kana tunani kuwa kafin ka aikata wasu abubuwan ?”

“Amma mom..”

“A'a saurare ni Ammar, wannan ne na karshe da za'a kira ni dan kawo min koken bakin halinka. Shekarunka nawa? Ya kamata kasan ka girma.”

“Idan kana min haka ne domin nuna min jin haushina da kake saboda karuwar budurwarka, to ka sani ina kan bakana. Ka daina ciwa yarinyar nan mutunci, babu abinda tayi maka.”

“Mahaifiyarka na da gaskiya.” Cewar Mahaifinsa. “Yarinyar nan babu abinda tayi maka, banga dalilin da yasa kake wulakanta ta ba. Ba wannan tarbiyar muka baka ba. Abinda kake aikatawa ba wai mutuncinka kadai kake zubarwa ba, har da namu. Bana son irin haka ta sake kasancewa.”

“Ni fa duk wannan ba laifina bane. Me yasa kuke son na aure ta alhali kunsan ba sonta nake ba kuma ba zan taba sonta ba. Zamani ya sauya, an wuce zamanin da iyaye zasu tursasa 'ya'yansu auren dole. Kenan na tsoraci goben Afnan? Ita ma zata yi rayuwa irin wacce nake yi yanzu? Tursasa ta zaku yi ta auri wanda bata so?"

“Daina cakuda mana komai, babu irin haka da zata faru. Mu farin cikin ka ne kawai muke so, mu ga rayuwarka tayi kyau.” Cewar Daddy.

“Ni wannan ba farin ciki bane gare ni. Kuna tarwatsa rayuwar da na shiryawa kaina ne, kuma Mom kin fara min abinda bana jin dadin sa."

“Idan da kayi min biyayya duk da hakan bata faru ba. Ba zan taba kokarin sanya ka alakar da zata bata maka rayuwa ba. Nasan wacece Hafsat, yarinya ce ta gari."

“Kin gani ko? Baki saurare na. Har abada ba zan samu farin ciki da wannan yarinyar ba. Mu nemawa kamfanin su mafita idan har wannan shine ke damunki.”

“Kamal me zaka ce game da dan uwanka?” Mommy ta tambaye shi.

“Rayuwar sa ce, ina ga bai dace ki takura masa ba."

“Daman kai baka taba min biyayya ba, ban ma san me yasa na tambaye ka ba. Bansan me na yiwa Allah ya bani 'ya'ya irinku ba. Idan baka amince da auren nan ba, ka nemi wata uwar ba ni ba.”

“Karima kin fara wuce gona da iri." Cewar Daddy.

“Mom kiyi kokarin fahimtar shi.” Cewar Afnan.

Shi kuwa Kamal bai ce komai ba, sai sauraron su da yake.

“Idan ba zai bi umarnina ba, bana son ya cigaba da amsa sunana a matsayin mahaifiyar sa."

“Shikenan.. tinda.. haka take so." Cewar Ammar.

“Bana son shashanci Ammar!” Cewar Daddy. “Kasan me hakan ke nufi? Kasan illar girman abinda take kokarin yi maka?”

Me hakan zai canza? A halin yanzu alakar shi da mahaifiyar sa tayi kasa sosai. Daga yanzu babu abinda zai dawo kamar baya, dan haka ya shirya sallama shi da zata yi.

Kallon Kamal yayi da tun dazu bai ce komai ba, koda suka hada ido Kamal ya girgiza masa kai alamar kar ya yarda yanke wannan mummunan hukunci. Saidai shi Ammar yana ganin aikin gama ya gama.

Maida kallonsa yayi zuwa kan mahaifiyar shi, suka hada ido. Firgici, tsoro, damuwa da bacin rai.. ne tattare a cikin kallon su.

“Tinda a shirye take na cutu a wannan auren da take kokarin yi min.. nima a shirye nake nayi makokin rashin uwa.”

“YA AMMAR !” Afnan ta kwalla kara tare da dora hannu a kai.

“I want to be free, ban taba samun wani 'yanci ba a tare da ita. I want to be free, nayi rayuwata yanda nake so kuma na auri wacce nake so.”

Shuru Mommy tayi.

“Kana tunanin zaka iya samun wani farin ciki ba tare da sa albarkar mahaifiyar ka ba? Ina mai baka shawara da kayi tunani Ammar.” Cewar Mahaifin shi. “Kamal ka yiwa dan uwanka magana. Kar ka barshi ya bata rayuwar sa. Allah baya tare da wanda tsinuwar mahaifiyar sa ke binshi.”

“Ita ta sallama ni ba ni ba. Allah yana tareda