You Cannot Download this book untill you login but you can read it .

---

Login Register

sani ba."

"Ki dai kula."
"Insha Allahu."

Daga nan suka fara cin abinci, suna gamawa aka fara taruwa a hall din. Gaba suka koma, sai ga lecturer su nan.

Sai karfe hudu ya fita, sallah sukayi suka shige library dan yin karatu.

"Sis Koyan lecture da Sir Sabir yayi muku yau."
Asma'u ta fadawa zee

"Toh!"
Ta fada tana koya mata, sosai take ganewa. Sai karfe biyar da rabi sannan suka fito, lokacin har anzo dibar su.

Sallama sukayi, suka wuce.


Tana komawa gida ta tadda Mamin ta a falo.

Kanta ta haye,
"Mami na ya gida?"

"Lafiya Alhamdulilah, Ya makarantar?"
"Lafiya Mami."

"Tashi kije kici abinci nasan baki ci komai ba."
"Lah Mami naci Abinci. Mami kinga yau Ya Aslam ma yazo makarantar mu."

Ta fada tana murmushi, fuska Mami ta dan hade, ta ce
"Wajen wa yaje?"

"Wucewa zai yi ya biyo."
Asma'u ta bata amsa.

" *Asma'u* ban yadda ki kara bari ya same ki a makaranta ba, ke bashi ba koma waye kar ki kuma haduwa da wani namiji a makaranta."

Fuska ta marairaice,
"Mami dan Allah kiyi hakuri, bazan kara ba."

"Ba komai baki bata min ba. Amman kika kuma shi zai batan rai."
"Kiyi hakuri insha Allahu bazan kuma ba."

"Kar ki damu tashi kije ki rage kayan jikin ki."
"Kin hakura toh!"
asma'u ta tambayi Mami.

Murmushi Mami tayi,
" *Asma'u* kenan. Na hakura, kinji."

Murmushi tayi ta tashi ta haye sama.

Murmushi Mami ta kuma yi, tana girgiza kai, *Asma'u* sam bata son bacin ran iyayen ta ko ya tayi musu laifi zata daga hankalin ta, har sai taga sun hakura.

Ita kanta Mami tasan ba wani abu bane dan Aslam yaje makarantar ba, amman in har bata tsawa tar ba nan gaba zata iya bawa kowa damar yin haka.

kuma hakan baya da kyau.

Tana shiga dakin ta ta fara lalubar number sa. Bugu daya ya daga.
"Yayanah ya hanya?"

"Hanya lafiya Alhamdulilah na kusa karasawa."
"Kai Yaya gudu kake yi ko?"

"So nake nayi sauri na karasa."
"Dan Allah ka rage gudun nan."

"To shikenan sai anjima."
"Aha! Ka kula da kan ka."

"Insha Allah!"

Ta kashe wayar tana sauke ajiyar zuciya ne. Bandaki ta shiga tayi wanka sannan ta fito.

Kwalliya tayi me kyau, ta saka riga da siket yan kanti ruwan madara da dark brown.

Brown (Ruwan kasa) din hijab ta dauka ta saka sanna ta dauko jakar ta tana duba wa.

Tana gama dubawa ta mike ta hau kan sallaya, tana jan carbi. Kiran sallah da taji ya sanya ta mike ta tada sallah.

Tana idar wa ta janyo Alkur'anin ta, tana karantawa. sai da akayi sallah isha'i sannan ta mike tayo.

Tayi Isha'i sannan, ta mike tayi shafa'i da wuturi. Tana idar wa ta fara yin addu'a.

Wayar tace tayi kara dubawa tayi. Sakon Ya Aslam ne ya shigo.
*Baby nah, na sauka lafiya. Zan kira ki anjima.*

Murmushi tayi, ta mike tayi waje.


Tinda ya gansu a tsaye ya kasa sukuni sam ya kasa samun nustsuwa, waye wannan da yazo gun ta, sam shi abin damun sa yake.

Haka ranar ya gama, aiki duk jikin sa babu dadi, ransa a bace dan abin be masa dadi ba.

Haka ya tashi a aiki ya wuce gida.
Mamah na gani sa taji hankalin ta ya tashi, dan duk ya fita a haiyacin sa.

Gaishe ta yayi, ta amsa.
"Sabir lafiya kuwa?"

"Lafiya lou Mamah."
Kallon sa tayi, tana me girgixa kan ta.

"Wai Sabir mecece ni a gunka."
Kan sa ya dago, yana kallon ta.

"Eh! Tambayar ka nayi,"
"Mamah Mahaifiya tace ke."

"Ka tabbata?."
"Na tabbata Mamah."

"Amman kuma me yasa in zurfin cikin naka ya tashi har ni da nake mahaifiyar ka, kake boye min."

Kai ya sunkuyar,
"Mamah kiyi hakuri."

"Ni kawai ka fada me ke damun ka."
"Mamah ni ba abinda ke damuna aiki ne kawai."

"Shikenan Sabir, tinda haka ka zaba ai shikenan. Nidai zan ta tayaka da addu'a Allah ya, yaye maka abinda ke damun ka."

"Ameen! Mamah nagode Allah kara girma."
"Ameen! Abincin fa zaka ci yanzu ko sai anjima?"

"Mamah ban dade daci ba, sai dai in anjima."
"To shikenan."

Ya mike yayi dakin sa.

Kanta ta girgiza tana jinjina zurfin cikin Sabir da ko ita, bazai fadawa damuwar sa ba.

Ta dauki a niyyar sashi a addu'a Allah ya yaye masa koma me ke damun sa.

Sabir dan gidan, Alhaji Marzuk ne, da matar sa firdausi, yana aiki a ma'aikatar lafiya ne dake jigawa.

Inda ita kuma matar sa ke aiki a ma'aikatar ilimi. yayan su uku. Biyu mata daya namiji.

Rukkaya ita ce babba wacce, tayi aure a Lagos ya'yan ta uku. Maza biyu daya mace Maryam

Sai me bi mata, Mufidda wacce take, aure a nan kano. Ya'yan ta biyu.

Sai Auta Sabir, wanda yake babban likita a nan asibitin Aminu kano. Yanzu haka an dauki contract ne inda yake lecturing.

Mahaifin Sabir na son Sabir haka ma maman sa da yan uwan sa. Basu da buri sai na suga yayi aure.

Mamah sa tayi, tayi yayi aure yace lokaci ne beyi ba. Ba kalar matan da bata kawo masa ba amman sam ko kallo bai isar sa.

Dan yanzu haka ta bashi lokaci indai bai yadda ba zata hada shi da koma waye.





Zaune suke, da kwalbar giya a gaban su. Wacece in ba Munasha da Bilkis ba.

Aminan juna wanda harkar su take iri daya kuma hali ma iri daya wannan ya kara hada aminan takar tasu.

"Munasha, Jibson ya kawo karar ki, wai kin ki ki bashi hadin kai."

Fuska Munasha ta hade, tare da zukar tabar dake hannun ta.

"Bilkis Amman na fada miki, cewar tin ranar da na hadu da yaron nan duk kan bukata ta da sha'awa ta, ta koma kansa."

"Amman dai nasan kina shan azaba dan kin saba da rayuwa da maza, yanzu nasan kina cikin tashin hankali."

Idanun ta ta dago wadan da suke jijir dasu.
"Haka ne, amman zuciyata ta, tafi wajen wani can."

"Ki daure kije gare shi ko kya samu nutsuwa."
"Kina ganin beyi zuciya ba."

"Tayya zaiyi zuciya dake bayan yasan matsayin ki da irin zumar da kike shayar dashi."

Ido ta juya,
"Amman kice lalashi na kika yi."

"Daman mana."
"Ok jeki."

Ta mike tayi benen wajen.

Kwabar da ke gaban ta ta dauka ta zuba giyar dake ciki a kofi.

Sha ta farayi, tana lumshe ido sai kace me shan wani abin dadi.


*Wacece Munasha*

Munasha, suna ta na ainihi Maimuna, mahaifin ta Malam Anas, Sai Mahifiyar su Sadiya. talakawane dan mahaifin ta itace yake siyar wa.

Basa dai taba rasa abinda zasu ci, haka nan sutura duk shekara yana dinka musu ita kala biyu ko daya.

Mahaifiyar ta aikato take yi a wani gida dake unguwar su, anan take samar musu yan kwancen kaya, da dan abinci.

Munasha, ta kasance me kwadayi da son abun duniya.

Duk kokarin da Mahaifin ta yayi mata, abu bata taba ganin ya mata sai rainuwa haka nan abinci, in anyi shima sai ta ga damar ci.

Ya sanya su a makarantar boko da arabi. Bokon dai dayaya aka gama ta. Hakan yasa tana yin candy ta fara bin maza.

Dan a duniya tana son ta ganta da kudi wannan yasa, ta fara bin maza. Ganin mahaifin ta zai hana ta fita yasa a cikin Yan iskan su, tasa wani yazo, a zuwan ya dauki nauyin karatun ta.

Mahaifin Munasha yaji dadi da wannan abin wannan yasa Munasha ta samu kafar fita. Dan wani lokacin ma haka tace ta koma hostel da zama.

Nan kuwa ba a hostel din da take in ba club ba sai, sai gidan samarin ta.

Munasha, ta zama babba a harkar karuwanci,

muje zuwa dan cigana da jin lbrin Munasha.


*INDABAWA*
[1/18, 14:09] Maryam S Indabawa🥰: *LABARIN RAYUWAR*
 ASMA'U HUSNAH



BY *MARYAM S INDABAWA*
*MANS*





🌐 *HAJWO* 🌐
*Hakuri da juriya Online writers*✍🏻✍🏻✍🏻✍🏻✍🏻

*46-50*

Dedicated to my love mother. *Momy nah*

Really love u

An Ruwaito Cikin Littafin Ibn Sinni, Daga *Anas (ra)* Lallai *Manzon Allah(ﷺ)* Yace: "Shin 'Dayanku Zai Gajiya Ya Zamo Kamar Abi-Damdama?" Sai Sahabbai Sukace Wanene Abu-Damdama Ya Annabin Allah? Sai Yace: Ya Kasance Idan Ya Wayi Gari Yana Cewa: *{Allãhumma Inni Qad Wahabtu Nafsi Wa Irdi Laka, Falã Yashtumu Man Shatamahu, Wala Yazlimu Man Zalamahu, Wwala Yadribu Man Darabahu}*



*KARASHEN LBRN Munasha*

A cikin kawayen ta mutum daya ce ta arxiki. Wacce tun fara bin mazan ta take mata fada akan irin samarin da take kulawa.

Dan ke daga ganin samarin ma xaka san yan iska ne, bare in suna mu'amala suyi ta taba ta. Ko ace za'a tafa.

Ko in tana bukatar abu sai dai tace saurayi yayi mata.

Rashida yar gidan masu hali ce, dan sau tari takan bata kudi kashe wa. Sannan in an mata kaya kala uku zata dau daya ta bata.

Amman sam Maimuna bata godewa Allah. Ita burin ta tagan ta ta kula me kudi wanda zai na kashe mata kudi.

Bayan yawancin samarin yanzu basa yin abu dan Allah sai dai in zasu fansha.

Rashida takan mata fada.
"Haba Maimuna, yanzu da hankalin ki, kike kula wadan nan mazan.
Shin me yan mata memukeso muzamane, ina hankalin mu yake ina tunanin muyake ne, Shin iyayen mu me suka gaza yimana muke nema mudorawa kan mu akan hanyar da baza ta bulle da mu bane. Duk kokarin da Baba yake, amman kike son daurawa saurayi duk buqatar ki.
Haba yar uwata ashe kinyadda saurayinki xemiki abunda iyayenki baxasu yimiki, Maimuna ki nemo hankalinki da nutsuwar ki6oye son abun duniyarki badon komaiba sedan kitsira da martabarki taki ta 'ya mace.
saurayi nagaskiya shine wanda yake sonki da aure baya neman komai daga gareki burinsa yaga kin tsira da mutuncinki.
Saurayi mayaudari shine Wanda yake miki hidima ba don Allah ba sedan kibashi gishiri yabaki manda.
Mace wadda akasanta da kunya, tarbiyya, mutunci, Jan aji, kamala, sanin yakamata, amman kin manta dacewa yanxu xamani yasanja wasu daga cikin samari sundena abu dan Allah sedan samun riba.
wallahi Maimuna, idan saurayi yafuskanci ke kinada kwadayi akwai matsala ta hanyar haka xesamu damar isar da qudurinsa, wallhi saurayi bashida abun duniyar daxe rudeki yaxubar miki da mutuncinki bashida abunda xemiki wanda iyayenki xasukasa.
Alokacin bakida damar hanashi duk abinda yanema domin shi kika fara mora. kinsan ko farce yata6a miki yacuceki dan Allah Mainuna ki kula."

Duk lokacin da Rashida tai mata fada takan dauka.

Amman da ta hadu da yan harkar ta zata manta.

In kuma Rashida tai musu fada gaba dayan su, sai suce dan ita Rashida din yar masu Hali ce shi yasa bata san halin da suke ciki ba.

Tin asali Yayan Rashida ke son Maimuna, amman tafiyar sa karatu malesia, shi ya sa soyayar ta ja baya.

Duk da a cikin zuciyar sa bai da burin da ya wuce ya kamala karatu ya dawo ya tai maki rayuwar Maimuna da mahaifin ta ba.

Itama a zuciyar ta shi take so, dan Nasir namiji ne wanda ya amsa sunan namiji, ya hada komai kyau ilimi da gayu.

tinda ya tafi be dawo ba duk da suna waya amman karatu yana dauke hankalin sa. Ba dan baya son ta yafi bawa karatu lokacin sa ba. A'ah sai dan son da yake yaga ya kammala karatun sa ya fito da sakamako me kyau.

Maimuna kyakyawa ce ajin karshe, fara me kyaun sura. Amman duk ta zubar da mutuncin ta.

Har Kungiya ce, da ita wace take daukar yara ta kaisu wajen manyan Alhazai.

Wanda har a cikin makaranta ma, akwai wadan da suka daure mata gindi.

Yanzu haka Munasha ta zama kwarariya dan ta kama naira a hannu.

Yanzu haka da taga saurayi yayi mata zata san yadda zatayi ta ja hankalin sa.

Har wajen malamai take kai mutum a janyo mata hankalin sa. Munasha babbar yar duniya ce wcce idon ta ya gama budewa.

Ba kasar da bata fita.

A harkar karuwanci dai ta fita zakkah. Amman duk da haka, son Nasir na cikin ranta.



*-*-*-*-*-*-*-*-*

Kwance take a kan gadon ta, sanye take da hijab fuskar ta, tayi kyau da ita.

Sai futar da annuri take, allon wayar take kallo. Wannan yasa na mika kai dan ganin abinda take yi.

Aslam na gano kwance akan katon gadon sa, yana sanye da blue (ruwan omo) din T-shirt, da blue din wando, da alamar kayan bacci ne a jikin sa.

Magana ya ke fada mata kunne na kasa ina sauraro.

"Ke na bawa zuciyata *Asma'u*, ki adanata dan nasan zaki mata gata,"

Murmushi *Asma'u* keyi. Sanna tace,
"Hmm Ya Aslam. Gakiya kam zan kula maka da ita fiye da yadda zan kula da tawa."

"Nima na sani. na baki ita ne saboda bana son kowa ya taba ta. Duk wanda zai shiga ke zaki bashi izinin shigar ta"
Murmushi tayi.

Ya cigaba da magana
"Dake na fiso muyi soyayya, sannan dake nafi son muyi rayuwa. Dan Banda kamar ki a duniya, wannan yasa na mallaka miki zuciya ta"

"Kai Ya Aslam!"
Ido ya kanne mata ya ce,
"Ke ta daban ce. Shi yasa kullum yabon ki nake. Ke nake son ki kasance a kusa dani. Dan kece kadai farin ciki na."

Shiru *Asma'u* tayi tana sauraron sa, tare da lumshe idanun ta.

Kallon kyakyawar fuskar ta yake yi.
"Ke ce Taurruwa ta. ke kika hasken zuciyata. Kin kawar min da dukkan damuwa ta. Ban da bakin magana gare ki ban san irin godiya da zan miki ba. Ban san kuma me kike son na miki ba."

Idon ta, *Asma'u* ta bude, ta kira sunan sa.
"Ya Aslam!"

Kallon ta yayi kafin ya amsa da
"Na'am Baby nah!"

Ta ce,
"Alkawari nake son karike min koman wuya kar mu rabu kaji."

Murmushi yayi, ya gyara kwanciyar sa. Yana kara fuskan tar ta.
"Alkawari na rike miki kuma koman wuya bazan rabu dake ba kinji."

"Nagode!"
Kallon ta yayi yana kashe mata idanu kamar me jin bacci.

Kasa tayi da kanta.
"Wallahi rabuwar mu abu ce me wuya dan mun zama hanta da jini. Ko 'da da uwa."

Dariya ta saka tana girgiza kanta. Shima dariyar yake.
"Wallahi da gaske nake. Na fada miki duk abinda kika ji na fada daga zuciyata yake. Abinda zuciya ta take ji kenan baki na ya furta miki."

"Na yadda da kai Yayanah. a zuciya ban da kamar ka komai nawa ya zama naka. Amman dan Allah kar ka yadani ka kula da soyayya ta. Dan kai dai na aminta dakai kuma na yadda da kai. Mun shaku mun saba Ya Aslam abin da ya rage kawai auren mu ne."

Ta fada yana rufe fuskar ta da tafukan hannayen ta.
"Oo please kicire kunyar nan cigaba da narka min zuciya mana."

Ido ta zaro
"tayaya zan cigaba da narka maka zuciya. Yanzu ya zanyi in na narka maka zuciya."

"Sai muyi amfani da taki ko?"
"A'ah muyi amfani da taka dai."

"To cigaba ina jinki."
"Kai Ya Aslam"

Kunnen sa ya kama yace,
"Yana jira zai kaiwa zuciyar ki abinci taci."

Dariya ta saki.
"Ya Aslam kenan!"
"Allah yunwa take ji fa."

"Toh Zan kasance me share maka hawaye a duk lokacin da zasu zuba zan hana su zuba. Zan kyautata maka in faran ta maka."

"Allah tabbatar mana da Alheri, sannan nikai na bazan taba barin ki kiyi kuka ba."
"Nagode!"

"Ba godiya a tsakanin mu."
Murmushi sukayi gaba dayan su.

"Tashi kije kiyi Alwala kizo kiyi addu'ar bacci."
"Toh!"

Ta fada tana tashi. Ban daki taje tayo alwala.

Addu'a tayi, yana jin ta har ta gama.

Wayar ya kashe, sannan ya kirata. Kamar yadda ya saba yi mata kissa Annabawa haka ya farayo mata har bacci ya dauke ta.


Washe gari ya kama asabar dan haka tin da ta tashi da asuba tayi sallah.

Ta fara gyara dakin ta, tin daga karkashin gado har su durowar ta duk da ba datti amman sai da ta gyare ta goge ko ina.

Sannan ta fita madafin su (kitchen) ba kowa a ciki wannan ya tabbatar mata da Mami na can gyaran daki.

Dan duk karshen sati sai sun gyare gida ko ina da ina tsab.

Wake ta auna tayi waje dashi. Ban garen masu aiki tayi.

Baba Lami ta sama zaune. Gaishe ta tayi, sannan ta tambaya ko Lubabatu na nan.

Kiran ta Baba Lami tayi. Lubabatu na ganin *Asam'u* ta saki murmushi.
"Ina kwana?"
"Lafiya lou."

"Dan Allah daman waken nan zaki surfa min saboda kar na makara zan je isilamiyya."
"Bakomai kawo."

Ta mika mata. Ta juya ta fita.

Kunun gyada ta dama musu, sannan ta hau gyaran kitchen din nasu.

Sai da tagama gyara sannan Lubabatu ta kawo mata markaden.

Kayan hadi ta zuba sannan ta fara soya kosai.

Kosan kuwa yayi kyau dashi ya tashi abin sha'awa.

Tana gamawa ta gyara falon su, sannan ta jere kayan karin nasu a inda suke cin abinci.

Kitchen din ta gyara ta wanke duk abinda ta bata.

Dakin ta ta koma tayi wanka sannan ta shirya cikin riga da siket yan kanti.

Sai ruwan tokar hijab da ta dau wanda yake a wanke a goge dashi.

Dakin Dady tayi, ta gaishe dashi sannan suka sauko kasa, Mami ce ta sauko da Ya Buhari, suka gaisa. Sannan suka fara karya wa.

Suna gamawa ta mike ta haye sama. Hijab din ta! Ta saka wanda yake har kasa. Sai nikaf da ta saka kafar ta da safa.

Jakar ta ta dauka, ta fito.
"Mami da Dady na tafi sai na dawo."
"To a dawo lafiya Allah bada sa'a"

"Ameen!"
Ta fice.


Yan uwa ya daren?

Toh sai Allah ya kaimi gobe in muna da rai da lafiya.
Nagode


*INDABAWA*:
[1/18, 14:10] Maryam S Indabawa🥰:  *LABARIN RAYUWAR*
ASMA'U HUSNAH





By *Maryam S Indabawa*
*Mans*

🌐 *HAJOW* 🌐
*Hakuri da Juriya Online writers*



DEDICATED TO *MY UMMU NAH*

*Ummah farin cikin zuciyata. abar alfahari na.*




*51-55*

An Ruwaito Daga Cikinsa, Daga *Abi-Darda'i (ra)* Daga *Annabi (ﷺ)* Yace: "Duk Wanda Yace a Kowane Rana Yayin da ya Wayi Gari da Kuma Lokacin da Yayi Yammaci: *{Hasbiyallahu Lã'ilaha Illah Huwa Alaihi Tawakkaltu Wa Huwa Rabbul Arshil Azeem}³*, Sau Bakwai, Allah Zai Isan Masa ga Dukkan Damuwarsa ta Duniya da Lahira"._
________________________

Asma'u sai sha biyu da rabi ta dawo. a gajiye ta dawo ga rana.

Tana shigowa gida Mami ta tare tana
"oyoyo 'yar ta"

Murmushi tayi ta karasa gun Mamin ta, ta zauna a gefen ta. ta ce,
"Mami sannu da gida!"

"Yauwah Asma'u ya makarantar?"
Asma'u ta ce,
"Lafiya Alhamdulillah!"

Mikewa tayi ta ce,
"Mami bari naje na watsa ruwa."

"Toh!"
Tayi sama, tana shiga ta ajiye jakar ta, ta cire kayan ta ta sakale su ta shiga bandaki.

Ta jima tana watsa ruwa sai da taji sanyi sannan ta cuda jikin ta.

Tana fitowa ta saka wata doguwar riga mara hannu.

Hijab ta saka ta tada sallah. Sai da ta idar sannan ta shafa mai ta shafa hoda.

Wayar ta dake ta kara tin tana bandaki ta dauka.

Yaa Aslam ne dan haka da sauri ta dauki wayar ta kara akunnen ta.

Sai da yai sallama ta amsa sannan ya tambaye ta ya makaranta. Dan yanzu ya kira Mami ta ce yanzu ta dawo.

Da wayar a kunnen ta, ta sauka kasa dan samar abu me sanyi.

Ice cream ta dauko a firij din dake kitchen din su, sannan ta dawo falo inda Mami take.

Wayar ta kashe tana kallan Mami ta ce,
"Mami Zafi bai yiba wallahi."

Mami ta ce,
"Ranar da kika kwaso ce kinsan sha biyu lokacin tafi budewa."

Ice cream din ta fara sha tana lumshe ido har ta EMgama ta kwanta.

Ta ce,
"Mami bari na dan yi bacci kafin anjima dan nagaji."

Mami ta ce,
"Ai gara kina huta wa."

Cikin kankanin lokaci bacci ya dauke ta. Mami na zaune a gefen ta, ta zuba mata ido.

Mami bata san saboda me ba. Amman Asma'u na yawan bata tausayi.

Yanzu da tana baccin ma kallon ta kawai take tana dada jin kaunar 'yar tata.

Asma'u ba dai hazaka ba sam ina ta tashi tin safe sai goman dare zata kwata. In kuma ta tashi da asuba bata kara rintsawa ga karatun su mai wahala. Amman kuma komai nata yana tafiya dai dai. Sai dai wani lokacin in karatu ya sako ta a gaba har ramewa take yi dan ko lokacin cin abinci bata samu.

Kafin la'asar ta tashi tayi sallah sannan ta dawo falo ta zauna tana danyin chatting a wayar ta.

Tana zaune taji sallamar Zainab da gudu ta mike tana rungume ta.
"Ah lallai yau Zee ce a gidan namu."

Hararar ta Zainab tayi ta ce,
"Ke dallah a gaban Mamin."

Ta dan daura mata hannu akan leben ta.
"Mami na kitchen bari na kirata ku gaisa mu tafi sama zaki fi sakewa."

Hanyar kitchen tayi tana kwadawa Mami kira. Mami ta fito ta ce,
"Lafiya?"

Asma'u ta ce,
"Mami, Zainab ce ta zo."

"Allah sarki sannun ta da zuwa ina zuwa."
Ta koma kitchen din ta rage gas sannan ta fito.

A falo ta same su. Zainab na ganin Mami ta sauka daga kan kujera tai kasa da kai tana gaishe da Mami cikin girma mawa. Mami na tambayar ta su Maman ta.

Sai da suka gaisa Mami ta koma kitchen sannan suka koma sama.

Suna zama yar aikin su Asma'u ta kawo mata ruwa da lemo hadi da snacks.

Suna hira tana ci har basu san magariba tayi ba sai kiran sallah da sukaji kawai.

Ido Zainab tayo waje dasu ta ce,
"Nashiga uku salar me?"

Dariya Asma'u tayi ta ce,
"Mene magariba ce."

Duka takai mata ta ce,
"Shine kike min dariya ko?"

"Sorry ta tashi muyi sallah ko?"

Ta mike ta shige ban daki alwala tayi sannan ta fito ta tada sallah.

Asma'u ma bandaki ta shiga tayo alwala tai sallah.

Suna idar wa Zainab ta mike. Kallon ta Asma'u tayi ta ce,
"Ai kya bari dai kici abinci Yaya ya dawo mukai ki gida ko?"

"Rufan asiri dare ai sai ya karayi."
Hararar ta Asma'u tayi ta ce,
"Da yake a jeji kike ko? To in na fadawa Momin taki ana zaki kwana fa."

Dariya Zainab tayi ta dauki jakar ta ce,
"Ni tashi muje."

"Allah sai kinci abinci."
Ta fada tana fita daga dakin.

Kitchen ta shiga ta hado mata abincin da sukai.

Tuwon semo ne miyar agushi taji nama sai kamshi take.

Sai lemon ginger da Mami ta hada musu. Diba tayi a babban faranti tayi daki dashi.

A zaune ta tadda Zainab tana shiga Zainab ta amshi kayan ta dire ta fara zubawa dan tai sauri ta gama su tafi.

Sai da taci ta koshi sannan ta mike ta wanke hannu. Kiran sallah isha'i taji wannan yasa tana fitowa ta tada sallah. Tana idar wa kuwa ta mike tayi waje.

Asma'u tabi bayan ta tana cewa,
"Ai kya bari nayiwa Mami magana ko?"

Tsayawa tayi ta na kallon Asma'u, kallon ta Asma'u tayi ta ce,
"Ga kujera ki zauna man."

Zama tayi ita kuma ta shige dakin Mami. Mami na zaune tayi kwalliya kamar yadda ta saba ta tarbar Dady.

"Mami zata tafi!"
"Au har ta fito."

"Eh!"
Asma'u ta bata amsa.

Leda Mami ta nuna mata ta ce,
"Dauki wacan ki kai mata ki dauki dubu biyu, ki bata kisa Baba ya kai ku ki rakata."

"To Mami Allah kara budi da girma."
"Ameen muje nai mata sallama ko?"

Suka fita tare Asma'u rike da ledar kayan kwalliya a hannun ta.

Sai da Mami tai mata sallama tare da godiya, sannan suka fita tare da Asma'u.

Suna fita suka tadda Yaa Buhari ya dawo. Asma'u ta ce,
"Yauwah kinga Yaya ya kaiki ma ko?"

Banza Zainab tai mata har suka karasa gefen sa.

Murmushi yake sakarwa Zainab dan shi bai ma kula da wata Asma'u ba.

Asma'u dake gefe ta ce,
"Ah lallai soyayya!"

Duka ya kai mata. Tai sauri kaucewa. Tana dariya.

"Kaga Yaya muje ka kaimu dare nayi."
Gaba yayi Zainab tabi bayan ta shi ya bude mata mazaunin ta gaba ta shiga.

Asma'u ta tsaya ta ce,
"Ai kuwa nima sai an bude min in ba haka ba bazan raka ku ba."

Rankwashi Yai mata ya ce,
"In na bude me zai cijeni."

"Babu!"
Asma'u ta fada tana zama a cikin motar.

Suna tafe suna hira suka bar Asma'u ganin haka yasa ta dauko waya ta kira Yaa Aslam.

Waya suke tana bashi labarin zuwan Zainab da abinda suke mata.

Hakuri ya bata ya ce,
"Dadin ta kema kina da wanda zaki hirar dashi ko?"

"Eh man."
Daga nan suka dinga waya har aka zo gidan su Zainab.

Sai da Asma'u ta rakata gida ta gaida Momin ta sannan sukai sallama Momi na mata godiyar kayan da Mami ta bata.

A mota ma wayar ta taci gaba dayi tabar Yaa Buhari yana ta surutun sa shi kadai.

Sai da ta gama waya da take yai ta mita ta ce,
"Kaji Yaya kai lokacin da kukai min banza me nace nima ramawa zanyi."

Dariya yayi ya ce,
"Wai wane wannan sirikin nawa ne?"

"Bazan fada ba."
Dariya yayi ya ce
"kinsan dai dole na sani ko?"

"Naji lokacin ka sani."
Daga haka suka cigaba da hirar su abin sha'awa har suka koma gida.

A falo suka tadda Dady suka masa sannu da zuwa sannan ssuka ci abinci.

Sannan kowa yayi daki sa dan yin bacci.

Kamar yadda ta saba haka tana kwanciyya Yaa Aslam ya kira.

Sai da sukai waya sannan sukai awala tai addu'a suka kwanta yana mata tarihin sahaban mazon Allah (SAW)







*Indabawa*
[1/18, 14:11] Maryam S Indabawa🥰:  *LABARIN E
RAYUWAR*
ASMA'U HUSNAH



By *Maryam S Indabawa*
*Mans*

🌐 *HAJOW* 🌐
*Hakuri da Juriya Online writers*


Dedicated to *My Mommah*
*Uwata gari mai burin ganun cugaba da ingantuwar tarbiyyar ya'yan ta.*

Na gauda duk wata *UWA* Allah kuma yai muku kyakyawan karshe ya bamu ikon muku biyayya yasa mu gama daku lafiya.


*56-60*

*Wanda kame harshensa, ya kiyaye farjinsa, ya shiga taitayinsa, ba zai ta6a yin Danasani a Duniya ba.*





Yau kamar kullum tin asuba bata koma bacci ba sai da ta gama komai tayi wanka sannan ta shirya cikin jar doguwar riga mai dogon hannu. Sai bakin mayafi da ta yafa.

Bakar jaka ta dauko ta ciro littafan ta ta zuba a ciki. Turare ta fesa ta dauki bakin cover shoe ta saka ta tafi