You Cannot Download this book untill you login but you can read it .

---

Login Register

wasu marasa Imani a kanta,a bita a hankali,Matar Papa Kuwa tana gefe Baki ta tabe Tace ai Indai Hamida ce zaku gaji wannan Yarinyar karshe ta lalace Matukar Baku bi shawarar Dana Baku ba to wallahi zaku Yi kuka,ku samu wani dattijo ku aurawa shegiya.

Tsawa Papa ya daka Mata Haba Mero yanzu idan yarki ce Zaki so Haka ta faru? to saurara kiji Hamida amana ce a wajena Kuma na dauka sai na sauke amana,dama ke kike gida ke ya Dace ki kula da tarbiyyarta amma bakya Yi,baki Mero ta tabe tace to shike Nan zamu gani ai,Tsaki Yaja ya fice abinsa da takaicin mero sabo da Sam ba ruwanta da Hamida tsakaninsu sai dai ta kallo duk da cewa bata takura mata.

Hamida Kuwa ko taje makarantar bata saurarar komai a makaranta kawarta guda Daya ce Sakina Kuma Sakina ita tuni ta gama secondary babarta take rakawa kasuwa tallan Masara dafaffiya.

Washe Gari da safe Haka Dan gidan papa Kanin baban Hamida kenan Wanda ke dukanta sai taje makaranta Sulaiman ya sake rakota da bulala suna gudu tana gudu tana bana son makaranta Ni bana son makaranta bazan je ba bana so,Yana dukanta tana gudu a Haka ya Rakata makaranta,Amma dukan ko a jikin Hamida,duk Sanda aka tashe su daga makaranta sai dai ta tsaya a Hanya tayi ta Wasa kafin tazo gida lokacin Islamiyya yayi Haka Islamiyya ma Sai ansha fama ake rakata da bulala itama ba abinda ta sani,Bata Jin magana.

Yau ba school Sunday Hamida ta shigo sanye da Riga da skert na shadda sun Mata kadan ma amma haka take sa abinta tana tafiya a hankali ta daga kai sama hannayenta suna harde a bayanta tana kalle kalle tana wani taku na gadara,Daga gidan ubanwa kike? Wacce suke Kira da Ummi ta tambaya,ko gazau Hamida bata Yi ba Kuma bata fasa kalle kallenta ba,dake nake Hamida daga Ina kike? Har gaban Ummi Hamida ta karaso tare da furta Ummi akwai Kuwa abinci,harara Ummi ta zuba Mata tare da furta ba abinda Kika sani sai yawon banza da tsayawa Kika Yi Kika koyi karatu da rubutu ya fiye Miki amma even ordinary Hami baki iya rubutawa ba bare a kai ga kin rubuta Hamida,daurin zaninta Ummi ta gyara tace ya kamata kiwa kanki fada,Hamida kisan me kike duk garin Nan a mahaukaciya suke kallonki ba a Miki kallon me hankali.

Dan baki Hamida ta turo tace Wai me Kika dafa ne Aunty dake ita in taga Dama Aunty take Kiran Ummi shi Kuma Papa tace uncle,Tsaki Ummi taja tayi tafiyarta abinta.
Kitchen Hamida ta wuce tare da eban abinci taci ta cika cikinta sannan ta kalli Ummi dake tace gasarar Koko tace ni Yar kasuwa nake so na Zama bana son boko bana kaunarsa ki fadawa mijinki,ko kulata Ummi Bata Yi ba itama Hamida ficewa tayi tana fito fiii fiiiii...sai kace tantiran maza.

Papa Yana shigowa Ummi ta kalli inda yake Jin Yana tambayar Ina Hamida ta Shiga,Baki Ummi ta bude tace wallahi kaine farkon lalata Hamida kana tunanin hakan gata kake Mata sabo da Kar ka takura mata bata da Iyaye sun rasu sannan Yar dan uwanka ce,abinda take so shi takeyi,abincin da take so shi take ci,gaba dayanmu koko muke Sha Amma Hamida shayi lafiyayye kake siya Mata kullum,Bata San babu ba,sutura me tsada ita kadai kake siya mata,duk yaranka na cikinka makarantar Gomnati sukayi amma Hamida makarantar kudi takeyi me tsada,bata cin tuwo sai abinda take so,Ni ban taba ganin dan an mutu an barwa mutum ya ba Yana Haka sai a kanka,kowa bai iya tarbiya ba sai Kai ai shike Nan gaka ga Hamida nan.
Tsaki Papa ya ja tare da furta kayan sawar Hamida kala Nawa ne kwata kwata? Sannan atamfar dubu uku sune masu tsada,ke da kike mace uwa kece me Basu tarbiyya ai yaranki kadai Kika sani,Hamida bakya sa Ido akanta ke wanne kokari Kika Yi sai burinki na aurawa ko tsoho ne Hamida,ko wanne Hali ta shiga ba ruwanki,yo me ya ruwana tunda Yarinyar mahaukaciya ce bata san ciwon kanta ba cewar Ummi,Tsaki Papa Yaja ya wuce ciki Kawai sabo da Yana da sanyin hali.



Ayi Hakuri da typing Error Basma ya kano ce na manta nasa Abuja bazan iya komawa baya ba fans.




AsmaBaffa
[6/28, 1:46 PM] Sis Asma: 🔮🔮WARE BAIKO🔮🔮


2

Official


By
AsmaBaffa



Sadaukarwa ne ga
AIDA MAMAN TASNIM



Page naku ne

ASMAU SANI
LATEEPHA
RUKEY MUAZ
NICE GIRL
HAJIYA ABOU
KHADIJA DANDUME
KHADIJA A HAMZA
HADIZA MUKHTAR







Basma Hamza Kabir shine cikakken sunan Basma,Yan asalin maiduguri ne kanuri,su biyu iyayenta Suka Haifa babbar yayarta Aunty Maryam sai ita, bayan sun taso cikin rufin asiri domin babansu babban likita ne sunyi karatun Boko sosai Yan Boko ne na gaske Aunty Maryam tana Gama degree ta samu mijinta Salisu,Salisu shima ya Gama degree baida burin aikin Gomnati ya samu Aiki a company na MTN Kano sabo da burinsa siyasa Kuma a cikinta yake Allah ya hada su da Maryam lokacin Maryam ta samu Aiki a ministry of health sannan aka musu aure.

Ana auren Maryam ba dadewa babansu ya rasu,bayan ya rasu da wata Daya Mamansu ciwon zuciya ya kamata itama ta bishi ya Zama sai Basma Kawai ganin Haka Yan Uwa suna son daukan Basma Salisu yace ta tattaro ta dawo kano gidansa zai hada ya rike ta zauna a hannun yayarta Maryam.

A Haka Basma tana zaune har ta Gama secondary school ta shiga University lokacin Maryam tana da yaranta maza biyu mace Daya,a yanzu Basma tana final year a University zasu zana final exam.
Basma abinda taga Dama shi takeyi Bata da takura ko wani Abu tana da ilimin addini sosai,Bata da wani Hali na banza sai son Wanda ya waye sannan me kudi,Bata da burin da wuce ta samu saurayi matashi kyakyawa me kudi Dan gayu me ilimin Boko,tana da kyankyamin Wanda Bai waye ba,ko baka da kudi Matukar ka waye to Basma zata je da kai.

Basma kyakyawace Fara tas Yar gata da mugun tsayi da kaurinta,tana da jsauray dai ita ba laifi sosai ta hadu ga iya daukan wanka ko a school maza na gasar kula Basma,Bata da kunyar zagin mutum duk girmansa Amma sai ka shiga gonarta.

Bangaren samarin Basma Kuwa duk Wanda yace Yana sonta Matukar Yana da Mata sai ta Masa karya zata aure shi Amma sai ya saki matarsa ta gida,wasu shashashun sai su Saki kuma sai Taki aurensu,akwai mazan da yawa an musu baiko wasu an sa Rana Amma Indai Basma ta sani Kuma suna alaka da Angon sai tayi amfani da kyawunta wajen wasu Wanda Basu da hankali tasa an fasa auren sun dawo suna Sonta karshe ta Kori mutum.
Gashi Kamar tsafi kowa Sonta yake Yi akanta sai mutum ya fasa auren budurwarsa sai ya sheka yaga ba kwaya,Basma Kenan.

Nabeel number da Basma ke kiransa tana zaginsa ya duba a Whatsapp yaga dalleliyar budurwa Yar gayu ita ma Basma sunanta sai dai ita tasa Real Basma,ita Kuma Basma Yar uwarsa Basma luv tasa Kawai,Takaici da nadama ta Kama Nabeel yanda anyi magana zai auri Yar uwarsa ba bincike ba komai yace ya fasa,Tsaki Yaja yasan da kunya ya koma yace ga Matsalar iyayensu zafi ne dasu gaba daya,Magana yayiwa Basma ta Whatsapp dama tayi saving number tana Hawa Online taga wani hadadden guy ta zaci wani ruwa biyu ne ko Dan wani Kasa ne,Nan take ta fara kaunarsa taga mijin da take mafarkin samu fadawa tayi a saman bed ta fara birgimar murna.

Aji ta ja sosai Bata kula Nabeel a time din ba,Lele uaga Shuru sai shima ya share da kanta ta dawo ta Masa magana Suka Fara chat Nan ta Gane tabbas ba Nabeel din school dinsu bane ,a hankali a hankali Suka Fara mutunci Suka fada soyayya da gaske takanas yaje har kano wajen Basma ta gama tafiya da Nabeel,zuwa Daya biyu yace za a kawo kudin aure,Haka ya dawo ya tasa Affa a gaba sai da aka Kai kudin aure ana bincike sai aka gano ashe ma Maman su Basma data rasu kawar Mimi ce sosai sun Sha zuwa Makkah tare a can Suka hadu, Nan aka Sa rana aka yanke biki Nan da wata tara Basma ta zarma da yawa sai love duk ta zake hakan yasa duk ta fatattaki samarinta sai iya Nabeel Wanda zata aura Kawai suna ta soyayya,Mimi suna ta zumunci da Dangin Basma,Wannan yasa Basma har gidan su Nabeel take zuwa ta danyi sati daya sabo da Mimi ke tursasata sai tazo,suna zuba love Nabeel ya samu babbar kwangilar aikin titi a Adamawa state a kalla sai ya kwashe wata hudu a can idan aikin Bai gamu ba sai ya Kai 5mnths.

Mimi ya samu a part dinsa yace Mimi banji dadin saka ranar auren Nawa har Nan da wata tara ba kusan 1year fa Mimi su Affa sunki ganewa sabo da bai so nayi auren sai karatu,Mimi danta ta kalla tace Nabeel ka rufawa kanka asiri ka rufa min kaga a hakan ma da kyar ya amince kayi auren to kayi Hakuri a haka 9mnths kamar yau ne fa,ko wata Matsalar ce? Kunya yaji yace ba komai to Mimi Allah ya kaimu,yanda kake addininka ka dage na Sanka ba Wasa,alcohol naga ka daina Sha ko? Mimi sai fa nayi wata uku ma ban Sha ba sabo da tana sawa Ina son aure Kuma Kinga Affa ba Yi min zaiyi ba shi yasa na hakura da Sha sai jefi jefi shima Inshaallah Zan daina gaba daya,yawwa Lele ai nasanka kana da tsoron Allah to ka Kara akan na da, Inshaallah Mimi ya furta tare da gyara kwanciyarsa saman kujera Yana latsa wayarsa.

Affa ne ya shigo tare da gallawa Nabeel harara yace kayi asara wallahi yaushe zaka tafi Adamawan? Gobe Inshaallah cewar Lele,baki Affa ya tabe yace Saura ka gano wata a can kace a fasa da wannan Dan iskan yaro marar Jin magana,Mimi tace wallahi ka daina iskance min yaro akan yaki komawa turai karatu so kake wani bala'in ya fada Masa kullum kana zaginsa kana ce Masa Dan Iska,Tsaki Affa ya ja tare da haurawa sama ya bar Mimi rai bace,Fadila ce ta dawo daga school da gudu ta Fado palon tare da fadawa jikin Nabeel Yana Mata oyoyo tayi wajen Nanny ta barsu ko Mimi bata kula ba.

Nabeel uban wanka ya hada komai tsab da sabuwar motarsa fara ya tafi wacce ya siyeta da kudinsa duk da cewa motarsa ba Daya ba,a wani Hotel karami kusa da kauyen yayi masauki,Yana can suna ta Aiki a wani babban titi Wanda ya ratsa ta wani kauye wannan titin yakewa Aiki da motocinsa yaransa ma'aikata suna ta fama shi Kuwa Yana mota Yana Shan ac,Sam Nabeel baison wahala ko kadan kana ganinsa kasan Yana hutawa.

Fitowa yayi daga motar hannunsa dauke da ruwan roba yasha farar shadda Yar ubansu yayi mugun kyau abinka da me kyau ya Gama hadewa kana ganinsa ba sai an fada ma ba kasan shine ogan,Hamida ce da gudu ta fito misalin 10am da uniform dinta hijab din ya karkace gefe tana gudu har kullum Sulaiman Yana binta da bulala Yana dukanta Yana dole makaranta tana wlh Ni baza Ni ba kome za ayi nace muku bana son karatu Ana ta kallonsu ta ci birki a Gaban motocin aikin Nabeel Tace wallahi sai dai kashe shi Ni ba inda Zan Dara daga Nan tana kumbura baki da sangarta,Sulaiman yana hankadata amma Taki tafiya,Nabeel Yana kallon ikon Allah baiyi Niyyar magana ba sabo da gadararsa,da kyar dai ya daga musu Hannu yace hey...hey Mene ne? Sulaiman da huci yace kana gani bawan Allah Wai Kamar wannan ta kusa shekara ashirin da daya amma baza taje makaranta ba har yanzu tana ta maimaita ss3 mate dinta duk sunyi nisa a university wasu sunyi aure to wallahi billahillahillazi la Ila ha illahuwa kaji rantsuwar musulmi sai taje school dole bazan taba bari ta lalace ba,Yar iskar yarinya Sulaiman ya sake tsulawa Hamida bulala ta saki Kara sannan ta daka yatsa sama tana girgigaza da kirji Tace to Ni Kuma na rantse da ubangin alarshi bazan je ba,Haka Kawai nace Ni bazanyi boko ba bana so bana so dole ne bazanje ba ni kam.

Sulaiman zuciya ta hangulo Masa ya fara dukan Hamida,Nabeel ne da muryarsa me dadin sauraro yace ya Isa tare da rike Sulaiman yace ai ba a duka,duka ai baya gyara mutum lallabata zakuyi,kafin ya rufe Baki Sulaiman yace wannan Yar iskar ce zata ji lallaba? Calm down karka sake dukanta Ni Zan Mata magana zata je school, Sulaiman yace ka tabbata? Nabeel yace yes of course,Zan gani ya koma gefe can,Nabeel ya danyi murmushinsa me Kayatarwa tare da kallon Sulaiman ya Dan daga murya yandazai ji shi ya furta don't worry I will talk to her.

Sulaiman a ransa yace kayi ma gani,Nabeel a nutse Yana birnancinsa yace me yasa bakya son zuwa school? Hamida tana Wasa da Hijab dinta cike da tabara tace wallahi Ni bana son makaranta,Allah bai sa min Sonta ba,ba kawaye bane ni da Makaranta na tsani karatu,ka ganni dakikiya ce bana ganewa ,ko an koya min bana ganewa,idan naje aji wannan Malam yace kaza wancan ma yace kaza sai na ji kaina Yana juyawa yuuuuuu ta fara juya kanta a baban Nabeel.

Yace to makaranta tana da amfani...kafin ya rufe baki tace ni nace Bata da amfani a kaina kaga ta turowa Nabeel kanta tare da fige hijab dinta da dankwalinta, gashi baki wuluk me tsayi da santsi ya bayyana tace daki kaji tana bubbuga kanta da Hannu Tace kaji Kara to Haka yake Kamar dutse baya jin komai a kulle yake ba fili ko daya a ciki da har Zan Gane ta furta tana maida hijab dinta.

Ka tambayi dan Uwa na wallahi na fada masa bana so,Wait wait Nabeel ya dakatar da ita yace ilimi Yana da amfani yanzu idan banyi ilimi ba Zaki ganni a wannan matakin? Amma kalleni kalli motata Ina da wasu da yawa a gida Kinga duk karatu ya bani sabo da Haka kije makaranta,Yana Magana ko kallonsa bata Yi wasanta ma takeyi tana kalle kalle sai da ya Gama tace Ni nasan kaina Allah bazan iya komai ba bana ganewa bazan iya ba ni gaskiya so nake na Zama Yar kasuwa anfi saurin samun kudi,gaka kaima kana ta business,No..no Ni ba kasuwanci nake ba ilimi ya kaini cewar Nabeel,duk yayi yanda Hamida zata fahimce shi Amma Taki sai cika masa kunne ma da tayi da surutu sabo da bata magana a hankali,sai yace it's okay na Miki alkawari ni Kuma Indai kinje school Zan Baki dubu Daya kullum,duk ranar da kika je school to kizo Zan Baki dubu Daya cikin sauki ba tare da kin Sha wuya ba.

Zabura tayi da sauri ta juya ta kalle shi Suka hada Ido ta washe Baki tare da cewa Dan Allah da gaske kake?, Idan kina ganin karya nake Bari a fara Nan take ya zaro rafar Yan dubu dubu yace ga kudi kin gani,1k ya zaro ya mika mata yace mu Fara daga yau,a Nan nake Aiki kullum Ina wannan titin naku,Dubu Daya ta karba Hannu na rawa da karfi tace ka tabbata kayi alkawari? Yace ae ai ban Miki Kama da Yan karya ba,idan ka karya alkawari Al'quran sai na karya Nawa zanje dai school Amma sabo da kudi,Kuma tsakani da Allah bazan rufe ka ba bazanyi karatun ba bazan gane ba,duk Nabeel ya gaji da cecekuce yace naji Kawai kije school ki zauna a class har a tashi kizo ki karba 1k fine,Dariya ta kyalkyale da ita ta Kara wani kyau sosai dama gata me shegen kyau Kalar skin dinta me kyau baza ace Mata baka ba Amma Kuma baza a kirata Fara tar ba,Yar cif cif da ita sura me kyau komai nata dai dai Allah ya Mata Kira.

Da sauri tace da Dan uwanta Kai Sulaiman kake ko Sule na tafi school Allah ya taimakeka,ta tsani Sulaiman sabo da yanda yake dukanta sai taje makaranta dubunta Guda ta Bude tana tafiya tana kallonta Dan bakinta a washe da gudu ta kwashe har zuwa school.

Haka a class tunda ta shiga aji ta bude window gefenta ta kurawa waje Ido Haka malamai Suka barta sukayi darasinsu aka tashe su sabo da Hamida sun gaji da halinta Bata tsoron uban kowa ba kunyar kowa take ji ba bata Jin magana,Bata da rufa rufa komai ke ranta Kawai fada zata yi ko Mene,ko a gidansu an yarda ita bata karya.

Washe Gari ana tashinsu Nabeel ya manta da ita da gudu ya ganta ta taho wajensa hijab din a hannunta da takalminta Sandal duk a Hannu sai dai fes take ,Yana nunawa masu Aiki a motoci yanda zasuyi sai gata tazo da gudu tana dariya tace yawwa an taso mu a bani na tafi, Rana ta dameshi ya gaji yau sanye yake da kana Nan Kaya yayi kyau kallo Daya ya Mata ya zaro dubu Daya ya Mika Mata Tace na gode Allah ya biya ta sake arcewa da gudu da kallo Kawai ya bita tare da girgiza Kai yace Kauye kenan yaci gaba da uzurinsa Yana Gamawa ya tuka motarsa zuwa masaukinsa Hotel karami Dake kusa da kauyen,yana shiga room dinsa yayi order abinci sannan ya fada saman bed Yana huce gajiya,wanka yayi tare da Sallar la'asar ya kunna kallo Yana kallon ball har aka kawo Masa abincinsa yaci ya kwanta bacci ya kwashe shi.

Basma zaune take a dakinta me kyau tare da kawayenta suna ta zuba Hira tana Basu labarin Nabeel dinta abin kaunarta,cikinsu Amal tace Basma Angon naki yayi tafiya Wai kin shiryu ne an daina cutar samari,Basma tana Dan yanga ta manyan Yara tace wallahi Allah ya shiryeki duk Wanda na yaudara na Basu Hakuri sun yafe min yanzu Haka Ahmad ne Kawai Wanda ya Soni da gaskiya ai Kun San yayi aure wlh matarsa wajen nakuda ta rasu yanzu ya koma Dubai Karo karatu na rasa contact dinsa bare na Nemi yafiya yanzu Ni abinda ya dameni rashin Nabeel Kun San so kana so ka dinga ganin masoyinka a kusa,tafawa sukayi shegiya ko dai Kuna Dan romance ne? Basma ta yatsina fuska tace duk samarin da nayi da Ahmad Kawai nasan Yana min abubuwa masu sweet Amma yanzu na tuba sai dai da Nabeel zaiyi min Dana ji Dadi Kun San Body no be firewood,wlh Nabeel ko Hannu bai taba rike min ba sai kace Dan Kauye, gashi dai kyau karshe ga wayewa da komai ya hada Amma wallahi ko hannuna Bai taba rikewa ba,kunsan ko jikina na Dan matsa sai ya janye jikinsa gashi a Baki Yana ta nuna min kauna amma ba komai Allah ya kaimu ayi aure sai ya min Amma har ga Allah da kyar nake kaiwa Dariya sukayi suna tafawa.

Basma Tace ai Ni Ina son Namiji me class irin Nabeel,ga addini,ga tsoron Allah ba ruwansa da Mata sai Ni kadai,ai Yana bala'in so na,Kun San na yarda da kaina nice fa ware Baiko idan na rabi namiji ko Saura sati bikinsa a Rana Daya Ina rusa auren bare Kuma na tuba,nice fa da kaina nake sonsa ai ya shiga Uku ya Gama yawo,Nabeel na Gama sa Masa takunkumi ba wacce ta Isa shima bai Isa ba,inda Allah ya taimaka ma ban damu ba Kauye ya tafi aikin,wallahi tausayi yake bani Kamar Nabeel Dina a Kauye ga yanda yake bani labarin garin titin da yabi ta garin abin ba dadin ji,da ace birni ya tafi ai da na shiga uku sai Allah yasa Kauye ne ba wacce zai gani ta birge shi, Allah dai ya kaimu bikin yace in munyi aure ko Ina zaije kafata kafarsa.
Shewa sukayi Suka tafa suna ta Shan labarin Basma.

Tunda Nabeel yayiwa Hamida Alkawari kullum sai ya cika Kuma Bata kashe ko kwandala Tara kudin take ta Yi zata kafa jari ita dole sai ta Zama Yar kasuwa,Papa da Ummi da sauran Yan gidan suna mamakin yanda Suka ga Hamida kafin kowa ya tashi ta tashi tayi shara da wanke wanke da aikinta tayi Shirin school ta tafi Basu San ana Bata kudi ba sai mamaki suke Sulaiman yace ban yarda da yarinyar Nan ba Sam Ummi sai naje na duba makarantar,Itama Karima kanwar Sulaiman wacce ta Gama Degree an kusa bikinta ma tace makaranta take zuwa Allah yasa hakan ya Dore,Ummi Kuwa tabe Baki tayi Kawai Tace ummm sabo da Bata dauki Hamida a yarta ba,da yaranta Kawai take kula duk abinda Hamida zatayi tayi ba abinda ya shafeta ita Kuma Bata Mata mugunta Kawai dai Bata sa Ido akan tarbiyar Hamida sai ta yaranta,Wanda ya damu da inganta rayuwar Hamida Papa ne da Sulaiman babban Dan Papa.

Bangaren Hamida Kuwa da Nabeel sosai take Jin dadin kyautar Nabeel gashi kyawunsa Yana birgeta sai tayi ta kallonsa tana Jin Dadi,Ana taso su ta taho yau Kuma wata tafiya take Kamar Namiji ba ruwanta da wani ita macece,tayi sa'a lokaci motarsa ta yanko yau Bai Zo da wuri ba,Ganin motarsa fyalleliya da gudu ta bi bayan motar ta tana tura motar Dake tuki yake da slow zaiyi parking,Yana parking ya fito yaci uban kana Nan Kaya yasha kyau harda glass hadadde,Hamida ta kalle shi tana ta faman Dariya Kamar zararriya Tace Sannu da zuwa kyakyawan Dan Uwa,kasan ka Zama Dan uwana,Kyakyawan Oga Bari na goge maka motar kaga Nan ka shiga chabi Nan take ta zare hijab dinta tana goge Masa mota da sauri yace no...no Bari Zan kaita car wash,ai da ka Bari na goge maka Kyakyawa tana ta faman washe Baki yace no barshi a gabansa ta dawo ta tsaya tana wulwula hannaye tare da Sosa wuyanta yace Ahmm...mene ma sunanki?

Baki ta bangale Tace sunana na gaskiya Hamida amma da hausa Ana ce min Hamidatuwa,sunana na turanci Kuma Hamdy Amma zaka iya kirana da Hamida Hamdy Baby ae kwarai ehe yawwa,kallonta yayi Karo na biyu yanda take magana ba ko Jan numfashi ga sangarta da shagwaba Haka take magana,Hamida yace Naga dai kina zuwa school yanda nace yau harda bonus Zan Baki gashi karbi ya Mika Mata har 3k,ta kalleshi ta kalli kudin tace yau fa Weekend ba school gaisheka nazo Kawai Amma ka bani har dubu uku,yace ae Baki nayi ai kina yin abinda nace yanzu idan Naga kina kokari kina fahimtar abinda ake koya Miki Zan Baki kyauta Babba wacce tafi wannan,Me nace Dake Rannan? Tace kace idan nayi kokari Ina karatu zaka bani kyauta babba,Good ya furta tafi gida karki tsaya wasa,ta Kura Masa Ido yace I said Go, Tace Okay Sankiyu sir Wai Thank you take nufi,Fuska ya Bata yace ba Sankiyu ake cewa ba thank you Fadi naji,ta sake cewa sanki...kafin ta karasa yace no kalli lips Dina thank you,thank thank thank you,ta kasa ta sak cewa sanki..no,thank,Tace sank again ya gaji yaga dakikiyace ta karshe yace abeg go home tafi I'm tired.

Tana kallonsa Tace in tafi kace? Yace ae Yana yatsina fuska zata Kara Masa surutu ya daka Mata tsawa,Ta juya da sauri ta kalli ma'aikatansa Tace Kai kunci kwalabar gyatiminku dukan ku nasan ba a son ranku oganku yake bani kudi ba sai dai ku mutu wooooo....Kunga an bani dubu uku kwana Nan Zan iya siye kawunanku,Daya a ciki ya dura Mata mahaukaciya Tace wullu wullu tana ta musu gwalo ta arce da gudun tsiya..

Gidansu ta shiga suna zaune a tsakar gida Sulaiman Yana ta game shi da kanwarsa Tace mutum kullum yace a tafi makaranta Wai a