You Cannot Download this book untill you login but you can read it .

---

Login Register

me Zan Mata kyaleta,gaisawar kawai ban son shashancinka Umma ta Mika min waya, na Kara a kunne gabana Yana faduwa nace Ina wuni? Ya karatu Allah ya taimaka,Ameen ya furta kawai yace ke me Kika yiwa Faruk ya fasa? Yana cewa Faruk zuciyata ta karye Ina son yin kuka,Tunanina ya katse da cewa ki fada min Malama naji ko Zan iya shirya ku komai ya dawo normal,Yana fadan Haka sai naji Dadi nace Allah da gaske kakeyi zaka shirya mu ya aure Ni? Of course indai ba wani matsalar kirki bace,Me Faruk ya Miki ko me Kika yi Masa,Kukane ya kwace min a wayar Yana Sauraro na Ina ta kuka,da kyar cikin kuka nace Kaga...Uhm....Wlh...na Shiryu na Gyaru...na canja halina daka sani...to..to....shine...Ni..Jin Ina ta Ina Ina yaja tsaki yace sata Kika Masa kenan ko? Da Sauri nace a'a tun an Dade naje wajen Mamansa nayi Mata 4....ya Karasa min 419, Karki fada Umma taji Zaki tonawa kanki asiri,Ina Goge Hawayena nace to Dan Allah Dan Kyakyawa ka taimaka min kaji,Kai dama me kirki ne Haka da hankali, Aabid kasa kasa yayi dariya yace Uhm yanzu ba da zanyi taimako, nace a'a ba Haka bane ai Allah ya zuba maka hankali wlh ga nutsuwa ga class, Wai har Ni Faruk zai yiwa Gori ya zagi iyayena yace yan Maula,rokonsa mukayi Dan Allah Yaya Aabid?
Mikewa Umma tayi ta shiga daki ta barsu.

Aabida yayi Murmushin rainin Hankalina yau shine Yaya abinda nake ce Masa Aabida, naci gaba nace Wai harda cewa ai waye waye ya taimaka Mana ya yafe Mana,shine Nima nace yazo muyi lisaafi Nima ya biyani zancena sai mu biyashi kudinsa da ya kashe.
Ai kaima sheda ne Yaya Aabid yanda nake zuba Masa kalamai biyana yakeyi,kana kallo ai har Ido daya nake kashe Masa tsabar kauna, Aabid Yana sani yace ga Kuma Fari da Ido, to Ashe Kaima ka gani idan na Masa Fari har wani suman Tsaye yakeyi ya Gama kwashe min dadin Murya a kunnensa, ga Shagwabata banfa iya ba naje na koya na dage Amma baya gani Dake butulu ne, Kisisinar Nan duk na iyata nayi Masa Amma dake ba Dan goyo bane Harda Bude Dan Iskan Bakinsa to wlh idan ka tashi sulhun Nan kace nice nake binsa bashi ma yazo yayi cikon kudi,Kuma ko iyayensa sunzo baza a bashi kudin aurenba mun cinye ya Kai Kara kotu,Dariya Aabid ya danne yace to ke a Haka za ayi sulhun? Ka Bari sai ka dawo Zan nuna maka wani cin Amana da yayi maka,Kuma Ni idan na tuna zagin Ubana da yayi wlh sai naji bana son aurensa,watarana Kuma naga kamar laifina ne,Uba guda duk lalacewarsa ai kowa Yana son abinsa, Faruk yace to zamuyi magana dashi zanji komai Amma idan banyi nasara ya hakura ba kawai kiyi hakuri karki sawa kanki ciwo ba ruwan wani kece Zaki mutu da wuri.

Waya Aabid yace na mikawa Umma na Mika Mata Suka ci gaba da Hirarsu Ni kuwa Ina ta Jin dadina yau Haka kawai Jin Muryar Aabid,Amma sai nayi tunanin Dan zai daidaita tsakanina da Faruk ne.

Faruk Kuwa bayan na tafi hankalinsa ya tashi,Yana matukar son jikina da skin Dina burinsa ya aureni ya mallaki jikina din din,Yace Mama kiyi Hakuri ki yafewa Raudat nasan gaskiya yanzu Bata sata Ta Gyaru, Da matukar Masifa Maman Faruk tace kaga Faruk nifa dama Yar kawata Saudat nake so ka aura,dama ni can Dan ka nace kana son talaka ne, Talaka Bai San mutunci ba,Talaka jaraba ne,kaje ka auri dai dai da Kai masu kudi Saudat tana sonka Babanta Senator abokin babanka ne ka hakura ka auri Saudat itama Kyakyawa ce,Faruk yace Mama Saudat kin San fa Bata da kunya a turai tayi rayuwa ga bin maza Amma ni kaina Raudat ba wani damuna tayi da yawa ba musamman yau data Rama zagin Dana Yi mata shegiyar yarinya,Mama tace Daddynka ma wlh Bai son Iyayen yarinyar yace yayi bincike Ubansu ba mutumin kirki bane Kuma kaima ka sani kawai ka shareta ga Mata Nan ko Ina,Faruk yayi dariya yace Mama kenan kinyi nasara na hakura taje Amma gaskiya Zan fada Miki Ina Sha'awar Raudat Kuma bazan daina ba Zan Kuma ci gaba da Neman nasara a kanta ko dama na Samu watarana ba tare da na Aureta ba, Mama ta harareshi tace turai ta lalata ka Faruk baka da kunya a gabana kake cewa Haka? Allah ya shiryeka Amma koma mene kaje akan ka auro min Yar Talakawa Gwara ko Mene kayi a waje Allah ya shirya min Kai.
Dariya Faruk yayi sabo da Mamansa da Daddy basa ganin laifinsa ko kadan.

Kwana biyu da yin wayarmu da Aabid har yanzu Ina gidan Umma muna kwana tare sabo da Ina jiran wayar Aabid naji ya sukayi da Faruk.
A ranar na Uku Aabid ya Kira Umma Bayan sun Gama Hira Ina gefe Ina yanka Salat Aabid yace Ina wannan yarinyar Umma? Umma tace wa? Yace Budurwar Faruk ki Bata waya na fada Mata me Faruk yace.





AsmaBaffa
[4/16, 9:31 PM] Sis Asma: 📙TA GYARU📙





11-15










Official







By
AsmaBaffa









NA KUDI NE

RASHIN SA'A COMPLT dari Uku 300 ne ga masu bukatar siye ku Nemi wannan number ta pc na
08033933642.


NA KUDI NE

TA GYARU Naira dari biyu ne ga masu bukatar siye ta Hanyar tura lambobin katin MTN ta WhatsApp ga number ta
08033933642.

Masu bukatar siye ta Hanyar Transfer Kati ko Vtu ga number da zaku tura
09032409668.

Masu bukata ta hanyar Transfer kudi ta banki ga accnt number
2177560408, Yahaya Garba Muhammad, Zenith bank.

'YAN NIGER masu bukata ku Nemi wannan number
+227 90 79 59 39.




Page naku ne Fatimatul Zahra'u, Faheemah and Momcee.







Wayar Umma ta Mika min ta shige kitchen abinta tunda taga kamar bama son tana ji Mana Zancen da mukeyi duk da tasan akan me muke wayar, Ina yini Ya Aabid ko kulani baiyi ba bare ya amsa gaisuwar ji kawai nayi yace ke kin San kina son mutum Dan rashin kunya a gaban Mamansa Zaki zage ki zageshi,ai idan kin San kina sonsa baza kiyi fushi ki yanke Hukunci ba sai ki lallaba shi, Ya Aabid zagina yayi fa wlh bazan kyaleshi ba akan na barshi gwara ko mutuwa nayi akan sonsa,Taya Zan dauki Wulakanci tun ba ayi Aure ba Ina ga na shiga gidansa,Ni bani da Hakuri Allah ya gani Kamar Zawo Haka nake bana kyalewa, Aabid yace to Yace ya hakura kuci gaba da soyayya kafin wani lokaci Mama ta hakura ta amince maybe, Amma nasan Faruk karya yakeyi zai Bata Miki lokaci ne kuyi ta soyayya har ya Miki wayo ya Bata Miki rayuwa,magana mafi kyau ki hakura kiyi Addua idan kuma kema irinsa ce sai kuje kuyi rayuwarku na Gama aikina Shawara ta rage ga me shiga Rijiya, Ae a hakura kawai Nima na hakura dashi kace masa Kar ya sake naga siririyar kafarsa a kofar gidanmu kudinsa Kuma mun cinye shine kudin yaudarata da yayi ka fada Masa baza mu ba shi ba, Kuma Inshaallah Nan da wata uku zanyi aure, wayarsa Aabid ya kashe ya bar Ni Ina ta masifa.
A ranar na bar gidan Umma na koma gidanmu.

Tun daga wannan lokaci na samawa kaina lafiya na daina damuwa na Fara cire Faruk a Raina naci gaba da harkokina, Ina zuwa Islamiyya, Aymana kuwa Allah yasa Hashim dinta ya hakura da Halin Abba ya turo manyansa da kudin aurensa an tsaida Rana Nan da 4mnths za ayi,Inno ta dage da Maula gidajen Masu kudi, wannan karon bana binta ko Ina na daina,Mami ma tana ta sana'a iri iri, Hashim Yana da Babban aiki a matsayi na Degree staff ne a University yake aiki, sannan Yana Business,iyayensa Kuma suna da halinsu dai dai gwargwado,Hashim har Mota ce dashi da Kuma Lifan,yayi ginin gidansa me kyau madaidaici yasha tiles a Unguwar Rimi.
Muna ta shirye shiryen bikin lokacin Nima Hamisu Dan gidan Umma ya Fara zuwa wajena zance.

Tun bana biyewa Hamisu har na dawo Yana birgeni Amma ba wani so ba,Amma hakan nace Ina sonsa ya turo gidanmu,har ga Allah a Raina auren Huce zuciya zanyi ba Wai na so ba,Da da kuruciya nace Ina sonsa ya turo,Abba yace baida kudin auren Yara biyu na Bari sai an Fara Gama na Aymana sai Nima a sa ranar Aurena, Hamisu murna kamar me,ni kuwa haushinsa ma nake ji.
Har babbar wayata na siyar na siyi karama na dinka Kayan biki da kudin.

Bayan Wata Uku bikin Aymana Saura 1Wk lokacin Aabid 6mnths kenan da Tafiyarsa turai.
Hashim ya Kama wajen party me tsada,Har gida yazo ya kawowa Mami kudi Wai a Kara ayiwa Aymana kayan daki,Mami Taki karba sabo da Gudun Gori na da Namiji.
Inno sai da ta samu Dan Majalisa yayi Mata Hanyar Samun Kayan daki na Gomnati da suke bayarwa sababbi na gida Nigeria aka kawo a Mota,sannan Chairman ya bada dubu Talatin,Haka duk Masu kudin harda yan kasuwa Inno taje Maula daga me dubu ashirin sai me biyar,Sha biyar,etc Haka aka hada kudi da yawa,Inno ta tafi kauyensu ta siyar da gonarta ta gado guda Daya a ciki,tazo da dubu dari Uku,aka tattara kayan Gomnati aka siyar da Yar tsada Muka je Kasuwa da Aymana aka zabi Furniture masu Kyan gaske Yan yayi duk da cewar Yan Nigeria ne Amma sunyi kyau komai Baki da ruwan toka har labile,kayan kitchen kuwa komai Mami tayi,Abinci ma An tanadi na biki da kayan gara komai an Gama shiri Allah kenan baya Hana kudin aure ya rufa mana asiri,Abba kuwa ko tsinke baiyi ba Babu ruwansa Kamar ba bikin yarsa ba.

Tunda muka ga Allah ya rufa asiri an samu kayan daki shike Nan Muka koma Shirin rakashewa sosai,Hamisu Kaya kala Uku ya dinka min masu kyau dai dai na me karamin karfi,Umma ta hakura ta yarda Hamisu ya aureni itama, lefe An kawo akwati Bakwai na gani na fada Kaya masu tsada da kyau komai anyi cikin aminci, Umma kuwa biki saura kwana Uku ta kawo Foodflask,Glass cups da juck,sai Flask na Tea da Kuma Kudi dubu ashirin,Umma ta bamu Mamaki itama mukayi ta Godiya.
Biki yazo Munsha Lalle da gyaran gashi,Amarya Tasha gyara iri iri,Ango yayi kokari, Thursday Muka Sha Kamu a gidan Wani Attajiri Dan uwan su Hashim,ansha Dj, Friday ranar Muka Sha party yayi Masifar kyau Ango ya Kama wajen kowa sai da ya yaba Aymana tayi dace gashi Dan matashi Kyakyawa da iya daukan wanka.
Gidanmu an cika harda kawayenmu duk munyi gayya ga Yan Uwanmu na uba Dana Uwa sunzo daga nesa,Saturday a masallacin kusa da gidanmu aka daura Auren Aymana da Hashim Akan Sadaki Dubu Hamsim, a gidanmu Ango ya turo Mana masu Dj aka Sha kida da rawa 5pm Suka zo da motoci daukan Amarya,kawaye damu dasu Kawaye da manyan aka tafi gidan Amarya ya Hadu sosai,Part biyu ne part din Aymana yasha kaya na mamaki na Yan gayu Wanda kowa sai da yayi mamaki Dangin miji sun Yaba Mana kwarai,part din Ango Kuma ba tare da ya fadawa Danginsa ba ya zuba furniture masu tsada a bangarensa sunfi namu tsada Amma namu yafi kalar Yan gayu, yayi hakane Dan Kar Danginsa watarana suyiwa Aymanansa Gori, shi yasa kowa yake mamakin ko Ina mun cika da Kaya.
Amarya tana ta kuka muka barta ita Daya aka dawo da kowa gida Abokai Kuma Suka raka Ango aka barshi sai iya Shi da Aymana.

Baccin gajiya Muka Rama bayan kwana biyu gidamu ba kowa duk bakin nesa kowa ya tafi sai mu kadai Muka hadu tare da gyara gidan ya koma neat.
Ango Hashim yana zumudi ya kulle ko Ina na gidansa ya shiga wajen Amarya dake ta kuka,Lallashin kayarsa yayi ya lallaba ya ciyar da ita kajin da Madara etc,Wanka kowannensu yayi tare da Alwala,Salla sukayi rakaa biyu yayi musu Adduar tana amsawa,Kayan bacci ta mike da niyyar sawa Hashim a hankali ya dauketa ya kaita saman bed ya cire Mata Kayan jikinta kaf, duk sai ya gigice Mata,Aymana ta saki kuka tana Jin tsoro Amma Bai iya kyaleta ba sai da Suka koma Cikakkun Ma'aurata Aymana tasha kuka.
Haka rayuwa ta
kasance bana son Hamisu Amma na Amince aka kawo kudin aure dubu Hamsim tare da Sa Rana 5mnths,duk abinda akeyi Hamisu tsoron Hauwa Matarsa yake ji Bata San zai Kara Aure ba.
Abin ya dameni matuka sabo da bana son Hamisu kawai aurensa zanyi na rigada na kallafawa Raina ,Faruk Kuwa yanzu bamu San Ina ya Shiga ba.

Bayan Wata Uku Inno ta koma wajen wasu tana Maula a Haka Nan ma zata Nemo kudin aurena,Mami ta dage da sana'a iri iri Kamar yanda akayi a na Aymana.
Haka Inno ta sake siyar da gona aka harhada komai anyi tanaji an Gama komai da wuri.
Hamisu ko anko ya kasa siya min duk da kudinmu mukayi komai ba irin Hashim ba,gashi Matarsa Bata sani ba Yana ta boye Mata.

Bikina Saura sati Hudu da Umma ta kirani a waya Wai naje,Ina zuwa Muka gaisa Ina Fara'a nace Umma gani,To Aabid dai Ashe ya Gama karatunsa ya kammala Shekara Daya ya karbi result Bai fada min ba sai yau Wai tun Asuba yace jirginsu zai taso zuwa Nigeria Kinga yanzu zuwa yamma zai sauka, yanzu tayani zakiyi muyi Masa girki,yace ya samu Business a can ban San dai Mene ba Wai sai ya dawo zai fada min komai.
Murmushi kawai nayi nace Allah kawoshi lafiya.

Haka na zage mukayi girki iri iri masu Dadi har dakinsa da Toilet nice naci uban gyarawa duk da dama kullum Umma tana gyara shi ba dirty, zuwa Bayan karfe Biyar na yamma Bai zo ba mun Gama komai munyi wanka ma,na cire kayan Umma T-shirt da Zani Dana saka mukayi girkin da ita na maida nawa nayi Yar kwalliyata sama sama Ina zaune Ina game a karamar wayata Muka ji Karar tsayawar mota,Akwatuna Muka Fara ganin Almajirai sun shigo dasu guda uku manya.
Maryarsa Muka ji Yayi Sallama kasa kasa yanda ya Saba Murya me dandanon Saurare.

Muna Palo a zaune saman Kujerun Umma
Gabana ya Fadi ji kake wani Ras....Rassssss......Tsoronsa ya dawo min sabo dal,da kyar na iya daga kaina Jin wani uban kamshi ya masgi Hancina,idona na daga a hankali na saukesu a Kan Aabid, Subhannallah na furta a Raina, wani matsiyacin kyau da Haske Daya Kara akan na da,ya wani Kara girma da Yar kiba kadan,Sajen Nan da Dan gemu ya kwanta luf luf Yana sheki da kamshi,gashin kansa yasha uwar Suma Amma Tasha wani aski me matukar kyau da dadin kallo, Suturarsa na kalla a Raina nace Aabida ta dawo Yar Duniya sabo da yanda yasa wani uban Creazy Jean Ruwan toka da rigarsa Grey t-shirt dai dai shi me shegen kyau,Top jacket din tana Hannunsa ga Yar karamar Trolley Yana ja sai Wayoyi guda biyu manya a hannunsa,Kyau kuwa da kyar ma zaka Gane Aabid sabo da Tsananin kyan daya kara.

A nutse ya zauna Gefen Umma Yana Murmushi yace Umma Ina yini,Umma tana Jin Dadi tace lafiya Dan nan Ina Nan na saki Baki Ina kallon Dana yanda ya koma ya sake girma ga kyau,Kazo lafiya ya Hanya? lfy Umma ya furta Yana dariya sabo da yanda Umma ke kallonsa.
A hankali nace Sannu da Zuwa Ina yini? Kadan ya Dan kalleni sai yaga na Kara girma na Kara Zama Yan Mata yace lfy Alhmdllh sannan ya mike yace Umma Bari nayi wanka nazo, To maza ga abinci Yana jiranka.

Ya kwashe kusan 40mnt sai gashi ya fito yasha wanka cikin Wata Jallabiya me shegen kyau Ruwan Madara Yana wani kamshi yace Umma ki fito Mana da Katuwar tabarma waje Zafi akeyi, Umma tuni ta Shimfida katuwar Tabarma sosai Ni Kuma na jera masa abincin da mukayi,Wayarsa yake dannawa kawai Yana Murmushi, Kunya da tsoron Aabid yasa nace Umma na tafi gida,tun yanzu Zaki tafi Raudat? Ae Umma za a iya nema na duk da cewa sun san inda nake, To shike Nan ki kwashi naki abincin duk Wanda kike so Kya tafi dashi gida, na koshi Umma, to sai yaushe zan sake ganinki? Murmushi nayi nace wani satin Inshaallah,A'a Ina laifin jibi ma to Allah ya kaimu Umma, na tafi gida abina.

Umma Bata sake ganina ba Har kwana Uku lokacin Kuma Hamisu ya gaji da boyewa Matarsa zai Kara Aure yau yayi niyyar fada mata.
Da yamma suna Bedroom a kwance suna hirar masoya Hamisu ya kalli Matarsa yace Hauwa dama Ina so Zan fada Miki wata magana kiyi hakuri Zan Kara Aure,Hauwa dama taji gulmar komai a makwafta tasan da Zancen Shuru tayi Masa taga Iya gudun ruwansa, da mamakin Hamisu duk kishin Hauwa sai yaji tace ba komai wlh Allah ya bamu zaman lafiya,Allah ya baka ikon Yi Mana Adalci,Yana Murna yace Ameen Kinga dakin can guda Daya Zan gyara Mata to auren kaddara ne ba wani sonta nakeyi ba,taimakonta zanyi kece mace a wajena,Hauwa tana jinsa tana Murmushin tace ba komai Hamisu ai Allah ne yace kuyi.
Hamisu Yana ta murna ya shawo kan matarsa.
Hauwa kuwa washe Gari sai kauye wajen Malam Kan a tarwatsa auren,ta bada kudi Malam yayi Mata Hadi da yanda zata Yi aikin.

Sai Bayan kwana Uku naje gidan Umma Nasha kwalliya sosai cikin Atamfata Red me kyau Tasha dinkin zamani riga da skert dama Faruk ya dinka min.
Ina zuwa na Iske motar Faruk da Alama yazo wajen Aabid, Ina Sallama naga Hamisu ma suna shirye shiryen bikin da Umma.
Sallamata kawai Faruk yaji Yana dakin Aabid ya gane Muryata nice,So yake ya sake ganina ya danji muryata ba laifi yayi missing Dina.

Hamisu ma Yana ganina ya washe Baki Naje na gaida Umma shima na gaida shi,Sai Dana Dan Dade Hamisu duk ya dameni da surutun banza gaf da magrib nayiwa Umma Sallama Hamisu ya rakoni zuwa kofar gida mun wani jero muka fito tare kofar gida,Aabid da Faruk suna kofar gida a zaune saman Bench,Faruk Yana ganina da Hamisu Kishi ya taso Masa ransa ya dugunzuma shima Hamisu ganin Faruk tsohon saurayina yaji ransa ya baci.
Fuska Faruk ya Bata yace ke ki fada a gidanku za a zo a karbi kudin auren Dana kawo.

Kallon Up and down nayi Masa nace baka ganewa ne? Kazo gidanmu Muyi lisaafi idan ka matsu,Hamisu Caraf ya rike Hannuna tare da Furta kyaleshi Honey wannan yaran ba kalar ki bane,Hannuna na fisge na zubawa Hamisu Harara nayi tafiyata,Aabid ko kallonmu baiyi ba wayarsa yake dannawa,Hamisu kuwa tsayawa yayi ya dinga zagin Faruk Yana dura Masa ashar, karshe yace Dan uban Babanka idan ka Isa gobe ka Kara yiwa matata magana,Ran Faruk ya baci ya mike a fusace ya shaki Wuyan Hamisu,Hamisu Ya Kai wa Faruk Uban Naushi a fuska sai gashi bakin Faruk ya fashe Jini na zuba ya kumbura sumtum,Aabid yace akan Mace kuke wannan abin kunji kunya wlh akan wannan kucakar? Yarinya karama wacce ko a akafa aka daura min jefarwa zanyi, Hamisu ya nuna Aabid da yatsa yace Uwarka wacce tayi Hatsari ta mutu shege Dan iska, shegiyar Fuska kamar ta miciji ba fara'a ba komai sai girman Kai Kai a dole kaje turai Kai me kyau ko? Aabid ya Bata Rai yace kaga idan zaka Yi jahilcin kauyancinka ka daina sani ciki yawwa U better be.

Hamisu Ransa ya sake baci yace an zageka kayi abinda zakiyi ance Uwarka wacce tayi Hatsari Kai Dan Uban Babar taka me Hatsari, Ubanka Wanda ba a sanshi ba Wanda ba a ganshi ba shima yaci Ubansa, Uwar Babarsa shi uban naka Wanda ba a sanshi ba,Idan Kai ka Isa Dan me Hatsari kayi abinda zaka yi,Aabid shi zagin ma na Hamisu dariya ya bashi Kamar yaro,Dariyar Da Aabid yayi itace ta fusata Hamisu again yace banza Dan karere kazo ka tarewa mutane a gida Ina so na Fara Business na Alkama bani da dakin zubawa ka cuceni matsiyata da Kai da iyayen naka.
Wata dariyar Aabid yayi Wanda Yasa Hamisu yace zaka gani yayi tafiyarsa,Sai lokacin Faruk ya fito daga Bayan motarsa inda ya boye Baki a kumbure duk jini,Aabid ya dinga tuntsira dariya Kamar me,Faruk Da kyar yace Shege kamar daga kauye yake kaji hannunsa Kamar itace ni daga Nan sai asibiti.
Faruk ya shige mota tare da tafiya asibiti,Aabid Yana ta uban dariya.

Aabid tunda ya dawo yake Harkar Business Yana shigo da Kaya daga China sannan Yana rabawa masu sari,a Haka sai ka rantse Baya Business tunda ya dawo da mutane na Amana yake Hurda tunda ya samu jari a kudin da Gomnati ta Basu na scholarship sosai yake samun riba Yana hada kudade, Yana fita Kuma kasuwa idan kayansa sunzo komai normal ya Fara samu sosai,wurin Oga Alex Kuma Yana lekawa su gaisa,Hakan a cikin kudin Gomanti da Suka Yi rara da Kuma wasu ribarsa ya samu dan Katon gida a Unguwa me kyau ya siya, gidane sama da kasa part biyu ne a gidan part Daya na Umma Daya nasa,gidan Sama Two rooms da palo, kasa Palo ,dining, kitchen da store sai room Daya,Daya part dinma haka,ko Ina yasha Tiles da Flowers, da katon gate yasha Interlock, gidane Wanda za ace bana talaka ba, ba Kuma na me kudi can ba.
Umma Taje taga gidan,Har Hamisu da Matarsa Sam basuyi murna ba sabo da Hassada.
Umma tace to sai yaushe Kuma zaka zuba furniture Dan za a kashe kudi,Aabid yace ai shi yasa ma kawai na nemi gida Wanda aka Gama ginawa sabo Dal na siya sabo da yafi sauki, sati biyu fa kenan da Gama Gina wannan gidan me gidan yace tsarinsa da unguwar Bata Yi Masa ba yace a siyar, yanzu sai na Kara samun riba yanda zata Isa sai na zuba furniture mu koma,daga Nan Kuma sai na Kara samun kudi Inshaallah zan siyi mota ta kaina, Umma tace Alhmdllh Allah ya hore Ashe ka gano dabara gwara daka karbi Scholarship din nan, Aabid yace ai kudin akewa Umma Kinga gashi ta hanyar na samu ci gaba target Dina kenan, Umma tayi dariya tace Yan Boko iyayen lissafi kenan to saura aure bayan mota ko? Baki ya bude yace haba Umma Kin ganni fa yaro ba yanzu ba,Allah ya kawo ta Gari cewar Umma yace Ameen.
Hamisu kuwa Murna yake zai daina biyan kudin Haya idan su Umma sun tashi shi sai ya dawo da Matarsa su zauna dama gidan Umma yafi nasu kyau.

Ana ta Shirin bikina duk na rame na zaftarewa na Gama karmashewa bana son Hamisu ko kadan,bikina saura sati daya na hakura Dole zan zauna da Hamisu haka da Dadi ba Dadi.
Ina tsakar gida Ina yiwa Khairat Kanwata kitso naji ance nazo inji Hamisu,Fuskata na gyara nayi kwalliya sama sama tare da fesa turare na fita na iskeshi a tsaye jikin bishiyar kofar gidanmu,gaisawa mukayi nace ya na ganka yau Kai da kace sai Jibi zaka zo? Hamisu na gani ya Bata Rai yace Raudat nace Na'am, ki fadawa gidanku na fasa aurenki,da sauri na dafe kirji na nace sai da ka Bari Muka Gama kashe kudinmu kaf,munyi siyayyar komai munyi gayyata yau ma muke son Fara raba Iv Amma sai yanzu zaka ce mun