You Cannot Download this book untill you login but you can read it .

---

Login Register

tayi tace nice Babar me gidan Nan kakar Ango ce Ni.
Husna tace Lallai kin haifo me kudi kin iya Haihuwa.

Dariya Inna ta sake Yi sannan ta bawa Husna Zani ta daura ta shiga bayi tayi wanka sal ta fito a Nan Inna taga baiwar kyau,Ashe kwalliyar da tayi ne ta lalata Mata fuska,Vaseline din Inna ta shafa,zata Fara kwalliya Inna tace a'a karki Yi kwalliya tsaya a Kira me kwalliya kema tayi Miki,ai kuwa sai ga Inna ta shigo tare da wata matashiya Yar gayu sai wata Yar yarinya budurwa Kuma itama zasu Yi Kai Daya da Husna ta shigo dauke da wani lace Dankareren gaske me tsadar gaske da kyau black and skyblue,ya Sha dinki na gani na fada Riga da skert dinki na manyan Yaran masu kudi, Yawwa Yar Albarka Rukayya kin kawo min kayan? Yarinyar tana murmushi tace ae Inna,Amma Ina Kika samo me kyau Haka? a makwafta take gata Nan kanku daya,Rukayya tace ok Inna na bar Mata kayan du dama Mum ce ta dinka min wai nasa Ranar Dinner mu Kuma ankonmu zamu sa,Ni Bai min kyau bama tana fadar Haka ta fice da gudu tana na tafi Zan shirya tsohuwa.
Ja'ira cewar Inna Yara Kanana sai Iyayi,Husna tace uhm ai indai Yan birni ne to Haka suke duk Babu na kirki sai ke Inna.
Me kwalliya Khadija Dandume tace to Husna zauna nayi sauri lokaci zai kure,ba tare da Bata lokaci ba Husna tasa lace din kamar an gwada da jikinta ya kamata daf ba karamin kyau tayi ba kamar a sace ta tun ba ayi kwalliya ba,Inna tace mashaallah Allah me Halitta Kamar balarabiya Haka,ita kanta Husna tasan tayi kyau ta dinga kallon kanta a mudubi Taki tsayawa sai kallon kanta takeyi ta manta ma da wani gidansu.

Husna ita Bata son kwalliyar Yan birni Amma baza ta iya yiwa Inna musu ba Dole tana ji tana gani ta zauna aka tsantsara Mata kwalliya ta gani ta fada ka rantse itace Amaryar,waya Inna ta dauka tare da Kiran Rukayya tace Rukayya saura mayafi da Takalmi har jaka,minti Daya sai ga Rukayya ta kawo takalmi me shegen kyau da dan tsini kalar kayan da jaka karama me kyau da tsada,tace Inna Babu mayafi fa yau Dinner ce ta gaske,Husna tace gaskiya a bani mayafi Haka kindu Zan fita Kamar arniya,Inna tace kiyi hakuri Husna wannan Yan Iskan tunda Suka ce Haka to Haka zasu je wajen Nan Allah ya shiryeku, Rukayya ta fice da gudu tana dariya,me Kwalliya ta Gama tsaf tare da nadawa Husna gogoro da dankwalin Lace din,Husna harda tsallen murna tace Dama Haka nake Inna ko dai wata ce? Kece Mana jikata cewar Inna,Me kwalliyar ce ta koyawa Husna saka takalmi me dan tsini Amma da kyar ta iya sawa duk da cewa ba wani tsini bane dashi,da kyar take takawa Haka ta dinga gwada tafiya da kyar ta Dan iya kowa ya kalleta yasan Bata Saba ba.

Inna tace ko a kawo Miki marar tudu? Zan iya Ina so cewar Husna,an Fara tafiya Ana ta kwasar Yan Mata da Manya,Inna ma ta cakare cikin Shadda Red Tasha aiki ta fito,Husna tace Inna kina tsohuwa sai kinje ,Kinga Ni muje ki daina min surutu,Inna da Husna suka fito da kyar Husna ke takawa da taji zata Fadi sai ta riko Inna,Sai kallon Husna akeyi Mata da maza Babu Wanda ya gane itace ta dazu sabo da tsananin kyan data yi.

An gwama kwashe kowa saura Inna Sai Husna dake ta karkarwa zata Fadi akan tasa takalmi me dan Tudu kowa ya tafi sai motocin Farhan Bai tafi ba shima,Kamshi Suka ji ya cika musu hanci Dole Suka juya Farhan Ne sanye cikin wata shadda ruwan toka Yar gaske fadin kyan da yayi Bata Baki ne,Sumar Nan sheki kawai takeyi,Ana take Masa baya Inna tace Kai Farhan tafi damu wurin Nan yan iska duk sun tafi an barmu,Husna ta shiga murna Zata shiga motar Me Sa'a dama ta Dade tana son taji irin dadin su,Farhan Sam Bai gane Husna bace sai data yi magana Me Sa'a yau Zan dandana motarka,kadan ya kalleta Amma kyanta ya gigitashi gaskiya iya tsawon rayuwarsa itace ta farko Daya kalla kadan ya gano me kyau ce ta gaske,mamakinsa to dama tasan Yan gidan su Imran ne gashi har zata je Dinner tare da Inna.

Kwarjini Farhan yayiwa Husna ta kasa motsi a wajen sai kokarin faduwa takeyi sabo da takalminta, sai da Inna tace Da Allah muje Ana magana kinyi Shuru Yara Kanana daku Kuna tunanin duniya.
Farhan motarsa ya shiga,Inna Kuma taja Husna Suka shiga wata a cikin jerin motocin Farhan Amma Husna tsaki taja ita Sam ba wannan taso shiga ba tafi so ta shiga ta me kyau da Alama tafi ko wacce kyau Ana tafiya tana Inna da kin sani tasa Muka shiga Amma wannan ai ta yaransa ce,idan Ba Farhan ba wa zai daukemu kina gani dai Yan banzan matasan nan Yan Mata suke kwasa a motocinsu,Ni tsohuwa waye zai kulani,ke Kuma gaki kwaila Kinga kuwa da badan Farhan ba da sai dai mu koma gida.
Dariya Husna tayi tare da furta Allah Ni ba kwaila bace.

Tahir Guess palace Suka Isa inda ake Dinner din,Husna sai washe Baki takeyi tana kalle kalle, Inna tace Dan Allah ki daina kauyancin Nan Haka karki jawo a rainaki gaki Kyakyawa sai Jarabar kauyanci,Dariya Husna tayi tace Zan waye ne Nima ai,Allah yasa cewar Inna ta rike Hannun Husna Kamar itace jikarta dama kowa Yasan Inna da kwashe kwashe ga rigima kowa nata ne.
Farhan ya fito Inna tace Kai Farhan sai dai kayi Mana jagora Ina Zan iya shigar da kaina wannan wajen Haka? Kadan Farhan Yayi Murmushi sannan Inna da Husna suka tsaya kusa dashi Yana gefe Husna na tsakiya Inna tana gefe itama,masu tsaronsa suna bayansa Haka Suka jero Kamar wasu family Daya,taro yayi taro waje ya cika da Yan Mata da samari masu ji da kansu Haka ga hamshakan manyan mata da tsofaffi,wanka iya wanka,Ango Imran da Amarya Fatima suna zaune an Fara bude taro da Addua sannan aka saki kida.

Yayi dai dai da Shigowar Farhan tare dasu Husna,kallo aka bisu dashi Wanda Suka San Farhan suna tunanin Ina ya samo kanwa gasu Kamar suna Kama da Husna,Yan Mata sai kallon Farhan sukeyi Ana hadiyar yawu, Amarya Marcycool ce ta shigo taci gayu ita da Angonta itama,ga Flower tana rike da Jakar Marcycool Allah sarki, su Asycool,Jidder Zaria,Khadija A Hamza,Innaro,Mom Inteesar duk gasu Nan sunzo Dinner Suma.

Husna Dan Kar ace tayi kauyanci sai ta sadda kanta kasa Baza ma ta kalli kowa ba,Gashi takalmin da kyar take iya daga kafarta saura kadan ta Fadi ma Allah yasa Inna ta riketa.
Wuri Suka samu can gaba kusa da masu rawa Suka zauna,Farhan ya wuce wajen Frnds can ya zauna Yana ji da Izza, Dama mc ya bayar da sanarwa Kan kowa yaje yayi serving kansa abinda zaici,Ana ta zubawa Husna tana so tana tsoro sai Inna ce taje ta ebo Mata ta kawo mata, Kasa ci tayi sabo da kunya gashi Babu gyale a jikinta,sabo da Haka sai ta jawo gyalen Inna kadan ta ebo abincin da hannunta Don baza ta iya ci da fork da wuka ba,Da hannu ta ebo da yawa tare da Naman Kazar ta tura kanta cikin gyalen Inna sannan Taci,Wanda suke kusa duk sai suka fashe da dariya daga Nan aka Fara kus kus kafin kace me har kusan kowa hankalinsa ya dawo wajen Husna har mazan wajen har Farhan Wanda komai akan idonsa ya faru tun farko.
Inna tace ke wanne shashanci ne wannan? Bakin Husna cike da Naman Kaza tace Inna kunya Alqur'an jama'a Ni bazan iya ba.
Fisge gyalenta Inna tayi tana fadan duk kin Bata min mayafi doluwar banza.

Mc a speaker yace ehh woo ga wata katuwar lomarta ta birgeni,Yan Mata kunyar mutane kikeji? Kai Amma kin birgeni, da Karfi Husna tace Allah ya kiyaye kaga lomata yaro,Dariya mutane suka yi har Ango da Amarya Jin karfin halin Yarinya Babu tsoro Yar Muryarta a katon Hole din.

A'a Kai wannan tsigai ce ya sunanki? Mc ya tambaya tare da karawa Husna speaker a Baki,Aiko tace Ni bazanyi magana a bututun magana ba,speaker ta cika da Muryar Husna kowa yaji,dariya aka sake kecewa da ita Mc yace ai kin Riga kinyi Maganar a bututu Yan Mata,Sunana Husna,wacce Waka za a sa Miki kiyi rawa Ango ya Baki fili kyauta sabo da kinsa kowa nishadi,A Samin wakar barmani choge cewar Husna,Mc ya Dafe Kai yace Dj bashi da wannan canja wata,Ni indai ba ita ba bana so,Waka dj ya Sa Mata me shegen Dadi mc Yana Hajiya Husna filinki ne fito,Inna tace jeki Mana,A kunyace Husna ta tsaya a filin Amma ko motsi batayi ba sai ma rufe Fuskarta tayi da tafukan hannayenta biyu ruf Wai kunya takeji,hakan kuwa sai ya birge maza da yawa da mata, Farhan shi gani yake me rawa a mutane Babu class.

Ango da Amarya ne Suka Fara yiwa Husna liki sai mutane da yawa maza da Mata Suka cika filin,Maza duk sun rude da kyawunta sai kudi suke watsa Mata har ta gaji da tsaiwa ta koma ta zauna kusa da Inna.
Haka aka ci gaba da shagali har aka Gama,Inna taja Husna Suka koma waje jikin motar Farhan suna Jiransa,Husna tana ta kalle kallenta tana Jin Dadi ta manta ma da wani gidansu shagalinta takeyi.
Motar da Suka zo ita Suka sake shiga a tawagar Farhan Suka koma gida,Yana ajiyesu aka kaishi Airport ya shiga jirgi a Daren Dan jaraba sai Abuja gida,Tare da bawa Securities nasa Umarnin gobe da sassafe su dawo Abuja da motocinsa Baki daya.

Gidan su Husna Kuwa Mama harda Kuka Babu Wanda yayi bacci a cikinsu yanda Suka ga Rana Haka Suka ga dare,Washe Gari Abinci Basu iya ci ba,Nusaiba tana gani Amma taki magana har akayi sallar Azahar lokacin Baffa ya Fara Hawaye shi kadai a Palo,ganin Haka yasa Nusaiba taji tausayin mahaifinta ta fita kofar gida jimmmm kadan sai gata ta dawo da Murna,Mama tace ko an ganta ne Nusaiba? Karya Nusaiba ta sharara tace ai Mama Ina fita bayan layinmu wani me gurasa yace tana gidan bikin can ya ganta dazu ta fito ma kofar gidan inda ake biki, Alhmdllh a Ina ake bikin? Baffa ya tambaya,Can wannan unguwar masu kudin nasan gidan jiya mun shiga gidan ma tace zata Yi kallo Ashe shine tayi min wayo ta fake da siyen Agwalima ta koma Gidan bikin abinta,Baffa yace Bari indai har aka ganta a gidan bikin ta kwana to sai nayi Mata mummunan dukan da gobe baza ta sake ba,Mahaukaciya ce yarinyar Nan ko so take ta lalace ne, to wlh ka dauki mataki a kanta tunda nema take ta lalace cewar Mama.
Nusaiba farin ciki ya cika ta za a Zane Husna,Kb yace ai Baffa samun shegiya zakayi ka rufeta a daki ka babbalata, Mama tace Bari muje da Nusaiba mu nemota Yar Iskar yarinya ta jawo Mana kwanan zaune.
Da sallama Mama da Nusaiba Suka Shiga Palon gidan dai dai lokacin Husna ta fito da Abinci a katon tire tana tabawa Yan bikin da suka rage masu kwana,Mamaki ya cika Mama,Husna tana ganinsu ta cika da murna tare da nuna farin cikinta.







AsmaBaffa
[2/29, 10:44 PM] Sis Asma: 🌅🌅RASHIN SA'A🌅🌅






5








Official







By
AsmaBaffa






Page naku ne
Zainab Garba Butalawa da Maman Hajiya.









Harara Mama ta faki idon mutane ta watsawa Husna, Inna ce ta fito tana Baki mukayi ne Haka sannu ku zauna, da Sauri Husna tace Inna Mamata da Kanwata ne Nusaiba ne Suka zo tafiya Dani,Allah sarki Oh jiya yarinyar Nan ta dinga kuka Bata ga Yar uwarta ba sai a Nan ta zauna Muka Sha bikinmu da ita har Dinner Muka je tare,yarinyar kirki ba ruwanta da bakunta cewar Inna, murmushin karfin Hali Mama tayi sannan tace ba komai wlh ai an godewa Allah data yi Hankalin Zama anan Babu damuwa, Husna fito mu tafi gida cewar Nusaiba bayan sun gaisa dasu Inna, Inna ce ta mike ta zubawa Husna kayanta na jiya data je party a Leda har su jaka da takalmin gaba Daya,dama doguwar rigarta data zo da itace a jikinta tun safe tayi wanka ta maida abarta jikinta,ko kwalliya Bata yi ba Inna ta hanata sabo da tasan ta Yan kauye zata Yi.

Waya Inna ta Danna tare da Kiran Rukayya, Nan take Sai ga Rukayya dauke da katuwar Leda cike da kaya, Inna tace Jikata ga kayan take away na biki Karbi naki ne,Dan Allah ki dinga bullowa Muna gaisawa kinji,Husna tana murna ta karba tace Inshaallah Zan dinga zuwa,Inna tace ta kalli Mama tace Nima ki bani Address dinku Zan dinga zuwa watarana wajen Jikata Husna.

Nusaiba taji wani dugul a ranta Bata so Husna ta Kulla alaka da masu kudi gwara ace ita ce Nusaiba ta San su Inna da yafi, Mama ba yanda ta iya ta rubuta a takarda ta bawa Inna sannan sukayi sallama Suka tafi gida,Tun a Hanya Mama ta Fara rankwashin Husna tana tankada keyarta gaba, Wani wawan tankada da Mama tayiwa Husna Saida ta Fadi a kasa taci ta ka,lebenta ya fashe sai jini,Husna Bata San dalili ba ta rasge da kuka tana Dan Allah Mama kiyi Hakuri me nayi Miki? Idan Munje gida zakiyi bayani cewar Nusaiba.

Suna shiga Palon gidansu Baffa Bai jira komai ba ya zaro katuwar Bulalarsa ya Shiga tafkar Husna Iya karfinsa,tana Ihun kuka tana bada hakuri amma ba Wanda ya saurareta ko bincike Bata San me tayi ba,sai da Baffa ya farfasa Mata jiki tun tana kuka har ta kasa kukan ma sai da Suka ga kamar zata mutu sannan Suka kyaleta Baffa ya jefar da bulalar ya nunata da yatsa Dan ubanki gobe ma ki Kara tafiya gidan wasu ki kwana,mu Zaki tozarta to Bari kiji wlh ban Haifi Yar Iska ba,ban Haifi me gantali ba,matukar Kika ce Haka zakiyi wlh sai kin bar min Gidana,Zan iya korarki ai ba Ke kadai na Haifa ba,daga zuwanki garin Nan,dama Haka kikeyi a kauyen, sai yau na tabbatar da Maganar mamanku na cuci kaina Dana bawa Yafendo ke riko,ta lalata min rayuwar yarinya,bazan yafewa Yafendo ba Kuma zanje gareta har gida, ai na fada maka dama kaki Yarda gani kakeyi Kamar bana son Yafendo ne.

Kb dake gefe yace ai yanzu shi yasa ba a ba da rikon yaro,wa yasan ma meke faruwa a kauyen idan ba Kai ka Haifi mutum ba ai baza kasan darajarsa ba, Kai yaro riko ai Masifa ne cewar Nusaiba yarinya da ita, Baffa ya kallesu yace ai na gane gaskiya yanzu.
Allah sarki Husna duk da halin da take ciki sai da tace Kun dauki Hakkin Yafendo Kuma Allah nafi sonta ehe,Zaki ci ubanki wlh idan Baki rufe Mana Baki ba cewar Mama.
Ki kyaleta ai zan kaita makaranta ne Ba kauyar banza Baffa ya furta tare da ficewa abinsa.

Husna yau ta Kara tsanar Su Mama tare da Birni Baki daya,tayi Dana sani da kyar ta lallaba tayi wanka da ruwan zafi ta kwanta ranar har dare Bata kula kowa Kuma Taki cin Abinci Wai tayi Fushi,Nusaiba kuwa sai dariya takeyi harda bugawa Anty Amina waya ta Bata labari,Anty Amina dake gadon Kaya gidan mijinta da yaranta biyu itama ba wani shiri sukeyi da Husna ba,ita Kuma Amina haushi takeji Husna tafi kowa kyau yanda take da azabar kyau Gwara da itace kyakyawar.

Yau satin Husna biyu a birni Babu abinda ya canja Dan basa koya Mata komai itama Bata shiga harkarsu kullum tana daki abinta ita kadai kamar mayya ka rantse ba jininsu bace,Kuma ba Wanda ya damu da ita, Yau Baffa ya Gama yiwa Husna komai na makarantarta Har uniform da komai an kawo ya kirata tazo ta karba, ta fito Palo tare da dukawa har kasa ta karba tare da cewa na gode tana turo Baki, Mama taja tsaki tare da cewa to jeki gwada Mana mu gani yayi, Husna ta gwada dai dai ita komai har Sandal Amma a ranta sai tace dinki ko kyau duk an matse jikin mutum,Hijab guntu.
Ko da ta fito sai kowa yace yayi kyau,Husna ta tabe Baki tace Dan Allah Baffa wannan wacce irin makaranta ce? Yo ai gwara ta kauye wannan Uniform yo Allah na tuba ko Fulanin daji ai baza su saka wannan Uniform din Haka ba,kalar Bata da kyau Sam, dinki Kuma duk ya matse Ni Hijab kamar na yar 10yrs.

Sabo da takaici ba Wanda ya iya tankawa Husna sai Baffa ne yace Ga Nusaiba Nan ko Kabeer kullum zasu dinga koya Miki English lesson kullum ba fashi,Kuma wlh idan Baki je sun koya Miki ba sai jikinki ya Gaya miki,matukar Kika Zama jaka a aji to kinji na rantse sadaka Zan bayar dake wallahi wallahi term biyu na Baki matukar Kika dauki ta karshen aji wallahi Sadaka Zan aurar dake Babu fashi.

Husna batayi zaton da gaske bane kawai ta kwashi Kaya tayi daki tana a rasa wanda zasu koyan karatu sai ya kb da Kanwata Nusaiba,duk girmana Kanwata ta koya min karatu me ta sani ma.
Tana jin Nusaiba tana Mata dariya Husna ta fito tace Mama wlh ku rabani da Nusaiba Ina daga Mata kafa idan ba Haka ba Alqur'an sai na Mata duka Tam, ai Dole ayi Miki Dariya cewar Mama, to Shike Nan Wlh Zan koma bani da mutunci a gidan Nan Husna ta Furta, Mikewa Mama tayi da niyyar kamo Husna sai ta gudu daki tare da Sa key.

Ranar Monday Baffa yasa Husna ta Shirya da Sassafe za'a kaita schl zasu Yi Mata Interview, Husna ko wanka Bata yi ba Brush kawai tayi taci Abinci tasa doguwar Riga baka da Hijab har kasa, sai da tazo shiga mota tace Baffa karshen ci gaban malamin makaranta a kasar Nan ya Zama Principal, me yasa ka zabi teaching? Kai da zaka shiga siyasa ko ka Zama babban Likita Amma yanzu jibi Yar motarka Amma motocin Me Sa'a kuwa tamfatsa tamfatsa gaskiya mu dai tab,gwara Mama ma Nurse ce,yanzu Mama tana daukan dubu nawa a wata Baffa? Ko kulata Baffa baiyi ba,ta sake tambaya zai Kai dubu dari Hudu ko biyar? Kallonta kawai Baffa yayi tare da jinjina Kai yace Ke Shiga Mota mu tafi.

Bayan motar Husna ta shige tace Nan yafi Dadi inyi kwanciyata,wani kallo da Baffa ya Mata ba shiri ta fito yace Zan mareki fa wlh,a rude ta shige gaban mota tana motar mu mukam Kamar gongoni Yasin.
Private schl ta dai dai kudin me rufin Asiri Baffa ya Kai Husna Office din pc Suka Isa.

Da sallama Suka Shiga ya amsa Yana Malam Shu'aib shugo Mana ka kawo ta Ashe,Baffa ya Mika Masa Hannu suka gaisa dake abokinsa ne dama, PC yace da Husna Sannu ko ,Ina kwana Husna ta furta tana kalle kallenta,PC ya dakko wani littafi dogo suna Hira da Baffa yace Ya Cikakken sunanki yake?
Husna ta gyara tsaiwa tare da cewa sunana HUSNA YAFENDO ISAH, Ban gane ba cewar Pc,Baffa ya kalli PC yace kyale shashasha Wai da Sunan marikiyarta take Bearing, Na karshen Kuma Sunan Mijin Yafendo ne Isah (Abba) Amma rubuta Mata Husna Shu'aib.

Da Sauri Husna tace Ni ba shi nake so ba Kuma ko a kauye da Haka nake amfani a makaranta Husna Yafendo Isah Amma tunda Baffa Yana so sai nasa Sunansa shima, Kaga Pc Dan rakaba min Baffa shima a karshe ya koma Husna Yafendo Isah Shu'aib, PC abin dariya ya bashi ya danne sannan ya Shiga yiwa Husna Wa'azi akan Muhimmancin amfani da Sunan Mahaifi Dole tare da kawo Mata Hadisai masu inganci,karshe yace duk Wanda ke kunyar nuna iyayensa,ya boye su ya nunawa mutane Basu Suka haifeshi ba,ko mutum Yana kunyar aga iyayensa ace su Suka haifeshi duk lalacewarsu to wlh ko kamshin Aljanna bazai ji ba.
Musamman Mata wasu idan Sunyi aure sai su koma amfani da Sunan miji,ko wasu mutanen idan Kakansu ne me kudi,ko Yayansu,ko kanin baba,ko Yayan baba etc sai Suki amfani da Sunan mahaifinsu su koma sa na Wanda ke da kudi a family nasu, wannan kuskure ne Babba,Allah ya tanaji azaba Mai tsanani ga masu hakan.
Sai da pc ya Gama bayanansa Husna tace to saka min Husna Y Shu'aib kaga y din tana nufin Yafendo, Baffa ne yace kaga Kyaleta haka Bata da hankali girman kauye ce, Naga kamar Baffa yaji Haushi shike Nan saka min Husna Shu'aib Yafendo shike nan kayi Hakuri Baffa.

PC yace to tayi hankali ta gyara Nan yasa Mata Husna Shu'aib Yafendo, koda ya Mata tambayoyi da turanci Babu Wanda ta iya Bata San komai ba,PC yace ya zamuyi Dole Zan sata jss3 a dake a dinga Mata lesson har ta iya ko Yaya ne, Jin hakan Husna tace wa yace ban iya ba ai ganin dama ne banyi ba,ai idan turanci na ya tashi duk baza ku iya gane nawa ba sabo da ainihin na America nakeyi Ni, Harara Baffa ya zuba Mata tayi Shuru sannan ya Masa sallama Suka tafi da niyar gobe ko jibi zata Fara shiga aji.

Suna komawa gida Husna ta shige Palo Hijab a hannu,Mama ta Iske tare da Nusaiba da Kb suna Hira,Mama tace Kun dawo? Husna tace wlh kuwa ai Nasha gajiya gefen Nusaiba ta zauna tare da cewa ke matsa a gajiye na dawo Kai..Kai..Kai.. yau nasha gajiyar turanci,tunda naje Muke faman zuba uban turanci tare da Pc har gajiya nayi,Gaba Daya Suka kwashe da dariya,Kb yace Allah? Husna ta gyara Zama tace aeee, in fada muku yayi turanci yayi turanci Nima Haka, yace Ke Husna amma kina da kyau,Kun San me nace? Mama tace sai kin fada nace ai madarar Shanu nake Sha a kauye,Yace Ina ta Jin labarin Baki da kokari Ashe kinfi kowa kokari a gidanku nace ai Dan Basu sanni bane, ai yau labari ba Wanda bamuyi ba,duk da turancin? Nusaiba ta furta tana dariya tasan ba uwar da Husna ta iya,To ko karya nakeyi ne Dan Uwarki Husna ta hayayyko zata daki Nusaiba,a'a gaskiya Kika fada cewar Nusaiba,Kb yace makaryaciyar banza uban me kika iya mun kusa Shan biki za ayi sadaka dan wannan baza ta iya komai ba Gwara auren, to Kai Ya Kb mene Dan anyi min auren idan mutumin kirki ne ai gwara na tafi can ma akan zaman Nan gidan,Ni wlh gwara a maidani wajen Yafendo ta.

Da dare Husna Babu Wanda Bata roka ba Kan a Kira Mata Yafendo a waya su gaisa Amma Suka ki,Nusaiba tace wayarta ba kudi,Kb Kat yace bazai iya ba,Mama tace kudinta bana banza bane,Baba yace ta Bari sai Gobe ko jibi in ya samu time,Dole Husna ta hakura tana ta fushi.

Washe Gari Masifa ta fadawa Mama, taje Wajen aiki ta Samu Ana nemansu su Uku nurses shugaban asibitin,Koda suka je takardar sallama daga aiki ya Basu cewar an koresu daga aiki sakamakon Patient daya rasu sanadin bashi magani ba bisa ka'ida ba,Kuma marar lafiyar su Mama ke kula dashi,Sunyi bakin ciki harda kuka,gida Mama ta dawo aka zauna Ana ta jimami da bakin ciki,Anty Amina ma tazo da yaranta suna jajantawa Mama,Anty Amina ta kalli