You Cannot Download this book untill you login but you can read it .

---

Login Register

abokan Arziki.
Nabeela Tasha gyaran Jiki ta kashewa jikinta kudi,Sai sheki takeyi ko Ina ta gifta kamshi Yana bulle wajen.

Ana gobe Daurin Aure taje zana Lalle me azabar kyau,gashinta ya Sha gyara,Kayan da zata sa ma da bikin duk sun Zama Ready Haka kullum Asad sai yazo sun tsara yanda komai zai kasance tare da su Zeena.
Yau Asabar 10am kofar gidan su Nabeela ya cika makil harda abokanta maza ga waliyan Ango iyayen su Aliyu sun tsaya Kai da fata ganin Asad ya musulunta shine yasa Suka tsaya Masa a komai sune Iyayensa,Aliyu Dan me kudi ne gidansu ya Hadu Nan Ango Asad ya koma da Zama har sai anyi biki an Gama sannan a raka shi gidansa na Aure,Su Inno Kuwa sun Gama Kai duk kayan Nabeela gidan da zata tare,an shirya komai.

Cikin lokaci kankani aka Daura Auren Asad da Nabeela Hashim Kan sadaki dubu Dari,Ango sai Murna Ana ta gaisawa yasha shegiyar Shadda Kamar wani senator,Nabeela lace Tasha maroon an Mata dauri ta tsula uban kyau kowa kallonta yakeyi,Angwaye Suka shigo gidan Abba aka Sha pics.
12pm aka Fara Dj Ana cashewa a kofar gidan su Nabeela,Yan Mata Ana ta Shagali,Zuwa Yamma aka canja sabon wankan Dinner a wani event center me shegen tsada,Guri ya cika da yan Mata da samari an Fara Shan kida lokacin Nabeela tana wajen makeup Tasha wata Gown Fara tas irin ta Auren turawa Kamar baturiya,Asad kuwa Suit ya Sha baka Kamar a jikinsa aka dinka,dai dai shi ga Yar flower an soke a gaban Aljihunsa,Gashin Nan yaci Uwar gyara ka rantse Bature ne, Hannunsu cikin Na juna suka shiga ga kawaye suna binsu a baya da gaba an sa su a tsakiyar Ana fesa musu Snow har mazauninsu suka zauna.

An Fara Rakashewa Ana zubar da Naira gashi anci an Sha an cashe,Aka bada sanarwar Ango da Amarya zasu yanka cake,Nabeela da Asad Ana gaban cake sun rike wukar zasu yanka kenan,Kan Asad ya wani Sara da Karfin gaske,Nan take Rayuwarsa ta baya ta dawo wurrrrrrr, Matarsa ya Fara tunawa Wanda Ranar da ake Wedding party nasu ranar ya barta Bai sake sanin inda kansa yake ba sai yanzu kaf memory dinsa ya dawo na baya ya tuna komai hankalinsa ya tashi ga Kuma Nabeela itama ya aure ta ya zaiyi da Abar kaunarsa Ihsan,Nabeela ta gano akwai matsala yanda taga Asad ransa a bace Yana hada zufa duk da AC Dake wajen,Sam hankalinsa baya kan kowa,mamaki ya kamashi Wai shi Asad ke zaune cikin wasu mutane,shi da baya kula Mata Amma har wannan kucakar ya kula,fuska ya tamke ya dawo Asad dinsa na asali Wanda bashi da fara'a Kuma baya shiga safgar wani,Da kyar ya iya daurewa aka Gama Dinner lafiya,sun fito tare da Nabeela zasu shiga mota sai gani tayi yayi tafiyarsa abinsa ya barta a tsaye jikin mota tana kallo ya tare taxi da sauri a gigice baya Hayyacinsa kwata kwata Bata San Ina zai je ba, Allah yasa key yana Hannunta kawai Aliyu ta Bawa ya tuka kamar yanda ya kawo su shi ne ya maida Nabeela gida.

Nabeela Bata kawo komai a ranta ba kawai ta share suka Gama biki lafiya washe Gari da yamma za a Kai Amarya Amma wayar ango Bata shiga Kiran duniya Shuru,Dan Kar taji kunya kawai ta Kira Aliyu a waya Suka aro motoci aka Zo cikin rufin Asiri da Yan uwan Maman Nabeela Dana Abba sai kawaye aka Kai Nabeela gidan Asad dakin mijinta,kowa ya Yaba da Tsarin gidan.
Bayan duk an watse Nabeela tana ta jiran Ango Shuru Har tayi Bacci,Gari ya waye baya Nan daga Nan tsoro fa ya Kama Nabeela meke Shirin faruwa da ita ne? A ranar tasa Huzaifa ya dakko Mata Nazia da ragowar kayansu kaf tana jiran tsammani na ganin Ango.









Nan na kawo Karshen free page na Gidan gwauro.

Wanka kuka biya kudi Kuma Zan ci gaba da muku posting Bayan kwana Uku.
Zamu Dan huta na kwana biyu sai a Dora daga inda Muka tsaya.


Na gide fans.










AsmaBaffa.
🏠🏠GIDAN GWAURO🏠🏠





NA KUDI NE IDAN BAKI BIYA BA KARKI KARANTA.

GA MASU SIYEN NOVEL DON SU SAMU SU FITAR DA SHI DIFF GROUPS DAN ALLAH NA ROKE KU KU DUBI GIRMAN ALLAH KARKU FITAR MIN DA SHI,WASU SUNA BAWA KAWA KO YAR UWA BAZA TA KARANTA ITA DAYA BA SAI TA WATSA A GROUPS

DAN GIRMAN ALLAH KARKU FITAR DASHI KU KIYAYE BAN SON A SANI NA DINGA ALLAH YA ISA AKAN NOVEL.









36-40







Official







By
AsmaBaffa






Page naku ne

MAMAN SAMHA
REAL MAMAN WALEEDA
KHULTUM










Da Yamma lis Nabeela ta Gama gyara gidan Fes Bayan tayi musu girki sunci sun koshi Allah yasa Asad ya zube kayan Abinci kamar Hauka babu abinda zata nema ta Rasa sai dai kayan Miya wannan Kuma a kwai kudi ya Bari a bedroom dinsa,kwalliya taci cikin kayan lefenta tasa wata Farar Atamfa me zanen red,tayi kyau matuka taci Daurin zamani Nazia tana Islamiyya Nabeela zaune take a Palo tana kallo a zahiri a badini kuwa ta Lula tunanin mijinta Ina ya shige iya tunaninta ta kasa gano gaskiya ko me ke faruwa,Tagumi ta zuba wani mugun son Asad ne yake nukurkusarta a cikin Zuciyarta,Tunaninsa ta fada yanda suke zaune tare su shiga kitchen kowa na girka abinda yake so,Wayarta ta jawo tare da duba Text message nasu na Baya lokacin da suke love,wani farin ciki ke ratsa zuciyar Nabeela.

Tana wannan Hali taji Ana knocking kofar Palo,tunaninta ko Asad ne Zumbur ta mike da sauri ta Bude kofa murnarta ce ta koma ciki ganin Zeenat da kawayenta Mata su Uku ne Suka Zo ganin Amarya,Zeenat ta kalli Nabeela tayi Murmushi tare da Furta kinyi kyau Amarya kamar wata Queen,Kin kwace min saurayi na hakura ai,Murmushi Nabeela tayi tace ku shugo,A Palo Suka zauna ta kawo musu kayan ci suna ta kallon gida komai an canja yayi kyau karshe ga gidan Yana ta uban kamshi lungu da sako,Zeenat tace Nabeela tsaftarki tana birgeni wlh Dole ki kwace min Asad,Murmushi sukayi gaba Daya,Zeenat tace Wai Ina Angon ne mu gaisa? Ya fita yanzu Bai Dade da fita ba cewar Nabeela tayi karya don ta rufawa kanta asiri,Suna zaune suna Hira Nabeela ta dauki wayarta ta Fara wayar Karya cike da shagwaba
Hello.. Wai Ina ka shiga ne? Kasan Ina ta faman jiranka tun dazu,uhum...Uhm...Ni Allah ka dawo gida tsoro nake ji,Nazia ai tana school ka sani,Okay to kakular min da kanka,Tana Gama wayar karyarta su Zeenat tunaninsu da gaske ne,Kausar tace Allah dai ya biya Amaryar Asad wannan irin kashe murya Ana kwasar Amarci,Fari Nabeela tayi Farrr da Ido irin na Amare masu Jin Dadin Aure.

Nazia ce ta dawo daga Islamiyya Tana shugowa Palo Nabeela tace Oya tsaya a Nan ki cire min Kayan jikinki na wanke karki Bata min waje kalle ki Nazia yau Kika sa Uniform din Nan kin Bata su da wasan banza kullum bakya girma,a wajen Nazia ta cire kayan jikinta daga ita sai pant tana shagwaba tare da turo Baki tace to Ni Aunty Nabeela Kya ji Haushina Ni bani nayi Miki laifi ba,ai Uncle Asad ne ya Miki laifi yaki dawowa tun....zanci Ubanki idan Kika sake magana sai na Zane ki,Nabeela ta katse Nazia Don Kar ta Tona Mata asiri gaban su Zeenat.

Sai kusan Dare su Zeenat Suka tafi Abinsu Lokacin Su Inno ma Suka Zo yiwa Nabeela Sallama sabo da gobe da safe da wuri zasu wuce garinsu,Suma Basu ga Ango ba Nabeela tace ya fita.
Cikin dare Nabeela juyi ta dinga Yi a saman bed din Asad ta kasa Bacci sai tunanin Asad takeyi a ranta tana furta Allah yasa dai lafiya yake.
Nabeela ganin kwanciya a dakin Asad sake wahala takeyi akan son sa, sai ta mike ta koma dakin Nazia wacce ke sharar baccinta hankali kwance,Kwanciya Nabeela tayi har da magana a fili tace
To ke Nabeela ba a sonki kiyi hakuriiii Baki da sa'a kawai ki rungumi Kaddara,tana tunaninta har bacci ya kwashe ta ba tare da ta sani ba.

Bangaren Asad kuwa cikin daren Nan Bai iya hakura ba Drop ya dauka zuwa Garin Jos,a daren ya biya driver kudi me yawa yace matukar baka tsoro mu wuce Jos ko nawa ne Zan baka,Driver yaga kudi yace ai ko Yan fashi zasu tare Ni yau Inshaallah a Jos zaka kwana,shiga yayi Suka wuce Driver ya take mota a dari ba tsayawa kamar zai tashi sama,cikin dare sosai suka Isa Garin Jos katafariyar Unguwarsu suka shiga Har mahaukacin gidan su Asad gida ne Wanda ya Kai karshen haduwa gashi gari guda gidane Babban gaske, Securities din ne dake gidan Suka yo caa Kan motar data tsaya a kofar gidan,a ka'ida gidan su Asad mota Bata yin parking a kofar gidansu matukar ba gidan Bakon zaije ba sai sojojin Dake tsaron gidan su Fara Harbin motar,Glass Asad ya sauke tare da Fitowa suka ganshi sosai cikin Haske Nan take Suka Fara rawar jiki,mamaki ya Kama su Ganin Asad yanda aka neme shi aka rasa tsawon kusan Watanni Har anyi zaton ma Baya Raye a duniya sai gashi katsam bayan gida ya tarwatse.

Ciki Asad ya shiga Bayan ya sallami Driver,wajen Securities ya tsaya Suka gaisa mamaki ya kamasu na canjawar Uban gidansu sakamakon a baya ba wani mutunci ne da Asad ba ga shegen Girman Kai da Rashin magana baya saurarar kowa abinda yaga dama shi yake yi,Ciki ya shiga tare da karewa Part din kakarsu kallo sannan ya wuce part dinsa,wanka yayi ya Sha tea sannan ya kwanta Yana Allah Allah Gari ya waye yaje wajen Amaryarsa Ihsan.
Washe Gari Asad sai wurin 11am ya tashi a bacci tun Bayan Sallar Isha da yayi,Toilet dinsa ya Shiga komai Neat sabo da masu aiki kullum suna gyarawa, Yan Aiki ne ko Ina a Gidan,Bayan ya fito a wanka Lotion ya Shafa,Wani karamin remote ya dauka ya matsa sai ga Sip dinsa ta bude a hankali,Komai na furniture din da remote ake budewa Ana rufewa,Cikin kayansa ya zabi Jallabiya Fara tas ya shirya Yana zuba Kamshi ya fito Dining,Tuni Gida ya dauka Asad ya dawo Ashe Bai mutu ba.
Wannan zance tuni ya Kai kunnen kishiyar Mum dinsa data rasu,Kakarsa ma ta wajen Uba Haka Labari ya riske ta Asad ya Bayyana kafin suce wani Abu ya bisu daya Daya Bayan Yana kwasar gaisuwa.

Katafaren Palon Kakarsa ya Shiga Ganin Asad ba karamin girgiza tayi ba,Chineke God ta Furta da karfi,Mikewa tayi tsaye tare da Furta So is true? Shuru tayi da bakinta ta zauna zufa na karyo Mata ta ko Ina,Baki Asad ya tabe tare da gaisar da ita sannan yace Na dawo Gida Ichichi,Ina Mummyn Damy? Tsohuwar daya Kira da Ichichi kana ganinta kasan Kungurmar Christian ce,Baki Ichichi ta tabe tare da furta tana part dinta kwana biyu da dawowarta daga UK,Asad yace Ichichi hope Ihsan tana nan? Tsohuwar tace Uhm do you think she can wait for you? Abeg karka dameni kaje gidan su ka tambaya kasan Ni bana harka da Musulmai,Mummy Cindia wato Mummyn Damilola ce ta shigo Palon taci ado cikin cikin wani Danyen lace kanta Tasha Attach farcenta na roba zako Zako Tasha nail paint,Ganin Asad yasa ta ja wani Tsaki tayi gaba ta barshi Nan.
Shima Asad Bai ko kalle ta ba yayi waje abinsa Parking space ya nufa Inda motoci suke birjik masu tsadar gaske,Mamaki securities ke Yi ganin Asad ya Shiga Mota zai tuka da kansa,yanda suka sanshi a baya baya Driving ko Ina sai dai a kaishi da motoci suna take Masa baya,Amma wannan lokacin sai suka ganshi ya fita da kansa Bai saurarri kowa ba,Bai tsaya ko Ina ba sai katafaren gidan su Ihsan.

Isarsa gidan ke da wuya Me gadi yaga Asad yana Driving kansa Mamaki ya Kama shi yaushe Asad ya koma Haka da kansa Yana driving Ashe zargin Iyayen Ihsan ya Zama Gaskiya cewar Yaudarar yarsu yayi shi yasa Ya shirya Karya aka sace shi a wajen Wedding Dinner, Horn Asad ya Danna da karfi sannan me gadi ya dawo daga tunanin da ya Lula ya wangale Masa gate ya shiga Da Motarsa ciki,Bayan yayi Parking Asad ya fita da kansa Suka gaisa da me gadi Wanda a baya ko kallon me Gadi Baiyi,Me gadi ne yayi Masa Iso har cikin Palon yayi Sallama Suka amsa,dama su basuyi tunanin Asad da gaske kidnapping dinsa aka Yi ba,Kawai Yaudara ce ya shirya,Duka Yan gidan Su Ihsan Suna Palo har Baffansu da Ummansu tare suke zaune Ana Hira,Ihsan Tana zaune rike da jariri a hannunta tana jijjiga shi,Har kasa Asad ya duka tare da gaida Iyayen Ihsan,Baki Suka tabe Suka amsa Masa cikin wulakanci,Ihsan kuwa wani kallon Banza ta ballawa Asad,cikin Sanyin jiki Asad yace Umma kuyi Hakuri ku saurare Ni,Nasan ban kyauta ba Wanda Kuma ba laifina bane....kafin ya rufe Baki Baffan Ihsan ya dakatar dashi yace dakata Malam,mu zaka rainawa Hankali? Bama bukatar muji komai daga gareka,Allah ya taimakemu da ba a Daura Aurenku ba Kai da Ihsan ka gudu,mu zaka rainawa Hankali Ana gobe Daurin aure ka Arce yanzu zaka dawo ka fada Mana karya,Umman Ihsan tace Dama Sai da aka fada Mana sai da kishiyar Uwarka ta fada Mana mu taka a sannu Kai mayaudari ne Babu Allah a gabanka Yan uwanka ma Haka Suka fada Mana gaskiya muka ki yarda Sabo da Haka Ihsan ranar daka gudu washe Gari Muka hada ta da Safwan Dan Yaya ta aka Daura musu Aure ga zahiri ka Gani wannan Dan Ihsan ne ta Haifa,wankan gida tazo,bamu ba hada Zuriyya da jinin Arna a Arnan ma Kai Azzalumi ne,Sabo da Haka Ka bar Mana gida can ka karata.

Bakin ciki da Mamaki ya Kama Asad yace wlh ba Haka bane Umma ku saurare Ni,yayan Ihsan yace wallahi bamu da lokacinka Kuma baza mu saurare ka ba,Asad ya kalli abar Kaunarsa Ihsan yace Ihsan Ke nasan Har yanzu kina so na baza ki min Haka ba ki Bari na Miki Bayani..wani wawan tsaki Ihsan taja tace Malam Babu kwayar sonka a Raina yanzu Mijina shine Ruhina,A tunaninka yanzu Ana soyayyar Gaskiya? Ai ta Kare Ni Bari kaji dama can Kyawunka da kudinka naso ba Kai ba,Yanzu ai an daina yayin soyayya ta tsakani da Allah,Da ne akayi wannan Haukar yanzu Kan mage ya waye zaman auren ma kawai tangal tangal ake da shi,As you can see na rufe shafin rayuwarka,Asad yayi Murmushin yake yace karya kike Ihsan har yanzu Ana Soyayyar gaskiya tunda baza ku saurari Uzuri na ba Ni Asad ban gaji wulakanci da Raini ba,Asad ya kalle su yace Dan Ance Ana son Yar ku? Har wata yarinyar kirki ce da ku? Da nasan sakayyar da zaku min kenan bazan ma Zo ba,Asad ya juya ya bar gidan Fuuuu cike da Haushin Rashi Hhhh.

Tun Nabeela tana sa ran ganin Asad har ta cire rai,kwananta biyar da aure ba Ango ba labarinsa,Maryam me Awara kawar Nabeela ce ta yiwa Nabeela waya zata Zo ganin gidan Amarya,Nabeela ta Gama girke girkenta taci gayu tana Palo Tare da Nazia suna kallo,Maryam ta shigo da Sallama,Hannu biyu biyu Nabeela ta tarbe ta cika Mata gabanta da kayan ci da Sha sannan Maryam ta zaga ko Ina na gidan Tasha kallo tace wow kawata wannan irin Aljannar duniya haka Ina Angon mu gaisa na Masa Allah ya Sanya Alkhairi,Nabeela tace ai tunda na Miki tayi a farko Kika ce bakya so to kuwa ke da ganinsa sai dai a picture,Waya Nabeela ta nuna Mata taga Asad a wallpaper sai da Maryam ta ciji yatsa tare da dunbin Dana sani tun farko Ta Amince da tayin Nabeela.

Nabeela wayarta ta fisge tace karki Lashe min kurwar miji,kinwa kanki Maryam,Nabeela ta Furta tana gwada yanda Maryam ke magana harda wani Cewa Nabeela ai Dake ya Dace Yann...Yann..yannn..Ina jinki ke ga Yar iska ko? Yanzu Kuma Kinga hotonsa kin wani kwalalo ruwan goron Idonki kina kallonsa anga Dan santalele,dariya Maryam tayi ba shiri tace Baki da mutunci Nabeela color din Idon nawa ne ruwan goro? Duk ba wannan ba Nabeela Shawarar da Zan Baki ki nutsu ki dinga kashe gayu da biyayya tunda kin samu miji na kirki kirki,mazan yanzu sai da daukan wanka da biyayya,Nabeela tace ke Maryam Ni Zaki yiwa Nasiha? Ai na Isa nayi hankali duniya ta Gama Yi min karatu Ni yanzu ai sai dai nayiwa wasu Nasiha ke da Kika taso ma Cikin gata a hannun yayanki gashi kina zuwa College har kin kusa Gama NCE dinki ko ganinki Dan kina soya Awarar Siyarwa shine Kika Gama sanin duniya? Baki Bude Maryam tace Nabeela har yau kina Nan bakya Jin Shawara daga Baki Shawara sai masifa,Ae Ni ba a fada min naji ki Bari duniya ta min karatunta ke da ko Auren ma Baki Yi ba me Kika sani,Maryam tace to ke da kikayi uban me Kika sani har kwananki nawa da Auren? Amma dai kin San Igiya Uku tana kaina ke fa? Ko zaren dinkin Keke Babu a kanki Ni kuwa Murtukekiyar igiyoyi ne a kaina har Uku,kafin a tsinke Daya sai an Kai ruwa Rana,Dariya Maryam tayi tace to shike Nan ai,Idan Zaki kwashi girkin Amarya ki zage ki kwasa yarinya cewar Nabeela.

Maryam ta zauna tana ta cin girki me Dadi,Nabeela tace maza a ci an Dade ba hadu ba ya Kika ji girkin Amarya? Yanda Ango yaji zakin Amarya Haka girkin Amarya yake da Zaki,Maryam ta zuki lemon kwakwa tace gaskiya ne mutuniyata kin iya girki duk gantalinki a Ina Kika koyi girki haka? A yawon aikace aikace na gidan masu kudi kin sanni da basira ba irinki bace da awara kawai Kika iya Ni koyar girki nayi a gidan masu kudi kin San Ina zuwa mu hadu da masu aiki muyi a Nan na iya,Maryam tace ai nasan sai Nan Amma a gidanku Ana fama da Garau Garau Ina Zaki iya na zamani,shi yasa Nima fa tasowa a gidan takauci ya jawo min ban iya girkin kirki ba sai uban Haddar Awara, asoya awara har masters ce Dani,sai tuwo,shinkafa da wake,shinkafa da miya,jullof,Ke jullof din ma irin ta fursunoni wannan Kam Diploma ce Dani a kansu sabo da talauci,Dariya Nabeela tayi tace Uhm Maryam kinyi asara to Mijin naki nufinki Awara zai dinga ci kullum?Maryam tace yo Dan Ubansa idan ya aure Ni Dole ya dinga Karin safe da ita Watarana ko uban wa na Aura Dole ya tabbatar da na iya Awara nau'i Nau'i.

Nabeela tace to ki dage ki dinga koyar na zamani kafin Allah ya kawo Miki Mijin Aure,Zan na zuwa watarana ki dinga koya min Maryam ta furta tana boye dariyarta Don tasan Nabeela baza ta Bari taga mijinta ba,Aiko Nabeela tace Haka kawai kizo girdediya Dake Asad na zagade ke kina giftawa ya ganki ki jawo min masifa wlh bazan koya Miki ba kije ki siyi littafan girki ko ki sa ribar Awara ki siyi babbar waya kina searching a YouTube,ga groups ma iri iri a WhatsApp,Maryam tana dariya tace to Nima makarantar koyon girki Zan shiga kwananan a daina min Gori,shi yasa fa nazo gidanki Ni kadai sabo da Nasan idan Muka hadu sai mun Gama ciwa junanmu Mutunci,Nabeela tana dariya tace ki zauna Maryam mu kwana Mana, Maryam tace rufa min asiri Angon naki fa? Baya Nan tafiya ce ta gaggawa ta taso masa cewar Nabeela,Ina ya tafi to? Nabeela tace Switzerland a fili a ranta Kuma tace ai karyar tawa ce Switzerland din,Maryam tace Dan Allah da gaske kike Yi? Nabeela tace to da Baki ganshi ba,Maryam tana murna tace wacce karyar zanwa Aunty sai na kwana a wannan lafiyayyen gadon naki ko banza na kwashi girki,Ki Bari sai dare sai mu kirata a waya mu ce Asad yayi tafiya ya barni ba lafiya sai na roketa Akan ta barki ki kwanar min ko? Haka za ayi ta wajena.
Haka kuwa dare Nayi Suka Kira Aunty tare da tsara ta har ta Amince da Maryam ta Kwana ba damuwa.

Maryam Har da rawa tasan yau kwana zasuyi da Nabeela suna ciwa junansu mutunci dama sun Saba,Suna ta Hira ta arziki data tsiya Har Magrib tayi Suka Yi sallah sannan Nabeela ta sa Nazia tayi wanka ta Fara barinta tayi wanka da kanta,Nabeela tana shafa Mata Mai Nazia tace Har yanzu Uncle Bai dawo ba Aunty,Nazia zanci Ubanki bana hanaki Zancen Uncle ba? So kike a kure karya ta Dalla sa kayan baccinki muje Palo Abinci Zan daura saura kiyi bacci,Shiryawa Nazia tayi tabi Nabeela Suka koma Palo,Maryam tuni tana kitchen tana jiran Nabeela domin su Fara girki.

Shigowar Nabeela ke da wuya Maryam tace Nabeela Wai Ina Ladi me kidan Kwarya? Nabeela tace Uban Ladi ya fesawa uwarta mari ai Ni Allah ya yaye min wahala Tunda nayi aure Mene Hadina da su,Ni ai cinnaka ce baka San na gida ba,duk mutuncin da muke da mutum ya min ba dai dai ba kin sanni ba sauki,Maryam tana dariya tace ai shi yasa kike birge ni,Suna Hira Suna shirya girkinsu har suka Gama a Palo suka baje tare da cika cikinsu sannan Suka Yi wanka da Shirin Bacci,Kayan Baccin Nabeela Wanda bana lefe bane su Maryam tasa suka dawo Palo suna kallon Hausa Film.

Bangaren Asad kuwa kwana yayi da bakin cikin masoyiyarsa Ihsan,Tuna soyayyar su ta baya ya Shiga Yi Bai San sanda hawayen son Ihsan ya zubo Masa ba,a fili ya furta na Rasa Mahaifina,na Rasa Mahaifiyata ga Ihsan Burin Raina itama na Rasa ta duk ta dalilin Mummyn Damilola da yaranta Wanda bashi ma da tabbas ko sune sila Lallai ya Zama dole ya gano gaskiya meke faruwa,tunawa Yayi da Nabeela tsaki yaja Yace Wai yaushe ma na yarda na Auri wannan yarinyar ne? Na cuci kaina tunawa Yayi da halayen Nabeela na Rashin mutunci a ransa Yace Dole na dakko Nabeela mu zauna a wannan gidan duk tayi min maganin Yan Iskan Nan gidan,Idan tayi min aiki kawai na Bata kudi masu yawa na maida ta gidan iyayenta bana bukatar rayuwa da wata mace tunda na Rasa Ihsan to Babu wata mace da Zan so,gwara na Mutu na huta Banga amfanina ba
Washe Gari da Yamma likis Asad yabi flight zuwa Kaduna gidansa inda Nabeela take da niyyar tafiya da ita taci uban duk Wanda ya Masa ba dai dai ba.








Sharhi pls fans.








AsmaBaffa.
🏠🏠GIDAN GWAURO🏠🏠





NA KUDI NE
IDAN BAKI BIYA BA KARKI KARANTA.

DAN GIRMAN ALLAH KARKU FITAR MIN DA NOVEL DIN NAN ZUWA WASU GROUPS KYAUTA
DAN GIRMAN ALLAH NA ROKE KU.






41-45






Official






By
AsmaBaffa







Page naku ne

ILHAM
MUMMY SANI
MAMAN AHMAD










Asad Yana zaune cikin jirgi fuskarsa a murtuke kawai Ihsan yake tunawa da abinda suka Masa,Nabeela ya tuna Nan take yaja tsaki,Lokacin Maryam ta Kwana gidan Nabeela inda tayi Shirin tafiya gida sabo da ta kwana ta yini,Nabeela ta hada Mata turaruka da wata doguwar Riga me kyau da tsada Wanda itama Kafin Aure Asad ya siya Mata Bata taba sawa ba ta bawa Maryam da wasu kayanta Wanda Bai Fi sau uku ta saka ba set hudu ta Bata da Dubu uku kyauta,Maryam tana murna ta dinga godiya tace Nabeela Amma dai bana lefanki bane ko? Haharar Wasa Nabeela ta watsa Mata tare da Furta ba iznin Mijina Zan kwashi kayan lefe na Baki Bayan shi