You Cannot Download this book untill you login but you can read it .

---

Login Register

tashi kuje ku gayyaci mutanen da kuka ga dama sannan kuce musu karfe 5 zasu zo idan suka wuce ko basu karasa 5 ba to lallai baxasu shigo ba dan tuni ma na sanar da bala".

Dukan su suka tashi a tare ko wace mijinta ya bayanta Hajja ta dai bisu da kallo sannan taci gaba da latsa wayar dake hannunta ko wanne su ya kasance da matarsa yayin da yake bayyana rashin jin dadinsa akan dawowar kanwar tasa haka dai akai ta shigo da lemo na gwangwani da sauran kayayyaki .

Hajja tana zaune a gefen gadon dakin cikin shigar alfarma ta daga kai ta kalli agogan dake manne jikin bangon dakin nan zuciyarta ta fara sake-sake tai saurin kiran wayar dake gidan kiran farko Salim ya daga ya kuma amsa da cewa.

Yana zuwa".

haka ma Adam yai shi kuma Aminu sai da tai kira uku sannan ya daga ya kuma da cewa ta jira shi nan da minti 30 zai fito dan yanzu baze iya fitowa ba saboda wani dalili

Hakan ta hakura ta kuma kasa daukar mataki suka gurfana a gabanta sannan Aminu ya karaso ta dube shi tace Babana sarkin rigima wai yaushe zaka girma ka dena wannan halin naka kasan fa yanzu kayi aure dole sai ka rage wani abu

Ya sosa keya ya durkusa gabanta yace wallahi Hajja kaina ne yake min ciwo ne .

Ai sai kasha magani bawai kai ta zama da ciwo ba,yanzu dai ya maganar shagunan mu na dubai yanzu me ake ciki kuma kunce an sauke kaya amma ba wanda ya sake magana sannan kuma akwai wata oder da nayi dazu a paris wadda nake sa ran zamu samu alkairi acikinta sannan kuma inaso a kara dibar sababbin ma''aikata wadanda zasu bamu hadin kai sannan kuma inaso ko wanne ku ya tabbatar ya tanadin irin kyautar da zaiwa Mama,kun san gobe i yanzu muna tare da ita sannan kuma a samar mata office din daya dace a ita".





UWAR MIJI

PAGE 6 and 7



BY AISHA YAHAYA TANKO✍️

*KING AND QUEEN WRITING CHAMBER*
*(Sarki da Sarauniya Writers)*


_We Rule the World of Writing_


https://www.facebook.com/profile.php?id=100063945240173




SADAUKARWA GA FATIMA IBRAHIM MUHAMMAD ALLAH YA BATA LAFIYA DA DUKKAN MUSULMIN DUNIYA🥰


Gaba daya suka amsa da toh ta kara da cewa inaso ku jawa matayenku kunne akan Auta ta bana San bacin ranta ko yaya.

Karki damu Hajja in sha Allah babu wata matsala balle damuwa ai suma duk na gida ne babu bare acikinsu kuma sun San juna ko da an jima ba'a hadu ba amma zamu tunasar dasu.

"ina da Magana.

cikin sakin fuska to Babanah muna saurararka.

Kema Hajja ki tsawatar mata akan matayen mu kar daga zuwanta zata fasa Mana gida kin San halinta da gadara da izza ya kamata ma tayi kokarin fito da mijin aure itama ta tafi can gidan mijinta ta huta ba muma ta bar mu sake da matan mu cikin walwala

"Cewar Adam.


Wani dogon tsaki taja wanda sautinsa ya fito fili ta gyara zaman fuskar a murtuke ta kai hannu ta dauki robar ruwan dake gefanta ta kurba ta kuma ajiye ta dubi Adam wannnan itace hirar da kuka tattauna kai da ya'n uwanka shi yasa naga bakwa farin ciki da dawowarta gidan nan to ku sani dole ta dawo gidan nan saboda ba inda yafi mata nan kuma dole tayi abinda taga dama ko zan aurar da ita ba yanzu ba sai na da lokaci me tsawo duk ku tashi ku bar min waje bana San kara ganin anan sai na nemeku.

"Kiyi hakuri Hajja tuba muke tsautsayi ne yasa shi fadar haka amma baze kara ba ki duba girman Allah ki yafe masa .


"Ta daka musu tsawa nace ku tashi ku bani waje ko ni na bar muku wajen tunda ban isa ba.

Haka suka tashi jiki a sabule ta kau da kai gefe guda kamar ba su take kallo ba tana jin sun fice ta dauki wayarta ta danna number kiran farko aka daga.
A can bangaren.
"kuwa Hajiya fanna ce hakince a katafaren gadonta wanda ya mamaye dakin ga haske ta ko ina tamkar rana kamshi na tashi ta ko ina sanye take da shigar Alfarma jin karar wayar ne yasa ta dago kanta a hankali tana duban wayoyin dake gabanta idonta ya kai daya daga cikin wayoyin ganin sunan Aminiyar tata ne yasa taki wani guntun murmushi na manya mata tasa hannu ta dauka ta kuma kara a kunneta Hajja ya garin ya kuma Angoye fatan dai kowa lafiya yana ji muryarki haka ko wani abu ne .kiyi hakuri kinsan fa sha'anin yaran nan sai addu'a fa to Allah ya kaimu goben zamu taho dasu sadam in sha Allah.
Bayan sunyi sallama ne ta jiye wayar tace Hajja sarkin rigima.

Tun bayan wayarta da Hajiya fanna kuwa taji sanyi a cikin zuciyarta ta kuma tuna da gobe i yanzu tana tare da rabin ranta Autar mata wato zahra baby. tayi ajiyar zuciya ta kara da cewa Allah ya kawo min ke lafiya gudan jini na.
Sannan ta saurin kunna karamar na'urar dake manne jikin bangon wadda take iya ganin dukkan abinda take gudana acikin gidan me idonta zai gani ta kara murza shi ta tabbatar da su salim ne zaune a wani bangare na gidan ina suka tara matansu suna tattaunawa abin Mamaki Amina ce ta mike tsaye tana nuna salim da hannu kamar zata kai masa duka Nan da nan taji wani abu ya tokare mata kirji tai saurin kashewa tare da kifa kanta jikin kujera tana karanto addu'oin da suka zo bakinta .


Ta fada a fili shin me hakan yake nufi da sake bazan lamunta ba kuma ban haifo ragon da' ba zan sake shi ina kaunarku ya'ya'nah zan nunawa duniya ni uwar miji ce .haka hanne tazo ya shaida mata duk ta gama komai hatta wanke bandakin shima na kammala ko akwai abinda kike bukata yanzu

'Cikin isa bana bukatar komai sai dai ki dauko min magunguna Masha dan yau ko na safe ban sha ba ga kuma na dare.


Subhanallahi uwar dakin mu garin yaya haka ta faru ai kuwa yanzu sai kiyi kokara sha bari naje na dauko miki.Nan da nan ta tashi cikin sauri ta nufi wajen da ake ajiye maganin ta dauko ta kuma nufo wajen Hajja nan ta bude mata robar ruwan ta kuma bude mata maganin tana bata tana sha har ta shanye ta gyara mata wajen sukai sallama ta fice daga cikin dakin.

Tun Asuba gidan Marigayi mudi Baba ya dau haramin kamshi ta ko ina abinci iri-iri ake shiryawa kafin kace kwabo an gama komai an kuma fara shiryawa a babban falon gidan .

A can bangaren Hajjja kuwa tasha ado cikin shiga ta alfarma ta zuwa yan'kunne da sarka tasha as bin hannu na Gold sai walwali take ta ga wani kamshi da yake tashi ta mike ta nufo karamin falon ta zauna tana shan kamshi.

Tana jin muryar su Salim ta kara hade rai ta kau da fuskarta tai kamar tana kallon TV dake manne jikin bangon falon ta amsa sallamar ba tare da ta dubesu .

Wai Hajja har yanzun fushi kike ai kamata yai a wannan ranar ko me akai miki kiyi hakuri tunda yau rana ce ta farin ciki da walwala be kamata Auta ta dago ta ganki acikin wannan halin ba mun ari bakin Adam muna me kara baki hakuri dan Allah .

Tadan saki fuska kada'n ta kara da cewa na yadda amma jiya naga abin daya bani Mamaki akanka ta nuna Salim da hannu tace yaushe ka zama rago kai kuma lalacewar da matarka zata dinga daga maka murya tana nuna da hannu kamar zata mareka wannan abun jiya da shi na kwana shine dambe zaku yi ko kuma naku salon soyayyar ne haka ta dakata da yin maganr daidai lokacin da wayarta ta dau kara nan ta saki murmushi wanda ya tabbatar da cewa sanyin idonta autar ta ce ta kira gaba daya suka mai da dubansu wajen Hajja sannunku! Sannunku!! Sannunku!!! Auta ta kun sha hanya yanzu isa direna zaizo dauki to bakya san ya zo muna tare dasu bari gasu nan zuwa Ta ajiye wayar ta kuma sanar dasu dasu je filin jirgi su dauko zahra sun sauka yanzun nan suka tashi suka nufo wajen da aka tanada domin ajiye motoci Aminu ne yace Yaya salim mu hau waccen jib din can kasan Ac tana da karfi kuma kasan yarinyar akwai rainin hankali cewa zatai mun dauko ta a mota me zafi haka kuwa akai .

Adam ne yake tuka motar cikin nutsuwa yake tafiya can wayar Salim ta hau kara ya lalubata acikin Aljihunsa sunan Hajja ya bayyana a fuskar wayar yace to me Kuma ya faru bayan yanzu muka baro gida kai Hajja ta fiye rigima ya danna sannan ya kara a kunnensa muna fa hanya kinsan akwai nisa tsakinani mu amma in sha Allah nan da mintin biyar mun karasa.yana ajiyewa ya dubesu kunji wannan sangartacciyar yarinyar nan ce ta kirata wai ta fara gajia zafi yana damunta suka yi tsaki ba tare da sun bada amsa ba suka isa filin jirgi can suka hangota cikin shigar riga da wando ko dan kwali babu taci karin gashi har gadon baya ga dogon takalmi tsinsa kamar zai karye kayan sun manne da jikinta tana hangosu ta rugu da gudu ta rumgumesu tana murna jamma'ar da suke wajen suka bisu da kallo bayan sun shigar da kayanta ne duk shima cikin mota ya tayar suka dau hanya a nan take basu labarin tayi wani saurayi dan kasar maroco kuma sun daura alkawarin aure dashi.Adam yaja ya tsaya a gefan hanya suka ce lafiya ya kallesu yace ai dole na tsaya auta tazo da labari me dadin gaske zatai aure a kasar maroco inda mike dad wani katafen companyn zaitun ai kunga sai ta ci gaba da kula sashi.

Suka amsa da Eh ka kawo shawara.


Tab! Aini ba wahala naje ba zaman aure naje kunsan ni bazan iya aiwatar da aiki ba dama ku canja shawara ni dan Allah Yaya Adam kaja mota mu tafi wani wari ne yake dukan hanci.

Aminu ya tabe baki kaji ya'r rainin hankali ta ina zakiji warin bayan ko ina a rufe yake


UWAR MI JI🍁🍁*


*PAGE 8*



*BY AISHA YAHAYA TANKO✍️*



Ta tabe baki tace. "ai daman Yaya Aminu duk abinda nace baka yadda dashi ni wallahi na matsu naga Momcy nah".

"To koh za'a baki motar kija ne tunda kin fimu sauri daga dawowarki zaki farai mana iyayin banza da wofi".

Wai me yasa kuke haka ya kamata ku kame bakunan ku ku sani farin cikin Hajja baya wuce mu farantawa kanwar mu rai amma ku kin ki ganewa sai faman jan magana kukeyi.

Cewar Salim.

Shi yasa nake ji dakai Yaya salim kana nunan kauna sosai da ban nai ma taka tsarabar.

Acan bangaren gidan Mudi Baba kuwa kowa ya shirya tsab dan taryar Babbar bakuwa kuma autar Hajja.

Ji sukai an hon da sauri bala ya tashi ya wangale get Adam ya sako hancin motar be zame ko ina ba sai wajen da aka tanada


Hajja ta karaso wajen motar tana dogara sandanta Zahra ta bude murfin motar ta fito cikin sauri ta rumgume Hajja tana tsalle da murna duk wadanda suke wajen basu isheta kallo ba hajja na rike da hannunta suka karasa cikin daki.

Bala me gadi ya dinga shigo mata da akwatunan ta bayan ya gama ne ya rusuna yace sannun da zuwa Autar uwar dakin mu fatan kinzo lafiya .

Ta kalle shi a wulakance ta kuma toshe hanci tace.

"dan Allah Bala kaje kayi wanka baka ji yadda kake bugawa ba sai kace mushe nifa ba rayuwar Nijeria wannan bacin ran ne damuwata".

Hajja me ka tsayi yi ne ko baka ji abinda Auta tace ba ka fice min daga daki sai kai wanka zaka dawo kuma sai na nemeka .

Cikin sanyin jiki ya fice daga dakin zuciyarsa ba dadi ya jima yana surutai kafin ya koma mazauninsa.


Gefe daya Amina da Salma da Khadijah ne suna jimama abinda Zahra tai musu ji sukai kamar daga sama ana cewa sai kunyi hakuri tunda ta dawo,gida komai ya kara lalacewa.

Karime ce ta karaso wajensu dama nasan wannan ranar tana zuwa ta dubesu duk wannan baze sa ku sami ku sami mafita ba tafiya zaku yi dakin Uwar dakin mu kuce kunzo ku yiwa Auta sannu da zuwa haka kuwa aka yi suna isa sukai sallama nan suka iske Zahra kwance cinyar Hajja tana sangarta suka rusuna a gabanta suka ce.

"Dama zuwa mukai muyi miki murnar dawowar Zahra fatan tazo lafiya".

Ta saki ranta na gode sosai kuje ku huta idan auta ta huta zan nemeku kuzo muyi kari kafin lokacin walima yazo idan kun fita ku turo min mzajen ku.

Kwance take a cinyar Hajja latsa wayar hannunta hajja na tuna kince min su Yaya Adam sunyi aure koh Allah yasa

Zasu dinga biyayya a gareni dan ni bana san raini.


"kaje ana san ganinka a dakin Hajja yanzun nan".

Amina ke wannan maganar.

UWAR MIJI🍁🍁*

*PAGE 9 and 10*




*BY AISHA YAHAYA TANKO✍️*



*KING AND QUEEN WRITING CHAMBER*
*(Sarki da sarauniya writers)*




Duk suka hallara a falon Hajja suna sauraron suji abinda zata ce musu shiru bata ce musu komai ba tama mai da hankalinta akan zahra tana bata labarin paris da kuma yadda tasha gwagwarmayar data sha akan karatun suka gangaro labarin saurayinta ɗan ƙasan Maraco da kuma alkawarin da suka kulla na aure.

Cikin girmamawa yace.

" kince kina san ganin mu ,kuma munzo amma kinyi burus dani hakan yana nuna har yanzu baki wuce ba ya kamata kiyi hakuri muyi abinda ya dace kin san yau muna da baki".

Ta d'an saki fuska hakane komai ya wuce yanzu kowa ya kira matar sa a waya zamu ci abincin rana tunda yau ko kari ba'ai a gidan nan ba duk dan zuwan Autar hajja .

Suka amsa da hakane Hajja suka faɗa suna kokarin mikewa tsaye .

Tai saurin dakatar dasu ta hanyar nuna su da hannu ta kurbi ruwan dake gefan ta ajiye tace.

" ina kuma zaku ko baku ji abinda nace ba"?.

Nan kowa ya amsa da munji suka zaro wayoyinsu suka fara kokarin abinda Hajja ta umarce su da su yi

Cikin lokaci kada'n Kowa ya hallara a wajen cin abinci .

Zahra cikin ya tsinar fuska take cin abincin kamar wadda akai mata dole .

"Nifa Hajja wannan abincin be min dadi ba sai kace na ƴan koyo naji ya fara samun ciwon ciki zanje restaurant naci abinda raina yake so".

tana fada tana kokarin mikewa tsaye.

"Haba Auta ba inda zaki je yau na shirya miki walima ta murnar dawo warki tashi zaki yi kije kiyi wanka kafin me miki kwalliya tazo nan da karfe uku jirginta zai sauka kuma zata taho miki da kayan da zaki amfani da su".

Kowa yai Mamakin Hajja har yaushe ta nemi me kwalliya duk faɗin garin nan na kano ace be isa ba har sai anje legos Tab! Babbar magana .

Bayan an kammala cin abincin ne Su Karime da Hanne suka kwashe kayan da aka bata suka kuma gyara wajen tsaf.

Aka fara shigo da kujeru ana jerasu a harabar gidan aka kuma shirya waje ya kyau sosai sannan Hajja tasa aka jajjera lemuka.

Sannan ta umarci isa direba da yaje filin jirgin sama zai taho mata da bakuwa ta kuma bashi number da zai kira idan ya karasa,ya amsa da to uwar dakin mu me rumbi alkairi ya nufi wajen da aka tanada don ajiye motaci ya zabi daya daga ciki ya shiga Nan da nan Bala ya wangale masa get ya fita da gudu .

Bala ya mai dashi ya rufe ya koma mazauninsa .

Shigar Hajja daki ke da wuya ta iske Auta na kwance tsakiyar gado tana waya.

Haba Auta kin duba lokaci kinga kuwa ai na dauka kinyi abinda nasaki ne ashe ke kina nan kinata faman waya to ki dakata da yinta saboda bose ta sauka yanzu haka anje taho da ita .

Ta kashe wayar tana turo baki ta kuma tsuke fuska tace.

" Nifa Hajja ki kyaleni na huta daga dawo wata zaki fara rusa min shirina kin san kwa da wanda nake waya".

To Auta na Dena amma dai ki tashi kije kiyi wanka kar tazo tana jira kinga Nima zatai min tamu ta manya ko.

Ta tashi tana zumburo baki ta nufin dakin ta .

A can bangaren su Amina kuwa tuni tana gaban madubi tana kwalliya cikin wani tsadadden less me ruwan goro Salim ya zuba mata ido yana kallonta ya magantu yace.

" wallahi Kanwata kin cinye kinga kuwa irin kyan da kikai sai kace yau ne ranar dinner dinmu ki tashi nai miki hoto tun kafin wani yai miki".

gaba daya sukai dariya.

Khadija ce tsaye jikin bangon falonta tana faman daukar selfe Adam ya fito daga wanka yana tsane ruwa tsayawa yai cak yana kallonta.

" Wow kinga kuwa yadda kayan suka amshi jikinki ya zama dole naiwa telan nan babbar kyauta saboda ya fito min da mata kefa zinariya kinfi kowa ya kamata nima na sa kaya ayi hoton dani baza'a barni a baya ba ke din ta da bance da Hajja ta rabani dake ai da tuni ta rasani kefa me kyauce nasan kafin na fada kin sha ji a bakin wasu".

Suka yi dariya a tare ta kuma fito masa da kayan da zai amfani dasu ta shirya shi tsaf ta feshe shi da turare iri da ban-daban.

A can kuma sashen Aminu kuwa suma sun sha adon su sanye suke da shiga iri daya shaddar ta amshi jikinsu ga wani kamshi daya ke tashi .


A can bangaren su Hajja kuwa tuni bose ta shrya su tsab ta kuma gyara Hajja idan ka kalli Hajja kasan naira tayi kuka anan .

Karfe biyar dai _dai kowa ya hallara awajen Mc ya fara gabatar da aikin sa ya kuma yiwa manya baki barka da zuwa tare da yi musu fatan alkairi ya kuma kara da cewa yana san babbar yarinya ta bayyana a nan filin ta nuna farin cikinta da Allah yasa ta dawo gida lfy.

haka kuwa akai ta fito cikin isa tai magana ta kuma koma inda ta fito me hoto da Dije kowa ya fara gabatar da abinda ya kawo shi gidan Marigayi Mudi Baba tun lokacin da Zahra ta fitone Najib ya kyalla idonsa akan Zahra ya kuma sawa ransa ya samu matar data dace dashi dama irinsu yake dan ita ce dai dai shi kuma sun dace da junansu


Duk inda Zahra ta gilma Najib yana binta da kallo tunaninta ya kunno masa kai ya kasa kai komai bakinsa ya mike ya nufo wajen mahaifiyarsa Hajiya Sa'a wadda tana ɗaya daga cikin Aminan Hajja Sarai ya rusuna a gabanta ya soma magana kamar zai fashe da kuka.

" Nifa Hajiya zuciyata ta kamu da san Zahra dan Allah ku kulla aure tsakanin mu ko dan zumuncin ku yafi dorewa na kamu da sosai".

Ta katse shi da cewa.

" bari idan munje gida sai mu san abinda daya dace kaga anan idon kowa yana kanmu kaji shalelena".

ya miƙe ba'a san ransa ba ya koma inda yake .


Bayan anci an sha kowa yayi kat .

Mc ya koma bakin aikin sa cikin murya me karfi yace ina san ganin Yaya Salim babban ɗa ga marigayi Mudi Baba ya fito ya bayyana kansa.

Yaya Salim ya fito cikin shigar alfarma ya fafada murmushinsa ya karbi abin magana ya soma da sallama sanan ya nuna jin dadinsa game da kammala karatun Zahra da kuma irin nasarorin data samo ya sa hannu cikin Aljihunsa ya zaro key din mota yace wannan itace gudunmarsa ga kanwar tasa sannan ya zaro kudi masu yawan gaske ya mikawa Mc.


Nan waje ya gauraye da ihu kowa ya fara tofa albarkacin bakinsa.


Nagode fari me farar aniya bakai farin banza ba Allah ya jikan Marigayi Alhaji mudi Baba.

Yanzu ina san ganin Yaya Adam a wannan fili shima yazo ya nuna mana nashi farin cikin shima ya fito kowa dai ya fito ya nuna nasa farin cikin,bayan taro ya watse ne Hajiya fanna ta kebe da Hajja Sarai nan ta kara bayyana mata mummunan kudirinta akan surukanta .

Karki sake kiyi sake wasu can su mallake miki ya'ya' lokaci guda bayan ke kika sha wahalarsu kika kuma rainesu to dan haka bazaki zuba ido a rabaki da su ba sannan kar ki bari kuma a cika miki gida da yara ki dage kawata ba wasa.

"Kin san kuwa irin shirin dana yi bazaki gane ba dawowar Auta ne ya tsai dani amma yanzu zan dora inda aka tsaya ke dai ki zuba min ido kisha kallo na fada musu ba wani dangantaka tsakanina dasu sai ta uwar miji".


Suka tafa nasanki ba wasa Hajja sarai .

"Kin shirya komai ya shiryu duk ma'aikatan gidan nan sun fito tas dasu,ina autar ne ta fito muyi sallama direba yana can jirana".

Hajja tana can dakinta ita da kawayenta bari na kira miki ita.

Aa kyaleta zan ba da sako a ajiye mata kafin na wuce ta bude jakarta ta zaro wata karamar akwati wadda take dauke da Agogon gold ta mikawa Hajja Sarai ga tawa kyautar ki bata tana fada dai-dai lokacin da wayar tai kara, kinga ya gaji da jira sai munyi magana.

Ta rakato wajen da ya ajiye motar nan ma'akatan gidan suka dinga rusunawa Hajja suna gaida ita.


A can dakin Zahra kuwa tana zaune a katafaren gadonta suna hira da su kausar da Hibba wadanda kawayenta tun suna yara Hibba tace.

"Zahra nifa yanzu aure nake so nagaji da zama haka babu aure".

"tab! Haba hibba ana hira me dadi zaki kawo batun aure dududu yaushe muka kammala karatun da har za'ai maganar aure".

Zahra tace. "nida nayi alkawarin aure da wani dan kasar maroco amma naga Hajja ta nunan bata san nai nesa da ita ta kuma ce dole a bani office babba companyn mu".

Kuma na fara yadda da hakan kunsan wani har fa ya sanar da mahaifansa cewa ya sami matar aure yanzu bansan ta ina zan soma ba.

ai kuwa wannan me sauki ne zan tsara miki abinda zaki ce masa kawata.

Injin Kausar.


"Hmmmm kince kina kaunarsa har ta kai kunyi maganar aure yanzu kuma saboda wani dalikinki mara ma"ana ki canja masa lokaci guda kidai kara tunani kawata".

A can bangaren su Salma kuwa tun bayan dawowarta sashenta ta ke faman zabga kuka.

"Ashe bazaki iya jure komai a kaina ba ki sani bani nai miki ba kuma wadda tai muku uwace a wajen mu baki daya dole mu sawa kan mu hakuri da duk abinda taxo mana dashi ni nasan bazata cutar damu ba".

Ta mike tsaye ni bazan duba ido naga uwar miji tana san cutar da rayuwarta ba dan na auri dan'ta."

Ya saki baki yana dubanta kin san kuwa abinda bakinki yake furtawa .

Uwar miji fa kika ce tab!




```To jamma' a mu hadu a book 2 taku har kullum me san farin cikinku```



*AiSHA YAHAYA TANkO*

An dauko wannan littafi daga shafin https://taskarnovels.com.ng ku ziyarci shafin na https://taskarnovels.com.ng domin samun kayatattun littatafan hausa kama daga kan na yake yake dana soyayya




Marubuci ko marubuciya zasu iya turo mana da littatafansu mu dora masu a shafinmu kyauta don masoyansu su rika Downloading a online,



Sannan marubuta zasu iya turo mana da tarihin rahuwarsu da tarihin rubutunsu, dama sharhin littatafansu don masoyansu su gani kuma su karu da hakan

Domin turo mana da littafi ko tarihin rayuwar marubuci ko marubuciya sai ayi mana magana ta whatssap da wannan nambar +2348140419490



A lura dakyau - kyauta muke saka littafi a shafinmu bama amsan ko sisin marubuci, duk wanda ya amshi kudinku da sunanmu babu ruwanmu,



Alura dakyau - manazarta bama tura littafi ta private ku dena binmu private kuna neman mu tura maku littafi, duk mai bukatar littafi yaje website namu



Alura da kyau - Littatfanmu suna fitowa cikin manhajoji uku ne PDF,TXT