You Cannot Download this book untill you login but you can read it .

---

Login Register

*FAMILY DOCTOR'S*
🩺
💎💎💎💎💎💎💎💎💎💎

🌱🌱🌱🌱🌱🌱🌱
*NAFEESAT RETURN*
🌱🌱🌱🌱🌱🌱🌱

*MALLAKAR:*
_NAFISAT ISMA'IL LAWAL._

*بسم الله الرحمن الرحيم*

⚖
𝐅𝐄𝐄𝐍𝐀𝐇 𝐖𝐑𝐈𝐓𝐄𝐑'𝐒 𝐀𝐒𝐒𝐎📖*
®Ɗ𝚊𝚢𝚊 𝚝𝚊𝚖𝚔𝚊𝚛 𝚍𝚊 𝙳𝚞𝚋𝚞💪✓

𝗝𝗜𝗞𝗔𝗥 𝗟𝗔𝗪𝗔𝗟𝗜 𝗖𝗘✍️

𝗪𝗮𝘁𝘁𝗽𝗮𝗱: 𝗨𝗺𝗺𝘂𝗗𝗮𝗵𝗶𝗿𝗮𝗵👈

\𝗙.𝗪.𝗔📚/

𝗦𝗔𝗗𝗔𝗨𝗞𝗔𝗥𝗪𝗔
𝑁𝑎 𝑠𝑎𝑑𝑎𝑢𝑘𝑎𝑟 𝑔𝑎 𝐹𝑎𝑚𝑖𝑙𝑦 𝑛𝑎 𝑔𝑎𝑏𝑎 ɗ𝑎𝑦𝑎. 𝗚𝗢𝗠𝗔'𝗦 𝗙𝗔𝗠𝗜𝗟𝗬.

*HIKIMAR FARILTA SALLAH*
```An farilta sallah domin a cikin ta akwai godiya ga Mani'imcin sarki jalla Ta'ala, wanda yake shi ne macancancin godiya da yabo, kuma shi ne kaɗai muka keɓe shi da ruku'u da sujada. Ba wani mahaluki da ya dace da wannan. Idan wata masifa ta sami mutum yakan yi maza ya fake da Allah ta yin Sallah, kamar dai yadda Allah yayi umurni a cikin suratul Baƙara, aya ta 45 da cewa:
"Kuma ku nemi taimako da yin haƙuri, da Sallah".
Ganawar da bawa yake yi da Ubangijin sa a cikin Sallah ita ce bauta wadda take ƙarfafa zumunta tsakanin bawan da Ubangijin nasa. Ubangiji kuma yana yi wa bawan baiwar darajar samun kusanta da shi. Hikima ce kammalalliya da aka farilta sallah, don kuwa ta yin Sallah ne ake kankare wa bawa zunubai, muddin dai ya yi sallah yadda ake so.
An ruwaito cewa annabawan da suka wuce, ko wannen su yana da Sallah da yake ibada da ita. Sallolin suna da lokatai biyar; asuba, azahar, la'asar, lokacin faɗuwar rana da na isha'i. Ashe za mu lura cewa Allah ya tara wa Annabi da al'umma tasa sallolin dukan annabawan da suka gabata.
Allah ya sa mu dace.```




*EPISODE Twenty Six*


*SUNDAY*
Gaba ɗaya sun taru a General Parlour kamar yanda al'adan gidan yake, sai da suka gama raha da nishaɗin su, sannan Kaka ya soma magana da cewa, "Kai Fadil ki rawo Fodio tunda ya ƙi zuwa".


"To Kaka". Fadil ya amsa mishi da sauri yana tashi ya fita


Babu jima wa sai ga Fadil ya dawo, ya isar da saƙon zuwan Usman


Kamar mintuna biyar da shigowar sa ne, Usman ya shigo yana ciccin magani, fuskar nan ko alamun fara'a babu, babu wanda yayi masa magana sai Big Dady dake faman hararan sa, sai dai shi ɗin be ma san yana yi ba, tunda be kalli kowa ba, ya samu wuri ya zauna gefen Baffa, sannan ya gaishe su yana latsa wayan sa


Kowa ya amsa, banda Big Dady da hakan ya ƙular da shi, a fusace ya ce, "kai Usman wannan wani irin ɗabi'ar banza ce? Ina ce gaishe mu kake yi amma kanka a waya?"


Sai a lokacin Usman ya ɗago kansa, sai dai be ce komi ba, illa jikin sa da yayi sanyi ya zame hannayen sa daga wayan ya bar sa a saman cinyan sa


Zai sake magana Big Dady, sai Kaka ya tare shi da faɗin, "bar wannan maganar Noor, mu Yi abunda ya tara mu, kasan halin wannan yaron meyasa kake son ɗaukan zafi da shi ne?"


"Baba wlh abun Usman sake gaba yake yi ba baya ba, kamar shi har sai an zauna ana faɗa mishi dai-dai da wanda ba dai-dai ba? Nan ya bar mu muna zaman jiran sa tsawon lokaci, duk sabida shi aka ƙi cewa komi, amma kuma ya zo yana wani sabga daban bayan yasan da cewa magana me muhimmanci ne ya tara mu".


"Well enough to stop talking, ban san ka da wannan halin ba Noor Kar ka soma ka ji ko?" Kaka ya sake faɗa idanun sa kan Big Dady


Gyaɗa kansa yayi, kana yace, "to Baba Allah ya huci zuciyar ka".


Murmushi Kaka yayi, yayinda su Abba da Abbu suka amsa da "Ameen, sai haƙuri ai".


Kaka ya ce, "to ina jin ku, ya muka kwana a maganar yaran nan ne? tunda yau dama na ce zamu sake zama akan maganar".


Abba ne ya ce, "ai Baba duk na tambaye su kuma na ce su turo mun su, kuma sun zo mun yi musu tambayoyi da Yaya (Yana nufin Big Dady) sannan na bincika duk na gano inda yaran suke, har na saka ayi min bincike a kansu. Uwata kuma da Usman har yanzu ba su ce komi ba akan maganar, shi kuma Baffa ɗazu Mahaifiyar tashi take faɗa min Sa'adatu ta wurin ƙanwar ta Hajiya Amina yake so".


Kaka yace, "to Masha Allah Baba na". Sai ya mayar da kallon sa ga Ɗahira da ke gefen sa ya ce, "Matata har yanzu abokin takaran nawa be shirya bane da baki gabatar da shi wajen Iyayen naki ba?"


Shiru Ɗahira tayi kanta a ƙasa


Sai da Big Dady yace, "Daughter you're talking, are you okay? No problem?"


Bata ɗago kai ba tace, "Daddy, I don't have anyone to introduce me to."


"Baki da wanda zaki gabatar kuma?" Cewar Big Dady da Abba da suka haɗa maganar a tare


Sai kuma Big Dady ya ƙara da faɗin, "ko dai kin tsaya ruwan ido my Daughter? Amma maganar babu wanda zaki gabatar ai be taso ba".


Jikin ta a sanyaye tace ,"Daddy wlh da gaske nake yi, wanda muke soyyayya da shi ya ce "ya fasa aure na, sabida Mahaifiyar sa ta zaɓa mishi wacce zai aura".


Daga Aunty Amarya har Abbu da su Big Dady sai da jikin su yayi sanyi, haka zalika Kaka da yayi zugum yana kallon ta ya kasa furta komi


"Yanzu Uwata babu kuma wanda zaki iya gabatar wa ne?" Cewar Abba da yayi maganar a sanyaye


Gyaɗa kanta tayi, don haka kawai taji hawaye ya cika mata ido, a ganin ta abun da kunya a tara su a gaban jama'an gidan ace ta kawo zaɓin ta, amma kuma bata da shi, babu wanda zata iya nuna wa a matsayin gwanin ta, kamar ta ƙatuwar budurwa da ita, a ƙalla yanzu kaɗan ya rage ta cika 26 cif-cif...


Muryan Kaka ya katse mata tunanin ta, sai ta saka hannu tana share hawayen da ya zubo mata tana ci gaba da sauraron shi


Tambayan Usman yayi kamar yanda yayi mata


Usman ɗago kai yayi yana kallon kakan, fuska babu walwala a daƙile ya ce, "Babu".


"Meye kuma Babu?" Abba ya tambaye sa


"I mean har yanzu babu wacce nake so".


Shiru gaba ɗaya parlour'n ya ɗauka, ana jiran aji wani yayi magana a kan hakan, amma babu wanda ya iya cewa komi, har Kaka kuwa, kowa juya maganar nasa yake yi a mizanin hankalin sa


Kaka kallon Abbu yayi ya ce, "Takwara kun yi maganar da Yayar taku?" (Hajiya Ikram, Yana nufin akan Khabeer da ke son Fadila)


"Eh Baba, Yaya yayi maganar da ita".


Big Dady yace, "mun yi maganar, har mun tattauna da mijin ta, babu matsala tunda su ma a shirye suke, za'a haɗa gaba ɗaya dana Isma'il da Shamsiyya". (Sauran yaran Hajiya Ikram, su uku kenan zata aurar itama, har da K.B)


Gyaɗa kansa Kaka yayi yace, "Masha Allah gaskiya nayi farin ciki matuƙa, Allah ya sanya albarka gaba ɗaya".


"Ameen ameen". Suka amsa gaba ɗaya


"Yanzu duk abinda kuka ga ya dace sai ayi, kun san dai idan za'a saka ranan nace muku kar ya wuce wata ɗaya? Sai ayi komi a tsanake zuwa watanni biyu, na ƙara lokaci, a lokacin idan Fodio da Matata sun kawo nasu sai a haɗa baki ɗaya, don baza ayi babu su ba. Kai kuma Fodio kayi ƙoƙarin samo mata tun kafin Ni in zaɓa maka kana ji ko?" Kaka yayi maganar ta sigan barkwanci


Be ce komi ba kamar yanda kuwa babu wanda yayi tunanin zai ce.


Daga nan dai aka bar zancen aka kama wani, inda waɗanda suke da abun yi suka bar wajen.


Ɗahira bata wani tada hankalin ta ba akan maganar, ta bar wa Allah zaɓi, a ganin ta idan ta saka damuwa kanta zata cuta, tunda dama bata iya saka damuwa a ranta ba, da zaran ta saka, to shikenan ta dinga ciwo kenan, duk idan ka ga tana ciwo to tabbas da akwai abinda ke damun ta ne, ba ta iya jure wa damuwa ko kaɗan a ranta, bata da dauriyan hakan, domin zuciyar ta ba ta iya ɗauka, shiyasa ba ta shiga sabgar kowa idan har be shafe ta ba, sabida ta san matsalar kanta.


Aunty Amarya har ɗaki ta kira ta, tayi mata nasiha akan hakan


Amma sai Ɗahira ta nuna mata babu komi, har da fara'an ta


Hakan ya kwantar wa da Aunty Amarya hankali matuƙa, ko babu komi taji daɗi a yanzu, tunda ta san dole ɗiyar ta zata shiga wani hali na rashin masoyi, tabbas rashin Masoyi abu ne me ciwo ga duk macen da ta isa aure amma babu ma nemi, sai dai Allah ya zaɓa mana mafi alkhairi.







⚫⚫⚫


Fannin Usman ma, da dare Daddy ya Kira sa ya titsiye sa akan maganar, a cewar sa "ai wannan shirmen banza ne, shirmen hofi. Ta ya zai ce be da wacce yake so duk girman sa, shekara kusan 33 yana musu wasa da hankali". Tsiya-tsiya sosai Big Dady yayi masa, kuma ya ba shi umarnin "lallai-lallai ya kawo mata zuwa nan da lokacin da Kaka ya ce, idan ba haka ba, zai ɗau mummunan mataki a kansa"


Hajiya na zaune tana jin su, sai dai bata ce komi ba, tunda itama ai tana ƙaunar ganin ɗan nata yayi aure, shi ne babban ɗa a gidan, amma har yanzu be yi aure ba, duk da a ganin ta ai ba wani shekaru ne masu yawa da shi ba, amma ta yanda za'a ganshi da girma, ƙannin sa su ƙara ganin girman sa, ai sai idan yana da mata, itama zata so ta ga jikokin ta ta wajen shi, ai abun kunya ne ma ace yanzu Yusra zata yi aure shi be yi ba, sannan ga ɗaya ƙanwar sa can a ɗakin miji har da ɗan ta, shi ƙaton banza ya zauna.


Shi kuwa Usman ko a jikin sa, tunda a ganin sa dai babu wanda ya isa yayi masa auren dole, don haka be tashi yin aure ba yanzu sai sanda yayi niyya, duk a cikin mata har yanzu be ga wacce tayi dai-dai da ra'ayin sa ba, yana da burin ra'ayin auren mace zaɓin shi da koda yaushe zuciyar sa take raya masa, kuma har yanzu be dace da kalan ta ba, don haka sai sanda ya same ta sannan ne zai yi aure, mata yanzu ba sa gaban sa, shiyasa ya ɗauki maganar Kaka ba ta da wata muhimmanci, bare shi rayuwan boko ya saka wa kansa, har yanzu gani yake yi be kai matakin da har zai iya ajiye mata ba, ɗawainiya ya hau kansa tun da ƙuruciyar sa ya tsufa da wuri.







⚫⚫⚫


Baffa kuwa sosai ya shiga damuwa a wannan ranan, har kuka sai da ya sha ya ƙoshi, ya kuma gode wa Allah, ga shi yana ji yana gani zai bar zaɓin shi babu yanda ya iya, yana kallon wacce yake ƙauna bata da wanda zata iya gabatar wa face shi, amma kuma Mahaifiyar shi tayi masa iyaka da ita.


Ya tuna sanda ya je har ɗakin ta yana kuka ya sake mata maganar "ta amince ya auri Ɗahira, in yaso duk wacce take so ya aura, shi wlh zai aure ta, koda kuwa mata huɗu zata haɗa masa, idan har da Ɗahira to ya amince".


Amma sai buɗan bakin Hajja tace, "kai Al'ameen ka ji Ni da kyau, Ni Ɗahiran ce ba na so ka aura, bazan taɓa haɗa tsatso da A'ishah ba, domin kuwa na tsane ta a raina, ban taɓa faɗa maka hakan ba, amma yanzu sabida maganar nan ka saka ina bayyana maka sirrin dake raina, to wlh idan har ka kuma sake tayar da maganar nan ma, ban yafe maka ba".


Kuka sosai Baffa ya fashe da shi, be iya furta komi ba sabida tsaban tashin hankali, wai yau Mahaifiyar sa ce take furta masa kalmar nan duk a sabida wani dalili nata mara tushe, ko a mafarki be taɓa tunanin akwai abinda zai iya bayyana wa mahaifiyar sa yana so ba, ta kasa mishi, sabida ya san tana ƙaunar sa, duk abinda yake so to itama tana so, hakan be taɓa faruwa ba, shiyasa yake ganin abun tamkar almara. ranan ya sha kuka kamar babu gobe, har zazzaɓi ya kwana da shi a ranan. Allah ya ɗaura masa ƙaunar Ɗahira kamar ransa, amma ga shi a lokaci ɗaya ya rasa ta, abinda be taɓa tunani ba ko da a mafarki, ya rigada ya saka wa ransa ita ɗin tashi ce, tunda be taɓa tunanin akwai wata matsalar da zai shiga tsakani ba, ko da ma akwai, to, sai dai a wajen Ɗahira, ita ma kuma be taɓa tunanin zata iya cewa ba ta son sa ba, tunda ya san girman son da take mishi, ya san Ɗahira a kansa zata iya yin komi sabida farin cikin sa, shaƙuwar su ya wuce misali, babu ɓoye-ɓoye a tsakanin su.
[6/5, 7:39 PM] Oummu Ɗahirah: 💎💎💎💎💎💎💎💎💎💎
*FAMILY DOCTOR'S*
🩺
💎💎💎💎💎💎💎💎💎💎

🌱🌱🌱🌱🌱🌱🌱
*NAFEESAT RETURN*
🌱🌱🌱🌱🌱🌱🌱

*MALLAKAR:*
_NAFISAT ISMA'IL LAWAL._

*بسم الله الرحمن الرحيم*

⚖
𝐅𝐄𝐄𝐍𝐀𝐇 𝐖𝐑𝐈𝐓𝐄𝐑'𝐒 𝐀𝐒𝐒𝐎📖*
®Ɗ𝚊𝚢𝚊 𝚝𝚊𝚖𝚔𝚊𝚛 𝚍𝚊 𝙳𝚞𝚋𝚞💪✓

𝗝𝗜𝗞𝗔𝗥 𝗟𝗔𝗪𝗔𝗟𝗜 𝗖𝗘✍️

𝗪𝗮𝘁𝘁𝗽𝗮𝗱: 𝗨𝗺𝗺𝘂𝗗𝗮𝗵𝗶𝗿𝗮𝗵👈

\𝗙.𝗪.𝗔📚/

𝗦𝗔𝗗𝗔𝗨𝗞𝗔𝗥𝗪𝗔
𝑁𝑎 𝑠𝑎𝑑𝑎𝑢𝑘𝑎𝑟 𝑔𝑎 𝐹𝑎𝑚𝑖𝑙𝑦 𝑛𝑎 𝑔𝑎𝑏𝑎 ɗ𝑎𝑦𝑎. 𝗚𝗢𝗠𝗔'𝗦 𝗙𝗔𝗠𝗜𝗟𝗬.




*EPISODE Twenty Seven*


"Dakata da Allah Ayush! Wani taimako kike so in miki ban da wanda nayi miki? Kin tambaye Ni Numban sa na baki wannan kuma ya rage naki, in yaso ki je ki same shi da soyayyar ki, in kuma kin kasa Wannan kuma damuwar ki ne, amma kar ki ƙara zuwa min da banzan maganar nan taki akan Ni ce zan sanar mishi, ina ruwana a ciki?" Shakira take maganar cikin fusata


Ayush dake zaune a gaban table ɗin ta, idanun ta sun cika da ƙwalla, hannu ta saka ta share tana kallon ta tace, "fine naji, sabida na gama miki amfani shiyasa kike son watsa min ƙasa a ido, don kawai na nemi taimakon ki akan nawa soyayyar? Babu damuwa". Ta ƙarishe maganar tana miƙe wa zata bar Office ɗin


Da tsaki Shakira ta raka ta, bata ce komi ba ta mayar da hankalin ta kan wayan ta, sai yanzu ma take dana sanin amince wa tayi ƙawance da local irin wannan, don da farko a tunanin ta ƴar masu kuɗi ne irin su, shiyasa tayi saurin amince mata, amma yanzu gaba ɗaya dana-sanin yin ƙawance take yi da ita, ta bar ta ne kawai saboda tana mata aiki a kan Baffa da Ɗahira, amma kuma yanzu tunda komi ya ƙare a tsakanin su baza ta iya juran raini wajen ta ba...


Tsakin ta kuma ja cike da takaici.







⚫⚫⚫


Ayush kuma na fita ta tsaya bakin ƙofar ta gama share hawayen ta, a fili ta furta, "wlh wlh sai kin yi nadamar sani na a duniya Shakira, yanda ban yi farin ciki ba kema baza ki taɓa yi ba, idan har kin ga kin samu kwanciyar hankali wajen mijin da zaki aura, to, tabbas nima na samu abinda nake so ne, amma mu zuba dani dake, ba a Shana a zauna lafiya".
Tana gama faɗar hakan tayi hanyar Lefter don zuwa office ɗin Usman, so take yi yau ayi ta ta ƙare, baza ta iya barin soyayyar sa a zuciyarta ba, tana shan wahala ko da yaushe be ma san tana yi ba, dole yau zata bayyana mishi soyayyar ta, ko da zata samu sukunin zuciya, ga shi duk shawaran da Rumanatu take ba ta be yin tasiri, ita kuma Safra da tace zata taimake ta har yanzu bata sake jin ta ba, ko a waya ma Numban ta ya dena shiga, wannan dalilin ne yasa ta nemi taimakon Shakira, Amma kuma ta watsa mata ƙasa a ido, ita a ganin ta Shakira tana da hanyar da zata taimake ta domin mallakar Usman, shiyasa kai tsaye ta je da ƙoƙon baran ta..


Sanda ta isa bakin Office ɗin, tsaya wa tayi tana gyara zaman Labcoat ɗin ta, sai da ta gyara fuskar ta sannan tayi Nocking, sai dai babu answer, haka ta sake yin wani, sai da ta ɓata time a wajen kafin ya ba ta iznin shigo wa, buɗe ƙofan tayi ta shiga


Yana zaune ne kansa a saman table, ga duk kan alamu barci ne ya so ɗaukar sa sai yaji Nocking ɗin ta, amma kuma duk da haka be ɗago ba yana jiran yaji abinda ke tafe da ko ma wane ne


Ɗan numfashi taja kana cikin ƙarfin hali tace, "Doctor wajen ka na zo, can I sit?"


Sai a time ɗin ya ɗago kansa ya bi ta da kallo, ganin ta da Labcoat ya tabbatar masa da itama ma'aikaciya ce a Hospital ɗin, sai dai be iya ce mata komi ba illa sake haɗe rai da yayi yana kau da kansa daga kallon ta, tare da gyara zaman sa yana jingina bayan sa kan kujeran, har da ɗaga kansa sama yayi ya sake mayar da idanun sa ya rufe ruf


Ayush dai na tsaye tana kallon sa, sosai take jinjina halin miskilanci irin na bawan Allan nan, tabbas idan har ji da kai ne da taƙama, gami da izza, idan har ka zo wajen sa to ka gama samu, ko kai uban waye ne sai ya nuna maka wannan halin nasa, abun a jinin sa yake, sai dai in ka zage sa amma dole ne sai ka kwashi haushi a zaman ka da shi


Sai da ta ɗan ja wasu sakwanni tana tsaye ko zata ji yayi mata iznin zama kamar yanda ta buƙata, amma be ce komi ba, kuma ga duk kan alamu ba shi da ninyan cewa ɗin, don haka ta ja ƙafafun ta ta nemi wuri ta zauna jiki a sanyaye, shiru tayi don bata san ta ina zata fara ba, a tunanin ta abinda ta ɗauka ɗin sauƙi ne da shi, amma kuma sai da ta bayyana gaban sa ta gane hakan ba me yiwuwa bane ta sauƙi a gare ta, tabbas kwarjinin sa da tsantsan cika idanun sa bazai bar ta ta samu sukuni har ta faɗi abinda take so ba. haka ta shafe tsawon mintoci tana zaune ta kasa yanda za'a yi ta sanar masa da abinda ke ranta.



Shi kuma Usman tuni ma ya manta da wanzuwar ta wajen, domin ba kaɗan ba barci ne yake son kwasar sa, sabida jiya be samu yayi ishashshen barci sosai ba, kuma yau ɗin kafin ya zo Office ya wuce wani wuri, daga can ma ya wuto nan, shiyasa barcin yake son ya ci ƙarfin sa a yanzu.



Daure wa sosai Ayush tayi, ta ara wa kanta jarumta ta soma magana da faɗin, "dama I have come to tall you that.." sai tayi shiru ta kasa ƙarisawa


Tun soma maganar nata ya buɗe idanun sa da suka soma sauya kala, sai dai be motsa daga yanda yake ba, har yanzu fuskar sa na kallon sama ne, yana jiran yaji abinda ya kawo ta, domin dai zai iya cewa be ma taɓa sanin ta ba a nan Hospital ɗin, shiyasa zuwan nata wajen sa yake ba shi mamaki, duk da kuwa ba yau ya saba ganin hakan ba, amma kuma ita ɗin ya dangana hakan da zuwan ta a kan aiki ne..


Sauya maganar nata tayi da faɗin, "my name is Ayush Abdulkarim, wacce take tura maka saƙo a facebook, kuma kwanaki biyu kenan da soma maka magana ta WhatsApp". Sai ta sake yin shiru


Sai a time ɗin ya ɗago kansa sosai yana sauke rikitattun idanun sa a kanta, sosai ya haɗe rai a wannan karon fiye da tunanin me tunani, wanda har sai da ya sa Ayush ta sunkuyar da kanta da sauri sabida ba ƙaramin tsorata tayi da kallon nan da yake mata ba, tabbas tuni ya gane ta da bayanin da tayi masa, sabida yanda take damun sa a facebook; kullum sai ya ga saƙon ta, that's why tana faɗar sunan nata ya gane.


Be ce komi ba, kamar yanda itama ta kasa yin magana, tsawon lokaci kafin taji muryan sa ya daki dodon kunnen ta


"Get out". Ya bata umarni cikin natsatstsiyar muryan sa


Nan da nan sai ga hawaye sharr sun soma kwaranya a fuskar ta, tana kallon sa tace, "don Allah ka taimake Ni kamar yanda Allah ya taimake ka, wlh wlh zan iya rasa raina idan har ban same ka ba, Ina son ka, ina matuƙar ƙaunar ka, don Allah.."


Tsawan da ya daka mata ne, yasa tayi shiru babu shiri


"Out". Ya faɗa tamkar ana masa dole cikin murya me amo, domin maganar nan da ta saka shi har kanshi ya soma sara wa, dama ga shi yana buƙatar hutu da barci


Miƙe wa tayi idanun ta na tsiyayar da hawaye ta bar Office ɗin.



Lumshe idanun sa yayi yana sake jingina bayan sa da kujeran, ya rasa meyasa yanzu mata suka ɓaci, shin ina suka bar kunyan su ta ɗiya mace har suke iya zuwa su sami namiji su faɗa mishi suna son sa? Sosai yake mamakin yanda duniya ta sauya, ko zai mutu ne ai bazai iya auren mace irin wannan local ɗin ba, in ba raini ba kamar yarinyan nan ta zo har gaban sa tana faɗa masa tana son sa, tsaban takaici ma tsaki yaja ya miƙe ya ɗauki keeys ɗin motan sa ya bar Office ɗin.







⚫⚫⚫⚫⚫⚫⚫⚫⚫⚫


*WEDNESDAY*

Cikin sauri take tafiya kasancewar tayi late, har ga shi 10:03am. Ta yi, wajen motan ta ta ƙarisa ta saka keey tana shirin buɗe wa, sai ta hangi Baffa shima ya fito daga bayan gidan



Tafiya yake yi yana waya kansa a ƙasa yana tsola ƙafafuwan sa tamkar yana ƙwallo


Mayar da ƙofan tayi ta rufe ta taka ta nufi inda yake, be ganta ba har sai da taƙariso wajen, inda daddaɗan turaren ta ya doki hancin sa, da sauri ya juyo suka haɗa ido


Murmushi ta sakar masa, don ganin sa ba ƙaramin faranta ranta ya yi ba, tun zaman da suka yi last two weeks wajen meeting bata sake ganin sa ba. bata yi magana ba ganin yana waya


Sai dai shi gaba ɗaya tunda suka haɗa ido ya rasa sukunin sa, wayan kawai yake yi amma hankalin sa ba ya tare da shi, duk da kuwa ya kawar da idanun sa daga kanta. Ɓata lokaci yayi yana wayan yaƙi ya yanke, sai kamo wani zancen yake yi kasancewar da abokin sa yake wayan.



Ita kuma tana tsaye ta harɗe hannayen ta a ƙirjin ta tana kallon sa, shiru tayi kawai idanun ta a kansa, sosai take ganin sauyi a tattare da Baffa, gaba ɗaya yanzu ta ga kamar ya sauya mata, kwata-kwata ba ya son ganin ta, idan ba haka ba tasan babu yanda za'a yi a kwana a hantse be nemi ganin ta ba, koda kuwa ta waya ne, amma yanzu tsawon satikai kusan uku kenan ana shirin wata ba ya neman ta, tana ganin kamar akwai wani abinda ke damun sa, yanda gaba ɗaya ya sauya har wani rama yayi...


"Keee!"


Tsawan da aka daka mata ne ya sanya ta dawo hankalin ta cikin matuƙar tsoro


Ba