You Cannot Download this book untill you login but you can read it .

---

Login Register

wani ma in ya shigo sai yayi dake"
Ya faɗa yana zabga musu harara sum sum suka Tashi suka nufi hanyar ɗakunan su.

A zuciye suka Faɗa ɗakin nasu Lokacin Farha tana Wanke Toilet ɗinsu Harara sajeeda ta maka wa farha.
"Dallah wuce ki bawa mutane waje jaka! har yanzu kina abu ɗaya gaskiya sai kinbar gidannan dan ba zamu shirya dake ba"
Safna ce ta tankaɗa ta waje suka datso Ƙofar Ran Farha ya Ɓaci, Nan da nan kuka ya tawo mata wanda ta durƙusa a wajan tana yinshi ba ƙaƙƙautawa ta jima tana kuka kafin ta nufi Hanyar ɗakinta sam bata lura da waɗanda suke falon ba ta shige ɗakin faɗawa saman gado tayi tana Cigaba da kukan ta dan abin da su safna sukai mata ya ƙona mata ranta harda ce mata jaka.

"Nace kaji ɗazu musa ya kawo Min mai aiki?"
Aliyu ya sosa kanshi bai nuna alamun ya san da maganar ba.
"A,a ni kam ta yaya zan sani Ammi"
Ya faɗa a taƙaice.
"Yace marainiya ce, ya kawo min ita nidai gaskiya ina da masu aiki da Lagos zan sa akai ta gidan Sadiƙ Ko Sharaɗa gidan salma"
Da sauri Aliyu yace.
"A,a Ammi ki duba ai ba zaki rasa abin da zata yi agidan ba, Tunda yace marainiya ce ai beci ace Kin kaita wani wuri ba shima Musa yaji hakan ba zeji daɗi ba"
Ammi tai murmushi tare da cewa.
"Ni ma tunanin haka dana yi yasa kawai nace zata dinga Muku girki a part Ɗinku tunda ɗazu salamatu tazo Min da batun zatai tafiya ƴarta ta haihu"
Aliyu ya wani haɗe rai kamar bai taɓa dariya ba.
"Gaskiya Ammi ni bana son ƙazanta kawai daga kawo yarinya daga Ƙauye sai ta hau yi mana girki, Duk dani bana cin abincin kowa sai Na Mami ko naki amman bazan so Mami tana cin abincin wadda bamu sani ba"

Ya faɗa yana wani lumshe ido.
"Ai daga gani yarinyar tana da tsafta haƙuri zakai tana muku, Tunda ita mami koda ta dawo ɗin Jikinta bai ƙarfi sosai ba, Sannan kuma ba wai iya girkin zatai kaɗai ba zata Dinga gyara min ɗakina dana su auta tare da wanke mana Toilet"

Aliyu bai ce mata komai ba harta gama maganar tana cewa bari na kirata sai a ji nawa za ake bata a albashin wata.
Ammi ta ɗaga Murya sosai tana kiran.
"Ke Fati zonan"
Cikin hanzari farha ta dafe ƙirjinta dake faman duka.
Ta gyara hijabinta ta fito falon daga nesa dasu ta tsugunna muryarta a dashe wadda take nuni da taci kuka ta Ƙoshi tace.
"Gani"
Ammi ta bita da kallo.
"Matso mana nan dallah malama wa ze ɗaga muryar yi miki magana"
Da sauri farha ta matso daidai saitin Kujerar da Ammi take saman ta wanda ya bata damar kallon inda Aliyu yake zaune ya Fito da wayar shi yana dannawa ya nuna kamar bai san da ita a wajan ba.
"Ka ganta sunan ta fati"
Murya can ciki yace.
"To ni ammi ina ruwana da jin sunan ta duk ma'aikatan dake gidannan nasan sunan su Wasu ma ban san dasu ba, Gaskiya"
Ya faɗa idanun shi akan wayar shi.
Farha takaicin sane ya kamata ta sanya hannu tana share hawayen dake faman zubo mata wai Bawan Allah ne yake nuna mata Ko in kula.
"Nima abin da yasa na gaya maka sunanta har na kirata dan naga Musa ne ya kawota Shiyasa, Fati nawa kike ganin za mu dinga biyan ki?"
Farha tai shuru Aliyu yaja tsaki mai ƙarfi yana Danna wayar Hannun shi.
"Kin min shuru malama, wannan kuka naki baze Fishsheki ba in ma zaki haƙuri ki haƙuri ki dangana in kuma kukan zaki zan kira Musa na gaya masa"
Da sauri Farha tace.
"Ni dama zaki gaya masa ɗin dan Allah yazo ya fitar dani daga gidannan wallahi bazan iya aikin nan ba na haƙura zan koma ƙauyen kawai"
Daga Aliyu har Ammi zuba mata ido sukai ita ammi tana, tunanin ko sangartata iyayenta sukai da rashin aiki Suka mutu suka barta da aiki, shi kuma Aliyu jinjina ƙuruciyarta yake ko in ta bar gidan ina zata je oho mata.
"Wato ke ba zaki zauna ki nemi na kanki ba Kin saba rashin aiki ƙila iyayenki sun sangarta ki gashi sun Mutu sun barki da aiki To shikenan zan gaya wa Musan in yazo sai ki bishi ɗin baki da rabo"
Aliyu yayi saurin cewa.
"Ammi kada ki biye mata da ƙuruciya a tare da ita, Ki barta a haka zata saba"
Kuka farha ta saka.
"Ni babu abin da zan saba gaskiyata na faɗa akira sa ya mayar dani gidanmu bazan iya wannan aikin ba daga farawa yau har yaran can suna cemin jaka ni ko agida ina da ƙannen da suka fisu girma Duk talaucina ba zan zauna inda ba'asan darajar mutane ba.......bata ƙarasa ba ammi ta wanke mata fuska da mari.
Kafin ta janyota zata rufeta da duka Aliyu yayi saurin janyo farha yayi bayan shi da ita.
"Haba ammi me kike son aikatawa ne baki san amana Allah ya baki ba ita ɗin marainiya ce in kika cutar da ita Allah zai saka mata, Bayan nan akwai Hukumar kare haƙƙin ɗan adam dan tana mai aikin ki baze yuwu ki na dukan taba gaskiya ammi wannan ba daidai bane ba, Ina zaton yarannan zaginta sukai shiyasa take wannan kukan kin san ba kowa ne yasan aci zarafin shi ya haƙura ba dole zata ma gidannan kuɗin goro tunda bata sami karamci daga mutan gidan ba"

Ammi da ranta yakai ƙololuwar Ɓaci bata iya ce masa komai ba sabida ammi mace ce mai jarabar son ɗa ko kaɗan bata ƙaunar laifin ƴaƴanta Musamman waɗannan Biyun da kata ɓasu gwara ka taɓa kowa agidan shiyasa suke cin karan su babu babbaka suke taka uban kowa a ma'aikatan ɓangaran nasu kowa haƙuri yake dasu Aliyu kaɗai suke shakka shine yake cin Ubansu kai tsaye.

"Wuce ki bani guri ƴar ƙauyen banza in baki saita bakin kiba wallahi kafin kibar gidannan sai na miki Illah akan ƴaƴana ke har wace da zaki zo gabana kina magana yadda ranki yake so, Karkiga Musa ne ya kawon ke duka zakici kamar jaka"
Da gudu Farha tabar wajan tana wani irin Kuka.
Aliyu zeyi magana Ammi ta ɗaga masa hannu alamar bata buƙatar maganar shi sai da ta ɗauki lokaci kafin tace.
"Ka kira min musa yazo ya ɗauki wannan yarinyar"
Kai tsaye yace.
"Ammi ki haƙuri gaskiya ba zan iya cewa musa mahaifiyata ta kasa riƙon ƴar uwarshi ba sabida Musa mutum ne mai sona mai ƙaunata ya ɗauke shekaru yana min hidima ganin mun zama ɗaya ne yasa har ya kawo miki ita a ganinshi zaki iya Riƙonta"
Ammi miƙewa tayi bata ce komai ba tabar falon tayi hanyar ɗakinta ta shiga ciki ranta a mugun Ɓace.

Aliyu ya jima a zaune kafin ya miƙe kanshi tsaye ɗakin da farha ta shiga ya nufa.
Rufo ƙofar yayi tare da zira key kwance take a saman gado kuka take mai sauti ya janyo stool ya ɗora ƙafarshi ɗaya akai ya zuba mata ido kafin yayi gyaran murya.
"Idan kika ce rashin kunya zaki wahala zaki sha a gidannan koni da Ammi ta haifa ina mata ladabi wajan furta magana"
A ƙufule ta ɗago ta zuba mai jajayen idanunta.
"Ni kuma da aka siyo jaka ba zan mata ladabi wajan maganar ba daga nan suyi ta dukana har mahadi ya bayyana"
Ta murguɗa mai baki ta juya mai baya tana cigaba da kukanta.
Can ta kuma cewa.
"Kuma Allah zai saka min abin da kayi min, Bazan ji ko mai akan duk wata matsala da zata sameni ba tunda nina ƙi bin maganar iyayena kuma alhakin salim ma baze barni ba amman daɗina ɗaya addu'ar umma ba zata taɓa barina na sha wahalar da kake son ganina cikin taba"
Ta faɗa cikin kuka har da shashsheka!
Murmushi yayi mai sauti.
"Burina na ganki kullum kina kuka masifaffiya, Kin yi jagora wajan jefani acikin matsala sabida ƴar ƙaramar Buƙatarki wadda in da zaki biyo jerin Masu Roƙona na taimaka musu dana baki ninkin ta amman kika gwammace kiɗa akan karatu"
Cikin kuka tace.
"Allah ya kiyaye nazo na roƙi abu a wajan wanda bai san darajar ɗan adam ba mai karya alƙawari wallahi mutane kallon Kitse suke wa rogo amman kai asalin Mugune mayaudari"
Wata irin tsawa ya buga mata cikin har gagi kamar ze doketa ya ce mata.
"Be quiet to me ke har kin isa ina magana kina magana dan baki da mutunci ni sa'anki ne? kada ki ga nai miki maganganun soyayya a baya ko kaɗan maganar ce kaɗai a harshena amman ko Haƙorina bata taɓa ba ban taɓa jin son ki araina ba kamar yadda kika sani na aure kine danna Hukuntaki akan laifin ki, wanda son zuciya ya sanya kika aikata shi gaba in aka ƙara yi miki tayin Aiki irin nawa ba zaki ƙara yi ba stupid"

Cikin kuka tace.
"Ai aiki nayi ba maula ba kuma wallahi ko yanzu nabar gidannan sai nayi maka abin da yafi wannan Mayaudari macuci wallahi na tsanake Allah ya saka min"
Yayi murmushi wato rashin kunya a jininta yake ya lura bata tsoro tana da kafiya irin su basa Saduda barin hali sai Mutuwa.
"Ke har kina tunanin barin gidannan? to bari kiji Naga alama baki san ciwon kanki ba shiyasa naga kinfi dacewa da wanke wanke da sharar gidannan dan baki kama da ƴan jarida ba sai Ƴar aiki sabida ɗan jarida mutum ne mai nutsuwa mai ilimi mai bincike da hangen nesa Amman ke asalin jahila ce marar kan gado ke in banda baki da hankali ko igiyar takalmina kin kai matsayin ki riƙe bare Kiji nace ina son ki har ki yarda lallai rashin tunanin ki yayi yawa Duhun kai da jahilci yasa kikai gigin aurena zaki mutu da igiyar aurena akanki Ko Ƙofar gida ba zaki Ƙara leƙawa ba zaki zauna ki dawwa ma anan kina mana bauta nida mahaifiyata da matata in kinga kin fita daga gidannan to gidan zoo aka kaiki ganin dabbobi ƴan uwanki"
Daga haka yaja ƙofar da ƙarfi yabar mata ɗakin.

"Innalillahi wa'innah ilaihirraju'un"
Farha ta faɗa da ƙarfi tana sakin wani irin kuka tashin hankali ba'a saka maka rana.......
*RABO YA RANTSE! littafin kuɗi ne 500 naira zuwa wannan asusun bankin 0078174806 Sterling bank, idan kuma kati ne mtn card na 500 hoton sa za'a ɗauka a turo,shaidar biya 09022260850*

*RABO YA RANTSE*

*19*


*A LOVE STORY 19*

Farha tayi kuka har ta godewa Allah gashi babu mai rarrashinta ga wani irin tsoro daya cika mata zuciya sabida ta lura ɗakin tane kaɗai a falon su ɗaku nan su yana cikin wannan corridor ɗin data je ta gyara musu Haka ta ƙudundune Jikinta waje Ɗaya Har bacci ya fara ɗiban ta sai ta tuna batayi sallah ba ta miƙe taje toilet tayo alwala ta shinfiɗa Ɗankwalin ta tayi sallah ta jima tana addu'a Akan Allah ubangiji ya kawo mata mafita acikin halin data shiga kafin ta shafa addu'ar ta jingine kanta ajikin gado Bacci Ɓarawo ne ya sace ta wajan.

Aliyu yana shiga part ɗinshi tuɓe kayan jikin yayi ya rage daga shi sai Dogon wando fari da single ƙasa ya sauka ya haɗo coffee sai tururi yake ya zauna a saman sopa yana sha ya kammala ya jona system ɗinshi a charging, ya rage hasken ɗakin ya kwanta tare da janyo ƙaramin Pillow ya matse shi.

Duk rufe idanun da zeyi Hoton fuskar yarinyar yake gani tana kuka, yadda Ammi tai mata abin ya dame shi sosai yadda ƙannen shi suka cimata mutunci abin ya taɓashi sosai ya mirginawa gefe yaji Muryarta tana amsa kuwa acikin kunnen shi lokacin da take ce masa tasan baze cutar da ita ba.
Tashi yayi zaune tausayin tane ya rufe shi sabida shi mutum ne mai tsananin tausayi duk zafin ranshi da kafiyar shi yana da saurin tausayi.
Miƙewa yayi tare da ɗaukar jallabiyar shi daya rataye ya ɗora ta a saman Wandon jikinshi ya zira slipers, Ya sauka ƙasa Ya buɗe ƙofar falon ya fita gidan yayi shuru sosai sabida dare daya soma yi, Kai tsaye ɓangaran Ammi ya nufa ya Buɗe Ƙofar Falon ya shiga hatta Tv ɗin ba'a kashe ba Hasken falon ma haka da alamun tun tashin da Ammi tayi ta shiga ciki bata kuma fitowa ba kashe hasken falon yayi ya kashe tv Sannan ya shiga ɗakin Farha Hasken ɗakin yana kunne Tana zaune akan ɗankwalinta da alamun sallah ta idar bacci ya ɗauketa a wajan Ya ƙarasa gabanta ya tsugunna ya zuba mata ido murmushi ya saki Aranshi yana Jinjina ƙanƙantar ta sai Masifa da rashin kunyar tsiya.
Ɗagata yayi cak ya ɗora a saman gadon ya zare mata hijabinta ya ƙara mata Ƙarfin Fankar ɗakin sannan ya kashe mata ƙwan ya rufo Ƙofar ya fita Mayar da ajiyar zuciya yayi ganin tayi bacci bata cigaba da kukan ba.
Shima koma yayi bai kwanta ba alwala ya ɗauro ya cigaba da sallah har wajan ukun dare sannan yayi sha'i da wutiri ya kwanta bacci ana asubahi kuma ya farka yay raka'atul fijir ya fita masallaci daga masallaci Kayan training Ɗinshi ya zo ya saka ya fita Filin motsa Jiki wanda ya kwana biyu baiyi Morning training Ɗin nashi ba, Bayan ya dawo kuma wanka yayi ya kwanta bacci kafin zuwa anjima ya fita office

Bacci take mai cike da firgita haka kawai take firgita acikin baccin nata wataƙil ko sabida rashin sabon kwanciyar kaɗaici ne oho! sabida ta saba da kwanciyar Gidansu duk da ita kaɗai take kwana a uwar ɗakin umma amman Tana jin hayaniyar Mutan gidan nasu.

Sam bataji kiran sallar asubahi ba haka taita bacci har rana ta fito batayi sallah ba dama al'adar Ammi da sunyi sallar asubah baccin su suke koma In su safna basu da lecture ma har wajan 12 bacci suke Hajjo zata jera musu abincinsu masu gyaran falo su gyara Su kuma duk sanda suka ga damar Fitowa zasu fito suyi break ɗinsu su kunna kallon su batare da wata damuwa ba.

Sai wajan 11 wayar bashir ta farkar dashi wanda yake masa bayanin motocin sun iso kamfanin shi na abuja duk kuma abin da ya dace sunyi shida manager sabida haka gobe ko jibi ze tawo kano.
Suna gama wayar da Bashir ya miƙe Ya kuma shiga bathroom ya jima aciki kafin ya fito da ruwa ajikin sa alamun wanka ya sako, Ya shirya cikin black trouser tare da white shirt mai dogon hannu wadda ta fito da zatin Ƙirar Jikinshi Ya fesa turare ya maƙala Baƙin agogon fata a tsintsiyar hannun shi ya ɗauki Black shoe mai Buɗaɗɗan sama ya sanya ya ɗauki wayarshi kai tsaye Part Ɗin Ammi ya nufa domin su gaisa ya fita Office Duk inda ya gifta ma'aikatan gidan na zubewa suna gaishe dashi har ya shiga Falon Ammi abin mamaki babu alamun sun tashi daga bacci ya ɗaga kai ya dubi agogon bangon dake ɗakin Ƙarfe sha ɗaya har da Mintuna arba'in.
Zama yayi a saman one seater har wajan 12 babu motsin kowa miƙewa yayi ya shiga ɗakin Farha abin mamaki ya bashi yadda ya kwantar da ita haka yazo ya same ta a sheme baccinta take sosai da alamun Kuma baccin yana mata daɗi dan da alama ko sallah bata yi ba.
Toilet ya buɗe ya taro ruwa a hannunshi yana zuwa daidai fuskarta ya yayyafa mata ruwan Firgit ta Miƙe tana sosa fuskar tata da alama Sanyin ruwan ya ratsa mata Jikinta.
Ya koma jikin Ƙofa yayi folding hannunshi fuskarshi a ɗaure ya dube ta.
"Why are you sleeping like this until it is time for prayer?"
Da sauri ta kalli saitin window, ah lallai yace baccin me take haka har lokacin sallah ya wuceta, Sai dai ta ɗan tsorata sanda taga inda take a kwance ita dai tasan a saman ɗan kwalinta ta kwanta to waye ya hawo da ita saman gado.
Ta juyo ta kalle shi ganin yadda ya ɗaure fuska Ya haɗe girar sama data ƙasa ya sanya tai maza ta sauko daga saman gadon shaf ta manta babu hijabi ajikinta ta wuce shi ta shige toilet alwala ta ɗauro harta fito yana nan tsaye aranta tace ko soja ya rufa maka baya kai dai baka gajiya da tsaiwa kamar yasan abin da take faɗi kenan azuciyarta sai jin muryarshi tayi yana cewa.
"Why are you looking at me or you are not praying?"
Ɗankwalin ta shinfiɗa a ƙasa ta tayar da sallah har ta idar yana tsaye ta jima tana addu'a kafin ta shafa ta juyo Ta kalle shi Tai ƙasa da kanta cikin rawar murya tace masa.
"Ina kwana"
Bai amsa ba ya cigaba da magana.
"Ina wayar da na baki ki saita alarm amman No Need ki dinga Missing jam'i bayan akwai masallaci acikin gidannan,Take care that I don't catch you again and don't pray early"
Ya faɗa mata hakan lokacin da yake ƙoƙarin Buɗe ƙofar ya fita.
"Amman dan Allah in ka fita ka sa azo ayi sauka a ɗakinnan"
Cikin mamaki ya juyo ya dube ta.
"Sauka kamar yaya I don't understand you"
Hawaye ta matso da yawa muryarta na rawa.
"Nidai na san a ƙasan ɗankwali na nayi sallah na kwanta amman dana tashi na ganni a gado"
Ta faɗa tana sakin kuka mai ƙarfi.
Dariya ta bashi amman bai yi yadda zata ga dariyar tashi ba.
"Toke mai yasa kika yi salla a ƙasan bayan akwai carpet a ɗakin?"
Shuru tayi masa tana cigaba da kukan ta da gaske dai tsoron ɗakin takeji.
"Shikenan dama nine na gayama aljanun ɗakin su dinga hawar dake saman gado in kinyi bacci har bakin masifa ma zasu dinga Yankewa"

Da sauri ta miƙe ta biyo shi tazo gab dashi kamar zata Rungume shi hawaye take.
"Dan Allah kayi hakuri ba zan kuma maka magana ba daga yau"
Duk yadda yake Ƙunshe dariyar sai da ta fito Ya ɗan yi dariyar kaɗan wadda ta ƙara haska zatin kyan shi.
"Tom naji jeki ki gyara kayanki ki jera su kije ki break ba zasu kuma ba"
Daga haka ya fita daga ɗakin Bakin gado ta koma ta zauna tsintar kanta tayi tana murmushi sabida yadda yayi mata magana yanzu cikin sigar son ya kwantar mata da hankali.


Lumshe ido tayi tunanin Ummanta da Missing ɗin ƴan gidansu ya kamata.
*WACECE FARHA* ?
*RABO YA RANTSE! littafin kuɗi ne 500 naira zuwa wannan asusun bankin 0078174806 Sterling bank, idan kuma kati ne mtn card na 500 hoton sa za'a ɗauka a turo,shaidar biya 09022260850*
*RABO YA RANTSE*

*20*


*A LOVE STORY 20*
Malam Abubar ɗan asalin ƙaramar Hukumar gwale dake kano ɗan cikin unguwar Mandawari mazaunin unguwar Ɗandago, Ɗa Na uku a wajan mahaifin shi Malam Abubakar tun asali sana'ar sai da Bilo yake da ita ya tara kuɗi yayi aure inda yake zaune da matar shi guda ɗaya indo Wanda yadda Allah ya hore masa a sana'ar tashi ta siyar da Bilo idan ya yi Sai ya ƙara aure ya auro Hafsatu dukkan su matan nashi Jera haihuwa suke Farko indo ta haifi Adama Sai Hafsatu ta haifi Samira haka suke ta haihuwar su kufi a kufi har sai da suka haifi ƴaƴa biyar biyar duka mata Ganin haka yasa Hankalin Abubakar ya tashi sabida yana masifar son ya haifi ɗa namiji Sai ya fara neman aure a nan cikin Ƙoƙi ya haɗu da Asiya yaje wajan Abokin shi Asiya itace ƙarama a gidansu yayinta duka matane iyayen su sun rasu tun suna ƙananu Riƙonta sai ya koma hannun yayarta.
Abubakar bai ƙasa a gwiwa ba wajan Neman auren asiya wadda a lokacin ba wata babba bace sabida tana da ƙaramin Jiki sosai Yayin ta da farko sunce ba zata su turata tai kishi da mata har Biyu ba sabida yarinya ce amman yadda Abubakar ya dage Haka suka bashi Asiya ya aura ya kawota gidan shi wanda Hafsa da Indo suka haɗe wa Asiya kai suda ƴaƴan su Faɗin irin Wahalar data sha agidan ba ɓata baki ne dan hatta wankin su dana ƴaƴan su ita take Musu a wannan Lokaci haka zalika Ranar girkinsu ita ke Musu girkin a wajan Mijinta kaɗai take samun sassauci dama kuma sai baya nan suke gana mata azabar.
Cikin haka mahaifin Abubakar ya rasu Dama mahaifiyar shi tuni ta jima da mutuwa ranar sadakar bakwai haka matan gidan sukai tafiyarsu Umman zage Babbar yayarsu Asiya tazo gidan kamar an jefo ta taga Asiya gurfane a gaban ƙatuwar tukunya tana faman hura wuta.

"Sallamau alaikum"

Umman zage tayi sallama.

Asiya ta ɗago ido fal hawaye da majinar hayaƙi.

"Umman zage ce agidan namu sannu da zuwa"

Asiya ta faɗa tana Goge fuskarta.

Ta miƙe tsaye ta shiga ɗaki ta ɗauko tabarma ta shinfiɗa wa Umman zage wadda ta tsaya ta zubawa ƴar uwarta ido cike da tausayawa.

"Umman zage ki zauna bara na kawo Miki ruwa"

Cewar Asiya tana nufar randa ta ɗebowa Umman zage ruwa mai sanyi ta kawo mata gabanta ta ajiye mata.

Umman zage bata ɗauki ruwan tasha ba ta dubi Asiya.

"Auta kinga yadda kika koma kuwa? gaba ɗaya kinyi baƙi kin sake ramewa anya kina jin daɗi acikin gidannan kuwa?"

Asiya ta ƙaƙalo Murmushin dole.

"Umman zage, Lafiya ƙalau kawai Baƙuntar zaman waje ɗaya ne"

Ta faɗa tana ɓoye damuwarta, dan kada ta ɗagawa ƴar uwarta hankali.

"Auta idan kin Ɓoye min damuwarki wa zaki gayawa Mahaifan mu sun Mutu sun bar Min ku har ku Huɗu nice babba acikin ku, Dan haka kada kiji shakkar gayan matsalar Ki Kinji Auta Ba zamu bari ki zauna cikin matsala ba"

Asiyah sai ta fashe da kuka.

"Wallahi Umman zage tun da nazo gidannan nike wa matan gidannan Komai hatta Wankin kashin ƴaƴansu, Yanzu ma sun tafi gidan gaisuwa Basu tafi dani ba sun bar Min girkin su kuma idan yazo faɗa zemin yace banje ba Kinsan shi mafaɗaci ne a wajan sa kaɗai nake samun sassauci"

Tunda ta soma magana Umman zage ta zuba mata Ido ita takaicin Asiya ma shiya fi Komai Ɓata mata ranta.

"Shi Mijin naku ya sani?"

Da sauri ta girgiza mata kanta Alamun bai sani ba.

Umman zage ta Ɗaga waya ta kira Abubakar bayan sun gaisa.

"Abubakar yaya ƙarin haƙuri?"

Daga nasa ɓangaren yace.

"Alhamdulillahi Babbar Yaya ya yaran namu?"

Umman zage tace lafiya lau.

"Dama ina gidan kane in kana kusa kazo in kuma Baka kusa nasan an maka rasuwa to zan rufo maka gidanka na tafi da Asiya Gidana in ka dawo ka biyo zamu yi magana"

Asiya ta zubawa Umman zage ido tana kallon ta dama tasan za'ai haka shiyasa tsayin watannin datai agidan tana fuskantar matsalaloli bata taɓa kai wa Umman zage Kukan taba sabida tasan halin ta macece wadda ba'a taka mata nata tana da zafi sosai.
Haka zalika sauran Yayin nata suke su Umman ɗorayi suma duk zafi gare su Ita kaɗai ce mai sanyi tana da haƙuri sosai.

Abubakar ya gigice.
"Lafiya Babbar Yaya? Ganinan base kun kai ga tafiya ba"
Daga haka Umman zage ta kashe wayar bala'i ta shiga surfawa ta inda ta shiga ba tanan take fita ba.

"Tirr da wannan sanyi naki ni akwai kishiyar data isa ta juyani wallahi ba'a haifeta ba baki gado muba kina kallona dai sai dana riƙeku har ku huɗu na aurar daku ai ina da kishiyoyin wa kika gani acikinsu tana muku daidai da kallon banza to zama samun guri tafiya rage tsaiwa"

Ita dai Asiya hankalinta duk a tashe yake na wayar da Umman zage tayi wa Abubakar sabida Tasan In Umma ta tafi ƙarshen abin akan ta zai ƙare, Jimawa kaɗan Yayi sallama ya shigo ya janyo kujera ya zauna Yana gaishe da umman zage.

"Babbar yaya ina yini?"

Ta dube shi

"Lafiya ƙalau, yaya daɗin haƙuri?"

Yace.

"Lafiya lau, Ya kuka je gida? angode Allah ya bada lada"

Umman zage tace.

"Amin"
A taƙaice.

"Dama nazo ne domin na kuma yi maka gaisuwa sai na tarar da Asiya ita kaɗai kaga waccan ƙatuwar tukunyar da take akan Murhu matan ka sun bar mata tai musu Girki fisabilillahi ina asiya ina waccan Tukunyar salon Ƙirjinta ya buɗe"

Abubakar ya haɗe rai a take anan

"To ƙararsu ta kawo Miki kenan? to ai girki ita ya kama tunda su ne masu ƴaƴa dole zasu je Wajan gaisuwa ita kuma tai musu abinci"

Ya faɗa yana hararar Asiyah wadda ta Sunkuyar da kanta a ƙasa.

"Duk ba wannan ba Asiya ta sanar dani irin zaman da take agidannan zamane na bawa da uban gidan shi ita ke wa matan ka wanki hatta girki ita ke Musu to Asiya dai zama dakai bai zame mata dole ba idan Babu hali ka sakar min abata na tafi da ita yanzu base anjima ba"...............


*RABO YA RANTSE! littafin kuɗi ne 500 naira zuwa wannan asusun bankin 0078174806 Sterling bank, idan kuma kati ne mtn card na 500 hoton sa za'a ɗauka a turo,shaidar biya 09022260850*
*RABO YA RANTSE*

*21*


*A LOVE