You Cannot Download this book untill you login but you can read it .

---

Login Register

Kije ki tambayi su kawu Ko Musa ma yasan Komai akai Ammi na Tafi duk Inda Allah ya nufa na zauna nai rayuwa na raini Cikin fatima na zauna da ita kamar yadda itama ta yarda dani ta zauna dani ta rabu da iyayenta akaina Na bar Muku komai nawa Ku riƙe Ni fatima da Cikinta sun fimin dukiya da Duk Jin daɗin rayuwa ina fatan Dukiyar dana bar Muku zata baku farin ciki kwatankwacin wanda Nake baku na barki lafiya Daga ɗanki Aliyu Kuma ina roƙon gafarar Ki in nai Miki ba daidai ba_ ....................
Autar manya ce marubuciyar......
*ƁOYAYYAR ƘAUNA*
*BA SON TA NAKE BA*
*ƊAN MAJALISSA*
*MURADIN ZUCIYA*
*ASHE ZUMA*
*TAURARO*
*KOBA SO*
*RABON WANI*
*FITAR RABO*
*DA IZZATA*
*BAƘON LAMARI*
*AUREN BARE*
*H A S K E*
*RABO YA RANTSE*

*RABO YA RANTSE! littafin kuɗi ne 500 naira zuwa wannan asusun bankin 0078174806 Sterling bank, idan kuma kati ne mtn card na 500 hoton sa za'a ɗauka a turo,shaidar biya 09022260850*
*A LOVE STORY 95*

"Innalillahi wa'innah ilaihirraju'un" Ita ce kalmar da sadiƙ yake ta ambata acikin bakin sa kuma da sauri haka zalika a bayyane yake furta kalmar gaba ɗaya Gumi ya jiƙa wa sadiƙ Rigar dake Jikinsa ga wani Wanda yake Kuma biyowa daga goshin sa zuwa fuskar shi Ita ko salma ƙafafunta kasa ɗaukarta sukai Seta zube a wajan tana ambatar Sunan Allah wani irin ɗaukewa numfashin Ammi yayi na wucin gadi wanda seda Bashir ya riƙota dan gaba ɗaya tai suman tsaye ko motsi ta kasa yi Babu abun da kake ji a cikin falon se sautin Fitar Kukan su Safna.

"Ammi kin cuce mu kin cuci kanki wannan wani irin son zuciya ne me Aliyu yayi miki haka? Ammi aduk cikin mu babu mai yi miki biyayyar da yake Miki Yau gashi kin wayi gari babu shi ko tausaya mai baki ba na halin da ya shiga Jiya ke idanunki sun rufe son zuciyarki kaɗai kike hangowa yau gashi kin buɗi idanu babu Aliyu Ya bar miki gidan da komai nashi Seki zuba ruwa a ƙasa ki sha sabida Murna"

Sadiƙ ne yayi wannan furuci cikin Fushi ya juya zebar falon Musa ya riƙo hannayen shi cikin ladabi Musa yace.
"Ranka ya daɗe a sassauta kalma mahaifiya ce in rai ya ɓaci hankali ke Nemo shi kuma kada ka fita dan Allah muyi zaman neman mafita Ba fushi ba ni ban san abin da yake faruwa ba wallahi da bazan bar yallaɓai yay tafiyar nan ba Kuma ko wayar shi bai tafi da ita ba ka ganta a hannuna"

Ammi ta zabura tana furta.
"Na shiga uku ni Aminatu na banu ina zan ganka Baba wallahi dukkan abin da na gaya maka ba har raina ba tsananin ɓacin ran auren da kai ne batare daka gaya Min ba amman in akwai abin da nafi so a duniya shine ɗan ka Baba"

Bashir ne yayi magana cikin haushi.
"In kina son shi mai yasa Kika kasa karɓar ƙaddarar shi mai yasa har kika furta zaki zubar masa da cikin matar shi har kika kira yaya salama haba Ammi duk Ɓoye ɓoyen da yaya Yayi sabida wa yayi?"

Kuka ammi take tana cewa.
"Ko giya na sha bazan iya zubar da Cikin taba ku fahimceni kurari nake masa har Kiran salama dana yi Kuma koda na shiga ɗaki bayan nayi wa salama waya wallahi Kuka nake Na farin cikin wannan ƙaruwa da Muka samu sannan na Jinjina girman rabo Lallai In RABO YA RANTSE se meshi kuma duk inda mai rabon yake se ya same shi har ga Allah naso mami ce ta sami ƙaruwa da baba amman ni Musulma ce nasan ƙaddara kuma nasan Cewa dukkan abin da Allah yayi ya tsara ya ƙaddara ba makawa seya tabbata wannan yarinya ita ce mai rabon Haihuwa da Aliyu......."

"Amman ammi kika tozarta ta kika wulaƙantata tun a hanya kike aibata ta Nai kukan rashin sani wallahi in da nasan matar yaya ce ba zan taɓa cin zarafin taba dan yaya yayi mana a rayuwa komai muka samu shine sila komai muka zama shine tsani ko kashi ya kawo mana wallahi zamu yaɓa ajikin mu sedai kash rashin sani ya kaimu ga yiwa baiwar Allah cin kashi agidannan raini cin zarafi Kaicon Mu"
Cewar safna tana wani irin kuka duk yadda Ammi taso fahimtar da yaran nata sun kasa fahimtar ta kowa ya ɗora laifin akanta a wannan Lokacin ta kuma tabbatar da cewa kan ƴaƴanta a haɗe yake dan ko wanne acikin su kamar ze haɗiyi zuciya ya Mutu Salma da tunda tazo batai magana ba ita tace.
"Nice shedar cewa matar sa ce dan bai Ɓoye Mini komai ba koda Kuka tafi umara agidana ta zauna Babu kalar wahalar da bata sha a laulayi kuma koda yaushe hankalin sa yana kan matar shi dana zauna nai nazari sena gano cewa wannan aure nasu haɗin Allah ne wallahi nina san duk ranar da ammi tai ƙoƙarin raba shi da wannan yarinya akwai matsala dan mace akewa dole ba namiji ba, Ammi mai yasa idanunki suka rufe kika kasa karɓar ƙaddarar da Allah ya ƙaddarata cikin halak! yau da ace miki ya sami Ɗa ta hanyar zina da wannan yarinya ba farin ciki bane ace ta hanyar aure aka samu ba Ammi duk ɓoye Ɓoyen da yayi na auren shi gudun ɓacin ranki ne ni yasha gaya min cewa salama bana son ammi tasan nai aure sabida bata so salama har fargabar ranar da ammi zata san na ƙara aure nake kuma se Allah ya bashi yarinyar arziƙi wadda take son shi tsakani da Allah wadda take taya shi yi Miki biyayya dan wallahi yadda yake masifar son yarinyar nan wllahi idan irin ƴammatan wannan zamani ce da tuni Ta rabaku da tuni Ta bayyana ita wacece a gurin sa ƙarƙari base dai ki faɗan ki gama ba amman da yake tana da tarbiya ta kwantar da kai ta nuna ita ƴar aikin ce kamar yadda yace tana binki ammi tana bin ƴaƴanki ammi amman ammi seda kika jawo Aliyu yayi nisa dake Kuma ko nice abin da yayi hakan zanyi dan babu irin biyayyar da bai Miki ba wannan son zuciyarki ne Kika so ki aiwatar masa shi kuma haƙurin sa ya ƙare Kinga yanzu ya ɗauke matarsa sun Gudu batare da ya gaya miki kalma marar daɗi ba zeje yayi rayuwar shi ba tare damu ba ze zauna a tsakanin ƴaƴan shi da matar shi Ko zamu gana ko ba zamu gana ba Allahu masanin gaibu"

Da kuka salma takai ƙarshen maganar kafin bashir yace.
"Ammi ke mahaifiyar muce wallahi ammi baki kyauta ba Kuma ina son kawai ki karɓi laifin ki Kuma kiyi nadama wallahi ammi naso yarinyar nan kamar zan Mutu kuma yaya ya gano ina son ta amman bai taɓa nunan cewa Matar sa bace Kuma bai yarda ya sami matsala dani akanta ba seya dinga Nisantani da garinnan wannan Ne silar daya Ce sena zauna a abuja dana dawo yace na tafi lagos da kaina na zauna nai karatun Ɓoyayyar alaƙar dake tsakanin wannan yarinyar da yaya tun daga nan Kuma na fara yakice ta araina domin wata Fuskar tafi gaban mari Kuma ana barin halak dan Kunya cewar bahaushe, maganar gaskiya ammi nadama da gyara abin da ya ɓaci zaki bawai Kita maganar cewa kina so ko bakya so ba domin duk wannan ya wuce Sedai Mu san abin yi wani mataki zamu ɗauka akan wannan matsala ni babban tashin hankalina ma shine kada ƴan Cikin gida suji wannan labari"

Bashir ya faɗa yana share hawayen sa Ammi a raunane tace "Naji bashir wallahi nai nadama ni kaɗai nasan me nake Ji acikin zuciyata Sajeeda bani ruwa bani ruwa na sha" Ta faɗa cikin kuka tana Jan Numfashi da ƙyar sadiƙ ya Miƙo mata ruwan tasha Musa ya gyara Murya shima duk ya karaya Muryarshi ta sauya kamar zeyi Kukan Cikin Sanyin Murya yace.

"Wato ita ƙaddara haka take tana faruwa ne ga bawa batare daya shirya mata ba Kuma batare daya san zuwan taba Da aure da Mutuwa da sauran dukkan jarabawar da Allah ze saukar wa bawan sa yana saukar wane kai tsaye batare da bawa yasan Lokacin faruwar hakan ba sedai kawai yaji shi acikin wannan yanayin to kamar haka ne ta faru a tsakanin auren Aliyu da fatima Nine sheda Kuma dukkan wanda ze bada shaidar wannan aure bayan Nine seko waliyan sa shaƙiƙan sa dangin mahaifin sa dan bana zaton ko mai Gida sadiƙ ya gayawa sabida yadda abun yazo a ƙurarren Lokaci nine na bincika masa komai na wannan yarinya Kuma nine nasan komai daya danganci ita yarinyar tunda niya ɗora akan Bincikar wacece ita wanda Alhamdulillahi ta fito a cikin zuri'a mai kyawun tushe da asali duk da bama su wadata bane iyayenta amman mahaifinta Mutum ne kaifi ɗaya mai gaskiya da riƙon amana ina fatan Allah yasa Ko bayan bayyanar su ne kada waɗannan Maganganu da kalubalen da wannan yarinya ta shiga agidannan yaje Kunnen mahaifinta dan tabbas ze iya raba auren su dan ba ason ranshi ma akai auren nan ba hasalima ita akwai wanda take so akwai wanda aka tsaida maganar auren su dashi To wannan Rabon shine yay ɗawainiya dasu dukkan su har Allah ya tsara auren Nasu Fatima ƴar jarida ce Dan ataƙaice ma daga kanta mahaifinta ya soma barin ƴaƴan shi mata su cigaba da karatun Boko domin dukkan yayinta daga sun taso yake aurar dasu don mahaifinta Mutum ne mai yawan zuri'a sun haura su Ashirin ƴaƴan babanta Kuma duk yadda kuke Ji da haɗin kai wallahi sun fiku dan ina mai rantsuwa da Allah inda sun san halin da take ciki agidannan da tuni maganar rabuwar Aliyu da ita ta tabbata Tuni har anyi an gama.................
Sabida mahaifinta babu ruwan shi da Kuɗin suruki in kuna jin ana maganar dattijo to wannan Mutumin dattijo ne na asali mutum ne mai dattako da Gudun duniya kaifi ɗaya mai magana ɗaya! In zaku tuna kwanakin baya akwai wani ƙazafi da akaiwa Aliyu a gidan wata radio! to wannan labari ita fatima ita ce ta jagoranci yaɗa shi sabida yadda mai gidan radi'on yayi mata Kurarin ze koreta in bata yaɗa labarin ba ita Kuma lokacin ana gabda sanya ranar Bikinta tana Buƙatar abin da zatai don hidimar Bikinta sannan mafi ƙarfin yaɗa labarin akwai rashin sanin Illar hakan a hukunce da kuma doka kasancewar ta farin Shiga a wannan harkar Bayan labarin ya bazu Aliyu ya sakani na nemo masa shugaban wannan tasha wanda har takai su gayin shari'a sedai abin da ya bani mamaki Daya ce na nemo masa yarinyar datai labarin amaimakon yaje mata da sigar Ɗaukar doka akanta a,a se yaje mata da sigar Soyayya nidai a yadda yace Min ze aure ta ne dan ya Ƙuntata mata kamar yadda tai jagoranci wajan ɓata masa suna acikin al'umma sedai Shi Allah yadda kake zaton shi ya wuce nan Allah bai ƙaddara hakan ba seya ƙaddara soyayyar gaske azuciyar Aliyu akan wannan yarinya wadda Lokacin da yaje mata akwai ɗan abokin mahaifinta wanda yake sonta yake mata hidima wanda akai magana da mahaifinta da nasa akan Ze kawo mata Kuɗin aure sedai zuwan Aliyu wajanta ya tarwatsa wannan magana yarinyar ta kafe ita se dai Aliyu Abin da ze baku mamaki yadda bata san Ko shi waye ba amman ta kafe tace ita shi zata aura wanda hakan ne ya fusata mahaifinta har yace wa Aliyu koya turo ya ɗaura Musu aure koya bada ita sadaka wannan tasa a daren Aliyu ya je ga ƙannen mahaifin sa washe gari suka amsar mai auren fatima a wajan mahaifinta wanda Ni ma ina cikin shedun wannan ɗaurin aure nasu Kuma nina ɗauko ta daga gidan su na kawo ta nan bayan Mun Ƙulla cewa Nace ƙanwata ce zatai Miki aiki mata da Miji se Allah kinga ashe har ta samu Ciki ba tare da wani ya sani ba sabida haka Ammi haƙuri zaki ki ɗauki wannan ƙaddara dan mai kyau ce Da Allah yasa akai auren sannan aka samu Cikin Inda a waje aka same shifa ita Kuma wadda kike son ta haihu da ɗan naki Allah bai yarda ta haihu dashi ba har yanzu Kinga rabon fatima ne a gaba kafin na matar tasa sannan maganar da Kike wai abin da Kike tsoro kada ya auro matar da zata rabaku kinga fatima ta ciri tuta kenan tunda har ta iya zaman watanni agidannan tana Miki biyayya dan ba da ban wannan matsala ba da Babu abin da ze faru a tsakaninku da ita Sabida haka wannan ma Izna ce ga wasu iyayen masu takura da sa ido akan sha'anin ƴaƴan su kin ga gashi nan yayi auren Ba tare da sanin ki ba Kuma kina tare da Ita a gida ɗaya har ta sami Ciki duk Allah ya rufe Miki ido ni a ganina ko wannan ma ta ishi ki bar bayin Allah'n nan su sami ƴancin kansu ki rabu dasu dan da ai bayan ranki gwara ayi kina raye ina fatan waɗannan maganganu nawa basu ɓata Miki rai ba kuma zaki saka su acikin Kundin nazari ki ƙara fahimtar cewa idan Allah ya baka babu mai hanaka in Allah ya hanaka babu mai baka Kuma Koda Allah yasa sun dawo gare mu ki gyara laifukan ki ta hanyar so tattali da kyautata wa fatima wannan shine abin da zaki dan ki wanke kanki a wajan Aliyu"

Musa yakai maganar Cikin Nutsuwa Falon tsit yayi kowa ya cika da wannan abun mamaki na auren Aliyu da fatima lallai RABO YA RANTSE se meshi wannan rabo shine silar auren su wanda Allah ya rufe idanun duk wani wanda ze kawo musu cikas akan auren su har seda rabon ya shiga sannan Allah ya bayyana da kansa...


Sautin kukan Ammi ne ya cika falon.

Autar manya ce marubuciyar......
*ƁOYAYYAR ƘAUNA*
*BA SON TA NAKE BA*
*ƊAN MAJALISSA*
*MURADIN ZUCIYA*
*ASHE ZUMA*
*TAURARO*
*KOBA SO*
*RABON WANI*
*FITAR RABO*
*DA IZZATA*
*BAƘON LAMARI*
*AUREN BARE*
*H A S K E*
*ZUMA A BAKI*
*BAƘAR FATA*
*RABO YA RANTSE*
*RABO YA RANTSE! littafin kuɗi ne 500 naira zuwa wannan asusun bankin 0078174806 Sterling bank, idan kuma kati ne mtn card na 500 hoton sa za'a ɗauka a turo,shaidar biya 09022260850*
*A LOVE STORY 96*
Rabo Ya Rantse
Arewabooks autarmanya

"Sadiƙ bani ruwa mai sanyi na sha Bashir ƙaro Mini ƙarfin Ac innalillahi wa'innah ilaihirraju'un Ya Allah ka farkar dani daga Baccin da nake yi Ni Amina na shiga Uku Mai yakai ni ga shiga Hurumin Ubangiji gashi nan tun kafin aje ko ina ya nunan niba komai bace"
Ammi ta faɗa lokacin sadiƙ ya kuma kawo mata ruwan Bashir ya ƙaro mata ƙarfin Ac Amman gaba ɗaya Jikinta zufa yake Se rawa hannun data riƙe Gorar ruwan yake seda ta shanye ruwan tas sannan ta sunkuyar da kanta a ƙasa ta Kuma fashewa da kuka!
"Tabbas Hurumin Ubangiji na shiga domin Shine ya haɗa waɗannan yara kuma shine yay Nufin bawa auren su kariya Kuma shine yay Nufin sanya Rabon haihuwa a tsakanin su Amman ni da ƙarfina da tasiri na a matsayina na Uwa naso na jijjige auren sedai Allah ya nunan Auren nashi ne ba nawa Ba haƙiƙa bani da ƙarfi bani da wayo ko dubara ya Allah ka yafen Nayi laifi Kuma zan gyara dukkan Kura kurai na"
Ammi ta faɗa Bashir yayi saurin cewa.
"Zuwa yaushe zaki gyara Ammi bayan kin bar kari tun ranar tubani Kin riga kin sa har ya tsallake ya tafi wanda bamu san wace duniyar ya tafi ba sannan Kin jefa zargin ba shi muke soba dukiyar shi muke so tunda gashi nan har yana furta yabar mana dukiyar shi Matar sa da ƴaƴan sa sun fiye masa dukiyar daya tara Ammi Tun asali wannan tunanin ya dace Ki soma kafin ki zartar da Hukunci Amman se idanun ki suka rufe wa ganin daidai da aiki dashi gashi yanzu Kin rasa ɗa ɗaya tamkar da dubu dan wallahi Yaya Aliyu ɗane guda ɗaya tak! a gareki amman abin da yake Miki zaki tara ƴaƴa dubu basuyi miki ba Duk wata fankama da Muke da bazar wa Muke in ba tasa ba tun kafin yakai haka ya hana hawayen mu ya zuba ƙasa da sunan na maraici Yake taimakon mu Ammi bazan manta ba In Yaya yaga ranki ya ɓaci Kuka yake Miki Baya barin wajan da kike har se Yaga kin sami Nutsuwa Kin dena Fushi dashi ai kamata yayi Daga Lokacin daya Nuna yarinyar nan matar shice zaki zubar da makaman yaƙin ki kija ta ajiki Ki rungume ta ki nuna mata ƙauna da soyayya da Kulawa Lokacin ne zesan Shima yana da uwa mai farin cikin samun Ƙaruwar shi gaskiya Ammi baki kyauta ba amman inna miki ba daidai ba a magana ta Ki yafe Min dan ke uwa ce a gare ni"

Bashir ya faɗa yana share hawayen shi!

"Ban ji haushin kaba Bashir Don Dukkan maganganun ka gaskiya ne Kuma suna bisa kan tsari na gaskiya sedai nayi Kuskure kuma babu wanda baya kuskure naso ace mami ce ta soma haihuwa da Baba ada sabida ina zaton Duk wadda ze auro ba zata Min Biyayya kamar ƴar da ƴar uwata ta haifa ba sedai tashin farko na gane ita ma waccan yarinyar mai Biyayyar ce don babu wadda zatai abin da tayi Mini Naci mata Mutuncin Ƴaƴana suyi mata amman Ko a fuska bata taɓa Nuna tana da alaƙa da Baba ba Ya Allah nasan nayi laifi Ina neman yafiya da gafarar ka sannan ya Allah ka kare Min Baba da matar shi aduk inda ya sami kan shi aduk inda ya ke Kada kasa hawaye da kukan da nake akan shi su zame masa masifa danni Uwa ce Kuma babu daɗi hawayen uwa akan ɗanta Ni nasan Baba ze dawo gare ni yayi ƙaurar zuci ne kawai amman kaf duniya baba bai haɗa soyayyata data kowa ba In ka cire Allah da Annabi ( s.a.w ) Baba bai da sama dani seko mahaifin sa Ko wannan matar tashi wallahi ba fina tai a wajan saba Bai kuma fi son ta akaina ba Kawai ɓacin rai ne tare da ɗaukin Cikin Jikinta amman Nina san Baba soyayyarshi ɗaya ce tana gare Ni sedai hurumi da matakin Soyayyar matar shi da ɗan shima daban aran shi"
Ammi takai maganar.
"Ammi ki dena wannan kukan ya isa haka addu'a zamu tsanan ta akan Allah ya dawo mana dashi sannan kada ki saka damuwa aran ki Kinga kema lafiya bata wadace kiba"
Cewar salama Ammi ta kuma Goge hawayen daya ƙi dena zubo mata tare da cewa.
"Salama kuka ai ya zama Dole wato ajiya faɗuwar da Baba yayi wallahi bana Ko Tantama akan Abun da nai wa yarinyar ne ɓacin rai yasa ya yanke Jiki ya faɗi salama ke baki san halin da muka shiga ba Baba fa a asibiti ya kwana Numfashin sa ya ɗauke Jinin sa yahau zuciyar shi ta Bugu Amman mai yasa ban duba halin da yake ciki ba nai sanadin ɓacin ran shi ya tafi da ciwo Ga matar tashi naga ƙaramar yarinya ce Tsorona da fargaba na kada ciwon nan ya kuma kada shi a gurin da ba Kowa nasa Ga matar sa ba wata wayayya bace ba Innalillahi wa'innah Ilaihirraju'un"
Ammi ta faɗa hankalin ta a tashe dan se yanzu ma wannan tunanin yazo mata a zuciyar ta.

Salma ta kaɗu da jin wannan furuci na Ammi dan bata da labarin ciwon Aliyu.
"Musa zaka ƙara tsayawa kai da fata fiye da yadda kake ada zamu ƙara haɓɓaka Dukiyar Aliyu da ƙarfin ikon Allah zamu tabbatar da ribar da ze samu yanzu tafi wadda yake samu Ada! sannan zamu toshe dukkan wata hanya da mutane zasu San baya tare damu Zamu Je gidan mai girma gwamna da kanmu tare da Bada Uzirin Saƙo daga Aliyu cewa yaɗan ɗauki Hutu Ya tafi London Dan ya Huta acan wanda In mukai haka ina ganin zamu toshe Duk wata hanya da mutane zasu san abun da yake faruwa sabida Sunan shi ya riga yayi fice muddin Muka bar maganar nan ta fita akwai matsala Bashir bana son naji wannan magana ta fita ka kula ko Cikin Gidan su Baba bana son kowa yaji mu kuma zamuyi addu'a zamu saka ayi masa Akan Allah ya Juyo mana da hankalin sa Gida dan Aliyu shine garkuwar Mu Kuma in sha Allah zamu tsare masa martabar sa da Mutuncin sa yadda ya tafi yabar Dukiyar shi haka ze dawo ya sameta Zamu tabbatar da ƙarfin Zumunci Zamu tabbatar damu zumuncin Mu ba irin na wannan zamani bane daga yau dukkan abincin da Komai da ake a wannan Gida da Kuɗin Aliyu nina soke za'a dinga fitarwa daga aljihunmu nida Bashir har sanda Allah ze Bayyana mana shi ba zamu taɓa mai kwandalar shiba Bashir zaka zauna A Abuja Musa Kana kano Ni kuma Ina lagos zamu tsaya da ƙarfin Ikon Allah"
Sadiƙ yakai maganar Cike da ƙarfin gwiwa dana zuciya Sajeeda tace.
"To Amman yaya sadiƙ kasan fa Yaya Aliyu ba iya gidannan yake ciyarwa ba harda Cikin Gida da sauran Al'umma da yake bawa taimako sannan yanayin yadda Aunty Mami ta fita baka tunanin zata gayawa mahaifiyarta baka tunanin maganar zata fita?"
Sadiƙ ya kalli sajeeda.

Kafin yayi magana Musa yay saurin cewa.
"Nima nasan wasu gidajen da yake kaiwa kayan abinci daga ciki harda Gidan surukan shi Ni na ɗauki wannan nauyi nima da aljihuna zan ke tura Musu da kayan abinci kyauta kamar yadda yake basu batare dana bari sun san halin da ake Ciki ba Dan Ni kam yanzu Alhamdulillahi Nima ina da Kuɗin dazan Iya tsayawa da ƙafata dan Mai gida Aliyu Bangon sukari ne dukkan wanda ya raɓe shi seya sha zaƙi dan bayan albashina yana Min kyauta wadda take sani nai ƙaramin suma wadda Nima da Ita nake Riƙe iyalina nake ɗaukar Nauyin Ƴan uwana Alhamdulillahi Nima na ɗauke wannan nauyi"

Bashir yace.
"Tun da bani da nauyi Akaina ni zan ke aikawa da cikin Gida kayan abincin kamar yadda yake basu in sha Allah" Ammi tace.
"Ni kuma musa a gayawa masu gadi duk sanda wani yazo Neman taimako a kirani zan Fito na bayar Sannan acewa ma'aikatan Gidannan tafiya ce ta kama shi zuwa London sabida kar suga Ya shafe Lokuta baya nan duk da yana tafiye tafiye amman wannan bamu san ranar dawowar shiba se Allah"

Salma ta numfasa tare da cewa.
"Ni kuma zan ɗauke nauyin biyan ma'aikata albashi In sha Allah tare da Hidimar makarantar su Sajeeda kafin Allah ya bayyana shi Allah ya rufa mana asiri ya ƙara mana zumunci"

Sadiƙ da bai ce komai ba shine yayi magana.
"Sajeeda maganar Mami ki barta yanzu bama tada Nutsuwar Yaɗa maganar ga wani sabida ɗayan Biyu ne Ko dai tana cikin damuwar Mijinta Ko tana cikin damuwar Kishiyar dayay mata Koda ta gayawa mahaifiyarta ma Ba zasu so maganar ta fita ba mafita zasu Nema Ko sakina data dawo Zan kaɗata zuwa Jibi Muyi lagos bama zan bata damar sake wata Fitar ba In sha Allah ina tabbatar Miki da se asirin maganar nan ya rufu babu mai Jinta a waje sannan Ku tuna da wani abu kada kuga Mun ɗauke dukkan Hidimar da Aliyu yake ku ɗauka cewa yanzu Muma mun taka da ƙafarmu zamuyi abin da yake yi to fa ku tuna gaba ɗaya da bazar sa muke rawa Domin dukkan kuɗin da zamuyi amfani dasu Daga wajan sa zasu Fito dan albashin mu da dukiyar da muke da Ita duk a tare dashi Muka samu Ilimin da Muke aiki dashi Shine ya ɗauki nauyin sa Haka kema salma Albashin da Kike ɗauka da kasuwancin da Kike Dukkan su da bazar Aliyu Kike rawa dan shine ya tsaya Miki akai dan haka addu'a zamu cigaba dayi masa Allah ya bayyana mana shi Cikin Ƙoshin lafiya"

Sadiƙ yakai maganar Cikin Nutsuwa

"Haƙiƙa Kun cika ƴaƴan Halak Allah ya saka Muku da alkairi Allah ya ƙara haɗa kanku Allah ya bayyana Mini ɗan uwan ku"
Ammi ta faɗa Lokacin ana kiran magariba Kowa ya tashi ya Nufi masallaci Su Kuma sallah sukai agidan Har akai Isha'i salma tana tare da Ammi tana kwantar mata da hankalinta.
Musa ne ya shigo falon bayan sallar isha'i dan har Lokacin bai tafi ba Yazo dan yayi wa Ammi sallama.
Ammi ta dubi Musa.
"Musa in ban takura maka ba dan Allah ka kaini Gidan surukan Baba nida salama Tunda bata zo da Mota ba In mun dawo ka ajeni seka