You Cannot Download this book untill you login but you can read it .

---

Login Register

yafi zama alkairi Allah ya tabbatar sabida seta yuwu rabon ikram ɗinne ma Allah yasa akai haka data shiga gidan sa ita farha ɗin ta Mutu Ai da Ikram gwara da Allah ya kawo wannan masalahar sannan in batun shekaru kike yanzu ikram nada shekara kusan sha takwas a jiki fa tafi farha sannan tafi farhan ki Nutsuwa kawai in yana son auren ai yarjejeniya akan ze barta ta fita tai jarrabawar ƙarshe Shikenan sabida umma wata ni'ima Allah yayi miki kina kallo kece kaɗai mai ƴaƴa mata agidannan meye bamu gani ba wani irin hali ne bamu shiga ba, wallahi umma wani bin ko agidana ina son naci abu mai daɗi kona ɗinkawa yara amman inna tuno ku agidannan sena haƙura na ƙullo na kawo muku ranar da Farha taje take gaya min lokacin su Halifa sun sami aiki amman kowa babarsa yake bawa Abin cefane ranar har kuka nayi nace duk dan ke ake wannan sabida baki da ɗa namiji amman ki duba ni'imar Allah kaf ƴaƴanki Farha ce kaɗai takai shekara ashirin da ɗori batai aure ba amman duk ɗinmu muna shekaru kaɗan Allah yake bamu mazaje to ga Ikram ma farhan datai jinkirin a hakan ashe ajikinta za'a huta sabida haka Umma ki godewa Allah su ga ƴaƴan nan birjik agaban su Na gidan Mijin ma ba daɗi suke jiba mu ɗinnan wallahi Munfisu rufin asiri to zuciyarki wankakkiya Allah ya duba shiyasa ya Yaye maki damuwar ƴaƴan ki cikin sauƙi"
Dukkan maganganun yaya nafisa haka suke kuma umma taji ta sami Nutsuwa sosai da maganganun Nafisa sabida dama sune kamar abokan shawarar tata Umma ta dubi yaya nafisa.
"Haka ne maganarki to Allah ya zaɓa abin da yafi alkairi seku soma tari dan dama nace Ikram taku ce kune zaku aurar min da ita ni hutawa zanyi"
Yaya nafisa tayi dariya.
"Da yake kin aurar da farin cikin ki umma masoyiyyar farha oh wannan ƙauna amman umma yanzu kin dena Jin zazzaɓin ko?"
Umma ta wurga mata pillo tana dariya sannan tace.
"Ai wannan zazzaɓi bazan dena ba har se naga auta ta, Sannan kuma da kike batun na aurar da farha babu fa abin da nayi mata na uwa Kina kallon yadda wannan aure yazo abu kamar almara babu wani shiri haka aka tafi da yarinyar nan kamar Marar gata ko sabbin kaya babu"
Umma ta faɗi maganar cikin damuwa Hirar su suka cigaba dayi har zuwa lokacin da Ikram ta dawo daga makaranta ta gaishe da yaya nafisa ta wuce ɗaki ta cire kayan makaranta ta fito ta shiga kitchen ta zubo abinci ta zauna tana ci suna hirar su.

Aliyu daga masallaci fita yayi zuwa cikin gidan su mahaifinsu yayi Musu sallama sannan ya kira Musa Suka wuce office dan ya ɗanyi abin da zeyi kafin lokacin tafiyar shi ya cika dan Jirgin ƙarfe ukun yammaci ne ze tashi dasu in sha Allahu........
*RABO YA RANTSE! littafin kuɗi ne 500 naira zuwa wannan asusun bankin 0078174806 Sterling bank, idan kuma kati ne mtn card na 500 hoton sa za'a ɗauka a turo,shaidar biya 09022260850*


*A LOVE STORY 81*

Tun da ya shiga office ɗin shi yake faman aiki yana damƙawa Musa dukkan wasu abubuwan da zasu gabatar Idan baya nan seda akai sallar azahar a masallacin Dake cikin kamfanin nashi sannan ya rufe laptop ɗin dake gaban shi suka fita da Musa zuwa masallaci bayan sun idar da sallah Office ɗin dai ya kuma dawowa lokacin ya ɗago ya kalli Musa tare da bashi umarnin ya sai kayayyakin sawa irin dogayen rigunan nan ɗinkakku sabida lokacin ɗinki ya ƙure to ina ma yasan size ɗin ta in ma ɗinkin ne, yakai gidan salama sannan yaɗan yi siyayyar kayan motsa baki ya tafi dasu.
amman yayi sauri ya dawo sabida ze kaishi gidansu fatima kafin Jirginsu ya tashi da ladabi musa ya amsa mai sannan ya fita ya laluba wayar shi ya shiga kiran Layin salama kusan sau uku tana ringing bata ɗaga ba se daya kira na huɗun sannan ta ɗauka da muryar bacci ya hau yi mata masifar baccin me take bata ji kiran shiba Haƙuri ta bashi umarni ya bata akan ta miƙawa farha wayar salama ta miƙe ta shiga ɗakin da farha ke ciki bacci take sosai tace masa bacci take se cewa yayi ta tashe ta, ta bata wayar Salma ta cika da mamakin wannan naci haka amman taja bakinta tai shuru ta shiga tashin farha wadda ta Miƙe bakin ta cike da yawu taje ta zubar ta dawo ta karɓi wayar salma ta fita tabar mata ɗakin.

"Fatima kin tashi lafiya?"
Taji sassanyar muryar shi acikin kunnenta.
Ta turo baki tana wani kwaɓe fuska dan takaicin katse mata baccinta da yayi.
Tayi masa shuru, yayi ƙasa da murya.
"You are angry with me because I woke you up, so I am sorry" ya faɗa cikin ƙasa ƙasa da murya, still shurun nata ne ya kuma biyo baya yaji hankalin shi ya tashi ya kuma yin ƙasa da muryar shi "Kin zaɓi ki hukuntani ta hanyar yi min shuru idan ina miki magana ne kome fisabilillahi me yasa kike son ɗaga hankalina ne?" ya faɗi maganar yana sauke ajiyar zuciya mai ƙarfi a hankali ta kwanta a saman gadon muryarta can ciki tace.
"Ina kwana?" ya saki murmushi me sauti"Se yanzu kika san yaya na kwana bayan da shuru kika min" ta turo baki kamar yana ganinta tare da cewa"Bacci fa nake yi mai daɗi kasa aka tada dani" yayi murmushi "Sallah zanji kinyi and kina azumin?" ta wani yi ƙaramar dariya "Ina yi mana ta yaya zan sha azumi babu wani dalili, sallah kuma tun asubah nayi kaima kasan ba wasa da sallah" yaja ajiyar zuciya tare da cewa "To Alhamdulillahi yaya kike jin zaman naki kuma yaya kike ji ajikin naki?" ta lumshe ido saboda har Lokacin baccin na kanta "Zaman nan yafi na gidanku daɗi sabida Aunty salama tasan darajar ɗan adam kuma tana girmama ni, sannan Jikina lafiya lau sema ƙarin kuzarin dana samu wanda yafi nada" ya Jinjina kai cikin rashin jin daɗin maganarta yasan magana ta faɗa a fakaice wato gidansu ba'a san darajar ɗan adam ba lallai ta riƙi su Ammi acikin zuciyarta seya kawar da maganar yace mata "Jirgin ƙarfe uku zamu bi wace addu'a zaki min?" tayi dariya "Allah ya kaika lafiya, idan kaje kayi addu'a Allah ya baka ƴan uku da ƴan huɗu a wajan Aunty mami" da sauri yace "Kefa bakya son ƴaƴa dani?" ta rufe ido cikin jin kunyar abin da ya faɗa mata sannan tace "Ni ai nai ƙanƙanta da yawa ina zan iya rainon ƴaƴa ai se su karyani ba yanzu ba ita dai Allah ya bata" ya cika da mamakin Furucinta "To idan Allah ya baki fa?" tayi dariya "Zan karɓa amman wallahi sedai kaji da ƴaƴanka dan bazan iya musu komai ba Inji ma da nauyin cikin kai in sha Allah bama zan haihu yanzu ba yadda mata keci wiyar ciki data haihuwa" dariya yayi sosai lallai wautar fatima takai ta kawo tan tare da cikin ma bata sani ba sannan har take faɗin ba zata haihu da wuri ba har sukai sallama dariya yake mata kuma hirar tasu tayi masa daɗi Sabida shirmen data dinga zuba masa Minti kaɗan musa ya dawo Suka wuce Gida wanka yayi ya fito cikin shirin sa har part ɗin ammi mami ta raka shi addu'a ammi ta dinga yi masa Sadiƙ da Bashir ne suka rako shi duk yadda jamila taso ganin Aliyu abin bai samu ba saboda yadda mami ta liƙewa mijinta sadiƙ da Bashir wata motar suka shiga daban driver yaja su shikuma ya shiga cikin wadda Musa yazo da ita suka wuce Gidansu farha seda ya gyara sosai ya saka face mask sannan ya sauka Yabar Musa a mota ya gane gidan duk da an gyara shi amman Yadda Gano gidan abin har mamaki ya bashi shi kanshi doka gate ɗin yayi ƙanin farha ɗan ɗakin su ruƙayya ne yazo ya buɗe Ya zubawa Aliyu ido yaga fuskar shi a toshe Aliyu ya zame face mask ɗin shi tare da cewa yaron "Ki ramin baba agida" yaron yace "Ai baya nan ya tafi gaisuwar Mutuwa" Aliyu yayi shuru kafin yace "To kace wa maman su Farhan tayi baƙo a waje" Yau ce rana ta farko daya faɗi sunan ta na laƙani dan yaron yafi ganewa aiko yaron ya koma ciki aguje yaje ya gayawa Umma wadda tace wa Ikram taje ta gano mata wanene Ikram ta saka Hijabi ta fita Tana zuwa gaban Aliyu taɗan saki fuska ta tsugunna ta gaishe dashi.
"Wai umma tace waye?"
Yayi murmushi yana kallonta.
"Kema wace koke ce Ikram mai ɗan malele?"
Dariya tayi tana Ɓoye fuska.
"Nice dai ikram amman bana ɗan malele"
Aliyu ya zubawa ikram ido lallai fatima tace yaga ƙannenta seya yi mamaki amman duk da haka Yara ne saurin girma ne sukai.
"Jeki cewa mama Aliyu ne yazo Mijin Fatima"
Ai ikram seta ɗago tana dariya.
"Lahh kaine ina farha to?"
Ya zuba mata ido Tafi fatima fari da kyau ya kawar dakai.
"Tana gida mana"
Da sauri ikram ta juya cikin gida ta sanar da umma wadda Ita kuma umma tayi saurin shiga ɗaki tana murna yaya nafisa ce tace wa ikram taje ta shigo dashi Ikram ta fita ita kuma yaya nafisa ta shiga gyara wajan.
"Wai ka shigo"
Ikram na gaba Aliyu yana binta a baya suka wuce babban falon gidan suka shiga ɗan ƙarami na umma.........
Yaya nafisa na zaune akan kujerun da aka zuba ƙananu a falon Aliyu yayi sallama ya shigo cikin nutsuwa yaya nafisa ta amsa mai sallamar kuma tana nuna masa gurin zama sedai yaƙi zama akan kujerar data ke nuna masa da sauri Ikram ta shinfiɗa mai darduma a saman ƙaramin center carpet ɗin falon ya zauna yaya nafisa se satar kallon shi take Kyau kamar shi yay kanshi Astagfirullah ga Nutsuwa wannan kuwa anya Mijin farha ne.
"Ina kwana yaya mutan gidan?" cewar yaya nafisa ya ɗago ya kalleta bata fi sa'ar bashir ba itama farar ce kuma suna kama da ikram yaya akai basa kama da fatima ya kawar da mamakin shi tare da cewa.
"Lafiya lau Alhamdulillahi"
Yaya nafisa taji yayi mata kwarjini tashi tayi ta shiga cikin ɗaki umma ta tarar da umma zaune a bakin gado yaya nafisa tayi murmushi.
"Umma yana jiranki kije ku gaisa"
Umma dama akwai jin kunyar surukai tace.
"A,a Nafisa jeki kira su Babarsu Ruƙayya su gaisa kafin na kintsa"
Yaya nafisa ta ɓata fuska.
"Haba umma gaskiya ki soma fita in yaso sena kirasu daga baya ai ya shaida kece mahaifiyarta ko"
Ba yadd umma tayi haka ta saka hijabinta har ƙasa ta fita Lokacin Yana ta jan Ikram ta magana tambayarta yake ajin ta nawa Ta dage tana gaya masa sega umma ta fito da sauri ya gyara nutsuwar shi kuma bai yarda sun haɗa ido ba yayi ƙasa da kanshi.
Umma ta sami nesa dashi ta zauna.
Da sauri ya ce mata.
"Mama ina kwana mun same ku lafiya?"
Lokacin ta ɗago da Murmushi da kuma alkunya a saman fuskarta tace.
"Lafiya lau yaya mutan gidan?"
Lokacin shima ya ɗago ya kalleta da sauri yayi ƙasa da kanshi Ko kaɗan ba zaka ce maman fatima bace sabida basuyi kama ba Itama fara ce tas.
Ɗakin shuru yayi.
Har yaya nafisa ta fita domin kiran mutanan gidan.....*RABO YA RANTSE! littafin kuɗi ne 500 naira zuwa wannan asusun bankin 0078174806 Sterling bank, idan kuma kati ne mtn card na 500 hoton sa za'a ɗauka a turo,shaidar biya 09022260850*
*A LOVE STORY 82*

Ɗakin Babarsu rukayya ta soma shiga ta gaya mata tazo ga mijin farha yazo sannan ta shiga ɗakin babarsu hadiza wadda dan tsananin ruɗewa seda zaninta ya kunce"Nafisa mijin farha ko mijin fa'eeza?" Yaya nafisa tai dariya tare da cewa "Mijin farha dai shine yazo ya gaishe daku" Da sauri ta juya ta koma falon Umma bata zauna anan ba Ɗaki ta wuce ta sami Ikram a zaune dan tunda Umma ta fita wajan shi Ikram ta tashi daga wajan taba su guri Falon yayi shuru dan duk cikin su babu wanda ya kuma magana tun bayan gaisawar da suka yi.


Aliyu jinsa yake wani iri ita ma umma haka Cikin haka Su Babarsu Ruƙayya sukai sallama umma ta ɗago da far'a ta amsa musu zama sukai suna gaishe da Aliyu Babarsu Hadiza tsabar ruɗewa ma cewa take "Ina farha ɗin?" murmushi yayi tare da cewa "Tana nan lafiya shima sallama yazo yayi musu zeje saudia" daga haka shuru ne ya biyo baya dan ko wacce tasha jinin jikinta Aliyu ba kalar wanda za'a masa baragada a gaban shi bane ba Ko wacce mamaki take ina farha ta samo wannan Miji na kere sa'a falon tsit yayi seda suka ji tashin maganar kawu sannan Babarsu Ruƙayya ta miƙe dan ta gaya masa ga baƙo A babban falo kawu ya zauna Aliyu ya tashi tare da ajewa Umma damin ƴan dubu dubu agabanta yayi mata sallama umma tai kamar ruwa ya cinyeta dan ta kasa Motsi sabida dama ita bamai sake wa bace da surukai wajan kawu yaje a ƙasan carpet ya zauna suna gaisawa.
"Muna ta ganin abin arziƙi fa Allah ya ƙara maka buɗi ina fatima?"
Kanshi yana sunkuye yace.
"Tana nan lafiya nima sallama nazo muku zan tafi saudia bana son ku shiga shakku akaina danna tabbatar Muku da gaskiya ne yasa nazo"
Kawu addu'a ya dinga zubawa Aliyu wadda tai masa daɗi sosai yaran gidan sukai ta zuwa suna gaishe dashi su Halifa ne kaɗai basa nan Amman hatta su Ruƙayya seda suka zo suka gaishe dashi kuma duk wanda yazo se Aliyu ya bashi kuɗi.
"Kaga fa waɗannan duka ƙannen fatima ne" cewar kawu yana dariya Aliyu ya zaro ido sabida sosai abin ya bashi mamaki daya ga su Ruƙayya Dan sun fi farha girma.
Kawu ne yace.
"Amman duka tsiran su babu yawa ita fatima tana da shekaru ashirin da huɗu ne, Su Ashirin da biyu na haifa Akwai wasu a ɗakunan su, ita fatima su Biyar ne a ɗakin su sadiya nafisa fa'ieeza fatima ikram ni bana barin ƴaƴana suyi karatu mai tsawo daga sun taso Indai sun sauke kur'ani aurar dasu nake akan Fatima ƴaƴana suka fara cigaba da karatu wadda ashe jinkirin danai ban bawa salim ba kaine mai rabon, yanzu haka ƙanwarta zan bawa salim ɗin nai masa Huce zuciya"
Aliyu dai bai ce komai yaɗan duba agogon shi ya zaro ido dan lokaci ya tafi.
"To baba ni zan koma duk abin da kuke buƙata ka gayawa mai kawo muku abinci Magana in sha Allah, sannan akwai shagon da nake son na saya maka shi anan Wajan Mandawari se a zuba maka kayan abinci ka dinga saidawa ya ɗan fi zaman haka baka komai"
Kawu ya washe baki cikin Murna yace.
"Kamar kuwa ka sani Wallahi bana son zaman nan haka tunda ina da ƙarfina da lafiyata Nagode Nagode Allah yasa kafi haka"
Aliyu yayi murmushi.
"Baba kada ka damu duk abin da zan muku kamar nayi wa mahaifana na ne Allah ya saka muku da alkairi da kuka bani auren yarinyar ku batare da kun duba ni ɗin waye ba, Kuma in sha Allah zan riƙe fatima da gaskiya da Amana"
Ya faɗa yana tashi wanda lokacin Umma ta fito da baƙar leda a hannunta Dambun nama ne acikin wata farar roba wanda Yaya nafisa tazo mata dashi rasa me zata bashi tayi shine ta fito dashi.
Yana ganin umma ta fito yayi murmushi umma ta kawar dakai Tare da cewa.
"To kazo mana babu zato ka ɗan wannan kayi guzuri babu yawa"
Ta miƙa masa Ledar sannan ta ɗan kalle shi.
"To Allah ya tsare hanya ya kiyaye hanya ya kuma karɓi ibada, Koda wanda zeje wajan farha?"
Cewar umma yaɗan yi jimm.
"Mama akwai saƙo ne?"
Shiga ɗaki umma tayi can ta fito da wata ledar daban.
"Maganinta ne Na ciwon ciki da take fama dashi, to ban san a wani hali yanzu take ciki ba nidai na amso mata shi to kuma har yanzu naji shuru bata zo ba" Umma ta faɗa idanunta yana kawo ruwa se kawu ya hau sababi.
"To Asiya in banda abinki Kukan me kuma zakiyi yaronnan dan fa ya kwantar mana da hankali yazo In marar gaskiya ne ta yaya zezo gidannan eye? kuma yace in ya dawo ze kawo mana ita mu ganta dan hankalinmu ya kwanta"
Lokacin hawayen Umma ya gama zubowa.
"Kayi haƙuri dan Allah,ga maganin nata ka tafar mata dashi ka bayar akai mata akwai duk yadda zatayi amfani dashi ajikin takarda ikram ta rubuta"
Aliyu kasa amsar ledar yayi masifar tausayi baiwar Allah'r ta bashi lallai soyayyar ɗa da mahaifi se Allah ya lura gaba ɗaya hankalin mahaifiyarta ba a kwance yake ba yaɗan sassauta Murya cikin rarrashi Lokacin ya durƙusa a gaban umma ya dafa ƙasa da hannayen shi.
"Mama ki kwantar da hankalin ki, Ina da mahaifiya mahaifin tun muna ƙanana ya rasu, Ina da ƙanne mata wallahi bazan cutar Miki da ƴarki ba naga har yanzu baki gama Yarda dani ba Ni ba macuci bane, amman In hankalin ki baya kwance zanje yanzu na kawo Miki ita inna dawo sena zo na tafi da ita"
Kawu ne ya katse Shi da sauri.
"Jimin maganar banza Haba Aliyu kai kamar ba namiji ba kamanta shirmen mata ne rabu da Asiya soyayyarta da Fatima tayi yawa ban taɓa ganin ɗanda Asiya take so har ta kasa kawaici akan sa kamar fatima ba Inka biye mata ba zaka tafi ba zaman rarrashin ta zakai tayi har Lokacin ka ya ƙure...........*RABO YA RANTSE! littafin kuɗi ne 500 naira zuwa wannan asusun bankin 0078174806 Sterling bank, idan kuma kati ne mtn card na 500 hoton sa za'a ɗauka a turo,shaidar biya 09022260850*

*A LOVE STORY 83*

Cewar kawu Umma ta share hawayen ta.
"A,a Aliyu wallahi na yarda dakai fa Kada ka dawo min da ita ni ai uwa ce Burina Naga ƴaƴana agidan mazajen su Suna zaune lafiya Allah ya Tsare ga maganin nata"
Ta miƙa masa yasa hannu ya amsa Kawu har wajan mota ya raka Aliyu se hira suke kamar sun saba Aliyu ya shiga mota kawu ya koma gida Bakin matan gidan muƙus ba wanda ya iya magana Umma ta Mayar da Ajiyar Zuciya Allah mai rahma da jinƙai yau dai ya fitar da ita daga Gorin Babarsu Hadiza wadda take caɓa mata magana kusan kullum akan auren farha to yau dai ga Mijin farha yazo Mijin kere sa'a kuma ya cika kowa da abin arziƙi dan kuɗin daya bawa Umma haka ya bawa ko wacce acikin su Ranar Umma ta saki ranta har yaya nafisa kafin ta tafi nata gidan tana tsokanar Umma Su kansu yaran gidan wuni sukai maganar Mijin farha ɗan gayu mai kyau mai Kuɗi ranar dai Abin se San barka shi kanshi kawu ya wuni cikin farin ciki Musamman na kawo ƙarshen zaman shi haka da Aliyu zeyi domin wannan shago daze Buɗe masa ba ƙaramin Daɗi kawu yaji ba.

Aliyu jingine kanshi yayi da Jikin seat ɗin kujera mahaifiyar fatima ta bashi tausayi jiyay ze cigaba da riƙe mata ƴarta Amana Muddin rai, Haka zalika mahaifin fatima ya kwanta masa arai sabida yadda ya nuna yarda a tare dashi har kunyar kanshi yaji lokacin da ya ga mahaifin fatima ya dage yana kare shi a wajan mahaifiyarta, yaja ajiyar zuciya yana cewa "Ya Allah ka tayani riƙon amanar waɗanda suka bani yarda" Musa dake driving yace "Oga kana magana ne?" Aliyu yayi Murmushi tare da cewa "A,a" ya faɗa sanda yake Zazzage maganin da Umma ta bashi zaro idanu yayi Lokacin da yake karanta maganin maganine na ciwon mara na gargajiya shine Umma ta karanta tace na ciwon cikine Murmushin gefen baki yayi tare da aje maganin yana wani Lumshe ido yana tunanin ai ya kawo mata ƙarshen ciwon mararta tunda sun zama abu ɗaya dama yawanci ƴammata na fama da ciwon mara ne saboda rashin aure ƙarfe uku daidai suka ƙarasa airport tuni su sadik sun tsufa a wajan sallama sukai da Juna adaidai Lokacin Jirginsu Aliyu ya ɗaga ƙasa mai tsarki sedai fatan Allah ya dawo dashi lafiya.

Washe gari da Ammi da sadiƙ da sakina da ƴaƴan sadik safna sajeeda Mami suma nasu Jirgin ya ɗaga bayan su hajjo sun bar Gidan kowa ya tafi kafin su dawo dama shima Bashir Ranar da Aliyu ya tafi shima yabi jirgin abuja na ƙarfe shidda gaba ɗaya Gidan Ammi se ma'aikata maza dan babu kowa.


Zaman farha agidan Salma se son barka sabida zama suke na mutunta juna da alkunya a tsakaninsu Salma tana girmama farha abin har Kunya yake bawa farha dan hatta abinci Salma bata yarda farha taje dinning har ɗaki take kawo mata kuma ta hana ta aikin Komai ita ke yi mata Abin na damun farha Yau kwananta goma agidan wanda ya kama azumi kwanan shi goma Salma tayi mata awon Cikin a dubarance ta karɓi Fitsarin Farha ba tare data bari ta gano komai ba kuma Alhamdulillahi abin da Aliyu ke zargi ya tabbata dan Ciki ne ɗauke ajikin farha har na wata ɗaya da Sati uku wata Biyu ba sati ɗaya kenan tun daga nan kulawar da salma ke bawa farha ta Kuma ninkuwa Kuma Alhamdulillahi Farha tana ta samun lafiya matsalarta kwaɗayi da bacci amman bayan nan yanzu ko amai ba sosai take yi ba Ga wata ƙiba data ke yi kamar bata azumin ga shi ta ɗashe ta koma fara tas kallo ɗaya mai hankali ze mata ya tabbatar tana da shigar yaron ciki wanda ita sam bata san dashi ba kusan koda yaushe ta kwanta inta danna cikinta taji yayi tauri se tace Tsutsar ciki ce seta tashi ta ɗauko ayaba tai ta ci kamar yadda ya gaya mata sabida gaba ɗaya ta manta da wata al'adarta sam batai tunanin Misssing watan data yi.
Kayanta ma sun mata kaɗan basa shigarta yanzu sabida yadda Ƙirjinta ke rinjayarta se kayan da Musa ya kawo mata take sakawa Take harkokinta Daga ɗakinta zuwa falo Tare dasu Dady dasu ka manne mata dan Ko bacci ma tare suke yi.

Salma Farha na bata tausayi sosai haka zalika Aliyu gaba ɗaya tausayi suke bata tunda ya gaya mata halin da suke ciki shida yarinyar taji tsananin tausayin su ya kamata ita kaɗai take juya abin aranta Ta rasa wa zata gayawa Taji daɗi Dan shi kansa Mijinta ya lura bata da kuzari yayi nacin ta gaya masa meke damunta tace azumun da take yine kaɗai da kuma yanayin aikin ta dama shi mijin ta bamai sa ido bane koda yaga farha sau ɗaya bai tambayi salma wacece ba tunda yasan ba zata kawo masa wadda bata da alaƙa da ita ba daman ita ma farha ba fita take ba tun da suka haɗu sau ɗaya basu sake haɗuwa ba.

Kimanin kwanaki ashirin da fara azumi rabon farha da Aliyu tun wayar da yayi mata ranar daze tafi abun na damunta sosai na yadda bai taɓa kiranta ko a wayar ƙanwar shi yace a bata ba, wani bin inta kwanta haka zatai tayin kuka har bacci ya ɗauke ta a hankali ta shiga tsananin damuwar rashin Mijinta wanda bata san tana son shi da yawa ba seda sukai nisa da juna Komai dai gashi nan a gidan salma amman baya burgeta har taji tafi son zaman gidan Ammi duk da wiyar da take ci amman ai da sauƙi tunda tana tare da Mijinta Kome tace tana so se salma ta samo mata fara ma da take so Har ta isheta sabida Kullum in salma ta dawo daga aiki seta siyo mata Tsabar yadda ta saka damuwa aranta yasa daga tasha ruwa zazzaɓi yake rufeta haka Zata ƙudundune taita rawar sanyi se cikin dare yake lafa mata sannan ga abin da yake tsorata ta shine Motsin da cikin ta keyi mata Haka zata dafe cikin tana jin yana motsi taita hawaye seta ci ayaba Guda goma arana tana fatan Allah yay gaggawa fitar da tsutsar da take damunta acikinta.

Yau azumi kwana ki ashirin da biyar Salma ce ta shigo ɗakin farha kasancewar week end ce ranar babu aiki ta zauna a bakin gado farha kuma tana kwance Cikin bargo yanzun ma kukan ta gama bayan tayi sallar azahar ta kwanta bacci.
"Aunty fatima bacci kike yi ne dama zaki bani size ɗin kayan kine sabida zan miƙa mana ɗinkin sallah" cewar salma farha ta miƙe zaune sabida bata da nauyin bacci.
Salma ta kalleta tace mata "Subuhanallahi Aunty fatima kuka!