You Cannot Download this book untill you login but you can read it .

---

Login Register

kati ne mtn card na 500 hoton sa za'a ɗauka a turo,shaidar biya 09022260850*
*A LOVE STORY 51*

Cikin sa'a da nasara ya fita daga ɗakin kuma beci karo da kowa ba a falon Godiya yayiwa Allah daya rufa masa wannan asiri kamar iska zata kwashe shi haka yake tafiya jinsa yake sakayau babu ƙarfi yana zuwa part ɗin sa shima kwanciya yayi wanda bacci me nauyi ya ɗauke shi bashi ya farka ba se wajan 12 na rana yana buɗe ido yaga Mami a kusa dashi a zaune duk fuskarta babu walwala.

Ya kalleta yana yamutsa fuskar shi.
"What do you need?"
Yace mata da muryarshi wadda tayi kala data wanda ya tashi daga bacci idanun shi ya ƙara girma sosai goshin sa duk ya tattare.
Hawaye ne ya zubo mata ta miƙe tsaye tana kallon shi cikin damuwa sosai wadda ta gaza ɓoyeta tace masa.
"Yaya haihuwa nake buƙata bana son na mutu ban sami ɗan kaina ba yaushe ne cikina ze tsaya yaushe zan dena ɓari nima naga ɗan kaina a duniya"
Ta faɗa tana wani irin kuka me tsuma zuciya se Aliyu yace tunda yake ganin kukan Mami be taɓa ganin mai yawa irin na wannan lokacin ba.
Ya ware mata hannayen shi muryar shi a dashe take sabida yanayin baccin daya farka daga shi yace mata.
"come here and be quiet, stop crying like that" a hankali ta faɗa saman ƙirjin shi tana wani irin kuka mai tsuma zuciya ya rungume ta cikin kulawa yake rarrashinta.
"I don't like this cry of yours" ya faɗa yana share mata hawayen dake gudana a saman fuskarta Kwanciya tayi a jikinsa tana sakin ajiyar zuciya cikin rarrashin ta yace mata "I think I am worried about this problem and it is bothering me a lot sedai ba yadda zan yi na miƙawa Allah dukkan lamurana tunda Alhamdulillahi bamu da wata matsala daga ni harke to se mu zuba wa sarautar Allah ido muga yadda zeyi damu"

Ta ɗago tare da kallon fuskar shi.
"Yaya zaka iya samun haihuwa daga wajan wata matar tunda ni ga yadda matsala take zuwar min, sedai zanyi baƙin ciki ga wannan rana da bana fatan tazo min na ganta dan nafi son ni kaɗai na zama giwar ka uwar ƴaƴan ka in sha Allah"
Ya shafa kanta batare daya ce mata komai ba ya cigaba da Gaya mata kalaman kwantar da zuciya tare da dogaro ga Allah Mami taji hankalinta ya kuma kwanciya da kalamin dayayi mata kuma tasan yanzu tana da muƙami a zuciyar sa.
"Bara nayi wanka duk jikina ciwo yake and ki ɗauko min panadol da ruwa marar sanyi" ya faɗa yana zare ta daga jikin sa ya miƙe ya shiga wankan wanda ya jima acikin Bathroom yana gasa jikinsa da ruwa mai zafi kafin ya fito yana tsane ruwan dake sakko masa daga Jikin sa ya shirya kanshi cikin white trouser and black shirt wanda suka ƙara haska zatin kyan shi tare da fito da ƙarfafan surorin jikinsa ya ƙarasa gaban dressing Mirrow yana feshe Jikinsa da turare mami tayo sallama a ɗakin hannunta ɗauke da maganin da ruwa ta buɗe masa murfin gorar ruwan ta miƙa masa ya amsa yasha ya fita daga ɗakin yabar mami aciki domin gyara masa zata yi.
Ya sauka ƙasa dinning ya nufa ya haɗa tea kaɗan da bread ya zauna yana ci har aka kira sallah yana dinning ɗin Lokacin Mami ta sauko ta gama masa gyaran ɗakin nashi zama tai a gefen shi da alamun yau baze fita ba sabida hira suke sosai har tana tsokanar shi da yau ya tsuke wa zece ma yana da aure yayi Murmushi yace.
"Ba su san ni matana har biyu bane ba"
Mami dariya tayi zaton ta wasa yake mata ya duba agogon hannunshi ya miƙe ya fita ta raka shi har bakin Ƙofa alwala ya ɗaura a famfon dake Bakin shiga part Ɗinshi ya tafi masallaci yayi sallar azahar kowa yau mamaki yake me ya hana oga fita Ya jima zaune tare da ma'aikatan gidan yana sauraran Ƙorafinsu Har albashi seda ya yi musu alƙwarin zasu ga ƙari a ƙarshen watan sannan ya bawa mai gadin shi Kuɗi yace yaje ya siyo Pure water Mota guda ya rabawa dukkan Gidajen dake kusa dasu amman kada yace daga shine sadaka ce yana faɗi ya Barsu suna ta masa Godiya Sashin Ammi ya shiga Lokacin Bashir ze fita Office suka gaisa kona ce Bashir ya gaishe dashi ba yabo ba fallasa ya amsa ya Shiga falon Ammi da sallama da ita da su safna suna zaune A falon yau da alamun ƙafar akwai sauƙi a ƙasan carpet ya zauna yana gaishe da ita su Safna suka gaishe dashi Ya zaro wayar shi yana danne danne da alamun yau baya jin yawan magana ne.
"Baba baka jin daɗi ne?"
Cewar Ammi ya ɗaga girar shi yana cewa.
"Me kika gani Ammi Nikam lafiyata lau"
Tayi Murmushi "Baba kenan kai dai zaka ɓoye min amman naga rashin ƙarfin Jiki a tare dakai"
Ya shafa kanshi "Ammi driving danai from kano to katsina shine na gaji amman ba abin da ke damuna"
Ya faɗa yana Murmushin daya ƙara masa kyau.
"Ammi zan sami farfesun kayan ciki wajan ki?"
Ya faɗa yana kallon ta Ammi taɗan tsuke fuska.
"Muma ba wanda yayi karin kumallon sabida kace Hajja ta daina zuwa waccan yarinyar Kuma tun ɗazu Muke dukan Ƙofarta taƙi Buɗewa waya sani ma kota Mutu"
Gabanshi yayi wani irin faɗuwa yana fatan kada Allah ya amsa maganar Ammi.
Ammi tace "Sajeeda leƙa ko ƴar gwal ɗin ta buɗe ki taso ta" sam ya kasa magana sabida yadda bakin shi yayi nauyin furta komai har Sajeeda ta Miƙe se rakatan da yayi da ido.
Tana zuwa bakin Ƙofar ɗakin Farha By Lucky ta miƙe ta zare keyn jikin Ƙofar ta shiga toilet sabida yadda ta farka da fitsari da ishirwa ta buɗe Ƙofar ne akan tana fitowa daga toilet ta fita ta sha ruwa sedai tana fitowa taga sajeeda tana faman kallon ɗakin gaban farha ya faɗi hankalinta ya tashi da sauri tace wa Sajeeda.
"Lah lafiya me me kike nema?"
Ta faɗa har tana raba maganar tata sajeeda ta taɓe baki tare dajan wani wawan tsaki tare da cewa....................*RABO YA RANTSE! littafin kuɗi ne 500 naira zuwa wannan asusun bankin 0078174806 Sterling bank, idan kuma kati ne mtn card na 500 hoton sa za'a ɗauka a turo,shaidar biya 09022260850*

*A LOVE STORY 52*

"Nida gidanmu har zaki tambaye ni abin da na zoyi a ɗakin nan? to idan na ga dama wallahi seki kwashe kayan ki, Ki koma wajan Ƴan uwanki masu aiki dabba"
Farha tayi ƙasa da kanta tana jin hawaye na shirin zubo mata amman bata bari hawayen ya zubo ɗin ba ta nufi Bakin gado domin tsaiwar ma gagararta zata yi sabida rashin ƙarfin Jiki da take fama dashi.
Sajeeda ta tako har gaban farha ta ɗora ƙafa ɗaya a saman gadon har tana shurin ta tare da cewa.
"Daga yau in kika kuma barin mu bamu karya ba wallahi sena karya ki shegiya da muni kamar daran Mutuwa jaka Kucaka Kizo Ammi na jiranki Mtsss"
Ta tofa mata yawu  a fuska tabar ɗakin Farha dan takaici Kuka ta saka seda tayi me isarta sannan ta Gyara Hijabin nata ta fita daga Ɗakin gudun cin mutuncin Ammi, Aliyu ya sauke ajiyar zuciya hangota da yayi tana dafa bango tana fitowa daga ɗakin nata zuciyar shi rawa take Ji yake dama ya ɗaukota ta dena wannan tafiya yasan tayi matiƙar ƙoƙarin iya ɗauke lalurarshi.
Ammi zuba mata ido tayi wanda yasa Aliyu yaji duk hankalin shi ya tashi a hankali ta ƙaraso gabansu ta zauna tana rintse ido kamar ta zauna a saman ƙaya.
"Ke me kike yi haka da baki ɗora mana abincin karyawa ba?"
Ammi ta faɗa tana binta da kallon Tuhuma.
Tayi ƙasa da kanta bata yarda ta kalli setin da Aliyu yake ba Ammi ta kuma daka mata tsawa!
"Ni sa'arki ce da ina miki magana ma kina min shuru kosu yarana bayin ubanki ne da zasu ɗora miki abincin Eye? to saurara kiji wallahi wannan shine karon ƙarshe da zaki Ƙi dafa mana abincin kinji na gaya miki"
Ita dai Farha har Lokacin kanta yana sunkuye tayi shuru A hankali taji muryar shi yana magana
"Ammi ki mata a hankali baki ga kamar bata da lafiya ba, Bara na saka ayo muku takeaway ko yarannan su dafa ai dama su nace su dinga yi amman ammi kika hanasu"
Farha taɗan saci kallon shi Fuskarshi bata nuna yana da alaƙa da ita ba Magana yake hankalin shi a kwance yana danna wayar shi sedai yau babu wannan ɗaure fuskar ba masifa dan ga ƙannen shinan har sun sami zarafin zama a falon wanda da in yana falon ta lura basa iya zama a ciki sabida tsoron shi.
"Baba nifa ba zan saka su Safna girki ba wallahi bama zan ɓoye maka ba tunda ka dakatar da Hajja to sedai ita ta dinga yi mana Dan bazan ajeta ba aikin fari bare na baƙi ba sannan na ɗauki albashi na bata ƙarshen wata Ɗakunan namu ma yaushe rabon data gyara mana ehe"
Ammi ta faɗa tana Hararar Farha data ƙi ɗagowa ta kalleta Murya a hankali tace mata.
"Ki haƙuri Ammi yanzu me zan dafa muku?"
Ta faɗa kamar zatai kuka.
Da sauri ya katseta da cewa
"A,a tashi jeki ɗaki bara a siyo musu kawai lokaci ya ƙure"
Ta dafa ƙasan tiles ta miƙe tana Cije baki ta bar falon Aliyu yayi wa wani yaron shi waya akan yayo masa order abinci Minti kamar talatin yaron nashi ya kawo abincin Da kanshi ya tashi yaje ya amso Ledojin da abincin ke ciki ya miƙawa Ammi wata daban kuma ya bawa safna yace ta miƙawa Farha ta amsa tana tura baki ta nufi ɗakin daga bakin Ƙofa ta wurga mata Ita kam farha kwanciya tayi tana kuka shiyasa bata ma ji shigowar Safna ba bare tasan abin da ta aikata matan.

Gaba ɗaya tunanin Farha shine yaushe zata sami ƴanci yaushe ze dena ɓoye ita matarshi ce abin da ya ƙara fusata ta shine halin Ko in kula daya nuna mata bayan ko wace mace idan ta tsinci kanta a ƙwaryar manya Mijinta yana tsayawa ya riritata ya kula da ita amman ita jiba yadda ya barta kamar ma ya manta abin da ya aikata mata tabbas maganar daya faɗa mata gaskiya ce daya ce mata baya son ta da gasken yake don inda yana son ta baze taɓa yi mata haka ba.

Ammi ta dubi Aliyu cikin faɗa.
"Amman baba me yasa zaka min haka? damu da ita ɗaya ne?"
Ya haɗe rai sosai ya watsawa su safna Mugun kallon daya sa suka miƙe jikinsu na ɓari suka bar wajan ya dubi Ammi har Lokacin Fuskar shi babu walwala.
"Ammi menene abin nuna fifiko ga wanda baka san waye a wajan Allah ba? danna ɗauka mata abinci acikin naku shine matsala to Ammi ki haƙuri Da laifin dana yi"
Ta hayo masa ka da maganarta mai ƙarfi.
"Naga fa abun naka yayi yawa ga Kitchen nan tazo ta girka nata mana dole abin da muka ci shi zata ci salon raini ya shiga tsakanin mu to wallahi ka kiyaye ni Ka shiga taitayin ka ka kama kanka ka fita daga sabgar yarinyar nan tun kafin na saɓa maka"
Ya rasa me yasa Ammi ta ƙi jinin fatima kuma de yarinyar ba rashin Kunya takewa Ammi ba amman baki ɗaya ammi tabi ta tsaneta ya fuskanci har yaran Ammi su safna ma sun Tsaneta.
"Ammi bazan kuma ba ki haƙuri"
Ya faɗa cikin mutuwar Jiki Ammi ta kauda maganar tana cewa.
"Niko me akaiwa Mami ne tunda ta dawo bata shigo Min ba nida ɗazu ma zanje naji lafiyarta"
Ya taɓe baki tare da cewa.
"Nima ban san meya hanata zuwa nan ɗin ba duk tabi ne ta damu kanta akan rashin haihuwa ɗazu ma kuka ta gama yi maybe ko wannan matsalar ce data ɗora damuwarta akai yasa ta ƙi shigowa kin san wani in yana cikin wani yanayi baya shiga cikin mutane"
Ammi tace
"Haka ne ai ba ita kaɗai ba kowa ma burin sa ai ka haihu kaima muga naka ɗan Allah dai ya nuna mana wannan rana in kaje ka turon ita nai mata nasiha"
Ya jinjina kai yana cewa.
"Da aure da haihuwa da mutuwa duk Lokaci ne Allah ya bamu waɗanda zamu iya dasu shi kuma Allah ya iya mana gaba ɗaya Kuka ai bashine ze bata ƴaƴa ba Allah ne mai badawa Ammi ina son haihuwa amman wallahi bana ɗagawa kaina hankali akanta dan nasan daga Lokacin yayi Allah ze bani"
Ya faɗa yana Lumshe ido.
Ammi cike da tausaya mishi tace.
"Haka ne baba Nina sanka akwai tawakkali In sha Allah mami zata cika maka gidannan da ƴaƴa masu Kyau irin ka harma da biyayyarka"
Yayi Murmushi yana shafa kai bai dai ce Komai ba.
Miƙewa Ammi tayi "Bara naje nai wanka naci abinci ka ƙaraso daga ciki mana naga kamar yau ba zaka fita Office ba"
Ya bita da ido be magana ba sabida yadda ya matsu ta tafi yaje Inda zuciyarsa take muradi...........

*RABO YA RANTSE! littafin kuɗi ne 500 naira zuwa wannan asusun bankin 0078174806 Sterling bank, idan kuma kati ne mtn card na 500 hoton sa za'a ɗauka a turo,shaidar biya 09022260850*

*A LOVE STORY 53*

Sakin ajiyar zuciya yayi mai ƙarfi lokacin daya tabbatar Ammi ta ƙullewa ganin sa a hankali ya miƙe tare da nufar ƙofar ɗakin yana murɗa handle ɗin yaji ta a buɗe ya shiga ya sanya key ya rufota yabar key ɗin ajiki a tsaye ya tsaya a kanta hannunsa duka a cikin aljihun trouser ɗinshi kukanta yake sauraro wadda ita sam bata ma san da shigowar shi ɗakin ba, Sannu A hankali ya zauna a gefen gadon yasa hannun shi ɗaya ya tallafe Fuskarshi dashi gaba ɗaya jikinsa yayi sanyi da yadda yaga lamarin nata har Kusan minti ashiri yana zaman jiran ta gama kukan suyi magana ganin bata san yana wajan ba yasa ya matsa Kusa da ita ya janyota jikinsa.

Idanunta har lokacin a rufe suke kuma se ƙoƙarin tashi daga jikin nashi take sedai yadda yabi ya kanainaye ta ya kasa bata damar Miƙewa.
"Shiii fatima, wai meye haka kukan ya isa haka kada kanki yayi miki ciwo"
Ya faɗa yana share mata hawayen nata da tafin hannunshi.
Juyawa tayi ta dena kallon saitin Fuskarshi yayi Murmushi.
"Au wai kukan nawa ne, To naji nayi laifi amin afuwa bazan kuma ba"
Ya faɗa sanda yake ƙoƙarin Juyo da ita facing ɗinshi ya taɓa wuyanta akwai zazzaɓi sosai ajikinta Miƙewa yayi bayan ya sauketa daga jikinshi ya koma toilet ɗin ruwan ɗumin ya kuma haɗawa ya dawo ya ɗagata cak shiya taimaka mata wajan rage kayan dake Jikinta duk Kunya ta gama kamata haka ya kuma dannata acikin ƙaton bawon dake shaƙe da ruwan Ɗumi ta jima aciki shikuma yana tsaye a kanta seda ya sauya mata ruwan har sau uku sannan ya ɗaukota suka fito cikin ɗaki saman gado tahau tana rawar ɗarin zazzaɓi ya ƙarasa gaban kayanta ya ɗauko mata Doguwar riga da ƙyar ta yarda ya saka mata.

Ya sunkuyo daidai Fuskarta cike da tausaya mata.
"Me zaki ci yanzu ina Break fast Ɗin da safna ta kawo Miki?"
Ta zubo da hawaye.
"Ni bazan ci komai ba bakina ma kwata kwata babu daɗi"
Ta faɗa tana jan Bargo ta rufe duk Jikinta.
Ya ƙarasa inda takeaway ɗin take yashe ya ɗauka Doya ce aciki da ƙwai ya tabe baki ya aje a saman Madubi ya fita daga ɗakin tare da rufota da Key gudun kada wani ya faɗa mata yaga halin da take ciki.

Mota ya shiga bayan ya saka face mask ya boye Fuskarshi da kansa yaje ya siyo mata ɗan abinda zata ci marar nauyi ya karɓo mata magani a pharmacy bayan yayi wa likita bayanin halin da take ciki Lokacin daya ƙaraso ana kiran sallar la'asar seda yayi sallah sannan ya wuce koda ya ƙarasa falon Ammi su safna na dinning suna cin sauran abincin ɗazu dan ba'ai girkin ba Ammi Kuma tana ɗakinta ya zauna a falo ya wayance da danna waya ganin yanayin sa yasa suka Miƙe har suna rige rigen barin wajan ya Tashi ya nufi ɗakin farha ya buɗe ya shiga ya rufo Ƙofar tana zaune ta idar da sallah a gabanta ya tsugunna bayan ya aje kayan hannun shi ya taɓa Goshinta yana cewa.
"Yaya yanayin jikin naki?"
Ta ɗan kalle shi gaba ɗaya taga ya sauya mata duk Jikinsa a sanyaye har faɗawa idanunshi taga yayi.
"Da sauƙi Alhamdulillahi"
Ta bashi amsa bayan ta kawar da kanta dan gujewa mayen kallon da yake faman binta dashi.

Ya Buɗe Ledar hannun shi ya fito mata da robar farfesun Kayan cikin rago da soyayyen dankali se kaza Wadda aka gasa mai romo se shinkafa da miyar hanta gaba ɗaya ƙamshin abincin ya cika ɗakin ya zauna a gabanta ya tanƙwashe ƙafafun sa.
"To wanne zaki ci anan Nasan baki ci Komai ba"
Ta lumshe idanu sabida yadda yayi mata maganar cikin kulawa yayi mata ita.
"Shinkafar nake son ci dan yunwa nake ji sosai"
Ta faɗa tan haɗiyar yawu.
Yayi Murmushi.
"Farfesun fa?"
"Shima zanci duka"
Ya ɗauki ƙaramin spoon ɗin cikin abincin ya buɗe robar yana ɗiba yana bata a hankali ta Noƙe taƙi amsa yaɗan harareta da sauri ta amsa tana ci tun tana jin kunya harta ware tana cin abincin ganin ta soma ƙoshi ya tura mata farfesun gabanta wannan karon da kanta taci Kuma taji daɗin bakinta ruwa ya buɗe mata tare da magungunan daya amso mata duka na gajiya ne da rage raɗaɗi ta amsa tasha zata kwanta ya hana yace ta bari abincin ya narke turo baki tayi ta juya masa baya itafa ya soma isarta haka ya hanata ta kwanta seda yaga ta soma bacci a zaune sannan yace taje ta kwanta aiku nan da nan bacci ya ɗauketa wanda bata samu a daran Jiya ba Ƙarfin Fanka ya ƙara mata sabida Ac'n ɗakin ta lalace ya tattare kayan abincin ya aje a gefe ya Rufe mata rabin Jikinta ya fita daga ɗakin bayan ya rufo shi.

Cikin gidansu mahaifin shi ya je Kuma ya sami ƙannen Babansu duka a gida zama yayi suna gaisawa Kuma da alamun sunji daɗin zuwan nashi nan da nan yara da manya sukai ta fitowa suna Mishi sannu da zuwa matan kawunan shi suka fara jere masa kwanukan abinci agaban shi ruwa kaɗai yasha ya fuskanci Hirar da Baba usman keyi masa.
Wadda Godiya yake masa akan hidimar da yake yi musu yaɗan yi murmushi.
"Baba kada ka kuma yi min godiya ai in ban yi muku ba wa zan yiwa Kune fa kuka fito ta tsatso ɗaya da mahaifinmu wallahi Ku nakewa kallon Baba a yanzu"
Albarka suka haɗu suna sanya mashi acikin Gidan sukai sallar magariba wadda Baba Usman yaja su bayan sun idar ganin ba wata matsala a gidan Komai suna da dan hatta sola ya sanya an Musu ko ina haske ga gida yasha gyara.
"Baba zan koma ko akwai wani abun?"
Baba Usman yayi Murmushi
"Haba Aliyu ba komai wallahi dan kayan abincin da ka sa aka cika mana store dashi ko rabi bai ƙare ba Komai akwai shi Alhamdulillah"
Sauran ma suka haɗa baki wajan yi masa godiya ya fita ya shiga Gidan kawun su Ammi nan ɗin ma yaɗan jima dan har isha'i yana cikin Gidan yana fitowa yayi sallah ya koma Gida ya shiga Mota ya kuma siyowa farha abinci da fruit, A mota yabar su seda Ya shiga Part Ɗinshi yayi wanka ya sauya kaya dan duk wanda ke Jikin shi sun dame shi ya sauko ƙasa Mami ya tarar zaune Cikin shiri da ƴar ƙaramar akwati a gabanta.
"A,a mamy lafiya na ganki kamar me shirin Fita wani waje?"
Kuka ta ɗan ƙaƙalo mai sauti.
"Mama ce ta faɗi a napep shine zanje dubata ƙila ma na kwana tunda Ta bugu sosai"
Ya zauna yana cewa.
"Subuhanallahi garin yaya yaushe hakan ta faru?"
Ta goge hawayenta tana cewa.
"Ɗazu nan Hassana take gaya Min gashi suma basa gida suna Ƙauye ita ma Amir ke gaya musu dole Ni zani na kwana dama kai nake jira kazo"
Ya kalleta.
"Ita ma dai ina motar dana bawa Amir ɗin nace ya dinga kaita Unguwa ya kamata ta daina hawa Motar haya"
Mamy da sauri tace.
"Ai ta lalace Motar"
Ya Haɗe fuska"Shine baki gaya min ba me yasa?" ta kama wasa da yatsunta don motar Tuni sun siyar sun Miƙawa Bokaye  Kuɗinta
"Ok Next week Musa ze kai musu wata Kije driver ya kaiki Ki mata sannu kafin nazo Musa ze kawo Muku saƙo Gobe"
Godiya ta fara yi masa ya ɗaga mata hannu dan baya so ta miƙe ta fita daga falon Driver ta kira ya tafi kaita Gidan nasu.

Ya miƙe bayan fitar Mami Saman shi yahau ya gama abin da zeyi ya rufo Ɗakin ya kashe hasken Falo har na ƙasa ya Rufe falon ya fita daga part Ɗin Ya je Mota ya ɗauko abin da ya siyo ya shiga Sashin Ammi ba kowa a falon dama basu fiye zaman falo ba Haka ya Shiga wajan Farha ya rufe Ƙofar ya kunna hasken Ɗakin..................*RABO YA RANTSE! littafin kuɗi ne 500 naira zuwa  wannan asusun bankin 0078174806 Sterling bank,  idan kuma kati ne mtn card na 500 hoton sa za'a ɗauka a turo,shaidar biya 09022260850*
*A LOVE STORY 54*

Tana ta baccinta har Lokacin ya aje ledojin hannun shi ya ƙarasa gefen gadon ya zauna bayan ya zaro wayar shi daga cikin aljihunsa wadda ke faman yin ringing!
Momcy ce matar Marigayi Alhaji Hamishi uban gidan shi rejecting ɗin kiran nata yayi shi ya kirata.
"Assalamu alaikum"
Ya faɗa daga ɓangaren Momcy ta amsa cike da damuwa.
"Wa'alaikassalam, Aliyu baka samu ka shigo ɗin ba kuma ina ta jiran ka"
Ya shafa kanshi kwata kwata ya manta.
"Ki haƙuri in sha Allah zanzo na manta ne"
Momcy tace masa.
"Dama nasan ka manta ne dama maganar Hanan ce"
Aliyu yace.
"Ina sauraron ki ko dai sena zo ɗinne?"
Momcy tayi saurin cewa.
"A,a bari kawai na gaya maka, Yau kwana biyu da Hisba ta kamasu a Wani gidan shaye shaye ita da ƙawayenta dama shine wayar da nake ta yi maka Amman Alhamdulillahi Mijin Hasina yaje da ƙyar suka bada ita"
Aliyu yaji ya kaɗu da wannan magana wato har iskancin Hanan yakai haka.
"Innalillahi wa'innah ilaihirraju'un Allah ka shirya mana zuri'a ki haƙuri kada ki mata baki dan Allah addu"a kaɗai zamu yi mata"
Momcy ta fashe da kuka tana cewa.
"Ina wa Allah godiya daya bani Hanan Amman wallahi lamarin ta ya isheni dama zata mutu na huta"
Da sauri ya katse ta da cewa.
"Kada ki ƙara faɗin haka domin Kamar Kin gaji da jarrabawar Allah ne dan hanan jarrabawace gareki Kuma in sha Allah komai ze zamo labari"
Da sauri momcy tace.
"Aliyu yaushe wannan labari zezo kwata kwata na rasa halin wata ɗauko yarinyar nan mahaifinta Mutumin kirki ne kowa yabon sa yake wallahi Hanan bata yo halin mu ba"
Aliyu yayi murmushi me ciwo kafin yace.
"Momcy sedai ki haƙuri, Tun asali kece da laifi domin Kin sakarwa su Hanan batare da kina kwaɓar su a matsayin ki na uwa ba, Sau tari zanzo gidan Hanan tace Miki zata fita baki taɓa tambayarta ina taje ba Sau tari zaki ganta da ƙawa baki taɓa cewa ina ta samo wannan ƙawar ba sau tari zata fita school baki taɓa Bibiyarta a makarantar ba, Sannan kuma da mahaifinsu ya rasu mai yasa zaki damƙa Musu dukiyar mahaifin su batare dakin saka wani na juya musu ba to Kinga duk ire iren waɗannan Abubuwan sakacin daga wajan kine dama in uwa bata saka ido akan ɗanta irin hakan tana faruwa"
Ya faɗa a hankali.
Kukan ta cigaba dayi domin dukkan maganar shi akan tsari take.
"Haka ne Aliyu Amman yanzu ina kan gyara kai dai ka tayani addu'a"
A tausashe yace.
"In sha Allah ina hanan ɗin bani ita"
Momcy ta miƙawa Hanan wayar.
Shuru Hanan tayi tana hararar wayar.
"Nasan kina jina ko to wallahi Ki shiga hankalin ki kuma lallai acikin ƴan iskan mazan da kike bi ki gaggawar fito da Mijin aure in ba haka ba sadaka zan bada ke Sakarai marar tunani"
Kashe wayar yayi yana jin zuciyar shi babu daɗi bai so wannan ƙaddara ta faɗawa ƴar gidan mutumin arziƙi kamar Alhaji Hamishi ba.

Tunda ya kunna hasken ɗakin ta farka sedai tai shuru ne sabida tsoron haɗa ido take dashi Musamman daya shigo mata adaidai irin wannan Lokaci Rawar Jikin tace ta ƙaru.
Ƙara kasa kunne tayi lokacin da taji yana wayar ta rasa dasu wa yake wayar wadda tasan bada ƴan gidansu bane Jitai ta damu data san wacece Hanan ɗin data ji ya