You Cannot Download this book untill you login but you can read it .

---

Login Register

yin sallama ba saboda bugun gaban daya sami kansa dashi har ya isa dining room,
Nura da Usman suna zaune suna karyawa Momi kuma ta tisa abincin a gaba tana kallon wani guri
Mairo ce ta Kalleshi tace "yaya ina kwana?" da murmushi ya amsa mata "lafiya kalau Maryam an tashi lafiya?"
Kaita ɗaga mishi ta na dariya nan suma suka shiga gaida shi bayan ya amsa ya kalli Momi yace "Momi an tashi lafiya?"
ba tare data ɗago ba ta amsa mishi "lafiya kalau"
cikin sanyi jiki yace "dan Allah Momi kiyi hak'uri wallahi banyi-"
kasa k'arasa maganar yayi sakamakon ɗagowar da tayi ta ɗaga mishi hannu "karka kuskura fitar da kalma ko ɗaya daga bakin ka matuk'ar ni zaka furtawa ita kawai ka fita kabar parlor nan"
Nan da nan yanayinsa ya kara chanjawa bugun zuciyarsa ya karu kamar ya fasa kuka yace "dan Allah Momi karkiya fushi dani dan adam ne ni ajizi wallahi banyi hakan dan na ɓata miki rai ba dan Allah ki gafarce ni"
Momi fuska a ɗaure tace "bana fushi da kai tun har na iya amsa s
gaisuwarka kawai dai ka ɓace min da gani nace"
tsayar da cin abinci Usman yayi ya kalli ta yace "Momi lafiya?"
"babu ruwan ka kuma karka kuskura sa min baki a magana kaima inka kare ka tashi ka fice"
k'asa yayi da kansa shida Nura suna mamakin abunda yasa ran Momi ya ɓace haka,

tsaye Qasin yayi yana kallonta kamar ba dashi take maganar ba sai son yake yayi magana kuma ya kasa
ganin haka yasa Momi ta tashi ta bar mishi parlor,
Jinginawa yayi da ginin dake gurin ya dafe kai yana cizon baki ya daɗe a haka sannan shima ya juya ya fice,
Nura da Usman ma suna ganin ya fita suka tashi suma suka fice aka bar Mairo ita kaɗai sai cin abincin ta take tana yan wake²,

baifi 5 minutes da fitar su ba Siraj ya shigo fuskarsa babu yabo ba fallasa sallamar ma ciki² yayi ta Mairo ta amsa masa ta kaɗa kai "taf lallai ma kai wannan yaron sai yanzu kaga damar tashi har kowa ya gama breakfast? Kayi olo ma dan abincin ya k'are"
Murmushi ya ɗan yi "aini ba abinci zan ci ba"
gyara zama tayi "saboda me?"
shiru ya ɗanyi sannan yace "a zumi nakeyi"
taɓe baki tayi "thom kun zama ɗaya kai da Momi kenan"
"itama a zumin take ne?" ya tambaya saida ta girgiza kai sannan ta bashi amsa "a a bata dai ci abinci ba"
"miyasa?"
"Nima ban sani ba kila bata da lafiya dan tun jiya kuka take ko bachi bata yi ba"
da a sauri ya nufi upstairs jikinshi na rawa ya tura k'ofar ɗakin Momi,
da sallama ya shiga ta amsa masa da muryar kuka "wa'alaikassalam"
kusa da ita ya zauna yana faɗin" Momi kuka kike yi ne?"
bata iya ce masa a'a tunda yaga hawaye a idonta kawai sai kawarda fuska,
Hannun ta ya rik'a "dan Allah Momi kibar kukan nan Maryam tace tun jiya take kukan nan"
hannu tasa ta share hawayen tana faɗin "dole inyi kuka Siraj jiya Qasin a gaban Hajiya ya aibanta Yarima ɗan ta kwara ɗaya ɗan da tafi kowa sonsa ban taba ganin bacin ranta ba irin na na jiya wani abu bai taa haɗa ni da itaba sai jiya kuma nasan zata rika ɗaukar na hana ma ɗanta Maryam da nasan rikonta haka zai zamar min daban ɗauko ta ba tun farko"
Ajiyar zuciya Siraj ya sauke yace "har gobe Momi bazan basa faɗa miki ba Yarima bai dace da Maryam ba dan ba mutumin kwarai bane taya za a ɗauki karamar yarinya kamar Maryam a aura masa kada ki sake ɓata ranki akan wannan hukuncen da kika yi dan ni banga wata matsala ba"
Momi tace "akwai matsala Siraj dan yanzu ganin suke na hana Yarima auren Maryam na aura mata wani"
tashi yayi tsaye ya kalleta yace "Momi kina son Yarima sosai da badan wani abuba da nace kinfi sonshi sama da mu da muke yayanki"
Lumshe ido tayi ta sauke ajiyat zuciya shi kuma yasa hannayensa aljihu ya fice,

''' *** *** *** '''
duk inda yabi gaishe shi ake cikin girmamawa har ya isa parlor Hajiya zaune ya tararda ita tana cin apple wata baiwa na matsa mata kafafu Hajiya na ganinshi ta janye kafafun nata tayi mata alama data ta fice cikin sauri ta tashi ta gaida Yarima ta fice,
Karasowa yayi kusa da ita ya zauna ya ɗauki apple ɗin ya kai baki ganin bai yi mata magana ba yasa ta kalleshi yadda taga fuskarsa a ɗaure tasan akwai wata a kasa saida ta ɗanyi gyaran murya sannan tace "ɓacin ran jiya ne ko kuma na yau dn nasan Mai martaba yayi maka magana?"
ba tare da ya kalleta ba yace "saboda mi Mai martaba zaisa min baki a neman aure?"
"saboda bata dace da kaiba haba Yusuf koda basu wulakanta kaba ai kaima kasan bai dace ka auri wannan yarinyar ba ga yayan manyan mutane masu aji masu kyau wasu m har sun nuna suna sonka amman ka kai kank gunda za a wulakanta ka karama da ba ayi auren ba dan Mai martaba ya nuna baya so kamar yadda nima bana goyon baya"
kallonta yayi yana murmushi yace "nima zuciya tace take so ba ni ba kuma aure sai anyi shi no matter what dan haka kuso abunda ɗan ku yake so kawai"
fuskantar a haɗe ta kalleshi "saboda baka da zuciya ko shiyasa har yanzun kake son ta ina mamaki ka Yusuf kwata² ka chanja wai mi ka gani a jikin yarinyar nan ne.....?"
kamin ya bata amsa wayarsa tayi ringing ciro ta yayi ya danna picking ya kara a kunne,
banji mi akace masa ba murmushi kawai naga yayi yace "good job an samoshi kenan.........bani minti biyar"
da kallo Hajiya ta bishi har ya tashi tsaye sannan tace "waya kira ka a waya mi kake kokarin aikatawa?"
kallonta yayi fuskarsa ɗauke da far'ah ya rika hannunta yace "babu komai Ummi na ɗan ki ba zai aikata wani mummunan abu ba just trust him okey?"
bai jira cewarta ba ya sakarma hannun nata kiss ya fice yana murmushi.


*_©KHADEEJA CANDY_*
[11:27PM, 3/17/2017] Khadeeja Candy: ​*♡... MAIRO ...♡*

*BY*

*_KHADEEJA CANDY_*

Candynovel.wordpress.com

*45*

Haka Momi ta share kwana da kwanaki bata kula Qasin iyakarta dashi gaisuwa babu hanyar da bai biba na ganin ta dawo normal amman abun yaci tura dole tasa ya hakura ya kyaleta,

Wata ranar Asabar Momi na zaune parlor tana tunane² Siraj ya shigo guri ya samu kusa da ita ya zauna kasan carpet cike da ladabi ya kalleta yace "Momi wai miyasa yasa ba zaki ɗaga ma ya Qasin kafa ba Momi wadda fa kike abun nan danshi baima san kinayi ba dan me zaki rika fushi da ɗanki akan ɗan wata Momi"

Ajiyar zuciya Momi ta sauke irin nasu na manya sannan ta ɗan gyara zamata tace "bana daga cikin iyayen da suke fushi da y'ay'ayensu dan fushi iyaye yana tare da fushi Allah ko kaɗan ni bana fushi da Qasin kawai dai inason nuna masa kuskuren daya aikata babbane gaba karya sake aikata shi kuma wani gefen ma bana ganin laifinsa laifin kaina nake gani dana ɗauko Maryam riko har Yarima ya ganta ya nuna yana so kuma na hana shi ita wannan abun shine ya tsaya min a rai shiyasa yanxu na yanke shawarar ma yarda ita gurin Gwaggonta kusa da mijinta"

kallon rashin fahimta Siraj yayi mata "kina nufi ki ma yarda Maryam kauye kenan?"
"haka nake nufi kuma hakan shine kwanciyar hankali"
Amsar Da Momi ta bashi kenan a takaice

"amman Momi naga ai abunda na faru ya riga ya faru kuma kin riga kince yarinyar nan karatu zatayi mijinta yayi Na'am itama tana so Gwaggo ta amince dan me kuma yanzu zaki ce ki maida ta itama ai ba zata jidadi ba"

Motsa baki Momi tayi "ma yarda ita ya zama dole a gareni kodan suma na sama musu sukuni"
"ki sama musu sukuni su suwa?" Siraj ya tambaya

Momi saida ta nisa sannan tace "satin daya wuce Gwaggo ta kirani a wayar haruna tace mun wasu daga birni zunzo neman auren Maryam an faɗa musu tana da miji shine suka samu halilu sukace zasu bashi kuɗi mai yawa ya sake ta shi kuma ya k'i Aminta babu irin rarrashin da basu yi masa ba yak'i sun jera kwana da kwanaki suna zuwa har suka ce masa matukar bai rabu da itaba komai zai iya faruwa dashi"

keɓe baki Siraj yayi "ba kowa sai Yarima dan babu wadda zai aikata haka sai shi dan sheɗan kaɗa masa ganga yake yana rawa"

Momi tace "hakan yasa nake son maida ta kusa da mijin ta kar wani abun ya shiga kuma adawo ana ganin lafin juna"

"babu wani ganin laifi Momi kawai ki barta tayi karantunta shi kuma darasi yake son a koya masa"

kai Momi ta girgiza "a'a bana son wata fitina wacce na sha yanzu ta ishe ni kabar shi yayi duk abunda yake son aikatawa"

Da sauri ya kalleta fuskarsa da ayar tambaya "Momi wht are yhu tlkng abt abarshi ya kashe aure akan wani dalili na shi na banza?"

"abunda nayi ban kyauta masa ba Siraj na hana masa aurenta dan haka yanzu bazan hana shi rawar gaban hantsi ba na ganin ya kwatarwa zuciyarsa abunda take so"

wani kallo Siraj yayi mata kamar bai gane abunda ta faɗa ba can ya kawarsa kansa yana jinjina lamarin sannan ya sake kallonta yace "Momi yhu love Yarima a lot da ace ba ke kika haife ni ba da nace son da kike masa bana banza bane tunda banga wani abunda yake anfanarki dashi ba Amman ke kullum burinki ki faranta masa ko rantsuwa nayi ba zanyi kaffara ba kinfi mahaifiyarsa sonsa"

Sai a lokacin idanuwan Momi suka kawo kwallah magana ta soma yi cikin muryarsu ta manya "kai Da yayanka kun kasa fahimta ta akan Yarima da mahaifiyarsa Siraj yau inason faɗa maka wani abu da baka san da shiba dan ina ganin har yanzu baka wayi dangantakar dake tsakaninmu ba..."

lutse baki yayi ya tari numfashinta "na sani Momi bana nufin ɓata miki rai dan Allah karki zubar da hawayenki akan wannan maganar"

Momi ba tare da ta kalleshi ba tace "mu biyu kawai mahaifiyarmu ta haifa saida aka fara haihuwar Hajiya da shekara 6 sannan aka haife ni ina da shekara 15 mahaifiyarmu ta kwanta ciyon ajali a lokacin Hajiya tana gidan aure ni naje na kirata mukazo gaban gadon mahaifiyarmu muka zauna nan mahaifiyata ta rika hannuna tace nayi ma Hajiya biyayya na ɗauketa kamar uwa na guji ɓacin ranta duk kuma abunda zai sata farin ciki na tabbatar da na yi shi na sota kamar yadda nake son kaina sannan ta ɗauko hannun Hajiya ta ɗora saman hannuna tana faɗin ga kanwar ki nan ki riketa ki zamo mata uwa karkiyi mata abunda zai sata bakin ciki ki sota kamar yadda kike son kanki wannan itace wasiyar da mahaifiyarmu ta bar mana bayan rasuwarta Hajiya ta mayar dani gidan ta da zama wato gidan mahaifin Yarima tunda naje gidan bata taɓa koda hararata ba balle ta min tsawa bata taɓa ɓata min rai ba har ta aurardani ga mahaifinku lokaci ɗaya muka haihu da ita ita ta reni Qasin duk da irin son da take ma Yarima bai rufe mata ido ta nuna Qasin ba ɗanta bane karara take nunwa Yarima kiyayya ta karɓe abun hannunsa ta baiwa Qasin ko ta dake shi akan Qasin koda shine da gaskiyasa har kuka girma kuka kawo yanzu kuke ganin inayin abunda bai dace ba alhalin ni nasan abunda yake nan uwa ɗaya uba ɗaya ba wasa bane koda mahaifiyarmu bata mana wannan wasiyar ba......"

da kuka ta karasa maganar ta lumshe ido alamar tunawa da bacin cikin baya

Lakas jikin Siraj yayi sanyi a hankali ya sunkuyarda kansa cike da tausayi

Sun daɗe a haka parlor yayi tsit kamar ba kowa Momi dai in bada sharar hawaye babu abunda take,

Ganin hakan yasa dole Qasin ya ɗaga lalulen parlor ya shigo dan babu abunda ya tsana kamar zubar hawayen Momi.


*_©KHADEEJA CANDY_*
[11:27PM, 3/17/2017] Khadeeja Candy: ​*♡... MAIRO ...♡*

*BY*

*_KHADEEJA CANDY_*

Candynovel.wordpress.com

*46*

A kasan carpet shima ya zauna gefenta na dama yana faɗin "na fahimci dalilinki Momi ina neman yafiyarki akan abunda nayi"

"na yafe maka Allah ya yafe mana gaba ɗaya"
Shine abunda Momi ta furta suka amsa da amin

Sannan ta sake kallonsa tace "ka shirya gobe zamuje kauye"

Kai kawai ya ɗaga mata ya amsa da thom ya tashi ya fice

'''*** *** ***'''
Guraren biyar da rabi Mairo ta shigo ɗakin Momi kinik kinik da fuska kamar ta fasa kuka koda ta shigo ta tararda Momi na waya hakan yasa tayi kwance saman gado tana kallon fuskar Momi

Momi na sauke wayar ta kalleta "ke lafiya kike wani kumbure²?"

Tashi tayi zaune "Momi wai Siraj yace min wai kauye zaki maidani"

Shiru Momi ta ɗanyi kamin tace "Gwaggo ce tace a dawo dake amman...."

Mairo bata jira Momi ta karasa maganar ba ta faɗi kasan carpet ta shiga murje² tana kuka

Lallashinta Momi ta shigayi tana bata hakuri faifai taki yin shiru saima karawa take ganin haka yasa Momi ta tashi ta ɗauko wayar radio ta shiga duka ta dashi

Aiko nan ta soma kukan gwarai sai ihu take iya karfinta tana faɗin "na daina Momi dan Allah kiyi hakuri"

Momi bata saurara mata ba saida Siraj ya shigo ya karɓe bulalar ransa a ɓace yace "haba Momi ya zaki rika mata irin wannan dukan da wayar loba?"

Cikinsa Momi tayi da matsifa "an daketa ai kai ka jawo a daketa ɗin dan ance za mayar da ita kauye ta rika yima mutane kuka ba daga kauyen ta fito ba da rainin hankali"

tsaye ya tada ita yana faďin "amman Momi ai kinsan ta riga ta saba da nan ba jindaďin zama can zatayi ba"

Momi tace "ko taso ko karta so saina maidata inna kai ta karta zauna"

"tho amman Momi ai ba haka ya kamata kiyi mata ba lalla6ata ya kamats kiyi"

Kofa Momi ta nuna masa "kai fita ka bani guri"

Ba musu ya juya ya fice nan nan ta kalli Mairo ta nunata da yatsa "ke kuma in bakiyi min shiru ba yanzu saina dada miki wani dokan"

Da gudu ta tashi ta fice
Ranar Mairo wuni tayi kuka har dare Momi kan ido kawai ta samata

Washe gari ma daga inda ta tsaya da kukan ta tisa kamar wata karamar yarinya Momi dai bata bi ta kanta ba duk suna downstairs suna breakfast

Daf da zasu gama Siraj ya shigo bayan ya gaida Momi su Nura da Usman suka gaidashi yana kokarin zaunawa ya kalli kujerar Mairo yace "ina Maryam bata tashi bane?"

"ta tashi tana can ta tisa kukan daga inda ta tsaya ba shi kake son tayi ba?"

Momi ce ta bashi amsa tana ɗan hararasa
shi kuma yayi murmushi ya tashi ya nufi upstairs

Be dade sosai ba ya fito ɗakin Mairo na gaba yana bayanta murmushi shinfiɗe a fuskarta saidai ta ɗan kunbura saboda kukan da tayi

Kallon mamaki Momi ta ringa yi musu har suka kawo dining sannan ta kalli Siraj tace "me kace mata Siraj?"

Kallon Mairo yayi yana dariya "Momi kamar ya me nace mata me zan mata?"

"hmmm" Momi ta taɓe baki "ai kodan kai saina maida yarinyar dan kaima kanka sai ka hore mata kunne"

Fashewa yayi da dariya "hore mata kunne Momi akan mi mema akayi da har zaisa na hore mata kunne?"

Turo baki Mairo tayi "ke Momi kin cika matsala inda kuma kuka ga inayi kice kuma wani abu"

Tashi Momi tayi tana faɗin "kyaji dashi yau ne dai kawai kike garin nan anjima kaɗa kauye zakije"

A maimakon tayi kuka kota ɓata fuska sai kawai ta kalli Siraj ta fashe d dariya "naji Momi ai in a son kauyen"

Kallon Siraj Momi tayi shima ita yake kallo yana kokarin ɓuye murmushin dake son fito masa sai faman kware ido yake alamar marar gaskiya

Uffan Momi bata ce masa ba kwafa kawai tayi ta nufi upstairs

*@2:32pm*
Suka kama hanya Qasin ke driving Mairo na front seat Momi kuma na gidan baya

Akai² Mairo takan kalli Qasin tayi murmushi shi kuwa tuni ya tsargu daman ba son tafiyar yake ba duk yabi ya wani ɓata rai wannan karon tana kallonshi ya watsa mata harara

Taɓe baki Mairo tayi ta ɗan ja tsaki "mtw dan nan kalle ka zaka Harare ni"

Kasa² take maganar tana rama harar da yayi mata

Har yayi kamar yayi mata magana sai sai wata zuciyar ta hanashi wai a cewarsa matar aure ce

Bayan kamar minti 30 ta sake kallonshi wannan karon wsta magana ce tazo mata
"yaya wai mi yasa matarka bata dafa maka abunci saidai kaci na Momi koka siya kuma kullum ta rika bachi inna shiga part ɗinka ta rika hararata tana jan tsaki ni ko mi nayi mata oho"

Faduwa gabansa yayi sanin Momi na nan karta sa baki dan babu abunda ya tsana kamar maganar Mansura

Ta madubin gaba ya kalli Momi itama ta nan take kallonshi suna haɗa ido yayi sauri kawar da nashi idon
Bai iya cewa Mairo komai ba har suka isa

*☆ ☆ ☆*
Gwaggo tayi mamakin ganin su sosai dan sunyi mata tafiyar ba zata

Bayan sun ɗan huta Gwaggo ta kawo musu abinci Momi ce taja abincin tana ci daman shi Qasin al'adarsa ce duk akaje kauyen ba cin abinci yake ba sai dai ruwa ko k'walama Mairo kuma tuni ta nufi gidan tsoho

Bayan Momi ta kare ta sha ruwa ta wanke hannu tana hamdala

Murmushi Gwaggo tayi tace "nace Allah dai yasa lafiya naga kun mana zuwam rana tsaka kuma har da tufafin Mairo?"

"lafiya kalau gani nayi ya kamata a kawo ta taga gida tunda yanzu tana da aure kar a tauye ma mijin ta hakki"
Momi ta karasa tana gyatsa

Dariya Gwaggo tayi "a gaskiya kin kyauta ana son haka shekaran jiya ma halilu yake cewa shi wannan aure ya zame masa ala k'ak'ai matar daya aura tana gabas yana yamma amman an bi an takura shi"

Momi tayi murmushi "tho ya hutarda ranshi yanzu gata nan mun kawo sai ya gina ɗaki ya sakata ya huta"

Zunɗen baki Gwaggo tayi "ta ina zai iya gina ɗakin wannan ragon namiji ni wallahi sai yanzu nake jin haushi aura masa Mairo da akayi mutum ba sana ar komai sai zaman kashe wando"

Momi ta rike baki "to ai nema masa za'ayi ba za a kyale shi haka ba tunda yanzu har ya soma tasarma iyali"

Gwaggo ta taɓe baki "to wa zai nema masa shi ba zaije y nemaba si kace ba namiji ba ke nifa duk inda abun nan yakai ya kaimin na halilu kullum da anyi masa magana sai yace shi karatu yake son yi shidai ya cigaba da karatu koda uban me zaiyi karatun oho"

Sai a lokacin Qasin ya kalleta yayi dariya dan tunda suje maganar uffan baice ba har Gwaggo ta gama zaginsa da ɗebe masa albarka

'''*** *** *** '''
Sai kusan biyar na yamma su Momi suka kamo hanyar gida
har bakin mota Mairo ta rako su tana ɗaga musu hannu sosai Momi tayi mamakin ganin bata yi kuka ba saima murmushi da take kamar bata damu ba

Momi dai kallonta kawai take har suka ɓace

Juyowa Mairo tayi kamar kazar da kwai ya fashewa tana rike da hannun Gwaggo suka shiga gida

Koda suka zauna kwalla sun cika ma Mairo ido duk ta wani marairaice fuska cikin muryar tausayi ta kalli Gwaggo tace "Gwaggo kinga sun tafi sun barni"

Gwaggo ta janyota "tho ai in kika kwana biu sai ki je can kuma kinga ai kara kina zuwa ganin gida ko?"

"a a Gwaggo tace nan zata bar ni ba zan sake zuwa birni ba"

Yanayin fuskar Gwaggo naga ya chanja "tho me kika mata?"

Wannan karon har hawayen sun soma mata zuba "nima ban sani ba nidai haka kawai ta mayar dani kuma nata rokonta ta barni taki harda dukana tayi amman dai Siraj yace min kar nayi kuka gobe zai zo yaje dani"

Gwaggo ta shafa kanta "kedai faɗamin gaskiya yar Gwaggo kodai wani abun kikayi mata ne? "

ɗan kare ta ɗauka tana zanawa a kasa kanta na saman cinyoyin Gwaggo tace "wallahi ban mata komai ba ni duk ma na daina wannan rashin jin tunda naje can sai faman aiki da nake"

Gwaggo tace "tho me zai sa tayi miki haka ni daman zuwan nan naku ban yarda dashi ba dan ruwa baya tsami banza"

Cikin muryar kuka Mairo tace "kila dan taga suna da kuɗi ne sunga ina son zama gurin su dan ko wannan matar Qasin ɗin inna shiga gurinta sai ta rika hararana tana jamin tsaki shima yaya Qasin naga yana yimin bakin rai kuma ban masa komai ba Siraj ne kawai yake sake min fuska ina jindaɗi"

Shiru Gwaggo tayi alamar tunani kana ganin yanayin fuskarta kasan ranta ya ɓace.



*_©KHADEEJA CANDY_*
[11:27PM, 3/17/2017] Khadeeja Candy: ​*♡... MAIRO ...♡*

*BY*

*_KHADEEJA CANDY_*

Candynovel.wordpress.com

*_JINJINAR BAN GIRMA A GAREKI RUFAIDA OMAR_*😘👍🏻

*NA YABA DA SOYAYYARKI MARYAM ABDULKADIR (MAMAN AFFAN)*😍

*WANNAN SHAFIN NAKI NE DR. ZULAIHAT ISA (AUNTY NA)*😘

*47*

"Assalamu alaikum Assalamu alaikum Assalamu alaikum"
Halilu ne yake sallamar tun daga kan Gwaggo har Mairo aka rasa mai amsa masa.
Mairo dai in banda harara babu abunda take masa.
"wa'alaikassalam" saida ya kusa k'arasowa sannan Gwaggo ta amsa masa can k'asan mak'oshinta.
jiki ba k'wari ya zauna saman tabarmar ganin marhabar da Mairo take masa da harara ga kuma yanayin yadda Gwaggo ta amsa masa sallamar duk sai yasashi jin ba daɗi.
haka ya danne abunda ke zuciyarsa ya kalli Mairo da far'ah
"Yan birni saukar yaushe ?"
"D'azu ɗazun nan Hajiya ta kawota har ma take tambayarka"
Gwaggo ce ta bashi amsar bayan ta nisa
murmushi yayi
"Ayyah aiko ban jidaɗin da suka wuce ban samu ganinsu ba dan naso ganin Siraj sosai"
"Ai ba dashi aka zo ba da Ya Qasin aka zo kuma basu daɗe ba suka wuce"
Wannan karon Mairo ce ta amsa masa.
"Amman dai lafiya suka kawoki yanzu ko anfasa karatun ne ?".
Gwaggo ta taɓe baki "Toh ban sani ba amman dai sun kawota ne wai kar a tauye maka hakki"
Murmushin jindaɗi yayi "Aiko Hajiya ta kyauta kuma tayi abunda ya dace. daman jiya Tsohon yake cewa ya kamata a dawo da ita gida abar maganar karatun nan."
"Toh gata nan an kawo sai ta maka maganin da zatayi maka haka kawai ka ɓata rayuwarka kana son ɓata mata nata rayuwar." kallon Gwaggo yayi fuskarsa na nuna ɓacin ran dake zuciyar "Haba Gwaggo wannan wace irin magana ce haka.?"
Sake taɓe baki tayi a karo na biu "Eh mana toh in bashi ba miye na wani damuwa da a kawo ta alhalin ko ɗakin da zaka sakata baka ginaba gaka babu sana'ar yi barre aiki kai dai kamar ba namiji ba!"
a hankali ya sauke ajiyar zuciya "Gwaggo kada rashin aikina ya dame ki munyi magana da wani zanje neja zai nemin aiki kuma zai mayar dani makaranta yanzu haka ma na haɗa kuɗin mota nan da kwana biu zanje In'sha Allah"
cikin sanyayyiyar murya yake maganar cike da ladabi.
Gwaggo ta nisa "Toh Allah yasa ya kuma taimaka ai haka nake so jin"
Murmushin jindaɗi yayi ya amsa da 'amin' tare da tashi ya nufi k'ofar ɗakinsa.
daf da zai shiga Mairo ta tashi zaune ta kalleshi "Halilu zaka je dani ko ?"
juyowa yayi bakinsa ďauke da dariya
"A'a Mairo kinga nema zai kaini ba zama ba sai naga yadda abun zai kasance tukuna."
Gwaggo taja mata kunne "Wai mai yasa kike da shegen son yawo ne ?"
"Ni wallahi bana son zama a k'auyen nan."
cewar mairo tana wani yak'unar fuska kamar wacce taga wani abun k'azanta.
Murmushi. kawai halilu yayi ya shige ɗakinsa.
Gwaggo ma dariya tayi "Ai zama k'auye ya kamaki tun da nan kika tashi kuma nan kikayi aure. sai hak'uri"
ɓata fuska tayi ta sake komawa saman k'afafun Gwaggo kamar ta fasa kuka.

Washe gari k'iri k'iri Mairo tak'i ta ci dumame dak'er Gwaggo ta lallaɓata ta samu ta sha kunu da rana ma k'in cin abinci tayi haka ta wuni har dare wai ita ba zata ci tuwon dawa ba tuwon masara da Gwaggo ta tuk'a mata ma k'in cin tayi saida dare Halilu ya shigo mata da agashe mai tumatir da albasa.
da murna ta karɓa tayi zaman kirki taci tasha ruwa sannan ta kwanta.
Cikin kwana biu duk tabi ta chanja sai rama da take fama da ita na rashin cin abinci da kuma tunanin birni kullum cikin kuka. take da mafarkin ranar da Siraj zaizo yaje da ita,
Ranar wata laraba Gwaggo ta na