You Cannot Download this book untill you login but you can read it .

---

Login Register

nada haƙuri, amma bata ƙaunar wulaƙanci. Ga shi kuma a yau tana cikin yanayin period sai zuciyarta duk take a ƙuntace kuma a kusa. Ranta a ɓace ta ɗago, sai dai har ya gotata zai wuce hankalinsa kwance. Hakan ya ƙona mata rai, batare datama san mitake ba a ƙufule ta furta, “Kai wane irin wawan daƙiƙin mutum ne mara sanin muhimmanci da kimar ɗan adam balle daraja abinci haka!”.
     Cak Dafeeq da yaji abin tamkar daga sama ya tsaya. Yayinda wajen yay tsitt a ƙanƙanin lokaci kasancewar a tsawace Khadijah tai maganar. “Kan babbar u.... can”. Ɗaya daga cikin abokan nashi ya faɗa yana wani kallo da ɗaga hannu zai zabgama Khadijah mari. Caraf ta riƙe hannun nasa tare da hantsilashi tana huci duk da ya fita tsayi sai dai shima babu ƙiba kasancewar dukansu yara ne. Jikin Dafeeq da bai juyoba ya faɗa har kansu na gware. Sai lokacin ya juyo a harzuƙe jin ƙarar da Hadiy ya saki sakamakon murguɗewa da ƙafarsa tai dalilin hankaɗawar da Khadijah ta masa. Tarosa Dafeeq yayi ya miƙar, dai-dai Khadijah na ƙoƙarin barin wajen yay wani kalar fisgota baya. Keeeee!! Kake ji hijjab ɗin jikinta ya yage har zuwa ƙasa jikinta da dogon gashinta suka bayyana kasancewar babu ɗan kwali akan nata sai hula. Fisgarta da yay kuma ya haɗo da hular. Taga-taga tai zata faɗi ciki rawar jiki Aminatu ta riƙeta, tana ɗagowa babu wani lissafi ganin hijjab ɗinta ƙasa wanwar jikinta da gashinta a buɗe ido a rufe ta ɗaga hannu ta sauke ma Dafeeq yatsunta biyar a saman fuska. Bai gama dawowa a hayyacinsa ba ta kuma ɗaukesa da mari na biyu hawaye masu zafi na wanke mata fuska. Dan a duniya babu abinda Khadijah ta tsana sama da aga jikinta. Itafa ko'a gida bata zama babu hijjab balle anan cikin makaranta da ko salla bata yarda tayi ba. Shiyyasa da'an tashi bata zama take ɗaukar hanyar gida dan ta samu damar yin sallarta acan.
     Tsitttt wajen yayi baka jin komai sai sautin kukan Khadijah, kowa ya zubama Dafeeq ido yaga wane mataki zai ɗauka akan wannan mari, wanda bai ragama senior ɗinsa ba taya jenior ɗinsa zatai masa wannan al'amari a zauna lafiya. Ganin yanda Dafeeq yay tsaye ƙiƙam tamkar wani soja ko wanda yay sumar wucin gadi yana kallon Khadijah kawai dan koda ta maresa baiyi ko gezau ba sai idanunsa da sukai matuƙar kaɗawa jazur, gaba ɗaya sauran abokansa 3 sukai kan Khadijahn a harzuƙe matuƙa. Sai dai da sauri ya ɗaga musu hannu alamar karsu taɓata. Basu iya ƙin bin umarninsa, sai dai da mamaki suke kallonsa. Ya wani kalar lumshe idanunsa da buɗesu a lokaci guda kan ƙirjinta da gashin kanta yana taune lips nashi na ƙasa. Sai kuma ya juya yana kallon sauran ɗaliban wajen. Cikin sauri suka shiga fashewa dan mugun tsoronsa ake saboda rashin mutuncinsa. A dai-dai nan ma aka kaɗa ƙararrawar komawa aji......

        ★★★★

   Daga shi har doctor ɗin ƙofar suka zubama idanu. Sai dai ba kamar yanda yay tsammani bane da tunanin ganin Alimah. Abbansa ne da yayansa. Doctor ya dubesa yana murmushin. Sai kuma ya ɗauke idanun ya maida kan su Abba dake jerama JJ ɗin sannu da jiki. Kai kawai yake iya ɗaga musu, yana mai jin wani iri a ƙasan zuciyarsa. Bayani Doctor yay musu a taƙaice, tare da tabbatar musu zai iya sallamarsu daga yanzu zuwa kowane lokaci. Idan kuma babu damuwa su bashi matarsa, kar suyi dubi da abinda ya faru, wannan ba komai bane akan ma'aurata sabbin aure. Nasu kawai su musu nasiha ne musamman ita yarinyar. Sosai Abba ya gamsu, yayinda JJ kansa ya sake kullewa gaba ɗaya, sai dai kamar an ɗinke masa baki ya gagara cewa komai har Doctor ɗin ya gama bayaninsa ya fice.
      Zama Abba da yayansa sukai kusa da shi suna sake jera masa sannu, yayinda yayansa ke haɗa masa shayi kamar yanda doctor ɗin ya bada umarni. Bayan ya kammala ya kawo masa tasan asibiti ya wanke bakinsa sannan aka bashi tea ɗin. Ya ɗanyi nisa da shan tea ɗin zuciyarsa duk a birkice da tunani kala-kala Abba ya katsesa da faɗin.
         “Jazool!”.
    A hankali ya ɗago idanunsa ya zubama Abban. Kafin ya ɗaga baki da ƙyar ya amsa da “Na'am Abba”. Nisawa Abba yay da cigaba da faɗin, “Jazool sam banji daɗin abinda ka aikata ba. Banda wauta irin taku ta yaran zamani abu kamar cin rabo. Yarinyar nan fa a gidanka take kuma tazo kenan har abada bawai damar daren shekaranjiyan ne da kai ba kawai. Yanzu da iyayenta fitinannu ne kana ganin maganar nan zata zama mai sauƙi ne kamar haka? Duk da kuwa sun riga sun mallaka maka ita. Auren soyayya fa kayi bana ƙiyayya ba balle kace taƙi amince maka zaka haike mata ta ƙarfi. Ka godema ALLAH daya kasance tai hankalin kiran ƴar uwarka ba wani ɗan gidansu ta kira ba ya ganku a wannan halin. Ina mai baka shawara da kazama namiji a gidanka, dan shi namiji mai dattako aka sanshi ba barahaza ba. Idan ka bita a sannu cikin lalama sai ka kai ga inda kake so batare da ita kanta tama san ta mallaka maka kan nata ba. Ban son na sake jin irin haka ta sake faruwa, in ba haka ba ranka zai ɓaci. Yara baku da hankali sam gaba ɗaya kun koma gina aure akan sha'awa kawai soyayyar ciki ƙalilance...” nan dai yay masa tass da faɗa da nasiha. Ya kuma hanashi cewa komai saboda shi Abba suna kallon komai ne a yanayin da suka fahimta kawai. A ta wani ɓangaren kuma shi kansa JJ ɗin bakinsa yay masa nauyin da ya gagara iya cewa komai batare da yasan dalilin hakan ba. Sai ma zaƙuwa da ɗokantuwar son ganin Alimah kawai yake a ransa....

      Zuwa bayan la'asar aka sallamesu. Kamar yanda Doctor ya bada shawara gidansa aka wuce da shi. Sun sami mutane uku da suma suka dawo da Alimah babu jimawa dan tunda abin ya faru bayan an kaisu asibiti doctor ya tabbatar da ita bata buƙatar a kwantar da ita can gidansu JJ aka wuce da ita. Ƙannensa ne guda biyu sai sep mom nasu. Tana zaune a falo Alimah a kusa da ita tana mata nasiha, yayinda Rabi'ah da Sadiya ke tsaftace gidan duk da bawani datti yayi ba. A kusan tare JJ da Alimah suka kalli juna, tai saurin rissinar da nata kan cikin yanayin jin kunya da tsoro, shiko ya kasa yin hakan dan har sai da yayansa ya kamasa ya zaunar. Bayan Alimah ta gaida Abba da yayansa shi ta gaida da masa yaya jiki kamar yanda taji Umma ta faɗa cikin jajantawa. Itama da kai kawai ya amsa mata kamar yanda ya amsawa Umma. A haka su Rabi'ah ma suka fito suna masa sannu da yaya jiki. Suma amsa musu yay da kai.
        Nasiha mai ratsa jiki Abba yay musu su duka, itama Umma ta ɗaura da nata. Sun sallami Alimah ta koma cikin bedroom wajen su Sadiya, suka sake rufuwa akan JJ a matsayinsa na miji babba da ya fita shekaru. Shi dai saurarensu kawai yake dan baima san yaya zai fassara al'amarin ba. Zuciyarsa gaba ɗaya a rufe take ruff, babu wani abu a jikinsa dake aiki a sashen tunani irin na masu hankali. Abinda kawai ya sani yana jinsu yana kuma ganinsu da idanunsa. Rabi'ah Umma ta ƙwalama kira, ta fito aɗan gaggauce tana amsa mata.
       “Ki faɗama Alimah ta haɗa masa ruwan wanka ko? Dan ya kamata ya ɗan watsa ruwa ko jikinsa zai saki.” da to Rabi'ah ta amsa tana juyawa ciki, kusan mintuna shidda tsakani ta dawo ta sanar da an haɗa. Da taimakon yayansa JJ ya miƙe, yay masa rakkiya har bakin ƙofar sannan ya dawo. Daga haka suka miƙe su duka bayan an sake umartar su Sadiya akan su fito. Sosai Alimah ke hawaye dan bata son su wuce ita dai. Su dukansu sun fahimci tsorone a ranta, dan haka Umma ta sake lallashinta da tabbatar mata in sha ALLAH gobe su Rabi'ahn zasu dawo su yini mata. Kanta a ƙasa ta amsa da ta gode. Har tsakar gida tai musu rakkiya, suka wuce ransu fal tausayinta musamman ma Ummah da Abba da Yaya Mujee. Jiki a saɓule ta koma ciki, sai taji gaba ɗaya ma gidan ya fita mata a rai. Bata bi takan JJ ba ta wuce ɗakinta tana hawaye......✍️


_Ina fatan yau dai Yaya JJ zaisha amarcinsa da amarya Alimah 🥱🥱😆🚴_



*_ALLAH ka gafartama iyayenmu 😭🙏_*

*_Typing📲_*








*_CUTA TA ƊAU CUTA_*
_(Ɓarawo ya saci akwatin maciji)_




_𝑩𝒊𝒍𝒚𝒏 𝑨𝒃𝒅𝒖𝒍𝒍 𝒄𝒆🤙🏻_



_Shafi na biyar_



https://chat.whatsapp.com/ImF9JpXmBISJCvMBGkTKLc


___________

📲 *UMMUL~ADNAN DATA SERVICE*📲
We offer you the most affordable and cheapest data🥰
*MTN*
📲500mb ➖ 170
📲1gb➖340
📲2gb➖640
📲3gb➖940
📲4gb➖1250
📲5gb➖1550
📲10gb➖4000
Check balance=*131*4# or *460*260#
*GLO* *CORPORATE GIFTING*
📶500mb➖150
📶1gb➖270
📶2gb➖540
📶3gb➖790
📶5gb➖1300
Check balance=*127*0#
*AIRTEL*
🆒500mb➖150
🆒1gb➖270
🆒2gb➖530
🆒3gb➖800
🆒5gb➖1270
🆒10gb➖2510
Check balance=*140#

*9MOBILE*
☑️500mb➖140
☑️1gb➖240
☑️2gb➖480
☑️3gb➖660
Check balance = *228#

All network valid for 30days👌

*PAYMENT*
Through this acct
7032785536 ZAINAB SARKI AHMED
OPAY
CABLE SUBSCRIPTION ARE ALSO AVAILABLE
Phone no 07032785536

________


.......A sanadin wannan abu daya faru mahaifin Khadijah yazo har makarantar tasu, yanda yayma malaman tas akan abinda ya faru na rashin ɗa'a da akaima yarinyarsa amma basu ɗauki mataki ba yasa aka hukunta Dafeeq. Dan shima har sai da mahaifinsa yazo makarantar. Abinda ya bama kowa mamaki shine kai tsaye ya amsa laifinsa, ya kuma bama Khadijah haƙuri. Abune da bai taɓa faruwa ba, dan ko mi zai aikata duk irin hukuncin da za'ayi masa bai taɓa bama koda malamai haƙuri ba saboda shegen girman kansa da rashin ji. An sallamesu komai ya wuce. Tun daga ranar kuma idan suka haɗu sai ta hararesa ta murguɗa masa baki. Shiko baucewa da ita komai sai dai ya ɗauke kansa ko yay dariya kawai. Sabon salon nasa na bama abokansa mamaki, dan akwai randa akai taren masu latti ƙiri-ƙiri ya hana a daki Khadijah. Abun nasu kamar wasa a wani hutu sai ga Dafeeq a gidansu. Da farko nunawa yay baba yazo gaidawa, a dawowa ta biyu kuma ya ƙulle da ƙaninta. Tun yana zuwa ya tsaya iya ƙofar gida har takai baba ya bashi damar dinga shiga cikin gidan ya gaida Umma. Ko kallonsa Khadijah batayi da farko, amma kafin hutun nan ya ƙare sai gashi ta fara sassautawa har tana gaishesa. Sannu a hankali al'amarin nasu ya fara sauyawa har yana koya mata karatu ita da sauran ƙannenta, da farko iyayen Khadijah basu ɗauki al'amarin komai ba, dan daga Dafeeq har Khadijah yarane. Kasancewar Dafeeq ya ɗan samu matsala a harkar karatunsa a baya ya bama Khadijah kusan shekara huɗu, dan ita bazata wuce 16years ba, shiko zai iya kaiwa 20 gashi kuma da tsayi. A haka Dafeeq ya kammala makaranta su Khadijah suka shiga ss3 suma. Yawan zuwan Dafeeq da yanayin da suke kasancewa da Khadijah yasa Umma ta fara fahimtar akwai magana a kansu, dan haka ta faɗama Baba. Yayi matuƙar mamaki da jin batun dan yasan dai su ɗin yarane, dan haka ya zaunar da Khadijah ya mata nasiha da sake tabbatar mata da burinsa akan tayi karatu mai zurfi kuma yasan itama shine babban burinta. Shima Dafeeq ɗin baba ya sameshi da nasiha akan ya dage ya cigaba da karatunsa su ajiye maganar wata soyayya gefe idan ma yana son Khadijah ne ya bari sai nan gaba yanzu su yara ne, amma idan sun kai girma yayi alƙawarin zai aura masa ita. Kamar Dafeeq da Khadijah sunji wannan nasiha fa, sai kuma gashi bayan watanni kamar biyu aka kawoma Baba shaguɓen yafa saka ido akan Khadijah kada yaron nan dake zuwa gidansa ya lalata masu ita. Hankalin Baba ya tashi, sai dai baima Khadijah magana ba ya fara bibiyar al'amarinta batare data sani ba. Ilai kuwa sai ga Baba ya gano inda Khadijah da Dafeeq ke ɓuya yin hira wai. Ranar ya zaneta duka irin wanda bai taɓa kwatanta mata ba, ya kuma takama Dafeeq burki da zuwa gidansa gaba ɗaya.
Al'amari kamar ya lafa sai kuma wasa da karatun Khadijah ya ɓullo, dan takai sam bata maida hankali har suna shirin fara jarabawar ssce. Tun Umma na lallashinta da mata nasiha a ɗaki su kaɗai har tadai faɗama Baba. Shi rasama abin faɗa yayi a wannan gaɓar, dan haka ya kira Khadijah ya tambayeta mi take buƙatane? Babu kunya babu tsoro kamar ba Khadijahrsa ba tace ita aure take so. Kuma Dafeeq take so. Kallonta kawai baba ya tsaya yi, sai da yaja wasu mintuna kafin ya sauke ajiyar zuciya da fuskantarta. Cikin lallashi da nuna kulawa yace to yaji zai mata auren, amma ta maida hankali akan jarabawarta da suke shirin farawa. Bayan ta kammala secondary ya mata alƙawarin tana fara jami'a koda wata biyu ne zai mata auren. Amma fa ta sani bada Dafeeq ba. Dan Dafeeq dai a yanzu haka yaƙi karatu, baya kuma sana'ar komai sai yawo da abokai, sannan iyayensa sunce ba aure zasuyi masa ba yanzu. Kuka ta fashe masa dashi tare da rantsewar itafa shi ɗin take so. Kuma idan ba'a aura mata shi ba zata bishi su gudu kamar yanda ya buƙata suyi aurensu acan wani waje. Cike da takaici da gatse Baba yace ga hanya nan ta tafi to. Daga haka ya buga babbar rigarsa ya fice a gidan ransa a ɓace.

Maganar Khadijah tamkar a wasa ko ƙuruciya bayan kamar wata biyu aka nemeta aka rasa ita da Dafeeq. Hankalin kowa ya tashi, tako ina aka shiga nemansu amma babu labarinsu. Da ga ƙarshe aka samu saƙon wasiƙa daga garesu suna bama iyayensu haƙuri akan sunje suyi aure, amma in sha ALLAHU watarana zasu dawo garesu.. A take Baba ya yanke jiki ya faɗi, ranar sai a asibiti ya kwana. Yayinda iyayen Dafeeq keta tujara wai Khadijah ta janye musu hankalin yaro da asiri, ya daina jin maganar kowa sai tata da tasu Baba. Maganganu marasa daɗi dan har gida sukazo suka cima Umma mutunci da Baba dake kwance yana fama da kansa...
Duk da wannan labari duk ya shiga kunnen Dafeeq da Khadijah basu koma gida ba, sai ma tattarawa sukai suka ƙara gaba. Sunyi aure kamar yanda suka shiryama kansu da taimakon hakimin yankin da sukaje. Dan sun haɗa masa ƙarya da gaskiya ne shi kuma ya amince. Sai dai bayan auren nasu ya basu shawarar komawa gida. Sun yarda da hakan, amma sun nema alfarmar a ɗaga musu ƙafa sai bayan lafawar abubuwa sosai. Wannan dalilin ne yasa ya barsu, tare da basu gida matsakaici, ya kuma zuba musu kaya a ciki masu ƙyau tare da nemawa Dafeeq aikinyi a wani Company. Aikin ba wani aiki bane babba can, dan na sharane acewarsa ya fara kafin a samu mafita, yadai samu abinda zai riƙe matarsa.
Ansha amarci na nunama tsara tsakanin Khadijah da Dafeeq. Dan Son juna suke tamkar zasu cinye kansu. Kowa ƙoƙarin ƙyautatama ɗan uwansa yake. Sun manta da gida da iyayyensu gaba ɗaya. Sam Khadijah bata tuna jarabawarta da ta baro a lokacin da ake gab da farawa duk da tsananin son da takema karatu a baya. Idonta ya rufe gaba ɗaya babu wanda take tunawa da gani sai Dafeeq. A haka sukaci watanni huɗu, sai ga ciki. Sosai Dafeeq ya nuna farin cikinsa da samuwar wannan ciki, ya shiga tattalinta kamar ƙwai, sai dai bayan kamar sati biyar sai kuma tayi ɓari. Tasha kuka sosai dan ta mugun ƙwallafa rai a cikin nan, haka shima Dafeeq ya shiga damuwa, daga baya dai suka lallashi kansu suka cigaba da rayuwarsu ta faranta ran juna. Ba'a ƙulla wata biyu ba sai ga wani cikin dai, nan ma sunta murna, sai dai shima bai kai labari ba ya zube. Nan ma kuka suka dingayi rurus har sai da matar hakimi ta dinga musu nasiha sannan suka haƙura. Bayan shi Khadijah ta sake samun ciki sau biyu yana zubewa, zuwa lokacin kuma sun ƙulla shekara kusan biyu da barin gida. Tun daga ciki na huɗu daya ɓare bata sake samun ciki ba, tun suna damuwa har suka dangana, a yanzu haka kuma shekara ta uku suke. Khadijah nada shekara goma sha tara, Dafeeq nada Ashirin da uku cikin da huɗu. Basu da wata matsala sai ɗan faɗan masoya irin na yau da gobe, basa jimawa kuma suke shiryawa saboda ita Khadijah nada sauƙin kai, koda Dafeeq ya ɗauki zafi da ita takan nuna masa itace a ƙasansa ta bashi haƙuri tana kuka da roƙonsa da magiya. Har yanzu Dafeeq na aiki a companyn nan, da ga shi har ita basa zancen komawarsu makaranta, shiko bayan shara a kamfani baya sana'ar komai, dubu sha takwas ɗin da ake biyansa duk wata acewarsa ai ya ishesu rayuwa. Khadijah bata taɓa damuwa da haka ba, dan tana son mijinta, shi kaɗai ta sani a sabon garinsu, sai gidan baba hakimi da takan ɗan je lokaci-lokaci ta gaishesu. Shima kuma bayan ita da gidan baba hakimin babu wanda tasan ya sani sai abokan aikinsa na Company, amma abin mamaki yau sai gashi da key na gida da mota yana faman farin ciki da iƙirarin wai nashi ne. A ina ya samu? Waye ya bashi? A dalilin mi aka bashi?. Waɗan nan tambayoyin take zumuɗi da burin yazo ya amsa mata ko zata samu nutsuwa a zuciyarta itakam....


(To Khadijah muma dai zamu so san jin ina Dafeeq ya samo key na gida da mota haka. Amma bari mu leƙo JJ na amarya Alimah mu dawo dai🚴🚴🚴).

★★★.....

Cikin ƙarfin hali JJ yay wanka ya shirya a ƙananun kaya marasa nauyi. Duk tunaninsa su Baba na falo ne basu wuce ba, dan haka ya fito cike da ƙwarin gwiwa. Amma sai ya samu falon wayam. Zuru yay yana kallon kujerun, sai kuma ya shiga laluben aljihunsa cikin tsumar jiki alamar neman waya. Babu komai, da alama ya barsu a ɗaki ne ko. Ya ayyana a zuciyarsa yana komawa da baya zuwa ɗakin. Babu wayoyin nasa duka biyu anan ma, dan haka abin ya bashi mamaki kuma. Fitowa yay da ɗan hanzari, sai hakan yay dai-dai da fitowar Alimah da ga nata bedroom ɗin. Suna haɗa ido tai azamar rissinar da kanta cikin jin kunya, sai kuma ta fara magana ƙasa-ƙasa da badan yana kusa da ita ba ba lallai yaji ba ma.
“Ai ban san ka fito ba. Ga abinci to dan ka samu kasha magani kamar yanda Yaya ya faɗa”.
“Sun tafi ne?”.
Ya faɗa kamar cikin rawar murya. Kanta ta jinjina masa batare data ɗago ba ta ce, “Eh, ai kana shiga ciki suka wuce su kuma. Shine ma Yaya Mujee yace daka fito kaci abinci kasha maganinka”.
Cikin kullewar kai da rashin makamar riƙewa ya jinjina mata kai kawai. Ga wani irin matsanancin tsoro na ratsa masa zuciya. Amma dai ya dake a zahiri dan yana son tabbatar da abinda ya faru a daren jiya. Murya a sanyaye ya ce, “To muje ki bani”.
Babu musu tai gaba ya biyota a baya har zuwa tsakkiyar falon. A ƙasan carpet ya zauna kamar yanda yaga tayi itama a gaban kwanikan abincin. Ya zuba mata idanu yana kallon yanda take zuba abinci, sai ƙafafunta da yake kallo suma lokaci-lokaci. Zuwa can kamar wanda aka zaburar ya ce, “Alimah na tambayeki dan ALLAH?”.
Duk da tayi mamakin jin ya kira sunanta kai tsaye sai ta jinjina masa kanta batare data bar abinda take ba ko ta ɗago. Shima bai damu da rashin ɗagowar tata ba ya cigaba da faɗin, “Daga bayan dawowata raka abokaina jiya zuwa sanda kika kira aka kaini asibiti miya faru?”.
Cikin ɗan jin kamar mamakinsa ta ɗago ta kallesa. Sai kuma ta sake maida kanta da sauri ƙasa. Kamar bazatace komai ba sai kuma ta nisa a hankali. “Bayan ka dawo ka sake samuna a falo, shine kace muje ciki muyi salla, ka ajiyeni saman gado kace na jiraka anan kayi alwala, shine ka shiga bayi ni kuma barci ya ɗaukeni. Da'alama dai banyi nisa ba na farka a dalilin jin ihu da nayi, na tashi a firgice sai naji motsinka a bayi, baifi mintina biyu ba tsakani ka fito, shine kace na koma falo na jiraka kana zuwa. Ban jima a falon ba ka fito ka sake samuna, shine ka sake cewa na tashi muje sallar. Kaine ka kaini har ƙofar bayi dan nayi alwala, bayan na kammala na fito na sameka a ƙasa ka faɗi, na nufeka ina ƙwalama kira ka tashi ka maran, sai kuma ka sake sumewa, ni kuma kawai na fara haɓo. Nata kuka ina zuba maka ruwa baka farka ba shine nai kiran Rabi'ah lokacin kusan ƙarfe huɗu na dare, shine sai ita kuma ta gayama Yaya Mujee yazo muka tafi asibiti da asuba.”
Tunda ta fara maganar jikin JJ ke rawa. Dan gaba ɗaya muryarta ta koma ta wadda bazai taɓa mantawa ba a rayuwarsa. Duk da kuwa bai kamata ace itace kaɗai zata zauna masa a zuciya fiye da sauran na baya kafin ita ɗin da bayanta ba. Jin shiru yasa Alimah ɗagowa a hankali. “Yayana wlhy ni fa duk a tsorace nake”.
Wani irin yankawa ƙirjinsa yay na tsantsar firgita. Tuni ya zabura yay tsalle gefe cikin kaɗuwa. “Anoosh!” ya faɗa cikin rawar baki jikinsa na ƙara ɗaukar rawa..
“Anoosh kuma?”.
Cewar Alimah tana masa kallon tsoro. Zaraf ya miƙe har yana taka plate data zuba masa abinci. Baibi takansa ba ya kwasa da gudu zuwa ƙofa, sai dai yana isa ruff ta rufe kanta da kanta. Baya yaja da wani irin rawar jiki yana zaro idanunsa gaba ɗaya waje. Sai kuma ya waiga bayansa da sauri. Alimah na tsaye tana kallonsa, da sauri ya juyo gabansa, nan kuma Anoosh tsaye jikin ƙofa itama tana kallonsa. Rigifff ya zube ƙasa kamar wani tsohon amalen raƙumi daya gama morar duniya......✍️


(😂 Uncle JJ namu🚴).


*_ALLAH ka gafartama iyayenmu 😭🙏_*

*_Typing📲_*








*_CUTA TA ƊAU CUTA_*
_(Ɓarawo ya saci akwatin maciji)_




_𝑩𝒊𝒍𝒚𝒏 𝑨𝒃𝒅𝒖𝒍𝒍 𝒄𝒆🤙🏻_



_Shafi na shida_



📲 *UMMUL~ADNAN DATA SERVICE*📲
We offer you the most affordable and cheapest data🥰
*MTN*
📲500mb ➖ 170
📲1gb➖340
📲2gb➖640
📲3gb➖940
📲4gb➖1250
📲5gb➖1550
📲10gb➖4000
Check balance=*131*4# or *460*260#
*GLO* *CORPORATE GIFTING*
📶500mb➖150
📶1gb➖270
📶2gb➖540
📶3gb➖790
📶5gb➖1300
Check balance=*127*0#
*AIRTEL*
🆒500mb➖150
🆒1gb➖270
🆒2gb➖530
🆒3gb➖800
🆒5gb➖1270
🆒10gb➖2510
Check balance=*140#

*9MOBILE*
☑️500mb➖140
☑️1gb➖240
☑️2gb➖480
☑️3gb➖660
Check balance = *228#

All network valid for 30days👌

*PAYMENT*
Through this acct
7032785536 ZAINAB SARKI AHMED
OPAY
CABLE SUBSCRIPTION ARE ALSO AVAILABLE
Phone no 07032785536

____________

.......Kaff-kaff jikin nashi ke cigaba da rawa tamkar mai jin sanyi. Yayinda lips nashi ke nasu karkarwar suma. Sai ya kalli ƙofa ya kalli tsakkiyar falon, yanayi yana jan jikinsa baya da rarrafe. Hawaye tuni sun wanke masa fuska. Bammm ya dangane da kujerar 2sitter dake bayansa. Duk da azabar zafin data ratsa masa gwiwar hannu bai damuba. Sai cigaba da raba kallo yake tsakanin Alimah da Anoosh da har yanzu ke tsaye a inda suke suna kallonsa kawai. A karan farko tamkar wanda aka matsa ya fara karanta ayatulkursiyyu. Wata irin mahaukaciyar dariya data sake wargaza ƙwaƙwalwar JJ suka kwashe da ita su duka biyun. Sai kuma suka shiga takowa da wani irin salo a tare har zuwa gabansa. Zama sukai gefe da gefensa suka sakashi a tsakkiya.
        “JJ angon Alimah!”.
   “Ko kuma na Anoosh