You Cannot Download this book untill you login but you can read it .

---

Login Register

case ɗin criminal case ne.

Tun komawar Haj Rakiya gida take ƙoƙarin kiran wayar Dillali Babaye amma wayarsa tana kashe, hakanan ta fara jin wata irin damuwa a zuciyarta, anya bata zura jiki da yawa ba kuwa, bata ba Babaye yarda da yawa ba kuwa? Idan ta tuna da yawan kuɗinta da ke hannunsa sai ta ji gabanta na faɗuwa, ta kasa zaune ta kasa tsaye, haka ta ƙara figar gyale ta tafi neman babaye a gidansa, da ta saba zuwa akan maganar sayen gidan. Cikin sanyun jiki take tafiya ko kaɗan babu ƙarfi a jikinta.
Tun bayan tafiyar Haj Rakiya, ciwon Haj kilishi ya tashi sosai, ga wani irin mugun zazzaɓi da ya yi awon gaba da ita, bata jin daɗin komai a rayuwarta, hatta bakinta ba ya yi mata daɗi, ɗaci yake mata, ga babu kowa a gida don masu aikinta ɗaya bata da lafiya ɗaya kuma jiya ta fara jinyar mahaifiyarta, tunda ta fara jin jikin nata haka kuma take ta ƙoƙarin kiran Hassana amma ta rasa dalilin da yasa wayarta ke kashe. Tana cikin wannan yanayin ne, Baba maigadi ya shigo fuska a tamke tsanarta ce shimfiɗe akan fuskarsa, ya sanar da ita yansanda sun zo suna son ganinta, ta yunƙura a daburce tace “ yan sanda kuma” , ya jinjina kai yace “ Eh suna waje”. Wani tunani ne ya faɗo a ranta, ta dubi Baba maigadi da yake shirin fita tace , “ Yaushe rabon musaddiƙ da gida?”, ya yi mata wani sakaran kallo yace “ Tun safe da ya tafi wajen aikinsa”, ta ɗan yi ajiyar zuciya sannan tace “ To Allah yasa ba shi ba ne ya tattago wani aikin”,
Ba tare da ya tanka ba ya juya ya yi ficewarsa, a ransa yana faɗin, yau ba musaddiƙ ba ne ke ce ki ka ɗakkoma kan ki masifa”.
Haka ta rarrafa ta tashi ta janyo gyale ta rufe jikinta, daƙer take dafa bango take ɗaga ƙafarta har zuwa bakin get ɗin gidan.
Tun daga nesa ta yi turus, tsoro ya fito ƙarara a cikin idanunta, a sanadiyyar ganin Mallam Mahmud da Inna Halima, Afrah da kuma abokin musaddiƙ Murtala, shin meke faruwa ne?, sai dai nan da nan ta kori tsoron nata, ta kuma ƙara ƙarfafama kanta guiwar cewa lalle musaddiƙ ne ya ɗakko wata fitinar, don idan ba haka ba me zai kawo su mallam Mahmud gidanta da yansanda.
Tana ƙarasawa ta dubi yansandan ta kuma dubi su mallam Mahmud tace “ lafiya me ke faruwa kuma”.
Gaba ɗayan su kallonta su kayi suka watsar, musamman Inna Halima da take jin tamkar ta janyota ta matse.
Ɗaya daga cikin yansandan mace ta yo kanta cikin fusata tace “ muna gayyatarki zuwa ofishin mu, domin amsa wasu tambayoyi, ki na da damar da zaki rufe bakinki da ga nan har zuwa lokacin da zamu isa police station”.
Nan da nan tsoro da firgicinta ya dawo sabo jikinta ya shiga tsuma, ɗaya ɗansandan ya daka mata tsawa yace “ ki wuce mu tafi”, ta ƙara daburcewa tace “ Babu kowa a cikin gidan, zan je na kulle gidan”, ya girgiza kai yace “ A’a ga maigadunki nan, zai iya kula da komai, tunda dama aikinsa ne, wuce mu tafi kawai”. Haj kilishi ta dubi maigadin tace “ Ka kula da gidan”, bai amsa ba illa kai da ya juyar gefe, ta ƙara kallon su Mallam mahmud da babu alamar sassauci a tare da su, haka ta wuce su ka tafi ba tare da magana ta haɗa ta da su Inna Halima ba.

Hankalinta bai ƙara tashi ba, ta kuma fara tunanin shin ko asirinta ya tonu ne a wajensu mallam Mahmud, sai da yansandan su ka buƙaci ta yi musu jagora zuwa gidan aminiyarta Haj Rakiya. Haka ta nuna musu hanya har zuwa gidan na ta. Wanda dawowarta kenan daga gidan Babaye cikin tashin hankali domin bata tadda shi ba asalima a kulle gidan ya ke. Yar sanda mace ce ta shiga cikin gidan na ta, ta fito da ita cikin gigita, ganin su Afrah kuma da Haj kilishi ya ƙara dagula dukkan lissafinta, babu abinda ya zo ranta face asirinsu ya tonu, to amma ta ya ya asirin na su ya tonu?.
Wani irin mugun kallo su ke sakar ma da junansu tsakanin Haj kilishi da Haj Rakiya, domin yanzu Haj kilishi Haj Rakiya ta ke zargi a bisa duk abinda ke faruwa. Tana tunanin itace ta tona asirinta. Haka dai suka kasance cikin ɗimbin tashin hankali da saƙe saƙe, har zuwa lokacin da suka isa police station ɗin, wanda kafin komai cikin cell aka watsa su kafin a buƙace su………..


Yar gidan Imam✍️
https://chat.whatsapp.com/JUeJeOL9kA8AHOGOfXOnSZ


MUSABBABI BOOK 2

NA

HABIBA ABUBAKAR IMAM
( mrs Aliyu Mayere )

Page 7

A cikin cell ɗin tsakanin Haj kilishi da Haj Rakiya kamar zasu dambace, kowa a wuya yake, Haj Rakiya ta koma can gefe ta buga tagumi tunaninta ya kasu da yawa, kuɗinta masu yawa da bata san a wane hali suke ba, da kuma dalilin kawota wajen yansanda, haka zalika tsoro ya ƙara kamata abisa dalilin bata son mijinta ko dangin mijinta da dama sam basa ƙaunarta su san tana wajen yansanda, tunda take a duniya ƙafarta bata taɓa takowa ofishin yansanda ba da sunan laifi, ta watsama Haj kilishi harara tace “ In dai kece sanadiyyar zuwana wajen nan to Allah ya isa ban yafe ba”, ita kam Haj kilishi magana ma ji take idan zata yi kamar za’a cire mata rai saboda tsabar raɗaɗi da zuciyarta take yi, bata jin tana da lokacin sa’insa da Haj Rakiya domin masifar da take ciki ta fi gaban misali.

Ita kanta Haj Rakiya ba ta ƙara gane tana cikin masifa ba sai da kofur Lawal da abokan aikinsa mata biyu suka shigo cikin cell ɗin, kofur Lawal ya fito da vedio ya kunna ya ɗora a idanunsu, nan da nan jikinsu ya fara rawa, tambayar d suke ma kansu itace ta ya ya aka ɗauki wannan vedio? Waye kuma ya ɗauka?. Kafin su an kara waɗannan matan guda biyu sun fara dukansu kamar Allah ya aiko su, ihu da neman ɗauki kawai su ke yi musamman Haj kilishi da jikinta ya ƙara rikicewa, dole so ake su amsa laifinsu, wanda Haj Rakiya ce ta fara buɗe baki tace “ Ni rakiya ce kawai nawa, ga wacce ta yi komai nan itace ta yi asirin”, kofur Lawal yace “ kun shirya amsar laifinku” duka suka amsa “ Eh”, ya tashi ya fito ya ba sauran matan umarnin su fito da su.

A kujerun tuhuma suka zauna kowacce na sharar hawaye, da girmansu da komai yau sunyi mafi girman wulaƙanta, ko ido Haj kilishi bata iya ɗagawa saboda kunya musamman da aka shigo da su mallam Mahmud domin su ji abinda Zasu faɗa, irin baƙin kallon da Afrah ke yi ma Haj kilishi ya ƙara tilasta mata yin ƙasa da kanta. Insifektan da case ɗin ke hannunsa ya shigo ya ja kujera ya zauna yana yi musu wani irin sakaran kallo, Murtala na tsaye kusa da mallam Mahmud, Afrah ta ɗago da wayarta musaddiƙ ne ke kiranta, tasan idan ba ta ɗauka ba ya dinga kira kenan, don haka ta fice daga wajen ta fita can waje ta ɗauka.
Ta yi ƙoƙarin ɓoye duk tashin hankalinta domin bata son ya gane komai, hira kawai yake son yi da ita, haka dai ta dage su kayi ta hirarsu ba tare da ya gane komai ba, daga bisani dai ya gaya mata da yuwuwar ƙila shigowar dare za su yi, tunda har yanzu Haj Hudah bata fito da ga meating ɗin farko ba. Fatan dawowa lafiya kawai tayi masa su kayi sallama, da sauri ta koma cikin ofishin, inda ta tadda Haj kilishi da Haj Rakiya kuka shaɓe shaɓe gaba ɗaya Haj Rakiya ta gama zayyanama Insifekta duk abinda ya faru wanda ko musu ɗaya Haj kilishi ba ta yi ba. Duk wajen babu wanda baiyi tir da halinsu ba.
Insifekta ya dube su yace “ zamu je inda kuka binne asirin ku tono shi da kan ku”, nan ma Haj Rakiya ba ta yi musu ba tace “ zan kai ku wajen”, Haj kilishi kuwa babu bakin magana har aka ƙara fita da su, cikin motar yansanda zuwa bakin bishiyar kukar, murtala ya kwaso su mallam nahmud da Afrah a motarsa.
Ganin motar yansanda ta ƙara dawowa unguwar su Haj Rakiya, wannan karon harda jiniya irinta masu laifi, yasa nan da nan yara da manya suka fara dafifi wajen kallon abinda ke faruwa, fargabar haj Rakiya na gudun kada kowa yasan abinda ke faruwa ya ƙara yawa, domin dai cikin ɗan ƙanƙanin lokaci magana duk ta cika unguwa.
Bakin ƙatuwar kukan Haj kilishi da Haj Rakiya suka tsuguna suka yi ta haƙewa, Haj kilishi ta riga ta sadakar da duk abinda zai faru da ita tana roƙon sassauci daga Allah, tonon asirin duniya ma kenan kafin aje lahira, yau itace rana ta farko da ta ji ta yi nadama har cikin zuciyarta akan abubuwan da ta aikata, ta ɗaga kai ta kalli ɗimbin mutanen da ke zagaye da su suna musu tofin Allah tsine, ta ji kunya iya kunya.
Haka suka fito da tukunyar asirin babu ƙyan gani.
Cikin bismillah kofur Lawal ya sa hankici a hannunsa ya karɓa, daga nan babu ɓata lokaci su ka ƙara dawowa police station ɗin.

A dai dai lokacin da aka fito da asirin kuwa a lokacin cikin mai Rakwacam da yake a kumbure ya yi bindiga ya fashe, sai kace almara, gaba ɗaya sauran jikin nasa ya zagwanye ya yi baki tamkar ƙonannen gawayi, wannan shine ƙarshen duk wanda yake jin zai ɗauki siffar ubangiji, masifar duniya dai ya gama ganinta saura kuma ta lahira, a haka matarsa da yan tsirarun mutane suka tarkata ɗan diddigar namansa aka binne a rami, don ba ma ce kabari ba. Wannan ishara ce babba.
Haka Haj kilishi tunda aka tono asirin take jinta wani iri, cike take da tsoro domin ba ta san abinda zai biyo bayan tonewar ba.
Insifekta yaso a maida su Haj kilishi cell a haɗa kuma komai a tura su kotu, amma dole yasa ya tsaya domin tattaunawa da su mallam Mahmud don yasan abinda su ke so.
Ko kai Haj kilishi bata iya ɗagawa saboda kunya da tashin hankali, haka Haj Rakiya tana rakuɓe jikin bango, ta tsani Haj kilishi fiye da tunanin mai tunani zaginta take sosai a hankali yadda Haj kilishin ce kaɗai zata iya jinta, duk yadda ta so ta tankama Haj Rakiya haka ta haƙura ta yi shuru, domin yadda kanta ke juyawa tana ganin kowa bibbiyu.
Insifekta ya cigaba da kallon mallam mahmud yace “ yanzu za muyi ƙoƙarin haɗa komai mu turaku kotu, idan kuna so har dukiyar musaddiƙ duk saita dawo muku da ita, haka zalika hatta Hannatu muna iya sawa a kamata daga can Abujan, haka itama Rakiya idan kuna so duk kuna iya neman kuɗin tarar haɗa hannun da aka yi da ita wajen aikata sharri”. Mallam mahmud ya dubi inna Halima da Afrah sannan ya maida kallonsa ga insifekta sannan yace “ Babu ko ɗaya da za’ayi insifekta, saboda duk waɗannan abubuwan ba su kai samun natsuwar musaddiƙ ba a wajen mu, dama mu buƙatar mu bata wuce ta tono asirin ba domin idan ta tono shikenan ya karye saboda haka tunda ta tone to bama buƙatar komai kuma”, Inna Halima ta ɓata fuska tace “ yaya amma ai yakamata a karɓoma musaddiƙ hakkinsa, kuma a hukunta su duka”, ya girgiza kai yace “ ki kwantar da hankalinki Halima, ita dukiyar na yi imanin babu abinda zata tsinanama kilishi balle Hannatu da mahaifiyarta, haka zalika na fi son musaddiƙ ya nemi nashi da kansa na fi son ya yi arziƙin da baida alaƙa da gado, don haka ki barta da dukiyar”, ya ƙara kallon insifekta yace “ irin girman zaluncin da ta yi ma musaddiƙ bana jin akwai wani hukunci da kotu zata yi mata, da zai gamsar da mu, don haka ba ɗan adam ba ne mu ke son ya yi mata hukunci, Allah da ya hana zalunci shi ne muke son ya yi mata hukunci ya yi ma musaddiƙ sakayya, saboda haka mun bar ta da Allah , mun barta da fitowar rana da faɗuwarta, tun daga kan dukiyarsa da tayi ruf da cikinsu zuwa wannan ɗanyen aikin da ta yi duk mun barta da Allah”,
Shurun da ya yi yasa Afrah ta amshe maganar tace “ Tabbas sakayyar Allah muke nema, domin Allah ba ya yafe laifin tsakanin bawa da bawa har sai sun yafema kansu saboda haka muna roƙon sakayya cikin gaggawa”.
Duk wannan maganganun da su ke yi Haj kilishi tana jinsu daga cikin cell ɗin, tsoro fa ya kara kamata, bata son a barta da Allah tana tsoron sakayyarsa a gareta, hawaye ya cigaba da zuba daga idonta babu ƙaƙƙautawa.
Insifekta yace “ kunyi tunani irin na mutanen kirki, dama kuma duk abinda mutum ya yi kansa ya yi ma alheri da mugunta, hukuncin Allah kuma shi ne hukunci”, murtala yace “ Hakane mungode da haɗin kan da ka ba mu Allah ya saka da alheri”,
Insifekta yace “ Babu komai, sai dai mu ma zamu yi namu aikin, domin zamu cigaba da ajesu anan har sai masu yin belinsu sun zo”, Murtala yace “ wannan aikin ku ne kuna iya yin duk abinda ya kamata, mu zamu tafi idan babu wata matsala”.
Yace “ Babu damuwa, sai takarda kawai da za ku sa mana hannu”.

Murtala ya miƙama takardar ya sa hannu sannan cikin yi ma Allah godiya suka fito ba tare da sun bi ta kan su Haj kilishi ba. Tun acikin ofishin yansandan Afrah take jin wata irin damuwa hankalinta ya karkata ga wane hali musaddiƙ ya ke ciki, yakamata ya kirata yadda baya daɗewa bai kirata ba amma gashi har sun fito daga cikin police station ɗin bai kira ba, itama kuma ta yi ta kiransa wayar na ta ringing amma ba,a ɗauka, ta yi masa uzirin ko yana wani wajen ne da ba zai iya ɗaukar waya ba. Amma me ya sa gabanta ke faɗuwa?.

Haj Hudah ce cikin matsanancin tashin hankali gaba ɗaya a firgice take, sam babu nutsuwa a jikinta, tana durƙushe gaban musaddiƙ wanda gaba ɗaya ya gigice ya fita hayyacinsa, wani irin amai yake yi baƙi me mugun wari, gaba ɗaya idanunsa sun juye, wannan itace rana ta farko da Jikin Haj Hudah ya taɓa jikin musaddiƙ, duk kuma da rikitaccen halin da take ciki bai hanata jin wani irin sanyi da jin daɗi a tare da ita ba, ƙam ta riƙe hannunsa tana murzawa, kafin daga bisani da taimakon sauran jami’an tsaronta aka sanya musaddiƙ a mota zuwa Abuja clinic. Haj Hudah na rungume da kansa a cinyarta, duk aman da ya ɓata mata jiki bai dameta ba , damuwarta ɗaya shi ne sanin abinda ke faruwa da musaddiƙ cikin ƙanƙanin lokaci gaba ɗaya ya canja.
Kai tsaye gado aka ba musaddiƙ aka ɗaura masa ruwa gami da taimakon gaggawa da suka fara ba shi, amma yadda numfashi ke yi masa wahala yasa dole likitoci suka sanya masa oxcigine, wanda hakan ya ƙara dugunzuma zuciyar Haj Hudah, kuka sosai take yi sai kace wacce aka yi ma wata gagarumar mutuwa.

Dai dai lokacin wayar Alh yusuf sanda ta ɗauki ƙara, da sauri ya ɗauka lokaci ɗaya ya kara wayar a kunnansa, ya ɗatsu yana sauraron abinda wanda ya kira shi yake gaya masa, yana cigaba da gyaɗa kai kamar tsohon ƙadangare, yana gama wayar, ya yi murmushi yasa hannu ya shiga whatsapp ɗinsa ya shiga fito da hotunan, ya yi wata irin dariya gami da miƙewa ya na yin zooming ɗin hoton, Haj Hudah ce rungume da musaddiƙ a kan cinyarta idanunta na fitar da hawaye ………..


Yar gidan Imam✍️
https://chat.whatsapp.com/JUeJeOL9kA8AHOGOfXOnSZ




MUSABBABI BOOK 2
NA
HABIBA ABUBAKAR IMAM
( mrs Aliyu Mayere )

Page 8

Alh yusuf sanda ya ƙurama hoton ido, ko kaɗan babu alamar kishi a tare da shi, illama murmushin sa na ƙaddara da yake ta faman yi, gami da zagaye ɗakin ba tare da ya cire ido akan hoton ba.
Ya ɗauke hoton ya shiga wajen kira, bugu ɗaya wanda ya kira ya ɗauka, babu wata doguwar magana yace “ Na ga komai, ka turo min accout number ɗinka”, ya jinjina kai lokaci ɗaya ya kashe wayar yana cigaba da girgiza ƙafafunsa.

Gaba ɗaya gidan mallam Mahmud murtala ya wuce, suna isa gida, da kansa mallam mahmud ya shiga gidan liman maƙocinsa, ya kira shi domin ya zo ya ga abinda aka tono, da kuma neman shawarar yadda za’ayi da shi. Liman ya daɗe ya daɗe yana addu’o’i, kafin ya ɗauki sihirin a hannunsa, sannan ya yi ta addu’a yana tofawa akai na tsawon wani lokaci, kafin daga bisani ya buƙaci a bashi ashana. Nan da nan Inna Halima ta tashi ta wuce Mama Hauwa da take tsaye sototo tana kallon duk abinda ke faruwa ba tare da tasan dalilin faruwar komai ba, ko kallonta Inna Halima ba tayi ba ta wuce ɗakin girki ta ɗakko ashanar ta kawo, liman ya ƙarɓa ya ƙara yin wata addu’ar sannan ya kona duka tukunyar sihirin da abinda ke cikinta, duk ido su ka sama tukunyar har sai da ta ƙone ƙurmus sannan mallam Mahmud ya matso kusa da liman yana kallonsa yace “ yanzu shikenan babu wata matsala, babu fargabar faruwar komai”, liman ya girgiza kai cike da alhini yace “ in sha Allahu babu komai, irin addu’o’in da nayi kuma ko da akwai matsala Allah zai kare komai, sai dai tabbas mallam duk wanda ya yi tsafin nan ya gawurta zaman irin su kuma a cikin al’umma masifa ne, domin wannan ba asiri bane tsafi ne, kuma akwai bambanci sosai tsakanin asiri da tsafi , sai dai kuma in sha Allah wannan dai tsafin ya riga ya karye, Allah kuma ya shiryi masu yi da waɗanda ke kai kansu don ayi musu, Allah ya tsare mana imanin mu”.gaba ɗaya suka amsa da “ Amin”, sannan ya dubi mallam mahmud yace “ shi kuma musaddiƙ ɗin idan ya dawo ka kawo shi wajena, saboda akwai wasu addu’o’i da zan ba shi na tsari, domin wannan rayuwar da muke ciki dole sai da addu’a, don muna cikin wani zamani da hassada da baƙinciki suke addabar raunannun zuciyoyi, hakanan ma baka takama mutum ba baka zubar masa ba ya zauna yana jin haushinka kamar zai kasheka, bayan babu abinda kayi masa, Allah dai yasa mu fi ƙarfin zuciyar mu”.

Gaba ɗaya suka amsa da amin sannan mallam mahmud ya yi masa godiya ya kuma raka shi har waje sannan ya dawo, bayan ya dawo daga rakiyar liman ne, shi ma Murtala ya yi musu sallama domin tafiya gida, gaba ɗayan su tun daga mallam Murtala, Inna Halima, da Afrah, sai da su ka yi masa godiya mai yawa,domin irin taimakon da ya yi musu, tare da sauƙaƙa musu komai, murtala ya nuna musu don ya yi ma musaddiƙ wannan ba komai ba ne, domin yadda ya ɗauki musaddiƙ a matsayin amini, haka zalika ya na ɗaya daga cikin masu yin bakinciki da halin da musaddiƙ yake ciki, zai kuma iya yin komai domin ganin ya dawo dai dai. Duk da haka dai sun ƙara masa godiya, sannan ya bar gidan.

Bayan fitarsa ne,haƙurin mama Hauwa dai ya ƙare musamman da ta ji irin bayanin da Liman ya yi, sai dai daga fuskar Inna Halima har ta Afrah babu wace take da sauƙin da zata tambayesu abinda ke faruwa, don haka ta taka a hankali ta koma gefen da mallam Mahmud ya ke, tana kallonsa ƙasa-ƙasa tace “ Wai mallam me ke faruwa ne?, na ji liman na maganar tsafi, ga kuma wannan mummunan abu da aka ƙona, wa aka yi ma tsafin ne, kuma wa ya yi?, don na ga babu wanda ya damu da ya yi min bayani”, Inna Halima ta tabe baki ta kau da kai, Afrah kuwa matsawa ta yi can kusa da tsohon ɗakinta ta cigaba da laluben wayar musaddiƙ, wanda har zuwa lokacin a kashe wayar ta ke.

Mallam Mahmud ya yi mata kallon tsaf yace “ Ba’a gaya miki bane saboda bai shafeki ba”, ta fiddo idanu waje cike da mamaki tace, “ Ban gane bai shafe ni ba, amma ai abinda ya shafeka ya shafe ni, tunda kuma naga ai har bare aka sako ciki, murtala da alama da shi a kayi komai, sai ni kace bai shafe ni ba” mallam Mahmud ya ƙara gyara tsaiwarsa yace “ Da ace maganar Na’ima ce ko ta sauran yayanki da sai nace ya shafe ki, amma wannan magana ce ta ya ta Afrah”, ran Mama Hauwa ya ƙara harzuƙa tace a zafafe, “ wai wace irin maganace wannan ka ke jifana da ita, yanzu don maganar Afrah ce sai a kasa gaya min wai me ku ka ɗauke ni ne?”
Kai tsaye mallam Mahmud ya bata amsa da cewa, “ Maƙiyiyar Afrah”, Inna Halima ta jinjina kai alamar ta ji daɗin amsar da ya ba ta.
Ita kuwa Mama Hauwa bata fita daga takaicin maganarsa ba, ya ɗora da cewa “ Ke Hauwa, na rantse ki ji tsoron Allah, ki yi ma kanki faɗa, ki sani ɗan kishiya ba abokin gaba bane, ki sauke baƙar aƙidar ki akan hakan, ya kamata ace ki kalli ko wane ɗa da irin idon da ki ke kallon ɗan da ki ka haifa, ko ɗan kishiya, ko ɗan maƙoci, ko ɗan unguwa da duk wani ɗa da zaki gani a duniya to ki sama kan ki son sa da son cigabansa kamar yadda zaki so cigaban ɗan da ki ka haifa, da za’a dinga samun irin haka to tabbas da an samu ƙarancin lalacewar tarbiyyar yara, “.

Za tayi magana kenan, ya ƙara katseta ya cigaba da cewa “ Ina matuƙar tsoro da fargabar ka da ke ma wata rana ki faɗa bin malaman tsubbu da bokaye domin ganin bayan Afrah, kamar yadda kilishi ta bi domin ta ga bayan musaddiƙ, don kuwa irin ƙiyayyar da take ma musaddiƙ irinta ki ke yi ma Afrah, shi fa ɗa ba a san mai morarsa ba, don Allah ki sassautama kanki ki dawo hanyar Allah da manzonsa”. Nan da nan fuskar mama Hauwa ta ƙara canjawa, ta waigo tana kallon Inna Halima da take faɗin “ Allah yasa ta ji nasiha”, ta ɗauke idonta akanta bata jin zata biyeta yau su aje abin faɗa, don haka ta dubi mallam Mahmud tace “ Haba mallam, wannan wace irin maganace, ni har wace ƙiyayya nake yi ma Afrah da zata zama abar kwatance tsakani da Allah da har zan shiga bokaye saboda na ga bayanta?”.