You Cannot Download this book untill you login but you can read it .

---

Login Register

ta k'ara tunzura., duk da hujjojin Ancle Fa'iz masu k'wari ne da za'a mara masa baya, amma da yake k'iyayyar tawa ce Kawai tafi tasiri a ranta, Sai tace.

"Ban yarda ni kuma da duk tawilinka ba Fa'iz. kuma bazan yarda ba.Idan kak'i bayan Khalifa kabi bare Sai me? ni ina bayan d'ana,haka ma 'Yan uwan'sa. Nan naga Khairat cikin fushi ta kalli Khalifa ta d'an ja tsaki, haushin sa na gani muraran cikin idanun ta.

Momi ta zarce da cewa.

"Na gode Allah ma da Abban Ku yau bai motsaba, saboda maganin baccin da yasha, saboda larurar sa. Yanzu za'a kashe a rufe a bunne, kuma duk Wanda yaje masa da zancen babu ni babu shi. Kai kuma Fa'iz, kwana guda na baka ral! Kasan Wacce kake ciki da Sumayya. Na rabu da ita, taje dan kanta, amma fa dole ka nisantata da mu, ka kuma nisanta ta da kan ka. In dai nina haifeka, dole kayi hukuncin da zai samar min da nusuwa, domin ni ban yarda ka had'a jini da irin wannan matar ba. Sam bata dace da kai ba ko da wasa ba gaske ba."
Duk da Momi bata furta mai Ancle zai yi ba a fili a kaina, duk mai hankali zai halarto.

Duk wannan zance da Momi keyi, ni Ina uwar d'aka ma na barsu, illa jiyo muryarsu. Tuni na tsara Wacce zata fish she ni kafin ma su su yanke manufarsu. Nasan dai Ancle Fa'iz sakina zai yi, to kafin yayin, ni nayi nisa ma, Sai dai ya biyo ni da takardar sakin, ko ya turo. Tabbas Ancle Yayi jarumtar wariya, shi kad'ai yayi min halaccin da ban tab'a zato ba. Amma duk da haka na yafeshi, ko da zan dawwama babu aure, idan na rasa shi. Abinda 'yan uwan'sa suka yi min, ya tabbatar min zasu iya yi min kowani irin mugun a bu, domin nayi nisa da shi. To me yayi zafi, shi ba wuta ba.?


**********

'Yar jakata madaidaiciya na d'auka, na d'ebi Kaya kala uku, da sauran a bubuwan amfani na mata da kud'i. Ina idar da sallar a suba, gari da sauran duhu na himmata. Na doka sa'a Ancle yana d'akin'sa bai kuma shigowa wurina ba, tun da aka gama hatsaniyar ya fice. Nasan yana d'akin sa yayi luf, yana nazarin Wacce za'ayi, kuma nasan bashi da zab'in da ya wuce yiwa Momin sa biyayya. Rabuwa dani sassauk'an a bu ne ai a wurin'sa tun da yana da wannan k'udirin nan gaba a nawa zaton. A hankali, na rink'a k'wank'wasa K'ofar d'akin Ancle Sulaiman dake daura da hanyar fita waje, saboda kar cikin gidan su jiyo, domin na fison ya fara sanin komai kafin kowa na gidan ya Sani. Can ta ciki yace waye? Nace "Kawu nice Sumayya." Da sauri kuwa ya bud'e. Wani kallo ya sakarmin, Sannan ya dire kan jakar da nake rik'e da ita. Yace
"Me yake tafe dake da duku dukun nan, har da jaka? a binda nake fargaba ya auku ko?. Na soma matsar hawaye mai zafi.
"Ancle wani sharri mai muni aka k'ullamin." Na soma sheshshekar kuka. Jikin sa yayi sanyi, yanayin sa gaba d'aya ya canza. Ya koma cikin d'akin yace nima na shigo.

Yayi tsai yana kallona kafin yace "Yarima ya sakeki ne?"
Na girgiza kai "A'a, amma nasan yana gab da yi." Yace cikin canzawar kamanni lokaci guda.
"Yaya a Kayi kika san hakan?"
Nace cikin sharar hawaye.

"Momin 'sa ta bashi umarnin batason kasancewar mu tare."

Ya nisa.

"Shi yace ki taho gida?"
Nace "Bai San ma na taho ba. Babu Wanda ya gan ni a gidan dana fito.
Yaja kwafa irin ta ban takaici. "Ai kinji tsiyar.menene to amfanin fitowar taki? Kenan a ce zargin da ake miki gaskiya ne Kenan? tun da kin gudu a sace.shi kuma Yarima ki k'ara tunzurashi ko baiyi niyyar sakin ki ba ya sakeki? da auransa bai sakeki ba ki fito babu sanin sa, baisan inda kika jeba, ai da Sai kiyi hak'uri Sumayya ki zauna a d'akinki kiga mai zai zartar tukun. Amma haka kawai ki zartar da hukunci kafin ya zartar.?"

"Kayi hak'uri Ancle hankalina ne ya tashi ya gushe, Sai Samun kaina nayi da yin komai." Nace cikin share hawaye, wani na sake zubowa.

Yace "Fad'amin a binda ya farun."

Tun daga farkon zuwa na gidan har zuwa inda aka yi min sharri, ban b'oyewa Ancle Sulaiman ba na matsalolin da na fuskan'ta.

Yayi shiru kafin ya dubeni yace "Kukan ya isa haka Sumayya, in dai ba so kike hawayen ya k'are ba. Komenene nina ja miki dai "
Da sauri nace "No Ancle. Komai da ya faru dama yana cikin littafin k'addarata, ko babu kai Sai ya faru."

Yace
"Bantab'a zaton zaki samu matsala da mutan gidan su ba, zatona iyakaci keda Yarimane kafin Ku fahimci juna ko kuso juna nasan dole Ku samu Sab'ani iri iri, amma bani da haufi saboda nasan 'yata ta garice mai juriya da iya Mu'amala. Amma duk da haka an samu ci gaba, tun da har Yarima ya yarda dake ya goyi bayanki bai yarda da sharrin da aka yi Miki ba, duk da girma k'azafin mai girmane da dole yasa zuciya rawa da girgiza da shakku tsakanin ma'aurata. Nayi mamakin irin wannan girman yarda da Yarima yayi miki da har ya k'arya ta take gaban Momin sa, ai ko domin wannan ba kya bashi kunya ba ki fito. Dan adam ba'a cin alwashi a kan'sa ko Yaushe, ki fad'amin gaskiya Sumayya, me yasa Khalifa yayi miki irin wannan sharrin, me ye tsakanin Ku in dai haka ne." Nace

"Wallahi Ancle ba wani abu. Salima suka fi son sa dani, shi kuma yak'i koma mata har yanzu, bai huce ba, shine ni nazama mai alhakin komai a ke wahaldani, a kemin haushin kaza huce kan dami."

Kafin Kawu na ya kuma magana wayar sa ta d'auki k'ara. Yana d'agawa Sai ji nayi yace

"Yarima.!.

Gabana ya yanke ya fad'i. Nabi Kawu da kallo yayin da ya ci gaba da cewa a wayar.
"Gata nan ma a gabana, nan tazo. Karkaji komai, nine fa naka, kuma ai bata b'aci tsakanin Mu.

To Sai kazo"
Kawu bayan ya kashe wayar ya dubeni.

"Ga Yarima nan zai zo yanzu."

Da sauri nace "Takardar sakina zai kawo amma"

Wani kallo mai kama da harara Kawai Kawu Sulaiman ya sakarmin.

*🏤 NI DA GIDANA 🏤*


*_Littafi na daya_*


*NA*



*ZAINAB ILYAS MAZAWAJE*

*_________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_domin shiga shafin mu na Bakandamiya danna nan_*👇🏻

https://bakandamiya.com/group/71/Kainuwa-writers-association

*_________________________________*




📱23
_______ Kawu Sulaiman yace "Wani irin Zancen shirme da rashin tunani kike haka? auren naki kike wa fatan ya mutu? to idan ya mutun uban wa zaki aura? Ko kina nufin zaki samu Wanda ya kai rabi rabin Yarima a komai? to Yarima zuwa ma zai yi yace ban hak'uri a dai dai ta ki koma. Ga muryar sa ma na fahimci yana cikin damuwa, na a binda ya faru. Kiyi murna Sumayya ma domin na fahimci Yarima yanayi dake. Inda bai damu da ke ba, babu yarda za'ayi yayi haka, har yace yanzun nan ma zai taho. Nafa san Yarima kamar yunwar ciki na. Ni Sam a yanzu, ni damuwar Yarima gareni bata dameni ba, burina Kawai ya sakeni. Na so Fa'iz Zunzurutun SO, Wanda har so nake na saita kaina a gaban'sa kar ya fahimta, amma Ina!, nakan kasa sarrafa kaina sau tari, shi yasa shi da kan'sa ya fahimta, domin Yana da saka idanu na fahimtar a bu nan da nan.
Amma yanzu haka ji nake ko zan rasa Mijin aure a gaba na dawwama babu aure zan iya, in dai Sai da Ancle zan rayu. Mummunan k'azafin da a ka yi min yasa duk son zama dashi ya sanemin, koda kuwa shi yana son dawwamammen zama dani na yafe. Abin kunya ne ma ni a gareni na koma gidan'su da zama, ana yimin kallon mutuniyar banza mai aikata alfasha kuma da k'anin Miji. Koda iya ma gidansu zancen zai tsaya zan Shiga garari, ballantana nasan Sai anyi ta kwaza zancen yayi ta yawo a dangi, tun da dama so ake a b'ata min suna. Ban san Sanda na sake sakin Kuka ba, saboda takaici .

"An cuceni, an zalinceni, Allah ka sakamin" A she zancen ya fito fili bansa ni ba, Sai ji nayi Kawu sulaiman yace.
"Haba Sumayya, kiyi hak'uri mana, tun da dai mijinki yana bayanki menene na d'aga hankali.

Na dubi Kawu nace.

"Kawu ka gafarceni, Allah bazan iya zama da Ancle Fa'iz ba, ka sashi ya bani takarda bazan iya ba Kawu."

Ya zubamin idanu kafin yace "Don Allah Sumayya ki shigo nutsuwarki, komai yayi zafi maganin sa Allah. Wallahi bazan iya yi miki yarda kike so ba, saboda nasan ba zaki sake Samun dacen Miji irin Yarima ba. Kyauta ce, ni'imace, baiwa ce, d'aukaka ce, Samun Yarima a gareki. Kyauta ce mai girma daga Ubangijinki, da dabararki da wayonki, ko wani abin duniya ba zasu tab'a baki ba. Dama wasu lokatan bayi butulci ne da su. basa tab'a sanin ni'imar da Ubangiji yayi musu, sai sun rasa. Kuma misali ma a ce kin rabu da Yarima, Kinsan in da zaki fad'a? Kenan duk in da kika ga matsala Sai ki fito ko? Haba Sumayya! mijinki ya yarda dake ma ai daraje ce babba. Kuma Sai da aski yazo gaban goshi zaki zame zame ladan wahalarki ki yar ? Ina mai tabbatar Miki Yarima ya soma sonki, tun da har yake kok'arin a daidaita ki koma, baya ma duba ga rashin son auranku da mamansa ba tayi, duk da irin Soyayyar da yakewa Momin.
Nace "Kawu, Ancle Fa'iz yana so na koma ne, saboda yasan wa'adin aure na da ya d'iba bai cika ba, so yake Sai ya cika ya sake ni ya auri Salima."

Da sauri Kawu Sulaiman yace "Wannan Zancen shirmene Mara tushe. Tun Yaushe wa'adin auren ya cika amma bai sakekin ba.? ai tun daga lokacin da maman Salima tayi laushi ta sauko ta Shiga zabarin neman Yarima wa'adin ya cika. Dama burin sa Kenan ta sauko ta gane kuskuranta tazo kuma tana rok'on sa ya auri 'yarta, kuma tayin, domin tasha zuwa in da tasan Yana zuwa tana bashi hak'uri da rok'on yazo su sasanta ya auri Salima. Sai dai idan kece bai fad'awa ba."

Bakina ya mutu saboda rashin Samun hujjar mafaka, amma fa Zuciyata tana nan daram, banason zama da Ancle Fa'iz.
Yace "Tashi ki Shiga gida, kuma karki kuskura, ki fad'awa kowa a gidan me ya faru. Kice unguwa zaku da Yarima kika biyo gaishe su, saboda nasan kika fad'awa Baba Talatu,Sai ta fesawa Hajiya Mariya,Sai suzo a kwab'e lamarin Maimakon gyara. Ki gyara fuskarki, ki kuma a jiye jakarki anan kar su d'ago komai."

Baba Talatu tana tsakar gida tana Shara da na shiga, ganina ta jefar da tsintsiyar tace "Ke kuma lafiya da duku dukun nan?. Daga bayana naji muryar Kawu yace" A sibiti zasu je idanunta ke ciwo, ba kiga ma yayi jajawur ba.?"

Ta dubi fuskata tace"Ai kuwa gashi nan har kumburi ma yayi, Allah ya sawak'e nace "Amin."
Kawuna a Kwai kwanyar dabara da wayo, nace a zuci.

Kakana yana d'akin sa, na Shiga na gaisheshi, Shima irin tambayar Baba Talatu yayi min, na kifeshi bai bai. Gaba d'ayan su, suka Sani a gaba, cike da murna da hira. Zuciyata a cushe take da k'unci, haka na rink'a daurewa ina biye musu, domin kar su fahimci Ina cikin damuwa. Baba Talatu ta gewayeni da Kayan Karin kumallo. Ga yunwar Ina ji, amma yak'i shiga. To rashin walwalata ya soma tonamin a siri, saboda sun San halina yarda nake buwayar su da tsokana da wasa, Sai suka jini nayi Lak'was Sai hira Sama Sama.
"Sumayya babu a binda ke damunki?" Inji kakana.
Na k'agi fara'ar dole.
"Zazzab'i Sama Sama ke damuna, amma tun da zamu a sibiti sai su bani magani."
"Allah, ya sawwak'e." Suka had'a baki tare.

********

Kawu Sulaiman ne, ya shigo yace "Sumayya mijinki ya iso, fito Ku tafi." Kamar na Saki ihu Amma na daure gudun b'acin ran Kawu na, da rufa a sirin da yake so a sirrinta.
Nayi wa tsoffina sallama suna ta shek'amin albarka da addu'ar Samun lafiyar larurorin da na d'orawa kaina.

Ancle Fa'iz da shi nayi tozali, saboda yana fuskantar k'ofar Shiga d'akin hard'e da hannu a k'irji. Shirt ce a jikinsa ruwan makuba mai dogon hannu mai Lin's.Sai wando, trouser da ya dace da shirt d'in duk da kalar ba iri d'aya ne, amma sunyi masa d'an Karen kyau, kamar ko yaushe a bin a halittar ne, mai yarda da hakan, Sai Wanda yaga my Ancle kawai. Mun had'a ido, amma fuskarsa babu annuri, ko sakin fuska Sam. Hakan ya nunamin cikin damuwa yake sosai. Ni kuma hawaye ne suka soma zubar min, Ina gogewa suna sake zubowa, Ina gani yanata kallona da Ina kukan, Sai kuma ya kau da kai ya dubi Kawu Sulaiman.

"Sulaiman wannan a bu da ya faru nine sanadi, Wallahi Nike da alhaki, saboda haka yanzu kaina nake ta tuhuma da zargi."

"Kamar Yaya Yarima?"
Yace "Sulaiman tun farko na rufeka, amma na fad'awa Sumayya, ta yiyu ta fad'a Maka. Na auri Sumayya da Wata irin k'udurtacciyar manufa, bada zuciya d'aya ba,da nufin burina yana cika zan saketa, ta auri Wanda take so, amma ban yarda wani a bu ya ratsa tsakanin mu ba na auratayya, saboda waccan niyyar. Shi yasa yanayin zaman namu ya fallasa kan sa, kowa ya fahimci ban d'auki Sumayya da daraja irin ta matar aure ba, tun da manyan hak'k'ok'in auren na saryar, kuma ko a jikina. Wannan dalili yasa kowa ma a gidan yake mata a binda yaga dama, ta zama taka haye. Wasu a bubuwan ma gaskiya ina gani a nayi da basu dace ba, amma Sai na kau da kai, ko kuma nine ma zan yi a binda bai dace ba, a cikin zamana da ita, duk tunani na na wani lokacine tun da rabuwa zamu yi a gaba kad'an. Wannan babbar matsala ma da ta faru, nine umda na sanadi, domin da Ina kwana d'akin Sumayya, Khalifa yama isa ya shigo?"

Kawu Sulaiman ya gyad'a kai na gamsuwa. Ni kuma sunkuyar da kai nayi, saboda jin kunyarsu su duka.

Shiru ya ziyarci wurin na sa'oi Sannan Ancle Fa'iz ya tausasa murya yana mai kalloni yace.
"Sumayya ki yafemin, nine sanadin jefaki a matsalar nan. Nina jawo a ka cutar dake, kuma ba halina bane, ban kuma niyyaci hakan ba,k'addara da tsautsayi ne." Kukan da na kasa tsaida shi yasa ban iya amsa masa da baki ba, Sai gyad'a kai.

Kawu yace " Komai ya wuce Yarima, kuma ai anyi mai wuyar tunda ka fahimci kuskuren.kuskuren ka d'aya ne, daka d'ora auren ka na sunna kan Wata gurb'atacciyar manufa da niyya, shi yasa dole a tarar da abin k'yamata.Duk da haka kana birgeni Yarima, saboda gaskiyarka da fad'enta ko da kuwa a kanka ne.

Ancle Fa'iz Yace "Son zuciya nabi Sulaiman, ba dole na karb'I raddin b'acin ta ba.Buk'atata Kam ta biya, amma kuma ta yayi momin manyan matsalolin da na rasa ta Ina zan fara wurin warwaresu. Yayi shiru Sai kuma naga ya d'aga kai zuwa ga kallon silin Sama, ya lumshe idanu, ya rage sauti yace a hankali. "Da nasan zuciya ta zata jarabtu da wannan a bu, da ban aikata a binda nayi ba. Nayi nadama ta k'arshe."

Muna jinsa Sarai ni da Kawu na, amma ni ban fahimci me yake nufi ba.
Ya bud'e idanun a hankali
"Sulaiman zanyi gyara a kan duk b'arnar da na jawo ta afku, ka samin idanu Kawai. Ina so Sumayya ta koma d'akin ta kuma a yanzu, Kayi min alfarmar nan."
Sai gani nayi Kawu Sulaiman ya Saki murmushi. "Shi yafi komai sauk'i hakan, Sumayya cikin ikonka take fa, ka tuna. Amma fa ka kula sosai wurin zartar da komai kayi a hankali, kar ka b'ata ran Momi."
"Na gama da wannan fannin Sai k'arashe Sulaiman. Idan a Kwai wani mahaluk'I a Duniya da yake iya lallab'a Momi, da jawo ra'ayinta da sanyayar mata da rai, to nine na farko. Kafin na taho na sarrafa Zuciyarta da wasu kalamai ta sauko, Sai dai na k'ara bik'i idan na koma."
Sosai Kawu Sulaiman ya nuna farin ciki, ya dubeni yace "Tashi Ku tafi Sumayya."
Ai kamar yace na b'arke da kuka .

"Wallahi bazan iya ba, bazan iya tozali da kowa na gidan ba, Kayi min aiikin gafara Kawu bazan iya Zaman auren nan ba"

Ran Kawu Sulaiman ya b'aci,ya tasomin da hargowar wani irin fad'a kamar zai bugeni, Sai Ancle Fa'iz ya dakatar da shi.

"Don Allah barta haka, kar ka k'ara firgitata, ita Yanzun a bar tattashi ce da lallab'awa.

Ancle Fa'iz Mik'ewa yayi ya dawo gabana ya zauna dab dani, jikinsa ma ya had'u da nawa. Ya yayemin mayafin da na rufe fuskata. Ya jawo hannayena duka ya matse cikin tattausan farin nasa hannun. Ya soma magana cikin wani irin tattausan lafazai, na lallashi. Nan naga Kawu Sulaiman Kawai ya
mik"e ya fice da sauri, saboda yaga a bin ya girmami ganin sa, bai kuma San Ina za'a tsaya ba.

*🏤 NI DA GIDANA 🏤*


*_Littafi na daya_*


*NA*



*ZAINAB ILYAS MAZAWAJE*

*_________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_domin shiga shafin mu na Bakandamiya danna nan_*👇🏻

https://bakandamiya.com/group/71/Kainuwa-writers-association

*_________________________________*




📱24
________ Ancle Fa'iz ya soma da bani hak'uri ta hanyar kwantar da kai da murya da lallashi, tamkar shi yayi min k'azafin, Sannan ya d'ora da cewa "Sumayya duk a binda kike so zan yi miki shi, matuk'ar bai fi k'arfin yi na ba. Ni kuma alfarma d'aya nake nema a wurinki, shine ki koma d'akin ki a yau d'in nan. Komawarki yau, yana da matuk'ar muhimmanci, kuma komarki ita zata k'ara wanke ki daga zargi, kema ki samu sauk'in kuma damuwa, domin a Kwai wani a bu da ya biyo baya, bayan kin taho, Sai kin koma kuma zaki ji shi da kunnenk, na kuma tabbatar jin zai sa ki samu nutsuwa."

Furutan'sa sun d'an kwantar min da hankali kad'an duk da cikin damuwar nake sosai.

Nayi k'ok'arin k'wace hannaye na daga cikin nasa na kasa, domin k'ara matsesu yayi da ya fahimci nufina. Na dubeshi kad'an Wanda dama shi tun d'azun idanun nasa zube suke a kaina.

"Zaki koma d'in my Sumy?" Na girgiza kai.
"Ina jin nauyi Ancle. Ina jin nauyin idanun mutan gidan nan naku da suke yi min kallon mutuniyar banza. Bazan iya had'a idanu da su ba. Kai ma d"in kunyarka nake ji, kayi hak'uri Ancle Fa'iz ka barni. Na yafewa kowa ma, amma ka barni a nan please."

Ya girgiza kai da sauri.

"Bazan iya barinki ba Sumayya, Sai kin koma kin wanku a idanun kowa, nafa fad'a miki a Kwai a binda ya biyo baya, bayan kin taho, dole Sai kin koma zai yi amfani. Kuma Ki dai na jin kunyata ni. Kika kawo min k'ur'ani izifi sittin zan iya dafawa Wallahi, cewa baki aikata wannan laifi ba. To wai ma ta yaya hankali zai d'auki wannan? Idan mafad'in magana wawa ne, bai kamata majiyinta ya zama wawa ba. Ba yabon kai ba, ke da kike da kamata me za'kiyi da Khalifa? ni nafi can canta da kinemi buk'atar ki a wurina idan ma kina da buk'atar Kenan, amma ba wurin Khalifa ba. Tun da baki nema a wurina ba, to na tabbatar ba za ki nema ba a wurin Khalifa. Na auna d'abi'unki cikin ma'aunin sikeli na hankali, sun nauyayi nauyin aikata irin wannan aiki mummuna, Wallahi ba zaki aikata irin wannan b'arna ba, ba za ki tab'ayi ba, Sai dai idan ba kya cikin hayyacinkI. Ki yarda dani, ni tuni na yarda dake, duk da ba muyi jimawar da zan yi miki wannan yardar ba, amma ni Zuciyata ta tsimu da Samun a minci dake, zuciya ta ta nutsu dake. Kiyi min halacci my Sumy, kin yarda zaki koma?" Ya sake jefomin tambayar cikin k'ara shigar da fuskarsa dab da tawa kamar za'su had'e. Babu shiri na gyad'a kai nace "Na a mince." Saboda zan Sha kunya idan Kawu Sulaiman ya dawo ya same mu a haka, shi kuwa nasan ko a jikinsa.

Nayi k'ok'arin mik'ewa, Sai ya saki hannun nawa. Yin hakan Kenan, Sai ga Kawu Sulaiman ya shigo, Yariman nasa yace masa "Nayi nasara na jefa k'wallo a raga cikin sauk'i kuma Sulaiman"

Kawu Sulaiman yayi murmushi ya bashi amsa.

"Ai ba bak'on a bu bane hakan, tun da ka saba yin irin wannan nasara ko Yaushe Yarima"

Nasan dai da ni suke, suka malk'waya a bin da harkar boll.Duk da damuwar da nake ciki, Suka burgeni da naga sun yi wani irin tafawa da tafukan hannun, kamar musabaha, irin na a minan da suka yarda da junan su.

"Bari na Shiga mu gaisa da mutan gidan, Sai nazo Mu d'au hanya." Yariman ya fad'i a gaggauce.
Bayan mun Shiga mota
yace

"Ko za'ki jamu?"


Na girgiza kai nace "A'a"
Ya fuskanci Zuciyata babu dad'I, Sai yayi shiru Kawai yaja motar.

*********

Shiru muna tafiya kamar bebaye, har mun kusa isa gidan mun Sha kwanar Shiga layin gidan, Sai Kawai na samu kai na da ci gaba da kuka. Kuma kuka mai tab'a zuciya. Ba k'aramin kunyar Shiga gidan nake ba, ga bala'in tsoron Momi. Gani nake yi ma da na Shiga gidan tsawa zata dakamin tace na juya. idan nayi sa'a Kenan bata rufeni da duka ba, saboda bak'in Jinin da na k'ara a idanunta. Gani nayi Ancle ya tsaida mota a gefen titi, ya kashe injin motar, amma hannun sa yana kan sitiyari. Ran sa babu dad'i yace "Sumayya na fahimci zuciyarki tayi nisa bisa ga rashin son zama dani, saboda haka zan danne tawa zuciyar nayi miki yarda kike so, ba domin naso ba, Sai domin Sama miki da farin ciki da kwanciyar hankali. Nine silar komai, bazan so kuma na sake zama silar sake Shigarki k'uncin rayuwa ba a karo na biyu. A dane nake tunanin mu rabu, amma a yanzu wannan ya kau. zan yi juriya ga yarda kike so,saboda farin cikin ki nawa ne Sumayya.

Yanzu zan juya na mai dake gidanku, ni na rink'a zuwa Ina dubaki, har lokacin da zaki samu nutsuwar zama dani, ko kuma Sanda na hattama gini na"

Tausayin'sa naji ya kamani kuma, da wata irin sabuwar soyayyarsa. Domin kuwa an zo gab'ar da Ancle ya saryar da nasa farin cikin domin inganta nawa. Duk mintina son Ancle Fa'iz ji na keyi yana k'aruwa a Zuciyata, ballantana a ce na kalleshi. Ko a mafarki ban yi zaton zan iya auren Miji na kerewa sa'a irin Ancle Fa'iz ba ballantana na samu kulawar sa. To ni wacece da zan yi ta wahalsheshi, bayan yana da Wacce ta damfarani da k'asa ta take in dai wurin cikar halitta ne, da jan hankalin namiji a ko Ina.

Kija zaren ki a sannu, karfa ya tsinke. Zuciya tace ta bani shawarar.
Bansan Sanda nace

"Ancle mu tafi, na hak'ura zan je."

Bai tada motar ba yace"In dai da gaske, kin a minta dani, kuma kina son zama dani, to karki k'ara yin kuka Sumayya'"

Na sunkuyar da kai nace

"To, na daina"

Ba zata naji Ancle yace

"Sumayya bansan San da k'aunarki ta shigeni ba, kuma ban tabbatar da hakan ba, Sai bayan da kika gudu gida ban Sani ba. Kawai Sai naji gidan yayi min kuma zafi, naji kad'aici da ban tab'ajin sa ba. Na kuma rasa sukuni da kwanciyar hankalI sosai.

Lokaci guda zuciya ta ta Shiga sark'ak'iya na na k'yaleki ko nabi bayanki. Wacce tafi a zalzalata ita ce na nabi bayanki. Domin har gargad'I na ma tayi, tace kai wani irin Mara wayone kake neman jazawa kan ka a sarar macen k'warai mai kyawun d'abi'u irin wannan?.
Tabbas Sumayya kin can can ci SO! a wurin namijin da yasan ciwon kan sa, kuma yasan me yake yi."

Wad'an nan