You Cannot Download this book untill you login but you can read it .

---

Login Register

Maryam Qaumi_💕


_Gaisuwa mai yawa ga masoyiyar ummi A'isha, wato Meenah 4eva tareda Khadija Magaji bk,da duk masoyana gaba daya.._



*_18_*


aishaummi.blogspot.com



~~~Kwana tayi da zazzabi ajikinta ga matsanannacin ciwon kai dake addabarta,

Misalin karfe 10 nasafe Dada ya shigo dakin nata saboda har ya kammala shirin tafiya office rashin jin motsinta yasashi zuwa dubawa yagani ko lafiya,

Ido ta bude tasake rufe jikinta sosai da bargo domin bata son dada ya ga ciwukan dake jikinta,

"Daughter lafiya kuwa?" Dada yafada yana karasawa gaban gadon,

"Dada bana jin dadine yau dinnan da zazzabi natashi ga wani irin ciwon kai.."

Kanta dada ya dafa yana yimata sannu, kuku ya kira yace ya dan hado mata wani abun taci sai tasha magani, kasancewar akwai wurinda zaije shiyasa yatafi batare da ya tsaya yaga taci abincin ba,

Dakyar tasamu ta tashi ta zauna saboda radadin da jikinta keyi mata musamman ma tafin kafarta da kafofinta,

Blessing ce ta kawo mata indomie wacce aka dafa da naman kaza da kwai,

"Sorry anty, meya samu jikinki haka?"

Harara ta wullawa blessing sannan ta nuna mata hanyar fita da hannunta,

"Zo ki fice min adaki, kar ki sake ki dawo har sai idan nice na nemeki..."

Sum sum blessing ta fice daga cikin dakin tabarta tana cin indomie din data kawo mata,

Abincin take ci tana ganin shaddad yana yi mata gizo, wani irin masifaffen tsoronshi ne yake shigarta wanda ta kasa sanin dalili gefe daya kuma tunanin ta yadda akayi har ya shigo gidan yafita da ita take yi,

"Koda yake babu mamaki tunda shi ba bak'on gidan bane" ta fadi hakan acikin zuciyarta,

Abincin ta ture gefe ta dauki robar ruwa ta fara sha kafin daga baya ta debi magunguna ta sha.


Kwananta biyu akwance tana zazzabi kafin ta Samu ta warware, office ta koma taci gaba da zuwa aikinta saboda yanzu ta dawo normal sai dai amma duk wanda yasanta ada idan yaganta ayanzu zai fahimci canjin dake tare da ita, domin yanzu bata doguwar magana gashi jikinta yayi sanyi komai asanyaye take aiwatar dashi duk da cewar dama can haka take da rashin son hayaniya to yanzu har gara da,


Tun ranar da shaddad yaso yayi mata wannan cin mutuncin tun aranar taso ta yakice tunaninshi amma hakan ya faskara,

A kowanne lokaci cikin ganin kyakkyawar fuskarshi take acikin zuciyarta, da farko tayi zaton abin na wasane sai daga baya ta fahimci ba haka bane,

Gaba daya yanzu tunanin shaddad yagama zame mata dimin da'iman daga baya dakanta ta fahimci cewar tashiga tarkon so da kauna, ganin zata yiwa kanta illa yasata nemanshi a waya amma abin haushi koda ta kira bata sameshi ba saboda wayar akashe take.

"Yanzu ya zanyi ni maryama...?"

Ta tambayi kanta tana tallafe da kumatunta acikin office dinta bayan ta kammala duba marassa lafiyar dake ziyartar office din nata,

"Guy dinnan nasan bazan taba samunsa ba domin ba zai iya aurena ba saboda haushina yake ji, kawai abinda yafi shine nabawa dr sameer ko dr yazeed dama na auri daya daga cikinsu,

Kai sai dai kuma gaskiya ni basuda wasu qualities din da nake son mijina ya mallaka,

Shaddad dai shi kadai shine namijin da nake ganin zai iya dani sannan zanji dadin zama dashi duk da nasan baya sona baya kaunata, asalima babu macen da yafi tsana irina...

Waima duk ba wannan ba yanzu a ina zan ganshi har na mallakeshi....?"

Wadannan sune tarin maganganun da take tayi acikin zuciyarta ita kadai sai kace zautacciya...


Sake gyara zamanta tayi ta dafe kanta ta zubawa teburinta idanu,


"Nifa ko sanin garinsu ma banyi ba yanzu wa zan tunkura da tambayar inda yake?"

Dabarace ta fado mata, "koda yake nasan ada shi mutumin dada ne babu mamaki watikil ya taba sanar da dada sunan garinsu, bari idan nakoma gida zan tambayi dada"

Mikewa tayi jikinta babu kwari tamkar marar lafiya ta nufi dakin yara, round tayi ta dudduba marassa lafiyar ta kammala ta fito domin yau bata jin zata iya kaiwa yamma acikin asibitin, gida kawai take son tafiya domin ta samu dada ta tambayeshi labarin shaddad......

*_Ummi Shatu_*👌🏻
[5/12, 10:18 AM] Ummi Shatu👌🏻: *_MARYAMA SARAUNIYA..!!_*





*_NA_*

*_UMMI A'ISHA_*



_Dedicated to Maryam Qaumi_💕



_*19*_


aishaummi.blogspot.com



~~~Jikinta a sabule ta tashi ta fita tana rikeda key din motarta tana faman karkadashi sai dai kuma duk jikinta a sanyaye yake, babu wanda tayiwa sallama ta bude motarta ta shiga domin bata son damuwa,

Driving take hankalinta kwance idanuwanta na bisa titi, wayarta ta dauka ta kira dada ta tambayeshi ko yana gida, cikin sa'a yace mata yana gida tun rana ya dawo,

Katse wayar tayi ta sake bawa motar wuta ta nufi gida cikeda kwarin gwiwar abinda take son aikatawa,

Lokacin da ta shiga gida falon dada ta shiga direct ta iskeshi zaune yana rikeda jaridar daily trust yana karantawa, zama tayi ta yaye gyalen dake kanta ta kalli Dada,

"Barka da hutawa dada.."

"Yawwa barka da dawowa mai sunan mama, ya aikin?"

"Lafiya lau dada..."

Shiru tayi tafara nazarin ta inda ya kamata ta fara, can dai ta daure tayi magana,

"Uhm Dada nace nikuwa wannan sojan wanda da ya yake kaini asibiti da d'an wanne garine...?"

Dago da idonshi yayi daga kan magazine din da yake karantawa ya kalleta,

"Daughter meya faru? Lafiya kuwa?"

"Lafiya lau Dada dama musu muke yi da dr naz shine nace zan tambayeka.."

"Shi nazirun ina yace garinsu?"

Dan jim tayi kafin tabada amsa,

"Cewa yayi wai dan katsina ne.."

Jijjiga kai Dada yayi,

"Bana jin wannan yaron dan katsina ne sai dai ko wajen kano ko Kaduna amma ni gaskiya ban taba tambayarshi sunan garinsu ba.."

Murmushin yake maryama tayi ta mike tana kallon dada,

"Dada bari na shiga ciki nayi wanka..."

Dakinta ta shiga ta zauna ta rafka uban tagumi,tunani take shin yanzu awurin wa zata iya samo labarin shaddad da garin da yake?


Ganin bata samu mafita ba yasata tashi ta cire kayan jikinta ta shiga wanka, ko acikin bathroom dinma ganin shaddad tayi yana yimata gizo, dakyar ta samu ta kammala wankan ta fito ta zauna domin shiryawa,

Komai nata cikin sanyi takeyi domin damuwar dake kwance cikin zuciyarta tafi gaban wasa,

Doguwar riga brown colour tasa ta yafa mayafi ta dauki key din mota ta fita, headquarter din sojoji take son zuwa domin bincikawa ko Allah zaisa ta dace tasamu wanda ya sanshi,

Koda taje cikin rashin sa'a babu wani bayani ko kwaya daya data samu saboda sojojin da ake turowa nan Allah ne kadai yasan adadinsu,

Cikeda takaici da bacin rai hadeda kunar zuci ta fito ta koma gida, wani irin jiri taji yana daukarta sama sama wanda har yana barazanar kayar da ita, dakyar ta fara dafa bango ta samu ta haura zuwa dakinta,

Har wani kai kawo take ji numfashinta yake yi kamar zai fita daga jikinta babu shiri ta kwanta akan gado ta dafe goshinta tana kallon sama nan da nan taga dakin ya fara juya mata,

Runtse idanuwanta tayi wadanda suka kada suka yi jajur duk da tsananin farin da suke dashi,

Gaba daya ta gagara samun nutsuwarta balle tasan abinda ya kamata tayi, blessing ce ta turo kofa ta shigo tana dauke da kayan sawar maryama wanda aka wanke aka goge, drewar taje tafara jerasu daya bayan daya amma kuma sai take jin kamar nishi nishi,da sauri ta waiwaya ga maryama,

Ganinta tayi dafe da goshinta idanuwanta arufe tana yin numfashi sama sama,

Matsawa tayi kusa da ita, "sannu anty..."

Kai kawai maryama ta daga mata ta yi mata nuni da ta dauko mata first aid box dinta,

Cikin gaggawa blessing taje ta kinkimo mata shi ta kawo mata, dakyar ta iya yunkurawa ta tashi zaune ta bude box din ta dauki magani, da gudu blessing taje ta dauko mata ruwa roba daya ta kawo mata, maganin tasha ta zame ta sake kwanciya tana jin zuciyarta tana bugawa da sauri saboda tsananin soyayyar shaddad dake azalzalarta, jitake kamar ba zata iya rayuwa ba mutukar bata mallakeshi ba mallaki na har abada.......

*_Ummi Shatu_*👌🏻


[5/13, 7:16 AM] Ummi Shatu👌🏻: _®MANAZARTA ONLINE WRITERS (MOW)_


*_MARYAMA SARAUNIYA..!!_*




*_NA_*

*_UMMI A'ISHA_*




_Dedicated to Maryam Qaumi_💕


_Fatan alkairi agareki kawata fiddausi sodangi, nasan kema masoyiyar maryama sarauniya ce shiyasa nabaki wannan shafin kyauta keda maryama Abdul takwarar maryama sarauniya.._




*_20_*



aushaummi.blogspot.com



~~~Wani wahalallen barcine yayi gaba da ita, hatta acikin mafarkin ma in banda mafarkin shaddad babu abinda takeyi,

Mafarki take wai gashi nan ta ganshi awani gari wanda bata san kowanne bane, tana tsaye kan wani tsauni shikuma yana can nesa da ita, ahankali ahankali sai kara yimata nisa yake da haka har ta daina hangoshi,


Tashi tayi firgigit daga baccin da take duk tabi ta hada zufa kamar wacce ta kwara ruwa ajikinta,

"Me wannan mafarkin yake nufi kenan? Kodai shaddad yayi min nisan da bazan iya kamoshi ba har abada?"

Dafe kanta tayi wanda ke barazanar rabewa gida biyu,

"Ya Allah ka sassauta min, nasan hakkin shaddad ne yake bibiyata, hakkin sharrin da nayi masa ne shiyasa Allah ya jarrabeni da tsananin sonshi..."

K'walla ce ta cika mata idonta ta dauki wayarta dake ajiye agefen gado tafara trying din number dinsa amma kamar kullum yau ma wayar akashe take, cigaba da kira tayi har ba adadi daga karshe ta jefar da wayar akan gado ta kifa kanta jikin pillow tana hawayen bakin ciki masu cikeda nadama tareda dana sani,

Dakyar ta iya saita kwakwalwarta ta tashi idanuwanta jajur ta lallaba ta sauka k'asa inda Dada ke zaune akan carpet yana cin abincin dare,

Ganinta yasashi sanin ba kalau ba domin fuskarta da idanuwanta sun sanar dashi hakan,

"Daughter..." Yafada cikeda kulawa,

"Na'am Dada" ta amsa masa tana runtse idonta saboda ciwon da kanta yake yi mata,

"Bakida lafiya ne?"

Daga masa kai tayi sannan tace, "kaina ne yake ciwo.."

"To kinsha magani?"

"Ehh nasha.."

Tashi Dada yayi yabar abincin da yake ci yakoma kusa da ita ya zauna,

"Mai sunan mama kodai kinada damuwa ne kika boye min?

Idan akwai abinda yake damunki ki sanar dani domin nine mahaifinki baki da kowa sai ni, sannan bakida wanda yafini dan haka karki rufe min abinda ke damunki"

Hannuwanshi duka guda biyu ta kama ta rirrike sai ga hawaye yana bin kuncinta wanda yayi mutukar razana Dada domin sam yasan maryama ba mai saurin kuka bace sannan akwaita da dauriya tun tana yarinya karama, ita dai barta da shagwaba amma tanada dauriya akan komai,

Hankalinsa ne yaji ya tashi saboda bai saniba ko wani abune yake damunta haka wanda har yasata kuka,

"Mai sunan mama kodai mahaifiyarki kika tuno?"

K'wallar idonta ta share ta girgiza masa kai,

"To meyake damunki har yasaki kuka? Ko kina son zuwa kiga yan uwan mahaifiyarki ne?"

Nanma kai ta girgiza masa alamun a'a, take taga hankalinsa yayi kololuwar tashi nan kuma taji tsoron kar hawan jininsa ya tashi dan haka tayi gaggawar rarrashin tata zuciyar,

Murmushin dole tayi idanuwanta sun kada sunyi ja,

"Father babu fa abinda yake damuna, jikinane duk nake jinsa a daddaure amma yanzu na wartsake.."

"A,a daughter nasan abinda ke damunki, tunowa kikayi da mahaifiyarki shiyasa kikayi kuka, kiyi hakuri kiyi mata addu'a akan Allah yayi mata rahama yakai haske kabarinta,

Keda ko zama da itama bakiyi ba bare har kisan halayenta da dabi'unta da mu'amalarta,

Nida nazauna da ita ni nasan wacece ita,ni nasan wacece maryama, shiyasa bazan taba iya mantawa da maryama ba domin nagartacciyar mace ce mai hakuri mai fara,a mai son mutane sannan mai tsananin biyayya ga mijinta, sunanta kadai idan naji yakan sani farin ciki, maryama ta zauna dani a lokacin da banida arziki banida abin duniya a lokacin da ban mallaki komai ba, gashi dadin dadawa sunan mahaifiyata gareta shiyasa dan haka ko sunanta bana kira wannan dalilin ne ma yasa kema na kiraki da maryama na rada miki sunanta kuma sunan mahaifiyata,

Maryama ta nuna min dukkan soyayya ta duniya sannan ta rayu dani cikin kwanciyar hankali, lokacin bana zama agida kullum ina can jeji yawon yake yake haka zan tafi nabarta babu ko aike sai nadade zan dawo amma bata taba damuwa ba, ko mahaifiyata ce tazo ta tambayeta ko da wani abu sai tace babu.."

Shafa kan maryama yayi yana kokarin boye yar kwallar da ta taru a gefen idonsa,

"Ke kadaice yar da ta haifa a duniya kuma ta mutu wurin kawoki duniya dan haka kema kiyi koyi da ita ko kinyi aure kiyi kokarin rufe sirrin mijinki kinji mamana..."


D'aga kai maryama tayi tana murmushi, "insha Allah Dada nayi maka alkawarin zanyi irin abinda mahaifiyata tayi, bazaka taba jin na kawo maka karar mijina ba.."

"Allah yayi miki albarka mai sunan mama.."

"Amin father"

Tashi tayi taje ta hau kan exercise machine ta kunna tafara yi domin tana son ta warware ta rabu da damuwar dake damunta ko dan lafiyar Dada,

Tana daga kan exercise machine din shikuma Dada yana zaune a falo yana bata labarin kuruciyarta, murmushi tayi saboda jin yace tun tana rarrafe take kaunar butterfly shiyasa ma kusan duk kayan wasanta masu adon butterfly yake siyo mata,

Dawowa kusa dashi tayi ta zauna hannunta rikeda battle water mai sanyi,

"Father ashe na dade ina son butterfly.."

"Zan fito miki da wasu hotuna wanda aka yimiki kina karama lokacin hatta rigarki zanen butterfly ne ajiki"

Dariya tayi ta jingina ajikinsa, ko babu komai labaran da yabata yasata jin damuwarta ta ragu, sun raba dare suna hira da Dada kafin daga bisani ta shiga dakinta ta kwanta,

Kamar kowanne dare yauma kasa bacci tayi sai tsananin tunanin shaddad da yake addabar zuciyarta.

Haka taci gaba da kasancewa kullum cikin bege da kaunar shaddad amma har yau babu alamun sake ganinshi atare da ita,

Kullum cikin damuwa take sanin idan ta zauna agida damuwa ce zata yimata yawa yasata take fita aiki amma kowa yasanta da yaganta yanzu yasan akwai abinda yake damunta, akwana atashi har saida akayi shekara daya da yan watanni amma kullum son shaddad sake shiga zuciyarta yake, sam takasa cire tunaninsa aranta, wani lokacin ma idan ta zauna tana tunaninsa sai ta ringa cewa kila ma yanzu haka shi har yayi aure,

Samari bawai ta rasasu bane kawai har yanzu shaddad zuciyarta ke muradi,

Yauma kamar kullum cikin bacci shaddad yazo mata har yana cemata zata ganshi sannan zata hadu dashi amma sai taje wani gari,

"Wanne garinne shaddad?"Kafada min ko inane zanzo.."

Yabude baki kenan zai fada mata tayi firgigit ta tashi....





*_Ummi A'isha_*👌🏻
[5/13, 7:16 AM] Ummi Shatu👌🏻: _®MANAZARTA ONLINE WRITERS (MOW)_



*_MARYAMA SARAUNIYA..!!_*




_*NA*_

_*UMMI A'ISHA*_




_Dedicated to Maryam Qaumi_💕


_Anty maijidda musa your page done start...._



*_21_*


aishaummi.blogspot.com




~~~Shiru tayi tana bin jikinta da kallo yanda duk tabi ta hada gumi, tagumi tayi tana son tuna inda ya dace tatafi neman shaddad ko Allah zaisa ta dace ta hadu dashi, amma zuciyarta taji ciwon rashin fada matan da baiyi ba, shekara daya kenan harda yan watanni tana fama da radadin soyayyarsa acikin ranta amma bata san inda zata sameshi ba,

Tashi tayi ta shiga bathroom tayi wanka ta fito, blessing tagani tana kokarin fito mata da kayan da zata sa,

"Blessing ki fito min da kayana ki dauko babbab akwati ki shirya min su saboda gobe zanyi tafiya.."

"To anty.." Blessing ta amsa mata,

Shiryawa tayi tafito das da ita domin dama maryama badai kyau ba,komai tasa yimata kyau yake yi musamman ma bakaken kaya,

Falon Dada ta shiga ta zauna tana jiranshi yafito, bata jima da zama ba sai gashi ya fito cikin shirin fita wurin aiki,


"Father... Ina kwana"

"Lafiya lau mai sunan mama, har anfito?"

"Wallahi nafito Dada, zanje asibiti ne saboda ina son na rubuta leave with out pay..."

"Saboda me?" Yayi mata tambayar yana kallonta,

"Dada ina son zuwa wurin yan uwan mahaifiyata ne kuma zan dan jima acan.."

Ajiyar zuciya ya sauke yayi dan murmushi,

"Za kije zumunci kenan,dama ai rabonki da can tun farkon dawowarki daga Malaysia, yakamata kije kam"

"Insha Allah gobe zan tafi"

"Da wuri haka? Har kin gama shiryawa?"

Kai ta daga masa,"nagama father.."

"To Allah ya kaiki lafiya"

"Amin dada"

Tare suka fita ita ta dauki motarta ta nufi asibiti shikuma driver yajashi suka tafi office dinshi.

Tana zuwa agurguje ta dudduba marassa lafiya taje round ta fito, wasikar daukar hutun ta rubuta ta dauka da kanta ta nufi office din shugaban asibitin,

Kasancewar shima yana sonta sannan ya dade yana bibiyarta kan ta bashi dama ya aureta yasa atake awurin yayi approving yabata, babu wanda ta fadawa ta kwaso duk wasu kayanta dake cikin office din ta koma gida,

Akwatuna biyu manya manya sai da aka cika su da kayanta ahakanma dayawa barinsu zatayi bazata tafi dasu ba,

Tunda ta dawo shirya kayan suke itada blessing har magrib tayi a lokacin dada ya dawo,

Wurinshi taje ta zauna suka fara hira anan yake sanar da ita cewar yasa an yanko mata ticket din jirgi, zata bi jirgin karfe 9 nasafe,

Murnar da tayi gani take kamar ma har ta mallaki shaddad din, daren ranar tsananin murna bai barta tayi bacci ba.


Washe gari misalin karfe 8:30 tabar gida su dada suka rakata airport harda su blessing, wata kwalla ce ta siraro ta gefen idonta lokacin da suke yin sallama da dada domin idan ba dole ba bata son yin nesa dashi, sakin hannunshi tayi taje ta shiga cikin jirgin suna tsaye suna kallonta,

"Mamana kenan duk lokacin da za ayi tafiya sai anyi kuka, haka ma lokacin da tana karatu duk hutun da take zuwa idan zata koma to da kuka take komawa..."

Dada yace dasu blessing yana murmushin karfin hali domin shima zuciyar tasa a karye take.

K'arfe tara da rabi su maryama suka sauka a birnin abuja,

Taxi ta samu ta hau aka kaita har kofar gidan kanwar mahaifiyarta wanda ke cikin unguwar Yar adu'a housing estate, tana gaba mai gadi yana binta da kayanta har cikin gidan,

Tana kitchen tana hada abincin karyawa taga shigowar maryama, cikin sauri ta fito tana fadin,

"Oyoyo maryama.."

Rungume juna suka yi cikin farin ciki, har suka shiga cikin falon basu iya sakin juna ba,

"Anty maijidda yau kin ganni nasamu zuwa.."

"Naganki maryama ai gara da kikazo amma kya yi shiru ki kyalemu bakya ziyartar mu?"

Murmushi maryama tayi tana kallonta saboda bata da maraba da mahaifiyarta kamarsu daya sak,

"Anty maijidda ina yaran naji gidan shiru.."

"Maryama ai babu kowa agidan nan sai ko ke yanzu da kikazo duk sun tafi boarding school"

"Lallai anty kinyi kokari.."

"To bari na karasa shirya mana abincin nakawo dama oga baya nan bai kwana agari ba.."

Tashi tayi ta shiga kitchen ta karasa hada musu abinci ta fito dashi,

Dumamen tuwon shinkafa miyar agushi da tea sannan ga soyayyen dankali da miyar hanta,

"Kai anty duk wadannan kayan kuma a ina zamu durasu?"

Dariya anty maijidda tayi tana kallonta "maryama kenan ai dan oga baya nanne da yana nan to da sai nayi masa girkinshi daban"

"Lallai kina kokari gashi bakida yar aiki.."

"Ai shi baya son yar aiki maryama sannan nima nafi son nayi komai da kaina.."

Murmushi maryama tayi domin dama can tasan anty maijidda kwararriya ce wurin iya tarairayar miji da bashi kulawa shiyasa har yau mijinta ya kasa karo mata abokiyar zama,

"Yanzu maryama wa kika tsayar a matsayin mijin da zaki aura? Ina nufin waye proposed dinki domin yanzu ya kamata ki fara maganar aure tunda kin kammala karatu har kina yin aiki duk wata kina karbar salary, to yakamata kuma yanzu kifara shirin tunkarar shiga gidan miji domin yanzu shekarunki 30 babu watanni, dan haka ki nutsu ki zabo nagari mai kyawawan halaye wanda zakiji dadin zama dashi..."

Shiru maryama tayi sai dai maganar da anty maijidda tayi ya soso mata wurin da yake yi mata kekayi nan tafara shawara da zuciyarta kan shin ta sanar da anty maijidda abinda ya fito da ita daga gida ko kuma tayi shiru??

*_Ummi Shatu_*👌🏻


[5/14, 4:31 PM] Ummi Shatu👌🏻: *_MARYAMA SARAUNIYA..!!_*




*_NA_*


*_UMMI A'ISHA_*



_Dedicated to Maryam Qaumi_💕



_Wannan Shafin nakine yar uwa rabin jiki Khairat Dandawakee keda duk k'awayenki.._


*_22_*




~~~Ganin tayi shiru ta shiga duniyar tunani yasa anty maijidda fahimtar cewa akwai wani abu dake damunta,


"Maryama meyake damunki ne? Ki fada min mana, nifa mamanki ce haifarki ne kawai banyi ba, wallahi dake da dan da nahaifa acikina duk daya nake ganinku babu banbanci..."

"Anty maijidda wallahi nima ina son nayi auren to amma wanda nake son aurar ne shikuma bani yake soba asalima ya tsaneni, rabona dashi anfi shekara daya da rabi..." Nan ta kwashe labarin komai ta sanar da anty maijidda,

Zuba mata ido anty maijidda tayi tana kallonta cikin tausayawa amma sai ta dake domin tana son karfafa mata gwiwa har ta samu wanda take so ta aura,

Dan haka cikin sigar lallashi anty maijidda tace,

"Haba maryama to kuma menene na daga hankali? Ki kalli fa irin baiwar kyau da Allah yayi miki, wallahi babu wani d'a namiji da zai ce bakiyi masa ba sai dai idan har yasan bazai sameki ba,

Kina da baiwar da kowanne namiji zai so ya mallakeki dan haka ko kaffara bazanyi ba idan na rantse miki kan shima shaddad din yana sonki, yatafi da tabon sonki acikin zuciyarsa, son da yake miki ma koke bakya yi masa, kuma koda bai fito ya furta miki ba afili to azuciyarsa hakane,

Dan haka ki kwantar da hankalinki ki nutsu Ki saurareni domin zan doraki akan hanya wacce zata kaiki ga muradinki har burinki ya cika,

Nafarko dai sai kin zama mai hakuri da juriya domin hakuri shine matakin da yake kai bawa ga kowanne irin nasara, idan kika kasance mai hakuri da juriya to wallahi zaki kai ga nasara, ba yanzu ba ko bayan aurenku da shaddad to sai kin zama mai hakuri da juriya, bari nabaki misali, zakiga akwai matan da suke zaune lafiya agidan mazajensu ko kansu ba aji amma idan zama ya hadaku dasu zaka fahimci tsananin hakurinsu ne yakaisu ga wannan matsayin wanda har ake yimusu kallon marassa matsala agidan aure, dan haka samun nasararki yanada alaka ga hakurinki da kuma juriyarki,

Abu nagaba kuma shine ki zama mai zurfin ciki marar tona sirrinta ko kuma matsalarta, dayawa daga cikin mata zaki samu bamuda sirri idan abu yana damun mu to sai kowa yaji bama iya rike abin acikin ranmu, to ki zama mai rike sirrinki duk abinda ya dameki Allah zaki fadawa sannan awurinsa zaki nemi sauki,

Wadannan abubuwan guda biyu sune masomin samuwar nasararki, sannan insha Allah a wannan zaman da zamuyi dake zan koyar dake abubuwa da dama kama tun daga kan girki, kula da maigida,gyaran jiki da sauransu, sai abu na karshe shine ilmin addini, ya zama dole maryama ki shiga makarantar islamiyya har yanzu baki makaraba,idan kika shiga makaranta zaki karu da abubuwa da dama kafin kibar garinnan, kin san kowanne namiji baya son jahilar mace domin tarbiyar yaransa zata samu nakasu,ita mace duk kyanta duk arzikinta duk kyawun nasabarta to mutukar bata da ilmin addini to wallahi ansamu matsala..."

Ajiyar zuciya maryama tayi sannan ta bude bakinta dakyar tayi magana,

"Nagode anty maijidda sannan insha Allah zanyi yadda kikace.."

"Yawwa 'yata, insha Allah sai kin mallaki abinda kike so"

Murmushi maryama tayi acikin zuciyarta tana addu'ar Allah ya amsa,

"Yawwa tunda kinzo sai ki rubuta min maganin ciwon baya wallahi bayana ciwo yake, baby likita.."

Murmushi maryama tayi saboda jin yanda anty maijidda tayi maganar cikin barkwanci.

Tunda maryama tazo gidan anty maijidda tare suke shiga kitchen kullum su shirya abinci banda drinks kala kala da take koya mata gashi babu kunya ko wani abun ta hadawa mijinta da ita kanta sai tafito ta fada mata amfaninsa da kuma dalilin yinsa,

Satinta biyu da zuwa suka fara fita ganin gari, sune wurin shakatawa da super market da duk wani wuri wanda masu son bude ido suke ziyarta,gashi duk lokacin da suka fita to maryama bata dawowa sai da sabon saurayi,

Yauma kamar kullum agajiye suka dawo daf da sallar magrib, hannun maryama dauke suke da ledojin ice cream da cake ga wata ledar kuma mai dauke da dambun nama dan gaske,

Tunda suka fito daga exclusive supermarket wani guy yake faman binta ganin taki kulashi yasashi shiga motarshi kirar Lexus ya biyosu, har gida ya bisu amma ita sam bai burgeta ba, dakyar anty maijidda ta lallabata taje ta saurareshi nan dinma duk fuskarta babu walwala,

Bayanin kanshi yayi mata yace sunanshi mufid kallonshi kawai take kyakkyawa ne kuma daga gani dan manyan mutane ne amma bata jin zata iya amincewa ta aureshi, nan yabata phone number dinshi ta karba tana yatsina fuska, ganin kamar atakure take yasashi yi mata sallama ya tafi,

Tafiya take tana tsaki har ta shiga falon inda anty maijidda ke zaune tana cin dambun naman da suka shigo dashi,


"Yata mai farin jini wannan kuma waye? Ni ai da shi dinma kika aura.."

"Tab haba anty maijidda ni