You Cannot Download this book untill you login but you can read it .

---

Login Register

alamun a'a, bai sake magana ba ya kunna motar suka bar wurin,

Tsaki yaja mai karfin gaske sannan yafara magana cikin zafin rai,

"Ni ban taba ganin mahaukaciya, marar tunani, jahila, marar kamun kai irinki ba, kowacce mace tana adana halittar da Allah yayi mata, tana kare mutuncinta amma banda ke, ke kullum burinki shine ki bayyanar da surar da Allah yayi miki..."

Dauke kanta tayi alamun maganganun nashi basu shigeta ba, nan yaci gaba,

"In banda iskanci da rashin ilmi da rashin sanin yakamata ina macen kirki da zuwa club, mace indai ta arziki ce babu abinda ya danganta ta da club, idan kina ganin hakan kamar wayewa ne ko kuma wata burgewa ce to wallahi kinyi kuskure domin ba hali ne mai kyau ba, duk macen dake zuwa wannan wurin karuwa ce..."


Cikin razani ta juyo tana kallonsa lokaci guda fuskarta ta sauya,

"Wacece karuwan??"

Ta fada cikin bacin rai da masifa,

"Ke mana, keda mecece idan ba karuwa ba, bakida maraba da karuwai..."

Nunashi tayi da yatsa, "karka kara kirana da karuwa.."

Packing din motar yayi agefen titi ya juya yana kallonta cikin bacin rai,

"Idan ankiraki da karuwan me kika isa kiyi? Kinada wani sunan ne bayada wannan? Ke karuwace cikakkiya..."

"Naji ni karuwace amma da kanwarka ko yayarka muke karuwancin tare..."

Tun kafin ta karasa rufe bakinta ya dauketa da wani gigitaccen mari wanda yayi barazanar makantar da ita domin lokaci guda ta nemi ganinta ta rasa sannan taji kanta ya dauki ciwo yana barazanar barin jikinta ga wani jiri da yafara daukarta,

Nunata yayi da dan yatsa,

"Ki iya bakinki, ni duk dangina babu yan iska sannan babu karuwai aciki..."

Dakyar ta iya bude idonta ta kalleshi tana mai jin wani bakin ciki yana shigarta sanadiyyar marin da yayi mata domin tunda take a duniya babu namijin da yataba gigin kai hannunsa fuskarta da sunan mari amma yau wannan yaron da baifi Sa,anta ba wai shine ya mareta,

"Ka mareni..?"

"An mareki din ko zaki ramane?" Yabata amsa yana huci,

"Wallahi sai na rama, bazaka taba marina kuma ka zauna lafiya ba, kamar yadda kace ni karuwace to zan nuna maka cewar ni din karuwarce cikakkiya kamar yadda kafada, wallahi bazan yarda ba..."

Tafada idanuwanta sun kada sunyi jajur, fuskarta kuwa har ta kumbura musamman barin da ya mareta, hatta hakorinta dake barin sun kumbura sun fara yimata ciwo,

"Karki fasa ki rama idan baki ramaba ke ba yar halak bace.." Yafada yana huci,

Murmushin takaici tayi ta gyara zamanta tana shafa kuncinta da ya Mara,

"Sai na nuna maka kai yarone karami, wallahi sai na koyar dakai babban darasi.."

"Karki fasa.."

Bata kara magana ba shima bai sake koda kallonta ba ya figi motar, suna zuwa gida yayi packing ya cilla mata key din motar kan cinyarta ya fita yayi gaba ransa yana wani irin zafi,

Har lokacin maryama na dafe da kuncinta tana kallonsa zuciyarta tana yimata wani irin kuna sakamakon marin da shaddad yayi mata gashi wai ita ya kalla ya kira da karuwa,

Fita tayi ta rufe motar tabarta anan ta shiga cikin gida, bedroom dinta ta shiga ta kunna wuta ta karasa gaban mudubi tana bin fuskarta da kallo....




*_Ummi A'isha_*👌🏻
[5/9, 9:42 AM] Ummi Shatu👌🏻: *_MARYAMA SARAUNIYA..!!_*



*_NA_*

*_UMMI A'ISHA_*



_Dedicated to Maryam Qaumi_💕




*_15_*



~~~ Ji take kamar ta fashe da kuka sai dai kuma ta dauki alwashin bazata taba yiwa wannan yaron kuka ba kome zaiyi mata,

Kallon fuskarta taci gaba dayi wanda take a kumbure sannan ga shatin yan yatsun shaddad nan sun fito rado rado ajiki,

Girgiza kai tayi ta Shiga bathroom tayi wanka tafito, rigar baccinta ta zira ta fiddo kwalabin benalin guda hudu ta shanye saboda jin ranta take yana sake dagule mata,

Babu bata lokaci bacci yayi gaba da ita, da safe kuwa da wani irin zazzabi ta tashi ajikinta wanda tasan marin da shaddad yayi matane sanadinshi,

Ko tashi kasawa tayi har saida blessing ta shigo ta taimaka mata ta rakata toilet tayi wanka tafito, har lokacin fuskarta tana nan a kumbure,

Komawa tayi ta sake lwanciya ta lulluba tana mai jin tsanar shaddad acikin ranta,

Wuni guda tana kwance bata ci komai ba dakyar ta iya tashi tasha ruwan tea ta kwanta, koda shaddad yazo kaita office blessing cemasa tayi bata da lafiya, kafada kawai ya daga alamun ko oho yayi tafiyarsa.

Da yamma misalin karfe 5 dr naz yazo gidan duba maryaman, har dakinta ya shiga shida blessing domin ganin jikin nata, blessing ya tambaya ko tasha magani tace a'a nan yafara yimata magana,

"Haba dr ya za ace bakida lafiya amma bakisha maganiba? Meyasa?"

Dakyar ta bude idonta wadanda suke jajur ta kalleshi,


"Zansha dr so nake sai natashi lokacin naji karfin jikina.."

"To bari nayi miki allura inyaso idan kika tashi sai kisha magani.."

Dakyar ta yarda dr naz yayi mata allurar a hannu saboda tana tsananin tsoron allura ko kadan bata sonta,

Murmushi dr naz yayi yana kallonta bayan ya zare allurar daga jikinta,

"Ke baki son allura amma kuma kinfi kowa yiwa mutane allura,koda yake ashe fa ance doctors sunfi tsoron allura.."

Kwanciya tayi tasake lulluba, "nagode likita"

Sallama yayi mata yatafi, ahaka tasake kwana da zazzabin gashi jini har yataru a idonta guda daya wanda shaddad ya mareta, washe gari ma sai da dr naz yasake dawowa yayi mata allurar.

Sai da ta kwana uku tana zazzabi kafin ta dan warware,akwana na hudune ta shirya fita office, koda shaddad yazo kaita bata musaba ta shiga suka tafi yakaita ya sauketa sai dai amma ko k'ala bata shiga tsakaninsu ba, lokacin da ta tashi ma haka ya koma ya daukota,

Kullum haka yake kaita ya daukota sai dai babu kalmar dake hadasu,shi dai yanzu yagama sanin wacece maryama, kaf halayenta babu wanda bai saniba hatta shaye shayen datake yasani

Ranar juma'a da daddare mahaifinta yadawo daga tafiyar da yayi zuwa saudiyya, shaddad yayi mutukar mamaki jin bata sanar da Dada cewar ya mareta ba, harkarta kawai taci gaba dayi,

Tana zaune afalon dada da medical glass a idonta gabanta kuma laptop dintace ajiye tana kallon wani american film _iron man_,sanye take da pink colour din doguwar riga mai hannun shimi kanta babu dan kwali, gefenta kuma Dada ne zaune yana cin tuwon alkama miyar kubewa danya, hira suke yi ita tana kallon film din data kunna shikuma Dada yana kallon tv,

"Father zan samu rancen kudi.."

Kafin yabata amsa shaddad yaturo kofa ya shigo hannunsa rikeda envelope babba,

Zama yayi suka gaisa da dada ya mika masa envelope din,

"Mai sunan mama me zakiyi da kudi idan nabaki rence?" Dada yafada yana bude envelope din da shaddad yabashi,

"Dada ginin asibitina da aka fara yifa ya tsaya gashi ko rabi ba ayiba kuma wallahi banida kudi, shine nake son ka ara min 3 millions adan kara tsayin ginin.."

Dariya dada ya danyi yaciro zungureriyar takardar dake nade cikin envelope din yafara dubawa,

"Daughter dama shi gini ai sai da kudi, shiyasa nace miki kibari sai kin tara kudi sosai sai kiyi ginin amma haka kawai kika tsiri gini ba kadanba bayan baki tara kudiba.."

Juyawa yayi ga shaddad ya kalleshi,

"Masu tafiya Niger delta dinnan aka turo, jiyama munyi meeting kan cewa za atura sojoji ta ruwa zuwa Benin to amma bana jin za atura dakai.."

"Ah ranka yadade ai da antura ni nima ina son zuwa kawai dai matsalar banida lafiya ne dan zazzabi ne ke damuna"

Shaddad yafada yana murmushi,

"Allah yabada lafiya, ga maryama nan ai sai tayi maka allura ko?"

Girgiza kai yayi "nasha magani ai Yallabai"

Tashi Dada yayi ya shiga cikin bedroom dinshi,

"Nima dama ba yimaka allurar zanyi ba, maza nawa nagani irinka atube..?" Yajiyo muryar maryama tana yimasa gatsali,

Ko saurarenta baiyiba yamaida hankalinsa kan tv,amma aranshi cewa yake,

"Dama nasan ai kin ga maza irina dayawa tsirara koda baki fada ba.."

Bai sake kallon inda take ba har dada yafito suka gama abinda zasuyi yayi masa sallama yatafi.

Yau kimanin sati uku kenan da marin maryama da shaddad yayi,

Yana kwance adakinsa yana bacci yaji karar wayarshi, hannu ya mika ya katse kiran, nan aka sake kira, sai da aka kira wurin sau biyar sannan yatashi yana dubawa, bakuwar number yagani nan ya kalli agogo,karfe 2 nadare,

Kara wayar yayi a kunnenshi nan yaji muryar mace tana kuka,

"Shaddad ka taimaka min Dada babu lafiya kazo mu kaishi asibiti, dan Allah kayi sauri ko motsi bayayi gashi acikin dakina, wayyo nashiga uku..."

Ko ba afada masa ba yasan maryama ce saboda ya gane muryarta,dagashi sai dogon wando da singileti ta maza ko neman riga bai tsaya yiba ya fita da sauri, tsabar gaggawa ma agida yabar wayar tashi,

Yana zuwa gidan ana dauke wuta, acikin duhun yasamu ya kutsa ya tasamma dakin maryama, yana shiga yafara jiyo shesshekar kukanta,

"Maryam, kunna fitila mana, ina Yallabai din yake, maryam kunna haske.."

Yana wadannan maganganun yana tafiya domin karasawa gadonta, caraf yaji an makaleshi tareda jefashi kan gadon, nan ta haye jikinsa ta kwalla kara mai mutukar karfi,

Kansa ne ya daure gaba daya yana tunanin to meye yake shirin faruwa, makalkaleshi yaji ta sakeyi tana ihu, kafin yayi wani yunkuri har dada ya shigo cikin dakin kuma daidai lokacin NEPA suka dawo da wuta mai karfin gaske, mirginawa tayi karkashinsa ya zama shine asamanta,

Duk gashin kanta ya tarwatse, rigarta anfara yagata,tana rungume dashi sai ihu take kwallawa,

Tsayawa dada yayi yana kallon shaddad fuskarsa a daure, kafin wani lokaci har gidan yacika da mazauna barikin wadanda suka shigo domin bayar da taimako saboda sun jiyo karar maryama,

Tashi tayi dagudu taje ta tsaya a bayan dada tana kuka,

"Wayyo dada nashiga uku.."

Shikam shaddad yama kasa motsi yana zaune akan gadon kansa a daure,

Wata tsawa dada ya daka masa mai sa firgici,

"Kai shaddad ashe bakada mutunci ban saniba? Yar tawa kwaya daya zaka lalatawa rayuwa kayi mata fyade? Na daukeka kamar dan da nahaifa acikina shine zaka yimin mummunar sakayya? To daga yau sai yau karka sake shigo min cikin gidana sannan babu kai babu yata, kuma sai kabar garin nan agobe ba jibiba, sannan sai na dauki mummunan mataki akanka..., get out!"

Tashi shaddad yayi batare da yayi magana ba sai dai idanuwansa sun kada sunyi jajur, ko musu baiyiba domin yasan zaiyi wahala a yarda dashi kasancewar ankamashi red handed, wato dumu dumu,

Daga idanuwansa yayi ya kalli maryama wadda ke tsaye tana yimasa murmushin mugunta sai yanzu yagane ashe makirci ta shirya masa,

Fita yayi daga gidan cikeda kunya da takaici domin yasan yanzu duk jama'ar wurin zasu daina ganin kimarshi sannan sun gama yadda cewar kwadayine yakaishi dakin maryama har yaso yimata fyade,

Gida yakoma yanemi wuri ya zauna yana kukan zuci, ji yake kamar ya kira mahaifiyarshi ya sanar da ita halin da ya shiga sai dai kuma baya son ya daga mata hankali, wayarshi ce tadauki ruri yadaga batare da yayi magana ba,

"Hello, yanzu nasan kagama tabbatar da cewa maryama cikakkiyar karuwace kamar yadda ka fada....."


Kit ya katse wayar yana rike da kanshi, har gari yawaye idonshi biyu, shiryawa yayi ya tattara kayansa domin yasan yau zai bar garin Lagos koda baya so saboda zai bi sahun wadanda za atura Benin,

Fita yayi zuwa headquarter amma duk inda ya gifta maganarshi akeyi cewar yaje yiwa maryama fyade, abokinshi Abbas ne kawai ya tareshi da maganar yace yasan bazai aikata hakaba, nan ya kwashe duk abinda yafaru ya fadawa Abbas,

Posting letter dinshi yaje ya karba saboda dama an rigada an buga sai dai kawai arubuta sunan mutum abashi yayi signing,

Barikin yakoma ya tattara komai nasa ya fito yana mai yiwa barikin kallon karshe saboda yasan shida sake dawowa ciki har abada...

*_Ummi A'isha_*👌🏻


*_MARYAMA SARAUNIYA..!!_*





*_NA_*

*_UMMI A'ISHA_*




_Dedicated to Maryam Qaumi_💕

*_Gaisuwa mai tarin yawa ga Maryam s Bello da Aysha garkuwa, tabbas ku masoyana ne na hak'ik'a dan haka wannan shafin na badashi tukwici agareku daku da duk wani wanda yake jin yana son ummi Shatu_*



aishaummi.blogspot.com



_*16*_



~~~Tagaban gidansu maryama yawuce yana jin wani bacin rai yana ziyartar zuciyarshi,ko daga ido bai yi y kalli gidanba har yayi nisa dashi amma acikin zuciyarsa damuwace kwance saboda yasan mahaifin maryama ya kullace shi acikin ransa domin yana tsananin son yar tashi sannan ya daukeshi kamar dan cikinsa yabashi dukkan yarda sai dai kuma daga karshe yaci amana,

Tamkar marar jini ajiki haka yake takawa har ya karasa fita daga cikin barikin, taxi ya tara ya shiga ya tasamma tashar mota.


***

Tsalle ta doka ta fad'a kan gado ta kwanta tana shakar daddadar iskar air condition din dake ratsata, yanzu kam ranta yayi mata fari kuma hankalinta ya kwanta sakamakon mayarwa da shaddad martanin abinda yayi mata da tayi,

Bargo ta jawo ta rufe jikinta ta lumshe idanuwanta tana jin wani irin farin ciki yana ziyartar zuciyarta,

Rungume daya daga cikin manyan teddy din dake kan gadon nata tayi tana murmushi,

"Wai har ni wannan yaron zai daga hannu ya mara sannan ya kirani da karuwa..., sannan kuma har ya tsammaci zama lafiya, wallahi bazai yiyuba, yanzu nasan na tabbatar masa da cewa ni karuwar ce kamar yadda yace.."

Duk wadannan maganganun tana yinsu ne acikin zuciyarta fuskarta kunshe da fara'a, ranta fari tas bacci ya kwasheta.

Washe gari kamar kullum haka ta tashi tana zuba mulki tayi wanka ta shirya kuku ya hada mata abincinta kamar yadda ya saba, wata red din gown tasaka mai adon duwatsu ta yafa dan siririn mayafin rigar tana ta faman zuba kamshi,ga yar siririyar barimar gold tasaka acikin hudar hancinta domin tana tsananin son kwalliyar hanci,

Falon Dada ta nufa tana tafe tana taunar chewing gum, zaune ta iskeshi ya kammala breakfast yana jiran driver yazo ya kaishi office, zama tayi agefenshi tana dan murmushi,

"Good morning father.."

"Morning daughter, har anfito?"

"Nafito Dada.."

"Gashi kuma babu mai kaiki office, koda yake kibari idan driver na yazo sai mu fita tare muyi dropping dinki"

"Babu komai dada kabarshi ma zanyi driving da kaina yau..."

"To shikenan dama ina son kifara driving din saboda bana son nasake baki wani drivern asamu wata matsalar"

"To Dada, insha Allah ma daga yau ni zan rinka kai kaina office ina dawowa.."

"Idan kikayi hakan nima hankalina zai fi kwanciya"

Murmushi tayi ta mike tsaye, "Dada bari naje natafi.."

"To mai sunan mama sai kin dawo sannan daga yanzu zuwa yamma zan turo miki kudin da kika nema harda kari.."

"Dada rencen kabani?" Ta tambaya tana dariya wanda har saida kyawawan fararen hakoranta suka fito waje,

"Kyauta nabaki daughter saboda ina son ki samu ki kammala ginin asibitin naki.."

"Ai dada akwai saura sosai yau idan natashi daga office zan biya nadubo ginin, nagode sosai dada Allah ya kara girma da lafiya.."

"Amin mai sunan mama"

Fita tayi fuskarta kunshe da murmushi, har cikin motarta blessing ta rakata tana dauke da hang bag dinta da sauran kayan tarkacenta nazuwa office,

Bakin glass tasaka ta daura belt ta tashi motar, sosai motar tayi mata kyau kuma ta karbeta, ahankali tafara driving tabar harabar wurin ta nufi asibiti.

Tunda shaddad yabar Lagos bai ko je gidaba ya tafi Benin domin abubuwan dasu gudanar awurin masu muhimmanci ne, dadin dadawa kuma za abasu training na sati biyu shiyasa ma baiyi yunkurin zuwa gidaba, kullum da haushin abinda maryama tayi masa yake kwana yake tashi gaba daya yakasa mantawa da ita balle ya manta da abinda tayi masa, zuciyarsa duk lokacin da ta tuno masa da abin sai yaji kamar zata hudo kirjinsa tafito waje, ahaka ya daure ya kammala wannan training din ya nemi izinin zuwa gida kuma cikin sa'a ya samu, shiryawa yayi ya hari gida saboda yanada abu mai muhimmnanci da yake son aiwatarwa.


K'arfe Biyar daidai maryama ta fito daga cikin office dinta ta nufi packing space domin daukar motarta, dr sameer ne ya biyota a baya yana tsayar da ita,

"Ranki ya dade har zaki fita..?"

Murmushi tayi ta bude motarta ta dafa murfin kofar motar ta dage glass dinta dake sanye afuskarta ta mayar dashi kan goshinta,

"Wallahi har zan fita dr, ina sone nafara zuwa wurin ginin hospital dina da akeyi acan agege"

"To Allah yabada nasara, dama kawai zuwa nayi nace miki wani abu idan kin bani dama sai na fada.."

"Nabaka dama dr kafadi ko menene.."

Sai da ya danyi murmushi sannan yace, "kinyi kyau yau, sannan da ace zaki bani dama to da na aureki na kasance dake har abada.."

Murmushi tayi ta shiga cikin motar ta zauna, tana kokarin daura belt ta kalleshi,

"Dr kenan zandai baka damar nan in gani.."

"Amma kuwa da kin gama yimin komai"

Rufe kofar tayi tana murmushi ta tashi motarta ta fita tana yi masa bye bye, can agege ta nufa wani katon daji inda ake gina mata asibitin yara wanda yake mai girman gaske, kasancewar ginin katone yasa ko rabi ba ayiba, fita tayi ta dan dudduba takoma cikin mota ta nufi gida, tana zuwa gida ta sake yin wanka ta tsuke tafito domin zuwa stadium,

Kullum haka take bata da lokacin hutu sai week end sai dai tunda samari suka yi yunkurin keta mata mutuncinta har yau bata sake komawa club ba.

Lamurranta kawai take aiwatarwa hankali kwance kuma yanzu tafara ji a zuciyarta cewar zata zabi daya daga cikin samarinta dr sameer ko da yazeed ta aura saboda shi dr naz da fahad duk yara ne amma har yanzu zuciyarta ta gaza tantance mata wanda ya dace ta aura, batun shaddad kuwa tuni har ta mance dashi saboda yanzu a kalla za ayi kimanin watanni biyu da tafiyarsa daga gidansu.

Fitowarta kenan daga wanka ta danyi abubuwan da zatayi ta fesa turare ta saka rigar bacci pink colour light, rigar bata da nauyi sannan iyakacinta gwiwarta,

Kwanciya tayi ta kunna air condition ta kashe wuta, babu bata lokaci bacci yace muje zuwa, can cikin dare tana tsaka da bacci taji kamar motsin ana daure mata hannu ta baya, sake gyara kwanciyarta tayi, abu sai kara gaba yake sai jin kafafunta tayi suma a daure, kafin ta iya saita tunaninta har andaure mata baki, a lokacin tsoro da razani suka dirar mata, ihu take son yi amma babu hali, tana ji aka dauketa aka dorata akafada akayi waje da ita cikin sand'a,

Hankalinta idan yayi dubu to duk yagama tashi sannan gashi garin bakikkirin yake da duhu kasancewar anyi ruwan sama gashi babu wuta kuma ankashe injin da aka kunna tun karfe 1,

Wani lallausan hannune ke rikeda ita sannan ga wani kamshi mai dadi da sanyi da take shaka, zuciyarta sai harbawa take a tamanin musamman ma dataga an nufi dajin kare kukanka da ita wanda ke cikin barikin daga can karshe gashi yayi nisa da gidajen cikin barikin ko kashe mutum za a iya yi batare da an saniba,

Kan wani yayi taji an jefata tareda take kafafuwanta, idanuwanta ta runtse dan tsananin azaba, ahankali taji an matso saitin fuskarta, fitila ya kunna ya haska mata fuskarsa take taji tana shirin sakin fitsari a wando saboda ganinshi, idanuwanta ta zazzaro saboda tsananin firgici,

Daurin da yayiwa hannunta da kafarta ya kunce yasake saka kafarshi ya take kafarta, kyallen da ya daure bakinta yakunce mata ya kura mata ido,

Ita dinma kallonshi take fuskarta cikeda tsoro tana kokarin ja da baya sai dai amma takasa saboda ya take mata kafafu wanda take ji kamar ya karya mata su, cikin rawar jiki take kallonshi tana rufe bakinta, ba kowa bane illa shaddad, yana sanye da bakin wando da bakar riga ajiki an rubuta Nigerian Navy,

"Kinyi min sharrin fyade ko? To yau zanyi miki na gaske in yaso sai mahaifinki yasa aharbeni, yau zanyi miki abinda baki taba ji ba ko acikin tarihi so kishirya..."

D'aga mata kafarta yayi daga takewar da yayi take tafara jada baya tana girgiza masa kai cikin rawar murya mai hadeda tsoro tareda firgici tafara magana,

"Dan Allah dan annabi kayi hakuri, dan Allah karka keta min alfarmata...."

"Shhhhhh...." Yadora hannunshi akan bakinsa,

"Karki kuskura ki hadani da Allah saboda yau sai na nuna miki cewar ke karamar karuwa ce, zan nuna miki ke ba kowa bace.."

Ganin yafara kokarin kunce belt din wandonshi yasata cigaba da matsawa baya tana runtse idonta gashi duk tabi ta kukkuje jikinta sai jini ne yake fita, yana fara dosota ta sake yin baya tana shirin yin kuka....

*_Ummi Shatu_*👌🏻


*_MARYAMA SARAUNIYA..!!_*





*_NA_*

*_UMMI A'ISHA_*




_Dedicated to Maryam Qaumi_💕


_Kuna raina akoda yaushe, Basma er lele, Nasma mai Kano, Umma yahaya musa (marubuciyar goyon kaka), tareda Baby Rasheed...nagode muku Allah yabar zumunci._



aishaummi.blogspot.com



*_17_*




~~~Ja da baya take yana binta tana sake jada baya yana sake matsowa da haka har taje ta tokaru da wani katon ice,

"Dan Allah kayi hakuri, wallahi bazan sake ba..." Tafada idanuwanta sunyi jajur suna shirin fitar da hawaye,

K'afarsa yasa ya take kafarta guda daya nan taji wani radadi ya shigeta, babu shiri ta bude baki da niyyar kwalla ihu,

Cikin sauri ya katseta,

"Shhhhh, idan kika sake kika yimin ihu wallahi sai na lahira yafiki jin dadi,kin yimin karya kince zanyi raping dinki to yanzu zanyi raping din naki dagaske...."

Hannu tasa ta toshe bakinta tafara jijjiga masa kai alamun yayi hakuri kar ya aikata abinda yake shirin aikatawa,

Kafarta ya kama yajawota gabanshi ya direta, rufe idanuwanta tayi saboda ganin abinda ke shirin faruwa gashi ita ba wani iya addu'o'i tayiba balle ta karanto,

Shi kuwa shaddad zuciyarshi sai angazashi take tana zugashi akan ya aikata hakan amma kuma wani bangaren na daya zuciyar tashi sai hanashi take tana cewa,

"Haba shaddad kai da baka taba aikata zinaba koda wasa meyasa yanzu zaka aikata baka tsoron haduwarka da ubangiji? Ko baka tsoron daukar cuta ajikinta tunda dai ba kamilalliya bace ita..."

Shawarar zuciyarsa yabi na kawai ya kyaleta saboda ko yanzu yasan ta gane kuskurenta sannan ta fahimci shi ba sa'anta bane tunda gashi nan har hakuri take bashi,

Mayar da belt dinshi yayi ya daura yana kallonta, jikinta inbanda rawa kamar mazari babu abinda yake yi ta runtse idanuwanta ta gagara budesu,

"Mtsssss Allah ya sawwake na hada jiki da karuwa irinki wacce take bibiyar maza kala- kala,na tabbata idan na kusanceki sai na dauki cututtuka barkatai...."

Shureta yayi da kafarsa nan ta fadi sharaffff, ko kallonta bai sake yiba ya juya yayi tafiyarsa mintuna kadan ta daina hangoshi, duk irin radadi da ciwon da jikinta yake yi mata hakan bai hanata tashi da rugawa aguje ba, gudu take iya fin karfinta kamar zata kifa,tana ji tana tattaka abubuwa masu tsini suna shige mata cikin kafarta amma hakan baisa tafasa gudun ba,

Ko alamar shaddad bata gani bare ta saka ran zai sake biyota, kafin ta karasa gida tagama jigata,

Kamar yadda shaddad yabar gidan haka ta sameshi a bude nan ta lallaba ta shige tayi gaggawar hawa sama ta fada dakinta, kan gado tafada ta kankame jikinta wuri guda tana kakkarwa,

Gaba daya jinta take ta kasa tuna koda abu guda daya saboda tsananin tsoro da razani hadida fargaba da suka dabaibayeta,

Ta dade sosai kafin tasamu tadawo cikin nutsuwarta, ganin abinda yafaru take yi kamar acikin mafarki aka yishi,


Sai alokacin ciwon da jikinta yake yi yadawo sabo nan kafafunta wanda shaddad ya tattaka suka dauki ciwo gashi ko ina na jikinta radadi yake yi mata musamman ma tafin kafarta wanda bai saba jin wahala ba gashi yau ta tattaka k'aya da sauran abubuwa masu shiga k'afa,

Tana nan akwance tana tuna yanda abubuwan suka faru har ta jiyo an shiga masallaci sallar asuba,

"Shin yakamata na sanarwa da father wannan abun da yafaru kuwa..?" Ta tambayi kanta, juyawa tayi ta sake gyara kwanciyarta,

"Idan har nafadawa Dada wannan abun to nasan bazai taba hakura ba har sai ya dauki mummunan mataki akan shaddad gara kawai nayi shiru nayi hakuri sannan nabar abin acikin zuciyata ni kadai.."

Wuta ta kunna saboda taji alamun ankawo, kallon jikinta tayi duk yanda rigar baccinta tayi kaca kaca da kasa da tab'o,

"Ohhhh yaron nan gaskiya yanada karfi... Kalli fa rik'o daya yayi min nakasa k'wacewa.."

Haka tayita maganganu ita kadai amma ta rigada ta yankewa kanta hukunci cewar bazata sanar da kowa abinda shaddad yayi mata ba har mahaifinta tunda dai Allah ya taimaketa bai yi mata komai ba.


Bandaki ta shiga ta tari ruwan zafi cikin baho ta surka da na sanyi tashiga tayi wanka ta gasa jikinta sosai saboda ko ina ciwo yake yimata,

Alwala tayi ta fito tayi salla sannan ta dauko first aid box dinta ta duba magungunan da ya dace da ita a yanzu wanda ya kamata tasha,

Zab'a tayi ta dauki ruwa dake ajiye agefen gadonta tasha taja bargo ta lulluba lokaci kadan zazzabi ya hau jikinta ga wani irin ciwo da kanta yake yi...

*_Ummi A'isha_*👌🏻


[5/12, 10:18 AM] Ummi Shatu👌🏻: *_MARYAMA SARAUNIYA..!!_*





_*NA*_

*_UMMI A'ISHA_*




_Dedicated to