You Cannot Download this book untill you login but you can read it .

---

Login Register

tafiya gida,

Karfe 3:30 dr naz tazo, har cikin office din yabita tana tsaye agaban table dinta tana harhada kayanta ya shiga kafadarta ya dafa yana kallonta,

"Kinzo a makare zaki tashi da wuri.."

"Ina son inje a wanke min kafata ne before nakoma gida.."

Jakarta ya karba ya rike yayinda ita kuma take rike da lunch box dinta da laptop bag dinta,

Jerawa sukayi da dr naz suka fita harabar asibitin zuwa wurinda yayi packing,

Akan hanyarsu ta zuwa gida ya tsaya awani shagon saloon wanda har wankin kafa akeyi ashagon, tare suka shiga ta zauna aka wanke mata kafar,faratanta aka kankare aka saka mata farcen roba zako zako sannan aka shafa mata farin nail paint ajiki,dr naz yana zaune yana kallon yanda faratan nata suka fito suka sake haskawa tamkar wata tauraruwa dadin dadawa kuma tafin kafarta tamkar na jarirai yake,

Shine yabada kudin wankin kafar suka tashi suka fita tare,

"Yau ina son zuwa stadium kallon ball shiyasa nake sauri naje gida.." Tace dashi tana gyara zaman mayafin dake kanta,

"Nima naso Shiga but inada uzuri gaskiya idan kin kalla kya bani labari gobe"

"Ok babu damuwa kayi sauri dai ka kaini gida"

Gudun motar ya kara mintuna kadan sai gasu acikin barikin sojoji,fita tayi daga cikin motar tana daga masa hannu,

Gidansu ta shiga tana shiga ta iske blessing tana goge mata kayanta wanda ta wanke,

"Blessing jeki ki debo min kayana a motar dr naz.."

"Ok Anty" shine kawai abinda blessing tafada ta tashi ta fice,

Upstairs ta nufa tana tafe tana kokarin cire rigar jikinta bayan ta yaye gyalen dake kanta, tana shiga bedroom ta watsar dasu akan gadonta tasoma kokarin cire agogon hannunta da sauran tarkacen data sassaka,barimar kunnenta da ta kan hancinta kawai tabari bata cireba, tana kammalawa ta nufi toilet bayan taja towel dinta dake rataye ajikin kofar toilet din,

Tana bathroom tana wanka blessing ta shigo itace ta tsittsince kayan data zubar ta ajiye kowanne a muhallinsa ta sake fito mata da wasu kayan wanda zata saka yanzu,

Bata wani bata lokaci acikin bathroom dinba tafito tana rikeda karamin towel tana goge jikinta, kwalliyar da tayi yanzu bata kai ta dazu ba domin powder kawai ta shafa sai lipstick data shafa akan lips dinta, turare tabi ta feffesa sannan ta nufi abin sallarta,sallar azahar tayi data la'asar duk a lokacin, tana idarwa ta mike ta tasamma wurin kayan da blessing ta fito mata dasu,

Rigace Jessy irin ta yan kwallo baka da wando jeans blue fela sai bakin dan karamin gyale wanda zata daura akanta,

Kayan tasaka ta daura bakin dan kwalin akanta,ta daura bakin combos ta dauki wayarta guda daya wacce take amsa call ta fita da hanzari domin tasan tuni yanzu anfara wasan saboda ganin 5 harda yan mintuna,

Tana sauka kasa tafara kiran blessing,

"Blessing ina key din bike dina?"

Da Sauri blessing taje ta dauko ta kawo mata, tana karba tafita batare da koda ta tambayi dadanta ba ta nufi garejin ajiyar motoci, tana zuwa ni ummi A'isha na hango wani lafiyayyen bike machine kalarsa pink and blue irin wanda mata suke tukawa a kasar India, shi kansa machine din abun kallo ne domin ba karamin haduwa yayiba gashi awani mulmule da fankama fankaman glass agabanshi,

Fito dashi tayi daga cikin garejin ta hau ta bashi wuta tawuce, idan da sabo to mazauna barikin sun saba ganinta akai kusan kowanne yammaci,

Express way tabi titin da babu motaci dayawa akai kusanma duk motocin dake bin wurin masu koyan motane,

Gudun da takeyi bana wasa bane baka jin komai sai shuuuuuuuu wato karar da machine din yake fitarwa yayinda ita kuma tukinta kawai take cikin annashuwa ta kure music tana ji ta cikin earpiece din dake kunnenta wanda ta jono daga cikin wayarta dake sanye cikin aljihun jeans dinta,danjojin jikin bike din ta kunna suna kawowa suna daukewa wal wal,

Cikin mintuna kalilan ta isa stadium din wanda yake katon gaske mai daukar dumbin dubban mutane,

Wurin da aka tanada domin packing din ababan hawa ta nufa ta faka bike dinta ta kulle ta zare key din ta nufi wani dan karamin shop wanda aka tanada domin sayar da kayan sanyaya makoshi da ababan makulashe,

Coke ta karba naroba da popcorn cikin wata hadaddiyar karamar container, cikin stadium din ta hara hankalinta kwance domin hatta suma ma'abota halartar wurin sun santa kusan itace mace tafarko da take zuwa wannan wurin,

Kujerun sama taje ta zauna adaya daga ciki lokacin har anfara buga wasan, tana diban popcorn dinta tana ci tana korawa da coke sannan ta zuba ido tana kallon yanda wasan yake tafiya.....

*_Ummi A'isha_*👌🏻


*_MARYAMA SARAUNIYA..!!_*




*_NA_*

*_UMMI A'ISHA_*




_Dedicated to Maryam Qaumi_💕



_*5*_




~~~Cikin kankanin lokaci samari matasa suka cika kujerun dake kusa da ita kowa yana son kulata amma yana tsoron karta wulakanta shi ita kuwa maryama shan coke din dake hannunta kawai takeyi tamkar bata san abinda suke yiba,

Har karfe 8 tayi ana buga wasan kasancewar wurin tal yake kamar hasken rana yasa mutane da dama basu san cewar dare yafara yiba domin hasken wurin ko allurar kace tafadi to zaka ganta, sai misalin karfe takwas da rabi sannan aka tashi daga wasan,haushi aran maryama kamar zatayi kuka kasancewar wadanda take supporting basune suka yi nasara ba,

"Mtswww...." Taja wani dogon tsaki tareda mikewa tsaye cikeda takaici domin ji take inama bata zo ta kalli wannan abin haushin ba, key din bike dinta ta ciro daga aljihun jeans dinta fuskarta babu walwala,

Wurin da tayi packing taje ta hau bike dinta tabashi wuta ta Lula...,gudun datake yanzu yafi na dazu saboda yanzu titin shiru yake sai yan ababan hawan dake wucewa tsilla tsilla, har tayi kwanar zuwa barikinsu sai kuma tafasa ta juya ta tasamma club domin tana son taje ta rage wannan haushin da ya cika mata zuciya,

Wani kayataccen club ta je wanda ya amsa sunansa domin abubuwan dake gudana acikinsa sai wanda yagani, ko ina na wurin samarine da yanmata wadanda idonsu ya bude suna shagulgulansu wasu kuma disco aka kunna musu suna rawa gefe daya kuma akwai wurin sai da drinks kala kala domin jika makoshi,

Hannuwanta duka biyu ta saka cikin aljihun wandon jeans dinta kunnenta makale da earpiece tana takawa ahankali,

"Abbas kazo mu bar wurinnan dan Allah saboda kasan nifa ban saba zuwa irin wadannan wuraren ba..." Kunnenta ya jiyo mata wata daddadar murya tana magana, zuciyarta ce ta tilasta mata son ganin fuskar mai maganar, juyawa tayi ta koma da baya wurinda taji muryar tana tashi,

"Kai Navy kacika matsala, ban san ko sai yaushe zaka waye ka fito gariba.."

"Babu wata wayewa da zan sake yi bayan wacce nake da ita ayanzu..."

Full light aka bawa wurin daga duhun hasken dake dan kawowa yana daukewa cikin kaloli red,blue,green, yellow da sauransu,

Ido ta zuba masa, shi dinma kallonta yayi cikeda tsanarta domin yagane kowacece,

Kallonta ta dauke daga gareshi tana kokarin barin wurin, ko shakka babu shine wannan guy din data gani agidansu awurin dada dazu da safe sai dai yanzu ba acikin uniform yake ba, kananan kaya yasaka wadanda suka yi daidai da siffarshi,

Ji tayi gaba daya club dinma ya isheta dan haka tafice da niyyar tafiya gida, daidai lokacin suma suka fito zasu tafi, yana kallonta taje ta hau bike dinta ta fita, ba karamin mamaki abin yabashi ba ganin yanda take tuka machine din tamkar wata namiji babu alamun tsoro atattare da ita dadin dadawa kuma ganinta da yayi a club din yasake tabbatar masa da ko ita wacece atake yaji ya tsani duk wata yarinya wacce ta kasance rainon bariki,

"Navy muje mana" muryar abbas ta katse masa tunanin da yakeyi,

Baiyi magana ba yawuce suka tafi, kasancewar shine yake driving din yasashi kurewa motar gudu domin ya iske maryama ahanya, cikin kankanin lokaci ya fara hangota, full light ya kunna ya hasketa, gudun da takeyi ta dan rage tana jin haushin koma waye mai wannan motar sai tayi masa rashin mutunci, ganin mai motar baizo yawuce ba kuma bai barta tawuce ba yasata kara wuta kamar wacce zata tashi sama mintina kadan ta bacewa ganinsa,

Asukwane ta shiga cikin barek din ta nufi garejin gidansu taje ta ajiye bike dinta tafito tawuce ciki,

Dada ne zaune shi kadai yana kallon labarai wanda ake gabatarwa a nta (news @ 9),

Kusa dashi taje ta zube acikin kujera,

"Dada...!"

Murmushi yayi ya kalleta,

"Mai sunan mama daga ina haka?"

"Dada daga stadium nake daga nan kuma nabiya ta club amma ban jimaba nafito.."

"Ai nadawo ina tambayarki awurin blessing tace kin fita, tunda naji haka nasan kallon kwallo kika tafi"

Murmushi tayi tana kunce zaren jikin combos din dake kafarta,

"Dada ina katafi da?"

"Nima naje headquarter dinmu ne saboda naman approval din new staffs dinmu wanda aka turo, sune da safe kikaga inata cuku cukun yimusu signing"

"Yawwa dada ka samar min driver?"

"Kiyi hakuri mana mai sunan mama, ai zuwa gobe insha Allah zan baki driver acikinsu, ina sone nasamu yaro nutsattse, kamilalle mai hankali wanda zai rinka kulawa dake koda bana nan kamar yadda malam isa yayi,nasan kinji mutukar dadin zama dashi ko ba haka bane?"

"Hakane dada" tabashi amsa bayan ta kammala cire combos din dake kafarta,

Kan dining ta kalla "dada me kuku yadafa yau?"

"Mai sunan mama tuwon semovita yayi mana miyar kuka.."

Yayyatsina fuska tafara ta tashi tana kunkumbura baki domin idan akwai abinda ta tsana a duniya to tuwone ko sunanshi ma bata sonji,

Bedroom dinta ta shiga ta rage kayan dake jikinta tanayi tana tsaki saboda ta tsani ayi tuwo agidan nan gashi kuma shi dada yana son tuwo sosai,

Toilet ta shiga ta watso ruwa tafito tazira wata coffee colour din doguwar riga mai santsi, kanta babu dankwali ta sauka kasa ta shiga kitchen,

Tea tadafa ta zubo a cikin wani dan mitsitsin tea flask na silver ta koma falo wurin dada ta zauna,

Tayashi kallo take suna yar hira har 10 tayi,

Dakinta ta koma tayi sallar mangariba da isha ta hau kan gadonta wanda yake cike da tedy manya manya,

Laptop dinta ta jawo ta kunna tafara kallon wani american film mai suna _Revolution_,tana kallo tana hamma saboda baccin da yafara cika idonta,

Dr yazeed taga yana kiranta takan screen din dake wayarta, mikewa tayi ta kwanta taja teddy guda daya ta rungume,

"Likita bakayi bacci ba?"

"Kira nayi naji ko kinyi bacci ko kuma kina zaune kina kallo sai gobe kizo mana aiki a makare.." Tajiyoshi yafada yana murmushi,

"Likita kenan zan dai baka mamaki idan nafara zuwa office karfe 7"

"Idan hakan tafaru nikuma ina mai tabbatar miki da cewar zan baki gagarumar kyauta"

"Likita kenan.." Tace dashi tana murmushi,

"Maryama kenan kidai daure ki fitar da gwani acikinmu saboda kowa sonki yake, ko kina sone kiga mun fara fad'a?"

Shiru tayi tana dan murmushi kasa kasa,

"Kodai har kin fara baccine kin kyaleni inata surutu ni daya"

"Wallahi baccin dai nake son nayi"

"To bari na kyaleki karna cikaki da surutu"

"Thank you dr" tace dashi tareda katse wayar, laptop dinta ta rufe ta jawo drewar din gadonta wacce take cike da wasu kwalabe ta debo kwalayen magunguna guda biyu ta bude.....


_Gaisuwa mai yawa gareki maman Sultan, nagode Allah yabar zumunci._

*_Ummi Shatu_*👌🏻

*_MARYAMA SARAUNIYA..!!_*



*_NA_*

*_UMMI A'ISHA_*



_Dedicated to Maryam Qaumi_💕



_Ina kike? Hawwa Jidda Aliyu marubuciyar littafin sonki ne sanadi, wannan shafin nayi shine dominki, ina ji dake tawan..._



_*6*_


aishaummi.blogspot.com




~~~Kwalaben benalin guda biyu ta bude ta tuttule acikinta ta tura kwalaben kasan gadonta,

Kwanciya tayi ta mike akan gadonta idanuwanta a lumshe, mintuna kadan bacci yayi gaba da ita.....


***

Tunda bacci ya dauketa ba ita ta tashi ba sai da misalin karfe goma nasafe, garau ta tashi tana hamma tana bin dakin nata da kallo kamar yaune tafara ganinsa,

Tashi tayi duk jikinta a mace yake kamar wacce aka yiwa duka,

Bathroom ta shiga tana rike da kanta, wanka ta silla tafito,blessing ta iske atsakar dakin tana yin mopping bayan ta kammala gyara dakin,

"Bani wuri zan shirya.." Tafada tana goggoge jikinta da karamin towel,

"To anty.. " blessing tafada tareda azamar ajiye moper din dake hannunta tafice taja mata kofar dakin dama tuni ta fito mata da kayan da zata sa,


Zama tayi ta cancada kwalliya sannan ta saka kaya, yauma kamar kullum riga da skirt high waist tasaka da dan karamin mayafi,

Sallar safe tayi sannan ta gangara falon dake kasa tana tafe tana yayyamutsa fuska,

Ganin Dada baya falo ya sanyata binshi cikin dakinsa, a kofar dakin sukayi kicibus dashi yana kokarin fitowa,

"Good morning father..." Tafada tana murmushi,

Murmushin shima yayi ya karasa fitowa yana kallonta,

"Daughter yau da wuri kika tashi...?"

Daga kai tayi tana murmushi,

"Father yau ina son nashiga office around 11 saboda may be zan shiga theatre"

Kai ya gyada ya nufi falo tana biye dashi yana cewa,

"Allah yabaki nasara mai sunan mama.."

"Thank you father" tafada tana biye dashi,

Zama tayi a falon ta dora daya akan daya tareda kwalawa blessing kira,da gudu ta garzayo tazo ta rissina agabanta,

"Miko min laptop dina acikin bedroom"

Da sauri blessing ta juya ta nufi dakinta,

"Dada yau wa zai kaini office? Ni bana son na yawaita shiga motar dr naz saboda irin hakan zai iya sawa ya rainani"

Murmushi dada yayi ya juya yana kallonta,

"Kafin kigama shiryawa dai zan samu wanda zai kaiki.."

"Ok father.."

Daidai lokacin blessing tazo wurin tana rikeda laptop din maryama a hannunta ta durkusa ta bata ta fita, suna nan zaune kuku ya kawo breakfast din da ya hada ya ajiye dada yafara ci yana kallon tv ita kuma maryama tana ta faman danne danne a laptop dinta,

Assalamu alaikum..." Suka jiyo sallama bayan an bude kofar falon,

Ahankali ta dago ta kalleshi ba kowa bane face wannan matashin sojan, yau ma yana sanye cikin uniform dinshi wanda suka karbeshi,

Cikin fara'a dada ya amsa masa,

"Shaddad ka fito?" Dada ya tambayeshi yana murmushi,

"Ehh nafito ranka ya dade" matashin sojan ya bashi amsa,

"Yawwa shaddad dan Allah abinda nake so dakai shine ga'yata nan maryama zaka rinka kaita wurin aiki kana dawo da ita da duk sauran wuararen da take so, dan Allah ka kula min da ita sosai sannan dan nayaba da nutsuwarka ne shiyasa har nasaka wannan aikin..."

Ahankali cikin sanyin jiki wanda aka kira da shaddad ya dago kansa ya dan kalleta kanta yana sunkuye tana danne danne ajikin laptop dinta,

"Blessing, dauko min medical glass dina acikin bedroom.."

Yajiyo muryarta tana yiwa blessing magana,

Dakyar ya iya buda bakinsa yayi magana saboda yana mutukar ganin girman dattijon sannan ya fahimci cewar mutum ne mai kirki mai rike d'an wani kamar nasa,

"Shikenan ranka ya dade insha Allahu baza asamu matsala ba"

"Yawwa nagode Allah yayi maka albarka"

Blessing ce ta dawo hannunta rikeda medical glass ta mikawa maryama ta karba ta saka a fuskarta,

"Daughter ga wanda zai dinga kaiki office.."

Dada yafada yana dan murmushi,

"To father.." Tafada fuskarta a cunkume,

"Blessing kira min kuku"

Dasauri blessing taje ta kira kuku suka dawo tare,

"Kuku ka dafa min tea?" Ta tambayeshi tana yatsina fuska,

"Ehh an dafa ranki ya dade"

"To soya min chips da kwai dan kadan"

"To ranki ya dade"

Kanta ta mayar taci gaba da abinda take kafin ta dago tana kallon dada,

"Father shi wannan din ya iya motane? Sannan nifa ban son driver malalaci gaskiya..."

Babu zato ya jiyota ta furta hakan cikin dakewa,

"Haba mai sunan mama ya iya mota mana, sannan in banda abinki kin taba ganin soja malalaci?"

"Ahh dada ai naganshi ne wani lange lange"

Ran shaddad ne ya fara baci saboda jin kalamanta amma sai ya share saboda yasan bata san ko shi wayeba,

Suna nan a falon har kukun yagama hado mata breakfast din nata ya kawo mata ya ajiye,

"Blessing dauko min phones dina da hand bag dina milk colour da cover shoe shima milk colour"

"To anty.."

Babu bata lokaci blessing ta kawo mata dukkan abubuwan data lissafa,

Mikawa blessing kafarta tayi bayan ta dan kwaye skirt din jikinta domin ta saka mata takalmin,

Nan take sarkar data daura a kafarta ta bayyana har idon shaddad yakai kai...

*_Ummi A'isha_*👌🏻

*_MARYAMA SARAUNIYA..!!_*



*_NA_*

*_UMMI A'ISHA_*




_Dedicated to Maryam Qaumi_💕


aishaummi.blogspot.com


*_7_*




~~~Tunani yafara yi acikin zuciyarsa tareda zancen zuci,

"Kodai yarinyar nan 'yar lesbian ce?" Ya tambayi kansa saboda gaba daya kamannninta irin na'yan duniya ne sai dai kuma yagagara gano amsar tambayarsa,


"Dauki kayan nan ki fita dasu..." Tace da blessing cikin sanyin murya,

Daukar laptop dinta tayi taci gaba da abinda take tamkar ta manta cewar akwai wanda ke tsaye yana jiranta,

"Daughter baki kammala shiryawar bane?" Dada ya tambayeta saboda yaga tsayuwar da shaddad din keyi tayi yawa,


"Na gama dada" tafada tana yatsina fuska,

"To ki tashi ku tafi mana"

Kamar bazata yi motsiba ta samu ta mike ahankali tana mai gyara mayafin dake lullube akanta,

Wucewa tayi tana takawa ahankali saboda tsinin takalmin dake kafarta da kuma yanayin tafiyar tata ta masu jida kai,

Bin bayanta shaddad yayi yana kallon yanda take daga kafarta dakyar, kafin ta daga kafarta daya ta ajiye ta daga dayar ma aikine, abunku da soja nan da nan yaji bazai iya wannan tafiyar tata ba saboda sai tasa kafarsa tayi ciwo, yana ganin ta fita daga falon ya daga kafa yaje ya wuce ta gefenta yayi gaba, binsa tayi da kallo saboda lokacin da yake giftawa ta gefenta sai da taji wani wadataccen kuma daddadan kamshi ya doki hancinta,

Zuba masa ido tayi ta bayanshi tana kallon yanda yake tafiya da zafi da zafi kamar zai tsaga k'asa,

Dauke idonta tayi ta mayar kan screen din wayarta saboda dirinta data fara ji,ganin sunan dr naz yasata yin dan karamin tsaki,

"Dr naz ya akayi?" Tafada ahankali,

"Kin shiryane nazo mu tafi?"

"Meya faru?" Ta sake tambayarshi,

"A'a ba wani abu bane, nazo ne zan wuce ta kusa da street dinku shiyasa"

"No basai ka shigoba nima yanzu zan zo"

"Sai kin karaso ranki ya dade" yafada cikin zolaya,

Murmushi kawai tayi ta tsinke kan wayar daidai lokacin ta karasa fita daga cikin gidan ta tasamma wurin da blessing ke tsaye da kaya tana jiranta,

Fuska ta hade ta bata rai saboda ganin shaddad da tayi zaune saman wani katon bike mai kyau irin nasu na sojoji,tsayawa tayi tana kallonsa,

"Wannan guy din dan rainin wayone, nufinshi wai nice zan hau wannan bike din zuwa office?..."

Kafin ta gama zancen zucin da take taji wata muguwar kara ta hon ta cika kunnuwanta wanda har saida dodon kunnenta ya amsa,

Kallonshi tayi fuskar shi shidinma a hade take ko kallonta bayayi yasaka kansa gabas yana kallon hanya amma hon din da yayi mata yana nufin yagaji da jiranta,

"Wai meye haka? Kaje ka ciro min mota a garage saboda nagaji da wannan tsaiwar.." Tace dashi cikin jin haushinsa saboda yasoma kular da ita,

"Ban iya mota ba,so kina iya hawa idan kuma bakida ra'ayi shikenan..." Taji yabata amsa batare da ya kalleta ba, mamakine ya kamata saboda jin wulakancin da yakeda niyyar yimata,

Wayarta ta fara latsawa ta kira Dada, yana dauka ta kwabe fuska kamar zatayi kuka,

"Father kaga wai bazai kaini a mota ba sai dai akan bike..."

Shiru ta danyi sannan ta sake magana,

"Ok Dada"

Katse wayar tayi ta karasa kan wani katon dutse wanda ke kafe awurin ta zauna saboda bazata iya cigaba da wannan tsaiwar ba.

Mintuna kadan sai ga dada ya fito yana rike da wani sandanshi na karfe,

"Shaddad ya baku tafiba?"

"Yallabai gashi na dauko machine din ai itace taki hawa.."

"Ai shaddad hawan machine dinne sam bai dace da itaba, kayi hakuri ka rinka kaita a mota kaji"

"To yallabai" yafada kafin daga bisani ya buga machine din ya fisgeshi cikin kwarewa yaje ya kafeshi a gefe ya dawo wurin da suke,

"Ina key din motar?" Ya tambaya sai wani babbasarwa yake, binshi da kallo maryama tayi tana tab'e baki saboda ta fahimci so yake ya yi mata wulakanci akan tace ko ya iya mota,

"Ga na motata ka kaita inyaso idan ka dawo sai ni na fita.." Dada yace da shaddad tareda mika masa mukullin motarshi kirar croutoure black,

Rissinawa yayi ya karbi key din ya tafi dauko motar, komawa cikin gida dada yayi bai jira dawowarsa ba,

A kusa da inda take zaune yaje ya tsaya bayan ya dauko motar,

Tashi tayi dakyar tafara takawa kamar wata mai ciwon kafa tana yiwa blessing magana,

"Samin kayan agaba"

Owners corner ta bude zata shiga agadarance, sai da yabari ta shiga ta zauna blessing ta saka mata kayanta agidan gaba ta juya ta koma gida sannan ya jiyo batare da ya kalleta ba yace,

"Kifito ki kwashe kayan nan ki zauna saboda niba driver bane.."

Rabuwa tayi dashi tayi kamar batajiba ta ki tashi,

Shiru shiru taji bashida alamun tashin motar ganin haka yasata bude kofar motar ta fita ta zagaya gidan gaba ta bude, kayanta dake kan kujerar ta zuba awurin ajiye k'afa ta shiga ta zauna fuskarta babu annuri kamar yadda shima shaddad haka tashi fuskar take ahade,

Bai jira komai ba ya zuburi motar wadda har sai da maryama ta kusa buguwa da jikin motar, aguje yake tuka motar har suka yiwa barikin nisa,

"Yama sunan asibitin?" Ya tambayeta batare da ya dubeta ba,

Compliment card dinta guda daya ta dora masa akan wani dan pillow wanda ke ajiye agefenshi batare da tayi masa magana ba,

Ko kallon card din bai yiba yaci gaba da tukinshi,

Ganin sun kusa wuce hanyar da zasu bi yasata bude bakinta dakyar ta fada masa sunan asibitin, amma gaba daya ya gama kular da ita, zuciyarta har tafasa take yi dan bacin rai,

Lokacin da suka shiga cikin asibitin daidai lokacin dr sameer shima ya shigo cikin asibitin, packing shaddad yayi yana jiran ta fita, dr sameer ne ya k'araso inda suke yana murmushi,

"Maryama sarauniya, barka da zuwa.."

Murmushi ta mayar masa tace,

"Barka dai dr.."

"Yau baki makara sosai ba tunda gashi munzo lokaci daya dake"

"Dr kenan,yanzu zan ringa zuwa da wuri tunda dada ya sama min driver.."

Wani bacin raine ya ziyarci zuciyar shaddad saboda abinda maryama ta fada,itama dama ta fadane saboda ta wulakantashi, handbag dinta ta mikawa dr sameer ta fita daga cikin motar, Joseph massinger shine ya rugo a dari yazo yana yiwa maryama sannu da zuwa hadida dauko kayanta daga gaban motar,

Ko kallon shaddad ba tayiba ta wuce itada dr sameer tana rikeda hannun handbag dinta guda daya shima ya rike guda daya,

Aguje yasake fincikar motar yafita daga cikin asibitin, compliment card dinta data ajiye ya dauka yana karantawa,

Dr maryama Faruk Bello.. Shine sunan dake rubuce dara dara ajikin card din,

"Maryama Faruk Bello..." Ya maimaita sunan nata yana sake kallon card din,

Tunani yafara yi shin ita wannan yarinyar wacece? Meyasa take zaune daga ita sai mahaifinta? Ina mahaifiyarta take yanzu? Wadannan tambayoyin sune suka kawowa kwakwalwarsa ziyara sai dai kuma bashida amsarsu, sai dai har ajikin jininsa da bargonsa yana jin wata irin tsanarta aranshi saboda gaba daya kaf dabi'unta babu wanda yayi masa saboda tarbiya bata isheta ba ayadda ya fuskanta....

*_Ummi Shatu_*👌🏻

*_MARYAMA SARAUNIYA..!!_*




*_NA_*


*_UMMI A'ISHA_*



_Dedicated to Maryam Qaumi_💕



aishaummi.blogspot.com




*_8_*




_Gaisuwa mai yawa ga Salma (Ummi ja'eh),tareda Fatima Auwwal Mannir, sakonku ya riskeni nagode Allah yabar zumunci.._





~~~ Mayar da compliment card din yayi ya ajiye awurin da yake yana tsuke bakinsa,koma yayane dai shi bai damu da yasan amsoshin wadannan tambayoyin ba saboda ita maryaman ba damuwa yayi da itaba,

Gidansu maryama ya koma ya iske mahaifinta yana zaman jiransa domin yana son zai tafi office,

Key din motar yabawa Daniel driver wanda shine yake da alhakin kai Dada duk wani wuri da yake da bukata shima daniel din sojane asalima office ne suka bawa dada shi a matsayin driver,

"Shaddad ga key din motar maryama nan idan karfe biyar tayi sai kaje ka daukota"


Dada yafada fuskarsa kunshe da fara'a, karbar mukullin shaddad yayi cikin girmamawa ya nufi bike dinsa dake kafe anesa da wurin, hawa yayi ya tadashi ya nufi gidanshi wanda ke can gaba da nasu maryama domin nasa na sojojine masu star biyu kasancewar kowanne matsayi to da irin gidansu ba iri dayane gaba daya ba,

Gida mai lamba 25 shine gidansa wanda yake dauke da dan madaidaicin falo da bedrooms guda biyu,

Afalo ya zauna yafara kokarin cire uniform din jikinsa,kan doguwar kujera ya kwanta ya mike ya rufe idanuwansa saboda bacci yake son yi.



***


Dr yazeed yana rike da hannun handbag dinta guda daya itama tana rike da dayan har suka karasa office dinta, hira yake danyi mata jifa jifa tana mayar masa da amsa,

Sai da yakaita har kofar office dinta sannan ya juya yawuce nasa office din,office dinta ta bude ta shiga wanda jama'a ke zaune cunkum suna jiranta,

Zama tayi akan kujerarta ta bude drewar dake jikin teburinta ta ciro wata katuwar chocolate da butter cake ta bare tafara sha,

Kararrawa ta danna Joseph ya shigo ta dubeshi