You Cannot Download this book untill you login but you can read it .

---

Login Register

zirga har aka sallami su maryama daga asibitin lokacin kwanansu hudu saura kwana uku suna,

Suna zuwa Gida suka tarar su hajiya dasu anty zainab da sauran dangi, an gyarewa maryama dakinta tsaf komai fes sai kamshin turaren wutar da aka kunna ne yake ta faman tashi agidan,

Dan zama maryama tayi ta shayar da jaririn sannan ta barwa su anty maijidda shi ta shiga daki saboda wanka take son tayi,

Tana shiga wankan shaddad ya shigo cikin bedroom din, motsinta da yaji acikin toilet ne ya fahimtar dashi cewar wanka take yi,

Kofar dakin ya sawa key yabita cikin toilet din, maryama sai ganinshi kawai tayi ya shigo yana balle botir din gaban rigarshi,

"Shaddad ya haka? Wanka fa nake yi"

"Nima wankan zanyi shine nazo muyi tare"

"Kai shaddad ka fiya rigima, nifa jego nake"

"Nasani ai, wankan kawai nake so muyi tare.."

"To idan su anty maijidda suka shigo fa"

"Babu mai shigowa ai na rufe kofar"

Tare suka yi wankan anty maijidda sai bugun kofar dakin takeyi saboda jaririn maryama yanata kuka, maryama ce taje ta bude kofar shikuma shaddad yana tsaye yana saka rigarshi, batare da anty maijidda ta shiga dakin ba tabawa maryama jaririn ta fita, wurin anty babba ta koma a inda suke zaune suna hirarsu,

"Nifa ana yin suna nima washe gari zan bar gidan nan.."

Anty maijidda tafada, "au wannan karon ba zaki taya yar taki zama ba?"

Inji anty babba,

"A'a wannan yaran ai yanzu sunfi karfina, tare suka yi wanka fa yanzu, ina zuwa suna fitowa shikuma gogan ko kunya ina ganinshi yana saka riga shiyasa ma ko dakin ban shiga ba"

Dariya anty babba tayi, "ashe baya yin surukar dake"

"Ai shiyasa zan tafi tun kafin yafito kiri kiri yace in tattara kayana in tafi"


Sai da shaddad ya rikewa maryama jaririn ta shirya sannan ya bata shi ya fita, yana fita nu'aima ta shigo taje jikin maryama ta kwanta, shafa kanta maryama tafara yi tana jin tausayin yarinyar saboda yanda tayi ranar da zata haihu ba karamin tayar mata da hankali tayi ba,

Shaddad dakinsa yaje ya shirya yafita, tunda ya fita kuma bai dawo gidan ba sai da daddare, wasu na falo wasu kuma na dakin maryama yayinda wasu na daya dakin dake kusa da na maryama,

Ita maryama tana dakinta ita da khairat da anty maijidda da anty babba,

"Ni kam maryama nu'aima tayi shekara biyu ne?" Anty babba ta tambayi maryama,

"A'a Anty bata yi shekara biyu ba"

"Ni ai ban taba ganin likitar da tayi kunika ba sai maryama" anty maijidda taceda maryama tana dariya,

"To anty yaya zanyi ya hanani inyi planning yace ko aboye nayi bai saniba Allah ya isanshi.."

"Nima ai da wasa nake yimiki, kiyi haihuwarki wallahi muma ai duk kunikar muka yi shiyasa su hydar gasu nan duk Kansu daya"

Kafin maryama tayi magana shaddad ya shigo, anty babba ce ta tashi khairat tace taje ta kawo masa abinci, fita yayi yanata kallon maryama saboda yafi son ita takawo masa abincin ba khairat ba,

Koda khairat ta kai mishi abincin cewa yayi taje ta turo masa maryama, lokacin da khairat tazo ta fadi sakon anty babba cewa tayi maryama ba zataje ba sai anty maijidda tace abarta taje suje can su karata,

Tashi maryama tayi ta fita taje dakin shaddad, yana kwance akan gadonshi, agefenshi ta zauna tana kallonsa,

"Navy tashi kaci abincin mana"

Hannunta ya rike nan taji zazzabi ne ajikin nashi, zirga zirgar da yayita yine yanzu kuma take tambayarshi ga ciwon kai dake damunsa,

"Ya naji jikinka da zafi? Zazzabi kake yi?"
tashi zaune yayi ya kama hannayenta ya rike,

"Bani abincin naci sai ki bani magani nasha"

Murmushi tayi, "allura zanyi maka sai kafi jin dadi"

Bashi abincin tayi yaci tabashi ruwa yasha ya koma ya kwanta, tasan yana jin jiki amma sam baya son tagane saboda kar hankalinta ya tashi,

Fita tayi ta koma dakinta ta dauko allura da sirinji ta dawo, rub da ciki ta sameshi yayi ahankali tayi masa allurar,

"Washh.." Ya fada lokacin da yaji ta shigar da allurar cikin jikinshi,

"Da zafi ne?"

"Da zafi mana"

Zare allurar tayi tasa dan yatsanta tafara shafa wurin da tayi masa allurar,

Hannu yasa ya kwanto da ita jikinsa ya rungumeta,

"Dan Allah ki zauna mu kwana anan karki tafi"

"To kuma jaririn fa?"

"Zamuje mu daukoshi"

Murmushi tayi ta fara shafa kumatunsa, tana kallonshi idanuwanshi har sunyi ja saboda ciwon kai da zazzabin dake damunshi,

"Kayi hakuri dai ka kwanta kayi bacci saboda kaga akwai sirikai agidan namu su hajiya suna nan ga su anty babba da anty maijidda"

Hannunta ya rike sannan ya rike kanshi da daya hannun,

"Sannu Navy.." Tafada cikeda da tausayinsa saboda tun da taga yana yin haka to tasan yana jin jiki, tashi tayi ta shiga toilet dinshi ta debo ruwa a dan karamin baho tazo ta zauna abayanshi, rigarshi ta cire masa ta tsoma dan kwalinta aruwa ta fara matsewa tana goge masa goshinsa da jikinsa,

Ta jima tana yimasa haka har bacci ya daukeshi, sai da taga yayi nisa da bacci sannan ta fara kokarin tafiya, bakinshi ta yiwa kiss ta tashi zata tafi, hannunta taji ya rike ahankali kuma ya bude idonsa,

"Tafiya zakiyi ki barni baby?"

"A'a zuwa zanyi nadawo" sakinta yayi yana murmushi saboda bai san cewar wayo zata yi masa ba,

Sakin hannunta yayi ta tafi, yanda tabar su anty babba da anty maijidda haka tazo ta samesu suna hira khairat ce kawai tayi bacci,

Rigar bacci ta saka ta kwanta, har bacci yafara daukarta taji wayarta tana ruri, shaddad tagani mai kiran,

Tana dagawa taji yace, "baby najiki shiru.."

"Ya jikin naka navy?"

Lumshe idanuwanshi yayi yana jin dadin muryarta mai sanyi wacce take kara rura wutar sonta acikin zuciyarshi,

"Kinga ma wani zazzabin ne ya sake rufeni, zo kiyi min wata allurar"

Jin ya fadi haka yasata tashi da sauri ta fita tana rikeda wayar a kunnenta, a falo ta samu su anty maijidda sun maida dabar hirar tasu can sudai Allah ne kadai yasan lokacin baccinsu amma kowa sai yayi bacci ya barsu,

Dakin shaddad ta hara, tana yi masa magana a waya,

"Harda ciwon kan bai daina ba?"

"Shima bai daina ba.. Ba kiji ba kamar zai fita daga jikin.."

Daidai lokacin ta bude kofar dakin nashi ta shiga, a kwance ta sameshi yayi rub da ciki,

Zama tayi ta kwanta a bayanshi tana shafashi ahankali amma kuma sai taji jikin nasa sanyi kalau alamar babu zazzabin,

"Navy ai naji jikin naka babu zafi"

Murmushi kawai yayi baiyi magana ba ya mika hannunshi kan bed side drewar ya ajiye wayarshi ya kashe bedside lamp,

"Navy magana fa nake yi maka wallahi bacci nake ji"

"To kiyi baccinki mana"

Tashi tayi yayi saurin riketa,

"Dan Allah karki tafi"

"Nabar jariri adaki kar ya tashi yazo yana kuka"

Dakyar ta samu ta kwace ta koma dakinta taje ta kwanta saboda wani irin bacci take ji gashi ta gaji mutuka....




_*Ummi Shatu*_👌🏻
[5/25, 9:20 PM] Ummi Shatu👌🏻: _*MARYAMA SARAUNIYA..!!*_






*_NA_*

*_UMMI A'ISHA_*



_Dedicated to Maryam Qaumi_💕


_Sako ga autar hajiya, in banda abinki auta ai ni ban hanaki mijina ba,matsalar kawai yace daga ni babu k'ari.._



_*50*_




~~~Ko minti biyu batayi da kwanciya ba taji shigowarshi, tsugunnawa yayi a saitin kanta ya dafata yana bin kyakkyawar rigar baccinta da kallo,

"Bacci zakiyi?"

Kai ta daga masa saboda idanuwanta har rufewa suke yi saboda tsabar bacci, "to yi addu'a"

"Nayi" ta bashi amsa batare data bude idonta ba,yana tsugunnen har bacci yayi gaba da maryama,ya jima yana tsugunne yana kallonta yana ta faman shafa kyakkyawan sajen dake fuskarta wanda ya tafi ya lullube goshinta, ya jima ahaka kafin ya tashi ya fita, lokacin da ya fita har su anty maijidda sunyi bacci itada anty babba.


Washe gari ya kama saura kwana biyu suna, tun sassafe maryama tayi wanka ta shirya saboda yau za ayi mata kunshi da saloon, wani leshi ta saka baki mai adon ja ajiki, kyawun da tayi ba kadan bane, gashi tako ina kamshi ne yake fita daga jikinta,

Tana rikeda jaririnta a hannu tace da anty maijidda,

"Anty bari nakai boy ya duba dadynshi yayi masa sannu bashida lafiya"

"Sai kun dawo"

Anty maijidda tafada tana kallon anty babba domin jiya da daddare sunga lokacin da taje dakin shaddad sannan shima sunga lokacin da yasake binta dakinta,

Fita tayi da jaririn akan kafadarta ta shiga dakin shaddad, yana tsaye agaban mirriro yana zira rigarshi, bakar t shirt mai dogon hannu, jaririn ta kwantar taje gaban shaddad ta tsaya tafara balle mishi botir din jikin rigar tana murmushi,

"Ya jikin?"

Hannuwanshi yasaka gaba daya ya zagayeta ya rungumeta,

"Da sauki,ina nu'aima?"

"Tana can tanata bacci bata tashi ba"

"Da ace ta tashi da ta rakani kasuwa, ina son inje in siyo muku duk abubuwan da suka kamata, gashi ma dai banida kudi wallahi.."

Jan hancinshi maryama tayi, "nima kuma ina son zaka kaini saloon anjima idan khairat ta gama yimin kunshi kuma dole zaka biya kudin kunshi da na saloon"

Fuskarshi ya hada da tata yana murmushi,tareda jan hancinta, "ai ko baki fada ba ma dole na nabiya domin matata aka gyara min tasake yin kyau"

Murmushi tayi taja shi suka karasa bakin gado ta dauki jaririn ta dorashi akan cinyarshi, "gashi dama gaisheka yazo yayi"

Tana bashi jaririn ta fita zuwa dakinta bata jima ba sai gata ta dawo rikeda ATM card dinta a hannu, zama tayi a kusa dashi ta mika mishi ATM card din,

"Naji kana cewa baka da kudi, gashi kaje ka ciri duk yanda zaiyi maka.."

Kallonta yayi sai kuma yayi murmushi ya jijjiga kansa,

"Bazan karbi kudinki ba baby, kudin wurina zai isa na siyo muku komai da komai"

Fuska ta bata ta mika masa hannu alamar ya bata jaririn, hanata jaririn yayi ya kwantar dashi agefe yana cewa,

"Muhammad kwanta anan inje in rarrashi mamanka mai daru.."

Sai lokacin tasan Muhammad zai radawa jaririn domin har yau basuyi maganar sunan da zai sakawa yaron ba.

Kusa da ita ya matsa yasa hannuwanshi guda biyu ya tallafe kumatunta,

"Baby menene nayin fushin? Kin san dai bana son bacin ranki.."

Sake daure fuska tayi, "ai dama nadade da sanin baka daukeni a matsayin abokiyar zama ba, baka daukeni a matsayin sirrinka ba, sannan ni ka daina kirana da wani baby, budurwarka da kakeso yar 18 years wacce har kabata number ta dan ta kirani tayi min rashin kunya ita ya kamata ka kira da baby"

Murmushi yayi sai kawai taji ya rungumeta,

"Allah yabaki hakuri, wallahi ke sirrina ce saboda akwai sirrin dake tsakaninmu wanda duk duniya babu wanda ya sanshi sai ubangijin da ya haliccemu, kuma ni ban bawa Amira number ki dan ta kiraki taci miki mutunci ba.."

"To ya akayi tasan shekarata 30 lokacin da ka aureni indai ba kaine ka fada mata ba.."

"Ni nafada mata amma bawai da wani abu nafada ba, haba baby tayaya zanje naci mutuncin iyalina awurin wacce ba iyalina ba? Nifa kawai cewa tayi tana so ku gaisa shine nabata number ki, anan take tambayata wai ta girmeki ko kin girmeta shine nace kin girmeta shekarunmu daya dake... Dan Allah kiyi hakuri"

Shiru tayi domin dama ta dade da hakura amma mamaki takeyi sosai wai yau itace shaddad yake bawa hakuri,

"Kin hakura? Uhm baby nah..?"

Dagowa da kanta tayi tana kallonshi shima itan yake kallo,

"Na hakura amma sai ka tafi da ATM card din nan ka ciri kudin siyayyar da zaka iyo mana"

"Baby bana son in rinka taba miki kudinki.."

"To ai ba tambayata kayiba, nice nayi niyya na baka, haba shaddad nifa kafi haka awurina wallahi duk abinda nake dashi zan iya mallaka maka, nasan abinda kake jin tsoro baka son inyi maka gori watarana, to ka kwantar da hankalinka bazan taba goranta maka ba domin mun zama daya, account dinma da babu wani kudi mai yawa aciki duk ginin asibiti ya lashe kudin..."

Sake rungumeta yayi cikeda kauna, "gashi kuma mijinki talaka ne balle ya kara miki wasu kudin ki karasa ginin.."

Dariya tayi tana shakar kamshin turaren active man dake fita daga jikinshi,

"Ina son mijina ahaka komai babunshi, da mai kudi da talaka duk daga Allah suke"

"Nagode baby Allah yayi miki albarka ya albarkaci rayuwarki data yaranki"

Dadine ya ratsata sakamakon addu'ar da taji yayi mata, sakinshi tayi tana kallonsa,

"Zanje saloon saboda wacce take zuwa tayi min agida tatafi garinsu"

"To idan kin shirya sai ki fada min in kaiki"

"Tom, bari nakawo maka breakfast.."

Daukar jaririnta tayi ta fita shaddad yabita da kallo cikeda so da tausayawa irin na masoya,tana fita suka yi kicibus da anty maijidda,

"Nazata ai acan zaku zauna keda jaririn" anty maijidda ta fada tareda karbar jaririn tayi gaba saboda tun dazu yan barka suka zo, kitchen maryama ta wuce ta karbowa shaddad breakfast takoma takai masa,

Zama tayi tafara bashi shima yana bata har suka koshi, tare suka fito tana rikeda farantin kwanukan da suka ci abincin, a falo yasamu su hajiya ya gaisheta sannan ya dauki nu'aima wadda ke zaune tana shan tea.

Zama maryama tayi khairat ta zana mata jan lalle mai kyau, sai da yayi jajur sannan aka cire, nan ta je ta sake yin wanka tana jiran shaddad ya dawo ya kaita wurin saloon domin ya fita da motar tata,

Shaddad bai dawo gidanba sai da mangariba, siyayya ce ya iyo mai yawan gaske duk abinda za a bukata saboda shagalin suna ya siyo shi sannan ya siyo raguna biyu manya,

Shigar musu da kayayyakin da ya siyo yayi cikin kitchen ya wuce dakinsa, mintuna kadan ya fito ya shiga dakin maryama yace ta fito ya kaita saloon din,

Anty maijidda sai fada take tana cewa ahakura da wannan saloon din, ko kwana 7 da haihuwa bata yiba amma har zata fita, hajiya ce tace abarta taje ai yanzu zasu dawo, nan maryama ta dauki hijab ta fita tana tafiya ahankali saboda har lokacin bata gama warwarewa ba,

A mota ta samu shaddad ta shiga,kallonta ya tsaya yi kafin yakamo hannayenta masu taushi wadanda suka sha jan lalle yafara gani,kissing din tafin hannunta yashiga yi dakyar ya saketa ya tashi motar suka tafi cikin gari,

Wani shagon saloon ya kaita ta shiga tabarshi acikin mota yana jiranta,

Tafi minti 40 kafin ta fito bayan angama yi mata gyaran gashin, zama tayi tana kallon shaddad,

"Allah sarki mijina yi hakuri yau sai wahalar dakai nake yi naki barinka ka huta"

Haske ya kunna acikin motar yana kallonta,

"Karki damu baby ai kinfi haka, muga gyaran kan da akayi miki"

Bude mishi tayi yagani maryama badai gashi ba, domin gashinta har kafadarta yake bakikkirin mai laushi,shafa gashin yayi,

"Nidai nayi dace duk wani abu mai kyau wanda ake bukata awurin mace matata ta mallakeshi, shiyasa babu ruwana da sha'awar na matan waje saboda nasan nima ina dashi agida na"

Murmushi maryama tayi ta mayar da dan kwalinta ta daura ta lulluba hijab dinta ajikinta,

"Banda zuga dai navy.."

"Ba zuga bace baby gaskiya ne, wallahi kina da duk wani abu wanda yake sakani farin ciki shiyasa lokacin da na tafi burtaniya idan kewarki ta dameni surarki kawai nake tunowa sai naji hankalina ya kwanta nasamu nutsuwa, gashi awurin akwai mata kala kala dayake wurin boda ne amma ni ko kadan basu taba burgeni ba saboda nasan inada wacce tafisu acan gida tana jirana ni kadai"

Murmushi maryama tayi ta shafi kumatunsa, "Allah sarki navy ashe dai kaima kayi missing dina wannan lokacin duk da baka sona sannan kana zargina da kula wasu maza awaje"

"Nifa dama najima ina sonki baby, kawai zafin kishine yake damuna idan natuno yanda naganku keda wannan yaron naziru a office dinki yana gyara belt din wandonshi, da yanda kike zuwa guest house wurin manyan mutane sai naga kamar ko akwai abinda suka taba amfana dashi daga jikinki amma ni bana zarginki ko kodan shiyasa ma da nayi tafiyar nan hankalina bai tashiba saboda nasan zaki kula min da kanki.."

"Lokacin da kaga naz yana gyara belt din wandonshi wallahi nice nayi masa fada saboda sai kaga bai daura belt ba kawai yabarta haka wandonshi yana faman sabulewa shine nayi masa magana to yana cikin gyarawa kai kuma ka leko, alh bashir kuma da nake zuwa wurinshi shine yayi min cuku cukun siyan wannan filin da nake gina asibiti na.."

Rungumeta shaddad yayi yana shinshina kanta yana shakar kamshin saloon din da akayi mata,

"Shiyasa annabi (S.A.W) acikin wani hadisi yace kabar abinda kake kokwantonsa izuwa ga wanda baka kokwantonsa, duk yanda ka kai ga ganin mutum mai laifine awurin Allah to karka kuskura ka yanke masa hukunci har sai ka ganshi ido da ido yana aikata laifin, nidai dama nadade da sanin cewar matata tawace ni daya.."

Kwace jikinta tayi tana murmushin dole amma azuciyarta tausayinshi take ji sannan dama tun jimawa ta fahimci cewar yanada tsananin kishi akanta saboda lokacin da basa shiri ya taba ganin text massage awayarta wanda dr fahad ya turo mata cewar yana nan yana jiranta bazaiyi aure ba har ranar da boko haram zasu kashe sojan mijinta sai ya aureta, masifar da shaddad yayi lokacin ba kadan bace har fahad din ya kira awaya agabanta yace masa to ko ya mutu shi bai isa ya auri matarsa ba,koda ma ya aureta to shi bai taka matsayin da ya takaba domin a bazawara ya aureta shikuwa tun tana budurwa yayi rayuwa da ita,

"Wai tunanin me kike yi?" Maganar shaddad ta dawo da ita cikin hayyacinta,

"Tunani nake nabar jaririna agida"

Murmushi yayi yafara driving, "naga alama dai kina ji da wannan jaririn"

"Yana kama da kaine shiyasa naji yafi shiga raina akan nu'aima"

"Nikuma kinga nafi son nu'aima saboda komai nata irin nakine sannan bata wahalar min dake kinyi dogon suma har ana tunanin kin mutu ba.."

Dariya maryama tayi tana kallonsa, cikeda farin ciki suka koma gida.....

*_Ummi Shatu_*👌🏻


[5/25, 9:20 PM] Ummi Shatu👌🏻: _®HASKE WRITERS ASSOCIATION (HWA)_


_*MARYAMA SARAUNIYA..!!*_



*_NA_*


*_UMMI A'ISHA_*



_Dedicated to Maryam Qaumi_💕


_Gaisuwa ga yan haske writers association, Afra bhai,Asmy b Aliyu, Ayusher mohd,Billy galadanchi,faxy fation, Phertymah Xarah,Hajja ce,Kausar luv, Khaleesat hydar,Lilmeerah cute,miss Xoxo,miss billy,Maman Shakur,maman Khadija,Nana diso,Nuceey love, Queen Mimi, Rash kardam and rest....,Allah yakara hada kanmu ina alfahari daku..._



_*51*_


aishaummi.blogspot.com



~~~Ahaka ranar suna tazo aka gudanar dashi cikin farin ciki da nishadi, yaro yaci suna Muhammad amma zasu kirash da nu'aim,

Aranar da akayi sunan mutane suka fara bajewa basu zauna ba kamar lokacin sunan nu'aima, iya hajiya da anty maijidda ne kawai suka zauna sai anty babba da khairat saboda yan aikace aikacen da za ayi washe garin suna amma su dinma aranar suka ce zasu tafi da zarar sun gama aikin saboda shaddad kiri kiri yanzu yake nuna musu so yake su tafi subarshi daga shi sai matarshi da yaranshi,

Hakance kuwa ta faru washe gari tunda asussuba su anty maijidda suka tashi suka gama soye soyen nama suka gyara gidan sannan suka yi girki, karfe goma na safe har sun gama dukkan abubuwan da zasuyi,

Waya shaddad yayiwa maryama yace yana kiranta, tashi tayi ta fita nan anty maijidda tabita da kallo tace,

"Idanma kunyi hakuri yanzu zamu tafi mu bar muku gidanku"

Dariya anty babba tayi, "ai yaron nan jarababbe ne wallahi daga gani baya barinta ta huta"

"Itama ai dama ta dade da sanin irin mijin data aura dan tun kafin ayi bikin na kora mata jawabi"

Dariya anty babba tasake yi, "to mudai ai yau zamu basu sarari suga filin gidansu"


Maryama na shiga dakin shaddad ta sameshi kishingide agefen gado nu'aima kuma tana jikinsa tana bacci,

"Baby kin san meye? Har baba lami karta zauna tabi su hajiya su tafi Kaduna idan da yiyuwar ta dawo zanje na dawo da ita"

"Haba mazaje har baba lamin ma tafiya zata yi? Aikin zai yimin yawa fa ga yara ga kula dakai sannan ga hidimar gida..."

Mika hannu yayi ya kamota zuwa jikinsa,

"Kema mazajen zaki kirani dashi kamar hajiya?"

Murmushi tayi, tafara wasa da zobunan gold din dake sanye a yan yatsun hannunta,nu'aima ya gyarawa kwanciyarta ya tashi zaune yana kallon fuskarta, ba karamin kyau tayi ba sannan ga barima ta gold akan hancinta,

Hannunshi yakai kan barimar yafara juyata acikin kofar bular dake kan hancinta, ba karamin kyau hudar hancin tayi mata ba saboda komai tayi yimata kyau yake,

"Idan baba lami tatafi ai gani, zan rinka yimiki duk aikin da kika sani.."

Murmushi tayi ta kalleshii, "karfa ka sake magana daga baya"

"Bazan sakeba.."

Yafada tareda kai bakinshi kan nata,kallonshi tayi tana kokarin tashi, "ka fito fa saboda may be sun gama shiryawa"

Fita tayi ta koma wurinsu anty maijidda wadanda suka kammala shirin tafiya,

"Uhm hajiya dadyn nu'aima yace baba lami ma basai ta zauna ba.."

Kallon anty babba anty maijidda tayi suka hada ido tareda saka dariya a lokaci guda,

"Danme zata tafi, idan ta tafi waye zai rinka tayaki sauran ayyukan gidan?"

Hajiya tafada cikin fada,

"Hajiya babu komai nima zanyi ai"

Fadin haka da maryama tayi yasa hajiya fahimtar cewar itama maryaman tafi son baba lami din tatafi,

"To shikenan sai mu tafi ai inyaso duk lokacin da kuka bukaci yar aikin na samo muku wata"

Shaddad ne ya shigo cikin dakin yana kallon su hajiya, "hajiya idan kun shirya muje na kaiku tasha.."

"Ah mun shirya, ku tashi mu tafi"

Kallon maryama khairat tayi, "adda maryama sai mun sake dawowa suna next year tunda na nu'aima ma last year muka zo gashi yanzu this year mun zo na nu'aim"

Dariya anty babba tayi, "ai kuwa dai wata shekarar ma muna tafe"

Ita dai maryama bata cemusu komai ba saboda hajiya na wurin, drewar din gadonta taje ta dauko kudi sabbi yan 200 rafa guda ta bawa shaddad, "gashi idan ka kaisu kabasu susha ruwa ahanya"

"Ke babu kudin da zamu sake karba duk, wannan hidimar da kikayi mana har sai kin kara da kudi?"

Hajiya tafada bayan ta tashi tana yafa mayafinta,

"Hajiya danma ban nuna miki kayan data baniba masu kyau wallahi har kala biyar kuma duk bata sakasu sosai ba sai munje gida zaki gani.." Khairat tafada tana murna,

"To angode Allah dai yasaka da alkairi yayi miki albarka maryama, Allah ya raya miki yaranki"

Tafiya suka yi bayan ta rakasu waje, sai da taga tafiyarsu sannan ta koma cikin gidan,wanka ta shiga tayi ta fito ta shirya ta tsuke sosai cikin riga da wando English wears, rigar pink colour ce mai budadden kirji agaban rigar an rubuta, _love makes heart to beat sweeter.._,sai matsattsen bakin wando wanda ya bayyanar da hips dinta sosai,

Tana tsaye gaban mirror tana taje gashin kanta shaddad ya shigo, tsayawa yayi yana kallonta ta jikin mudubin domin indai ba sani kayiba to idan kaga maryama bazaka taba zaton ta haihu ba,

Zuwa yayi ya rungumeta ya dora kansa akan kafadarta yana kallonta ta jikin mudubin,

"Kinyi kyau sosai.."

Kiss yayi mata a kumatu ya karbi pink colour ribom din hannunta ya daure mata gashin nata yajata suka fita zuwa falo, kwanciya sukayi acikin kujera suka fara yiwa junansu hira irin ta masoya, har shi kanshi shaddad sai da yayi mamakin maryama saboda yanda ta dage tana ta yimasa labarai kala kala wanda ta sani,

Sai da suka fara jiyo kukan nu'aim sannan suka bazama sukaje kai masa agaji.

Cikin farin ciki da kaunar juna sukayi wunin wannan ranar shaddad kuwa yana gida babu inda yaje, har 12 suka kai suna kallon wani American film a tashar MBC action,

Kashe komai shaddad yayi suka nufi dakinsa, wanka maryama ta shiga yabita cikin toilet din dole sai tare suka yi suka fito suka shirya cikin kayan bacci suka kwanta bayan sun saka nu'aim da nu'aima a tsakiya.

Karfe 9 nasafe maryama ta tashi nan taga kan gadon babu kowa sai ita kadai, fita tayi nan ta ga ko ina na gidan agyare tsaf anshare anyi mopping dinshi ga turaren wuta yana tashi, hatta nu'aima da nu'aim shaddad yayi musu wanka ya hadawa nu'aima tea tana sha, shi kuma yana kitchen yana soya chips da kwai,

Dakinta ta fada nan dinma ashare agoge sai kamshi yake, hatta toilet din an wankeshi sannan ya tara mata ruwan da zatayi wanka dashi, wanka tayi tana cikeda farin ciki ta fito ta shirya cikin wata hadaddiyar doguwar riga ja mai dan karamin hannu, gashinta kawai ta daure ta fita saboda yunwar da take ji,

Shaddad yana shirya table ta karasa wurinsa,

"Sannu navy gaskiya kasha aiki"

Murmushi yayi, "karki damu baby ai kinfi haka agareni, ni bawanki ne saboda kasancewarki SARAUNIYA,zanyi dukkanin iyawata saboda ganin na hutar dake baki wahala ba"

Kujera ya ja mata ta zauna ya zuba mata breakfast din, tare suka ci suna ciyar da junansu har suka kammala.

Tun daga ranar kullum kafin maryama ta tashi daga bacci shaddad ya tashi ya gyara gidan sannan ya shirya musu breakfast yayiwa su nu'aima wanka.

Yau ma tun kafin ta tashi ya gyara gidan yayiwa su nu'aima wanka yana tsaka da shiryata yana yimata kwalliya maryama ta fito ta shiga wanka har ta fito su shaddad