You Cannot Download this book untill you login but you can read it .

---

Login Register

akaiwa hajiya,

Khairat bata jima da tafiya ba shaddad ya shirya ya tafi Kaduna ashe zance yatafi wurin budurwarshi Amira saboda yanzu tayi candy, sai da yagama zancenshi sannan ya tafi gidan hajiya, tsabar zance yayi dadi wai har number din maryama ya bawa yarinya akan zata kirata su gaisa,

Duk lokaci zuwa lokaci yake zuwa Kaduna yanzu saboda Amira, ita maryama bata saniba, idan yana gida kullum yana makale da yarshi nu'aima hatta bacci tare suke yi, bikin blessing ne ya taso nan maryama ta hada mata sha tara ta arziki ta sallameta ta tafi garinsu, yanzu gidan yadawo sai su uku kacal, kullum da nu'aima maryama take zuwa aiki idan taje da ita kuwa bata sake ganinta sai idan tatashi zata dawo gida sannan ne zataje ta nemota su koma gida,

Tana tsaka da aiki acikin kitchen taji an kirata awaya, bakuwar number tagani ana kiranta awaya,

Dagawa tayi tun kafin tayi magana taji ance,

"Sannu amarya yar shekara 30 yanzu ke ko kunya bakiji ba kika dage kika auri yaro sa'anki, bayan kin san yadade yana sona tun ina jss 3 yake sona kuma har yanzu bai daina sona ba..."

Kashe wayar maryama tayi saboda ita bata iya fada ba, duk da ta kashe wayar Amira bata hakura ba sai da ta sake turo mata da text massage,

Haushi iya haushi maryama tajishi amma bata ko nunawa shaddad ba duk da tasan shine zai fadawa budurwar tasa cewar shekarunta 30 lokacin da ya aureta,

Cikin satin suka shirya suka tafi Kaduna gaida hajiya, ina ka saka ina ka ajiye haka hajiya tayiwa su maryama, shi kuma shaddad ya tafi wurin Amira saboda yana son ya turo ayi maganar aurensu da ita....





*_Ummi A'isha_*👌🏻
[5/21, 8:48 PM] Ummi Shatu👌🏻: *_MARYAMA SARAUNIYA..!!_*



*_NA_*


*_UMMI A'ISHA_*



_Dedicated to Maryam Qaumi_💕


*_46_*




~~~Amma koda yaje yayiwa Amira maganar sai tace masa ita makaranta zatayi ba yanzu zata yi aure ba,

"Amira kin san dai na dade ina sonki kuma hajiya ta matsa akan ayi ayi maza ai auren nan.."

Budar bakin Amira sai cewa tayi, "kuma ni ina ruwana da wata hajiya, ai ba itace zata yimaka auren ba da zata bi ta uzzura maka.."

Tunda tafadi haka yaji ransa yabaci sannan yaji yarinyar tafara fice masa arai saboda sam bata da kunya gata dai yarinya karama dan ko khairat da take kanwarsa ta biyu ta girme mata nesa ba kusa ba amma sai ta rinka fada masa bakar magana, duk da yasan harda yarinta acikin tsarin nata amma harda rashin kunya da rashin ganin girman nagaba, ta inda yake sarawa maryama kenan sam bata son bacin ranshi gashi tana mutukar kaunar mahaifiyarshi da yan uwanshi sannan duk abinda ya fada mata bata iya yimasa musu kuma duk tsanani baya magana ta mayar masa ko lokacin da yake yimata wulakancin nan farkon aurensu shiru take yi bata ramawa gashi dai ahaife ba girmanta yayiba amma tana bashi girma da daraja a matsayinshi na mijinta,

Cikeda bacin rai yabar wurin Amira ya koma gidan hajiya, kwanansu biyu suka koma Lagos bayan hajiya ta samowa maryama wata yar dattijuwa mai suna baba lami wacce zata zauna da maryama ta rinka tayata yan aikace aikacen gida saboda yanzu bata da mai aiki ita kuma hajiya ko kadan bata son taga maryama na shan wahala,

Komawa Kaduna suka yi suka cigaba da gudanar da rayuwarsu, nu'aima babu laifi ta girma tayi wayo sosai, shi kuwa shaddad dole yanzu ya hakura da maganar Amira musamman ma da yaga text massage din data turowa maryama awayar maryaman nan yasake jinjinawa maryama wurin hakuri da dauriya domin ba duk macece zata iya wannan ba da wata matarce Allah ne kadai yasan tashin hankalin da zasuyi da ita amma ita maryama ko nuna masa bata yiba, sannan baya ga haka ma tunda tafara jami'a ta hadu da wani guy ya ke hure mata kunne, yanzu kwata kwata ta juyawa shaddad baya, ganin haka yasa shaddad hakura ya kyaleta saboda dama hajiyarsu da sauran yan uwanshi ba son aurensa da Amira suke ba.

Watan nu'aima tara maryama ta fara laulayin wani cikin danma nu'aiman mai saurin girma ce sannan tunda maryama likitan yarace tana taimaka mata da wasu sinadirai masu gina jikin yara shiyasa ta taso cikin koshin lafiya dama kuma ba damuwa tayi da shan mama ba shiyasa maryama ta yayeta,

"Zo Mamana, ummice ta yaye ki ko ta hanaki shan abincinki, yi hakuri zamuje in siyo miki bobo.."

Tana ganin shaddad ya dauketa suka fita yawo, haka tayita laulayinta wannan karonma kamar lokacin da tayi na nu'aima, amma yanzu tunda bana farko bane ta ji dan dama dama, shiyasa ma ko hutu bata dauka ba a office har saida azumi yazo lokacin cikinta yana wata bakwai shine ta dauki hutu saboda tana son su tafi umarah itada nu'aima,

Shaddad bai hanata ba tunda da kudinta ta biya, nan aka gama musu dukkan shirye shiryen da ya kamata suka tafi,

Kullum suna waya da shaddad, satinsu uku acan suka dawo, nan shaddad ya karbesu da farin ciki domin yayi missing din matarshi sosai,

Gidan Dada maryama takai nu'aima saboda kullum sai ta rinka cemata zataje wurin dada tunda ta kaita bata daukota ba sai da zasu tafi Kaduna salla,

Kamar koda yaushe wannan zuwanma taji dadin yanda su hajiya suka karbeta kowa kamar zai hadiyeta dan so, sai da akayi salla da sati daya sannan suka koma Lagos,

Kwanci tashi da haka har watan haihuwar maryama ya cika, ranar da edd dinta ya cika aranar ta tashi da nakuda,shaddad ne ya dawo daga office ya kaita asibitin, wannan karon ma cs din za ayi mata, yana ganin lokacin da aka zo za awuce da ita nu'aima taje gaban gadon tana kuka,

"Ummi zaki dawo ko? Dan Allah Ummi karki tafi"

Jin abinda nu'aima take fada ne ya karyarwa da maryama zuciya har taji kwalla tana kokarin sauko mata batare da ta shirya ba,

Shi kansa shaddad sai yaji jikinsa yayi sanyi sosai, zuwa yayi ya kamo hannun nu'aima batare da ya iya kallon wurinda maryama take ba,

Yana nan atsaye har nu'aima tayi bacci akan kafadarsa, gida ya koma ya mayar da ita wurin baba lami ya sake dawowa asibitin,

Shida dadane a reception suna jira, can nurse tazo tace anciro jaririn suzo su ganshi, duk murnar da shaddad yake yi na zai samu karuwa amma sai yaji wannan lokacin ya nemi farin cikin ya rasa,

Wurin jaririn sukaje suka ganshi tubarakalla kato dashi mai kama da shaddad fitik, nan aka shirya yaron aka ajiyeshi acikin gadonshi,

Maryama kam awa da awanni bata farfado ba dan haka hankalin doctors din ya tashi sosai nan suka rufu akanta domin ceto numfashinta sai dai amma ina basu da wannan ikon daga karshe dai dole suka hakura domin tuni rai yayi halinsa maryama ta rigamu gidan gaskiya,

Dr muneerat ce ta fito jikinta yana rawa taje wajen su Dada amma sai ta kasa fada musu rasuwar maryama,

"Dr ta farfado ne?" Dada ya tambaya, girgiza kai dr muneera tayi,

"Yallabai sai dai muyi hakuri mu karbi kaddarar da Allah ya aiko mana.."

Hawaye suna bin kuncinta ta mikawa shaddad wata farar takarda,

"Gashi itace ta rubuta kafin ayi mata aikin.."

Karba yayi hannunsa yana rawa ji yake kamar mafarki yake yi, cikin rawar jiki ya warware takardar yafara karantawa,

"Mijina dan Allah idan nayi maka laifi ka yafe min, Allah ya hadamu a aljanna sannan dan Allah ka taimaka ko gawata ne ka fada mata Kalmar so duk da nasan ba ka sona, amma ka sani ni ina tsananin sonka son da ban san adadinsa ba, Allah ya raya mana yaranmu..."

Ai shaddad yana gama karantawa yaji kamar zai zube awurin saboda hajijiyar data fara daukarshi idanuwanshi suka rufe baya ganin komai sai duhu....


_Gaisuwa ga masoyana masu sona, ina mai baku hakuri sakamakon bana baku amsa da wuri idan kun yimin magana wallahi abinne yafi karfina shiyasa, sakonninku da yawa bazai yiyu in amsa a lokaci guda ba,nagode da kaunarku gareni, ummi shatu luvs u too.._
_*Ummi A'isha*_👌🏻


_®HASKE WRITERS ASSOCIATION (HWA)_




_*MARYAMA SARAUNIYA..!!*_




_*NA*_


*_UMMI A'ISHA_*



_Dedicated to Maryam Qaumi_💕



_*Gaisuwa mai dunbin yawa gareku masoyan maryama sarauniya ina jida ku sannan ina alfahari daku....*_



*_47_*



aishaummi.blogspot.com





~~~Duk karfin hali irin na shaddad wannan lokacin ji yayi ya kasa controlig din kanshi, idonshi cikeda wani irin duhu wanda ya hanashi ganin komai ya dubi dr muneerat,

"Tana ina?"

"Tana ciki.."

Bin bayanta yayi yana jan kafarsa domin bazai iya dagata ba, shi kuwa Dada yana nan tsaye awurin kamar an kafashi ya kasa koda motsi,

Tiryan tiryan shaddad yake biye da dr muneerat har zuwa dakin da maryama take lokacin har doctors din sunja farin kyalle sun lullubeta har fuska,

Jikinsa yana rawa hannunshi yana wani irin karkarwa ya yaye kyallen daga fuskarta, idanuwanta a lumshe amma kuma fuskarta dauke da murmushi kamar lokacin da tana raye, fadawa jikinta yayi ya fashe da kuka kamar ba namiji ba namijin ma soja,

"Dan Allah karki mutu maryama, kiyi hakuri kidawo muci gaba da rayuwarmu..."

Wani jirine ya debeshi daga nan ya zube awurin shikenan ya rasa hankalinsa bai sake sanin abinda yake faruwa ba, yana damke da takardar da maryama ta rubuta masa kam kam ya kasa sakinta ta fadi,

Kinkimarsa akayi akan wani gado aka nufi emergency dashi, koda Dada yaga haka sai ya kira driver yace yazo su dauki gawar su tafi da ita gida,

Haka kuwa akayi nan da nan aka fito musu da gawar maryama aka saka musu a mota suka nufi gidan Dada da ita, ahanya dada ya kirasu anty maijidda ya sanar musu, ai anty maijidda naji ta hau salati tana cewa,

"Wacce maryaman? Dazu fa ta kirani tace za ashiga dakin haihuwa da ita..". Nan ta kashe wayar jikinta yana rawa, tama rasa me zatayi dole sai samun wuri tayi ta zauna hawaye nabin kuncinta.

Koda Dada suka je gida kafin wani dogon lokaci har gidan ya fara dinkewa da jama'a, su anty maijidda da anty zainab sunzo sannan su hajiya ma da yan uwan shaddad su anty babba sunzo, in banda koke koke babu abinda akeyi, babu mai rarrashin wani, wani karin abin tausayin ma sai da su baba ladi suka karaso itada nu'ayma nan nu'ayman ta rinka neman umminta tana kuka,

Cikin lokaci kankani aka yiwa maryama wanka aka shiryata, mutane sai zuwa suke daya bayan daya suna yi mata addu'a,

Shaddad kuwa sai da ya dauki fiyeda awa daya kafin hankalinsa ya dawo jikinsa, bude idonshi yayi nan take mutuwar maryama ta dawo masa cikin kwakwalwarsa ai zunbur ya mike ya fincike karin ruwan da ake yimasa ya fita jiri na daukarsa ba tare da ya saurari kiran da nurses din dake cikin emergency din suke yi masa ba,

Motar maryama da suka zo da ita ya shiga yafita daga asibitin aguje, yana driving yana kuka sannan har lokacin yana damke da wasikar da maryama ta rubuta masa,

Gidan Dada yaje anan yaga mutane sun fara taruwa wadanda zasu yimata salla,

"Me kuke yi anan? Maryama fa bata mutu ba, wallahi bata mutu ba, ku tafi, ku tafi, maryama tana raye..." Tamkar mahaukaci haka yake ta fada yana kuka hawaye nabin kumatunsa, cikin gidan ya shiga, yana shiga nu'ayma taso tazo ta rungumeshi tana kuka,

"Dady ka kaini wurin Ummi.."

"Mamana umminki tana raye bata mutuba, wallahi bata mutuba..,maryama ba zata taba mutuwa tabarni ba, waye ma yace ta mutu? Bata mutuba.."

Kowa binsa yake da kallon tausayi saboda ya zauce hankalinsa baya tare dashi,

Sakin nu'ayma yayi ya nufi falon Dada inda gawar maryama take, yana zuwa ya yaye lullubin da akayi mata ya dauketa gaba daya ya rungumeta ajikinsa yana kuka, takardar data rubuta masa ya warware yana sake karantawa rubutunta gashi nan mai kyau irin na likitoci kamar da computer aka rubuta bada hannu ba,

Sake damke takardar yayi yana wani irin kuka kamar ba soja ba,

"Maryama wallahi ina sonki, dan Allah kiyi hakuri ki dawo zan nuna miki irin soyayyar da nake yimiki, wallahi maryama ina sonki tun ranar farko dana fara ganinki, kiyi hakuri maryama nauyin baki nayi ban taba furta miki ba amma da ace zaki iya bude zuciyata to da kinga sonki mamaye acikinta,

Kiyi hakuri maryama, ina sonki, ina sonki, wallahi ina sonki, maryama ina sonki.."

Kamar a mafarki yaji taja wata irin doguwar ajiyar zuciya,nan zuciyarta taci gaba da aiki numfashinta ya dawo,

"Yawwa maryama dama nasan ba zaki mutu ki barni ba, sai da nafada musu baki mutuba amma suka ki yarda... Ni dama nasan ba zaki mutu yanzu ki barni ba.."

Ahankali take bude idonta tana kallonsa hawayen dake fita daga idonsa suna sauka akan fuskarta,

"Maryama wallahi ina sonki, ina sonki maryama, waye yace miki bana sonki, wallahi ina sonki..." Fashewa yayi da kuka ya rungumeta,

Su hajiya dake babban falo suna jin duk abinda yake faruwa su duk a tunaninsu shaddad zaucewa yayi dan haka hajiya ta mike ta nufi falon domin bashi baki da yimasa nasiha kan yayi hakuri ya karbi kaddara domin dukkan mai rai mamaci ne,

Tana shiga ta ganshi rungume da maryama ita kuma maryaman idonta a bude tana jijjiga masa kai alamun yabar kuka, ai hajiya komawa tayi da baya har tana yin tuntube,

"Bata mutu ba, wallahi ashe bata mutu ba" hajiya ta fada cikin razani,

Nan itama aka fara yi mata kallon ko tabi sahun shaddad dinne basu gama mamaki ba sai da suka ga shaddad ya fito dauke da maryama a hannunsa kamar wata jaririya zai mayar da ita asibiti saboda tanata yimasa nuni da cewar cikinta ciwo yake yi mata,

Mimmikewa tsaye sukai suna kallonsu saboda ganin maryaman idanuwanta a bude sannan tanata rirrike shaddad,

Nan kuma kowa ya shiga murna anty maijidda harda tsalle, taya juna murna aka shiga yi, shidai shaddad fita yayi da ita, su Dada na zaune suna jiran afito da ita ayi mata salla aje akaita makwancinta sai ga shaddad ya fito dauke da ita idanuwanta a bude tana kallon kowa,

"Dama nafada muku maryama bata mutu ba, wallahi bata mutu ba"

Sakata yayi a mota ya zagaya da gudu shima ya shiga ya finciki motar aguje ya koma asibiti da ita, kamar mahaukaci haka ya dawo, daukarta ya sakeyi bayan sunje asibitin ya nufi ciki da ita yana shiga yayi kicibus da dr muneerat nan ta nuna masa dakin da zai kaita, tare suka shiga ya kwantar da ita akan gado, yana makale da hannunta acikin nashi dr tafara dubata daga karshe tayi mata wata allura sannan ta daura mata drip,

Kafin wani lokaci har asibitin ya cika da yan uwa duk sun baro gida sun taho nan, shaddad yana zaune agefen gadon yana rikeda hannun maryama ahaka duk yan uwa suka shisshigo suka dubata suka fita,

Juyo da kanta tayi ta kalli shaddad saboda yanzu ta dawo cikin nutsuwarta sosai,

Cikin sauri ya daga kanshi yaje saitin fuskarta,tareda sake damke hannunta,

"Maryama kiyi hakuri wallahi ina sonki, idan bana sonki ai bazan zauna dake ba, tunda kika ga na zauna dake ai dan ina sonki ne...

Kiyi hakuri maryama dan Allah karki tafi ki barni ni kadai, wallahi idan babu ke nima bazan iya rayuwa ba,

Kiyi hakuri muci gaba da zama tare nikuma nayi alkawarin zan soki zan nuna miki soyayya fiyeda irin wacce kike nuna min.." Yana maganar ne hawaye yana bin kuncinsa,

"Kadaina kuka please.." Tafada ahankali,

Kifa kanshi yayi a kirjinta ya rungumeta, ita dinma rungumeshi tayi tana shafa sumar kanshi,

"Ina abinda muka haifa?"

Sai a lokacin shaddad ya tuna da batun jaririn domin shi tun lokacin da yaji mutuwar maryama bai kara bi takansa ba,

"Bari nasa akawo manashi ki ganshi.."

Fita yayi ya samu nurses din da ke zaune awaje yace akawo musu jaririnsu,

Komawa wurin maryama yayi ya zauna yakama hannunta ya rike cikin nashi,

Har aka kawo jaririn yana makale da ita, "ni babu ruwana dashi tunda ya wahalar min da matata har tayi dogon suma akace min ta mutu.."

Murmushi maryama tayi ta leka fuskar jaririn ta gani,

"Masha Allah, yaro mai kamada babanshi sak" tafada bayan ta koma ta kwanta,

"Nima ramawa nayi ai, last time mai kamada ke kika haifa shiyasa nima this time around na dage na samu mai kama dani"

Murmushi maryama tayi tana kallon shaddad wanda idanuwansa suke jajur har lokacin,

"Maryama kiyi min uzuri kibani dama irin damar da phertymah xarah tabawa jawad lokacin da ya rusa mata MARTABARTA,nikuma nayi miki alkawarin zan zama tafida bazan manta alkairinki agareni ba domin shi AlHERI DANKO NE, zaman da nayi dake na fuskanci kinada hakuri da juriya da kawaici fiyeda Aishan Abdulhakeem wadanda suka yi rayuwarsu karkashin inuwar BIYAYYAR IYAYE, kiyi min alfarma irin alfarmar da Ikhlas ta yiwa Lamido lokacin da yayi amfani da kalmar hausawa ta cewa RUWAN KASHE GOBARA basai mai kyau ba, idan kika bani dama zan yi amfani da SANADIN GATA na mayar dake WANI HASKE acikin rayuwarmu data yayanmu irin yadda jabir ya mayar da bahijja, sai na mayar dake tauraruwa fiyeda yanda Awwab ya mayar da nihal acikin KWARYA TABI KWARYA, insha Allah zaki kasance MACE GUDA DAYA TILO acikin birnin zuciyata tunda kin dade da daukar AURE a matsayin YAKIN MATA.."

"Kana sona..?"

Rufe mata baki yayi da hannunsa guda daya, "kidaina wannan tambayar, da bana sonki da bazan taba zama dake ba"

Matsawa yayi saitin kunnenta, "akwai wani lokaci guda daya wanda shi kadai ya isa ya sanar dake dunbin kaunar da nake yi miki..."


Murmushi maryama tayi ta lumshe idanuwanta tana mai sake jin wata irin zazzafar kaunar shaddad tana kwaranya acikin zuciyarta....




_masoya kuyi hakuri da wannan, gani nayi hankalinku ya tashi ne shiyasa na samu nayi muku wannan..._


*_Ummi A'isha_*👌🏻


[5/25, 9:20 PM] Ummi Shatu👌🏻: _®HASKE WRITERS ASSOCIATION (HWA)_




*_MARYAMA SARAUNIYA..!!_*



_*NA*_


_*UMMI A'ISHA*_



_Dedicated to Maryam Qaumi_💕


_Wannan shafin nakune masoyan maryama sarauniya daku da takwarorinta gaba daya._




*_48_*



aishaummi.blogspot.com



~~~Shaddad yana rike da hannun maryama gefe daya kuma jaririn sune kwance agefen maryaman, gaba daya shaddad ya kasa tashi ya matsa ko nan da can saboda gani yake yi idan ya fita kafin ya dawo maryama ta mutu,

Ko sallah ya kasa zuwa yayi yana nan zaune kusa da ita kwakume da hannunta, tun suna yin hira tare har ta dan fara yin bacci, zuruf ya mike yaje ya kara kunnensa ajikin kirjinta nan yajiyo bugun da zuciyarta take yi, duk da haka hankalinsa bai kwanta ba har sai da ya kai hannunshi saitin kofofin hancinta yaji numfashinta yan sauka akan hannun nashi sannan yakoma ya zauna ya zuba mata ido kamar lokacin ne yafara ganinta, hakurinta da juriyarta yake tunawa da irin soyayyar da take yi masa koda wasa bata son taga yayi fushi ransa ya baci, dai dai da rana daya bata taba fada masa kalmar da zata bata masa rai ba, sannan duk tawon lokacin da suka dauka tare bai taba shakar wani abu atareda ita sabanin kamshi ba,

Bude idanuwanta tayi tana yi masa murmushi,

"Navy baka tafi gida kayi wanka ba?"

"Jira nake naga kin bude idonki kin gama baccin tukunna..."

Murmushi ta sake yi ta runtse hannunshi cikin nata,

"Tunda natashi to kaje ka tafi"

Hannunta yakai kan bakinshi yayi kissing dinshi tukunna ya mike zai tafi,

Bude kofa akayi khairat ne da anty maijidda suka shigo hannunsu rikeda dan karamin basket wanda suka hadowa maryama kayan tea aciki,

Komawa shaddad yayi ya zauna,

"Yaya Navy bakayi salla ba fa.."

Khairat tace tana dariya, "navy ai yau yazama baby.."

Anty maijidda tafada itama tana dariya,

Karbar kayan yayi yana murmushi ya hadawa maryama tea rabin cup ya koma bakin gadon ya tadata zaune ya jinginata da jikin pillow yafara diba a spoon yana bata,

"Navy baka fifita ba da zafi tea din..."

"Yi hakuri bari na fifita miki"

Wani cup din ya sake dauka ya fifita mata tea din sannan yaci gaba da bata su anty maijidda da khairat suna tsaye suna kallon ikon Allah,

Daf da zata kammala shanyewa ta kauda kanta tea din ya zuba ajikin habarta,

"Barshi haka ya isheni.."

Babu kunya shaddad yasa harshensa ya lashe wanda ya zuba akan habar tata, anty maijidda da khairat sai ficewa suka yi daga cikin dakin,

"Zanje gida nayi wanka nayi salla sai in dawo..."

"Abinci fa? Kaci abinci kafin ka dawo dan Allah"

Kiss yayi mata akan lebenta, "to sai nadawo"

Fita yayi tabishi da kallo, ta glass din window din dakin take hangoshi har ya bacewa ganinta,

Murmushi tayi ta janyo jaririnsu tana kare masa kallo komai na yaron irin na shaddad ne sak babu banbanci,

Fitar shaddad ce tasa wadanda ke zaune awaje suka shisshigo cikin dakin suna yiwa maryama sannu,

Shaddad na fita gidanshi ya wuce acan ya iske su hajiya da su anty karama da anty zainab suna kitchen suna girke girke,

Ganinshi yasa Nu'aima zuwa ta rungumeshi tana murna,

"Dady wai Ummi ta siyo mana sabon baby boy?"

Dariya maganar nu'aima tabishi, riketa yayi yana dariya, "ehh mamana umminki ta yimiki kani, zamuje ki ganshi ko?"

Kaita wurin hajiya yayi ya juya zai tafi,

"Kai shaddad sai ka nemo wani sunan da zan rinka fada maka saboda bazan kara kiranka da mazaje ba.."

Dariya yayi saboda jin abinda hajiya tafada yasan tafadi hakane saboda ta ga irin kukan da yayi dazu,

Dakinsa ya shiga yaje yayi wanka yayi salla ya shirya cikin blue din jeans da jar riga mai gajeren hannu,

Yana kokarin fitowane suka yi kicibus da anty karama zata kawo masa abinci, kamar ba zai zauna yaci abincin ba sai ya zauna saboda rokon da maryama tayi masa dazu kafin ya bar wajenta, yanzu so yake shima ya nuna mata so da kauna irin wacce ba ataba nunawa wata ya mace ba,

Cokali uku yayi a abincin ya fita ya dauki nu'aima suka tafi asibitin, lokacin da yaje ya samu maryama azaune tana rike da jaririn akan cinyarta sai khairat kuma dake zaune akan wata farar kujera tana yiwa maryama hira,

"Ummi ina babyn da kika siyo mana?" Nu'aima ta fada tareda kokarin hawa kan gadon, shaddad ne ya dagata ya dorata akan gadon shima ya zauna akusa da maryama,

"Gashi mamana, kaga yaya nu'aima.."

Maryama tace tareda dora jaririn akan cinyar nu'aima,

"Yarinya karama sai manyance" khairat ta fada tana dariya,

"Bawani manyance itama ai yanmata ce yanzu da me kika fita?"

Maryama tafada tana dariya, kallon shaddad tayi wanda ya maida hankalinsa akan wayarshi dake hannunshi,

"Kaci abincin kuwa..?"

Gira ya daga mata yana murmushi,

"Ban yadda ba Navy"

Bakinshi ya kai kusa da hancinta,

"Shinshina kiji zakiji kamshin curry"

Maimakon ta shinshina din kamar yadda yace sai kawai ta cijeshi, tashi khairat tayi ta fita ta basu waje,

Riketa yayi yana kallonta ido cikin ido fuskarshi kumshe da murmushi,

"Kika cijeni?"

Lumshe masa idanuwanta tayi tana yi masa murmushi,

"Tsautsayi ne.." Tace dashi tana wasa da hannunshi,

"Idanma bada tsautayin kika yi ba nayi miki uzuri, ni duk abinda kika yimin koda na bacin raine to ki dauka raina bai baciba domin ina maraba da duk wani abu da zai zo gareni mutukar daga gareki yake"

Bude idanuwanta tayi akan kyakkyawar fuskarshi tana jin wani irin farin ciki yana ziyartar zuciyarta...




*_Ummi A'isha_*👌🏻
[5/25, 9:20 PM] Ummi Shatu👌🏻: *_MARYAMA SARAUNIYA..!!_*



*_NA_*

*_UMMI A'ISHA_*


_Dedicated to Maryam Qaumi_💕



_*49*_



~~~Hannunta tasa ta shafi gefen fuskarshi tana murmushi,

"Nagode navy, Allah ya barni dakai har ranar da zan daina numfash..."

Rufe mata baki yayi da hannunsa guda daya,

"Ki daina ambatar wannan kalmar saboda bana son jinta, tana hanani sukuni sannan tana rabani da nutsuwata, bana fatan mu rabu har abada.."

Murmushi tayi idonta cikeda kwalla duk kalaman da yake fada mata ji take kamar a mafarki ne ba agaske ba,

Girgiza mata kai yayi yafara goge mata kwallar da ke kokarin sauka daga idonta,

"To kuma menene zakiyi kuka..?"

Murmushi tayi ta lumshe masa idonta, nan shaddad yaci gaba da zama atare da ita har dare yayi, koda daddaren ma da anty maijidda tazo tace zata kwana awurin su maryaman shaddad cewa yayi a,a shine zai kwana awurinta, sai dakyar anty maijidda ta samu ta shawo kansa ya hakura,

Mannawa maryama kiss a kan goshinta yayi sannan yafita ita dai anty maijidda binsu da ido kawai take yi,

Washe gari kuwa da sassafe sai gashi dauke da kayan breakfast shi ko karyawar ma bai yiba haka ya taho, azaune ya samu maryama kusa da ita yaje ya zauna yana kallonta,

"Baby sannu ya jikin naki?"

Kallonshi tayi tai murmushi, "Navy kenan, ina kwana?"

Kashe mata ido guda daya yayi, "kema dai daga ganina kin san ba lafiya na kwana ba saboda rashinki.."

"Bani tea din.."

Sauka yayi daga kan gadon ya hada mata tea ya fara bata da haka har anty maijidda tazo ta iskesu ta dawo daga karbowa maryama magani,

Gaisheta shaddad yayi nan tafice ta basu wuri saboda yanzu taga tashen rashin kunya suke, sai da yagama bawa maryama tea din sannan yatafi gida domin yin wanka,

Haka shaddad yayita zirga