You Cannot Download this book untill you login but you can read it .

---

Login Register

Khausar ta gyaɗa Sannan ta wuce sashen su.

Tana shiga Bedroom direct toilet ta wuce ta cire Uniform ɗin ta sannan ta watsa ruwa bayan ta fito ta dauki dogon rigar material pinch colour ta sanya, kana ta nufi kichen Agurguje ta dafawa su Haiydar jollof ɗin shin kafa da yaji bushesh-shen kifi da kayan ƙamshi nan da nan kichen ɗin ya ɗauki ƙamshi Warmers ta ɗauka ta juye sannan ta tafasa musu tea kana ta ɗura musushi, sannan ta fita falon dai-dai lokacin da Haiydar ya shigo.

Kallonsa Khausar tayi tare da kiran sunansa tace.
“Haiydar”.
Ya amsa da.
“Na'am”.
Cikin sanyi tayi ƙasa da muryanta tare da faɗin.
“Dan Allah Haiydar ka kwana anan kai da Ramadan, Raudat kuma zamu tafi da ita asibiti sai mu kwana da Mommy”.

Kai ya gyaɗa mata sai kuma yace.
“Nima ai inaso naje na dubata”.
Jinjina kai Khausar tayi tace.
“Ba damuwa kazo mutafi dukan mu amma yanzu zan fara shiga gidan Aunty Ruƙayya in sanar mata, idan yaso kai da Ramadan ku taho tare da Ummah,
In yaso sai ku dawo tare amma kubar min Raudat dan zamu kwana tare”.

“Toh shikenan Allah ya bata lafiya”.

“Ameen”,
Tace kana ta juya ta tafi har ta kusa fita ta sake juyawa ta kalli Haiydar dake tsaye Ahankali tace.
“Dan Allah Haiydar ka kula, bakomai za'a baka kaci ba, akwai abinci na dafa muku sannan duk wani abu da zaku buƙata akwai”.
Da sauri ya dafe kansa tare da faɗin.
“Ke dai jeki da rashin yardan ki kedai haka Allah ya halicce ki baki da yarda”.
Cikin sanyi ta girgiza kai kana tace.
“Shikenan ni dai ban san sai yaushe zaku yarda dani ba”.
Ta ida maganar tare da ficewa”.

Kai tsaye gidan Aunty Ruƙayya ta nufa.

Tare da Sallama tashiga Babban falon da yaji kayan alfarma kujerun set biyu aciki Black and Ash sai kuma babban tv plasma dake Manne abango daga ƙasansa kuma horm teater ne ƙasan falon kuma shimfiɗe yake da chanis capet.

Aunty Ruƙayya dake bedroom ta fito fuskarta ɗauke da murmushi tace.
“Khausar kece sannu da zuwa, shigo ciki”.
Da sauri tace.
“A'a Aunty sauri nakeyi ai”.
Cikin kulawa tace.
“Yo yasu Mommy ki?”.
Murmushi Khausar tayi tace.
“Wallahi Aunty Ruƙayya Mommy ce ke asibiti bata da lafiya, shine nace bari nazo na faɗa miki, Ni yanzu ma zan wuce ko za muje tare?”.

Cike da tausayawa Aunty Ruƙayya tace.
“Ayyah Allah ya bata lafiya zanje bari ina zuwa mu tafi tare”.
Kai Khausar ta gyaɗa da faɗin.
“Toh”.
Aunty Ruƙayya kuwa bedroom ta shiga tare kiran mijinta a waya, bayan ya bata izinine, ta ɗauko key mota da mayafinta suka fita,
suka shiga mota,
jingina kai Khausar tayi da jikin motar kalaman Hajiya Bunayya nayi mata suwwa akunne.
Juyawa Aunty Ruƙayya tayi ganin yanda Khausar ta zurfafa cikin tunani yasa tace.
“Ki riƙa yi mata addu'a”.
Kai kawai Khausar ta iya gyaɗa mata.
Cikin Mintuna kaɗan suka isa Asibitin bakinsu ɗauke da Sallama suka shiga ɗakin da aka kwantar da Mommy saboda Hajiya Bunayya ta faɗa mata.

Kwance akan gado suka tarar da ita yayin da Lamiɗo ke gefenta akan kujera hannunsa riƙe da kofin tea yana miƙa mata da faɗin.
“Ki tashi kisha”.
Yana jin Sallamar Khausar ya juya yana kallonta har ta isa kusa dashi.
Cike da kulawa yace.
“Khausar har kun dawo?”.
Kai ta gyaɗa kana tace.
“Eh Abba ya jikin Mommy!?”.
Sai da ya ɗan kalli Mommy dake jingine da pillow sai kuma ya mayar da Kallonsa kan Khausar yace.
“Da sauƙi”.
Sai asannan ya lura da Hajiya Rukayya ya ɗan yi murmushi da faɗin.
“Hajiya Ruƙayya sannu da zuwa”.

Zama tayi akujeran dake kusa da ita tana cewa.
“Yawwa ya Hajiya Aysha da jikin kuma?”.
Ɗan Murmushi yayi kana yace.
“Da sauƙi”.
Tana kallon Mommy tace.
“Ubangiji Allah ya ƙara sauki”.
Ya amsa da.
“Ameen ya hayyu ya ƙayyum”.

Khausar kuwa bakin gadon ta ƙarasa ta riƙe hannun Mommy acikin nata.
Cikin raunin murya tare da tausayawa mahaifiyar tata tace.
“Sannu Mommy ya Jikin?”.
Lumshe idanu Mommy tayi kana ta buɗe su a hankali tace.
“Da sauƙi Khausar bana jin komai in dan ta nice ma, da su sallame ni in koma gida mu kwana tare, dan bana jin ciwon cikin yayi sauƙi babu inda yake min ciwo!”.

Ajiyar zuciya Khausar ta sauƙe tare da faɗin.
“Masha Allah Mommy Allah yaƙara sauƙi Ubangiji ya ƙara tsarewa ya kare”.
A ranta kuwa cewa tace.
Ayyah da ace duk addu'o'in da takeyiwa Mommynta tun randa taci ferfesun da ace tana haɗa addu'ar da yaron cikin wata ƙil da bai zube ba.

Shafa kanta Mommy tayi cike da ƙaunar ta tace.
“Ameen Khausar ki kwantar da hankalin ki ba najin Komai”.
Ta faɗi hakan ganin yanda Khausar tayi zuru-zuru da ita.
Hajiya Ruƙayyance ta kalli Mommy kana tace.
“Hajiya Aysha ya ƙarfin jikin!?”

Murmushi Mommy tayi kana tace.
“Dasauƙi Hajiya Ruƙayya ya ‘Yar taki ya kuma rigima a makaranta!?".
Kallon Khausar Hajiya Ruƙayya tayi kana tace.
“A'a yanzu ai ta daina ta fara girma!”.
Jin haka yasa Khausar tayi murmushi.

Lamiɗo kuwa miƙewa yayi idanunsa akan Mommy yace.
“Toh shikenan bari na tafi dama ganin babu kowa ne yasa nake zaune bari na samu naje nayi wanka dan tunda muka zo ban samu na koma gida ba”.

Hajiya Ruƙayya tace.
“Ayyah ai babu komai Alhaji kaje”.
Jinjina kai Mommy tayi tace.
“Allah ya tsare”.
Ya Amsa da.
“Ameen”sannan ya juya ya fice.
Tafiyar Lamiɗo babu daɗewa Hajiya Bunayya da Hajiya Lami suka zo Raudat na riƙe da hannunta.

Suna shiga Hajiya Bunayya ta zauna daga gefen gadon tare da kallon Mommy tace.
“Sannu ƙanwata ya ƙarfin jikin?”.
Murmushi Mommy tayi kana tace.
“Ai naji sauki Yaya”.
Jinjina kai Hajiya Bunayya tayi cikin yanayin tausayawa tace.
“Allah ya baki lafiya”.
Hajiya Ruƙayya kuwa kallo ɗaya tayi wa Hajiya Bunayya da Hajiya Lami taji sam basu kwanta mata arai ba musanman ma Hajiya Bunayya dake wani shish-shugewa Mommy.
Ta dai daure tace.
“Sannunku da zuwa”.
Hajiya Bunayya da Hajiya Lami suka haɗa baki wajen cewa.
“Yawwa ya mai jikin”.
Ataƙaice Hajiya Ruƙayya tace.
“Da sauƙi”.

Hajiya Lami kuwa jikin gadon ta matasa Idanunta akan Mommy tace.
“Ayyah Sannu Hajiya Aysha Ashe ga abinda ya faru kuma? Amma wannan abu yayi yawa ai gwara Alhj yayi ƙoƙari ya fitar dake waje wannan matsalar ko yaushe da ansamu ciki ya zube ai babu daɗi!”.

Kafin Mommy tayi magana Hajiya Bunayya tayi saurin cewa.
“Kede bari Hajiya Lami abin nan yana damun mu, gaba ɗaya mun kasa gane menene ainihin matsalar, amma hankalinmu na tashi kullum cikin yanayin nan, abin babu daɗi yanzu ciki takwas kenan yana zubewa abin ai babu daɗi!”.
Taɓe baki Khausar da Hajiya Rukayya sukayi alokaci ɗaya.

Ahankali Mommy ta gyara matashin data kishingiɗa akai kana tace.
“Uyummm ya za'ayi da abinda Allah ya tsara, amma ni inaga nin ba wani matsala bane, tun da gashi na haihu bayan haihuwar Haiydar ma haka nata fama da ɓare-ɓaren nan, kuma daga baya da Allah ya kawo Ramadan da Raudat an haifesu ba komai ai”.

Cike da kirsa Hajiya Bunayya tayi yaƙe kana tace.
“Hakane kam, toh Allah ya kawo masu albarka”.
Hajiya Lami kuwa harara ta gallawa Mommy tare da taɓe baki aranta tace shegiya me iyayin jaraba keda haihuwa sai dai kiga anayi.

Idanun Hajiya Ruƙayya da Khausar na kan Hajiya Lami alokacin data taɓe baki ta harari Mommy,
Juyawa Hajiya Ruƙayya tayi ta kalli Khausar tare da jinjina kai itama Khausar kai ta jinjina.

Miƙewa Hajiya Ruƙayya tayi tare da kallon Mommy tace.
“Toh Hajiya Aysha Ubangiji Allah ya ƙara sauki sannan Allah ya tsareki daga sharrin abin ƙi ni zan wuce!”.
A hankali Mommy ta ɗan yunƙura tare da lumshe Idanunta kana tace.
“Ameen ya hayyu ya ƙayyum Hajiya Ruƙayya Nagode”.

Hajiya Lami da Hajiya Bunayya kuwa baki suka saki suna kallon Hajiya Ruƙayya da Mamaki aransu suka ce kaji shegiyar mata da iyayi uban wa takewa wannan addu'ar.
Miƙewa Raudat tayi tare da riƙe hannun Hajiya Ruƙayya tace.
“Aunty Ruƙayya ni zan biki gidanki, Inje in kwana dasu Salman tun da gobe babu makarata”.
Da sauri Khausar ta kalli Raudat dake riƙe da hannun Aunty Ruƙayya tace.
“Ayyah Raudat am baza mu kwana ba?”.
Girgiza kai Raudat tayi tare da langwaɓar da kai kana tace.
“ Ni dai Ina tsoro ni bazan zauna ba”.
Kai Khausar ta gyaɗa da faɗin.
“Shikenan kibi Aunty Ruƙayya”.
Murmushi Aunty Ruƙayya tayi tare da jan hannun Khausar dake cikin nata

Har sun kai ƙofa Hajiya Bunayya ta ƙirƙiri murmushi tana kallon bayan Raudat tace.
“Oohhh Raudat ba zaki bini mu tafi gida ba?”.
Kafaɗa Raudat ta maƙale tace.
“A'a ni zanbi Aunty Ruƙayya”.
Aunyty Ruƙayya kuwa jan hannun Raudat tayi suka fice batare data sake jiran jin Abinda Hajiya Bunayya zata ceba.

Bayan tafiyar Aunty Ruƙayya babu da ɗewa Hajiya Bunayya ta miƙe tare da kallon Mommy tace.
“Toh ƙanwata zamu wuce Allah yaƙara sauƙi”.
Murmushi Mommy tayi da faɗin.
“Nagode Yaya ahuta gajiya”.
Hajiya Lami tace.
“Babu Gajiya”.
Sannan suka fice Khausar kuwa jinginar da kai tayi kamar mai bacci.

Da daddare Khausar ta miƙe daga kan dogon kujeran asibitin da take kwance ta dubi Mommy da bacci ya fara fisgarta tace.
“Mommy”.
Buɗe idanu Mommy tayi tare da kallon Khausar tace.
“Na'am Khausar ya akayi?”.

Ajiyar zuciya Khausar ta saki tana wasa da yatsun hannunta tace.
“Mommy baki zargi perpesoup ɗin nan da kika ci azubewar cikin nan ba!?”.
Sosai Mommy ta tsira mata ido na second uku zuwa biyar sai kuma ta miƙe daga kwanciyar da take Atake fara'ar dake fuskanta ya gushe cikin ɗaure fuska cikin kakkausan Murya tace.
“Khausar!, Khausar!!, Khausar!!!, Ki cigaba Nagode da abinda kike min Khausar, duk irin tarbiyyan da nake baki fatali kike dashi ko, kina ɗaukar rashin yarda kina ɗaurawa mutane ki sani Manzon Allah (S.A.W) Yace.
:Azzana zambu walau kana haƙƙun”.
Khausar kuwa ƙasa da kai tayi hawaye masu zafi suka cika Idanunta shin sai yaushe mahaifiyarta zata amince da gaskiyar da take so ta sani akan Hajiya Bunayya basa ƙaunarta cutar da ita suke sonyi.
Cikin sanyi murya tare da rauni gami da ban haƙuri tace.
“Shikenan Mommy kiyi haƙuri Allah ya huci zuciyarki”.
Mommy bata tanka taba ta juya ta gyara kwanciyar, ta itama Khausar juyawa tayi ta kwanta zuciyarta babu daɗi.

Washe gari Alhamis Da safe Dr ya shiga ya basu sallama dan jikinta yayi sauƙi Sosai Lamiɗo da kansa yaje ya maido su gida.
Suna dawowa Hajiya Bunayya ta shigo hannunta riƙe da babban Warmers da tayi Perpesoup ɗin Kaji ta shigo dashi.
Zama tayi akan 2sitter tace.
“Sannu ƙanwata ya ƙarfin jikin?”.
Mommy tayi yar dariya tare da faɗin.
“Jiki yayi sauƙi Yaya sai faman hidima kike dani kamar wacce tayi haihuwar farko?”.
Dariya Hajiya Bunayya tayi da faɗin.
“Ai mai ɓari yafi son akula dashi fiye da mai haihuwa”.
Khausar dake tsaye duk takaici ya gama cikita gashi babu dama ta faɗawa mahaifiyarta gaskiya sai ta hau kanta da faɗa bayan da ta iya daga ƙarshe ma Saboda takaici kawai sai ta koma Bedroom ɗin ta ta fara karatu.

Wunin ranan haka Hajiya Bunayya ta yini tare da Mommy ta cigaba da kulawa da ita.

Washe gari juma'a dai-dai lokacin da maza suka tafi Juma'a dai-dai lokacin da kowa ya tafi Sallar juma'a Akuma lokacin ne Hajiya Bunayya da Hajiya Lami suka tafi gidan Boka Kar'uzu.

Khausar da Mommy ne zaune suna hira sosai jikin Mommy yayi ƙarfi abinka da mai juriya ga kuma kulawa da take samu.
Sallamar Aunty Ruƙayya ya katse musu hirar da suke.
Khausar ta faɗaɗa fara'ar fuskarta kana tace.
“Aunty Ruƙayya sannu da zuwa ina Affan?”.
Murmushi Aunty Ruƙayya tayi tana zama tace.
“Affan yana lafiya bacci ma yake ya mai jikin”.
Khausar tace.
“Jiki da sauƙi”.
Aunty Ruƙayya tace.
“Masha Allah Ubangiji ya ƙara sauki”.

Cikin sakin fuska Mommy ta gyara zaman hular dake kanta tace.
“Hajiya Ruƙayya sannu da zuwa ya gajiyarki?”.
“Hajiya Ruƙayya tayi murmushi da faɗin.
“Babu gajiya ya jikin naki?”.

“Jiki yayi sauƙi ya yara?”.
Alhamdulillah ta bata amsa.

Khausar kuwa miƙewa tayi cikin neman izinin tace.
“Ayyah Mommy zanje gidan su Asma'u?”.
Ido Mommy ta zuma mata, na tsawon second bakwai tana kallonta kana tace.
“Toh yayi kyau”.

Khausar kuwa juyawa tayi ta shiga Bedroom Dogon rigar dake jikinta ta cire tare da ɗaura towel tashiga toilet,
shawer ta ɓude ta sakarwa kanta ruwan ɗumi,
ta ɗauki kusan minti shabiyar kafin ta fito ɗaure da towel da tsawon sa bai wuce gwiwar taba yayin da ƙarami ke kanta tana tsane ruwan kanta.
Stool ta janyo ta zaune tare da goge ruwan jikinta ta ɗauki Vassiline lotion ta shafa kana ta ɗauki powder ta shafe sai kuma Kajol ta zizara a idanunta mascara ta ɗauka ta taje gashin Idonta da sukayi tsayi tamkar tasa Eyelashes golb mai sheƙi ta ɗauka ta shafa asaman pinch lips ɗin ta sai yayi kamar jan baki ta shafa kallon fuskarta tayi a mirrow sosai tayi kyau.
Miƙewa tayi ta nufi jikin durowar ta buɗe uban kayan dake ciki ta zubawa ido ahankali Idanunta suka sauka akan wani Less Coffee da aka masa adon cycle da rastin Milk colour ta janyo ta sanya Masha Allah Sosai ɗinkin less ɗin ya mata kyau tare da fitar da shape din jikinta skirt ɗin ya zaune ɗass ajikinta tare da fitar mata da tsarerrenn ƙugunta haka ma rigar ta zauna ɗass ajikinta ɗan kwalin ta ɗauka tayi ɗauri mai kyau sai kuma ta ɗauki glaye medium size milk color kana ta feshe jikinta da turarukanta masu daɗin ƙamshi.

Falon ta fita tun kan ta isa Aunty Ruƙayya ta ɗago kanta tare da tsira mata Idanunta jin ƙamshin daya ratsa hancinta ta saki murmushi kana tace.
“Iyeee Masha Allah Khausar irin wannan kyau sai kace preety ta ƙasar India”.
Hannu Khausar ta sanya ta rufe fuskarta tana dariya sai kuma ta buɗe tace.
“Kai Aunty Ruƙayya Ina Zan samu koda rabin kyawunta ne?”.
Ware ido Aunty Ruƙayya tayi kana tace.
“Allah kuna kama dan da zakije India ma cewa za'ayi ke ƙanwarta ce, har rawan kanki ma irin natane a Film ɗin Chori-Chori Cubke-Cubke ne”.
Mommy Kam murmushi take musu batare da tace komai ba.

Khausar kuwa Murmushin jin daɗi tayi tare da tsugunnawa ta ɗauki wayar Mommy tace.
“Mommy zan tafi da wayarki".
Kai kawai Mommy ta gyaɗa mata sannan ta ɗauƙi wayar tare da faɗin.
“Na tafi”.
ta ida maganar tana gyara zaman Handbag din Hannunta tare da ciro earpiece aciki
Suka haɗa baki wajen faɗin.
“Adawo lafiya".
Kai ta jinjina tare da ficewa,
Abokin gate ta haɗu da Haiydar riƙe da MP ɗin sa, cikin sauri tace.
“Yauwa Haiydar dan Allah aramin MP ɗinka”.
Cike da mamaki ya zuba mata ido tare da cewa.
“Yau kuma to ke kuma da ba jin kiɗa ya dameki ba, me zakiyi dashi?”.
Kai ta ɗan jinjina tare da cewa.
“Wallahi yau dai shauƙi nakeji zanje wurin Asma'u mu ɗan rausaya”.
Murmushi yayi yana mamakin wai yau Khausar ce da cewa zata sha ƙiɗa, kawai miƙa mata yayi. Tare da cewa.
“Kuma kikasa gyale ko?”.
Cikin daɗi tace.
“Ngd kai rabani kullum mutum liƙe da hijabi kamar maitakaba” na mgnar tana fita ta tari adaidaita sahu ta shiga.

Acan ɓangaren Moddibo kuwa bayan an idar da Sallah juma'a ya kalli M Jameel dake Driving yace.
“J yakamaya muje mu gaida Ummi kafin mu koma gida!”.
Kai ya Jinjina kana yace.
“Dama abinda nake son faɗa kenan ka rigani”.
Gyara zama Moddibo yayi tare da lumshe idanunsa yana sauraron ƙira'ar dake tashi amotar kana ya shafa sajensa yace.
“Muje toh”.
Kai M Jameel ya gyaɗa tare da juya akalar motar zuwa unguwar su Ummi.

Suna cikin tafiya wayar M Jameel ya hau ruri yana duba screen ɗin wayar yaga Bahrain ba suna sai Number Dariya M Jameel yayi still hankalinsa nakan Driving din yace.
“Jalaludden! Wallahi Jalaludeen!! nayi mana abinda ransa keso”.
Moddibo da Idanunsa ke lumshe yayi ɗan guntun Murmushi ba tare daya buɗe idanun ba yace.
“Toh ka ɗaga mana kar ya yanke”.

Picking M Jameel yayi tare da Sallama.
Amsawa Jalaludeen yayi da faɗin.
“Idan kun isa ku gaishe da Ummi”.
M Jameel yayi Murmushi kana yace.
“Kana biye da mu ne?”.

“A'a bana biye daku na dai rigaku zuwa na gaisheta”.
Cewar Jalaluddeen
Dariya M Jameel yayi sai kuma ya zare ido yace.
“Wallahi Jalaludeen kada ka razana mana tsohuwa!”.

Murmushi Jalaludeen yayi yace.
“A'a bazata ra zanata ba sannan ba zata tsorata ba ai mun taɓa zuwa tare daku baku dai sani bane kuma na bayyana mata ta ganni”.

“Wallahi Jalaludeen ka kiyaye mufa”.

Dariya Jalaludeen yayi kana yace.
“Tare dai mukayi sallama jumma'a a sahu daya.
Yanzu kuma Na dai hango ku ahanya zakuje yanzu ina katakon nan?”.
Da sauri M Jameel yace.
“Wani katakon?”.
Cike da tsokana Jalaludeen yace.
“Katakon dake gefenka”.
Murmushi M Jameel yayi tare da kallon Moddibo yace.
“A.J ɗin nawa ne katako?”.

“Eh inba katako ba shi menene? ka faɗa masa cewa akwai furen dake ƙoƙarin tsiro a jikinsa tun daga ƙasa har ya isa zuciya ya gab da kanshi tuni ma ya ratsa zuciyarsa amma bai sani ba”.
Murmushi M Jameel yayi tare da kallon Moddibo da still Idanunsa ke lumshe kamar mai bacci kana yace.
“Wai yace in faɗa maka akwai furen da zai fito tsakiyar kanka yama ratsa zuciyarka”.
Sai asannan Moddibo ya buɗe idanunsa ya kalli M Jameel tare da faɗin.
“Ka ganni karabu dani da kalaman Jalaludeen, shiya sani can yaje yata faman maganganunsa da baza ka gane kansu ba bare gindinsu ya riƙa yi mana maganar damu mutane zamu gane ba sai wanda sai sune masu ganewa ba”.

Dariya Jalaludeen yayi yace.
“Zaka gane ne ai lokaci ne yana zuwa”.
Dariya M Jameel yayi tare da hong aƙofar gidan Ummi ganin shiru ba'a buɗe masu bane yasa, M Jameel fitowa ya buɗe, kana ya dawo yaja motar still kafaɗarsa saƙale da wayar
Jalaludeen ne yace.
“Ku gaishe da Ummi idan kun shiga”.
Sannan ya katse wayar kana shi kuma ya kutsa kai cikin gidan.

Dai-dai lokacin da a dai-dai-ta ya ajiye Khausar kudinsa ta basa tare da buɗe ƙaramin ƙofar dake maƙale da gate ɗin tashiga,
Batama lura da babban gete ɗin dake ɗan buɗe ba,
ganin mota a fake a harabar gidan yasa ta isa wajen kasancewar glass ɗin tink-tenk ne yasa bata fahimci da mutane aciki ba rawar kanta kuma ya hanata fahimtar alamun yanzu motar ta tsaya.

Jikin gefen mai zaman banza ta nufi tare da kallon fuskarta ajikin mirrow sai kuma ta juya manyan Idanunta kalaman Aunty Ruƙayya suka dawo mata kunne tana kama da Preety matsa pinch lips ɗin ta tayi tare da lasa kadan sai kuma ta juya manyan Idanunta.
M Jameel kuwa dake mazaunin Driver murmushi ya saki domin ya tabbata bata san da mutane aciki ba.

Acan ɓangaren su Hajiya Bunayya kuwa zaune suke gaban boka Kar'uzu cikin tsananin ɓacin rai da fushi Boka Kar'uzu ya buga musu wata razananniyar tsawa cikin sautin muryarsa mara daɗin sauti
bayan ya gama sauraron Hajiya Bunayya yace.
“Ai seda na faɗa muku aduk lokacin data fara aiki da maganin kada tayi alwala da sallah na tsawon wata ɗaya amma saboda taurin kai kuka bari tayi alwala tayi sallah shiyasa yake kallon fuskar ta kamar na ƙonennen Biri”.
Atsorace Hajiya Bunayya ta juya ta kalli Hajiya Lami da itama ɗin Iran take kallo.
Sun kasa hafimtar sharrin boka na wasa da hankali da ƙarya sun kasa tuna sam bai faɗa musu hakanba a lokacin, su kasa aminta mgnar boka dubune babu gsky ko ɗaya sai yaudara da taɓewa.

Acan ɓangaren su Moddibo kuwa sake kallon madubi Khausar tayi tare dasa hannu ta gyara man lips ɗin ta sai kuma danna MP ɗin cikin Sa'a kuwa sautin waƙar BUGA ya fara tashi.
A hankali ta gyara tsayuwar ta, tare da fara jujjuya ƙugunta a hankali tana mai rausaya jikinta.
Zuwa tsakiyar waƙar kam fa da abu ya jiƙa, sai ga mayafinta bisa kafaɗarta gefe ɗaya, sosai take jujjuya mazaunenta tare da motsa dukkan jikinta, tana mai kallon kanta a madubi.
Sai kuma ta kalli Glass ɗin tare da ɗaura bakinta akai ta saki zazzafan kiss muahhhh.
Shi kuwa Moddibo dake zaune idanu ya zuba mata tare da manna kumatunsa adai-dai glass ɗin sai kuma hakan yasa lips ɗinta sauƙa kan....!


FREE page sun kusa ƙarewa 0661110170 GTBank AISHA ALIYU GARKUWA ki biya 1k dinki ya isheki



By
*GARKUWAR MARUBUTA*
[19/07, 7:44 PM] Halimatu A/rahman Sadeeya: 📝✨💫⏰🤴🏻👹❤️❤️❤️🍇

*SAKAYYAH*
_Page 12_

_NA_
*AYSHA ALIYU GARKUWA*

🍇🍇🍇🍇🍇🍇🍇🍇🍇🍇

*Littafin SAKAYYAH na kuɗine wannan Free page ne ƴar uwa ki biya ki karanta cikin Aminci 1k ne kacal 0661110170 GTBank AISHA ALIYU GARKUWA sai ki turo min shaidar biyanki ta WHATSAPP 09097853276 saura shafi huɗune kacal ana biyar na gama Free page*



Da sauri Modibbo ya rintse idanunsa, tare da shafa sajensa domin, badan glass dake tsakani ba da akan tattausan sajensa sumbatar zata sauƙa.
Shi kuwa M Jameel cikin sauri ya lumshe idanunsa tare da gyara zamansa yana fuskantar ta da kyau.
Ita kuwa Khausar hannu tasa tare da gyara zaman ɗaurin ɗan kwalinta, sai kuma ta canza Baitin da take ji zuwa.
Waƙar Lamba tana marming tamkar zabia kai kace itace ta raira waƙar, bin baitukan takeyi tana jujjuya manyan idanunta, tana mai girgiza jikinta zuwa ƙugunta.
lumshe manyan Idanunta kumayi tare da fitar da sautin zazzaƙar muryanta a fili ta tace.
“Kai zan yiwa kalamaina.
Kai zan baiwa muƙamai na. Ungo makullaina ka riƙe.
Ta ida bautin tare da nuna saitin fuskar Moddibo da yar yatsarta ma nuniya.
Wani irin shu'umin murmushi M Jameel ya sake tare da sa hannunsa ya riƙon hannun Moddibo da ya yunƙura zai ɓalle karfin motar.

Ita kuwa Khausar, cikin azama taci gaba da bin waƙar cike da zazzafan shauƙi tace.
“Ni ban furta da wasa ba, samari dukka basu kai ba, kana nan banganin kowa da ido, dan basu isheni kalloba”.
Tayi mgnar bisa alamu daga ainihin cikin ranta take bin waƙar, M Jameel kam murmushi yakeyi cike da shauƙi.
Modibbo kuwa ya cika yayi fam dan har ransa yakeji yarinyar ta tarainashi gani yake kai tsaye ma dashi takeyi, gashi kuwa M Jameel ya riƙe masa hannunsa ƙam-ƙam.

Ita kuwa Khausar mazari uwar rawa, ƙugunta da ƙirjinta take motsawa a slowly tana mai ci gaba da cewa.
“Kai zaka zauna adamana, kuma ka bani gurin kwana, wannan shine fassarar mafarkin da nake kullum cikin baccina”.
Wani irin yar-yar Moddibo yaji tsikar jikinsa na tashi domin suna jinta ras kasan cewar Glass ɗin bayan motar a suna ƙasa kaɗan.
Ita kuwa Khausar
ida baitin tayi tana mai nuna Moddibo dake kwance jikin kujeran Idanunsa alumshe da yatsan hannunta tana murmushin dake ƙarawa fuskarta kyau.

Shi kuwa Moddibo Cikin fushi ya fuzge hannunsa daga riƙon da M Jameel yayi masa tare da sanya tattauaan tafin hannunsa da niyyan buɗe motar.
Shi kuwa M Jameel cikin sauri ya riƙe tafukan hannunsa da ƙarfi tare da girgiza masa kai alamar ya bari suga iya gudun ruwanta.

Ƙwafa Moddibo yayi tare da jingina bayansa da jikin kujeran ya cigaba da kallonta.
Ita kuwa rawanta ta cigaba dayi tana Girgiza jikinta ganin abin nata ba mai ƙare wa bane yasa Moddibo buɗe motar cike da tsananin fusata.

Kamar walƙiya ko wanda ya diro daga sama haka taga Moddibo a gabanta,
Cikin tsoro, mamaki, da kiɗima kalli fuskarsa cikin zare ido ta tayi ƙasa da kanta,
domin bata tsammaci da mutum aciki ba.

Shikuwa Moddibo cikin nutsuwarsa da kuma kamala ya fito daga motar tare da tsaida idanunsa akanta yana mai ƙara tsananta suƙe fuskarta da ya ƙara razanata.

Ita kuwa cikin tsananin ruɗu da tashin hankali mara misaltuwa ta ɗaura hannunta akai.
tare da zubewa akan gwiwoyinta tana mai girgiza kanta gaba ɗaya ta gaza cewa komai.

M Jameel kuwa gefen Driver ya buɗe tare da fitowa yana dariya mai sassayan sauti,
dai-dai lokacin da Ummi da Asma'u suka fito daga cikin gidan zuwa harabar gidan.
Idanu Ummi ne suka sauƙa akan Moddibo da M Jameel kafin kuma ta maida ganinta kan Khausar dake durƙushe ta kama kai da hannunta duka biyu,
cike da mamaki asaman fuskarta Ummu tace.
“A'a ikon Allah Khausar lafiya ya dai haka!?”.
Kasa cewa komai Khausar tayi, still hannunta na kanta haka zalika ta kasa ɗago kanta banda bugawa da ƙarfi babu abinda zuciyarta keyi da ƙarfi.

Ganin Ummi da tambayar da take yiwa Khausar yasa Moddibo basarwa kamar baisan da ruwan ɗigon Khausar dake tsugunne gabansa ba,
cike da nutsuwa da kuma takun ƙasaita ya janye ƙafarsa da ya ɗaga da niyar zaiyi wasan ƙollo da Khausar ɗin yana mai maida fushinsa ya haɗiye ya juya ya nufi gaban Ummi.

Murmushi Ummi tayi Idanunta akan Moddibo tace.
“Sannun ku da zuwa Babana, dama yanzu nake shirin zuwa unguwa zanje duba jikin Maman Khausar”.
Ta ida mgnar ta maida kallonta kan Khausar da har zuwa yanzu take durƙushe sai dib dab dib dab da sautin zuciyarta ke badawa, cikin kula tace.
“A'a Khausar yaushe kika